[نوسة الفرجانى]

سمحات فاتوا

بينهم زينتنا سمحات فاتوا
قمر ليلة اربعطاش في نظرتنا
بينهم ريناها تضوى عليهم عالية في سماها
من غير ما يقولولنا عرفناها
بنورها هاللى بهر طلتنا
سمحات فاتوا بينهم زينتنا
ضاوية في ليلة علي ضيها قطعنا طريق طويلة
وهبت نسيمة في الصباح عليلة
بيها زهينا وكملت فرحتنا
سمحات فاتوا
الفرح هو منانا
وكل من سمع بفرحنا هنانا
في حب عشنا والهوى مبدانا
وبيت الهنى بنيناه بمحبتنا
سمحات فاتوا