عرض مشاركة واحدة
  #20  
قديم 31/10/2011, 18h10
الصورة الرمزية تيمورالجزائري
تيمورالجزائري تيمورالجزائري غير متصل  
مواطن من سماعي
رقم العضوية:246641
 
تاريخ التسجيل: juin 2008
الجنسية: جزائرية
الإقامة: الجزائر
المشاركات: 1,259
افتراضي رد: عبد الكريم دالي


"إبراهيم الخليل"

خصيصا في هاته الأيام المباركة من ذي الحجة أهديكم قصيدة "إبراهيم الخليل"من أروع القصائد التي تغنى في الحوزي والشعبي ..تجعلنا نتخيل و نعايش حال سيدنا إبراهيم حين أمر بذبح سيدنا إسماعيل..هي هنا بصوت عبد الكريم دالي رحمه الله...الصورة تقليدية مأخوذة أثناء أداء عبد الكريم دالي وحرمه لفريضة الحج فرحمه الله ورحم جميع المسلمين...

"ابراهيم الخليل"

نستغفر قبل مانقول :ندمت نهار و ليل
على النبي الرسول ابراهيم الخليل
أتاه ملاك في المنام ،،قالو: ابنك ضحيه
سما عليه السلام،، و طار النوم عليه
ثلث ليالي بالكمال ،،و هو يوقف عليه:
ضحي بابنك الغزال الله طلب عليه
آمن و فزع الرسول،، قالو: الطاعة ليه
دمعو تسيل لا تزول على العزيز عليه
الصباح في سياق الفجر،، عيط لاسماعيل
ابنو فر من الحجر انتع عمو الحنين
خرج الرسول للفضاء،، تم ارفد عينيه
قال: الصبر من القدر ،، رغم انو نضحيه
نشف دموع الشقاء،، و ارجع لاسماعيل
القى زوجتو معنقة وليدها لحنين
ارمى يدو على الغلام،، واعطى روحو ليه
قال لزوجتو بالبسال: نروح نحوس بيه
قالتلو: اصبر يا رسول نروح نلاقيه
نبدلو دوك الذلول بالثوب اللي يواتيه
امو ماهيش عالمة واين رايح بيه
فرحانة بيه سالمة: و اتهلالي فيه
خرج و صار في الخيام ،،و امو من بعيد
تبعت و تزيد في السلام لوليدها الحنين
ابراهيم زاد في الخلا،، و ابنو يتبع فيه
يسمع الطير في العلا قال: راح يضحيه
اسماعيل خاف من البلا،، قالو يا رسول:
اسمع الطير في العلا آش راه يقول؟
قالو يا ابني الغزال :راني نسمع فيه
هاداك ابليس النحيس لعن الله عليه
لما وصلو للجبل،، عليه السلام
قلبو منحور قد فشل،، عيط :يا رحمن

سلم عليه من الجبين،، دمعو فضحت بيه
قالو: يا ابويا الحنين،، ما بكاك حزين؟
قالو: يا كبدي الغلام،، الله طلب عليك
اتاني ملاك في المنام طلب مني نضحيك
قالو: الطاعة يا رسول،، و امي اعلمها
علاش يا ابي ماتقول،، كنت نشبع منها
عنق ابنو بالغزر،، مانيش عالمها
الله اللي رزقني الصبر هو يعلمها
اركع باسومن الجبين،، و ارفد قبل بيه
ارما يدو على السكين،، رايح يضحيه
قالو: ارفد الكموم،، و طم جلالك
لا ترشهم بالدموم،، امي تفطن بيك
لما جا يجري عليه،، ملك نزل قفاه
قالو: اعطف ما بين ايديك و احكم واش وراك
انفزع ابراهيم الخليل ،،و عتق اسماعيل
ماكان سلاك القليل من الصادقين
الله يرزقنا الصبر مع الصابرين
كما رزق الصبر ابراهيم الخليل على ابنو الحنين

الصور المرفقة
نوع الملف: jpg ABDELKRIM DALI A EL HAJ AVEC SON EPOUSE.jpg‏ (55.6 كيلوبايت, المشاهدات 24)
الملفات المرفقة
نوع الملف: mp3 abdelkrim dali-ibrahim el khalil Track 01.mp3‏ (15.16 ميجابايت, المشاهدات 90)
__________________

"هَذَا الفَّنْ حَلَفْ : لا يَدْخُلْ لِرَاسْ جْلَفْ ! "

الناس طبايع ,, فيهم وديع و طايع,, و فيهم وضيع و ضايع .... إذا دخلت للبير طول بالك ,,,و إذا دخلت لسوق النساء رد بالك....إلّلي فاتك بالزين فوتو بالنظافة ولي فاتك بالفهامة فوتو بالظرافة ... القمح ازرعو و الريح يجيب غبارو ,,,و القلب الا كان مهموم الوجه يعطيك اخبارو.....و للي راح برضايتو ما يرجع غير برضايتي,, ,ولا تلبس حاجة موش قدك,,, و لا على حاجة فارغة تندب حظّك ,,,و ما يحكلك غير ظفرك ,,,وما يبكيلك غير شفرك
رد مع اقتباس