الاخت العزيزة انغام الشرق
والاخوة الاحباء كل مدرسى الموسيقى
اقدم لكم
غنينا والعالم غنى
هى فى الاول كانت المقمة الموسيقية مقطوعة بعدين لقيتها فى آخر الكليب هى صولو قانون بيعزف نفس الجملة بتاعة الكورال بس طبعا العازف شاطر وبيتفزلك بيطلع مهارته بس طبعا ده ماينفعش فى المدراس لنك كمدرس او لو طالب شاطر عندك بيعزف هو بيقول الجملة اللى الاولاد حيغنوها ولو العازف بتاع المقدمة اتفزلك ساعة الغنا مش حتلاقى الكورال
ودى معلومة مهة يعنى طبعا التلاميذ غير الكورال المحترفين لازم يبقى فيه حاجة تساعد ان التون والجملة مايضيعوش من ودنهم وإلا حتلاقيهم يغنوا لحن تانى فى يوم تانى فى شهر تانى فى سنة تانية وممكن فى المدرسة اللى جنبيكم
انا اللحن عجبنى الجملة ظريفة بس خلوا بالكم لأن برضو اللى بيغنوا بيتفزلكوا يعنى ركزوا مع اللحن الاساسى
انا مرة ( وانا موجه اول ) رحت مدرسة لقيتهم بيغنوا نشيد الحلم العربى لقيتهم محفظين التلاميذ كل تلميذ كوبليه بلهجة المطرب العربى الاصلى لقيت العيال بتغنى حلو لكن اللهجة المختلفة واللى مش متعودين عليها بتلخبطهم
طبعا نبهتهم يعنى المؤلف بتاع الحلم العربى مصر واللهجة الاصلية مصرية لكن استضافة المطربين العرب وكل واحد بيغنى كوبليه طبعا المطرب السعودى او الكويتى بيغنى بلهجته لكن ان لو غنيت كوبليه اكيد الصح اغنيه بلهجتى انا
عشان اتقنه اكتر
مع اطيب تحياتى