رد: الفنان مجيد الفراتي
السلام عليكم استاذ هادي العمارتلي
و السلام لكم جميعاً اعضاء منتدى سماعي الأعزاء
استاذ هادي
الشيء الاول انا اسمي هالة و ليس حلا
و الشيء الاخر
غير صحيح ما ذكرته عن الـمطرب حضيري ابو عزيز
فقد غنا الـمطرب حضيري من كلمات الشاعر ( عدنان السوداني )
أغنية ( ابليله گمريه )
و أغنية ( تحية غريب )
و أغنية ( معقوله )
و جميعها مثبت في ديوان الشاعر ( عدنان السوداني ) ديوان ( كلام و لحن )
----
أغنية ( ابليله گمريه )
كـلمات الشاعر ( عدنان السوداني )
الحان و غناء حضيري ابو عزيز
( ابليلـــه گمريه )
........
ابليله گمريه و على نور الگـمر اگعدت عالـميه يم شاطي النهر
الشجر ظلل ظلالـــه و الورد زاهي ابجمالـه
الغصون الخضره مالت يانعه و النجوم الحلوه بالجو طالعه
اتصورت نفسي ابجنه واسعه زال كـل همي ولا ظل كـل قهر
النخيل اشلون منظر منظره طال عالشاطى يسحر مظهره
اتشوف سطح الـماي قدره ساحره و يجري الحادور عازم السفر
يجري ريح و ماي و ارتگـفن سوه و مثـلن ادوار من حلم الهوى
الكـل گـلب مشتاق نظرتهن دوه و عالشريعه الحلوه ما احلى السهر
......
الأغنية 👆🏿👆🏿👆🏿مثبته في ديوان ( كلام و لحن ) للشاعر ( عدنان السوداني )
أغنية ( تحية غريب )
على بغداد سلمولي سلام احباب وصلولي
على اللي سكنوا دياره تحية روح محتاره
على دجله اوروابيها او على الساكن حواليها
ابحنين الروح اناجيها
خل الخلان يصغولي
حنيني لأرضي الحلوه وصلها للگـلب منوه
ابسواها ما الي سلوه ولا احب اشما يجرولي
احنن روحي و اتذكر ربانا الزاهي الاخضر
سلام اليولفي الاشگر الحبيب الروح ودولي
----
الأغنية 👆🏿👆🏿👆🏿مثبته في ديوان ( كلام و لحن ) للشاعر ( عدنان السوداني ) و هي من الأغاني الـمفقودة ابحث عنها و لم اعثر عليها لحد الان اتمنى من تتوفر في مكتبته يرفعها هنا في الـمنتدى و له كل الشكر و التقدير
------
أغنية ( معقوله )
معقوله الگـلب يترك هواكم و انتو جهله االـمانساكم
يتذكر لياليكم و يحن على ماضيكم
معقوله الگـلب يترك هواكم
اتولع من جهل بيكم غرامه و انتو اسباب صرتوله الهيامه
ينوح اشما سمع ناحت حمامه اشما تجفون عنه ما جفاكم
اشما ايزيد التجافي يكثر الحب و دموعي عليكم تجري و اتصب
منكم يا احبابي آنه اطلب هلبت يسعدني رضاكم
فاتت ذيچ محلاها الليالي بعد للساع لذتها على بالي
غير اوجوهكم محد حلالي اشبيدي عالنصيب المـاحواكم
-----
و هي ايضاً من الأغاني 👆🏿👆🏿👆🏿 الـمثبتة في ديوان ( كلام و لحن ) للشاعر ( عدنان السوداني ) و هي من الأغاني الـمفقودة ابحث عنها و لم اعثر عليها لحد الان اتمنى من تتوفر في مكتبته يرفعها هنا في الـمنتدى و له كل الشكر و التقدير
--------
عجب ما شوف شخصك و ألـمحنه
أظــــن قـــلـت محبتـــك و الـمحنه
بنــــائــي أحبـــاب نبقى و الـمحنه
أنتشارك و الهوى نجسمه سويــــــه
_______
هذه الأبوذية
كـلمات الشاعر ( عدنان السوداني )
من ديوانه ( بين الضفاف )
الحان و غناء ( حضيري ابو عزيز )
و غناها كذلك ( داخل حسن )
|