يا سلام
كلمات: بيرم التونسي
ألحان: محمد فوزي
يا سلام يا سلام يا سلام ع الوفاق بعد الخصام
يا سلام.... سلم
اعطفي قلبك عليّ اعطفي
الحنان تحت ابتسامتك مختفي
ما تقوليش فين كنت غايب
ده انا جيت نادم وتايب
يا سلام.... سلم
النعيم من غير وجودك ازهده
واللي اشعل نار خدودك اعبده
يا حياة الروح اسيرك
مستحيل يميل لغيرك
يا سلام.... سلم
نور حياتي من جبينك يا للي روحي في يمينك
ما اتحرمش من عيونك بــــــس اه لو تعرفي
قد ايه قلبي يريدك ياللي روحي في وجودك
يا سلام.... سلم