اقتباس:
المشاركة الأصلية كتبت بواسطة محمد محمدالعقاد
اغنية
جزمة بــــوش فى قالب غنائى
اداء:منتصرالزيدى
بمناسبة رحيل القوات الامريكيه من العراق ورفع العلم العراقى
وانزال العلم الامريكى على ارض العراق
(جزمة بوش)
من جلد طبيعــــي..منقيها
لميع وتشـــوف وشك فيها
لميع وتحفـــــه مـاتتقدر
ولايقه علــى دمــاغك أكتر
وعشـــــان كده جي بفكر
بكل عزمي أديــــك بيـها
اليوم نويت أديك بالـــجوز
واخــد قراري ومش مهزوز
نويت وجيــتلك من بـدري
وكل أملى أوفى بنــــدري
وأطفــى نار جوه ف صدري
ضـــرب الجزم مـا يطفيها
باى باى وســـلم ع الوالد
قوله التاريخ أصبح شــاهد
انك بقيت تحت الجزمـــة
وما تســاويش فردة جزمة
وان كان دا ح يسبب أزمـة
نخل العـــراق ما يوطيها
نخل العـــراق زى ماهوه
وكل يوم بـيزيد قــــوه
طول عمـره مرفوع الهامة
شامـخ فى عـزه وكـرامه
وان كان فـى بيتكم جزامـه
الجزمــه ليك اشبـع بيهـا
شعر: محمد العقاد |
الله عليك يا أستاذ محمد
حقيقي أغنية جميلة ومعبرة جداً وكل كلمة فيها تتاقل بالذهب
ولايقة على بوش بالضبط
ولكني أعتقد ان حتى الجزمة خسارة فيه ..لانك زي ما قولت سيادتك
انه مايساويش فردة جزمة
وهو الآن ذهب الى المكان الذي يليق به وهو مزبلة التاريخ
وسيظل العراق الشقيق شامخ بأهله وأبطاله المغاوير
أهنئك على هذه القصيدة
دمت بخير وسلام
مع خالص تحياتي واحتراماتي
ليلى ابو مدين