من روائع الحاج عبدالمعبود الطنطاوى
مادح محمد واسمى عابد المعبود
عمرى ما اكلت من تحت الشجر باقطف من العنقود
واللى بيعطينى المدد كريم كرمه ماله حدود
بنقول ياللى انت ماشى ما تعرف للشريعه حدود
تراعى للحرام ليه وحلالك حداك موجود
تدارى فى الضلمة وانت اعضاءك عليك شهود
اذا كان على المحاسب ربك فى كل مكان موجود
من روائع الحاج عبدالمعبود الطنطاوى
الليل خلاص ولى بقينا فى صبح جديد
نختم صحيفة النهارده بكلمة التوحيد
اللى باع واشترى بالامانه النور عليه بيزيد
لو حتى ماشى حافى هيقوله التخين يا سيد
واعمل حسابك انت عايش ما بين رقيب وعتد
وتذكر يوم يقول لجهنم هل امتلئت وتقول هل من مزيد
يومها هنندم ولكن بايه الندم هيفيد
كلام هقولك عليه واسمع كلامى اكيد
ماينفعش الفقير مننا غير كلمة التوحيد
من روائع الشيخ عبدالمعبود الطنطاوى
بحب بنيه اسم البنيه رحاب
واللى يروح لها اى وقت والخلق نايمه تقوله يا مرحاب
واللى سكنت قلبه يا بابا صبح له مقام ورحاب
بقولها عطشان اسقينى ينوبك يا حلوه ثواب
جابت لى شوب عصير لقيته عصير عناب
انا خدت من ايدها جرعه العقل منى غاب
على ما صحيت من السكر لقيتنى فى مجمع الاحباب
التعديل الأخير تم بواسطة : احمد عبدالهادى بتاريخ 03/07/2011 الساعة 09h03
|