النوم يداعب عيون حبيبي
كلمات: أحمد رامي
ألحان: رياض السنباطي وهو أول ألحانه مع أم كلثوم
*******
النوم يداعب عيون حبيبي
والسهد شاغل جفوني
يا ريته يغفل ويكون نصيبي
تفضل تشاهده عيوني
أهيم في حسنه واشرب بهاه
وأبعت له طيفي يسبح معاه
يشكي له حالي
م اللي جرالي
طول الليالي
*******
ياما هويت النوم
أرحم فؤادي من كتر نوحي
ما كانشي يهوى عنيا النوم
ياما اشتهيت النوم
وقلت طيفه يرأف بروحي
يعطف عليا يزورني يوم
من كتر ما تمنيت رؤياه
لو كان يزورني في الأحلام
وقلت يمكن يوم ألقاه
معايا في وادي الأوهام
الفكر تاه في الغرام
بين السهر والمنام
*******
نام يا حبيب الروح
الليل بطوله سهران عليك
خلي الضنى والنوح
للي فؤاده سلم إليك
وإن جه نسيم السحر
ونبه اللي عن طول سهادي غافل نعسان
يشوف في عيني السهر
ويرحم اللي طول الليالي يحلم سهران
*******