[عادل صموئيل]

احبائى
اقدم لكم تحفة ام كلثوم والسنباطى

مصر تتحدث عن نفسها

اللحن ده صعب جدا يعنى كمان مضاف الى صعوبته ام كلثوم بتغنى فيه اوى اوى
بمعنى انك فى معظم الموازير بتلاقى تفعيلات ممكن ما درسناهاش فى الصولفيج . او تلاقى المازورة زى ما هى بتغنيها بالظبط مش 4 نوار ولكن 4 وشوية ... ويرجع الفضل فى ان اللحن مضبوط كده لعازف الرق اللى ماحصلش ابراهيم عفيفى انه بيسيب ام كلثوم تعمل كل اللى نفسها تقوله وهو بيرجعها داخل الوحدة تانى ( وده طبعا بإعراف ام كلثوم نفسها ) الشىء الملفت للنظر جدا وحسيت ان الشاعر ده مكشوف عنه الحجاب انه بتكلم كانه بيوصف اللى بيحصل فى مصر دلوقتى ... يعنى الاغنية دى اتعملت فى وقت كان الاوضاع هادئة ... وده من غير ماتدرس التواريخ .. الاغنية الوطنية بتوصف الجو اللى كانت فى وقته يعنى لو حرب بتبقى حماسية اوى يعنى بتطلع مدافع ... ولو تمهيد لحرب بتبقى حماسية بس اقل شوية عشان تشغل حاجتين فى منتهى الخطورة مع بعض تشغيل المخ والاستعداد للحرب
لكن المؤلف فى الاغنية دى بيطلع مصر بتتفاخر بالتاريخ .. وانها كانت مقبرة الغزاة طول التاريخ ... لأن كل مرة كان الغزاة من الخارج وبالطبع كانوا بيبقوا مكروهين من الشعب .. لكن من 7000 سنة لحد ما الم}لف كتب القصيدة دى عمر ما مصر حصل لها غزو من الداخل ... ومع ان مصر احتلت كذا مرة من قبل لكن كان مخ المصرى قلعة حصينة ضد الغزو داخل العقل ... وده اللى خلا مصر ام الدنيا .. يعنى فيها كل العبقريات ولما بتاخد من الخارج بتاخد اللى يضيف على العبقريات دى ... لكن عمر مصر ماتعرضت لجريمة مسح الهوية
يعنى اقول لكم مثل لو فيه سيارة مرسيدس ... الناس تتكلم ... تشترى سيارة مرسيدس ... او تركب سيارة مرسيدس ... او ان المرسيدس اسم كبير او لا يعلى عليه ... حتى يقول لك الحرامى سرق سيارة مرسيدس
المهم ان اسم مرسيدس لازم يكون علامة كبيرة اوى فى عالم السيارات ... تخيل سيادتك لما ييجى ناس عايزين يمحوا اسم مرسيدس من موضوع السيارات !!!!!!!
ده اللى بيحصل دلوقتى ....
وحسبنا الله ونعم الوكيل
مع اطيب تحياتى