[عادل صموئيل]

اخى العزيز عمرو هنداوى الحفلات اللى بتحصل دى مقززة يعنى انا كلامى حايزعل منى ناس كتير ,, بس المفروض انا اتربيت واتعلمت ان الفن الكبير اوى اوى لما يتعمل اما ان يتعمل علىاصله او مايتعملش .. السعودية خلال السنتين الماضيتين بتخرج من التأخر الحضارى بس بتخرج بطريقة غلط عارف لما تبنى برج 30 دور المفروض بترمى اخرسانة بتاعة اول دور وتنتظر لما تنشف تماما وبعدين ترمى فوقها الدور التانى مش تهمله كله مرة واحدة وهم انتهزوا فرصةالسقوط الفنى الى بيحصل ف مصر وعايزن يمسحوا ريدة مصر ويبقوا هم الوحيدين الى فى الصورةوتناسوا ان الريادالمصريةدى عمرها الوف السنين ... يعنى انت لو عايز تقول مين ابو الموسيقى المصرية مش حنقول واحد من العمالقة اللى كانوا ف الاربعينات ولكن لازم نرجع مئات السنين لمصدر العباقرة الل ابو الموسيقى ده اتعلم منهم مشكلةالسعودية انها لحد سنة 1972 مكانش فيها موسيقى وده على ايدى يعنى كان المغنيين السعوديين بيجوا مصر وكل واحد منهم معاه كذا اغنية بيسجلها على الفرقةالماسية كانت الأغنية عبارة عن سطر واحد وجملة تعبانة اما من التراث اوحد ملحنها شبه التراث ولولا وجود ميشيل المصرى اللى كان متخصص فىاللون الخليجى لما اصبح فيه موسيسقى ف السعودية اصلا يعنىلولا مصر والشبابن دول كان فيهم ناس موهوبين ودرسوا الموسيقى ف مصر وابتدوا يكبرلاوا الحن شويةويزودوه عن السطر ولولا ميشيل الى كان بيدون لهم لما كان هناك مايسمى بالغناء السعودى اصلا .. والمشكلة عند تركى الشيخ انه مش فاهم اصلا بس عايز يعمل فيه زعامة .. يعنى المطربة الجميلة المتخصصة انه تغنى ام كلثوم امال ماهر دمرها عشان يحط مكانها مكطربات اقل كتير انهم يغنوا ام كلثوم .. وبعدين عايز اقول حاجةماحدش يفهمها انها عنصرية .. اى حد يغنى فىاى مكان فىالعالم اغنية مصرى لازم يغنيها كما انزلت الموضوع مش قابل للنقاش ... يعنىوردة الجزائرية وفايزةاحمد السورية لما غنوا فى مصر اغانى مصرية نسيوا تماما لهجتهم المختلفة وبقوا مصريين واكرر ده مش عنصرية .. وطبعا كان واضح اولا اللهجة مش حلوة وثانيا الاغنيةاكبر كتير من الى بيغنيها ودى ظهرت فى معظم الاغانى ثانيا ... نكهات الاغانى مختلفة تماما ليه لأنه اختار المايسترو المنفذ لكل حفلة ما عزفش مع العمالقة اصلا يعنىانا واحد من اناس عشان مع العمالثة اكتر من عشرين سنة .. الرؤيا بتختلف لأنى تشبعت بيهم يعنى الواحد كان لبعمل خمسين بروفة ليه .. عشان يعمل اللحن احلى حاجة ماتجيش انت تعدل عليه او تحط بصمتك .. يعنى انا لما بعزف او بدون ليه انت بتحس بحاجةمختلفةعشان انا بقول الىعماله الملحن شخصيا بالمللى هو عايز كده وبتخيل انى بنفذ له اللحن ( فاهم قصدى ؟ انه شايف وسامع بعمل ايه ) اما لما نيجى للفرقة .. ممكن حد بيقول خلى الناس تاكل عيش ..بس ده صرف فلوس بسفه .. يعنىلحن ام كلثوم كان الفرقة 25 عازف تحط انت 500 عازف ليه .. يعنى انا عمرى ماشفت 6 درامز حفلة .. التنفيذ عامل زىماتطبخ طبيخ وتحط خمسين ملعقة سمن فى الحلة وكيلو الملح بحاله .. كان ام كلثوم اما الكمنجات بيتحط ميكروفون واحد بالقرب من الخفناوى بيجيب الصولو وكل اكلمجات مع بعض دلقوت لما يطح 300 كمنجةوكل واحد له ميكروفون يعنىبيلغى ذوبان الكمنجات مع بعض .. لما نيجى للصولوهات .. انت لما تسمع الحفناوى فى20 تسجيل لأغنيةواحدة لأم كلثوم تلاقيه بيقول الصولو اسطمبةواحدة ما يلعبش فيه لأن الملحن عامله كده ومافيش مجال ان العازف يلعب فيه لأن الجمهور بيحفظه ما تديهوش شى ء مخالف .. ومافيش استعراض عضلات وشطارة يعنى الكمنجة الشرقى بتختلف عن الكمنجة الغربى ان الغربى تكنيك ومع انه برضه مقيد بالنوتة تقييد كامل ولكن الكمنجة الشرقى تطريب يعنى ايه تطريب يعنىتقول الحن زى ما الملحن عامله بس قوله بإحساس مش تشلفطه .. هو كان الصولوهات كلهم ملتزمين لحد ما هانىمهنى ساب الماسية وعمل فرقته .. هو اول من ابتدع حكاية ان فيه صولو مكتوب وانت تتفزلك وتقول حاجةتانيةمن عندك وللعلم احيانا بتكون غير واضحةواضحة المعالم وبالطبع كان اللى بيعزف الصولو عنده رضا رحب وسعد محمد حسن وهم عملوا زيه يعنى فيه صولو مكتوب وه وبيقول حاجةمن عنده هلامية مالهاش معنى والدليل علىكده ان كتير انتم بتطلبوا اغانى من اداء فرقةهانى مهنى آجر عند جملة فيها صولوا اورج او كمان وما اعرفش اكتب اللى بيتقال إلأأ لو الجملةى بتقولها كمنجة وفرقة بكتبها من الفرقة لكن احيانا بتبقى الجملةبتقولهاك منجة فقط هنا انا مش بقدر ادون الاغنيةكلها لأن ما اقدرش ادونها ناقصة لأن مش فاهم الى بيتقال شخبطة يعنى وبكده نكون خسرنا اغنية عشان عازف بيتفزلك وف السعودية كان اكب عازف كمان رضا رجب ومع انه اشتغل القلب يعشق مع ام كلثوم وسمع الحفناوى بأدائه الجميل البسيط يعنى بيقول الصولو زى ما السنباطى عامله برضه ادى اصولو زى ماكان بيعمل مع هانى مهنى ولاحظ برضه ان كان من ضمن المتفرجين هانى مهندى يعنىمعزوم واقامة كاملة وهدايا عشان يأيد اللى بيحصل ما يقولش بيتعمل حاجات مش مظبوطة كمان فيه ظاهرة لازم كل مطرب يطلع لازم انه يتكلم ويشكر فى السعوديةام الفن واصالة قالت ان السعودية سبب انتشارها وانكرت انها اتصنعت فى مصر ولك ان تتعلم شى ء .. كان زمان المطرب بتكتشفه شكات الانتاج وتصنعه عشان كان اصحاب الشركات فنانين الناهردة اى حنار بينهق يروح شركة عايز يغنى مافيش مانع بس ازم ينفق علىالشريط على حسابه لو كسب يقيسموا معاه ولو خسر يشربه وبحسابات انلاهردة بتتكلف بالدعاية 10 مليون جنيه طيب ازاى واحد سواق توكوتوك مدمن مخدرات مش بيتفضل معاه مليم ينتج ؟ ويتشهر ويبقىنجم إلأا لو حد بيتولى دفع المبالغ دى ويبحث عن النفاية دول ويعملهم نجوم وبيستضيفوهم هناك فى السعودية ويدوهم دهب بالكيلو عشان الزبالة دى تبقى واجهة مصر والسعودية تبقى منارة الفن الموضوع حرب يعنى