قطار الحياة
عبد الهادي بالخياط
كلمات : على الحداني
ألحان : عبد الرحيم السقاط
وقلت له كنبغيك أنا
شاف في شوفة العدو
وقال لي بزاف عليك
شوف أنا فين وأنت فين
يبان لك الفرق يا مسكين
وقلت له الله أسيدي
فين تلقى أصفا من ودي
و قلب راه يتهلا فيك
صادق و النية حسنه
وما حب غير المزيانه
ونحلف بللي لقاني بك
.
شاف في ضحك وزاد
خلا دمعي هواد
قدام العاديو البادي
قدام الرايح و الغادي
الصدمة كانت قويه
حرقت مشمومي في يدي
وطاح رماده فوق رمادي
وهب الريح، لعب بنا
بقى فين ما مشى يدينا
ومشات أيام وجات أيام
الجرح تشافى وبرينا
وحضرت العطفة ونسينا
وعاد نيت لحن السلام
وركبنا قطار الحياة
وبقيت ورانا ذكريات
وقبالتنا أمل كبير
وفي يوم وأنا راحل جوال
بان أي بين الناس خيال
عيونه يائسة وحزينه
فين الشباب؟ عيى وذبال
فين الجمال؟ بهت وزال
غرور قتلته الغبينه
هو لعبت به الأيام
هو صدت به الأوهام
رمته خارج المدينه
هو للي قلت له كنبغيك
و شاف في شوفة العدو
وقال لي بزاف عليك
و شوف أنا فين وانت فين
يبان لك الفرق يا مسكين
و باقي قلبي كيبغيك