مـــــــــــــــــــــدد
بيرم يا تونسى ، بديع أيا خيرى ،
مدد مدد ، يا شيوخنا يا أقطاب ..
احضرنا يا حسين يا شفيق مصرى ،
و النجدة يا عبد السلام يا شهاب ..
يا سعيد يا عبده ، يا مصطفى يا حمام ،
محمود يا رمزى نظيم ، تعال الينا ..
و مدد يا عزت صقر ، يا خليل تظير ،
مدد يا شيخ يونس يا قاضى مدد ...
هاتوا الزجل ، شماريخ ، و صواريخ تطير ،
لسه الحاجات اياها .. ماليه البلد !
__________________
أنا اللى زرعت البيوت و العيدان
ما يمنعش عقلى.. شوية جنان!!
هايرجع لإسمِك رنين الحنان
قتيل المحبة يلبّى النداا