اقتباس:
المشاركة الأصلية كتبت بواسطة ابوحمد
من النوادر
رياض السنباطي في أغنية :
أمانة عليك ماتحرمنيش من الماضي وأحلامه
|
قنبلة
ألف شكر على هذه الرائعة النادرة
أمانة عليك ما تحرمنيش من إبداعاتك
بعد إذن سيادتك أبطئت سرعة الملف حتى يكون الصوت والعزف أكثر وضوحا
وهذه كلمات هذه الأغنية النادرة
وفي انتظار معلومات عنها
*****
أمانة عليك ما تحرمنيش
من الماضي وأحلامه
خد الحاضر وسيبني أعيش
على الماضي وأنغامه
*****
على الماضي اللي عيشنا فيه
ونوَّرنا نجوم لياليه
يمر الليل كَأَنُّه نهار
وتِتْبَسِّم لنا الأزهار
ويتفتَّح لنا النوار
في دنيا كلها أنوار
ونسهر ليلة والتانية
ونسأل بعض ليه حنَّنام
تضيع من عمرنا ثانية
ما تتعوضش في الأحلام
معاك يا فرحة الدنيا
حرام النوم علينا حرام
حرام الماضي ده ننساه
وانا عايشة على ذكراه
عن الحاضر بتسأل ليه
أنا مش عايشة أيامه
خد الحاضر وسيبني أعيش
على الماضي وأنغامه
أمانة عليك
أمانة عليك
*****
على الماضي اللي كان كله
رضا وسماح
وصحبة ورد تبعتها
في كل صباح
ألاقي بسمتك فيها
وتكبر فرحتي بيها
وقلب الورد يتفَتَّح
على الغنوة اللي اغنيها
والاقي الدنيا في عنيَّا
هَنَا وأفراح
ويِسْكِرني عبير حبك
أنام وارتاح
خسارة الحب ده كله
خسارة نرجسه وفله
حرام الزهر ده يدبل
وياما عيشنا في ضله
خسارة إن اللي راح ما يجيش
وأنا عايشه في أوهامه
خد الحاضر وسيبني أعيش
على الماضي وأنغامه
أمانة عليك ما تحرمنيش
*****
تحياتي
بعد إذن أستاذنا الجليل
تم نقل الملف المحسن لمشاركة الصديق أبو حمد .. أنس
__________________
عَجِبتُ لِـمَن لَهُ قَدٌّ وَحَدٌّ * وَيَنبو نَبوَةَ القَضِمِ الكَهامِ
وَمَن يَجِدُ الطَريقَ إِلى المَعالي * فَلا يَذَرُ المَطِيَّ بِلا سَنامِ
وَلَم أَرَ في عُيوبِ الناسِ شَيئاً * كَنَقصِ القادِرينَ عَلى التَمامِ
رب همة أحيت أمة