اغنية دور يا كلام
السلام عليكم استاذ صمويل اهدي اليك والى كل اعضاء منتدى سماعي نوتة دور يا كلام للشيخ امام وكلمات الشاعر فؤاد نجم وهي من تدويني المتواضع واملي ان تنال اعجابكم
* * * * * *
دور يا كلام على كيفك دور
خلي بلدنا
تعوم في النور
ارمي الكلمه في بطن الضلمه
تحبل سلمى
و تولد نور
يكشف عيبنا
و يلهلبنا
لسعه في لسعه
نهب نثور
دور يا كلام على كيفيك دور
***
عم امام
عنده كلام
و مسوح في بلاد الناس
من شوق نوله
يغزل قوله
و يغني مرفوع الراس
****
بلدي يا نبع النور سلسال
يهدي الفكره للأجيال
بلدي يا لقمة عيش يا حلال
ع الأكاله و ع الأكال
يا ام النيل
سايل مواويل
كل مغني و له موال
و انا ارغولي لما يمول
سوى في الآخر
سوى في الأول
مش ح يغني الا يا مصر
يا ركوبة ركاب النصر
سرقوكي سكان القصر
و الظابط عبد المأمور
دور يا كلام
على كيفيك دور
________
|