[بديعه أحمد على]

المشاركة الأصلية كتبت بواسطة د أنس البن

ألف شكر يا ست بديعه على اهتمامك بالرواد وخصوصا حبيبتنا الست فتحيه مطربة القطرين
وياريت ترفعى القصيده وبعدين نقارن مع الموجوده .. ربما يكون الملف اللى عندك أتم وأكمل .. إحضرنا يا سى صلاح يا علام (سيادة الرئيس) حبيبتك اهه

غالى و الطلب رخيص يا دكتور انس يابو الكرم و الجدعنه
و الست العظيمه ست الكل فتحيه أحمد احملها على راسى مش بس على موقع المنتدى الجميل ده

و آدى أغنيه ظنون لمطربه القطرين فتحيه أحمد - تأليف أحمد فتحى و لحن الموسيقار الجميل رياض السنباطى

ماما و هى بتسمع مطربه القطرين افتكرت و استمتعت و فرحت و قالت ربنا يديها الصحه و العافيه سالتها هى عايشه؟ قالت لى "عايشه طبعا" بالنسبه لماما و لينا كلنا العظيمه فتحيه احمد عايشه على طول

و لقيت ماما بتقول لى نفسى اسمع نجاه على "روحها بتهف عليا" بالذات اغنيه "عش الهوى المهجور" اللى بتقول فيها لو رحت مره تزور عش الهوى المهجور سلم على قلبى "ايه العظمه دى"

قلت لها حأشوف لك الاغنيه فى المنتدى و لدهشتى لم اجد العظيمه نجاه على فى منتدى سماعى بس لقيت اغنيه ليها متحمله وسط اغانى ست الكل فتحيه أحمد

و الا يمكن فى لها صفحه بس مش باينه فى الجدول اللى فوق؟
مع اجمل تحياتى و تمنياتى بدوام الفن و الجمال و السعاده
بديعه أحمد على