كلمني طمني
كلمات حسين السيد
********
كلمنى طمنى وارحمنى
يوم يا حبيبي
طال بعدك
طال هجرك
ليه بعادك
فين عهدك فين يا حبيبي
ده القلب اللي انت كاويه بنار
يا حبيبي
يبعث لك مية مرسال
واتارينى مش عالبال
واتاريني عشقت جمال اجمل من روح وخيال
عايش بجفاك بستنى
ولامتى ح اعيش محتار
لا انا طايل فيك الجنة ولا طايل حتى النار
القلب اللي انت ناسيه
مش راضى ليه ترد عليه
ده انا شاري وانت بتبيع
ليه ليه يا حبيبي
كلمني مرة وقول
مخاصمنى ليه علي طول
وارحم قلبي المشغول
وابعث له مرة رسول
ليه حق تفرح في عزالي ليل ونهار
اكمن ايديك في المية وانا اللي ايدي في النار
ده القلب اللي انت ناسيه
نظرة من عندك تحييه
مين غيرك يقدر يراضيه
مين مين يا حبيبي
******