قصــــــــــــــة فلسفية
كان فيه ولد صغيّر ... عنده انتاشر سنه .
عيّل مفعوص و قصيّر ... و غاوى فَتونه ،
بيمثل دور فى ذهنه ... لشخص عظيم الشأن ،
و يوماتى يحلق دقنه ... مع إنه مالهش دقن .
بالموس و خلاص و يحرت...( المجنون البعيد )
لحد ما دقنه كبرت ... قال لك ده اليوم ده عيد
و وقف قدام مرايته ... يتنط م الفرح
اكمنَّه ( حسب روايه ) ... زى باباه انجرح ..
تَعَ شوفه بقى النهارده ... راجل بيه د الحيط
و صداغه كل فرده ... فيها من القطن غيط ،
يحلف ع النار و الميه ... مهو حالق جمعتين ..
و دى قصة فلسفية ... مغزاها ف كلمتين :
شرم برم ، يا حلوللى ... هأو أو إشّ إشّ ،
ترالاللى ، أمان يالالاللى ... حرنكش ، طظ فش .
__________________
أنا اللى زرعت البيوت و العيدان
ما يمنعش عقلى.. شوية جنان!!
هايرجع لإسمِك رنين الحنان
قتيل المحبة يلبّى النداا