[احمد حسين العلي]

اغنية فرد عود
كلمات الشاعر المرحوم كاظم الركابي والحان وغناء فناننا المبدع
طالب القره غولي وسبق للفنان الكبير حسين نعمة ان غنى فرد عود ايضا ..
والشاعر الركابي من مواليد مدينة الابداع المتوقد دوما الناصرية جنوب العراق ، كتب لحسين نعمة يا نجمة و كون السلف ينشال واغنية يامدلولة للمرحوم سعدي الحلي ، والكثير من الاغاني الجميلة ..
وله :
إشلونكم؟
إشلون حال الوفه ابّين اعيونكم
مثل الأول .. لوخبط لونه ، وتغيّر لونكم ؟
آنه بعيوني أشك وْ ما أشك بعيونكم"
حبيبين
جانوا بكَلبي حبيبين
واحد بهالعين أضمّه .. وْ واحد بهالعين
وجانت الغيره توجّ مابين الأثنين
هيّه عيني الاّ جانت باليسار ولا جانت باليمين
اسألت كَلبي ..
إلكَيت كَلبي إيودّي دمّه اعله اليسار ومايودّي عَ اليمين .....
اما ما ذكره احد الاخوة الاحبة من أن اغنية (هواك انت) هي ذاتها (هذا آنه و هذاك انته) فأظن ان الاغنية الاولى تختلف عن الثانية ، وكلاهما غناهما طالب القره غولي وهما ايضا من الحانه الجميلة ، والاغنيتين من كلمات الشاعر المبدع المرحوم زامل سعيد فتاح ..
(هذا آنه )
هذا آنه.. وهذاك انت تظل بظنوني ذاك انت
هذا آنه ويمر طيفك وشوف أماني لو شفتك
عرفتك جوري لو فوّح
عرفت طير من يصدح
ومن حبك غناي آنه تعلمته.. وهذاك انته
(هواك انت)
هواك انتَ يذكرني بفرات و دجله يوميّه
وْ مثل كَلبي وْ مثل كَلبك تلاكَن صافية النيّه
هواك انته شتل عنبر
يفوح بغير منّيّه ....
اوقاتا ممتعة اتمناها لكم مع فرد عود