بسم الله نبدا
بسم الله بها نبدا نذكر ربي في اشغالي
هو مولى القدرة ومولى الغفران سبحانه العالي
وحده لا شريك معاه في ملكه صاحب لفضالي
العالم بما ظهر وما يخفى في البر الخالي
يغفر لي والي طلبوا في نهار السؤالي
انا والوالدين و اللي سبقوا واللي ما زالي
بعد السبيح و الذكر نبدا في مديح خاتم الارسالي
محمد هو ضياء بصاري هو دواء العلالي
صل الله عليه عدد ما كاين في الدنيا موالي
عدد اللي يمشي واللي طاير في النهار والليالي
عدد ما كاين في الدنيا من قمح وحصى و رمالي
و عدد الخالق الناطق والباكم الأول و التالي
بالصلاة على محمد تنجا من كل اهوالي
هي اللي تنفعنا هنا والهيه وفي كل أحوالي
هي لنا نزاعة و بها هي يرتاح البالي
هي الفايدة و الربح في التجارة هي راس المالي
اربحوا بالصلاة عليه يالحظار نساء و رجالي
واصح ياللي غافل من رقادك واصغا لاقوالي