المساعد الشخصي الرقمي

مشاهدة النسخة كاملة : طلبات نوتة أ / عادل صموئيل الجزء الثانى


الصفحات : 1 2 3 4 5 6 7 [8] 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38

وادي أسامة
02/10/2013, 17h23
ارجوك يا استاذ عادل اريد نوتة للموسيقى التصويرية لمسلسل العراف والموسيقى موجوده بالمرفقات

الاخ العزيز
اولا اهلا بك فى المنتدى
هى المشكلة ان الموسيقى دى موزعة يعنى لحن اساسى فوق وتحته حاجات تانية كتير بتتعزف مع بعض
المشكلة ان احنا ممكن نكتب اللحن الاساسى لكن كتابة التوزيع بتبقى صعبة شوية وعمرها ما بتطلع دقيقة لن الموزع بنفسه هو بيكتبها بإيده يعنى عارف اصوت الاول ايه ثم اصوت التانى ايه ثم الثالث وهكذا
لكن احنا لما بنسمعها الاصوات الكتير دى بتتداخل بتلخبطنا
والمشكلة كمان الطريقة الحديثة بتاعة دلوقتى غير بتاعة زمان يعنى زمان كان اوركسترا بيعزف مع بعضو وكل عازف لو بارت او صفحة التوزيع بتاعته زى الموسيقسى الكلاسيكية
لكن دلوقتى الوضع بقى مختلف ومزعج شوية ازاى ؟
ان بيبقى عادة عازف اورج واحد بس بيبقى شاطر اوى اوى
بيسجل اللحن الاساسى وهو بنفسه بيغير الصوت ويعزف حاجة على تراك تانى
ويغير الصوت ويعزف اضافة على تراك ثالث وهكذا يعنى عندو 24 تراك يفضل يحط عليهم اضافات
المشكلة الخطيرة انت بتعزف آلة ايه ؟
يعنى لو بتعزف آلة واحدة وعزفت اللحن الاساسى حايبقى المستمع سامع حاجة فقيرة اوى يعنى صوت واحد من اصوات كتير يحس ان حاجات كتير ناقصة .. لأن اللحن الاساسى هنا تقريبا جملة واحدة او جملتين
لكن لما تسمع اغانى زمان اللى من غير توزيع ممكن انت على عود او كمان او اى آلة موسيقية حسب شطارتك تعزف اللحن كلو بحذافيره والناس تصقف لك
عموما ان شاء الله اكتب لك اللحن الاساسى قريبا
مع اطيب تحياتى عادل صموئيل

enooza
02/10/2013, 18h23
استاذ عادل اشكرك على كمية الاغانى اللى اقترحتها علية بس انا مطلبة بهذة الاغنية فلو تكرمت انك تسمحلى انى احطك الينك بتاعها وتكرم وتسمعهاوتكتبها بعد كدة اغنية سيناء للمجوعة ‫ط³ظٹظ†ط§ - ط؛ظ†ط§ط، ط§ظ„ظ…ط¬ظ…ظˆط¹ط©‬â€ژ - YouTube (http://www.youtube.com/watch?v=3bMf6s-mh_0) شكرا للمساعدة :)

عادل صموئيل
02/10/2013, 21h16
احبائى
اقدم لكم اغنية من العيار التقيل جدا
رائعة نجاة

وف وسط الطريق ووقفنا
( ودعنا الحبايب )

طبعا زى ماقلت لكم كتير من قبل ان الملحنين العمالقة كان لازم كل اغنية يبقى فيها حاجة جديدة او تميز عن اى اغنية غيرها مش اى حاجة والسلام زى الاغانى الحديثة
هنا بليغ ركز على الايقاع واختلاف السرعات والانتقال المفاجىء من سرعة بطيئة لسرعة اسرع او العكس .. حتلاحظوا ده لنى كاتب السرعات حتلاحظوا ان فرق السرعات كبير
وجدير بالذكر ان تحديد السرعات بالرقم المحدد المكتوب يعنى 100 مثلا او 120 ده بيبقى فى الموسيقى الكلاسيكية فقط محدد جدا جدا يعنى المايسترو من ضمن دراسته او كفاءته كمايسترو انو بيعمل السرعة دى يعنى 160 يعنى 160 على المترونوم .. عندنا مش محددة بالدقة دى يعنى بتبقى حسب شعور او احساس الملحن او اللى يحسو فى البروفات .. يعنى انا كتير جدا وانا بكتب الاقى الجملة اللى انا سامعها 118 مثلا او 126 .. وانا عندى على جهازى اجهزة حساسة جدا بحدد بيها السرعة طبعا مفيش حاجة كده فى الموسيقى الغربية
يعنى 100 ـ 120 ـ 130 وهكذا ... لذلك هنا فيه البروفات الملحن لازم يركز على حاجتين فى منتهى الاهمية والخطورة اول حاجة ضابط الايقاع انو يحفظ احساس الملحن بالسرعات وتغييرها وبالذات لما يكون مباشر بدون مقدمات ... طبعا الكلام اللى بقولوا ده بيحصل مع الملحنين العمالقة .. يعنى الملحنين النص كم ( اللى زى بتوع فيلم الكيف ) مالهمش فى الكلام ده .. وطبعا طالما المحن عملاق بيعمل الحركات دى بالذات فى الفرقة الماسية نظرا لوجود الفلتة حسن انور او مع ام كلثوم نظرا لوجود الفلتات الايقاعية زى ابراهيم عفيفى وحسين معوض وايضا حسن انور احيانا ... لأن لو عازف ايقاع متوسط ممكن يلخبط فى تغيير السرعات دى يعنى ينتقل لسرعة اقل او اسرع ممكن يلخبط الفرقة او بالذات ممكن يضيع المود بتاع المطرب .. يبقى تركيز الملحن قلنا اولا مع عازف الايقاع انو يحفظ اللحن صم ( لأنو طبعا مفيش قدامه نوتة ) التركيز التانى مع احمد فؤاد حسن او محمد عبده صالح مع ام كلثوم .. بالنسبة لمحمد عبده صالح كان بيحفظ النقلات لأن مع ام كلثوم كان مفيش نوتة اما احمد فؤاد حسن كان بيكتب فى النسخة بتاعته السرعات دى .. او بيعمل مصطلحات مع نفسو او علامات للى استوعبه فى البروفات عشان يدى السرعة اولا لأتنين مهمين جدا ضابط الاقاع وعازف الكونترباص الاستاذ عبد الحكم عبد الرحمن ولاحظ ان الدوم بتبقى من الرق والكنترباص مع بعض .. وممكن تختلف المصطلحات دى من مايسترو لآخر حسب الطريقة اللى هو اتعلمها ....
فى اللحن ده بالذات فيه ملحوظة ان تلاحظ ان الجيتار كذا مرة هو اللى بيتزعم الجمل الموسيقية كان لسه عمر خورشيد ماركبش ريع تون للجيتار .. تلاقى الملحن الذكى بيخليه يقول جزء من الجملة اللى مافيهوش ربع تون والفرقة تكمل الباقى
وموضوع استغلال الآلات ده عبقرية وذوق عالى جدا .. يعنى انت لو فى 7 سنين فاضى تمسك شوية اغانى تشوف كل اغنية ايه الجديد اللى فيها او ايه العلامة .. تلاقى مثلا فى اغنية قول لى حاجة فى المقدمة عامل صولو للبونجز .. طبعا كلام ممكن عشر سنين مايخلصش ... الاغنية ممكن فيها شوية صعوبة حاولت اسهلها ماتبقاش اسهل من كده
يعنى فيه تفعيلات حاولت ماتنفعش غير كده لأن لو قمت بتسهيلها الجملة نكهتها حاتتغير
وبالطبع لازم نشتغل شوية سهل على شوية صعب
مع اطيب تحياتى

salhi_haithem
03/10/2013, 13h38
السلام عليكم
أستاذ عادل شكرا على النوتة الحلوة في إنتظار جديدك
و شكرا على المعلومة في ما يخص النزل و على ما أعتقد إنه فيه واحد شبهو في طرابلس ليبيا عامل مثل القارورة
هيثم

زينة الغريبي
03/10/2013, 17h58
شكرا أستاذ عادل على هذه التحفة الرقيقة للسيدة نجاة و يارب ما تنسانيش في طلباتي

elarabi
03/10/2013, 20h33
الأخ العزيزنور الصباح
ألف مبروك للا بنة العزيزة متمنيا لها كامل السعادة٠

elarabi
03/10/2013, 20h43
شكرا استاذ عادل على هده التحف القيمة٠

عادل صموئيل
04/10/2013, 20h18
احبائى
اقدم للأخت العزيزة enoosa اغنية

سيناء

للمجموعة

انا كاتبها اسهل ما يمكن عشان تطلع معاكى بسرعة
يعنى ممكن كانت تتكتب سرعة 100 بس كانت حاتبقى كلها دوبل كروشات وفيها تقاسيم داخلية غلسة شوية
لكن انا كتبتها بسرعة 150 شكلها حتلاقيه سهل اوى اوى ومش حتاخد معاكى عشر دقائق بعدين تسرعيها انتى زى ما انتى عايزة
فيه حاجة تانية يعنى عشان انتى جديدة معانا فى المنتدى
هى كوبليه واحد وبيتكرر بس كل مطرب ممكن يتفزلك فيها لو حب او عشان يبان انو شاطر مع المطربين اللى معاه هنا الطريقة الصح انا بكتب اللحن سادة بعدي اللى عايز يتفزلك او يجود براحتو ودى على فكرة طريقة اتدوين المثالية لأننا لو كتبنا الفزلكة حضطر اكتب الاغنية بعدد الكوبليهات حاتبقى طويلة اوى ومزعجة للى يشوف النوتة يفتكرها سيمفونية وع الفاضى
على فكرة انا كمان خريج كلية التربية الموسيقية بالزمالك بس من زماااااااااااااااااااااااااااااااااان اوى
طبعا الاهداء لكل مدرسى الموسيقى
مع اطيب تحياتى

عادل صموئيل
04/10/2013, 20h27
احبائى

فيه مشكلة فى السيرفر بتاع المنتدى بتظهر عن بعض الاعضاء انك مش زى الاول كنت تظلل اللى انت كاتبه بعدين تحدد حجم ولون الخط بتخلى المشاركات معظمها خطها صغير اوى زى النمل
الحل موضع فى الشكل
فيه حرفين A واحد كبير وواحد صغير تضغط عليه كما فى الشكل
حتلاحظ حركة حصلت فى النافذة اللى انت كاتبها بعدين ظلل اللى انت كاتبه وخلى حجم ولون الخط زى ماتحب
لنى لاحظت مشاركات كتير بخط صغير انا شخصيا مش شايف اقراه ( والعتب ع النظر )
مع اطيب تحياتى

kamalia
05/10/2013, 08h22
احبائى
اقدم للأخت العزيزة enoosa اغنية

سيناء

للمجموعة

انا كاتبها اسهل ما يمكن عشان تطلع معاكى بسرعة
يعنى ممكن كانت تتكتب سرعة 100 بس كانت حاتبقى كلها دوبل كروشات وفيها تقاسيم داخلية غلسة شوية
لكن انا كتبتها بسرعة 150 شكلها حتلاقيه سهل اوى اوى ومش حتاخد معاكى عشر دقائق بعدين تسرعيها انتى زى ما انتى عايزة
فيه حاجة تانية يعنى عشان انتى جديدة معانا فى المنتدى
هى كوبليه واحد وبيتكرر بس كل مطرب ممكن يتفزلك فيها لو حب او عشان يبان انو شاطر مع المطربين اللى معاه هنا الطريقة الصح انا بكتب اللحن سادة بعدي اللى عايز يتفزلك او يجود براحتو ودى على فكرة طريقة اتدوين المثالية لأننا لو كتبنا الفزلكة حضطر اكتب الاغنية بعدد الكوبليهات حاتبقى طويلة اوى ومزعجة للى يشوف النوتة يفتكرها سيمفونية وع الفاضى
على فكرة انا كمان خريج كلية التربية الموسيقية بالزمالك بس من زماااااااااااااااااااااااااااااااااان اوى
طبعا الاهداء لكل مدرسى الموسيقى
مع اطيب تحياتى

سلام الله عليكم شكرا استادنا الكبير على ما تقدمه من القطع القيمة

نور الصباح
05/10/2013, 08h24
الأخ العزيز والفنان الكبير الأســــــــــتاذ
عـــــــــــــــــــــــــــــــــــــــــــــــــ ـــــــــــــــــادل باشــــــــــــــــــــــــا صموئـــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــد :
بمناســـــــــــــــبة الاحتفال بذكــــــــــــرى رحــــــــــــــــــــــيل الفنانة الكبيرة
فـــــــــــــــــــــــــــــــــــــــــــــــــ ــــــــــــايزة أحــــــــــــــــــــــــــــــــــــــــــــــــ ـــــــــــــمد
أرجو من جنابكم تدوين الأغنيات التالية :
1 - جيالك أنا جــــــــــــــــــــــــــــــيالك و الملف الصوتى فى الصفحة رقم 210 بتاريخ 23 / 9 / 2013
2 - شـــــــــهرين وشـــــــــــــــــــــــويةو الملف الصوتى فى الصفحة رقم 210 بتاريخ 23 / 9 / 2013
حفاظا على تراثها الغنائى وفنها العربى الرفيع
وشكرررررررررررررررررررررررررررررررررررررررررررا
أخوكم
نور الصباح

نور الصباح
05/10/2013, 08h30
احبائى
اقدم للأخت العزيزة enoosa اغنية

سيناء

للمجموعة

انا كاتبها اسهل ما يمكن عشان تطلع معاكى بسرعة
يعنى ممكن كانت تتكتب سرعة 100 بس كانت حاتبقى كلها دوبل كروشات وفيها تقاسيم داخلية غلسة شوية
لكن انا كتبتها بسرعة 150 شكلها حتلاقيه سهل اوى اوى ومش حتاخد معاكى عشر دقائق بعدين تسرعيها انتى زى ما انتى عايزة

SSSSSSSSSSSSSSSSSSSSSSSSSSSSSSSSSS

شكررررررررررررررررررررررررررررررررررا
كثيررررررررررررررررررررررررررررررررررا
أخوكم
نور الصباح

نور الصباح
05/10/2013, 08h35
احبائى
اقدم لكم اغنية من العيار التقيل جدا
رائعة نجاة

وف وسط الطريق ووقفنا
( ودعنا الحبايب )

طبعا زى ماقلت لكم كتير من قبل ان الملحنين العمالقة كان لازم كل اغنية يبقى فيها حاجة جديدة او تميز عن اى اغنية غيرها مش اى حاجة والسلام زى الاغانى الحديثة
هنا بليغ ركز على الايقاع واختلاف السرعات والانتقال المفاجىء من سرعة بطيئة لسرعة اسرع او العكس .. حتلاحظوا ده لنى كاتب السرعات حتلاحظوا ان فرق السرعات كبير

SSSSSSSSSSSSSSSSSSSSSSSSSSSSSSSSSS

شكررررررررررررررررررررررررررررررررررا
كثيررررررررررررررررررررررررررررررررررا
أخوكم
نور الصباح

عاصم المنشاوى
06/10/2013, 16h22
الأستاذ /عادل
من احلى أغانى اكتوبر ومن تلحين المرحوم على اسماعيل ....مازج فيها الفلكلور بشكل بديع ...وغناء الثلاثى المرح...كلمات محسن الخياط....لو شايفها حلوة ...أتمنى ان حضرتك تدونها والشكر ليك مقدما .....
بص آخر كوبليه
شوف مصر قامت ياقمر شايلة السلاح
قامت منوّر وشها ...نور الصباح....
وولادها قاموا ينسجوا لها م الجراح....
أحلى نهار ..هاللا هاللا
أحلى أنتصار ...هاللا هاللا
ضلل عليهم ....ياقمر....بوس لى عينيهم ...ياقمر
ح تلاقى فيهم ياقمر صورة بلادى....

نور الصباح
06/10/2013, 18h11
إخـــــــــــــــــــــوتى وأخــــــــــــــــــــــــــــــواتى
أســــــــــــــــــــــــــــــــــــــــاتذتى الكــــــــــــــــــــــــــــــرام
سلام الله عليكم ورحمته وبركاته
وبعــــــــــــــــــــــــــــــــــــــد :
اســــــــــــــــــمحوا لى أن أتقــــــــــــدم إليكــــــــــم ( فردا فردا )
بالشكر والتقدير والعرفان لمشاركتكم لنا فرحتنا وسعادتنا بزواج ابنتنا
{ الأمــــــــــــــــــــــــــــــــــــــــــــــ ـيرة ســـــــــــــــــــــــــــــوســــــــــــــــــ ــــــن }
ودعواتكم لها بالسعادة والهناء
ونرجوا من الله - الحنان المنان - أن يقدرنا على رد جمايلكم
فى الأفراح والمناسبات السعيدة وأن يجعل أيامكم كلها أفراحا ومناسبات سعيدة
وشكررررررررررررررررررررررررررررا
أخوكم
نور الصباح

عادل صموئيل
06/10/2013, 18h15
احبائى
اهديكم اغنية جميلة لمصر الحبيبة فى عيد النصر

شباكين ع النيل عينيكى

لمحمد قنديل

هى اغنية منسية مش بتتذاع كتير بس جميلة وسهلة ان شاء الله وتنفع فى المدارس
الملف الصوتى موجود فى مشاركة سابقة للأخ العزيز نور الصباح
مع اطيب تحياتى

عادل صموئيل
06/10/2013, 18h20
احبائى

اقدم للأبنة العزيزة زينة الغريبى
اغنية عليا التونسية

اتحداك

انا ماعملتش الكوبليه الاخير ل 3 اسباب
اولا ان حلمى بكر اسلوبه صعب جدا
وثانيا ان الفرقة مش حلوة يعنى نغماتها مش واضحة ومش لاقى لها تسجيل استوديو يكون العزف ادق شوية
بمعنى بيعزفوا مش فاهم نغمات كتير هل هى بيمول ولا نص بيمول
وثالثا ان عليا بتغنى اوى اوى يعنى بتسيح العلامات اليقاعية مع بعض مش محددة بحيث انى بكتب المازورة اسمعها تانى الاقى حاجة تانية يعنى اخدت منى وقت طويل
عموما هى القيمة الموسيقية فيها فى المقدمة , اما فى الكوبليه الاخير لحنه مش حلو اوى يعنى
مع اطيب تحياتى

نور الصباح
06/10/2013, 19h11
احبائى
اقدم للأبنة العزيزة زينة الغريبى
اغنية عليا التونسية
اتحداك
SSSSSSSSSSSSSSSSSSSSSSSSSSSSSS
احبائى
اهديكم اغنية جميلة لمصر الحبيبة فى عيد النصر
شباكين ع النيل عينيكى
لمحمد قنديل
هى اغنية منسية مش بتتذاع كتير بس جميلة وسهلة ان شاء الله وتنفع فى المدارس
الملف الصوتى موجود فى مشاركة سابقة للأخ العزيز نور الصباح
SSSSSSSSSSSSSSSSSSSSSSSSSSSSSSS
ششششششششششششششششششششششششششششششششش
كككككككككككككككككككككككككككككككككككككك
رررررررررررررررررررررر
اااااااااااااااااااااااا
أخوكم
نور الصباح

salhi_haithem
06/10/2013, 19h15
يا سلام عليك يا أستاذ عادل على هذه الأغاني الجميلة و الرائعة جدا
شكرا جزيلا و بارك الله فيك و أطال في عمرك

enooza
06/10/2013, 19h40
استاذ عادل شكراااااااااااااااااااااااااااااا جدا على المجهود اللى حضرتك بتعملة والمعلومات القيمة ربنا يجزيك كل خير يارب:emrose:

enooza
06/10/2013, 19h43
وشرف بجد انك من كلينا وانك بتعمل مع الخرجين المجهود دة وربنا يعطيك طول العمر امييييين:emrose:

زينة الغريبي
06/10/2013, 21h46
خالص تحياتي أستاذ عادل لتلبية طلبي و تدوين تحفة أتحداك وقد قبلت التحدي و فزت بالتحدي
و الله لا أجد ما أقول
زينة


اشكرك يازينة
هى بجد عشان ال 3 اسباب اللى ذكرتهم كانت متعبة جدا فى التدوين
يعنى اقول لكم على معلومة وسر
المطرب لما بيشتغل على الفرقة الماسية بالذات لما يكون مطرب اصغر من وردة وفايزة ونجاة بيبقى ملتزم اوى
وبيبقى فرصة لضابط الايقاع حسن انور انه يعمل له عملية تحزيم انو ما يغنيش اوى او لما يندمج يكون مع الايقاع مايخرجش عنه اقصد يبقى الغنا صريح
لكن لما المطرب نفسه بيغنى على فرقة صغيرة هو بيسيطر على ضابط الايقاع لأنه بيحس انو اكبر منه وهنا المشكلة هى حلوة ممكن فى السمع لكن مزعجة فى التدوين لن زى ماقلت لكم اى مدون ايامانا كان لما بيدون لأى ملحن كان الملحن بيمليه اللحن بالعود ويحرص على ان الموسيقى تبقى سادة يعنى بدون حليات عشان التدوين يبقى دقيق اوى بعدين حتى لما المطرب بيحب يجود بيبقى العازف بينظر بالنوتة بعينه لكن اذنه مع المطرب لما يحس انو بيخرج عن اللحن او العلامات الايقاعية بيعزف خفيف ششوية ويتابع مع المطرب

مع اطيب تحياتى عادل صموئيل

عادل صموئيل
07/10/2013, 21h18
احبائى
اشكر اخى العزيز عاصم المنشاوى
فى حب مصر العزيزة اقدم الاغنية اللى هو طلبها

الحلوة قالت للقمر

وهى من منتجات روائع ايام حرب اكتوبر المجيدة
غناء الثلاثى المرح

هى ما اخدتش منى نص ساعة ياسلام ياريت لو كل الاغانى سهلة ولطيفة كده

مع اطيب تحياتى

نور الصباح
08/10/2013, 11h08
احبائى
اشكر اخى العزيز عاصم المنشاوى
فى حب مصر العزيزة اقدم الاغنية اللى هو طلبها
الحلوة قالت للقمر
وهى من منتجات روائع ايام حرب اكتوبر المجيدة
غناء الثلاثى المرح
هى ما اخدتش منى نص ساعة ياسلام ياريت لو كل الاغانى سهلة ولطيفة كده
مع اطيب تحياتى
SSSSSSSSSSSSSSSSSSSSSSSSSSSSSSS
أخى العزيـــــــــــــــــــز الأســــــــــــــــــــــتاذ الكبير
الفنان العظيم
{عــــــــــــــــــــــــــــــــــــــــــــــــ ـــــادل باشـــــــــــــــــــا صموئــــــــــــــــــــــــــــــــيل
سلام الله عليكم ورحمته وبركاته
أولا : جــــــــــــــــــــــل من لا يســــــــــــــــــــــــهو
ثانيا : فـــــــــــــــــــــــــــــــــين النوتـــــــــــــــــــــــة
وشكرررررررررررررررررررررررررررا
أخوكم
نور الصباح

نور الصباح
08/10/2013, 19h37
الأخ العزيز والفنان الكبير الأســــــــــتاذ
عـــــــــــــــــــــــــــــــــــــــــــــــــ ـــــــــــــــــادل باشــــــــــــــــــــــــا صموئـــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــد :
بمناســـــــــــــــبة الاحتفال بذكــــــــــــرى رحــــــــــــــــــــــيل الفنانة الكبيرة
فـــــــــــــــــــــــــــــــــــــــــــــــــ ــــــــــــايزة أحــــــــــــــــــــــــــــــــــــــــــــــــ ـــــــــــــمد
أرجو من جنابكم تدوين الأغنيات التالية :
1 - أؤمـــــــر يا قـــــــــــــــــــــــــــــمر
2 - بـــــــــــــالى معاك بــــــــــــــــــــالى
3 - خليــــــكوا شــــــــــــــــــــــــــــاهدين
حفاظا على تراثها الغنائى وفنها العربى الرفيع
وشكرررررررررررررررررررررررررررررررررررررررررررا
أخوكم
نور الصباح
الاخ العزيز نور الصباح
رجاء انا نبهت كذا مرة ان اى اغنية تنزلوها تكون كاملة
خليكو شاهدين ناقصة المقدمة مش معقول اكتبها كده
وبتخلونى اضطر اقعد ابحث عن واحدة كاملة فى المواقع كلها
رجاء خاص ساعدونى يعنى
مع اطيب تحياتى عادل صموئيل

salhi_haithem
08/10/2013, 19h45
سلام وتحية
في الحقيقة سبق وطلبت من الأستاذ عادل أغنية أنا قلبي ليك ميال من تدوينه و هي مذهب و كوبيليه بيتكرر و الطلب له أكتر من سنة ونص علما أنه فيه نوتة مكتوبة باليد راست على الفا و في نوتة للأغنية تدوين الأستاذ نيقولا و هي ميزان 2/4 و حبيت لو يدونها الأستاذ عادل حفاظا على توراث الست فايزة


عزيزى هيثم
انا آسف وان شاء الله حكتبها اول اغنية وحبتديها النهارده ان شاء الله بس كده ؟
مع اطيب تحياتى

عادل صموئيل
09/10/2013, 11h34
احيائى
اقدم لكم من روائع الفنانة عليا التونسية
اغنية من العيار التقيل جدا

الساحرة

واهديها للابنة العزيزة زينة
مع اطيب تحياتى

نور الصباح
09/10/2013, 12h09
احيائى
اقدم لكم من روائع الفنانة عليا التونسية
اغنية من العيار التقيل جدا
الساحرة
واهديها للابنة العزيزة زينة
مع اطيب تحياتى
SSSSSSSSSSSSSSSSSSSSSSSSSSSSSSSSS
شـــــــــــــــــــــــــــــــــــــــــــــــــ ـــــــــــــــــــــــــــــــــــ
كـــــــــــــــــــــــــــــــــــــــــــــــــ ـــــــــــــــــــــــــــــــــــ
رـــــــــــــــــــــــــــــــــــــــــــــــــ ــــــــــــــــــــــــــــــــــ ا
أخوكم
نور الصباح

عاصم المنشاوى
09/10/2013, 16h45
أى والله صحيح ....!!!!..هى فين النوتة يا باشا...الشكر مقدما ياكابير.... يامدرسة التدوين الموسيقى ؟؟؟؟

اخى العزيز آسف والعتب على الزهايمر
انا نزلت النوتة فى الموضوع نفسه
مع اطيب تحياتى عادل صموئيل

زينة الغريبي
09/10/2013, 18h10
احيائى
اقدم لكم من روائع الفنانة عليا التونسية
اغنية من العيار التقيل جدا

الساحرة

واهديها للابنة العزيزة زينة
مع اطيب تحياتى


شكرا جزيلا أستاذ عادل لتلبية طلبي و أنا سعيدة جدا بالنوتة و يا رب يعطيك الصحة و العافية و يعطيك ما تتمنى
زينة

عادل صموئيل
09/10/2013, 19h03
احبائى
اقدم لكم من روائع تراث الفنانة فايزة احمد

انا قلبى اليك ميال

مع اطيب تحياتى

salhi_haithem
09/10/2013, 19h26
السلام عليكم ورحمة الله
أستاذ عادل حقيقة تشكر على قنبلة الساحرة و هي أغنية رائعة و ثقيلة جدا من ألحان محمد رضا و حقيقة هذه النوعية من الأغاني أراها تمثل شخصية الأستاذ عادل يعني تحس أنه اللحن جزء من شخصية الأستاذ عادل مثله مثل أغنية زينب يونس في أغنية كنت شايلاك للزمان و إلا أغنية نجاة على - فاكراك وموش حانساك و إلا أغنية بصعب على روحي لطلب أغاني أحسها تمثل شخصية الأستاذ عادل خفة و كمية طرب كبيرة و أغاني ملتزمة و شكر كبير على أغنية أنا قلبي ليك ميال للست فايزة أحمد
هيثم

علي ثلاثة
10/10/2013, 09h41
أستاذ عادل
تحية طيبة
وشكرا على أغنية فائزة أحمد

ولقد أمتعتنا بمدونات
علية النونسية

ولها أغنية جميلة جدا

وهي
أنا من أنا
وهذا رابطها
https://www.youtube.com/watch?v=NHR5RDXmuow (https://www.youtube.com/watch?v=NHR5RDXmuow)

فإن تعذر تدوينها لكثرة انشغالاتك

فما هو المقام الغالب فيها
وبالخصوص
هذا المقطع الذي يبتدئ من

الدقيقة الثانية
والثانية الخامسة
2,5

وشكرا

mahmoud feteih
10/10/2013, 09h47
جميله أوى وهو ده الكلام وتسلم الايادى

فؤاد العلمي
10/10/2013, 09h56
أخي نور الصباح
ألف مبروك، مع متمنياتي لكل أفراد العائلة الصحة والسعادة.
أخوك فؤاد.

عادل صموئيل
10/10/2013, 11h43
احبائى
اقدم لكم من روائع تراث الفنانة فايزة احمد

اؤمر يا قمر


مع اطيب تحياتى

فؤاد العلمي
10/10/2013, 12h21
أخي الأستاذ عادل
أولا أشكرك كثيرا على كل ما تقوم به من تحف وحكايات ونصائح، والتي أعتبرها شخصيا في غاية الأهمية، لأن الفنان ليس فقط عزف وكفى، وإنما الفنان سلوك وذكاء وتعايش وكرم بالإضافة طبعا لتخصصه.
ثانيا سأقف قليلا في وسط الطريقhttp://www.sama3y.net/forum/images/icons/icon7.gif هذه الأغنية الرائعة جدا، ومنذ 30 سنة وأنا أحسبها من ألحان عبد الوهاب، إلى حين قرأت تعليقك وعرفت أنها لبليغ. وهذا ليس خطئي مائة في المائة، وإنما مسؤولية الخطأ، أنسبها لثقافتنا التي أخذناها من الإذاعات التي لم تكن تذكر إلا إسم المغني، غافلة عن الملحن والكاتب والفرقة. ولذا لي طلب عند حضرتك، كلما دونت لنا أغنية، المرجو كتابة الأسماء المتوفرة لديك على الصفحة الأولى من النوتة (على الأقل إسم الملحن لأن النوتة أصلا هي ترجمة للحن).
مع أغلى تحياتي -فؤاد.

عاصم المنشاوى
10/10/2013, 12h33
وكمان "أؤمر ياقمر.....!!!!"""......ياسلااااااام...تسلم لنا ياكبير ...أيه الكرم ده ...نشكرك يامدرسة العطاء...ياللى بتحقق امانينا....
للاستاذ الفنان/ فؤاد العلمى ..اؤمر ياقمر كلمات: محمد حمزة و تلحين : محمد سلطانd"][/COLOR]

نور الصباح
10/10/2013, 14h04
احبائى
اقدم لكم من روائع تراث الفنانة فايزة احمد
اؤمر يا قمر
مع اطيب تحياتى
SSSSSSSSSSSSSSSSSSSSSSSSSSSSSSSS
احبائى
اقدم لكم من روائع تراث الفنانة فايزة احمد
انا قلبى اليك ميال
مع اطيب تحياتى
SSSSSSSSSSSSSSSSSSSSSSSSSSSSSS
:thankyou::thankyou::thankyou:
وشكرررررررررررررررررررررررررررا
أخوكم
نور الصباح

درأرسلان
10/10/2013, 16h06
ألف شكر مع كامل الاحترام والتقدير للأستاذ الفاضل عادل صموئيل على هذه التحف الرائعة؛ أضم صوتي للأخ علي ثلاثة بالنسبة لأغنية ًأنا من أناً وقد كنت طلبتها من قبل؛ وليس لدي إلا هذه النسخة، وأعيد طلبي لأستاذنا الكريم أن يتفضل بتدوينها إذا سمح له الوقت بذلك؛

أخوكم د0 المصطفى أرسلان:emrose::emrose::emrose:

mahmoud feteih
10/10/2013, 16h09
جميله أوى تسلم ياغالى

درأرسلان
10/10/2013, 16h12
إليكم نسخة نوتة ًأنا من أناً ، وألف شكر لأستاذنا الغالي على جوده و كرمه، وتحية حارة لجميع أعضاء منتدى سماعي

أخوكم د المصطفى أرسلان:emrose::emrose::emrose:

نور الصباح
10/10/2013, 17h30
أســــــــــــــتاذنا العزيـــــــــــــــــز
عـــــــــــــــــــــــــــــــــــــــادل باشـــــــــــــــا صموئــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــــــــــــــــ د :
علشــــــــــــــــــــان خاطـــــــــــــــر عيونك يـــــــا جميل
تســــــــــــــــجيل آخــــــــــــر به المقدمة الموسيقية كما
تحب لســـــــــــه جــــــــــــاى بنــــــــــــار الفرن يـــــــــا
بطاطا لأغنية { فايــــــــــــــزة }
{ خـــــــــــــليكوا شــــــــــــــــــــــاهدين على حبايبنــــــــــا }
ولا يهمك يــــــا نجف بنور يا سيد المدونين
وشكرررررررررررررررررررررا
أخوكم
نور الصباح

علي ثلاثة
10/10/2013, 18h15
إلى الأخ الكريم
در المصطفى أرسلان

ألف ألف شكر
لقد زودت المنتدى بتحفة سنية

ولقد تلقيناها منك ببالغ السرور
وهي تستحق ذلك وزيادة
فإن فيها من المقاطع
ما يمتع النفس
بوقعها الحسن

والشكر لك مجددا

درأرسلان
11/10/2013, 10h17
أخي العزيز علي ثلاثة،
كم أنا سعيد أنك أعجبت بالنوتة، وأنا أشعر بنفس الإحساس كلما يجود علينا أساتذتنا الكرام بهذا الكم الكبير و الممتع من النوتات، ولكن أتمنى ونتمنى كلنا أن يتفضل حبيبنا وأستاذنا الغالي عادل صموئيل بتدوينها بطريقته الفريدة من نوعها؛
تحية فنية لكل أعضاء منتدى سماعي

أخوكم د المصطفى أرسلان:emrose::emrose::emrose:

نور الصباح
11/10/2013, 21h25
إنه يؤســــــــــفنى ويحزنــــــــــنى أشد الأسف
وأعمق الحزن أن أنــــــــــــــعى لكم وأنقــــــــــل لكم
خــــــــبر وفــــــــــــاة فقيد الفن والعروبـــــــــــــــــة
الفنان العربى واللبـــــــــــــــــنانى
الأســــــــــــــــــتاذ المطرب العملاق
{ وديــــــــــــــــــــــــــــــع الصـــــــــــــــــــــــــــــــــــــــــافى }
الذى طالما غنى للعروبة ومصر والقومية العربية
عن عـــــــــــــــــــمر ينـــــــــــــاهز { 92 } عـــــــــــــــــام
ندعـــــــــــــــو الله أن يغفــــــــــر لــــه
ادعــــــــــــــوا له بالرحمة والمغفرة
وشكرررررررررررررررررررررررررررررررا
أخوكم
نور الصباح

ahmad_alahlawy
12/10/2013, 03h44
أستاذنا الفاضل عادل :
أحتاج بشدة هذه الأيام الى نوتة بكرة يا حبيبى لوردة....فاذا كان ممكن يرجى التفضل بكتابتها
و شكرا

سليم العباس
12/10/2013, 15h41
الأستاذ أحمد الأهلاوي
نوتة بكرا يا حبيبي للفنانة وردة متوافرة بالمنتدى بتدوين الأستاذ فاسكين حبيب .
تجدها في قسم المثبت لنوتات الفنانين
قد تساعدك قليلاً ريثما يتم تدوينها من قبل الرائع الأستاذ عادل .

http://www.sama3y.net/forum/showpost.php?p=613841&postcount=125

عادل صموئيل
12/10/2013, 20h28
طبعا الفنان وديع الصافى فوق كل الكلمات وكل الوصف
يعنى انا بالطبع ليا معه ذكريات عزفت معه كتير

ولكن فيه شىء خطير جدير بالذكر
ان الفنان العملاق برحيله عن الدنيا بتزيد قيمته بمرور السنين
بعكس اللى جم بعد المعالقة كان الفن بالنسبة لهم شىء مالوش اسم احدده اكتر من انه سبوبة والفنان منهم بيبقى موضة تعيش سنة بعدين يطلع واحد اتفه منه يلغيه وهو مازال موجود وبعد رحيلة بيبقى زى خطوط طفل عملها على شط البحر فى الرمل تيجى الموجة تمسحها

من ذكرياتى عن وديع الصافى ان مرة فى سنة 1975 كنا فى بروفة مع الفناة العظيمة فايزة احمد وكانت فى ستوديو 46 فى الاذاعة ... كانت فايزة بتحب وديع الصافى لدرجة العشق الفنى .. كانت حزينة ومش على طبيعتها ( يعنى بالعربى مش عايزة تتخانق وتتعصب زى كل بروفة ) بعدين فجأة ابتدت تبكى .. ايه الحطاية قالت باللفظ وديع بيموت
كان مريض جدا بالمستشفى .. ومرت البروفة وراحت المستشفى تشوف وديع ... وشوفوا القدر وديع شفاه الله وفايزة رحلت وبقى وديع بعدها شوفوا كام سنة شوفوا القدر ....
من الذكريات التانية عادتنا فى الفرقة الماسية اننا نستحسن الفن الجميل لكن مانبديش اعجابنا إلا لما يكون شىء خارق للعادة
مرة سنة 1977 ( وكان ساعتها التليفزيون هو مصدر المتعة الوحيد قبل ظهور الفيديو واللى تبعه من فضائيات وخلافه ) كان التليفزيون بيذيع فيلمين عربى بالكتير فى الاسبوع كان طبعا كل الشعب بينتظرهم ويتفرج عليهم يعنى لو اتذاع فيلم فى سهرة يوم الثلاثاء بيبقى كل الشعب شافه ويوم الاربع بيتكلموا عنه سواء استياء او استحسان
وكان بالطبع لازم يكون استحسان لنساعتها كان لسه السينما المصرية مادخلهاش الزبالة اللى حصلت او على الاقل كان جهاز التليفزيون الحكومى بيختار ومش بيذيع اى شىء دون المستوى
المهم تانى يوم لإذاعة الفيلم بتاع وديع الصافى وصباح اللى غنت فيه سلموا لى على مصر ( مش فاكر اسمو ) وغنى فيه وديع اغنيتين منهم على رمش عيونها .. بعد التسجيل ماخلص خرجنا انا والاستاذ نصر عبد المنصف ( اللى كان من احسن من علمونى تدوين النوتة ) مع وديع وعزمنا وديع ع العشاء يعنى قلنا له امبارح شفنا الفيلم وانت كنت احلى حاجة فى الفيلم وبجد كان فعلا وديع احلى حاجة فى الفيلم
رحم الله وديع الصافى وكل العمالقة وربنا يستر على الفن فى الايام اللى مش باين لها شكل دى
مع اطيب تحياتى

علي عبدالمنعم
12/10/2013, 20h47
استاذ عادل كل الاحترام لحضرتك
لعلك بخير يا استاذ عادل
كان لى عند حضرتك استفسار بما انى بحب الذكريات
والكلام فى الزمن الجميل
ياترى تقدر حضرتك تفتكر هذه الواقعه لام كلثوم من خلال هذه الصور ؟؟؟
http://3.bp.blogspot.com/-oxKh7WEGzIw/Tm9XH0Rh1GI/AAAAAAAAAPU/WXYr33n7pMA/s400/27831_121039271246684_100000218354894_314701_45459 7_n.jpg

اكيد
فى باريس واحد متفرج غتت كان عايز يقبل رجل ام كلثوم

نور الصباح
12/10/2013, 21h00
الأخ العزيز والفنان الكبير الأســــــــــتاذ
عـــــــــــــــــــــــــــــــــــــــــــــــــ ـــــــــــــــــادل باشــــــــــــــــــــــــا صموئـــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــد :
بمناســـــــــــــــبة الاحتفال بذكــــــــــــرى رحــــــــــــــــــــــيل الفنانة الكبيرة
فـــــــــــــــــــــــــــــــــــــــــــــــــ ــــــــــــايزة أحــــــــــــــــــــــــــــــــــــــــــــــــ ـــــــــــــمد
أرجو من جنابكم تدوين الأغنيات التالية :
1 - بـــــــــــــالى معاك بــــــــــــــــــــالى
والملف الصوتى فى صفحة رقم 214 بتاريخ 8 / 10 / 2013
2 - خليــــــكوا شــــــــــــــــــــــــــــاهدين والملف الصوتى فى صفحة رقم 2015 بتاريخ 10 / 10 / 2013
حفاظا على تراثها الغنائى وفنها العربى الرفيع
وشكرررررررررررررررررررررررررررررررررررررررررررا
أخوكم
نور الصباح

نور الصباح
12/10/2013, 21h03
الأخ العزيز والفنان الكبير الأســــــــــتاذ
عـــــــــــــــــــــــــــــــــــــــــــــــــ ـــــــــــــــــادل باشــــــــــــــــــــــــا صموئـــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــد :
بمناســـــــــــــــبة الاحتفال بذكــــــــــــرى رحــــــــــــــــــــــيل الفنانة الكبيرة
فـــــــــــــــــــــــــــــــــــــــــــــــــ ــــــــــــايزة أحــــــــــــــــــــــــــــــــــــــــــــــــ ـــــــــــــمد
أرجو من جنابكم تدوين الأغنيات التالية :
1 - جيالك أنا جــــــــــــــــــــــــــــــيالك و الملف الصوتى فى الصفحة رقم 210 بتاريخ 23 / 9 / 2013
2 - شـــــــــهرين وشـــــــــــــــــــــــويةو الملف الصوتى فى الصفحة رقم 210 بتاريخ 23 / 9 / 2013
حفاظا على تراثها الغنائى وفنها العربى الرفيع
وشكرررررررررررررررررررررررررررررررررررررررررررا
أخوكم
نور الصباح

adib aburuman
13/10/2013, 03h13
السلام عليكم
نعم وللأسف الشديد لقد رحل عنا واحد من عمالقة الطرب والفن الأصيل
وديع الصافي, الله يرحمه
ولكن راح يبقى عايش معي بقلبي روحي ووجداني كغيرة الكثير من العمالقة الذين رحلوا عنا.
وداعا يا وديع ... صعب جدا ومستحيل يرجع مثلك
أرفقت لكم بعض الصور من مكتبتي الموسيقية
ومنها اخر صورة له.
أخوكم الوفي
اديب.

basma2265
14/10/2013, 10h26
السلام عليكم

كنت محتاجه اغنيه لاقصر بلدنا بلد سواح واغنيه في حضره الحبوب لوائل جسار

عادل صموئيل
14/10/2013, 10h59
احبائى
اقدم لكم اطيب التهانى بمناسبة
عيد الفطر المبارك

واتمنى من الله ان يمن على كل الدول العربية والاسلامية بالخير والامن والسلام

مع اطيب تحياتى

نور الصباح
14/10/2013, 11h36
احبائى
اقدم لكم اطيب التهانى بمناسبة
عيد الفطر المبارك
واتمنى من الله ان يمن على كل الدول العربية والاسلامية بالخير والامن والسلام
مع اطيب تحياتى
عادل صموئيل
SSSSSSSSSSSSSSSSSSSSSSSSSSSSSSS
عموما : كل عام وحضراتكم والأسرة فى أتم صحة وعافــــــــــــية ونعمة تامــــــــــة وافيـــــة
بمناسبة
اليوم : وقفــــــــة الحجيج ( ضيوف الرحمن )
على جبل عرفة - وعلى المزور أن يكرم زائريه -
تتنزل عليهم الرحمات
ويباهى المولى - عز وجل -
بهم الملائكة ويقول فيما معناه :
( أشهدكم يا ملائكتى بأنهم جاؤنى شعثا غبرا
يرجون رحمتى وأشهدكم أنى قد غفرت لهم )
وغدا - بمشيئة الله - تبارك وتعالى -
عيد الأضحى المبارك
كل عام وجميع الأخوة والأخوات
( أعضاء ومشرفون وزائرون )
بخير وندعو الله أن يعيده علينا وعليكم
بالخير واليمن والبركات
وأن نكون جميعا من ضيوف الرحمن
ومن الطوافين بالبيت العتيق
ومرة أخرى
كل عام وأنتم بخير ويمن وبركات
وشكررررررررررررررا
أخوكم
نور الصباح

sayed_lv
14/10/2013, 11h38
كل عام وكل الشعوب بخير و سلام
و عيد اضحى سعيد
************
و ارجو ان تقبلو منى هذه الهدية المتواضعة
توزيع: يا ليلة العيد
(الكوبليه الاول و الثانى)
و اعرف ان الاستاذ "عزت شحاتة سيسعد بهذه الهدية :crazy: وكذلك مدرسين الموسيقى المتواجدين
************
كلمات الاغنية:
يا ليلة العيد أنستينا... و جددت الأمل فينا
يا ليلة العيد
هلالك هل لعينينا... فرحنا له وغنينا
و قلنا السعد حا يجينا... على قدومك يا ليلة العيد
حبيبي مركبه تجرى... وروحي بالنسيم تسرى
قولوا له يا جميل بدري... حرام النوم في ليلة العيد
:emrose::emrose::emrose:

درأرسلان
14/10/2013, 11h41
بمناسبة عيد الأضحى المبارك اقدم اطيب التهانى لكل أعضاء منتدى سماعي وكل عام وأنتم بخير،

أخوكم د المصطفى أرسلان:emrose::emrose::emrose:

عاصم المنشاوى
14/10/2013, 11h44
الأستاذ الكبير /عادل صمويل
كل سنة وانت اللى بخير وسعادة وهنا
...الفيلم اللى حضرتك غنى فيه وديع الصافى ...أغنيتى :"دار يادار"...و"على رمش عيونها" وشارك صباح غناء دويتو أغنيتى "حب الدنيا وسيب الدنيا تحب"..."بعد الفن مافيش"
هو فيلم (نار الشوق) اللى أنتج وعرض فى 1970

الفيلم ده فيه تقريبا 13 اغنية لصباح ولبنتها هويدا اللى غنت "سماح ياماما صباح"...ووديع الصافى "ياعينى عالصبر " وهى من ألحان رياض البندك ودار يادار وعلى رمش عيونها ودول اللى عرفوه فى مصر بعد عندك بحرية اللى لحنها له عبد الوهاب ....أما باقى أغاني الفيلم وهم : أمورتي الحلوة.... ... و كل حب وانت طيب ياراجل ياطيب (نفسى تدونها مدتها دقيقتين وكوبليه ومذهب ).....وعدي عليه و سلم ....وزمن دوار وحالات الحب كترت وشمس جديدة ....
وتصدر اسم "بليغ حمدى" الأفيش بتاع الفيلم ....لأنه كان فى قمة توهجه وتألقه.واسمه بيبيع ...رغم ان الموجى ملحن "سلمولى على مصر".واستعراض "بعد الفن مفيش"....معلشى مانقدرش ننكر ان اغانى بليغ لحد دلوقتى 2013 بتتغنى ...زى "على رمش عيونها...مثلا"

تحياتنا يامدرسة التدوين ....

elarabi
14/10/2013, 14h20
استاذنا الفاضل عادل و جميع الا عضاء المحترمين
كل عام و انتم بخير.

armendo
14/10/2013, 14h31
بمناسبة حلول عيد الأضحى المبارك يطيب لى ان اقدم لكم جميعا اجمل التهانى وارق الأمنيات بالخير والسعاده ودائما إن شاء الله مصر والأمه العربيه دائما فى عيد.

وكل عام وانتم بخير

احمد (ارمندو)

وسام اكرم
14/10/2013, 15h25
الاحبة و الاصدقاء في منتدى سماعي
كل عام و انتم بالف خير انشاء الله
اعاده الله عز و جل بالتوفيق و النجاح
اللهم احفظ مصر الحبيبة من كل شر
الله فرج عن اخواننا في سوريا الحبيبة
امين
وسام لكرم

basma2265
14/10/2013, 18h25
استاذ عادل وجميع اعضاء المنتدي الكرام عيد سعسد
كل عام وانت بخير

basma2265
14/10/2013, 18h28
استاذعادل وجميع اعضاء المنتدي الكرام عيد سعيد

وكل عام وانتم بخير:emrose:

kamalia
14/10/2013, 18h49
كل عام وانت بخير.عيد مبارك سعيد
الله يحفضكم

salhi_haithem
14/10/2013, 18h50
كل عام و أنتم بخير ...عيد مبارك لجميع الأصدقاء ...أعَاده الله علينا و عليكم بالخيْر و اليمْن و البَركة

عادل صموئيل
14/10/2013, 22h32
احبائى

اقدم لكم وللأخت العزيزة بسمة

الاقصر بلدنا

انا اول ماشفت الطلب كتبتها فورا هى ما اخدتش معايا ربع ساعة هى سهلة جدا
خلى بالك الكوبليه التانى والتالت هم هم زى الاول بس فيه كلمة بتختلف عشان كده انا كتبته مرتين يعنى مرة الكوبليه الاول ومرة الكوبليه التانى والتالت هى كلمة انا م الواسطة والكوبليه التانى شموع حوالين تورتة

انا نفسى كل من بيحب مصر يدعى ربنا يفك ازمة الاقصر .... الاقصر بتعيش فى هذه الايام اسوأ ايام فى تاريخها من 7000 سنة ..ز

مع اطيب تحياتى

adib aburuman
15/10/2013, 03h43
السلام عليكم ورحمة الله وبركاته
كل عام والجميع مسلمين ومسيحيين بألف خير صحة وعافيه بمناسبة
عيد الأضحى المبارك
تحياتي
أخوكم الوفي
اديب.:emrose::emrose::emrose:

علي ثلاثة
15/10/2013, 10h31
كل عام وأنتم بخير

درأرسلان
15/10/2013, 13h45
أستاذنا الغالي عادل صموئيل،
إنا ندعوالله أن يفرج هموم أشقائنا وأحبابنا المصريين والسوريين، وأن يؤلف بين قلوبهم، وأن تعود الأمة العربية وهي متحدة ومستقرة إلى مجدها العريق؛
عيد مبارك سعيد وكل عام وأنتم بألف بخير

أخوكم د المصطفى أرسلان:emrose::emrose::emrose:

فؤاد العلمي
15/10/2013, 14h55
اخي العزيز عاصم المنشاوي
شكرا على المعلومات التي تمدنا بها، ومن خلالها نرى أن ثقافتك الفنية هي أيضا غنية، وننتظر منك دائما المزيد.
أخوك فؤاد.

زينة الغريبي
16/10/2013, 07h57
بمناسبة حلول عيد الأضحى المبارك يطيب لي أن أتقدم اليكم جميعا بأطيب التهاني
كل سنة و أنتم طيبين
شكرا أستاذ عادل على كل ما تقدمه لنا

عزت شحاته
16/10/2013, 19h45
كل عام وأحنا بخير
وحب وسلام

نور الصباح
17/10/2013, 10h25
الأخ العزيز والفنان الكبير الأســــــــــتاذ
عـــــــــــــــــــــــــــــــــــــــــــــــــ ـــــــــــــــــادل باشــــــــــــــــــــــــا صموئـــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــد :
بمناســـــــــــــــبة الاحتفال بذكــــــــــــرى رحــــــــــــــــــــــيل الفنانة الكبيرة
فـــــــــــــــــــــــــــــــــــــــــــــــــ ــــــــــــايزة أحــــــــــــــــــــــــــــــــــــــــــــــــ ـــــــــــــمد
أرجو من جنابكم تدوين الأغنيات التالية :
1 - بـــــــــــــالى معاك بــــــــــــــــــــالى
والملف الصوتى فى صفحة رقم 214 بتاريخ 8 / 10 / 2013
2 - خليــــــكوا شــــــــــــــــــــــــــــاهدين والملف الصوتى فى صفحة رقم 2015 بتاريخ 10 / 10 / 2013
- جيالك أنا جــــــــــــــــــــــــــــــيالك و الملف الصوتى فى الصفحة رقم 210 بتاريخ 23 / 9 / 2013
3 - شـــــــــهرين وشـــــــــــــــــــــــويةو الملف الصوتى فى الصفحة رقم 210 بتاريخ 23 / 9 / 2013
حفاظا على تراثها الغنائى وفنها العربى الرفيع
وشكرررررررررررررررررررررررررررررررررررررررررررا
أخوكم
نور الصباح

نور الصباح
17/10/2013, 10h43
إنه يؤســــــــــفنى ويحزنــــــــــنى أشد الأسف
وأعمق الحزن أن أنــــــــــــــعى لكم وأنقــــــــــل لكم
خــــــــبر وفــــــــــــاة فقيد الفن والعروبـــــــــــــــــة
الفنان العربى واللبـــــــــــــــــنانى
الأســــــــــــــــــتاذ المطرب العملاق
{ وديــــــــــــــــــــــــــــــع الصـــــــــــــــــــــــــــــــــــــــــافى }
الذى طالما غنى للعروبة ومصر والقومية العربية
عن عـــــــــــــــــــمر ينـــــــــــــاهز { 92 } عـــــــــــــــــام
ندعـــــــــــــــو الله أن يغفــــــــــر لــــه
ادعــــــــــــــوا له بالرحمة والمغفرة و نرجو من جنابكم
تدوين رائعته الجميلة وهى أغنية :
{ دار يـــــــــــــادار يــــــــــــادار }
اعترافــــــــــــــــــا منــــــــــــــــــا بفضـــــــــــــــله وريــــــــــــادته
وشكرررررررررررررررررررررررررررررررا
أخوكم
نور الصباح



http://www.sama3y.net/forum/flash/buttons/quote.gif (http://www.sama3y.net/forum/newreply.php?do=newreply&p=641443)

salhi_haithem
17/10/2013, 11h09
السلام عليكم
و كل سنة و أنتم طيبين
أستاذ عادل كنت طلبت طلب له سنتين و قد وعدتني في أكثر من مرة تدوينه و هي أغنية من كل بستان وردة و قد طلبتها من تاريخ 26/10/2011 يعني تسعة أيام و يصر عمر الطلب سنتين بالتمام و أنا أعلم مدى إنشغالك و إلتزامك و في الحقيقة كنت سأطلب أغنية جيت في وقتك ياحبيبي فقلت لكن قلت أغنية طويلة وتذكرت إني طلب أغنية من كل بستان وردة و بحكم أنه فيه وردة غنت فيه أحسن مقطع فقلت نضرب عصفورين بحجرة
المهم كوكتيل من كل بستان وردة يظم أعز مقاطع من أغاني و فيه كوبليات سبق و دونتهم مثل إسأل دموع عينيا و لولا الملامة
و الكوكتيل يظم
وحشتوني - اسمعوني - إسأل دموع عينيا - مسحيل - اولاد الحلال - لولا الملامة - أوراق الورد - جيت في وقتك - خليك هنا.
و يارب تدون هذا الكوكتيل الذي سيكون أسطوري
و من هنا (http://www.sama3y.net/forum/showpost.php?p=556270&postcount=4576) الملف و المشاركة
مع أطيب تحياتي هيثم

اخى العزيز هيثم
انا ابتديت النهاردة اكتب فيها وكتبت الكوبليه الاول
هو بصراحة اللى كان معطلنى وانا اقول لكم كل الاسرار مش بخبى عنكم حاجة
انا لما بكتب اغنية قديمة لأى مطرب من اللى قبل ما اعمل فى الوسط الفنى بكون حافظها او سامعها من زمان يعنى تقريبا مرسومة فى مخى .. واحيانا جايز حد منكم بيطلب اغنية قد اكون ماسمعتهاش ابدا وهنا انا بكتب اللى بسمعو وافضل ان تكون تسجيل استوديو عشان بيبقى الغناء والعزف محدد ومحكوم لن الملحن طبعا بيكون موجود داخل الاستوديو وغير مسموح لأى حد انو يتفلسف او يتفزلك يعنى الكل ( حتى ام كلثوم ) لازم يلتزم باللحن الاصلى 100 بعد كده فى الحفلات مسموح للمطرب يلعب فى اللحن يعنى بيبقى اللحن بتاعه وان شالله يولع فيه بس طبعا المطربين الكبار بيحافظوا على اللحن
ويـاى النوع الثانى من الاغانى وهى الاغانى اللى انا عزفتها فعلا مع مطربيها
ودى بتكون بالنسبة لى زى ما انت تتمشى داخل مسكنك يعنى حافظ كل ركن فيه وبالذات الاغانى اللى اتولدت على ايدى يعنى فيه اغانى لوردة مثلا دخلت كانت قديمة واغانى ابتدت تتعمل وانا موجود ... المشكلة فى الكوكتيلات لأن اللى بيعمل كوكتيل مش بيعمل قص ولصق يعنى بيلزق حاجة ورا حاجة ... انو بياخد كوبليه بحاله من اوله آخره ويضعه وراء كوبليه من اغنية تانية وهنا لازم يكون المقامين متناسقين
المشكلة الخطيرة اللى بتقلقنى الفزلكة ... يعنى اللى بيعمل الكوكتيل بيحاول يحط بصمته او يعمل حاجة من عندو بحيث انا لما بسمع عشان اكتب بلاقى حاجت مختلفة بتكعبل فيها زى من سنة عندنا فى بيتى طلع فى دماغهم يعملوا عتبة رخام عند باب بعض الحجرات وانا متعود بمشى فى الظلام لذلك تلاقينى بتكعبل فيهم علما بإنى ساكن فى نفس البيت من 30 سنة لكن العتب ده جديد نفس المشكلة فى الكوكتيلات
لكن ان شاء الله تعدى

مع اطيب تحياتى عادل صموئيل

dorame
17/10/2013, 22h24
يسلموووووا يا ايها الاستاذ الفاضل بكرمك وتواضعك
واعتقد ان الاغنية اللي من العيار الثقيل ( ولد الهدى )
وشكرا على التهنئة بالعيد

سليم العباس
18/10/2013, 00h04
الصديق هيثم صالحي
بعد التحية والمعايدة لك و لجميع أعضاء المنتدى ، هذه نوتة جيت في وقتك للفنانة وردة ريثما يتم تدوينها من قبل الأستاذ عادل ، مع الملاحظة أنها غير واضحة تماماً ، و على سيرة عدم الوضوح إليك هذه الطرفة :

دكتور كان عنده كلمة بمؤتمر طبّي، قعد طول الليل يكتب بها ، اليوم التاني وقف قدام الناس و اطّلع بالورقة ، ما عرفش يقرا أي حاجة من خطه .. قام قال :
ما فيش صيدلاني هنا ؟

messi-007
18/10/2013, 12h46
شكرا لكل من يساهم في تنمية هدا المنتدى الاسطوري.اتمنى تدوين نوتة شيراز جهاد عقل

salhi_haithem
18/10/2013, 15h07
نوتة شيراز جهاد عقل

basma2265
18/10/2013, 17h39
استاذ عادل

الف شكر علي النوته الرائعه ومش عارفه اشكر حضرتك ازاي علي المجهود العظيم ده:emrose:

سليم العباس
18/10/2013, 21h47
الأستاذ عادل

أرجو تدوين أغنية وديع الصافي (لا عيوني غريبة ) و التي طلبها كثيرون غيري ...
طبعاً في حال سمح وقتك و أحببت الأغنية .
و الشكر موصول في كل الأحوال .

نور الصباح
20/10/2013, 21h47
الأخ الكبير والفنان العظيم الأستاذ
{ عـــــــــــــــــــــــــــــــــــــــــــــــــ ــــــــــــــــــــــــادل با شـــــــــــــــــا صموئـــــــــــــــــــــــــــــيل
سلام الله عليكم ورحمته وبركاته
لذا نرجو من جنابكم تدوين الأغنيات التالية احتفالا منكم و منا برحيل هذين الفنانين العظيمين وهما
1 ) - حدوتــــــــــــــــــه --- محمد قنديل
فى المشاركة رقم (196) بتاريخ 13 /6 /2013
وشكرا لكم على سرعة استجابتكم لما نطلبه
وشكرا لكم على تدوينكم المميز والدقيق
وشكررررررررررررررررررررررررررررررررررررا
أخوكم
نور الصباح

عادل صموئيل
22/10/2013, 04h55
احبائى
اقدم لكم الكوكتيل من اغانى الفنانة وردة الجزائرية

من كل بستان وردة

واهدبه لأخى العزيز هيثم الصالحى

مع اطيب تحياتى

salhi_haithem
22/10/2013, 09h01
صباح الفل صباح النور
شكرا يا أستاذ عادل على هذه الأغنية و العمل الأسطوري حقيقة يعجز الليسان أن يوفيك حقك و كل ما تقدمه لنا يعتبر توثيق تاريخي لزمن الفن الجميل
فمليون شكر
هيثم

نور الصباح
22/10/2013, 13h10
احبائى
اقدم لكم الكوكتيل من اغانى الفنانة وردة الجزائرية
من كل بستان وردة
واهدبه لأخى العزيز هيثم الصالحى
مع اطيب تحياتى
SSSSSSSSSSSSSSSSSSSSSSSSSSSSSSSSSSS
وشكرا لكم على سرعة استجابتكم لما نطلبه
وشكرا لكم على تدوينكم المميز والدقيق
وشكررررررررررررررررررررررررررررررررررررا
أخوكم
نور الصباح

pink-panther21
22/10/2013, 20h07
مرحبا ...
أولاً ... شكراً جزيلاً أستاذ عادل على هذا المجهود الرائع .... ما شاء الله ... صار لازمك منتدى لحالك هههههه ...
بالفعل الله يمد يبعمرك و يعطيك العافية ...
طلب بســـــــيط ... لو سمحت إذا في مجال اطلب نوتة شارة مسلسل "ضيعة ضايعة" ... مسلسل سوري ... شارة رائعة من إبداعات الكبير طاهر مامللي ... ومقام الموسيقا بيات ... جربت إعزفها سماعي لكن حدث معي أخطاء بالمقدمة ...

اذا في مجال بتكون فضلت ... شكراً جزيلاً.

اخى العزيز
اهلا بك فى المنتدى
انا ما سمعتش هذا المسلسل لو ممكن تنزل لى ملف صوتى
وتحت امرك
مع اطيب تحياتى عادل صموئيل

ahmad_alahlawy
23/10/2013, 07h42
أستاذنا الفاضل عادل :
شكرا على كل بستان وردة...و اسمح لى ان اكرر طلبى العاجل بنوتة بكرة يا حبيبى لوردة
و شكرا

اخى العزيز
بعد ما انت طلبتها حد نزل النوتة هنا انا نزلتها وشفتها هى مكتوبة حلو هى بس ناقصة الادليب اللى فى الاول
ونازلة تون واحد لكنها مكتوبة كويس
انت شفتها ؟
مع اطيب تحياتى عادل صموئيل

نور الصباح
24/10/2013, 12h01
الأخــــــــــــوة الأحـــــــــــباء والأصدقاء الغوالى
أعضــــــــــــــــاء ومشـــــــــــــــــــــــــــرفون
سلام الله عليكم ورحمته وبركاته
وبعـــــــــــــــــــــــــــــــــــــــــــــد :
أرجو من جنابكم ( فردا فردا ) وكل أحد باسمه - خوفا من
الخطأ والنسيان أن تتقبلوا عظيم اعتذارى وأسفى لعدم التواصل
معكم عبرالتليفون المحمول - وحا أقول لكم على السر وبلاش
فضايح
هات ودنك إنت وهو وهى ( التليفون بتاعى ضاع ) منذ أكثر
من شهرين ومش لاقى حق النشوق وحاولت أعمل جمعية مع
أى حد بشرط أقبضها الأول لكن مش لاقى حد
ومن الأحاديث النبوية للرسول الكريم ( صلى الله عليه وسلم )
أنه قال :
(( من كان عنده فضل ظهر فليعد به على من لا ظهر له ))
أو كما قال عليه الصلاة والسلام
فإن كان فيه حد من الأخوة والأخوات عنده تليفون محمول
فايض عن احتياجه يرسله لى - بس يكون ماركة نظيفة
وعالمية
وهنيا لك يا فاعل الخير والثواب
ومن قدم شىء بيداه التقاه
وشكرررررررررررررررررررررا
أخوكم
نور الصباح
أبو تليفون ضايع

pink-panther21
24/10/2013, 13h18
مرحبا ...
أولاً ... شكراً جزيلاً أستاذ عادل على هذا المجهود الرائع .... ما شاء الله ... صار لازمك منتدى لحالك هههههه ...
بالفعل الله يمد يبعمرك و يعطيك العافية ...
طلب بســـــــيط ... لو سمحت إذا في مجال اطلب نوتة شارة مسلسل "ضيعة ضايعة" ... مسلسل سوري ... شارة رائعة من إبداعات الكبير طاهر مامللي ... ومقام الموسيقا بيات ... جربت إعزفها سماعي لكن حدث معي أخطاء بالمقدمة ...

اذا في مجال بتكون فضلت ... شكراً جزيلاً.

اخى العزيز
اهلا بك فى المنتدى
انا ما سمعتش هذا المسلسل لو ممكن تنزل لى ملف صوتى
وتحت امرك
مع اطيب تحياتى عادل صموئيل

أستاذ عادل ... شكراً على ردّك السريع وما يؤمر عليك ظالم يارب .....قمت برفع الشارة بناءً على طلبك ..ولكن رفعت ملفين صوتيين .. الأول شارة البداية والآخر شارة النهاية...حيث خشيت أن يؤثر كلام الموال في البداية على عملية كتابة النوتة..فشارة النهاية موسقا فقط .. أفضّل أن تقوم حضرتك بكتابة نوطة شارة البداية لا النهاية .. ولكن إذا وجدت شارة النهاية أسهل فلك الحرية في ذلك ... لا أريد أن أُتعبــك معي ..
عندي سؤال لوسمحت .. ما اسم الإيقاع الذي تبدأ وتنتهي به الشارة ؟؟؟ استعطت أن أميّز استخدام الإيقاع "المصمودي" منذ نهاية موّال البداية.. ولكن لم ألحظ أنه استمر للنهاية.

الله يمد بعمرك وتقديري الخالص لجهودك... دمت بخير.

اخى العزيز
انا مش مستوعب اللحن لأنه مش من النوعية اللى انا متعود اكتبها
وانا سألت الاخ العزيز محمد الآلاتى عن الايقاع لأنه خبير جدا فى الايقاعات لنى حسيت الايقاع مش واضح او العازفين بيلعبوا فى ايقاع معروف لكن بطريقتهم فكان رده

الإيقاع أثناء الموسيقى .. يشبه الواحدة الكبيرة 4 / 4

والإيقاع أثناء الغناء .. يشبه المصمودى الكبير 8 / 4

كل العملية إنهم بيلعبوا بالباندير ( الدف ) وبيتصرفوا فى الشكل الإيقاعى
اما وجهة نظرى انا ان هذا اللون من الغناء بيبقى موجود فى كل الدول ولكن فى القرى الحدودية البعيدة عن المدن التى تستعمل الموسيسسقى المقننة وفى الحالة هنا ممكن تكون القرية على الحدود مع تركيا لأن الموسيقى فيها نكهة سورية وتركية واضحة اكتر
المشكلة ان المغنيين والعازفين لهذه النوعبة بيبقوا متوارثين المهنة ابا عن جد بمعنى ان ابن المغنى بيتولد بيسمع ابوه بيغنى هذا اللون وبيلقطه منه ونفس الموضوع للعازف ... الخلاصة انهم لبعزفوا النوعية دى سماعى لأنها مش بتدخل تحت نطاق القواعد الموسيقية المعروفة فى المدن بمعنى انى بسمع وعلى طول بحدد الايقاع والمقام
وكل مازورة بسمعها بكون فاهم ومحدد نغماتها وايقاعاتها
مع اطيب تحياتى عادل صموئيل

عادل صموئيل
24/10/2013, 15h41
احبائى
اقدم لكم من روائع الفنانة الكبيرة فايزة احمد

خليكو شاهدين

مع اطيب تحياتى

نور الصباح
24/10/2013, 16h09
احبائى
اقدم لكم من روائع الفنانة الكبيرة فايزة احمد
خليكو شاهدين
مع اطيب تحيات
SSSSSSSSSSSSSSSSSSSSSSSSSSSSSSSSSSSS
خليكوا شاهدين على عدولة
خليكما شاهدين
بيتحفنا بكل حاجة جميلة
خليكوا شاهدين
وبقى لنا سنين فى الخير عايشين
ما احناش عارفين راح نشكر مين
وحا نشكر مين ماهو حبيبنا
خليكوا شاهدين
خليكوا شاهدين
وشكرررررررررررررررررررررررررررا
أخوكم
نور الصباح

محمد عبدالخالق
25/10/2013, 00h33
تحياتى للجميع،:emrose:
بعد اذنكم ليا طلب لحن موسيقى كان زمان بنسمعه كتير لكن دلوقتى لا.
اللحن سمعته بالصدفة فى نهاية فيلم "حسن ومرقص وكوهين" القديم.
ياريت لو حد فاكره يرفعه على المنتدى ويكون من الأفضل طبعا معاه النوتة.

شكرا مقدما.

الاخ العزيز
اولا اهلا بك فى المنتدى
طبيعى ان زمان كان الفن فن والمطرب مطرب والملحن ملحن ... وكان اقل لحن تسمعه حتى لو لمطرب مغمور بيبقى عالى الجودة جدا جدا لأن الذوق العام للجمهور كان عالى اوى اوى بشكل مايخليش اى مخرج يحط فى الفيلم اغنية اقل من المستوى بعكس دلوقتى
( تحس ان فيه عدد كبير جدا من توع البطاطا وناس بتغنى مالهاش علاقة بالغنا ومستمعين مش بيتذوقوا الحلو من الوحش لدرجة انك بقيت تسمع الجمل الموسيقية اكتر من 20 مرة فى اغانى مختلفة ولاحد هنا يعنى زمان على ايامنا الملحن لو عمل لحن وفيه جملة مش زى ولكن تشبه من بعيد جملة فى لحن اتقال قبل كده حد من الفرقة بينبهه وبيغيرها فورا ) بس المشكلة هنا انك لازم تتعب شوية يعنى اولا انت تنزل الفيلم وسهل تنزيله من على النت يعنى فى جوجل تكتب اسم الفيلم اكيد حا يديك مواقع كتير فيها الفيلم وبعد ماتنزله
شغله اتفرج عليه ولو عندك اى برنامج تسجيل على الكمبيوتر البرنامج ممكن بيسجل اى حاجة شغالة على الكمبيوتر ( يعنى برنامج جت اوديو او حاجة زيه ) انا بشغل الملف
الفيلمى او الفيديو وعند الاغنية اللى عايز اسجلها بشغل البرنامج على حالة التسجيل وهو بيسجل اللى هو سامعه ... ممكن تحصل عندك مشكلة ان البرنامج مش بيلقط الصوت
دى بتتصلح من انك بتفتح ملف الصوت من الكونترول بانل وتروح على التسجيل وتفتح حاجة تكون مقفولة اما لاين إن او ستريو ميكس وبيشتغل
طبعا معلش انا آسف حاتعبك بس انا ماعنديش وقت اعملها وحتى لو عندى الفيلم مش حعرف الاغنية اللى انت طالبها ومنتظر ردك
مع اطيب تحياتى عادل صموئيل
الاخ العزيز
انا بعد ماكتبت وقفلت حسيت انى عايز اخدم يعنى فى حالة انك ماتعرفش تسجل من الكمبيوتر
انا نزلت الفيلم لنى كنت من زمان ما اتفرجتش عليه
الاغنية اسمها ايه ؟

ahmad_alahlawy
25/10/2013, 13h33
الأستاذ عادل :
الآن بعد هذا التنويه عدت و شاهدتها....لم انتبه الى وجودها فى حينه و الشكر للأستاذ sfakhri
سأحاول العمل عليها....و لكن هذا طبعا لا يمنع وجود بعض الطمع فى ان تقوم بتدوينها لنا
و شكرا

اخى العزيز
هو المشكلة انا مش متأخر بس انا شفت النوتة لقيتها مكتوبة كويس جدا
يعنى انا لو كتبتها تانى مش حاتختلف عن النوتة دى وممكن اللى كتبها يحس انى سرقت شغله ونقلته
انا امتى بعيد كتابة نوتة موجودة ؟؟؟
والا لازم انا احس انا مش مكتوبة حلو بحيث لما اكتبها انت تحس بفرق كبير
مع اطيب تحياتى عادل صموئيل

مدحت محمود السع
25/10/2013, 14h05
كل الشكر للاستاذ عادل ... مجهود راقي لكنز فني خالد:)

الاخ العزيز
اهلا بك فى المنتدى والف شكر
مع اطيب تحياتى عادل صموئيل

عادل صموئيل
25/10/2013, 20h08
احبائى

اقدم لكم من روائع تراث الفنانة الكبيرة فايزة احمد

بالى معاك بالى

طبعا فايزة انا عزفت معاها يعنى عدد حفلات من الصعب حصره

لكن لما بدون لها اغانيها دلوقتى حسيت انها اكبر واعظم مما كنت حاسسها مليون مرة
لأن التدوين غير العزف وغير الاستماع .. التدوين بيخليك تحس بكل حرف هى بتقوله , يعنى مثلا فيه تلاقى مازورة هو اللحن اصلا 4 نوارات ... وللعلم كانت بتبقى مكتوبة كده ايام الفرقة الماسية .. انا دلوقتى لما بدون بسمع المازورة كذا مرة اكتبها 4 نوارات احس فايزة عملت عُربة عبقرية فى وسط المازورة ,, للأمانة وللذكرى وللتاريخ وكمان انا بكتب النوتة مش عارف مين اللى حايستعملها ,, يعنى ممكن فرقة فى دولة عندها مطربة زى فايزة فى اى زمن يمكن بكرا يمكن بعد سنوات الامانة بتخلينى اكتب الحلية او العربة دى ,,, العبقرية بتاعة فايزة انك لما تسمع بيبقى صعب جدا جدا انك تحس العربة ( واللى ممكن تحصل فى نوار واحد من الاربعة ) واللله احيانا بكتب المزورة واسمع الاقى مش هى امسحها واسمع واكتبها تانى ساعات بتحصل 20 مرة لحد ما اوصل
صحيح بتعب لكن بحس انى عملت حاجة يعنى ممكن مازورة من دول تاخد وقت اكتر من اغنية عادية صفحتين مثلا
طبعا انا فى الآخر بكتب لوجه الله ومحبة لكب المستفيدين من النوت اللى اعرفهم واللى ما اعرفهمش بس جدير بالذكر ان المازورة دى لما كانت فى الفرقة الماسية بتتكتب 4 نوار العازف فى الفرقة الماسية او فرقة السيدة ام كلثوم
كان فى اللزمات بيزخم يعنى يعزف قوى اما فى الغناء بيعزف خفيف وبيبقى اذنه مع المطرب ( بالذات المطرب الكبير طبعا ) عشان مانهجمش عليه ونحدد له اللى يقوله يعنى المطرب بيبقى هى القائد فى الحكاية دى

مع اطيب تحياتى

محمد عبدالخالق
26/10/2013, 08h31
تحياتى للجميع،:emrose:

أستاذنا عادل صموئيل ..
أنا سجلت صوت اللحن المطلوب من فيلم حسن ومرقص وكوهين، وهو صوت فى الخلفية فى نهاية الفيلم بالضبط فى التوقيت 1:41 (ساعة و 41 دقيقة)، وطبعا الصوت فى الخلفية مع أصوات عمالقة الكوميديا، لكن انا واثق ان سيادتك هاتستقبل صوت اللحن المطلوب لأنه معروف جدا زمان وكنا بنسمعه كتير لكن أنا فعلا مش فاكر اسم اللحن ايه.
مرفق جزء من تسجيل الصوت.

الاخ العزيز
انت الاول قلت اغنية وانا نزلت الفيلم ما لقيتش فيه اغانى خالص
لكن لما انت وضحت انها موسيقى
هى موسيقى تأليف الاستاذ محمد عبد الوهاب اسمها موكب النور
ومن حسن حظك ان الاخ العزيز نقولا مرجية مدونها من قبل فى المنتدى واليك الرابط
http://www.sama3y.net/forum/attachment.php?attachmentid=308688&d=1354396852

مع اطيب تحياتى عادل صموئيل

منذر44
26/10/2013, 08h35
الاستاذ المحترم عادل صموئيل
هذا اول طلب لي في هذا المنتدى الرائع ...انني اتابع جميع ما تخطه يديك من ابداع وأي كلام يعجز عن شكرك
ولهذا أنا طامع ان يسمح وقتك بتلبية طلبي
أرجو تدوين بعض أغاني عماد عبد الحليم الرائعة ومنها على سبيل المثال ....أغنية على عيني....
وأغنية وحيد...وأغنية ساكتة ليه
كما أرجوتدوين أغنية نقطة الضعف لفايزة احمد...وأغنية استناني وما استغناش لنجاةة

نور الصباح
26/10/2013, 11h33
احبائى
اقدم لكم من روائع تراث الفنانة الكبيرة فايزة احمد
بالى معاك بالى
طبعا فايزة انا عزفت معاها يعنى عدد حفلات من الصعب حصره
لكن لما بدون لها اغانيها دلوقتى حسيت انها اكبر واعظم مما كنت حاسسها مليون مرة
SSSSSSSSSSSSSSSSSSSSSSSSSSSSSSSSSSSS
خليكوا شاهدين على عدولة
خليكما شاهدين
بيتحفنا بكل حاجة جميلة
خليكوا شاهدين
وبقى لنا سنين فى الخير عايشين
ما احناش عارفين راح نشكر مين
وحا نشكر مين ماهو حبيبنا
خليكوا شاهدين
خليكوا شاهدين
وشكرررررررررررررررررررررررررررا
أخوكم
نور الصباح
24/10/2013

احمد راشد فاروق
26/10/2013, 13h20
السلام عليكم ورحمة الله وبركاته الاخ المحترم عادل ساموئيل
اطلب من حظرتك نوتة فلم الوتر واكون شاكراً جزيل الشكر في حال تلبة طلبي او عدم تلبيته
تحياتي ومحبتي .دمت بودا

الاخ العزيز

الموسيقى التصويرية وبالذات الموزعة والتى تحتوى على مؤثرات صوتية مش ممكن تتكتب
ماتنفعش من غير النوتة الاصلية اللى كاتبها المؤلف الموسيقى شخصيا لأنهم بيركبوا عليها مؤثرات فى الاستوديو
لكن اقدم اليك هذا الرابط

http://mp3vale.com/download-mp3-%D9%85%D9%88%D8%B3%D9%8A%D9%82%D9%8A-%D9%81%D9%8A%D9%84%D9%85-%D8%A7%D9%84%D9%88%D8%AA%D8%B1.html

ترفع الصفحة لفوق حتلاقى 12 مقطوعة هم الموسيقى التصويريه وفيهم استماع وده اللى اقدر اقدمه مع اطيب تحياتى عادل صموئيل

محمد عبدالخالق
26/10/2013, 13h41
الاخ العزيز
انت الاول قلت اغنية وانا نزلت الفيلم ما لقيتش فيه اغانى خالص
لكن لما انت وضحت انها موسيقى
هى موسيقى تأليف الاستاذ محمد عبد الوهاب اسمها موكب النور
ومن حسن حظك ان الاخ العزيز نقولا مرجية مدونها من قبل فى المنتدى واليك الرابط
[/URL][URL]http://www.sama3y.net/forum/attachme...8&d=1354396852 (http://www.sama3y.net/forum/attachment.php?attachmentid=308688&d=1354396852)

مع اطيب تحياتى عادل صموئيل

تحياتى للجميع،:emrose:

استاذنا عادل صمويل، أنا فعلا سعيد لانى عرفت اسم اللحن وأسعد انه مازال فى الذاكرة لانه فعلا جميل وغريب وفيه آلات موسيقية من الاوركسترا وآلات تانية تنفع لموسيقى الموالد، بصراحة خليط عجيب لكن فى النهاية متجانس مع بعضه، والناى والكمانجة مميزين جدا فيه.
بصراحة عبد الوهاب عبقرى!! فيه كلمة تانية نوصفه بيها؟
أنا صحيح مش عازف موسيقى لكنى الحمد لله باعرف اسمع نضيف.:)
وشكرا على الاهتمام والسرعة فى الرد على عضو جديد.

اخى العزيز
احنا هنا فى المنتدى كلنا اسرة , واى عضو جديد بيدخل ويبتدى يشترك معانا فى الحوارات بينضم للأسرة .. وانا معنديش فرق بين عضو قديم وجديد .. والمنتدى بتاعنا موجود على الانترنت ومتاح لكل سكان الكرة الارضية وانا لما بكتب نوتة مش بحدد مين اللى ممكن يستفيد منها لأن ممكن مليون عضو يفتحوا الصفحة ويكونوا مسجلين فى المنتدى وينزلوها .. اما اهم شىء انك بتسمع نضيف .. كان زمان ايام عبد الوهاب ونجوم وعمالقة الزمن الجميل ( وانا اشتغلت معاهم شخصيا اكتر من 20 سنة ) كان الذوق العام للجمهور مرتفع جدا جدا يعنى بيختار الحلو ويلفظ اللى مش حلو .. وده خلا كل الانتاج مستواه عالى حتى مع اصغر مطربين وملحنين .. والمقطوعة اللى حضرتك ذكرتها دى واحدة من عشرات المقطوعات الموسيقية اللى الفها عبد الوهاب وهو بالطبع مش عبقرى هو عبقرى جدا او مستودع عبقرية .. وكانت عبقريته فى ان كل مقطوعة ( ومع ان بتبقى معزوفة على نفس الفرقة وعلى نفس العازفين بيبقى لها نكهة مختلفة ومش بتتكرر فى مقطوعة تانية ومن اهم عبقرياته الدمج بين آلات فى الصولو وبيكون دمج غير معتاد
يعنى انت لما تسمع اول جملة وتسأل اى موسيقى ايه الآلات بالتحديد اللى طلعت النكهة دى مش حايقول غير نصفهم .. وماحدش بيعرف السر ده غير اللى عزفوا مع عبد الوهاب فترة طويلة يعنى مثلا فيه صولو قانون العادى انك بتسمع قانون محدد مع الايقاع
لكن مع عبد الوهاب كان بيخلى لو خلفية منخفضة من آلات تانية تخليك تحتار الالات دى ايه بالتحديد .. عشان كده انت النهاردة لو جبت اخطر فرقة موسيقية وتنفذ العمل ده تانى حاتحس ان فيه نكهة خطيرة ناقصة .. العملية دى انا عشان اوضحها اشبهها بالطبيخ
يعنى انا رحت جميع او معظم دول العالم فى اوربا مثلا لو عجبتك اكلة فيه كتاب طبيخ
بيبقى فيه الطريقة والمقادير محددة بالجرام تنفذ الطريقة بالضبط تطلع الاكلة لكن هات لى اشهر طباخة فى ايطاليا مثلا وعلمها تعمل ملوخية ونجرب مش ممكن حاتطلع زى واحدة مصرية تطبخها بيقولوا السر فى النفس لكن هو شىء سر ماحدش يعرفه .. يعنى حاجة بتعملها امى وامك بس السر ايه العلم عند الله والموسيقى الشرقية كده
انا انصحك فوق فى البحث اكتب موسيقى عبد الوهاب حتلاقى فى المنتدى هنا مجموعة كبيرة جدا حاتعجبك وحتلاقى نفسك سامع معظمهم من قبل هم كانوا كتير بيستعملوا فى الفواصل الاذاعية فى الراديو واحيانا فى بعض الافلام القديمة
وآسف للطالة مع اطيب تحياتى عادل صموئيل

عاصم المنشاوى
27/10/2013, 06h03
الأصدقاء...صباح الخير
...آخر ماكتب لنا الستاذ /عادل من نوت كانت أغانى (الأقصر بلدنا- خليكو شاهدين - بالى معاك)

بالنسبة للأقصر بلدنا ...هى من ألحان الموزع الراحل "على أسماعيل"...وكلمات "فتحى قورة"...وكانت من ضمن أغنيات فيلم ( غرام فى الكرنك) أنتاج وعرض 1967...وهو فيلم خفيف ...كوميدى رومانسى ....وقام على اسماعيل بتلحين اغانى الفيلم ...لأنه اصلا كان بيشتغل مع "فرقة رضا للفنون الشعبية"...ومن أشهر أغانى الفيلم...(حلاوة شمسنا) و (الأفصر بلدنا)....والأتنين ...دونهم لنا المبدع / عادل صمويل...والحقيقة الفيلم من منظور دارسى تاريخ مصر الفرعونية _ زيى مثلا- ...أجد أن الفيلم به أخطاء تاريخية وأزدراء للتاريخ ...لكن على مستوى الموسيقى والغناء والرقص ...فهو أكثر من رائع ويكفى انه حفظ لنا اسم مدينة الأقصر...فعلى مدى خمستلاف سنة تغير موقع عاصمة مصر ...ففى البداية كانت ( ممفيس-أو حاليا البدرشين أو ميت رهينة) 20 كم جنوب الجيزة - ثم الواسطى أو طيبة فيما بعد ايام اليونانيين ثم حينما دخل العرب بجيوشهم أطلقوا علىها اسم الأقصر لكثرة القصور فهو جمع تكسير للقصر ( قصر- قصور - اقصر- الأقصر) والحقيقة هى ليست قصورا لكنها معابد ...لكن الأسم الأقدم كان الواسطى بمعنى الصولجان والنفوذ...وهى فى الأغنية حينما يسأل محمد العزبى عربجى الحنطور (مش برضو منها ) فيرد العربجى بالموافقة والتأكيد على جذوره (أنى م الواسطى)....ولانزال نستخدم هذه الكلمة حتى الآن...فأنت حينما تبحث عن من يساعدك فى أمر ما ...تعيين فى شركة مثلا ...تبحث عن الواسطى ...وهى كلمة فرعونية ...وليست عربية ...ربما تتشابة فى الواسطة ..او الوسيط أو التوسط لدى فلان ....ولكنها كلمة فرعونية وكانت هناك اكثر من واسطى ..منها مدينة الواسطى الموجودة حتى الآن فى محافظة بنى سويف......بعد الأقصر أنتقلت العاصمة الى الأسكندرية ثم الفسطاط فالعسكر فالقطائع الى ان استقرت فى القاهرة من حوالى ألف سنة مضت ....تحياتى لكم

عاصم المنشاوى
27/10/2013, 06h16
الأصدقاء ..
.نأتى الى أغنيتى فايزة أحمد ...واللى برضو نوتهم لنا المدرسة التدوينية /عادل صمويل...
خليكو شاهدين ....كلمات سيد مرسى وألحان محمد سلطان .....الأغنية طبعا فى بداية السبعينات ...1972 على الأرجح
ولسيد مرسى اغنيتين مشهورتين لوردة وبليغ وهما "أسمعونى " و"أولاد الحلال"
أما الأغنية التانية فى "بالى معاك بالى" ...وواضح فيها لمسات : عبد الرحمن الأبنودى ...المولود فى غيطان مصر فى الصعيد فى ابنود 25 كم شمال الأقصر نفس بلديات أمل دنقل وبهاء طاهر ومحمد صفاء عامر وعبد الرحيم منصور...المهم كانت فترة شعبيات فايزة ...برضو لما نجح عبد الرحمن البنودى فى الشعبيات مع عبد الحليم وشادية وبليغ أواخر الستينات ...بدأت هى فى غناء عدة أغانى لعبد الرحمن الأبنودى ( يامّة ياهوايا الهوا أو الهوى بعتر ضفايرى)...و ( آخد حبيبى يانا يامّة غازلة لة يامة بايدى الطاقية)...و( مادام معاى وبنقسم اللقمة ونضحك وبنشرب شاى)و(مال علىّ مال ) وأغنيتنا بالى معاك بالى ).و(صعبان علينا),..طبعا كلهم من تلحين محمد سلطان.....وكلهم عاليوتيوب وتلاقى دايما فناننا الكبير عادل بك منوّر اليوتيوب

عاصم المنشاوى
27/10/2013, 06h25
استاذ عادل

صباح الخير عليك....

كل مابشوفك عاليوتيوب أو فى التليفزيون...ألاقى قعدتك دايما او معظم الوقت جنب ميشيل المصرى ...أو عمر خورشيد...
والسؤال دلوقتى عن (عمر خورشيد)...هذا الجان ...فتى الأحلام ...العازف الوسيم...محطم قلوب العذارى ...من أصغر قرية فيكى يامصر لحد أكبر قصر فيكى يامصر...والمعجبات بيموتوا فيه.انا ركزت معاه شوية فى أغانى أم كلثوم تلاقيه ماشى بالمسطرة...مع عبد الحليم هادى ومبتسم دائما ...مع فايزة بقى ...مش عارف أزاى هى كانت متقبلة ان حد تانى يسرق منها الكاميرا ...محمد سلطان كان بيديله شوية صولوهات ...تجنن وصعبة فى عزفها...ماحدش يقدر يعزفها-متهيألى - غيره ...شوف مثلا فى غريب يازمان / خليكو شاهدين / بالى معاك بالى و صعبان علينا....يتالق ويبدع وكانت شعبيته طاغية ....فى حفلات فايزة تلاقى الجمهور بيطلب منه الأعادة تانى وبيهتف باسمه ...وتلاقى فايزة مبسوطة بده ومش معترضة...أحكى لنا ياعمنا عن ذكرياتك مع عمر خورشيد....صباحك بيضحك

الأستاذ الفنان القدير / فؤاد العلمى ...تحياتى لك


اخى العزيز
انت بتتكلم فى موضوع فى منتهى الخطورة والأهمية
يعنى بعد فترة التلاتينيات اللى كان المطرب فيها هو النجم الاوحد على المسرح يعنى زى ما انا قلت قبل كانت الموسيقى او المقدمة الموسيقية مش موجودة حاجة ثانوية
لكن لما جه عبد الوهاب وعمل النقلة الحضارية فى الموسيقى العربية واللى عملت توجيه لكل الملحنين والألحان بعده ,, ظهر موضوعالصولو استغلالا لمهارة عدد من العازفين العظام واللى عمرهم ما اتكرروا من بعد
الفنان الحمار بيحب انه هو يبقى النجم الاوحد على المسرح ودى خطورتها ان ممكن يطلع فنان تانى يمسحه .. لكن الفنان اللى بيفهم بيحاول يقدم احلى حاجة
يعنى ام كلثوم مثلا كانت بتتباهى بمحمد عبده صالح والحفناوى ثم عمرخورشيد وبالطبع لما يكون صولول حلو الناس بتحب انه يعيده مرات وكانت هى بتتبسط يعنى بتحس انها هى والفرقة عمل مكتامل هى حلوة وفرقتها حلوة زى ما انت تعمل فرح وتعزم شوية ناس اكابر بتتباهى بيهم قدام المعازيم ,, وبالطبع عبد الحليم وفايزة ووردة ساروا على نفس المنهج .. المشكلة ان الخطيرة ان عمر خورشيد كان عازف ماحصلش ( طبعا لنى حافظ كل عازفين الاورج والجيتار اللى فى السوق ) كان اولا تكنيك من اعلى مايخطر على البال وده بيديك اصعب صولو ممكن يلخفن اى عازف بيقولوا وهو مغمض وده اكتر واحد استفاد منه محمد سلطان يعنى كان بيعمل صولوهات خارقة
كانت بتعمل لنا مشاكل بعد وفاة عمر خورشيد يعنى فايزة مثلا كانت ماتقدرش تغنى غريب يازمن لن فى موسيقى الكوبليه الاول صولو جيتار صعب جدا وصعوبته انو ملخفن يعنى اى عازف مهما كان اكيد اكيد حايقع فيه .. كمان من ممزيات عمر خورشيد انو احلى واحد فى العالم العربى يديك اكورات ع الموسيقى وللعلم الاكورات دى بتبقى مش مكتوبة او بالخص بتبقى حاجات مقعدة فى علم الجيتار مايعرفهاش غير المخضرمين فى اكورات الجيتار يعنى الملحن نفسو مايعرفهاش لكن بيسيبه يقول اللى على ذوقة وكان عالى عالى جدا جدا .. يعنى لو تسمع الادليب بتاع هذه ليلتى تسمع الجيتار بيعمل حاجات تحت الغنا تطير العقل وانا بعزف هذه ليلتى مع نفسى بحس انى ضئيل اوى لأن الاكورات دى بتديك 90% من النكهة .. وفى اول مقدمة هذه ليلتى عمل صولو ايقاع فوق مستوى الهبل وبرضه عمر هو اللى صممه لنو زى ماقلت صولو من اختصاص الخبراء فى الجيتار .. واى صولو لعمر خورشيد بالذات تحس ان 70% من الصولو من تصميم عمرخورشيد وجدير بالذكر حاجتين كان عبد الوهاب بيدى انور منسى نفس الخاصية والحاجة التانية ان عبد الوهاب والسنباطى اان بيعمل الجملة ومحظور انك انت تلعب فيها لكن سمح بالموضوع ده لتنين فقط هم عمر خورشيد وانور منسى ... من اهم مميزات عمر خورشيد كمان انو كان ناعم ومش بيعزف بصوت عالى يعنى لأنو اول جهاز كهربائى دخل على الفرقة الشرقية دخل دخلة حلوة يعنى اضاف للموسيقى بعكس بتوع الاورج بيعلى صوته ويدخل زى البلدوزر بيحس انو وحده على المسرح وده بالطبع فى الفرق اللى زى الماسية يدمر الموسيقى يعنى بيقطع الصلة بين نص الفرقة اللى ع اليمين اللى هو كمنجات ونص الفرقة اللى ع الشمال وهو الايقاعات يعنى لو الاورج او الجيتار زعق ممكن يحصل كونتر مدرمى لأنى مش سامع الايقاع كويس ....
اما اهم واخطر شىء اداه العازفين العظام دول للبشرية مش الصولو الحلو اللى انت بتسمعه ... ولكن كام مليون واحد حب الآلة الموسيقية دى بالذات وانا واحد منهم وانا طفل كنت بشوف الحفناوى بيقول صولو حلو والناس بتصفق له وام كلثوم تخليه يعيد تانى اقصد نجومية العازف بتخلى الاطفال تطلع تحب الآلة غير لما تكون الآلة فى الظل ماحدش واخد بالو منها يعنى مثلا الكونترباص .. انت لو تعرف ميزة الكونترباص وشغله تتجنن لكن الناس تعرف الكمنجة اكتر لأن الكونترباص جندى مجهول بيعمل فى صمت لكن الكمنجة هى النجم الظاهر
مع اطيب تحياتى عادل صموئيل

نور الصباح
27/10/2013, 14h50
الأخ العزيز والفنان الكبير الأســــــــــتاذ
عـــــــــــــــــــــــــــــــــــــــــــــــــ ـــــــــــــــــادل باشــــــــــــــــــــــــا صموئـــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــد :
بمناســـــــــــــــبة الاحتفال بذكــــــــــــرى رحــــــــــــــــــــــيل الفنانة الكبيرة
فـــــــــــــــــــــــــــــــــــــــــــــــــ ــــــــــــايزة أحــــــــــــــــــــــــــــــــــــــــــــــــ ـــــــــــــمد
أرجو من جنابكم تدوين الأغنيات التالية :
1- جيالك أنا جــــــــــــــــــــــــــــــيالك و الملف الصوتى فى الصفحة رقم 210 بتاريخ 23 / 9 / 2013
2- شـــــــــهرين وشـــــــــــــــــــــــويةو الملف الصوتى فى الصفحة رقم 210 بتاريخ 23 / 9 / 2013
حفاظا على تراثها الغنائى وفنها العربى الرفيع
وشكرررررررررررررررررررررررررررررررررررررررررررا
أخوكم
نور الصباح

mario
27/10/2013, 15h34
SALAM ABHATO 3AN NOTAT AHI GAT KIDA LLMARHOMA WARDA CHOKRAN JAJILANNNNNNNNNNNNNNNNNNNNNNNNNN

نور الصباح
27/10/2013, 16h29
إنه يؤســــــــــفنى ويحزنــــــــــنى أشد الأسف
وأعمق الحزن أن أنــــــــــــــعى لكم وأنقــــــــــل لكم
خــــــــبر وفــــــــــــاة فقيد الفن والعروبـــــــــــــــــة
الفنان العربى واللبـــــــــــــــــنانى
الأســــــــــــــــــتاذ المطرب العملاق
{ وديــــــــــــــــــــــــــــــع الصـــــــــــــــــــــــــــــــــــــــــافى }
الذى طالما غنى للعروبة ومصر والقومية العربية
عن عـــــــــــــــــــمر ينـــــــــــــاهز { 92 } عـــــــــــــــــام
ندعـــــــــــــــو الله أن يغفــــــــــر لــــه
ادعــــــــــــــوا له بالرحمة والمغفرة و نرجو من جنابكم
تدوين رائعته الجميلة وهى أغنية :
{ دار يـــــــــــــادار يــــــــــــادار }و الملف الصوتى فى الصفحة رقم (219) بتاريخ 17 / 10 / 2013
اعترافــــــــــــــــــا منــــــــــــــــــا بفضـــــــــــــــله وريــــــــــــادته
وشكرررررررررررررررررررررررررررررررا
أخوكم
نور الصباح

سليم العباس
27/10/2013, 20h36
أستاذ عادل
بعد التحية و الشكر على كل ما قدّمته من تدوينات رائعة ، هل يوجد أغانٍ للفنانَين وديع الصافي أو هاني شاكر على لائحة النوتات المستقبلية ؟

اخى العزيز اشكرك
طبعا ان شاء الله
بس هو الاول انا بحاول اخلص اكبر كمية ممكنة من اغانى النجوم
اللى لهم ثقل اكبر لأنهم مطلوبين اكتر
وانا سعيد جدا انى دونت عدد كبير جدا جدا من اغانى ام كلثوم اولا
وطبعا بحاول اقدم الاغانى المهمة لجميع النجوم
اما عن هانى شاكر هو كان زميلى فى كلية التربية الموسيقية وكنا نفس الدفعة
ووديع الصافى انا عزفت معاه عدة مرات ومن عشاقه

مع اطيب تحياتى عادل صموئيل

عادل صموئيل
28/10/2013, 18h44
احبائى

اقدم لكم من روائع الفنانة فايزة احمد

بحبك يامصر

الاغنية دى من منتجات ايام حرب اكتوبر المجيدة


مع اطيب تحياتى

http://img8.uploadhouse.com/fileuploads/2172/2172817a315ee6abaa84d70db28ef47237efeba.gif (http://www.uploadhouse.com/viewfile.php?id=2172817&showlnk=0)

عادل صموئيل
28/10/2013, 18h46
احبائى

اقدم لكم من روائع الفنانة فايزة احمد

جيالك

مع اطيب تحياتى

http://img8.uploadhouse.com/fileuploads/2172/2172807100618cddb3252e18d4054675f3d30c6.gif (http://www.uploadhouse.com/viewfile.php?id=2172807&showlnk=0)

armendo
28/10/2013, 18h47
الأصدقاء ..
.نأتى الى أغنيتى فايزة أحمد ...واللى برضو نوتهم لنا المدرسة التدوينية /عادل صمويل...
خليكو شاهدين ....كلمات سيد مرسى وألحان محمد سلطان .....الأغنية طبعا فى بداية السبعينات ...1972 على الأرجح
ولسيد مرسى اغنيتين مشهورتين لوردة وبليغ وهما "أسمعونى " و"أولاد الحلال"
أما الأغنية التانية فى "بالى معاك بالى" ...وواضح فيها لمسات : عبد الرحمن الأبنودى ...المولود فى غيطان مصر فى الصعيد فى ابنود 25 كم شمال الأقصر نفس بلديات أمل دنقل وبهاء طاهر ومحمد صفاء عامر وعبد الرحيم منصور...المهم كانت فترة شعبيات فايزة ...برضو لما نجح عبد الرحمن البنودى فى الشعبيات مع عبد الحليم وشادية وبليغ أواخر الستينات ...بدأت هى فى غناء عدة أغانى لعبد الرحمن الأبنودى ( يامّة ياهوايا الهوا أو الهوى بعتر ضفايرى)...و ( آخد حبيبى يانا يامّة غازلة لة يامة بايدى الطاقية)...و( مادام معاى وبنقسم اللقمة ونضحك وبنشرب شاى)و(مال علىّ مال ) وأغنيتنا بالى معاك بالى ).و(صعبان علينا),..طبعا كلهم من تلحين محمد سلطان.....وكلهم عاليوتيوب وتلاقى دايما فناننا الكبير عادل بك منوّر اليوتيوب

صديقى العزيز عاصم المنشاوى...اشكرك كثيرا على هذا الفيض من المعلومات التاريخيه المستوحاه من فيلم غرام فى الكرنك (وذلك بحكم المهنه بالطبع).

اما فيما يخص الأبنودى فحدث ولا حرج فهو احد اهم كتاب الأغنيه العاميه وارقهم على الأطلاق وعلى اكتافه قامت شهرة محمد رشدى وازدات فايزه احمد لمعانا بغنائها لكلماته ,وفى رأيى الخاص أن اغنيتى( يامه يا هوايا ) و(مادام معاى )هما من ارق واجمل ما عنت فايزه للأبنودى فهما قمه فى الرومانسيه ...وانا ادعو الأستاذ عادل وبإلحاح شديد ان يدون هاتين الأغنيتين إذا اراد وله كل الشكر.

واخيرا اشكرك على مشاركاتك المليئه بالمعلومات المفيده كعادتك دائما.

احمد (ارمندو)

salhi_haithem
28/10/2013, 20h43
السلام عليكم و تحية صادقة مقرونة بالمودة و التقدير
أستاذ عادل أود أن أشكرك لما تقدمه لنا من أعمال ومجهودات مذهله لإفاده العامه و لا استطيع أن أعبر لك عن مدى سعادتى وانا اشاهد موضوعك و نوتاتك العملاقة
أطال الله في عمرك وأمدّ
هيثم

نور الصباح
29/10/2013, 14h31
احبائى
اقدم لكم من روائع الفنانة فايزة احمد
جيالك
مع اطيب تحياتى
SSSSSSSSSSSSSSSSSSSSSSSSSSSSSSS
احبائى
اقدم لكم من روائع الفنانة فايزة احمد
بحبك يامصر
الاغنية دى من منتجات ايام حرب اكتوبر المجيدة
SSSSSSSSSSSSSSSSSSSSSSSSSSSSSSSSSSSS
:thankyou::thankyou::thankyou:

basma2265
29/10/2013, 16h40
السلام عليكم

شكرا علي نوته بحبك يا مصر وعلي النوت الرائعه

نور الصباح
31/10/2013, 10h33
الأخ العزيز والفنان الكبير الأســــــــــتاذ
عـــــــــــــــــــــــــــــــــــــــــــــــــ ـــــــــــــــــادل باشــــــــــــــــــــــــا صموئـــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــد :
بمناســـــــــــــــبة الاحتفال بذكــــــــــــرى رحــــــــــــــــــــــيل الفنانة الكبيرة
فـــــــــــــــــــــــــــــــــــــــــــــــــ ــــــــــــايزة أحــــــــــــــــــــــــــــــــــــــــــــــــ ـــــــــــــمد
أرجو من جنابكم تدوين الأغنيات التالية :
1- شـــــــــهرين وشـــــــــــــــــــــــويةو الملف الصوتى فى الصفحة رقم 210 بتاريخ 23 / 9 / 2013
حفاظا على تراثها الغنائى وفنها العربى الرفيع
وشكرررررررررررررررررررررررررررررررررررررررررررا
أخوكم
نور الصباح

نور الصباح
31/10/2013, 10h35
إنه يؤســــــــــفنى ويحزنــــــــــنى أشد الأسف
وأعمق الحزن أن أنــــــــــــــعى لكم وأنقــــــــــل لكم
خــــــــبر وفــــــــــــاة فقيد الفن والعروبـــــــــــــــــة
الفنان العربى واللبـــــــــــــــــنانى
الأســــــــــــــــــتاذ المطرب العملاق
{ وديــــــــــــــــــــــــــــــع الصـــــــــــــــــــــــــــــــــــــــــافى }
الذى طالما غنى للعروبة ومصر والقومية العربية
عن عـــــــــــــــــــمر ينـــــــــــــاهز { 92 } عـــــــــــــــــام
ندعـــــــــــــــو الله أن يغفــــــــــر لــــه
ادعــــــــــــــوا له بالرحمة والمغفرة و نرجو من جنابكم
تدوين رائعته الجميلة وهى أغنية :
{ دار يـــــــــــــادار يــــــــــــادار }و الملف الصوتى فى الصفحة رقم (219) بتاريخ 17 / 10 / 2013
اعترافــــــــــــــــــا منــــــــــــــــــا بفضـــــــــــــــله وريــــــــــــادته
وشكرررررررررررررررررررررررررررررررا
أخوكم
نور الصباح

عادل صموئيل
31/10/2013, 17h23
احبائى
اقدم لكم من اغانى الفنانة صباح القديمة

بعدين معاك

مع اطيب تحياتى

http://img0.uploadhouse.com/fileuploads/2004/20048501f50fa8ce7e199bd7dc001fd7a5974d3.gif (http://www.uploadhouse.com/viewfile.php?id=2004850&showlnk=0)

عادل صموئيل
31/10/2013, 17h26
احبائى

اقدم لكم من روائع تراث الفنانة الكبيرة فايزة احمد

شهرين وشوية

مع اطيب تحياتى


http://img2.uploadhouse.com/fileuploads/2013/201398823ece12b6ae62a1b382f40caa73d21ca.gif (http://www.uploadhouse.com/viewfile.php?id=2013988&showlnk=0)

عادل صموئيل
31/10/2013, 17h29
احبائى

اقدم لكم من روائع الفنانة فايزة احمد

مال عليا مال

مع اطيب تحياتى

http://img1.uploadhouse.com/fileuploads/2013/2013995280bc3cf9ed17852991bda1cf9a2ec68.gif (http://www.uploadhouse.com/viewfile.php?id=2013995&showlnk=0)

salhi_haithem
31/10/2013, 19h33
السلام عليكم
بسم الله ماشاء الله عليك يا أستاذ عادل أغاني رائعة جدا و لو تختار بعض أغاني على ذوقك لأنك في السنة الماضية أخترت بعض أغاني على ذوقك كانوا يجننوا و هم "و تعالى شوف" و "يما أنت واحشني" و "غريب يا زمان" حقيقة كانوا من أروع ما دونت للست فايزة و ختمتهم بوقدرت تهجر عندما طلبها أحد الأخوة
و سأظم صوتي لأخي أرمندو لتدوين يامه يا هوايا
هيثم

إيمان.
31/10/2013, 19h37
شكرا لك استاذعادل على هذا العطاء الغير محدود ..ولو تكرمت ودونت لنا اغنية فايزة أحمد -ياطير الشوق-وشكرا حزيلا لك.

اشكرك اختى العزيزة ايمان
واقول لكم على سر
فايزة احمد فيها مشكلة
التدوين غير السمع .. يعنى التدوين بيخلينى بالطبع اسمع كل مازورة عدة مرات يعنى بتذوقها اكتر من السمع او العزف معاها شخصيا ( وعزفت معاها فترة طويلة جدا )
مشكلة التدوين بيعمل عندى حاجة اسمها ادمان لفايزة احمد يعنى لما بخلص اغنية بحب اكتب لها اغنية تانى وهكذا
وانا الآن فى هذه الحالة
المطلوب حاليا ياطير الشوق
واخى العزيز هيثم طلب يامة ياهوايا
ان شاء الله حبتدى بيهم
مع اطيب تحياتى عادل صموئيل

armendo
31/10/2013, 19h47
احبائى

اقدم لكم من روائع الفنانة فايزة احمد

مال عليا مال

مع اطيب تحياتى

http://img1.uploadhouse.com/fileuploads/2013/2013995280bc3cf9ed17852991bda1cf9a2ec68.gif (http://www.uploadhouse.com/viewfile.php?id=2013995&showlnk=0)


بسم الله ماشاء الله وخمسه وخميسه,فكرتنى بعادل صموئيل من خمس سنين ربنا يديك الصحه والعافيه.

مع ارق تحياتى

احمد (ارمندو)

اخى العزيز
انت واحشنى اوى اتمنى تكون بخير وبصحة طيبة
مع اطيب تحياتى عادل صموئيل

عادل صموئيل
01/11/2013, 09h02
احبائى
اقدم لكم رائعة وديع الصافى

دار يادار

مع اطيب تحياتى

http://img5.uploadhouse.com/fileuploads/1998/1998838658dbb3f82c00f9c1a075285811b604c.gif (http://www.uploadhouse.com/viewfile.php?id=1998838&showlnk=0)

wahidfarid
01/11/2013, 12h53
يا ريت آستاذ عادل تدون لنا أغنيتن لصباح من تلحين الراحل فريد و هما يا دلع و لبسست لو أحلى فستان و شكرا

sohersharaf
01/11/2013, 13h22
الاستاذ الفاضل / عادل صموائيل

تحياتي لحضرتك...

مع حضرتك سهير محمد شرف موجة التربية الموسيقية بكفرالشيخ والجميع في توجيه التربية الموسيقية بكفرالشيخ يقدم لحضرتك تحياته واحترامه فنحن لم نطلب من حضرتك اي نوته الا وارستلها لنا مشكورا, ولي طلب عند حضرتك نوته اغنية ( الله يا بلادنا الله علي جيشك والشعب معاه - الحان محمد عبد الوهاب وغناء عبد الحليم حافظ)

ولسيادتك جزيل الشكر


سهير محمد شرف

الاخت العزيزة
اولا اهلا بكى فى المنتدى وسلامى الحار لكل اسرة التربية الموسيقية فى كفر الشيخ وببعت سلام خاص لأستاذة اسمها رضوى انا كنت مرة اديت محاضرة فى طنطا من كذا سنة كان فيها مجموعة من مدرسى الغربية ومن كفر الشيخ وقابلتها هناك وحسيت انها شاطرة اوى وييجى منها مش مدرسة عادية موظفة يعنى
ياريت تكونى تعرفيها وخليها تدخل معانا وتسجل فى المنتدى المنتدى لو قدرتى
الاول اهم شىء فيه هنا الاخ العزيز هيثم الصالحى فى اى مشاركة له هو عامل فهرس لكل النوت الموسيية اللى انا مقدمها فى المنتدى وهو عامل له تقسيم جميل جدا يعنى مقسم كل حاجة بعنوان يعنى انا من كتر ما بدون نوت انا بنسى دونت ايه والفهرس بتاع هيثم ده بيعتبر المرجع بتاعى عشان ساعات كنت بدون نوت اكون مدونها تانى
فى الفهرس ده حتلاقى حاجات تكفيكى كمدرسة موسيقى لمدة سنين طويلة ومش حتلاقيها فى مكان تانى غير هنا
لنى كموجه اول موسيقى سابق باخد بالى جدا طبعا من طلبات المدرسين اخوتى بالذات وبحاول اخليهم يعزفوا حاجات كان من المستحيل انهم يعزفوها معلش اتعبك شوفى الفهرس ده ولو الانية مش موجودة طبعا يسعدنى جدا انى ادونها لك
وكلام فى سرك احنا الايام الصعبة دى محتاجين اكبر كمية ممكنة من الاناشيد الوطنية وبالذات الحلوة اللى تجذب المستمعين وبالذات التلاميذ اللى بيسمعوا القرف اللى بيتقال الايام دى ونفسى نعمل لهم غسيل اذن وغسيل وجدان وجرعة كبيرة شوية من الوطنية لأن بينى وبينك الوطنية اليومين دول بقت عندها شوية انيميا
مع اطيب تحياتى ومنتظر ردك عادل صموئيل

نور الصباح
01/11/2013, 13h40
احبائى
اقدم لكم من اغانى الفنانة صباح القديمة
بعدين معاك
مع اطيب تحياتى
SSSSSSSSSSSSSSSSSSSSSSSSSSSSSSSSSS
احبائى
اقدم لكم من روائع تراث الفنانة الكبيرة فايزة احمد
شهرين وشوية
مع اطيب تحياتى SSSSSSSSSSSSSSSSSSSSSSSSSSSSSSSSSS
احبائى
اقدم لكم من روائع الفنانة فايزة احمد
مال عليا مال
مع اطيب تحياتى SSSSSSSSSSSSSSSSSSSSSSSSSSSSSSSSSSSS
احبائى
اقدم لكم رائعة وديع الصافى
دار يادار
مع اطيب تحياتى
SSSSSSSSSSSSSSSSSSSSSSSSSSSSSSSSSSS
بصراحـــــــــــــة - والصراحة راحة -
جنابكم رجعت المنتدى لشبابه
ورجعتنا إحنا كمان لشبابنا
وحسستنا إنك رجعت تانى ( خمسين سنة )
يعنى رجعت شباب ورجعتنا معاك شباب
وبصراحة - والصراحة راحة
المرة الجاية - إن شاء الله -
لازمنا ولا بد إنى أبخرك
من عيون حسادك
و أولهم عاصم المنشاوى
( علشان مدينى الطرشة
ولا بيسأل عنى زى زمان )
والواد ( قصدى الأستاذ : عزت شحاتة )
حتى سيد محمود ( اتصلت عليه فى العيد علشان أقول له :
كل سنة وإنت طيب )
قفل فى وشى السكة
حتى سماعة التليفون عورتنى
وإلى أن نلتقى لكم منى
كل الحب
أخوكم
نور الصباح

عمرو الهنداوي
01/11/2013, 14h45
أستاذ عادل بعد التحية
كنت اتمني نوتة على وش القمر وكنت طلبتها من زمان اوي
واتمني لو وقتك يسمح كمان اغنية بتسال ليه عليا من تدوينك الرائع
وكل سنة وحضرتك طيب:)

اخى العزيز
ماشى انا اليومين دول فايزة لازقة معايا اوى
ان شاء الله فى اقرب فرصة
مع اطيب تحياتى عادل صموئيل

عاصم المنشاوى
01/11/2013, 16h39
مساء الفل.... يامدرسة العطاء والكرم

ماقدرش أشوف فايزة ...وما أدخلش أطلب حاجة ...أذا كان عليا عايز كل حاجة ...لكن ان كان حبيبك عسل
ماتلحسوش كله....عالعموم حط دى عندك فى الطابور ياكابير....لو ماعجبتكش ...يبقى ولاأكنى قولت حاجة ...يكفينا ماتجود به من درر....يذكرها لك الجميع بالخير ...

فايزة احمد : ياحبيبى واحشنى ...
كلمات : مرسى جميل عزيز
تلحين : محمد الموجى
التاريخ : نوفمبر 1961.....ياقوة الله يعنى من 52 سنة

حاولت أرفعها لحضرتك كذا مرة ...لكن كل مرة كان بيقوللى ان انا رفعتها قبل كده ...فى صفحة نجوم الطرب الجزء بتاع فايزة هى موجودة 3 مرات ...منهم مرة استوديو ...لأن حضرتك ماينفعش تكتب من حفلة .....ح أتعبك معايا معلش ان آسف..حاحاول اجيب اللينك بتاعها.
http://www.sama3y.net/forum/attachment.php?attachmentid=185759&d=1264587274....يارب يكون هو

....تحياتى يانهر العطاء

الستاذ الفاضل والفنان المناضل / أحمد عبد الله "نور الصباح"
مش مطنشك والله ...بس تليفون حضرتك لسه ضايع ....ولما ييجى لك تليفون جديد حاكلمك والله ...وكنت قلقان عليك ايام اضطرابات "العياط" لكن الحمد لله بفضل منتدى "سماعى"....عرفت انك بخير...وبهديك أغنية فايزة " ياحبيبى واحشنى ووروحى فيك وبقالى زمان "أسمعها ح تعجبك ....مش أغنية يامنت واحشنى لأ ...

basma2265
01/11/2013, 16h47
السلام عليكم

استاذ عادل ارجو من حضرتك نوته صباح الخير يا مولاتي لسعاد حسني

‫طµط¨ط§ط* ط§ظ„ط®ظٹط± ظٹط§ ظ…ظˆظ„ط§طھظ‰‬â€ژ - YouTube (http://www.youtube.com/watch?v=VsAbNEp_F3k)

adib aburuman
01/11/2013, 16h48
مساء الخير
أستاذي الحبيب عادل صموئيل:emrose: المحترم
أنا متابع كل ما تدون لنا من روائع, أرجو ان تقبل شكري الجزيل مع أنك تستحق أكثر بكثير من ذلك والله,
أنا مقصر جدا بحقك,
الله يديك الصحة والعافية وخليك لنا يا رب.
أعرف الطلبات كثيرة, أرجو بعد اذنك وحسب ظروفك طبعا, بما أننا مع فايزة أحمد اذا أمكن نوتة أغنية:
لقيتك فين
أعرف تماما أنك شاركت العزف في هذه الأغنية مع فايزة الله يرحمها.
اذا تحتاج الملف الصوتي أرجو أن تخبرني, الأغنية دي ليها ذكريات كثيرة غالية علية, وحابب جدا أعزفها من تدوينك الرائع.
خد راحتك ووقتك, أنا غير مستعجل كما ذكرت حسب ظروفك.
أرجو أن تقبل كل الاحترام والتقدير لشخصك الكريم
أخوكم الوفي
اديب.:emrose::emrose::emrose:

نور الصباح
01/11/2013, 17h31
الأخ الكبير والفنان العظيم الأستاذ
{ عـــــــــــــــــــــــــــــــــــــــــــــــــ ــــــــــــــــــــــــادل با شـــــــــــــــــا صموئـــــــــــــــــــــــــــــيل
سلام الله عليكم ورحمته وبركاته
لذا نرجو من جنابكم تدوين الأغنيات التالية احتفالا منكم و منا برحيل هذين الفنان العظيم وهى :
1 - النجمة مالت ع القمر فوق فى العلالى
2 - الله يـا بـــــــــــــــــــــــــــــــــــلادنا الله
وذلك امتدادا لاحتفالات نصر أكتوبــــــــر العظيم
احتفال العبور إلى بـــــــــر الكرامة وشمس الانتصار
وشكررررررررررررررررررررا
أخوكم
نور الصباح

salhi_haithem
01/11/2013, 17h49
الأخت بسمة
هذه النوتة التي طلبتها من تدوين الأستاذ عادل

âکڑ (http://www.sama3y.net/forum/showpost.php?p=513125&postcount=3430) ** صباح الخير يامولاتى (http://www.sama3y.net/forum/attachment.php?attachmentid=250264&d=1300394863) ** â™ھ (http://www.sama3y.net/forum/attachment.php?attachmentid=286812&d=1332515035) ** 1986** صلاح جاهين** كمال الطويل

هيثم
اشكرك الف شكر ياعزبزى هيثم انا مش عارف اقول لك لك ايه اولا عشان الفهرس الرائع واللى بجد انا بستعملو كمرجع ليا لأنى بنسى النوت اللى انا بكتبها ( من كتر العدد )
الاخت العزيزة بسمة
انا طلبت منك قبل كده شوفى الفهرس اللى عامله الاخ العزيز هيثم وراجعيه كويس حتلاقى حاجات كتير اوى تنفعك مع اطيب تحياتى عادل صموئيل

نور الصباح
01/11/2013, 19h17
من الأول عشــــــــــــــــــــان الحبايب
الأخ الكبير والفنان العظيم الأستاذ
{ عـــــــــــــــــــــــــــــــــــــــــــــــــ ــــــــــــــــــــــــادل با شـــــــــــــــــا صموئـــــــــــــــــــــــــــــيل
سلام الله عليكم ورحمته وبركاته:
عشـــــــــــــــان خاطر حبايبـــــــــــــــنا الذين
طنشــــــــــــونا
( جبرتى المنتدى ومؤرخه الخصوصى )
وهو عارف إن فيه رقم تليفون أرضى
وكثيرا ما اتصل عليه
وعشـــــــــــان الأستاذ الألمعى الفنان
( أديب أبو رمان ) وده مش أبو رمان بس
ولكن أبو كل الفواكه اللذيذة فى الدنيا
أقدم لجنابك الملفات الصوتية لطلبهما
1 - يــــــــا حبيبى واحشنى وروحى فيك وبقالى زمان
2 - لقيتك فين ولا فين تخلينى من العاشــــــــــــــــقين
وشكرررررررررررررررررررررررررا
أخوكم
نور الصباح

:thankyou::thankyou::thankyou:

سليم العباس
01/11/2013, 19h43
شكراَ جزيلاً على النوتة الجميلة لأغنية دار يا دار .

و انشاء الله تبقى دياركم عامرة بالمحبة و السلام و الفن .

عادل صموئيل
01/11/2013, 20h11
احبائى
اقدم لكم من روائع الفنانة فايزة احمد

ياطير الشوق

مع اطيب تحياتى

http://img1.uploadhouse.com/fileuploads/2013/2013995280bc3cf9ed17852991bda1cf9a2ec68.gif (http://www.uploadhouse.com/viewfile.php?id=2013995&showlnk=0)

عادل صموئيل
01/11/2013, 23h48
احبائى
اقدم لكم من روائع الاغانى الوطنية عبد الحليم وعبد الوهاب

الله يابلادنا الله

مع اطيب تحياتى

ماحوظة : الاخت العزيزة سهير محمد شرف
انا طبعا بحاول اسهل الكتابة بقدر الامكان بس فيه حاجات احيانا بتكون صعبة بكتبها بالرغم منى لأن بيبقى من صلب اللحن مش حليات يعنى
لكن انتى فى المدارس ممكن تتصرفى يعنى مثلا ثانى صفحة ثالث سط فى آخره مازورة ملعبكة شوية انتى ممكن تعنليها زى السابقة لها لأن من طريقة عبد الوهاب انو لما بيكرر جملة او لازمة بيحاول مايخليش الاتنين زى بعض يعنى لازم يعمل حاجات مختلفة مثلا انتى لماتسمعى انت عمرى تلاقى الجملة الاساسية فى المقدمة بتتعاد كتير لكن كل مرة بتكون مختلفة اما فى التفعيلات او فى الردود عليها

وملحوظة تانية طبعا لما بيخلص المطرب الكوبليه اليبنيو بيبقى كورال طبعا بيغنى المذهب كله

مع اطيب تحياتى

http://img2.uploadhouse.com/fileuploads/2013/20139878095bf01078ab618add0606cca1055bb.gif (http://www.uploadhouse.com/viewfile.php?id=2013987&showlnk=0)

نور الصباح
02/11/2013, 09h40
احبائى
اقدم لكم من روائع الفنانة فايزة احمد
ياطير الشوق
مع اطيب تحياتى
SSSSSSSSSSSSSSSSSSSSSSSSSSSSSSSSSSS
احبائى
اقدم لكم من روائع الاغانى الوطنية عبد الحليم وعبد الوهاب
الله يابلادنا الله
مع اطيب تحياتى
SSSSSSSSSSSSSSSSSSSSSSSSSSSSSSSS

الأخ الكبير والفنان العظيم الأستاذ
{ عـــــــــــــــــــــــــــــــــــــــــــــــــ ــــــــــــــــــــــــادل با شـــــــــــــــــا صموئـــــــــــــــــــــــــــــيل
سلام الله عليكم ورحمته وبركاته
وشكرا لكم على سرعة استجابتكم لما نطلبه
وشكرا لكم على تدوينكم المميز والدقيق
وشكررررررررررررررررررررررررررررررررررررا
أخوكم
نور الصباح

armendo
02/11/2013, 20h46
احبائى
اقدم لكم من روائع الفنانة فايزة احمد

ياطير الشوق

مع اطيب تحياتى

http://img1.uploadhouse.com/fileuploads/2013/2013995280bc3cf9ed17852991bda1cf9a2ec68.gif (http://www.uploadhouse.com/viewfile.php?id=2013995&showlnk=0)



الله الله الله,نوته رائعه لإغنيه رائعه...اخى الأستاذ عادل انا اعلم مدى حبك وانتمائك الشديد للفرقه الماسيه والتى من خلالها عزفت مع معظم مشاهير الفتاتين والفنانات وتعرفت عليهم ولك مع الفرقه الماسيه احلى الذكريات ,ولكن ماذا بعد ان انفرط عفد الفرقه هل حاولت ان تعمل مع قرق اخرى؟ لأنى اعتقد ان معظم افراد الفرقه اتجهوا للعمل مع فرق اخرى موجوده بالسوق

اتدرى لماذا سألتك هذا السؤال؟ لأنى تذكرت واحد من اهم عازفى الكمان التى انجبتهم مصر وهو المرحوم الفنان وعازف الكمان الأول احمد الحفناوى ...والحكايه اننى كنت اشاهد احد البرامج فى التليفزيون وذلك بعد وفاة المرحوم محمد عبد الوهاب واستضافت مقدمة البرنامج احمد الحفناوى للحديث عن العلاقه التى كانت تربطه بهذا الفنان الخالد واستعرضت مقدمة البرنامج مشواره الفنى من خلال علاقته بعبد الوهاب وبالطبع ام كلثوم على مدى اكثر من خمسون عاما وفى نهاية البرنامج سألته المذيعه عن مشاعره عندما يتذكر تلك الفتره التى عمل فيها مع هؤلاء العمالقه,اتدرى ماذا كان جوابه؟ وصلة بكاء حاره واغلب الظن انه كان يرثى حاله بعد زوال هؤلاء العمالقه,رحمهم الله جميعا بقدر ما اسعدونا .لقد ظل احمد الحفناوى يعمل ويعزف خلف المتاح من المغنيين على الساحه حتى وافته المنيه رحمه الله.

احمد (ارمندو)
اخى العزيز
اكيد كلامك وان الفنان ما بكاش قدام الناس بيبكى على حاله مع نفسه وانا ابكى كثيرا وانا اكتب هذه النوت
هو اهم شىء فى الفرقة الماسية وانت بتعزف بتحس نكهة الشىء اللى حواليك يعنى اعلى جودة فى كل حاجة والمقارنة بين الماسية واى فرقة اخرى زى ماتكون متعود كل اسبوع بتركب طيارات بعدين تضطرك الظروف تركب ميكروباس من بتاع السرفيس , المشكلة الاخطر احنا كمان كنا متواضعين والعازف مايقدرش يقعد من غير شغل مشمن الناحية المادية ولكن عشان يحس انه لسه موجود .. بس فيه فرق خطير يعنى انا لما براجع مع نفسى اسماء النجوم اللى عزفت معاهم فترة طويلة وعرفتهم كويس تحس انهم من اكبرهم لأصغرهم كل واحد فيهم قيمة فنية لن تتكرر .. والعكس دلوقتى ان اللى بيعكلوا نفسهم نجوم او الصدفة بتخليهم نجوم كل واحد منهم يعنى تامر حسنى مثلا , انا ممكن انزل مدرسة ثانوى فيها 2000 طالب اجيب لك منهم مش اقل من 400 زية وممكن فنيا احسن منه وبالنسبة للبنات نفس الموضوع لكن تعالى نلف العالم العربى ندور على واحدة 60% من فايزة احمد مثلا حقول لك هيهات
وللعلم زمان كانت اجورنا قليلة جدا لن الفلوس كانت اقل يعنى مثلا التذكرة فى حفلة ام كلثوم كانت بخمسة جنيه النهاردة فى حفلة بعرور ب 500 جنيه , يعنى انا لوعزفت مع عمرو دياب مثلا حقبض اجر اد اللى كنت باخده فى حفلة عبد الحليم 200 مرة بس عبد الحليم بعد ماتخلص الوصلة بحس انى شبعان طربيا كأنى واكل خروف لكن دلوقتى لما بشوف اى مطرب فى التليفزيون بغير المحطة فورا ببساطة لأن اى واحد ماشى فى الشارع وطلع فى مخو يغنى لو معاه تكاليف انتاج شريط يبقى مطرب ( لأنم دلوقتى هم اللى بيدفعوا ) كان زمان الشركة هى اللى بتكتشف الفنان وهى اللى بتصرف على الشريط , كان زمان مش اى حد يألأف اغانى وكان الملحن بيقعد يلحن الاغنية فى شهور وجايز سنوات عشان كده بتعيش دلوقتى اى كلام ياعبد السلام وكلو عند العرب صابون اى لحن يعن شوف مثلا عبد الوهاب فى عشر سنين عمل كام ( ماتعدش عدد الالحان ) ولكن تعد عدد الجمل الموسيقية الرائعة اللى فى الالحان لو قلنا 2000 جملة مثلا تلاقى شعبان ابن عبد الرحيم بقالو عشر سنين بيغنى على جملة واحدة وبيكسب فى السنة اكتر من الى كسبو عبد الوهاب طول عمرو ودع الخلق للخالق
مع اطيب تحياتى عادل صموئيل

عادل صموئيل
03/11/2013, 04h38
احبائى
طلب عاجل جدا

انتم لما طلبتم اغنية لقيتك فين لفايزة احمد
انا الاغنية دى بحبها ولها عندى معزة خاصة وكنت ببقى سعيد جدا لما اعزفها معاها فى حفلة وبالذات بحب جدا المقدمة الموسيقيسة وكنت اتمنى كل حفلة تانى ان الجمهور يطلب يعيدها تانى
المهم ان الاخ الاعزيز نور الصباح مشكورا نزل الملف الصوتى وانا ابتديت اكتب فيها لكن مع الاسف هو نزل ملف ناقص
يعنى الاغنية ناقصة 2 كوبليه وانا طلبت منكم مليون مرة ماحدش ينزل ملف صوتى الا لما يتأكد انو كامل من اول حرف لآخر حرف لأن اولا لو الاغنية ناقصة من الاول مش حاكتبها اصلا ولو ناقصة كوبليه شكلها وحش لما بكتبها ناقصة بعدين حد يقول دى ناقصة كوبليه انا حاولت ادور عليها ع النت لقيت موقع بس نفس المشكلة ناقصة اتنين كوبليه هى الاغنية كانت فى زمانها على شريط وجهين الوجه الاول المقدمة والمذهب والكوبليه الاول والوجه الثانى باقى الاغنية
رجاء حد يتكرم وينزل باقى الاغنية مشكورا بأقصى سرعة
انا كتبت المقدمة والكوبليه الاول والآن ابتديت اكتب التانى ممكن يخلص على بالليل ان شاء الله
انا طريقتى انى لما بخلص الكوبليه التانى قبل ما اقوم واقفل الجهاز بكتب ولو مازورتين فى الكوبليه اللى بعده عشان نفسيا احس انى كتبته وعلميا انو ممكن يكون فيه حاجة محتاجة تفكير القطها وافكر فيها على مهلى
المهم رجاء الحقونى بباقى الاغنية عشان ما اضطر اركنها وتتركن شوية واعمل حاجات غيرها بالعربى الاغانى الطويلة جدا دى احب اخلص منها مرة واحدة
مع اطيب تحياتى

عاصم المنشاوى
03/11/2013, 08h25
http://www.sama3y.net/forum/attachment.php?attachmentid=10695&d=1150147445

http://www.sama3y.net/forum/attachment.php?attachmentid=75686&d=1202859239
أستاذنا الكبير/ حاولت كتير ارفع الأغنية ...لكن يبدو انه السيرفر كان مشغول ...عالعموم مكانشى قدامى غير انى اجيب اللينك لحضرتك من المنتدى....تحياتى يامدرسة ....

عزيزى عاصم
اشكرك جدا
انا كتبت الموضوع الساعة 7 الصبح وكنت لسه بادى فى الكوبليه الاول كنت عامل حسابى انى اخصله على بالليل لأنى عادة مش بقعد على طول يعنى بقعد واقوم وهكذا .. لكن حظكم وانى بحب فايزة اوى وبالذات الاغنة دى زى ماقلت ربنا ساعات بيخلى الامور تسلك معايا يعنى الكوبليه خلص فى اقل من ساعة
بعنى انت الحمد لله لحقتنى لأن فيه مشكلة انى لما بكتب فى اغنية واركنها ممكن امود يروح وتفضل فترة بالذات لو ابتديت اكتب فى حاجات تانية
اشكرك الف شكر مع اطيب تحياتى عادل صموئيل

إيمان.
03/11/2013, 11h54
شكرا لك استاذ عادل على جميع تدويناتك الرائعه لكروان الشرق فايزة أحمد..بارك الله بك.

عاصم المنشاوى
03/11/2013, 14h10
بتشكرنى على أيه يامدرسة السهل الممتنع...هو مين اللى يشكر التانى ....أحنا اللى متشكرين لحضرتك تعبك وسهرك وأنشغاللك و...وأحنا ناخد عالجاهز.....والله لولا العين بصيرة والأيد قصيرة بسبب توقف السياحة ...كنت اقدر أهدى حضرتك واحد على مليون من جمايلك وخدماتك المجانية ........كل اللى اقدر أعمله انى أهدى الكلمات لحضرتك


مافيش في الدنيا حاجة تقدر تبعدني عنك
لا الناس ولا انت حتى تقدر تحرمني منك
لقيتك فين وقال لك مين تخليني من العاشقين
وكنا اتنين بعاد تايهين ودبنا أزاى في غضمة عين
وانا اللي زمان ما كنت باخاف ولا باشتاق
ولا فكرت مرة في لوم ولا فراق
لقيتني ازاي في لحظة بقيت من العشاق

وبأحبك يا حبيبي معايا ومش معايا
بأحبك ياللي حبي ملوش معاك نهاية
***
والحب بان عليا يا حبيبي بان عليا يا حياتي بان عليا
خلاني أشوف بعنيا يا حبيبي اللي ما شفتوش سنين
غيرني يا حبيبي دخلني في دنيا تانية
نساني كنت مين
انا كنت مين وفين قبل ما أشوفك واقابلك
وازاي عدت السنين ازاي يا حبيبي قبلك
اول مرة اتقابلنا عرفت اني هاحبك
اخر مرة اتقابلنا اكتر مرة باحبك
شوف عينيَّ تلاقي صورتك في عيني يا عينيَّ يا عينيَّ
ياللي حبك من زمان مكتوب عليَّ يا عينيَّ يا عينيَّ

وبأحبك يا حبيبي معايا ومش معايا
بأحبك ياللي حبي ملوش معاك نهاية
***
يا واخدني معاك على فين ما تقول لي واكتر من كده ايه
خليتني أدوب وياك على طول في حنان ما اقدرش عليه
بأحبك أه باحبك
خليتني أحب الدنيا وأحب الناس حواليا
خليتني احب حياتي واعيش للفرحة الجاية
ياللي واحشني وبتوحشني وانا حتى معاك
ياريت دايما تبقى فاكرني وانا مش وياك
يا مشتاقين للحب حبوا زينا
اعشقوا اكتر واكتر ادنا
حبوا تبقى الدنيا دنيا وتعشقوا الليل والقمر
حبوا تبقوا حاجة تانية وتسهروا احلى سهر

اه يا حب ودعوة من قلبي اللي حب
امانة ما تفرقش أبدا عاشقين
اللي غايب هاته تاني واللي خاصم صالحه تاني
عاللي فايته من سنين
اللي حيران طمنه واللي قاسي حننه
واللي غيران هدي قلبه بكلمتين
يبقوا كل الناس حبايب والهوى في الدنيا دايب
واعشقوا يا مشتاقين

وبأحبك يا حبيبي معاي ومش معايا
بأحبك ياللي حبي مالوش معاك نهاية
***************
كلمات شديدة الرومانسية ....من عمر بطيشة تفكرك ب "سيرة الحب" والف ليلة وليلة"....ولحن راقص يديك أحساس بواحدة فرحانة بحبها وسعيدة به وتتمنى - كما فى الكوبليه الأخير - انه يبقوا كل الناس حبايب ...الخ بالظبط زى دعوات مرسى جميل عزيز فى الف ليلة وليلة لأم كلثوم.فى الكوبليه الأخير برضو لحن شديد العذوبة والفرح والرقص ...بص ل لكوبليه التانى وعد معايا بتقول كام مرة كلمة بحبك .......واضح من الكمان الكهربائى انه كان موضة فى الوقت ده ...يعنى نقول سنة 1973-1974 لأن حليم استخدم الكمان الكهريائى اللى مابيحبوش أستاذنا /عادل صمويل فى رسالة من تحت الماءسنة 1973....طبعا اللحن من محمد سلطان ....تدوين الأغنية من أستاذنا فى مناسبة عيد الحب -المصرى- 4 نوفمبر .....شكرا للأستاذ ويابخت العاشقين بالأغنية دى ...مش المتجوزين طبعا ...هههههههه.

elarabi
03/11/2013, 20h17
شكرا استاد عادل على هده التحف القيمة واحياء بريق الاصالة
مع ارق تحياتي الخالصة[/I]

عادل صموئيل
03/11/2013, 22h03
احبائى

اقدم لكم اغنية من العيار التقل جدا
رائعة فايزة احمد

لقيتك فين

الحمد لله خلصت فى يوم

مع اطيب تحياتى

http://img3.uploadhouse.com/fileuploads/2041/2041343939ca66f72254035bbd4bd9a4304aec3.gif (http://www.uploadhouse.com/viewfile.php?id=2041343&showlnk=0)

adib aburuman
03/11/2013, 23h48
صباح الخير
أريد أن أتقدم بالشكر الجزيل لأستاذنا الحبيب والغالي عادل صموئيل المحترم.
لتدوينه أغنيت فايزة أحمد لقيتك فين
كل الاحترام والتقدير لمجهودك الكبير, والله يديك الصحة العافية وراحت البال وما يحرمنا منك أبدا يا رب
بحبك جدا يا أستاذي المحترم عادل صموئيل ومن كل قلبي, مشكور جدا احنا مقصرين معك.

كما أريد أن أشكر كلن من:
عمنا الأستاذ الغالي عليه جدا نور الصباح المحترم لمساعدته بالموضوع, وجهده الكبير بالمنتدى
ولكن حبيبي نور الصباح, أية حكاية الفاكهة ... والرمان ؟! أنا طبعا بحب كل أنواع الفواكه والخضروات... أيه يعني؟!, طبعا بمزح شكرا لك يا غالي, ربنا يديك الصحة وخليك لينا يا رب.

الأستاذ والأخ عاصم المنشاوي المحترم, أرجو أن تقبل مني كل الحب والتقدير لمجهودك العظيم بالمنتدى,
وشكرا جزيلا لمساعدتك بالأغنية السابقة, والله كلك ذوق يا غالي أرجو أن تقبل فائق احتراماتي.
متمنيا للجميع يوم سعيد ان شاء الله
أخوكم الوفي
اديب.:emrose::emrose::emrose:

عادل صموئيل
04/11/2013, 09h06
احبائى اقدم لكم للفنانة جوليا بطرس

شى غريب

هى مش من النوعية اللى انا بكتبها لكن ارجو تفيد الطلب
مع اطيب تحياتى


http://img2.uploadhouse.com/fileuploads/2013/201398823ece12b6ae62a1b382f40caa73d21ca.gif (http://www.uploadhouse.com/viewfile.php?id=2013988&showlnk=0)

علي ثلاثة
04/11/2013, 10h38
السيد عادل
ألف شكر على كل المدونات الرائعة
--
وأشكرك على مدونة
بعدين معاك
وقد تفضل السيد الفاضل
نزيه محمد
ودونها من قبل
فكان تدوينكما رائعا ورائقا
فشكرا لكما

ولو تفضلت واطلعت على الرابط التالي
http://www.sama3y.net/forum/showthread.php?t=74354&page=660 (http://www.sama3y.net/forum/showthread.php?t=74354&page=660)
فإن به أغنية أخرى لصباح

وهي في مستوى
بعدين معاك
ولعل دورها قريب
ودمت في أحسن حال

عادل صموئيل
05/11/2013, 07h27
احبائى
اقدم لكم من روائع تراث الفنانة فايزة احمد

ياحبيبى واحشنى

مع اطيب تحياتى

http://img5.uploadhouse.com/fileuploads/2013/20139836b4f2c85318254c3c5eaca4b3fb9d83d.gif (http://www.uploadhouse.com/viewfile.php?id=2013983&showlnk=0)

armendo
05/11/2013, 07h28
اصدقائى الأحباء يطيب لى ان اهنئكم بمناسبة حلول رأس السنه الهجريه وكل عام وانتم بخير.

احمد (ارمندو)

سليم العباس
05/11/2013, 08h53
كل الشكر على النوتة الرائعة لأغنية شي غريب للفنانة جوليا . ربما كما قلت أستاذ عادل هي ليست من النوعية التي عودتنا عليها ، لكنها أغنية جميلة تستحق هذا التدوين الجميل كما أن لحنها مميز يذكرنا بأغاني فيروز وهو للفنان زياد بطرس شقيق الفنانة جوليا .
و إلى مزيد من التنويع الراقي .

نور الصباح
05/11/2013, 09h09
احبائى
اقدم لكم اغنية من العيار التقل جدا
رائعة فايزة احمد
لقيتك فين
الحمد لله خلصت فى يوم
مع اطيب تحياتى
SSSSSSSSSSSSSSSSSSSSSSSSSSSSSSSSSSSS
احبائى اقدم لكم للفنانة جوليا بطرس
شى غريب
هى مش من النوعية اللى انا بكتبها لكن ارجو تفيد الطلب
مع اطيب تحياتى
SSSSSSSSSSSSSSSSSSSSSSSSSSSSSSSSSSS
احبائى
اقدم لكم من روائع تراث الفنانة فايزة احمد
ياحبيبى واحشنى
مع اطيب تحياتى
SSSSSSSSSSSSSSSSSSSSSSSSSSSSSSSS
:thankyou::thankyou::thankyou:
وشكررررررررررررررررررررررررا
أخوكم
نور الصباح

نور الصباح
05/11/2013, 09h11
الأخ الكبير والفنان العظيم الأستاذ
{ عـــــــــــــــــــــــــــــــــــــــــــــــــ ــــــــــــــــــــــــادل با شـــــــــــــــــا صموئـــــــــــــــــــــــــــــيل
سلام الله عليكم ورحمته وبركاته
لذا نرجو من جنابكم تدوين الأغنيات التالية احتفالا منكم و منا برحيل هذين الفنانين العظيمين وهما
1 ) - حدوتــــــــــــــــــه --- محمد قنديل
فى المشاركة رقم (196) بتاريخ 13 /6 /2013
وشكرا لكم على سرعة استجابتكم لما نطلبه
وشكرا لكم على تدوينكم المميز والدقيق
وشكررررررررررررررررررررررررررررررررررررا
أخوكم
نور الصباح

الاخ العزيز
انت طلبت الاغنية دى من فترة بعدين كررت الطلب اكتر من مرة ولكن السؤال هل انت سمعت التسجيل ولا حطيتها وخلاص
التسجيل ناقص من اوله
مع اطيب تحياتى
عادل صموئيل

علي ثلاثة
05/11/2013, 11h12
أستاذ عادل
الشكر الجزيل على هذه الكمية
الجميلة والرائعة من المدونات
--
فإن تدويناتكم الأخيرة
جاءت دسمة ووفيرة
--
وهذا دليل السخاء والكرم كما قد عودتنا
وما هذه الأغاني الخالدة بمستواها أولا
وبتدوينكم ثانيا
إلا كقطرات المطر وزخاته
تتوالى وتتتابع
والفرحة في أثرها
فعسى أن يستمر هذا الإيقاع سرنبدا
والشكر مجددا والسلام ختام

نور الصباح
05/11/2013, 21h22
الأخ الكبير والفنان العظيم الأستاذ
{ عـــــــــــــــــــــــــــــــــــــــــــــــــ ــــــــــــــــــــــــادل با شـــــــــــــــــا صموئـــــــــــــــــــــــــــــيل
سلام الله عليكم ورحمته وبركاته
لذا نرجو من جنابكم تدوين الأغنيات التالية احتفالا منكم و منا برحيل هذين الفنان العظيم وهى :
1 - النجمة مالت ع القمر فوق فى العلالى والملف الصوتى بالصفحة رقم 242 بتاريخ الجمعة الموافق 1 / 11 / 2013
وذلك امتدادا لاحتفالات نصر أكتوبــــــــر العظيم
احتفال العبور إلى بـــــــــر الكرامة وشمس الانتصار
وشكررررررررررررررررررررا
أخوكم
نور الصباح

نور الصباح
06/11/2013, 09h03
الأخـــــــــــــــــــوة الأحــــــــــــــــــــــباء
مشرفى المنتدى الجميل
وأعضاء المنتدى الجميل
سلام الله عليكم ورحمته وبركاته
وبعــــــــــــــــــــــــــــــــــــــد :
كل عـــــــــــــــــــام وأنتم بخــــــــــــــــير وصحة وسعادة
ومصرنــــــــــــــــا الجميلة فى نعمة وسلام ورخـــــــــــــــاء
وشكررررررررررررررررررررررررررررررررررا
أخوكم
نور الصباح

عادل صموئيل
06/11/2013, 12h53
احبائى

اقدم لكم من روائع الفنانة فايزة احمد

يامة ياهوايا

الاغنية دى عجبنى فيها كلامها ظريف جدا واحنا فى مصر ( بعكس اغانى فيروز او كلمات نزار قبانى ) بنفتقد هذا النوع كتير
مع اطيب تحياتى

http://img5.uploadhouse.com/fileuploads/18621/18621835a988c0d913a7bca619caaabf8227c06d.gif

armendo
06/11/2013, 14h05
احبائى

اقدم لكم من روائع الفنانة فايزة احمد

يامة ياهوايا

الاغنية دى عجبنى فيها كلامها ظريف جدا واحنا فى مصر ( بعكس اغانى فيروز او كلمات نزار قبانى ) بنفتقد هذا النوع كتير
مع اطيب تحياتى

http://img5.uploadhouse.com/fileuploads/18621/18621835a988c0d913a7bca619caaabf8227c06d.gif


تسلم الأيادى يا استاذ النوته جميله جدا كالعاده كما ارجو ان تضع اغنية قاعد معاى فى الحسبان اذا امكن.

مع ارق تحياتى

احمد (ارمندو)

اميمة68
06/11/2013, 17h40
اشكرك على كل عمل رائع تقدمة لنا واطلب منك لو ممكن اوبريت مصر بتحلم للفنان مدحت صالح ولك شكرى وتقديرى

الاخت العزيزة
اولا مرحبا بكى فى المنتدى
وطبعا مدرسى التربية الموسيقية زملائى لهم عندى منزلة خاصة وبالذات الناس اللى بتحب تقدم اعمال جديدة مش الناس اللى بتقعد طول عمرها تشتغل على خمس او ست نوت من اللى بتوصل لحد عندهم ويفضلوا يكرروها لحد ما الناس تزهق منه
تحت امرك لكن لو سمحتى ممكن تنزلى لى الملف الصوتى
مع اطيب تحياتى عادل صموئيل

نور الصباح
06/11/2013, 18h03
احبائى
اقدم لكم من روائع الفنانة فايزة احمد
يامة ياهوايا
الاغنية دى عجبنى فيها كلامها ظريف جدا واحنا فى مصر ( بعكس اغانى فيروز او كلمات نزار قبانى ) بنفتقد هذا النوع كتير
مع اطيب تحياتى
SSSSSSSSSSSSSSSSSSSSSSSSSSSSSSSS

:thankyou::thankyou::thankyou:

عادل صموئيل
06/11/2013, 18h08
احبائى

اقدم لكم من اغانى فايزة ( وشكلها حاتبقى سنة فايزة )

على وش القمر

الاغنية دى اخدت منى تدوين نصف ساعة حد يقول ياه دى تبقى سهلة اوى فى التدوين اقول لو لأ شكلها سهل لكن فيها جمل بتتعاد عاملة زى المكرونة الاسباجيتى تلخبط فى التدوين يعنى الواحد بيبقى متعصب شوية
لأن الجمل مش محددة زى الاغانى التانية اللى عمال ادون فيها ببقى عارف انا فين دلوقتى طول الوقت الجملة مش بتتوه منى لأن شغل فايزة عادة بيبقى كل جملة مختلفة ممكن فى المقام او حرف زى ماتمشى فى شارع مبانيه مختلفة الشكل بتبقى عارف انت فين عن شارع كلو فيللات زى بعضها تتوه بينهم
طبعا اللحن ده مش لون فايزة ( وانا طبعا ماعرفش قصته لأن مافيهوش كمنجات ) يعنى حتى ما اعرفش اتعمل امتى
المطربين العمالقة كان حلاوة ادائهم بيبقى 50 % من الكمنجات تحت الصوت بتعمل بطانة .. وده الفرق الخطير اللى تحسو دلوقتى يعنى اللى بيغنى بيغنى على هوا مفيش لا سلطنة ولاطرب
فيه حاجة تانية انا حسيتها ( لأنى عشرين سنة مع فايزة حافظها ) فايزة كانت بتغنى مصرى اوى وتتكلم 80% مصرى مطعم ب 20% سورى بس مش محسوس اوى إلا اذا قعدت ترغى معاها شوية لكن كانت لما بتتخانق بتشتم بالسورى
لما تسمعها هنا تحس احلى حلاوتها فى المذهب لكن فى الكوبليه وبالذات الثانى انا حسيتها بتغنى عايزة تخلصه لأنو مش لونها ... يعنى فايزة تحب تقول الجملة 4 مرات وتقول الى بعدها 4 مرات بعدين تعيد الجملتين تانى يعنى هى بتحب تشبع غنا ومتخيل شكلها وهى بعد ماخلصت تسجيل الاغنية دى انها تخلصت من كابوس يعنى لأنها عشان مغيرة اللون انها ممكن ماتعرفش تغنى كويس زى ماهى عايزة ... وحاجة تانية بتغيظ فى الاغانى الموزعة اللزمات الصغيرة وسط الكوبليها لما بتركب على الغنا .. يعنى لو تلاحظوا فى الاغانى التانية ان اللزمات بتبقى منفصلة يعنى هى بتغنى واحنا بنرد عليها ... فى نوعية الاغانى اللى زى دى انا ببقى مش عارف اكتب الغنا ولا الازمة بضطر اكتب بين البينين لأن مش عارف مين اللى ممكن يستعمل النوتة ... يعنى ممكن انت لوحدك تعزف محتاج الغناء يكون متشبع واللازمة اللى من النوع ده تكون حاجة ثانوية وممكن ماتقولهاش ... وممكن النوتة دى تستعملها فرقة مع مطربة اهو ممكن مش حاتخسر يعنى


ومع اطيب تحياتى


http://img4.uploadhouse.com/fileuploads/18622/186227643794d8f887481ec497533319bc1381aa.png

نور الصباح
06/11/2013, 18h37
احبائى
اقدم لكم من اغانى فايزة ( وشكلها حاتبقى سنة فايزة )
على وش القمر
SSSSSSSSSSSSSSSSSSSSSSSSSSSSSSSSSSSS
:thankyou::thankyou::thankyou:

غواص النغم
06/11/2013, 19h59
مرحبا استاذ عادل

اعتقد ان الكروان فايزة احمد كان عندها حلم ان تصل اغانيها الي العالمية واعتقد ان الموضة وقتها كانت كده هي طموح الفنانين للوصول للعالمية كان حلم بيراودهم فعمل حليم توزيع جديد لاغانيه مثل اهواك
فحبت فايزة ان تقدم نفسها في اغاني عالمية مثل داليدا مثلا
فعمدت الي التدرب على الصولفيج تدريب شديد حتى تتخلص من البحة التي في صوتها عند مدام رطل ((أكيد بتعرفها )) وحتى انها استطاعت ان تخفي الكثير من هذه البحة كما قال الناقد كمال النجمي وعاتبها على هذا الفعل وقال ان احلى مافي صوت فايزة هي البحة وهي كانت تعتبر ان هذه البحة عيب وليست ميزة في صوتها !!
ثم طلبت من سلطان ان تقدم الحان دون الربع تون وتكون سريعة وبدون اعادات فقدمت عدة اغاني من هذا اللون القصير السريع مثل على وش القمر ، احنا اصحاب ،ولانعرف من الذي ادخل هذه الفكرة في راسها حتى انها سجلت هذه الاغاني في التلفزيون على طريقة الاغاني الاوروبية ...ويعلق سلطان عن هذه الاغنيات بقوله :

لم تكن فايزة ضد التطور ولكن بشرط أن يتم بطريقة صحيحة. لقد تعرضنا للهجوم أنا وهي حين قدمنا مجموعة من الأغنيات القصيرة والسريعة مثل: "حبيتك وبداري عليك"، "إنساني" "دنيا جديدة"، و "على وش القمر" واتهمونا بإدخالنا الدرامز والآلات الحديثة، فماذا يقول من هاجمنا أيامها عما يسمعه اليوم؟ أعتقد أنها لو عاشت لقدمت كل ما هو عصري ومتطور في إطار الذوق الشرقي حتى لو استفادت من تكنولوجيا الغرب.


:emrose:
لفايزة اغنية جميلة كانت تتمنى ان تعيد غنائها وتعطيها حقها مرة اخرى لانها غنتها في بداياتها وهي اغنية النار القايدة او المعروفة بإسم اقول له ايه من الحان كمال الطويل ويبدوا انها كانت تريد من كمال الطويل ان يتشجع ويلحن لها مرة اخرى بعد انقطاعه عن التلحين لها ولكن لم يمهلها القدر ان تعيد غنائها لحن الطويل لفايزة ثلاث اغنيات النار القايدة واغنية انا اللي تنسانس انا واغنية ياما قلبي قال لي لا
هل فايزة احمد كانت تفكر في توزيع اغانيها القديمة وتعيدها مرة اخرى ؟هل كانت تحرص على تسجيل اغانيها الطويلة تسجيل استديو لان هناك عدة اغاني لها يوجد لها تسجيل حفل فقط فهل كانت تحرص ان تسجل اولا تسجيل الاستديو ثم تغني الاغنية في حفل كما كانت تفعل كوكب الشرق ام لا ؟

:emrose:تحياتي :emrose:


ملاحظة:

اغنية حدوتة كلمات صلاح جاهين الحان سيد مكاوي وغناء قنديل الغناء العربي محمد قنديل
موجودة بجودة عالية على هذا الرابط تفضل :
http://www.sama3y.net/forum/showpost.php?p=224431&postcount=511

***************
اخى العزيز
اشكرك على ردك وانا متفهم كلامك ولكن الموضوع اخطر من كده
لما يكون الفن عظيم جدا بيبقى حاجة حضارية او حلجة تراثية او حاجة تاريخية ومن هنا لازم نحافظ عليه كما هو
يعنى التطور بيبقى حاجة زى رشى الملح فى الطعام لها حدود وإلا ....
يعنى مثلا هرم خوفو لو انا عايز اطور فيه حاجة محظور المسه ولكن التطوير يبقى تمهيد المكان اللى حواليه بس برضو بحيث انى ما أغسرش المعالم الحضارية التاريخية
الفن الاصيل عامل زى الاكل الخاص بكل دولة يعنى بيبقى من تراثها يعنى عندنا فى مصر الملوخية مثلا ما اقدرش اطورها واحط عليها كاتشب او مايونيز لكن اقصى تصوير هو اضعها فى طبق اجمل او اخلى شكل المائدة جميل لكن مع التحذير بعدم المساس بالملوخية والتى يعرفها المصريين من مئات السنين
بالنسبة لفايزة الاغانى اللى انت ذكرتها دى تعتبر اسوأ اغانى فايزة ... يعنى انت هات 20 اغنية من اغانى فايزة التقليدية واسمعهم كويس حاتحس بعد كل اغنية بإشباع كأنك واكل ديك رومى .. ولو تلاحظ ان كل اغنية لها ابداع خاص جدا ومتميز جدا .. وانا فايزة كانت صديقة شخصية لى يعنى حاظها شخصيا ومش ممكن تكون طلبت من اى ملحن انو يعمل لها اغانى مافيهاش ربع تون ... يعنى فايزة كان لها منطقة خاصة هى الملكة بتاعتها فى العالم العربى واتحدى حد يطربك بهذه الدرجة فى العالم ولا حتى ام كلثوم ... المنطقة دى كانت بياتى الحسينى وبالذات نغمة السى نصف بيمول اللى تحت المدرج وتلاقيها فى معظم اغانيها انا لما بسمعها كانت بتسطلنى
يعنى كل مطرب عظيم له حرف منفرد كده ... اما بالنسبة للصولفيج ومدام رطل .. فايزة كانت بتعزف عود عزف رائع وفاهمة جدا جدا كل مقام لذلك لو تلاحظ ان كل اغانيها الطويلة فى كل جملة الجملة التالية بيبقى فيها علامة تحويل اما بتروح مقام تانى او بتلمس مقام وتلاقى النقلات دى سهلة وصحيحة وتنساب كالماء فى الجدول لن فايزة خبيرة فى المقامات .. وللعلم كانت بتشترك مع محمد سلطان فى التلحين يعنى زوجته وعايشه فى البيت وبالطبع بتشوفه وهو بيلحن لها واميد بتتحشر فى كل جملة .. ودى بيلاحظها اى مدون بيروح لهم البيت يدون لهم تلاقيه مش بيتعامل مع ممد سلطان وفايزة بتكون بتطبخ فى المطبخ ( ولبنى وبينك كان طبخها رائع روعة غناها ) ولكن بتبقى موجودة وتتكلم فى كل حرف بيمليه محمد سلطان للمدون على العود ... اما موضوع ان فيه اغانى لها حفلات فقط مالهاش تسجيل استوديو دى مستحيلة يعنى احنا عادتنا لازم اللحن يتسجل فى الاستوديو الاول بعدين الملحن بياخد نسخة من الشريط مع كلمات الاغنية ويسجله بأسمهم فى جمعية المؤلفين والملحنين بتاريخ اليوم .. عشان بعد كده ما يجيش حد يسرق اللحن ويقول ده بتاعى .. ولكن اختفاء التسجيلات دى ممكن يكون لخبطة فى مكتبة الاذاعة
او اللى بيعمل خريطة اذاعة الاغانى واحد مش بيفهم فى الاغانى اصلا ...
لما نيجى لكلمة العالمية ... انا اللى يشهرنى فى العالم هو الشىء اللى انا متفرد بيه مش اللى زى كل العالم مابيعمل ( دى كلمة خبراء ) يعنى لو فيه مسابقة طبخ وانا حشترك فيها ابقى معتوه لو اقدم لهم هامبورجر مثلا
لأن كل العالم بيعمل هامبورجر لكن اقدم لهم حاجة مصرى صميمة هم مايعرفوهاش
ولو اى حد المانى مثلا سمع اغنية على وش القمر بالنسبة له عادى ماهى زى اللى ىبيسمعو لكن لو سمع غريب يازمن مثلا ولا ياما انت واحشنى اكيد حايتجنن هو طبعا مش فاهم الموسيقى الغريبة دى ايه بس اكيد هايذهل من حلاوتها وانا حصلت معايا كتير يعنى عزفت مئات المرات قدام اجانب بتعمد اعزف لهم حاجة بياتى مثلا عشان يحسو انى مختلف وانا لو عزفت لهم حاجة زى الغربى بتاعهم مش حايحسوا بقيمتى
التطور زى ماقلت لازم يبقى رشة ملح يعنى مثلا ام كلثوم لما دخلت الجيتار عمل ايه حتة صغيرة تبين احنا اهه متطورين لكن باقى الاغنية تسمع ام كلثوم
اما كارثة اعادة تسجيل الاغانى بتوزيع حديث دى مصيبة استدرجوا فيها كارم محمود مثلا واعاد بعض اغانيه وكان الناتج زبالة وكمان خلوه يصورها فيديو ولبس باروكة وجاكيتات حمرا وكان شكلو زى الزفت يعنى قضى على تلك الاغانى ولا انكر عبد الحليم جربها مرة واحدة ولما سمع التسجيل امر بحرقه .. وما طلعش الا بعد وفاة عبد الحليم
مع اطيب تحياتى عادل صموئيل

عادل صموئيل
07/11/2013, 17h20
احبائى

اقدم لكم من اشهر روائع تراث فايزة احمد

بتسأل ليه عليا

مع اطيب تحياتى

http://img3.uploadhouse.com/fileuploads/18627/186277531251ce9b706547c386735541655e9e50.gif

salhi_haithem
07/11/2013, 19h15
السلام عليكم
حقيقة قمة المتعة أغاني فايزة وتشكر على الجهد الجبار و لو ممكن و عندك وقت أستاذ عادل ممكن تدون الأغاني الطويلة شوية لأنه فيهم موسيقى حلوة و أغاني ذو قيمة فنية مع كمية طرب مثل أغنية "خلينا ننسى"
أو أغنية " ايوه تعبني هواك " كلمات عمر بطيشه وألحان محمد سلطان
أو أغنية " نقطة الضعف " عبد الوهاب محمد ألحان محمد سلطان
و فيه أغنية " رسالة من إمرأة " كلمات نزار قبانى تلحين محمد سلطان
و فيه أغنية "حبيبي يا متغرب " كلمات عبد الرحيم منصور وألحان بليغ حمدي
و فيه أغنية " علمتني الدنيا " حسين السيد الحان محمد سلطان
و فيه أغنية " صعبان علينا " كلمات عبد الرحمن الابنودى الحان محمد سلطان
وفيه أغنية " بصراحه " كلمات مأمون الشناوى تلحين محمد عبد الوهاب
و فيه أغنية " لا يا روح قلبي أنا " حسين السيد و ألحان رياض السنباطي
و أختر ما شئت
مع أطيب تحياتي هيثم
عزيزى هيثم
اتفق معاك جدا ان فايزة بالذات اغانيها الطويلة كلها حلوة من اولها لآخرها يعنى وانا كنت بعزف معاها كنت بستمتع طول الوصلة الغنائية بعكس الحان اخرى طويلة بيبقى الحلو فيها نصفها الاول والباقى تحس انو متكلفت يعنى الملحن بيخلص باقى الاغنية وخلاص بإستثناء عبد الوهاب والسنباطى طبعا
والمقصد ان مش اى ملحن يقدر يلحن اغنية طويلة 13 او 14 صفحة وتفضل حلاوة الاغنية كامل اللحن ومحمد سلطان كان بيتميز بالميزة دى يعنى كل كوبليه بيبقى بنفس الحلاوة والقوة وبيساعده على ذلك حلاوة الكلمات اللى كان بينتقيها هو وفايزة بعناية فائقة ... ان شاء الله ادونهم كلهم قريبا بس لى عندك رجاء الاغانى بتاعة فايزة اللى انا دونتها فى الفترة الاخيرة معلش تتعب لما تكون فاضى وتحطها فى الفهرس
لأن الفهرس بتاعك ده انا بعتبره المرجع بتاعى لأنى من كتر التدوين ممكن انسى وادون الاغنية تانى لذلك لما بحب ادون اغنية برجع للفهرس بتاعك اولا
مع اطيب تحياتى عادل صموئيل

سليم العباس
07/11/2013, 19h54
سؤال بمناسبة النوتات الجميلة للفنانة الكبيرة فايزة أحمد ، أستاذ عادل :

- في سورية و أظن في بلاد الشام عموماً لا تحظى الفنانة الكبيرة فايزة أحمد بشعبية مماثلة لغيرها من المطربات القديرات مثل وردة الجزائرية - نجاة الصغيرة - ميادة الحناوي - شادية .

و أنا سأقول رأيي في هذا كمستمع :
أعتقد أن مستوى الألحان التي قُدمت لفايزة أحمد كانت أقل قيمة من التي قدمت لوردة أو ميادة مثلاً ، لأن الملحن محمد سلطان لم يصل إلى مستوى محمد عبد الوهاب أو بليغ حمدي في كثير من أعماله ، و بالطبع هذا لا ينفي أن ألحاناً رائعة خالدة موقعة باسمه .
لو غنت فايزة أحمد نفس الأغاني التي قدمتها نجاة أو وردة أو ميادة ، لكانت حققت نجاحاً باهراً ، يتجاوز ما حققته بأشواط بعيدة .

أود معرفة رأي حضرتك ، وشكرا لك على منحنا فرصة طرح الأسئلة .

اخى العزيز
وانا اشركم على الاسئلة لأنها بتحرك جوايا كلام كتير مخزون وانا مش بكتب مقالات الايام دى بمعنى انى انا افتح موضوع واتكلم فيه لكن لما حد بيسأل بيبقى عايز يعرف معلومة وانا احب كده اكتر من انى اكتب كلام ممكن مايستهويش ناس كتير
انا طبعا كلامى يختلف عن كل الناس ( واكتر واخطر شىء الصحفيين اللى بيكتبوا فى الجرائد فى المواضيع الفنية اللى مش بيفهموا فيها ) وانا شخصيا عزفت مع كل المطربين دول .. عندنا فى مصر منبع الفن ومن اهم اسباب ازدهار الفن ان الجمهور عندنا زمان كان ذوقه وتذوقه عالى جدا جدا جدا .. والموضوع ده هى اللى بيشهر فنان او بيخفس بيه الارض بمعنى ان كان زمان لما بتشترى شريط بتختار مطربك المفضل من ضمن كذا مطرب دلوقتى بيشتروا الشريط وخلاص اى حاجة تعمل دوشة
لذلك لما نقيس على ذوق المصريين فايزة غنت ونجت وفرقعت والمصريين بيموتوا فيها واكرر كانوا بيحبوا نجاة وبيحبوا وردة لكن بيموتوا فى فايزة .. وكل عشر حفلات كنت بعزف فيهم كان واحدة لنجاة واتنين لوردة و7 لفايزة وده احصاء سنوات طويلة ... وللعلم كنا بنسافر دول عربية كتير مع فايزة وكان الجمهور بيبقى اكتر من خمسين الف متفرج وحيموتوا عليها واقول لك على سر ماحدش يعرفوا
انا مرة كان عندنا بروفة مع وردة فى الفرقة الماسية .. وكان فيه موضوع يتطلب انى اروح مع وردة بيتها اخد منها حاجة قالت لى اركب معيا سيارتى وبعدين السواق بتاعى يرجعك مكان سيارتك .. ركبت جنبها وكان السواق مشغل كاسيت السيارة على اغنية لقيتك فين بتاعة فايزة ( انا اعرف انهم ما بيحبوش بعض ) فوجئت ان وردة بتغنى معاها حافظة الاغنية وقال بصوت عالى الله عليكى يافيزة كذا مرة وياروحى عليكى يافايزة يعنى تحس انها معجبة بيها جدا
ولعلمك وردة وفايزة ممكن يكونوا قامات متساوية لكن ميادة الحناوى اقل منهم كتير طبعا ... اما ان عندكم فى سوريا بيفضلوا وردة وميادة اكتر انا تحليلى حاجة
ممكن يكون الشعور ده مش فى كل سوريا يعنى محافظات محافظات
كمان فيه حاجة عندنا فى مصر اسمها عقدة الجواجه يعنى لو فيه سلعتين واحدة مصرية وواحدة مستوردة المواطن بيشترى المستوردة لدرجة ان عندنا مصانع شرابات رجالى مثلا بتعمل التيكت اللى ع الشراب كلو مكتوب بالانجليزى الجهلاء اللى مايعرفوش انجليزى بيشتروه على انو مستورد وبيكون صناعة رديئة جدا
وفيه قول ماثور زمان : لاكرامة لنبى فى وطنه
زمان كان الافلام العربية بتاعتنا بيجيبوا ممثل من لبنان لو دور لبنانى فى الفيلم كان بيبقى حاجة زى الفاكهة .. وشعور زمان كنت بحسو وانا صغير لما كنت اشوف الأجانب فى الشارع كنت بحس انهم حلوين اوى مخلوقات جايين من الفضاء نفس الشعور لما باخد احفادى نقعد فى خان الخليلى بيشوفوا الاجانب بإنبهار كانهم معمولين من جاتوه مش مخلوقات زينا
ورأيى الشخصى فى محمد سلطان الحانه رائعة واقل سبب انو كان بيعمل الالحان دى فى عصر لسه عبد الوهاب والسنباطى بيلحنوا وفايزة غنت لهم من قبل واخيرا غنت وقدرت تهجر عشان الجمهور مايحسش ان الحانو اقل منهم
وآسف للإطالة مع اطيب تحياتى عادل صموئيل

نور الصباح
07/11/2013, 20h32
احبائى
اقدم لكم من اشهر روائع تراث فايزة احمد
بتسأل ليه عليا
مع اطيب تحياتى
SSSSSSSSSSSSSSSSSSSSSSSSSSSSSSSSSS

:thankyou::thankyou::thankyou:

عمرو الهنداوي
07/11/2013, 21h12
الف شكر يا استاذ عادل ربنا يكرمك:)

غواص النغم
07/11/2013, 22h11
أشكرك على الرد الجميل استاذ عادل بستفيد من كل ماتكتب واتمنى ماتخلصش ربنا يحفظك ويبارك في عمرك
متفق معاك طبعا ان الاغاني ((المستحدثة )) التي قدمتها فايزة كانت لا تليق بصوتها الكبير
بالنسبة لانبهار الغرب بالموسيقى العربية اذكر لقاء اذاعي مع ابنة الموسيقار احمد صدقي تحدثت مرة عن واقعة اثناء تسجيل
لحن حلو ياللي ماشي من الحان والدها احمد صدقي لفايزة انه كان في عازف ايطالي كان معهم في الفرقة وكان مش فاهم الموسيقى العربية او جديدة عليه وكان بيقلل من قيمتها وواخذ المسألة هزار فاخذه الموسيقار احمد صدقي على جنب وقعد يتكلم معاه على اللحن وعلى المقامات وانه لكل لحن خطة مقامية مدروسة وايقاع معين وبعد انتهاء الفرقة من العزف وتسجيل الاغنية اعتذر العازف الايطالي من الفرقة والملحن و قال لم اكن اعرف ان الموسيقى العربية بهذا الثراء ..

عجبتني معلومة ان لكل صوت زمان كان له منطقة مقامية بتسلطن والصوت يجود فيها ياريت تعطينا امثلة عن الاصوات الاخرى

وسعيد ايضا من معلومة ان كل اغاني فايزة الطويلة مسجلة استديو ممكن ان نطلبها للاذاعة .

:emrose:تحياتي:emrose:
اخى العزيز وانا سعيد اكتر منك من الكلام معاكم لأن المشكلة الخطيرة ان الشباب اليومين دول مايعرفوش الكلام ده
فيه مشكلة اسمها المنشأ يعنى لما تروح حديقة الحيوان بيبقى فيه نبذة على كل قفص بإسم الحيوان اهم حاجة فيها موطنه الاصلى يعنى طباعه وصفاته
لذلك تلاقى مثلا الدب القطبى عاملين فى القفص حنفيات مياه شديدة بحيث ان الدب يفضل مبلول على طول لأن جسمو متعود على الجو البارد ولو من غير المياه دى الدب يموت بعد 24 ساعة
لما نيجى لكلمة المنشأ بالنسبة لنا انا اتولدت سنة 1950 بالطبع سمعت او اتربيت فى الراديو على صوت المطربين بتوع الوقت ده
لكن الشباب اللى اتولدوا فى الثمانينات وبعدها سمعوا محمد منير وعمرو دياب ومابعدهم لذلك بقى ده طربهم وهو طبعا لاطرب ولا حاجة ده دوشة يرقصوا عليها وخلاص بمعنى شوف اد ايه طبول وإيقاعات والمغنى نفسو بيخاول يستثير الجمهور انو يصفق ويرقص اكتر يعنى الحفلة بتبقى معمعة تلاقى فى الصالة 200 بنت طالعين فوق الكراسى وبيرقصوا بالطبع مين حايسمع هنا ؟
بعكس زمان كانت الفرقة صوتها هادىء وجميل ومنخفض يعنى السماعات تسمع منها كان عندك راديو كبير صوته حلو مش مزعج ختى لما كان الجمهور يصقف اوى كان المطرب ينتظر لما يسكت بعدين يغنى
اما بالنسبة لموضوع الموسيقار الايطالى انا بقارن نفسى بيه لما بسمع الاغانى الهندية مثلا بلاقى تركيبات انا ماكنتش اعرفها وايقاعات غريبة لكن بدون معلومات هى حلوة فى السمع .. لكن انا فى نقاشى مع الموسيقيين لاوروبيين فهمتهم ان موسيقاهم مقامين فقط يعنى السلم الكبير والصغير وحلاوة موسيقاهم فى حلاوة التوزيع وايقاعاتهم محدودة لكن فى موسيقانا عندنا 47 مقام وايقاعاتنا لاسبيل لحصرها بالتحديد وان موسيقاهم بتعتمد على التوزيع اولا ثم حلاوة الجملة اللحنية ثانيا اما موسيقانا بتعتمد على حلاوة الجملة اللحنية ولو احب اقول لهم قول يغيظهم
لو موسيقار عايز يعمل سيمفونية بيبقى محتاج 8 جمل موسيقية ومش شرط يكونوا حلوين يجننوا يعنى ممكن يكونوا متوسطين .. السيمفونية 4 حركات كل حركة بيستعمل جملتين .. ويفضل يوزع فيهم لذلك بتسمع الجملة اكتر من خمسين مرة بتوزيعات مختلفة اما لو ملحن عايز يعمل اغنية زى انت عمرى مثلا لازم يعمل مش اقل من 200 جملة موسيقية ولازم يكونوا كلهم احلى من بعض يعنى كل جملة تسمعها وتقول الله ولازم اهم شرط ان الجمل دى تكون ما اتسمعتش من قبل ولا تشبه اى حاجة بحيث ان اى جملة فى المنتصف تسمعها تقول دى انت عمرى
عايز اقول لك مثل على المنطقة الصوتية اقول لك فريد الاطرش يقتلنى
فى منطقة الكرد على الدوكاه المطعم بالبياتى يعنى المقام كرد بيطلع وينزل على مى بيمول يروح عمل واحدة مى نصف بيمول زى اغنية ادى الربيع وفين حبيبى اللى رمانى من جنة الحب لناره بيقتلنى ...
عندك عبد الوهاب مثلا لو مناطق كتير زى هل تذكرين بشط النيل مجلسنا
وزى آه لو كنت معى نختال عبره
وافضل امنى الروح برضاه
المطرب العبقرى بيبقى عارف ان دى ملعبه لذلك تلاقيه بيستعمل المقام ده فى المكان ده كتير .. بيبقى عامل زى لاعب كرة متميز بيجيب هدف من منطقة معينة فى الملعب بتبقى وظيفة زملائه انهم فقط يوصلوا لو الكورة فى المنطقة دى وهو يشوط على طول تيجى هدف
مع اطيب تحياتى

عامر أبو نبيل
07/11/2013, 22h15
الله يعطيكون العافية
شكر خاص للاستاذ عادل على المجهود الكبير

ويعطيك العافية اخى العزيز وتحياتى الى كل اهل سوريا الاحباء
مع اطيب تحياتى عادل صموئيل

منذر44
08/11/2013, 09h35
الاستاذ المحترم عادل صموئيل
ارجو لو تتكرم بكتابة نوتة أغنية أين حبي للموسيقار رياض السنباطي

sohersharaf
08/11/2013, 11h11
شكرا جزيلا لحضرتك .. وحاضر هسال علي الاساذه رضوي دي واوصلها سلام حضرتك ليها واوصي عليها كمان.
بخصوص النوته الخاصه باغنية ( الله يا بلادنا الله علي جيشك والشعب معاه ) انا دورت في الفهرس الي حضرتك قولتلي عليه ولكن لم اجدها.

شكرا


سهير شرف



الاستاذ الفاضل / عادل صموائيل

تحياتي لحضرتك...

مع حضرتك سهير محمد شرف موجة التربية الموسيقية بكفرالشيخ والجميع في توجيه التربية الموسيقية بكفرالشيخ يقدم لحضرتك تحياته واحترامه فنحن لم نطلب من حضرتك اي نوته الا وارستلها لنا مشكورا, ولي طلب عند حضرتك نوته اغنية ( الله يا بلادنا الله علي جيشك والشعب معاه - الحان محمد عبد الوهاب وغناء عبد الحليم حافظ)

ولسيادتك جزيل الشكر


سهير محمد شرف

الاخت العزيزة
اولا اهلا بكى فى المنتدى وسلامى الحار لكل اسرة التربية الموسيقية فى كفر الشيخ وببعت سلام خاص لأستاذة اسمها رضوى انا كنت مرة اديت محاضرة فى طنطا من كذا سنة كان فيها مجموعة من مدرسى الغربية ومن كفر الشيخ وقابلتها هناك وحسيت انها شاطرة اوى وييجى منها مش مدرسة عادية موظفة يعنى
ياريت تكونى تعرفيها وخليها تدخل معانا وتسجل فى المنتدى المنتدى لو قدرتى
الاول اهم شىء فيه هنا الاخ العزيز هيثم الصالحى فى اى مشاركة له هو عامل فهرس لكل النوت الموسيية اللى انا مقدمها فى المنتدى وهو عامل له تقسيم جميل جدا يعنى مقسم كل حاجة بعنوان يعنى انا من كتر ما بدون نوت انا بنسى دونت ايه والفهرس بتاع هيثم ده بيعتبر المرجع بتاعى عشان ساعات كنت بدون نوت اكون مدونها تانى
فى الفهرس ده حتلاقى حاجات تكفيكى كمدرسة موسيقى لمدة سنين طويلة ومش حتلاقيها فى مكان تانى غير هنا
لنى كموجه اول موسيقى سابق باخد بالى جدا طبعا من طلبات المدرسين اخوتى بالذات وبحاول اخليهم يعزفوا حاجات كان من المستحيل انهم يعزفوها معلش اتعبك شوفى الفهرس ده ولو الانية مش موجودة طبعا يسعدنى جدا انى ادونها لك
وكلام فى سرك احنا الايام الصعبة دى محتاجين اكبر كمية ممكنة من الاناشيد الوطنية وبالذات الحلوة اللى تجذب المستمعين وبالذات التلاميذ اللى بيسمعوا القرف اللى بيتقال الايام دى ونفسى نعمل لهم غسيل اذن وغسيل وجدان وجرعة كبيرة شوية من الوطنية لأن بينى وبينك الوطنية اليومين دول بقت عندها شوية انيميا
مع اطيب تحياتى ومنتظر ردك عادل صموئيل

فؤاد العلمي
08/11/2013, 11h27
أخي الأستاذ عادل
أولا أمسك الخشب، وأقول ما هذا الكم من العطاء الفياض؟ تدوينات رائعة لأغاني رائعة مع حكايات ومعلومات تسافر بنا من خلالها إلى الزمن الجميل، وترجع بنا إلى حنين الماضي الممتع. شكرا أخي عادل، وأتمنى لك دوام الصحة وطول العمر حتى تساهم أكثر فأكثر في تطوير الذوق عند القراء.
مع أخلص التحيات- فؤاد

فؤاد العلمي
08/11/2013, 11h37
أخي العزيز عاصم المنشاوي
رغم غيابي بعض الوقت فأنا دائما بعد رجوعي أقرأ كل ما فاتني.
وأشكرك كثيرا عن المعلومات التي تمدنا بها وهي في غاية الأهمية. ولا يمكنك أن تتصور مدى سروري وأنا أقرأ معلومات جديدة بالنسبة لي، سواءا كانت عن ظروف الأغنية أو عن التاريخ أو عن الأشخاص الذين أحبهم، أو أي شيء يدور حول الفن.
فتحياتي لك أخي عاصم وأرجو ألا تبخل علينا.
أخوك فؤاد.

armendo
08/11/2013, 12h18
سؤال بمناسبة النوتات الجميلة للفنانة الكبيرة فايزة أحمد ، أستاذ عادل :

- في سورية و أظن في بلاد الشام عموماً لا تحظى الفنانة الكبيرة فايزة أحمد بشعبية مماثلة لغيرها من المطربات القديرات مثل وردة الجزائرية - نجاة الصغيرة - ميادة الحناوي - شادية .

و أنا سأقول رأيي في هذا كمستمع :
أعتقد أن مستوى الألحان التي قُدمت لفايزة أحمد كانت أقل قيمة من التي قدمت لوردة أو ميادة مثلاً ، لأن الملحن محمد سلطان لم يصل إلى مستوى محمد عبد الوهاب أو بليغ حمدي في كثير من أعماله ، و بالطبع هذا لا ينفي أن ألحاناً رائعة خالدة موقعة باسمه .
لو غنت فايزة أحمد نفس الأغاني التي قدمتها نجاة أو وردة أو ميادة ، لكانت حققت نجاحاً باهراً ، يتجاوز ما حققته بأشواط بعيدة .

أود معرفة رأي حضرتك ، وشكرا لك على منحنا فرصة طرح الأسئلة .

اخى العزيز
وانا اشركم على الاسئلة لأنها بتحرك جوايا كلام كتير مخزون وانا مش بكتب مقالات الايام دى بمعنى انى انا افتح موضوع واتكلم فيه لكن لما حد بيسأل بيبقى عايز يعرف معلومة وانا احب كده اكتر من انى اكتب كلام ممكن مايستهويش ناس كتير
انا طبعا كلامى يختلف عن كل الناس ( واكتر واخطر شىء الصحفيين اللى بيكتبوا فى الجرائد فى المواضيع الفنية اللى مش بيفهموا فيها ) وانا شخصيا عزفت مع كل المطربين دول .. عندنا فى مصر منبع الفن ومن اهم اسباب ازدهار الفن ان الجمهور عندنا زمان كان ذوقه وتذوقه عالى جدا جدا جدا .. والموضوع ده هى اللى بيشهر فنان او بيخفس بيه الارض بمعنى ان كان زمان لما بتشترى شريط بتختار مطربك المفضل من ضمن كذا مطرب دلوقتى بيشتروا الشريط وخلاص اى حاجة تعمل دوشة
لذلك لما نقيس على ذوق المصريين فايزة غنت ونجت وفرقعت والمصريين بيموتوا فيها واكرر كانوا بيحبوا نجاة وبيحبوا وردة لكن بيموتوا فى فايزة .. وكل عشر حفلات كنت بعزف فيهم كان واحدة لنجاة واتنين لوردة و7 لفايزة وده احصاء سنوات طويلة ... وللعلم كنا بنسافر دول عربية كتير مع فايزة وكان الجمهور بيبقى اكتر من خمسين الف متفرج وحيموتوا عليها واقول لك على سر ماحدش يعرفوا
انا مرة كان عندنا بروفة مع وردة فى الفرقة الماسية .. وكان فيه موضوع يتطلب انى اروح مع وردة بيتها اخد منها حاجة قالت لى اركب معيا سيارتى وبعدين السواق بتاعى يرجعك مكان سيارتك .. ركبت جنبها وكان السواق مشغل كاسيت السيارة على اغنية لقيتك فين بتاعة فايزة ( انا اعرف انهم ما بيحبوش بعض ) فوجئت ان وردة بتغنى معاها حافظة الاغنية وقال بصوت عالى الله عليكى يافيزة كذا مرة وياروحى عليكى يافايزة يعنى تحس انها معجبة بيها جدا
ولعلمك وردة وفايزة ممكن يكونوا قامات متساوية لكن ميادة الحناوى اقل منهم كتير طبعا ... اما ان عندكم فى سوريا بيفضلوا وردة وميادة اكتر انا تحليلى حاجة
ممكن يكون الشعور ده مش فى كل سوريا يعنى محافظات محافظات
كمان فيه حاجة عندنا فى مصر اسمها عقدة الجواجه يعنى لو فيه سلعتين واحدة مصرية وواحدة مستوردة المواطن بيشترى المستوردة لدرجة ان عندنا مصانع شرابات رجالى مثلا بتعمل التيكت اللى ع الشراب كلو مكتوب بالانجليزى الجهلاء اللى مايعرفوش انجليزى بيشتروه على انو مستورد وبيكون صناعة رديئة جدا
وفيه قول ماثور زمان : لاكرامة لنبى فى وطنه
زمان كان الافلام العربية بتاعتنا بيجيبوا ممثل من لبنان لو دور لبنانى فى الفيلم كان بيبقى حاجة زى الفاكهة .. وشعور زمان كنت بحسو وانا صغير لما كنت اشوف الأجانب فى الشارع كنت بحس انهم حلوين اوى مخلوقات جايين من الفضاء نفس الشعور لما باخد احفادى نقعد فى خان الخليلى بيشوفوا الاجانب بإنبهار كانهم معمولين من جاتوه مش مخلوقات زينا
ورأيى الشخصى فى محمد سلطان الحانه رائعة واقل سبب انو كان بيعمل الالحان دى فى عصر لسه عبد الوهاب والسنباطى بيلحنوا وفايزة غنت لهم من قبل واخيرا غنت وقدرت تهجر عشان الجمهور مايحسش ان الحانو اقل منهم
وآسف للإطالة مع اطيب تحياتى عادل صموئيل


استاذ عادل..انا اؤيدك فى كل كلمه كتيتها بهذه المشاركه الجميله خفيفة الدم ,ورأيى الشخصى انه بعيدا عن ام كلثوم فغن صوت فايزه احمد يجب كل الأصوات الأخرى بدون ذكر اسماء من حيث حلاوة الصوت والقدره على ان تطرب فى كل مناطق صونها الجميل وإذا كانت قد اخطأت فى بعض تجاربها الغنائىه فهذا بالتأكيد لا يقلل من قيمنها الفنيه وانا احمل الملحن الرائع محمد سلطان وزر هذا الخطأ ولكن جل من لايخطئ فقد اخطأت ام كلثوم من قبل عندما سلمت نفسها لمحمد عبد الوهاب ففقدنا ام كلثوم بإستثناء بعض اغانى بليغ والموجى.

COLOR="Purple"][/COLOR]وطالما نتحدث عن الكروان غأود ان اشكرها كثيرا لأنها جعلت عادل صمؤيل يستعيد نشاطه بهذه الكتاف وامسكوا الخشب يا حبايب.

مع ارق تحياتى

احمد (ارمندو)

armendo
08/11/2013, 12h23
سؤال بمناسبة النوتات الجميلة للفنانة الكبيرة فايزة أحمد ، أستاذ عادل :

- في سورية و أظن في بلاد الشام عموماً لا تحظى الفنانة الكبيرة فايزة أحمد بشعبية مماثلة لغيرها من المطربات القديرات مثل وردة الجزائرية - نجاة الصغيرة - ميادة الحناوي - شادية .

و أنا سأقول رأيي في هذا كمستمع :
أعتقد أن مستوى الألحان التي قُدمت لفايزة أحمد كانت أقل قيمة من التي قدمت لوردة أو ميادة مثلاً ، لأن الملحن محمد سلطان لم يصل إلى مستوى محمد عبد الوهاب أو بليغ حمدي في كثير من أعماله ، و بالطبع هذا لا ينفي أن ألحاناً رائعة خالدة موقعة باسمه .
لو غنت فايزة أحمد نفس الأغاني التي قدمتها نجاة أو وردة أو ميادة ، لكانت حققت نجاحاً باهراً ، يتجاوز ما حققته بأشواط بعيدة .

أود معرفة رأي حضرتك ، وشكرا لك على منحنا فرصة طرح الأسئلة .

اخى العزيز
وانا اشركم على الاسئلة لأنها بتحرك جوايا كلام كتير مخزون وانا مش بكتب مقالات الايام دى بمعنى انى انا افتح موضوع واتكلم فيه لكن لما حد بيسأل بيبقى عايز يعرف معلومة وانا احب كده اكتر من انى اكتب كلام ممكن مايستهويش ناس كتير
انا طبعا كلامى يختلف عن كل الناس ( واكتر واخطر شىء الصحفيين اللى بيكتبوا فى الجرائد فى المواضيع الفنية اللى مش بيفهموا فيها ) وانا شخصيا عزفت مع كل المطربين دول .. عندنا فى مصر منبع الفن ومن اهم اسباب ازدهار الفن ان الجمهور عندنا زمان كان ذوقه وتذوقه عالى جدا جدا جدا .. والموضوع ده هى اللى بيشهر فنان او بيخفس بيه الارض بمعنى ان كان زمان لما بتشترى شريط بتختار مطربك المفضل من ضمن كذا مطرب دلوقتى بيشتروا الشريط وخلاص اى حاجة تعمل دوشة
لذلك لما نقيس على ذوق المصريين فايزة غنت ونجت وفرقعت والمصريين بيموتوا فيها واكرر كانوا بيحبوا نجاة وبيحبوا وردة لكن بيموتوا فى فايزة .. وكل عشر حفلات كنت بعزف فيهم كان واحدة لنجاة واتنين لوردة و7 لفايزة وده احصاء سنوات طويلة ... وللعلم كنا بنسافر دول عربية كتير مع فايزة وكان الجمهور بيبقى اكتر من خمسين الف متفرج وحيموتوا عليها واقول لك على سر ماحدش يعرفوا
انا مرة كان عندنا بروفة مع وردة فى الفرقة الماسية .. وكان فيه موضوع يتطلب انى اروح مع وردة بيتها اخد منها حاجة قالت لى اركب معيا سيارتى وبعدين السواق بتاعى يرجعك مكان سيارتك .. ركبت جنبها وكان السواق مشغل كاسيت السيارة على اغنية لقيتك فين بتاعة فايزة ( انا اعرف انهم ما بيحبوش بعض ) فوجئت ان وردة بتغنى معاها حافظة الاغنية وقال بصوت عالى الله عليكى يافيزة كذا مرة وياروحى عليكى يافايزة يعنى تحس انها معجبة بيها جدا
ولعلمك وردة وفايزة ممكن يكونوا قامات متساوية لكن ميادة الحناوى اقل منهم كتير طبعا ... اما ان عندكم فى سوريا بيفضلوا وردة وميادة اكتر انا تحليلى حاجة
ممكن يكون الشعور ده مش فى كل سوريا يعنى محافظات محافظات
كمان فيه حاجة عندنا فى مصر اسمها عقدة الجواجه يعنى لو فيه سلعتين واحدة مصرية وواحدة مستوردة المواطن بيشترى المستوردة لدرجة ان عندنا مصانع شرابات رجالى مثلا بتعمل التيكت اللى ع الشراب كلو مكتوب بالانجليزى الجهلاء اللى مايعرفوش انجليزى بيشتروه على انو مستورد وبيكون صناعة رديئة جدا
وفيه قول ماثور زمان : لاكرامة لنبى فى وطنه
زمان كان الافلام العربية بتاعتنا بيجيبوا ممثل من لبنان لو دور لبنانى فى الفيلم كان بيبقى حاجة زى الفاكهة .. وشعور زمان كنت بحسو وانا صغير لما كنت اشوف الأجانب فى الشارع كنت بحس انهم حلوين اوى مخلوقات جايين من الفضاء نفس الشعور لما باخد احفادى نقعد فى خان الخليلى بيشوفوا الاجانب بإنبهار كانهم معمولين من جاتوه مش مخلوقات زينا
ورأيى الشخصى فى محمد سلطان الحانه رائعة واقل سبب انو كان بيعمل الالحان دى فى عصر لسه عبد الوهاب والسنباطى بيلحنوا وفايزة غنت لهم من قبل واخيرا غنت وقدرت تهجر عشان الجمهور مايحسش ان الحانو اقل منهم
وآسف للإطالة مع اطيب تحياتى عادل صموئيل


استاذ عادل..انا اؤيدك فى كل كلمه كتيتها بهذه المشاركه الجميله خفيفة الدم ,ورأيى الشخصى انه بعيدا عن ام كلثوم فان صوت فايزه احمد يجب كل الأصوات الأخرى بدون ذكر اسماء من حيث حلاوة الصوت والقدره على ان تطرب فى كل مناطق صونها الجميل وإذا كانت قد اخطأت فى بعض تجاربها الغنائيه فهذا بالتأكيد لا يقلل من قيمنها الفنيه وانا احمل الملحن الرائع محمد سلطان وزر هذا الخطأ ولكن جل من لايخطئ فقد اخطأت ام كلثوم من قبل عندما سلمت نفسها لمحمد عبد الوهاب ففقدنا ام كلثوم بإستثناء بعض اغانى بليغ والموجى.

COLOR="Purple"][/COLOR]وطالما نتحدث عن الكروان غأود ان اشكرها كثيرا لأنها جعلت عادل صمؤيل يستعيد نشاطه بهذه الكتاف وامسكوا الخشب يا حبايب.

مع ارق تحياتى

احمد (ارمندو)

فؤاد العلمي
08/11/2013, 13h31
أخي العزيز هيثم
ينقصني التواصل معك فمنذ مدة لم نتحدث مع بعض، فأرجو أن يكون المانع خيرا.
إن دورك في هذا المنتدى، رائع جدا ومفيد بشكل ملفت للنظر، خصوصا مع الكم الهائل من التدوينات، حيث أصبحت تمثل مرجعا لكل زائر، وهذه ميزة أعتبرها موهبة، أساسها الصبر والإنضباط والترتيب وكذلك الإلمام بموضوع الفن، فهنيئا لك بهذه الميزة، وهنيئا لنا بوجودك.
مع تحياتي الغالية- أخوك فؤاد

فؤاد العلمي
08/11/2013, 14h05
أخي العزيز أحمد أرمندو
أهلا برجوعك إلى الكتابة، فصدقني عندما أقرأ مشاركاتك أشعر بدفء عائلي في هذه الصفحة، وأرى أنني دائما أشاطرك الرأي. وأتفق أيضا عما كتبته عن أم كلثوم مع عبد الوهاب. فعبد الوهاب لم يكن في المستوى المطلوب مع أم كلثوم، فلقد كان بخيلا جدا. اهتم فقط بجمالية الجمل من حيث التوزيع والإقاعات وإدخال الآلات الكهربائية، هذه الأشياء كانت تحظى بتصفيق الجمهور، ولكن على حساب المضمون. من يمكنه أن يذكر لي ولو أغنية واحدة من ألحان عبد الوهاب لأم كلثوم في مستوى الكرنك أو الحبيب المجهول أو بفكر في اللي ناسيني....
منذ أواسط الستينات بدأ ذوق الجمهور في تراجع، حيث أصبح يحبذ التصفيق مصاحبا الفرقة. وكمثال لا الحصر في فترة قصيرة خرجت إلى الوجود أغنية يامسهرني للسيد مكاوي وأغنية أقبل الليل للسنباطي، وللأسف الشديد كل العرب وبدون استثناء يعرفون يامسهرني ولا يعرفوا أقبل الليل، مع العلم أن الأولى فارغة فنيا، أما السنباطية فهي من أحسن الأغنيات العربية بكل المقاييس الفنية.
فمن المسؤول؟ أترك لكم الإستنتاج.
أخي أحمد هذا الكلام غير موجه لك طبعا.
مع أطيب تحياتي- فؤاد.

نور الصباح
08/11/2013, 14h24
حبيب قـــــــــــلبى وحبيب كل أعضـــــــــــاء منتدانا الجميل
الفنان الكبير الأســـــــــــــــتاذ :
عـــــــــــــــــــــــــــــــــــــــــــــــــ ــــــــادل باشـــــــــــــــــــا صموئــــــــــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــــــــد :
بما أن المزاج فى هذه الأيـــــــــــــام ( فايــــــــــــــزاوى )
واعترفـــــــــــا منا بصوت كروانة الشرق ( فايزة أحمد )
وجمال صوتها واتساع ومقدرة حنجرتها
نرجوا تدوين هذه الأغنيات : --
1 - قاعــــــــــــــد معـــــــــــــــاى
2 - العيون الكواحــــــــــــــــــــــل
3 - دوبــــــــــــنى دوبـــــــــــــــ
4 -حمال الأســـــــــــــــــــــــــية
ومرفق طيه الملفات الصوتية للأغنيات المذكـــــــــــــــــــــورة
حفظكم الله وعافاكم ووفقكم للحفاظ على التراث الموسيقى فى الزمن الجميل
وشكرررررررررررررررررررررررررررررررررررررررررررا
أخوكم
نور الصباح

عادل صموئيل
08/11/2013, 16h53
الاخت العزيزة سهير شرف

اولا اشكرك على ذوقك , واتمنى لو قابلتى لاستاذة رضوى تكتبى لى
بالنسبة للنوتة هى موجودة فى صفحة 225 يعنى ارجع 3 صفحات حتلاقيها

انا لما طلبت منك تشوفى فهرس الاستاذ هيثم على اساس انك لو لقيتيها تنزليها ولو ما لقيتيهاش تكتبى لى انها موجودة
وبالطبع عادتى انى بنتظر لتانى يوم لنا انتى اتأخرتى انا شفت الفهرس ومالقيتهاش معناها انى مادونتهاش
ونظرا لأنى بهتم جدا بمدرسين الموسيقى سبت كل اللى فى ايدى وكتبتها ونزلتها فورا يعنى موجودة من 4 ايام وانتى فين ؟

انا احب الاخوة اللى بيطلبوا طلبات مستعجلة انهم يدخلوا المنتدى كل يوم لأن ممكن تلاقى النوتة تانى يوم وممكن تتأخر شوية .. وعايز اقول لك على حاجة
اى عضو جديد لما بيكون عنده اقل من عشر مشاركات او ردود لما بينزل مشاركته هو مش بيشوفها ولا اى من الاعضاء بيشوفها ولكن بتظهر لمشرف القسم وبتبقى لون الارضية احمر عشان تبان بسهولة وسط المواضيع والمشرف بيقراها وبيفتحها وتظهر للجميع ( ده طبعا لدواعى امنيه يعنى بعد عشر مشاركات بيبقى اطمنا ان العضو ده عضو محترم ) وساعتها بتشوفى مشاركاتك اول ماتنزليها مباشرة طبعا ده نفسيا حلو لأن ساعات الواحد بيخاف لاتكون المشاركة مانزلتش ولا حاجة يعنى فى اى وقت فاضى ادخلى فى المنتدى فى اى قسم واكتبى ردود وانا بعزمك على قسم المبدعون تحت فيه قسم معزوفات للأعضاء فيه قسم اسمه معزوفات على الكمان للأستاذ عادل صموئيل اتمنى يعجبكوبقدم العزوفات هدية ليكى وللزملاء فى كفر الشيخ يعنى لو عجبتهم حايحملوها

ومع اطيب تحياتى واتمنى النوتة تعجبكم انا طبعا بحاول اكتبها بأسلوب سهل عشان تطلع مع اللى حايعزفها بسرعة

armendo
09/11/2013, 08h00
أخي العزيز أحمد أرمندو
أهلا برجوعك إلى الكتابة، فصدقني عندما أقرأ مشاركاتك أشعر بدفء عائلي في هذه الصفحة، وأرى أنني دائما أشاطرك الرأي. وأتفق أيضا عما كتبته عن أم كلثوم مع عبد الوهاب. فعبد الوهاب لم يكن في المستوى المطلوب مع أم كلثوم، فلقد كان بخيلا جدا. اهتم فقط بجمالية الجمل من حيث التوزيع والإقاعات وإدخال الآلات الكهربائية، هذه الأشياء كانت تحظى بتصفيق الجمهور، ولكن على حساب المضمون. من يمكنه أن يذكر لي ولو أغنية واحدة من ألحان عبد الوهاب لأم كلثوم في مستوى الكرنك أو الحبيب المجهول أو بفكر في اللي ناسيني....
منذ أواسط الستينات بدأ ذوق الجمهور في تراجع، حيث أصبح يحبذ التصفيق مصاحبا الفرقة. وكمثال لا الحصر في فترة قصيرة خرجت إلى الوجود أغنية يامسهرني للسيد مكاوي وأغنية أقبل الليل للسنباطي، وللأسف الشديد كل العرب وبدون استثناء يعرفون يامسهرني ولا يعرفوا أقبل الليل، مع العلم أن الأولى فارغة فنيا، أما السنباطية فهي من أحسن الأغنيات العربية بكل المقاييس الفنية.
فمن المسؤول؟ أترك لكم الإستنتاج.
أخي أحمد هذا الكلام غير موجه لك طبعا.
مع أطيب تحياتي- فؤاد.


اخى وصديقى العزيز جدا فؤاد العلمى...اشكرك على كلماتك مشاعرك الجميله كما اشكرك ايضا على دوام سؤالك عنى اثناء فترة انقطاعى عن المنتدى فأنت دائما سباق فى الخير ,بارك الله فيك اخى فؤاد.

صديقى العزيز...اتفق معك تماما فيما اشرت به عن بخل عبد الوهاب فنيا مع ام كلثوم ولكنه ايضا الدهاء الفنى فى إدخال المقدمات الموسيقيه الطويله التى برع فيها وايضا استخدام الألآت الغربيه لإستمالة الجمهور ثم تأتى ام كلثوم فى المرتبه الثانيه,عكس العبقرى السنباطى الذى كان يجند كل طاقاته وامكانياته لإبراز صوت ام كلثوم وامكانيات هذا الصوت المذهل والنتيجه درر من الأغانى الممتعه التى قدمها السنباطى وام كلثوم وخاصة فى الثلاثينيات والأربعينيات والخمسينيات من القرن الماضى وبعض الأغانى فى الستينيات كأقبل الليل كما اشرت.

اما فيما يخص اغنية سيد مكاوى (يا مسهرنى) فهذه الأغنيه كانت السبب فى خروج فريد الأطرش عن شعوره وهاجم بسببها ام كلثوم فى برنامج اذاعى فى لبنان وذلك عندما سئل عن عدم التعاون مع ام كلثوم وهنا خرجت الكلمات من فمه كالطلقات اعتراضا منه واحساسه بالمهانه من ان ام كلثوم قد غنت من الحان كل الملحنين الكبار على الساحه الفنيه بإستثناءه هو واتهم ام كلثوم فى انها غنت لبعض الملحنيين الذين هم دون مستواه ولم تتعاون معه,واكبر الظن انه كان يقصد سيد مكاوى واغنية يا مسهرنى والتى هى بالتأكيد اقل فنيا من بعض اغانى فريد الأطرش كأول همسه على سبيل المثال. رحمه الله فقد احس بالاهانه لإنه كان يأمل ان تغنى له ام كلثوم ولو لحنا واحدا.
ولكن السؤال هنا وهو سؤال افتراضى هل كان التعاون بين فريد وام كلثوم سيثمر عملا ناجحا على الأقل فى مستوى اعمال بليغ والموجى لإم كلثوم وهما فى رأيى الشخصى سنابطه اى ينتمون الى المدرسه السنباطيه فى الأساس.

مع ارق تحياتى

احمد (ارمندو)

عاشقة العود
09/11/2013, 11h03
انا عندي نقد لصفحة طلب نوتات والكلام موجه لبعض الاشخاص يلي بيرفعو نوتات اغاني ساقطه من فنانين فاشلين. وانا اشتركت في هذا المنتدى المحترم والقدير من عنوان اسمو منتدى سماعي للطرب العربي الاصيل, وليس للفن الهابط..
مع خالص احترامي للجميع

نور الصباح
09/11/2013, 18h03
انا عندي نقد لصفحة طلب نوتات والكلام موجه لبعض الاشخاص يلي بيرفعو نوتات اغاني ساقطه من فنانين فاشلين. وانا اشتركت في هذا المنتدى المحترم والقدير من عنوان اسمو منتدى سماعي للطرب العربي الاصيل, وليس للفن الهابط..
مع خالص احترامي للجميع
SSSSSSSSSSSSSSSSSSSSSSSSSSSSSSSSSSSSS
الأخت العزيـــــــــــــــزة والفاضــــــــــــــــلة والزميــــــــلة المبجــــــــــلة
عاشـــــــــــــــــــــــــــــــقة العــــــــــــــــــــــــــــــــــــــــــــــو د
سلام الله عليكم ورحمته وبركاته
وبعــــــــــــــــــــــــــــــــــــــــــــد :
عــــــــــــــــــــــــــمركـ أطول من عـــــــــــــــــــــــــــــــــــمرى
كنت لســـــــــــــــــــــة حا أقولهــــــــــــــــــــــا
وشكرررررررررررررررررررررا
أخوكم
نور الصباح

عادل صموئيل
10/11/2013, 04h07
احبائى
اقدم لكم من تراث الفنانة فايزة احمد

قاعد معاى

مع اطيب تحياتى
http://img1.uploadhouse.com/fileuploads/18637/1863792185acefea803d11c46101a6a1cd201e1f.gif

نور الصباح
10/11/2013, 06h21
احبائى
اقدم لكم من تراث الفنانة فايزة احمد
قاعد معاى
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSS

:thankyou::thankyou::thankyou::thankyou:

armendo
10/11/2013, 07h04
احبائى
اقدم لكم من تراث الفنانة فايزة احمد

قاعد معاى

مع اطيب تحياتى
http://img1.uploadhouse.com/fileuploads/18637/1863792185acefea803d11c46101a6a1cd201e1f.gif




الله الله يا استاذ..والله انا فرحان جدا لهذا النشاط وهذا الحماس وقد لاحظت ان هذا الحماس قد اقترن ايضا مع اربع مطربين هم عبد الوهاب وام كلثوم وشاديه واخيرا فايزه احمد ونتج عن هذا الحماس الجميل كم لابأس من النوت الرائعه,ادعو الله الا يفتر هذا النشاط والحماس الرائع وايضا مع دعواتى الشخصيه لك بالصحه والسعاده بقدر اسعادك لنا بتدوين تلك الدرر الغنائيه من زمن الفن الجميل.

مع ارق تحياتى وعميق شكرى

احمد (ارمندو)

اخى العزيز اشكرك
هو الموضوع كذا موضوع
اولا ان كل اغنية بدونها وطبعا انا مش عارف كام واحد ممكن توصل له وبيستعملها لأن العملية مش المنتدى هنا يعنى فيه ناس بتنزلها من هنا وتنزلها على عشراتالمنتديات حتى انا معرفهمش يعنى لما بكون بقلب ع النت الاقى النوتة بتاعتى فى مواقع كتير انا بشوفها صدفة .. وبالطبع ده بيسعدنى لنى بقدم مجهودى لكل الناس بدون مقابل ولوجه الله تعالى وثانيا ان كل نوتة بكتبها بكون ببعث الاغنية دى للحياة ان شوف كام واحد ممكن يعزفها وكام واحد ممكن يحبها طبعا اكتر ما بيسمعوها تتذاع صدفة ومع الاسف الاغانى دى بقت مش بتتذاع غير فى محطات محدودة منها اذاع البرنامج العام فى مصر
وثالثا : يمكن اكون انا الوحيد اللى باقى على قيد الحياة اللى عزفت مع العمالقة دول واللى متطوع اكتب اعمالهم مجانا يعنى قد يكون ليلا زملاء على قيد الحياة بس لسه بيشتغلوا وطبعا ماحدش منهم ممكن يفرغ نفسه كذا ساعة ف اليوم يعمل شغل بدون مقابل يعنى انا كتير ناس بتسألأنى وبتعمل ايه الايام دى بقول لهم بكتب نوت لمنتدى وانزلها على النت بيقولوا لى بيدوك كام فى النوتة اقول لهم ده شىء بقدمه لوجه اللله دون مقابل وحبا فى الفن وحبا ان يفضل فيه ناس تعزف الات موسيقية اغانى محترمة واتمنى ان اولادهم يتعملوا منهم والعملية تستمر ماتندثرش زى كل حاجة حلوة او صناعة يدوية حلوة بتندثر
واخيرا انا بحب موقع اسمو موالى يعنى هناك لما بفتح صفحة اى مطرب بلاقى 90% من اغانية بيبقى قدامى اسماء الاغانى وبقعد اختار منهم الاغانى اللى بحبها او على ذوقى بحس انها ممكن تعجب عدد كبير من الاعضاء وده للعلم شىء مهم جدا لجذبهم انهم يعزفوها .. وانا لما اكون بختار الاغانى بنفسى
الاكسب انى بركز مع مطرب واحد شوية وقت عشان اطلع احلى ماعنده وانت لو شفت اصفحات دى لأى مطرب حاتلاقى عشرات اغانى جميلة جدا وممكن تكون ناسيها مع الزمن لأنى زى ماقلت مش بتتذاع بشكل يفكرك بيها
واهم حاجة انا حاسس ان ربنا منحنى موهبة ونفسى افيد بيها اكبر عدد من الناس بأى كمية يعنى نفسى لو انا كاتب لحد دلوقتى 100 نوتة اتمنى قبل ما اموت اكون كاتب 2000
وبعدين بينى وبينك حاجة خاصة يعنى دلوقتى مافيش شغل يعنى العزف فى الفرق بالنسبة لى انتهى امره لأن حتى نوعية القرف اللى بيتعمل دلوقتى فى الحفلات مش شغلى خالص حاجة تانية غير اللى بعمله ولما اكون فايق شوية حكتب لك حاجة مهمة جدا عن الحفناوى لأنك فتحت الموضوع وثانيا من يوم النكبات اللى بتحصل فى مصر من 25 يناير واللى مش باين لها آخر انا تقريبا محبوس فى البيت .. انا شخصيا مش بحب الخروج للصياعة ولكن يعنى كنت بحب اخرج اسهر بالليل فى اى مكان وسط البلد واتعشى واقعد على قهوة حلوة اشرب لى حجرين شيشة وقهوة او كان عندى عادات مثلا احب يوم جمعة كل اسبوعين اروح حلوان مثلا او اى فسحة صغيرة بالعربية ودلوقتى يوم الجمعة ده خلاص اتشال من تقويم الاسبوع وكل يوم تسمع ان بلاوى بتحصل فى الطريق الدائرى او الزراعى او الصحرواى يعنى الواحد يروح فين كل العوامل دى بتخلينى احاول اضيع وقتى فى شىء مفيد عشان مايجيش لى اكتئاب او الامراض تشتغل وآسف على الاطالة مع اطيب تحياتى عادل صموئيل

salhi_haithem
10/11/2013, 16h44
السلام عليكم
الله الله عليك أستاذ عادل على هذه النوتات الحلوة
و من هنا (http://www.mawaly.com/user/salhi_haithem) بروفايلي على موالي ممكن إضافة صداقه
هيثم

الألآتى
10/11/2013, 19h21
[QUOTE=نور الصباح;643628]الأخ الكبير والفنان العظيم الأستاذ
{ عـــــــــــــــــــــــــــــــــــــــــــــــــ ــــــــــــــــــــــــادل با شـــــــــــــــــا صموئـــــــــــــــــــــــــــــيل
سلام الله عليكم ورحمته وبركاته
لذا نرجو من جنابكم تدوين الأغنيات التالية احتفالا منكم و منا برحيل هذين الفنانين العظيمين وهما
1 ) - حدوتــــــــــــــــــه --- محمد قنديل
فى المشاركة رقم (196) بتاريخ 13 /6 /2013
وشكرا لكم على سرعة استجابتكم لما نطلبه
وشكرا لكم على تدوينكم المميز والدقيق
وشكررررررررررررررررررررررررررررررررررررا
أخوكم
[U]نور الصباح

[B][CENTER][SIZE=5]أصدقائى .. بغرض فك الإشتباك نحو هذه الأغنية ( حدوتة )

يسعدنى أن أقدم لكم الأغنية من تنفيذى وعزفى وغنائى .. مع وضوح الإيقاع والجمل الموسيقية والغنائية

وذلك لكى يتسنى لأستاذنا عادل صموئيل تدوينها دون مشقة

[COLOR=Blue]احبائى طبعا حاتسألوا ايه الحكاية
الحكاية انى حبيت اكتب الاغنية دى النهارده الصبح قلت اكتب حاجة اسهل من فايزة يعنى اريح دماغى كانها فسحة يعنى
بس لقيت فيه كذا كسر فى اللحن يعنى الميزان يديك انطباع انه 4/4 لكن فيه كذا كسر يديك انطباع ان فيه ميزان تانى لكن
مفيش ميزان تانى حاولت اقلبها اعدلها فيها كسر ..
قلت اسألأ اخى العزيز محمد الآلاتى وقال لى فعلا فيها كسور
وابتديت اكتب حاجة تانية تجنن من العيار التقيل بس حكمها صغير شوية وقربت اخلصها .. انا اشكر الاخ العزيز محمد الآلاتى لأنها منزلها هنا من تفيذه واكيد هو عارف اللى انا اقصده وصلحه بس مش عايز اسمعها دلوقتى عشان المقام بتاع اغنية فايزة مايطيرش من دماغى
ومع اطيب تحياتى عادل صموئيل

زينة الغريبي
10/11/2013, 20h32
الأستاذ الممتاز عادل صموئيل شكـــــــــــــرا جزيـــــــــــــلا
و مدام الريشه مع فايزة سأطلب أغنية
يامه القمر ع الباب
:emrose: :emrose:

تحياتى يازينة
فينك من مدة ؟ اتمنى تكونى بخير
ماشى بس كده قريب جدا ان شاء الله
هى بالطبع على قائمة الانتظار
مع اطيب تحياتى عادل صموئيل

sohersharaf
10/11/2013, 21h54
شكرا جدا علي ذوق حضرتك .. ماخدش بالي منها غير لما حضرتك عرفتني. وحاضر لو قابلتها هقول لحضرتك اكيد.

شكرا جدا.

تحياتي لحضرتك
سهير شرف

عادل صموئيل
11/11/2013, 08h15
احبائى
اقدم لكم من العيارالتقيل من روائع الفنانة فايزة احمد

العيون الكواحل

اللحن ده من مميزاته انه على شكل موشح ولكن موشح متطور
انا قلت من قبل ان عبد الوهاب عمل ثورة على القوالب اللى كانت سائدة فى لحد الثلاثينيات
وابتدأ التطوير لن القوالب كانت ممكن تخنق واحد عنده غزارة لحنية وبالطبع غير شكل الموسيقى الشرقية لكل من جاء بعده , والوضوع هنا ان اللحن بيبتدى على شكل الموشح بعدين نرجع لطريقتنا ما هو الا تلوين يعنى كل ملحن كان لازم كل لحن يكون فيه شىء جديد مش متكرر من اى نوع . الحاجة التانية ان فيه شىء خطير اسمه طبيعة المطرب .. يعنى مهما كان كبير لو غير جلده كله مرة واحدة يضيع .. يعنى مثلا فيه فرق بين ام كلثوم وفيروز ان فيروز ممكن تغنى غناء اوبرالى على اى درجة ومن اهمها انها ممكن تغنى على لحن موزع الفرقة تحتها بتقول حاجات تانية وهى بتغنى لحن تانى خالص ومفيش معاها حد يسندها ولكن هى متدربة على كده بحيثث انها بتجيد اجادة تامة .. اللون ده ما ينفعش مع ام كلثوم او مع مطباتنا وهنا ممكن حد متخلف يقول طيب مين فيهم احسن .. ارد عليه اقول له دى حاجة ودى حاجة وما يتقارنوش ببعض يعنى مثلا مثلا اطول اغنية على المسرح لفيروزبالإعادات ربع ساعة اقصى حاجة واطول اغنية لأم كلثوم بالاعادات ممكن ساعتين ونصف وتحس انك عايز لسه تعيد تانى فيروز لو غنت النوع ده تبقى مش مقبولة وحتى فيروز نفسها لو تلاحظوا انها بتغنى اغنية وتنزل وحد يغنى اغنية تانية وتطلع وهكذا ما بتفضلش تعمل 4 اغانى مثلا ورا بعض .. طبعا هى خبرة وحست انها كده بتبقى مشوقة اكتر
احكى لكم قصة ( انا قلتها من قبل بس جايز ناس ماقرتهاش ) على تغيير جلد المطرب تغيير كلى .. احنا فى الفرقة الماسية كنا بنعمل بروفات على الاغانى الكبيرة بتاعة الحفلات اما الاغانى الصغيرة بندخل الاستديو نسجلها على طول لأن الاغانى الكبيرة فى الروفات بيقعد الملحن يغير ويعدل وشغلانة اما الاغانى الصغيرة بتبقى جاهزة فقط ان المطرب حافظ والنوت تتحط ونشتغل مباشرة .. بس طبعا الاول بنقول اللحن مرتين لو يعنى فيه اى حاجة تتعدل وعادة مش بيكون فيه .. المهم اليوم ده ولن انساه دخلنا الاستدوديو لقيت فايزة ومعاها ملحن مصرى بيشتغل فى الكويت من فترة طويلة انا مش فاكر اسمو .. هو محفظ فايزة على العود وبسلامته موزع اللحن توزيع كامل يعنى عملنا المقدمة جه مكان الغنا فايزة لقت احنا بنقول حاجة تانية غير اللى هى حافظاه .. طبعا تاهت ووقفت وابتدينا تانى .. نفس الحكاية مفيش فايدة .. سابت ميكروفونها وجت علينا وقالت انتو بتلخبطوا ليه قلنا مكتوب قدامنا كده
قالت ماكوش دعوة بالمتكوب وغنوا معايا زى ما بقول بالطبع ما ينفعش احفظ منها فى الاستوديو والفرقة الماسية جاية تقرأ وتمشى مش جاية تحفظ المهم بعد ما العفاريت بتاعة فايزة طلعت ( واعوذ بالله لما عفاريت فايزة تطلع شتمت الملحن وشتمت على العلم بالسورى
يعنى طبعا بتشتم على العلم اللى بيخسر مش بيكسب )
اترككم مع هذا اللحن الرائع مع اطيب تحياتى



http://img3.uploadhouse.com/fileuploads/18642/18642443ed211808a61b0752c03939916efb792b.png

muhamadibra
11/11/2013, 12h32
الاستاذ عادل برجاء الاهتمام بطلبي بعد اذنك اريد نوتة وله ياوله لمحمود الشريف وشكرا مقدما
ولك جزيل الشكر
د محمد ابراهيم

muhamadibra
11/11/2013, 12h38
تحية اعجاب وتقدير لنوت ا عادل المبدع دائما لقد استفدت منها كثيرا واتمني منه تكثيف انتاجه لتعم الفائده
ولا اعرف لماذا لا تنشر مشاركاتي
د محمد ابراهيم

نور الصباح
11/11/2013, 12h50
احبائى
اقدم لكم من العيارالتقيل من روائع الفنانة فايزة احمد
العيون الكواحل
اللحن ده من مميزاته انه على شكل موشح ولكن موشح متطور
SSSSSSSSSSSSSSSSSSSSSSSSSSSSSSSSS

:thankyou::thankyou::thankyou:

الألآتى
11/11/2013, 13h46
تحية اعجاب وتقدير لنوت ا عادل المبدع دائما لقد استفدت منها كثيرا واتمني منه تكثيف انتاجه لتعم الفائده
ولا اعرف لماذا لا تنشر مشاركاتي
د محمد ابراهيم

أهلاً بك معنا دكتور محمد ضيفاً عزيزاً فى سماعى ..

السبب فى عدم ظهور مشاركاتك .. أن حضرتك لا زلت ضيفاً

ولم تتعدى مشاركاتك العشر مشاركات

لأن العشر مشاركات الأولى تكون مراقبة من الإدارة .. ويجب موافقة المشرف عليها قبل نشرها وظهورها ..

وقريباً يإذن الله تكمل العشر مشاركات وتصبح عضواً فاعلاً فى المنتدى .. وتظهر مشاركاتك دون مراقبة

تقبل تحياتى

armendo
11/11/2013, 14h58
تحية اعجاب وتقدير لنوت ا عادل المبدع دائما لقد استفدت منها كثيرا واتمني منه تكثيف انتاجه لتعم الفائده
ولا اعرف لماذا لا تنشر مشاركاتي
د محمد ابراهيم

اخى العزيز د.محمد ابراهيم...اهلا بك فى منتدى سماعى ونورت صفحة نوتات الأستاذ عادل صموئيل وارجو ان تكون قد قرأت رد المايسترو محمد الألاتى على تساؤلك بخصوص تأخر نشر مشاركاتك, وانا اضم صوتى اليك فى طلب تدوين اغنية ولا يا ولا للمطرب عبد الغنى السيد.

ملحوظه: فى ذات الصفحه اللى فيها مشاركتك ستجد مشاركه لصديقنا العزيز هيثم الصالحى واسفل مشاركته ستجد فهرس نوتات الأستاذ عادل انقر بالماوس وابحث عن نوتات اغانى عبد الغنى السيد وتجد اغنية البيض الأماره ارجو ان تسعد بها وذلك حتى يتم تدوين ولا يا ولا, وعلى فكره الأستاذ عادل عنده نقطة ضعف تجاه زملاؤه اساتذة الموسيقى والمشتركين الجدد وكل طلباتهم مجابه فى الحال .

مع ارق تحياتى

احمد (ارمندو)

muhamadibra
11/11/2013, 15h06
الشكر كل الشكر للاستاذ محمد الالاتي وا .احمد ارمندو وللعلم انا مشترك قديم وكان عندي اكونت من 3 سنوات ولم استطع فتحه منذ شهور ولذلك عملت اكونت جديد ولانني لا استطيع عدم متابعة المنتدي وخاصة صفحة ا عادل الا في الظروف الطارئة جدا فقد عملت الاكونت مظطرا - وارجو ان اصيب نقطة ضعف ا عادل ويكون لطلبي نصيب عنده
د محمد ابراهيم

الاخ العزيز
اهلا بك فى المنتدى
انت لما بتكون اقل من عشر مشاركات المشكاركة بتظهر للمشرف فقط بعدين بيفتحها .. والصفحة عليها كذا مشرف انا واحد منهم واللى بيفتح الصفحات الاول بيشوف المشاركة ويقراها بعدين بيفتحها وانا من حسن حظى انى شفت مشاركتك دى وفتحتها .. ممكن حضرتك تدخل اى مواضيع تعجبك واعمل ردود انت مشاركاتك دلوقتى 4 كملهم عشرة زى ما قال الاخ المايسترو محمد الآلاتى .. واكيد لازم تدخل اى مشاركة للأخ العلزيز هيثم الصالحى حتلاقى فيها فهرس رائع لكل اعمالى ان شاء الله تلاقى حاجات تعجبك مش شرط لعبد الغنى السيد بس يعنى لحد ما اكتب لك ان شاء الله ولا يا ولا
مع اطيب تحياتى عادل صموئيل

muhamadibra
11/11/2013, 16h26
اشكر ا عادل علي رده علي وكما ذكرت لسعادتك انا منزل كل النوت تقريبا الموجوده بالمنتدي وطبعا اولها ا د عادل و د طارق و ا هيثم الصالحي و احمد الجوادي ونزيه محمد - اعرفهم جميعا ومستمتع بنوتاتهم العظيمه - وانا لست ضيفا انا عضو من سنوات ولكن توقف الاكونت من شهور - ولكم جميعا تحياتي واعزازي
د محمد ابراهيم

salhi_haithem
11/11/2013, 16h41
السلام عليكم
أستاذ عادل حقيقة أبهرتنا بهذه التحف الرائعة و الجميلة
هيثم

منذر44
11/11/2013, 17h03
الاستاذ الرائع عادل صموئيل
اذا كان بالامكان تدوين رائعة فايزة احمد احلى طريق في دنيتي
واذا كان ممكن ان تعطينا فكرة عن كل اغنية تدونها ....... ملحنها وكاتب كلماتها واي
معلومات تعرفها بحكم خبرتك وماضيك المشرف

muhamadibra
11/11/2013, 19h15
الحقيقة يا اخ منذر ان ا عادل صموئيل لا يقصر في اعطاء معلومات عن الاغاني التي يدونها بطريقته الممتازه السهل الممتنع - ربنا يعطيك الصحة
د محمد ابراهيم

muhamadibra
11/11/2013, 19h42
‫ظ…ط*ظ…ط¯ ط¹ط¨ط¯ظ‡ ظ€ظ€ظ€ ط§ظ„ط±ط³ط§ظٹظ„ (ظ…ظ† ط£ط¬ظ…ظ„ ط§ظ„طھط³ط¬ظٹظ„ط§طھ)‬â€ژ - YouTube (http://www.youtube.com/watch?v=Lpz0d2PGX6Q)
هل اطمع من سيادتكم تدوين هذه الرائعه لمحمد عبده الرسايل وهذا هو التسجيل الصوتي وشكرا مقدما
دمحمدابراهيم

نور الصباح
12/11/2013, 08h00
الأخ الكبير والفنان العظيم الأستاذ
{ عـــــــــــــــــــــــــــــــــــــــــــــــــ ــــــــــــــــــــــــادل با شـــــــــــــــــا صموئـــــــــــــــــــــــــــــيل
سلام الله عليكم ورحمته وبركاته:
عشـــــــــــــــان خاطر حبايبـــــــــــــــنا الذين
طنشــــــــــــونا
( جبرتى المنتدى ومؤرخه الخصوصى )
وهو عارف إن فيه رقم تليفون أرضى
وكثيرا ما اتصل عليه
و أنا مازلت واخد على خاطرى منه
وصعبان عليا
لذلك أرجو تدوين أغنية كروان الشرق
فايـــــــــــــــــــزة أحمـــــــــــــــــــــــــــــــد
1 - صعــــــــــــــــــــبان عليـــــــــــــــــــــــنا منكم صعبان علينا
ومرفق طيه الملفات الصوتية للأغنيات
وشكرا لكم وحفظكم الله على الدوام لرفعة الفن العربى الاصيل
وشكرررررررررررررررررررررررررررررا
أخوكم
نور الصباح

نور الصباح
12/11/2013, 08h14
الأخ الكبير والفنان العظيم الأستاذ
{ عـــــــــــــــــــــــــــــــــــــــــــــــــ ــــــــــــــــــــــــادل با شـــــــــــــــــا صموئـــــــــــــــــــــــــــــيل
سلام الله عليكم ورحمته وبركاته:
أرجو تدوين أغنية كروان الشرق
فايـــــــــــــــــــزة أحمـــــــــــــــــــــــــــــــد
1 - الأيـــــــــــــــــــــــــــــــام
2 - حـــــــــــــــــــــــــــــــيران كده ليه يا حبيبى
ومرفق طيه الملفات الصوتية للأغنيات
وشكرا لكم وحفظكم الله على الدوام لرفعة الفن العربى الاصيل
وشكرررررررررررررررررررررررررررررا
أخوكم
نور الصباح

عاصم المنشاوى
12/11/2013, 11h33
[COالأصدقاء

أغنية "العيون الكواحل"...من كلمات الشاعر الغنائى والفنان /مجدى نجيب اللى له اسلوبه المميز والمتميز عن باقى جيله ....رغم انه قاهرى المولد لكن تتعجب فى أغانيه ان لما تسمعها تفتكر انه عبد الرحمن الأبنودى او عبد الرحيم منصور...زى "آخدحبيبى يانا يامه لفايزة وسلطان "...و"غاب القمر يابن عمى لشاديةوالموجى "
البدايه بعد مانجحت اغنية قولوا لعين الشمس لشادية وبليغ فى 1966اللى كتبها فى معتقل الواحات ....عمل مع عبد الحليم موشح "كامل الأوصاف " برضو فى سنة 1966...وطلبته فايزة يعمل لها موشح بنفس اسلوب كامل الأوصاف وهو الأستفادة من الموروث الشعبى لفن الموشحات الشعبية الذى يعتمد على نظم الكلمات العربية الفصحى المبسطة والقريبة من اللهجة العامية المصرية فعمل لها "العيون الكواحل".....لكن برضو له اغانى غاية فى الرومانسية الشديدة زى "قول لكل الناس احنا حبينا لفايزة وسلطان" وتعال شوف أزاى بحبك برضو لفايزة وسلطان والأستاذ عادل كاتب النوتة بتاعتهابتاعة وتعال شوف ...عقبال مايكتب لنا (قول لكل الناس أحنا حبينا)......ولصباح كتب "جانى وطلب السماح" من تلحين بليغ.....وهو الوحيد اللى غناله كبار المطربين واحدث المطربين زى محمد منير وهانى شاكر وعمر فتحى وحنان وحميد الشاعرى وغيرهم....
وأغنية أو موشح "العيون الكواحل" غنتها أو غنته فايزة احمد سنة 1968 وبعد نجاح اللحن غنت له " ياهلالا غاب عنا وأحتجب"...ولكن لم يكتب لها التوفيق
غنى له عبد الحليم "كامل الأوصاف " فى 1966 وطلعت الجرائد تالت يوم تقول انه اللحن بتاع الموجى مسروق من لحن يونانى...وان عبد الحليم أحتضن المطرب السورى الجديد "فهد بلان"...اللى غنى ليلتها "واشرح لها"...ليغطى على نجاح "محمد رشدى"....طبعا الجرايد كانت بتهدّى النفوس فى الوقت ده....هههههههه
استمر مجدى نجيب على التيمة دى يكتب موروث شعبى بفصحى مخلوطة بالعامية ...فأخد القد الحلبى المشهور "قدك المياس" وغناها محرم فؤاد ولحنه محمد سلطان سنة 1970...وغضب حليم منه لأنه كان عايز ده بالأضافة لبليغ اللى كان بيحب الشعبيات دى وعلى الفور صدرت التعليمات بكتابة "مداح القمر".لمحمد حمزة..التعليمات من عبد الحليم طبعا....ولكن تم تاجيلها بالعام اللى بعده نظرا لوفاة جمال عبد الناصر وغناء موعود بدلا منها لمناسبة أغنية موعود للجو العام الحزين....موعود سنة 1971 ومداح القمر 1972...مجدى نجيب يطلق عليه شاعر الألوان لأنه فنان تشكيلى وصحفى عريق...ربنا يديله الصحة وطولة العمر هو عنده 77 سنة ...لأنه من مواليد 29 مايو 1936 ...ولسّه الدولة مكرماه فى مهرجان الموسيقى العربية من ست ايام فى 6 /11/2013
LOR="Blue"][/COLOR]

muhamadibra
12/11/2013, 12h46
انا سعيد بوجود مشاركاتي علي صفحة ا عادل صموئيل وارجو تحقيق طلباتي في التدوين - ولو ان الروائع المنشوره بها كل الابداع وشكرا جزيلا
د محمد ابراهيم

عادل صموئيل
12/11/2013, 20h03
احبائى
اقدم لكم اغنية من اشهر اغانى عبد الغنى السيد

ياوله ياوله

الاغنية دى انا ماكنتش حاكتبها إلا لما الاخ العزيز د محمد ابراهيم طلبها وحسيت انو محتاج لها
ولو تحبوا احكى لكم شوية ... الاغنية دى ناس كتير مش على المستوى غنوها استهلكوها فى السوق .. بمعنى ان فيه مطربين بيغنوا تخت شرقى فى المحلات والكازينوهات او وراء الراقصات فيهم عيب خطير جدا .. انهم بيبقى مستواهم منخفض وطالما انهم بيكسبوا فلوس على مستواهم ده مش بيحاولوا انهم يحسنوا نفسهم ... المشكلة الخطيرة دى بتخليهم ما يتعبوش نفسهم يدوروا على اغانى يعنى الواحد منهم بيبقى حافظ 7 اغانى بيغنيهم كل يوم طول عمره .. المشكلة الاخطر انو لما بيغنى الاغنية مش بيسمعها او بيحفظها من عبد الغنى السيد ولكن لو غناها المطرب على بعجر مثلا واكيد عشان مش على المستوى بتسقط منه حاجات ييجوا المطربين التانيين يحفظوها منه بالطبع حاتسقط منها حاجت بتكون النتيجة ان تناقل الاغانى مع المطربين دول بيخلى الاغنية تتشلفط .. وتتغير معامها بيبقى الشكل العام هى لكن التدقيق تلاقى فيها لخابيط جامدة .. ولما مطرب من دول كان بيغنى الاغنية زمان فى شارع الهرم كان فيه 500 كباريه تلاقى كلهم لقطوها وبيغنوها يعنى حتى فى السهرة الواحدة تسمع الاغنية 17 مرة يعنى يطلع مطرب يقولها تطلع بعديه رقاصة تغنى عليها وهكذا ماعندهمش جديد .. انا الاغنية دى اكتبها فى نصف ساعة لكن اخدت منى ساعتين لسبب انا عمال اسمع فيها جيت اسمعها من عبد الغنى السيد وبالطبع التدوين زى ما انتم عارفين لازم ادقق اوى فى كل مازورة اكتشفت انى حافظها بشكل تانى واكتشفت حاجات بتعدى وسط الزحمة لكن مع التدقيق والتشريح بتكتشف حتلاقوا مرتين وسط ميزان 4/4 اضطريت اعمل مازورة واحدة 2/4 عشان الميزان يتظبط لأن بعد الكوبليه الاول اكتشفت ان الكورال مش بيدخل من نفس المكان يعنى ناقص نوارين .. بالفتاكة والخبرة رجعت من اول الكوبليه وصلحتها من فوق من وسط الكوبليه .. بس الحمد لله مكتوبة كويس يعنى انا راضى عنها واتمنى تعجبكم
مع اطيب تحياتى

http://img6.uploadhouse.com/fileuploads/18648/1864822660db0e964b1acf600d8f3af345f41ff7.gif

نور الصباح
12/11/2013, 20h11
احبائى
اقدم لكم اغنية من اشهر اغانى عبد الغنى السيد
ياوله ياوله
SSSSSSSSSSSSSSSSSSSSSSSSSSSSSSSSSSS

:thankyou::thankyou::thankyou:

عادل صموئيل
12/11/2013, 20h20
احبائى

اقدم لكم من اغانى محمد قنديل

حدوتة

الاغنية دى انا بسمعها من زمان بس ماحبيتهاش لولا الحاح الاخ العزيز نور الصباح يعنى عمرى ما كنت اختار اكتبها
مع انى بحب حاجات كتير لمحمد قنديل وكنت بستمتع جدا بالعزف معاه
لما جيت اكتبها حسيت فيها حاجات الميزان مكسور او مش مريح بمعنى ان الاغانى عموما عند التدوين لازم لما اسمع بكون سامع مازورة صريحة محددة كذا مرة حسيت ان كذا مازورة ناقصة حاجة
انا عادة لما بتصادفنى حاجة كده بسأل الاخ العزيز محمد الآلاتى حتى فوق هو رد وجايز تكونا حسيتوا ان فيه لبس ع الاغنية هو قال لى انها مش مكسورة وقدمها من عزفه وغناؤه ... لقيتو عازفها زى التسجيل بتاع قنديل بالضبط
بس قال لى كلمة ع الخاص انها تعبته جدا على ماحفظها عشان يسجلها ... ومع ان الاغنية هايفة يعنى مش حديث الروح ولا الاطلال هى لو مضبوطة ماكانش حايتعب فى حفظها يعنى انا شكى فى محله فيها حاجة
جيا الصبح وقلت للأغنية يا انا يا انتى فى اليوم اللى مش غايت ده وابتديت اسمعها بتمعن اوى ولولا انى اعرف سيد مكاوى شخصيا اوى يعنى سيد مكاوى اتنين .. سيد مكاوى الفنان وسيد مكاوى التاجر اللى بيكلفت احيانا يعنى بيعمل الاغنية فى نص ساعة ويقبض يعنى حتى المقدمة تحسها واحد مسك العود وطلعت وهو بيسلطن نفسو فى مقام الراست انا بسميها تسليطة مالهاش محل من الاعراب .. اكتشفت العيب فين .. عارف لما تاكل شىء لذيذ جدا وتحاول تمضغه وتتذوقه ولما تاكل حاجة اى كلام وتبلعها على طول اللحن ده كده .. مش عايز التذوقعايز يتكتب على طول والحمد لله اتكتب مع انى اضطريت للتدخل الجراحى فى مازورتين لسبب ان قنديل المتمكن اتصرف
لكن انا ما اقدرش اكتبها مكسورة ... والمشكلة فى اختيار الاغانى عندكم يعنى مش اى اغنية الواحد يدور على نوتة ليها ويعزفها يعنى مش حاتزود حاجة .. انا لما بختار لكم اغنية على ذوقى ببقى عارف مقدما بخبرتى انها حاتعجب الكل حتى اللى بيفاجأ بيها ومش فى مخو انو يلاقيها نوتة وفيه اغنية حد بيطلبها والاعضاء ماحدش منهم بيشوفها اصلا المهم انا سعيد انى خلصت منها ونرجع لفايزة احمد بس خلوا بالكم فيه طلبات كتير وناس طلبت عليهم اكتر يعنى اصبروا شوية
مع اطيب تحياتى

http://img2.uploadhouse.com/fileuploads/18648/18648272bcb457848b3715295688868e972f8fb2.gif

muhamadibra
12/11/2013, 20h30
لا استطيع وصف سعادتي باهتمام ا عادل صموئيل بطلبي وتدوين وله يا ولا و اكيد ستكون مثل اخواتها دره جديده - ربنا يخليك لنا و اتمني من الله ان تلتقي الوجوه بعد لقاء المشاعر - وتحية من السودان لمصر
د محمد ابراهيم

نور الصباح
12/11/2013, 20h32
احبائى
اقدم لكم من اغانى محمد قنديل
حدوتة
الاغنية دى انا بسمعها من زمان بس ماحبيتهاش لولا الحاح الاخ العزيز نور الصباح يعنى عمرى ما كنت اختار اكتبها
SSSSSSSSSSSSSSSSSSSSSSSSSSSSSSSSS
شكرا جزيلا لجنابكم على النوتة وشكرا جزيلا على التقديم والإهداء الممتع الظريف كما هى عادتكم معنا
و أنا عارف إن اللحن معقرب شوية فى الميزان
لكن
أنا عارف بأكلم مين و بأتعامل مع مين
ومرة أخرى
شكرررررررررررررررررررررررررررررررا
أخوكم
نور الصباح

muhamadibra
12/11/2013, 21h30
استفسار في نةتة وله يا وله الصفحة الاولي السطر الخامس هل هناك خطأ مطبعي غير مقصود بأن يكون الرقم في بداية السطر 2 بدلا من 1 ام انا مخطئ - وشكرا جزيلا
د محمد ابراهيم

اخى العزيز
طبعا كلامك صح وانا صلحتها ونزلتها فى مكانها ارجو تشوفها
مع اطيب تحياتى عادل صموئيل

muhamadibra
13/11/2013, 07h55
تحياتي واحترامي الكبير للاستاذ العملاق عادل صموئيل وشكرا جزيلا للمرة المليون - ولو ممكن طلب اخر بعد اذنك نوتة دعاء عبد الحليم حافظ ع التوتة والساقية لو ما فيها تعطيل لحضرتك
د محمد ابراهيم

اخى العزيز اشكرك
ع التوتة ما ينفعش تتدون لأنها حاجة زى الموال يعنى اللى نفسو يعزفها لازم يكون بيعزف سماعى كويس جدا بعدين يحفظها ويقولها
حتى لو واحد دونها حايبقى صعب تتقرى وحاتطلع لحن تانى غير اللى بتسمعه
يعنى الأغنية لما تكون على ميزان انا بكتبها بمنتهى الدقة يعنى النوتة بيبقى فيها مش اقل من 99% من اللحن الصحيح بعد كده اى واحد بيقرأ حايطلعها
مع اطيب تحياتى عادل صموئيل

muhamadibra
13/11/2013, 12h02
شفتها يا استاذنا والنوتة رائعة جدا جزيت خيرا
د محمد ابراهيم

muhamadibra
13/11/2013, 12h47
طلب بسيط من ا عادل قد يأخذ وقت يسير ولكنه مهم جدا بالنسبة لي - في نوتة عش انت - الصفحة الاولي ياريت تبسط لنا المذهب شويه ليصلح للمبتدئين بعد اذنك - وشكرا مقدما
د محمد ابراهيم

salhi_haithem
13/11/2013, 14h18
السلام عليكم
د محمد ابراهيم تصوري الخاص أنه الأستاذ عادل حاول يبسط أغنية عش أنت فهي ستفقد كل جمالها وروحها و طعمها و لو بحثت على نوتة عش أنت من تدوين عبد الرحمان جبقجي ستفهم أنه نوتات الأستاذ عادل تفوق بأشواط نوتة عبد الرحمان جبقجي من ناحية البساطة و الدقة و إختيار ميزان التدوين علما أنه نوتة الجبقجي ناقصة تدوين مقاطع الكلام يعني فيها موسيقى فقط
و الأغنية في حد ذاتها صعبة شوية يلزمها شغل و عمل و مثابرة و هذه النوعية من الأغاني هي التي ترفع من مستوانا في العزف شرط أنه نشتغل فيها شوية
و النوتة لما تكون مزركشه يعني فيها النوار و الكروش و الدوبل كروش وشوية سنكوبات تكون ممتعة عمله مثل فيلم أكشن. تصور لو نوتة من أولها لأخرها نوارات أو روندات ستكون مملة و باسلة و مفيهاش روح
هيثم
اخوتى الاحباء
طبعا كلام اخى العزيز هيثم صحيح واهم شىء اننا بنتعامل مع بعض من فترة طويلة يعنى حافظنى
نفس اللحن ممكن يكون لو كذا طريقة للتدوين بتختلف بالمدون نفسه يعنى فيه مدون بيحس انو شاطر اكتر من الازم او بيكون بيتعاون مع موسيقيين محترفين على درجة عالية بيحب يدون النوتة صعبة عشان يحسوا انو متمكن وفيه مدون متواضع مثلى بيتعامل من كل المستويات فى نفس الوقت يعنى لازم النوتة تكون مقبولة من الجميع
يعنى المبتدىء يشوفها نفسيا شكلها سهل ويشتغل فيها ومرة فى مرة بيوصل وكتر العزف وكتر النوت بيرفع مستواه والدليل على كده اعضاء كتير هنا ف المنتدى اما العازف الشاطر النوتة لما تكون مكتوبة سهلة بتفتح نفسه للشغل وعندنا كنا فى الفرقة الماسية لماتكون نوتة سهلة ممكن نسجل عشر الحان ورا بعض فى وثت قليل لكن لما تكون معقربة ممكن اللحن الواحد ياخد وقت مزعج طويل لأن الفروق بين العازفين ممكن يحصل لخبطة واكيد اى واحد بيقول حرف غلط لازم الفرقة كلها بتعيد اللحن او الكوبليه من الاول ... وفيه معلومة خطيرة جدا جدا وهى اساس التدوين الصحيح
انت لما تسمع جملة موسيقية من مطرب او من عازف بيبقى فيها حاجتين مهمين اولهما ايه اللحن الاصلى والتانى ايه الحليات لو حصلت وهنا الخطورة يعنى انا بخبرتى ببحث عن اللحن الاصلى لأنه هو الاساس ... يعنى الأيام الاخيرة من زمن الفن الجميل كان فيه جملة بيعزفها الاورج وتانى مرة الفرقة الاروح بيقول حاجات صعبة جدا بيستعرض عضلاته الموسيقية وبيخرج عن الحن وكتير بيضيع قيمته وماحدش حايعرف يكتب اللى بيقوله انا ونا بسمع بمرر الصولو ده واسمعو واكتبه من الفرقة لأنها بتقرأ النوتة اللى قدامها وكذا مرة بتكون اللحن الاورج او عازف كمان بيعزف الجملة لكن فى اللحن الفرقة مش بتعيدها وراه اوقبله وهنا انا بلغى اللحن كله وحصلت كذا مرة ... فيه فرق بين انا لما اكتب اغنية من الملحن نفسه ونفس الاغنية من تسجيل على الفرقة ( طبعا انا بتكلم من موقع خبرة لأنى جربت الطريقتين ) الملحن لما بيملينى اللحن بالعود بيتعمد انو بيملينى الجملة سادة بدون حليات بتاتا إلا اذا كانت الحلية او اجزء الصعب ده من صلب اللحن .. الجملة لما تكون سادة بتدى الفرصة للمطرب انو يعمل فيها عربة او حلية .. لكن لو الحلية اتكتبت انا هنا بقيد المطرب وبخنقه يعنى مثلا انا لو كتبت الحلية حاجة صاعدة يعنى فا صول لا صول مثلا
وجه المطرب مزاج يعملها هابطة ينى فا مى رى مى مثلا هنا حايحصل نشاز
فيه حاجة تانية مهمة اسمها التصدير يعنى تقديم او تأخير حرف .. يعنى ممكن المازورة بادئة بنوار ممكن المطرب يغنيها سكتة كروش وكروش او العكس
هنا ممكن تتكتب وممكن ماتتكتبش حسب تقديرى يعنى ممكن تتكتب انت تحسها سهلة وفى لحن تانى ممكن تلخبطك ... ممكن وانت بتغنى تاخد نفس فى مكان او اى شىء بتعمله الموسيقى الشرقية مش جامدة محددة زى الموسيقى الغربية
بس الخلاصة ان اى نوتة انا بكتبها ما ينفعش تتبسط اكتر من كده لأن اللحن ممكن يتغير ... يعنى انا الشىء الحلو اللى بيحسب ليا انى لما بكتب نوتة سهلة لازم تكون ففى حدود خط احمر خطير هو انى ما العبش فى اللحن الاساسى .. لنى انا عادل صموئيل لعبت فى اللحن الاساسى يبقى اللى ماعزفوش مع الملحنين الكبار شخصيا يعملوا ايه ؟ وللعلم انا فيه نوت بضطر اكتب اجزاء فيها بتكون صعبة شوية لكن عشان اللحن ما يتغيرش ما ينفعش تتكتب غير كده واللى بيتعلم الاول بيبتدى بالنوت الاسهل وبالتدريج ربنا بيكرمه
مع اطيب تحياتى عادل صموئيل

muhamadibra
13/11/2013, 16h07
شكرا للاستاذ هيثم صالحي للاهتمام والنوته ماشيه معايا تمام كلها الا الجزء الاول يمكن كما تقول لأنني مبتدئ وتحتاج تمرين كثير وطلبي كان ان امكن التبسيط علي قدر المستطاع من استاذ كبير مثل ا عادل حيث انه اكيد مر بمراحل مختلفة في العزف - مثل الاستاذ عندما يدرس نفس المحاضره للطلبة ثم يلقيها للدراسات العليا - واشكرك مرة اخري الاغنية جميلة جدا هي ولا وعينيك كنت سأطلب تبسيط المقدمة التي تحتوي علي صولو العود
د محمد ابراهيم

muhamadibra
13/11/2013, 16h43
شكرا جزيلا ا عادل وشكرا ايضا ا هيثم وزادكما الله علما وخبره - طلبي كان لانني احب هاتين الاغنيتين وانا في السودان بدون معلم اعلم نفسي بنفسي علي العود منذ حوالي سنة ونصف من علي النت وكانت نوتات المنتدي اهم شئ استعين به واستفدت منه كتير جدا - وكذلك استفدت من الردود المختلفة واستمتعت بقراءة خبرات ا عادل بالذات حول الالحان ومع الفرقة الماسية - وهي مقدمات مهمة لمن هو مثلي بعيد عن المجال
د محمد ابراهيم

اخى العزيز
المشكلة ان فيه اغانى بتبقى سهلة فى الغناء والعزف واغانى بتبقى صعبة واغانى بتبقى صعبة جدا وهكذا
وانا لما كنت بشتغل مع العمالقة اكتشفت السر
ان الملحن بيعمل الاغانى السهلة عشان اى حد ممكن يؤديها والمتوسطة عشان الشاطرين ولكن الصعبة بتبقى صعب جدا على اى حد غيره يعملها عشان يبان انو متميز
يعنى هات لى مطرب وعلى فرقة يؤدى اغنية عش انت مثلا اكيد حاتحس انو مطرب فاشل مع انو ممكن يكون مطرب كويس الى حد ما لأن الاغانى دى بتحتاج مش بس قراءة نوتة ولكن مهارة عالية جدا جدا فى العزف
الصح ان هنا فيه مئات النوت انت الاول اشتغل على النوت الاسهل بس تكون حافظ الاغانى اصلا واركن الاجزاء الصعبة دى لما مستواك يرتفع يالتدريج ,, انا كمدرس موسيقى اصلا اهم شىء بالنسبة لك انت هو انجاز عدد اكبر من الاغانى
يعنى لما تاخد نوت تقدر تمشى فيها بعد 3 شهور مثلا حتكون عزفت عدد كبير من الاغانى احسن ماتمسك واحدة صعبة اعلى من مستواك بعد 3 شهور حتلاقى نفسك عامل حاجات قليلة وانا ما اتولدتش شاطر يعنى كنت مبتدىء وحاولت ودرست وتعبت
مع اطيب تحياتى

muhamadibra
13/11/2013, 18h43
انا الحمد لله استطيع عزف حوالي 60 نوتة بطريقة معقولة جدا يتعرف عليها افراد اسرتي وهذا ما يهمني كهاو وكمان نظرا لكبر سني النسبي حيث ان معظم اصدقائي لم يكونوا متحمسين لي في بداية الامر حيث لم اكن اعرف الفرق بين ا لبيمول والنصف بيمول والنغمات الاصلية وكان بيطلع نشاز - وان شاء الله انا مداوم علي التمرين حتي استطيع عزف اغاني فريد بالذات لاني ملاحظ نقلاته الصعبة بين الاوكتافات - وانتم بالتأكيد سلاحي في هذا التحدي
د محمد ابراهيم

اخى العزيز
كتر التمرين بيعمل شغل كويس جدا
وبعدين عندك فرصة مهمة جدا لم تكن موجودة من زمان وهى توافر النوت على النت
يعنى قبل النت كان لما بتحتاج كتاب نوت موسيقية كان بيبقى صعب جدا ومش متوفر فى كل الدول وعادة كانت النوتات دى مكتوبة اما صعبة جدا مش حاتعرف تشتغل منها او كلها غلطات وفى كل الظروف كانت النوت محدودة العدد وغالية جدا حاول لو عندك طابعة كمبيوتر انك تنزل اكبر عدد ممكن من النوت
مع اطيب تحياتى عادل صموئيل

muhamadibra
13/11/2013, 20h01
نصيحه غالية من استاذ كبير وانا فعلا باعمل كذه وطابع 80% من النوت الموجوده في هذا القسم وزبون دائم لهذه الصفحه - ربنا يكرمك ويخليك لنا ويعينك علي طلباتنا - واحنا بنستغل التكنولوجيا التي منحنا الله اياها
د محمد ابراهيم

armendo
14/11/2013, 08h19
اصدقائى واعزائى الأحباء...اود ان اتحدث قليلا عن تبسيط النوته الموسيقيه ودورها الممتاز بين اوساط عازفى الألات الموسيقيه المختلفه الميتدئين على وجه الخصوص.

اصدقائى...الفرق بين استاذ الموسيقى المتمكن ومدرس الوسيقى العادى هو كيفية ايصال المعلومه فى ابسط صورها للمتلقى هذا هو الأستاذ,اما مدرس الموسيقى العادى فهو عادة ما يريد ان يثبت انه متمكن ولا يهتم كثيرا بالمتلقى.

النوته الموسيقيه يا اصدقائى تعتمد على بعدين اساسيين وهما البعد التعليمى التثقيفى والبعد النفسى لدى العازف,
مع الحفاظ على اللحن الأساسى وعدم الأخلال به فهو خط احمر .واعتقد ان اخونا الأستاذ عادل كان يقصد هذا تماما منذ بداية تدويناته فىمنتدى سماعى وساعطيكم مثالين لنوتتين من احلى ما لحن عبد الوهاب,اولهما النهر الخالد والثانيه مضناك جفاه مرقده..لقد ذهلت عندما بدأت فى قراءة نوتة النهر الخالد وخاصة المقدمه الموسيقيه وارجوكم ارجعوا اليها ستجدون ان اخونا عادل تعمد ان يستخدم الروندات والبلانشات غفط حتى نهاية المقدمه دون الأخلال باللحن الأساسى اطلاقا وهذا يدل على حرفيه عاليه فى التدوين ودرس رائع للمبتدئين فى قراءة النوته مع عزفها بطريقه سليمه وبالتالى سزدتزداد ثقته فى نفسه وتعطيه دفعه نفسيه رائعه لتطوير نفسه من ناحية الثقافه الموسيقيه والعزف.

بالطبع كان يصاحب هذه الطريقه فى التدوين ابطاء اللحن قليلا عن طريق زيادة السرعه مما كان لا يعجب بعض الأصدقاء وانتقدوا هذه الطريقه فى التدوين وبالطبع هم يجيدون العزف وقراءة النوته.

لقد استطاع يهذه الطريقه المستحدثه فى التدوين ان يكون علاقه وطيده بينه وبين المئات من العازفين المبتدئين ناهيك عن انه استطاع ان يؤثر فى المدونين الذين انتهجوا نهجه فى التدوين واصبحت تدويناتهم اكثر بساطه.

مع ارق تحياتى

احمد (ارمندو)
اخى العزيز احمد ارمندو
انا اهم ميزة فيا انى بشغل مخى اكتر من الازم فى اى حاجة
يعنى مش فى الموسيقى بس ولكن فى كل حاجة بتعرض لهت فى حياتى , انت اولا فى شغلك فيه حاجة اسمها العلم الاكاديمى انا لو طبقته بحذافيره شغلى مش حايبقى له قيمة غير عند كبار المحترفين لكن عشان اتعامل مع الجميع لازم اشغل مخى للتوفيق بين الأطراف .. وزى ماقلت كتير من قبل اللى بيحتاج نوتاتى اكتر مش المحترفين لأنهم بيعزفوا سماعى مش محتاجين النوت اوى يعنى ومن خمسين سنة اكن التدوين معقرب اوى ومعقد اوى وطبعا عندكم هنا النماذج فى المنتدى وبالطبع كان الدفعة اللى بعدهم بتطلع زيهم لكن انا لما عملت طريقتى انا بالطبع سعيد جدا ان فيه مدونين لما شافوا طريقتى استفادوا منها لن مش معقول لما يبلاقى فى المنتدى لون سهل من التدوين وفعال 100% يعنى اللحن مش بيفقد حرف لا من قيمته ولامن جماله اكيد مش حايتكبوا نوت معقدة واللى بيسعدنى انى تركت بصمة ولو صغيرة لأنى ماشى فى اى وقت واحب اللى بعدى الناس تستفيد منهم .. من اخطر المشاكل فى موضوع التدريس هى الشرح يعنى فيه مدرس يشؤح الدرس عشر مرات والتلميذ مش بيفهم حاجة ومدرس بيشرح بطريقة تخلى حتى اكراسى تفهم
ولو تلاحظ انى لما بتكلم دايما بخترع امثلة من الحياة العامة بتقرب المفاهيم .. ولو نفس الدرس شرحته عشر مرات الامثلة بتختلف عشان انا ما ازهقش من نفسى .. يعنى مثلا فيه مدرس احياء بيشرح الجهاز الهضمى فى الصرصار فى 6 حصص كل يوم بعدين يدعى ربنا ييجى لو 22 درس خصوصى وبيقول نس الكلام .. انا لو حشرح الجهاز الهضمى فى البيانو فى حصتين ورا بعض ازهق من نفسى ممكن فى الحصة التانية اقول حاجة تانية وتانى يوم اقول الدرس ده .. وتشغي المخ ده حاجة مهمة جدا جدا .. يعنى بالذات انت لما تكون فاهم مثلا فى العربيات
الاقى ميكانيكى لما يركب تيل الفرامل مثلا بيركبه كأنو بيسلق بيضة او بيشرب فنجان قهوة وميكانيكى تانى بيفك بطريقة غلط يكسر لك العربية الاول بتمشى من عندو وتنسى موضوع الفرامل لسنوات التانى بترجع له خمس مرات لأن لسه فى حاجة مش مضبوطة .. او يقول لك العيب فى كذا ويغرمك مبلغ محترم والعيب يكون فى حاجة تانية .. اما مثلا عن النهر الخالد
انا كاتب النوتة والحمد لله انت قلت مافيهاش حرف ناقص بس انا لما بعزفها مش بعزفها كده يعنى الروندات بتتملى حاجات حليات حسب دوقى او ذوق اللى بيعزف .. المدون الحلو بيكتب اللحن الاصلى ويترك للعازف الحليات المدون المعقد بيكتب الحليات تتطلع النوتة معقربة ماحدش يعرف يقراها مع العلم بان فيه حاجة مهمة جدا فى الموسيقى الشرقية الجملة الى انت بتقول عليها لو حطيتها اما عشر عازفين من الشاطرين كل واحد حيقولها بإحساس مختلف .. لو انا كتبتها بالحليات هنا بفرض على العازف يقولها بالإحساس بتاعى وهنا ممكن نخسر لأن ممكن احساس العازف يكون احسن من احساسى وما احبش انى اقيده .. انا مش مخترع ( اوى يعنى ) بس ده اتعلمته من العمالقة .. يعنى عبد الوهاب مثلا لما كان بيجيب انور منسى
وللعلم انور منسى لم يكن عضو فى اى فرقة ولكن الملحن بيطلبه لما يكون فيه احتياج له فى صولو معين لن اجره عالى يعنى صاحب الفرقة مايقدرش يدفع له اجر اكتر من خمس عازفين عشان يقعد يسجل فى لحن مافيهوش صولو وكان عبد الوهاب مش بيحدد له يعزف ايه ولكن بيقول له الصورة وهو بيحدد من عنده يعزفها ازاى نفس القصة مع عمر خورشيد .. يعنى عبد الوهاب بيفهم شوية فى الجيتار لكن عمر خورشيد خبير فكان بيترك له حرية الحركة فى اماكن معينة .. وفيه مأساة خطيرة كانت بتظهر فى الشباب اللى طالع فى المعاهد الموسيقية انهم بيهتموا بالتكنيك اكتر من التطريب بمعنى انور منسى تكنيك اكتر 100 مرة من الحفناوى لكن الحفناوى تطريب اكتر مليون مرة من انور منسى يعنى هل تعلموا ان الحفناوى كان عازف الكمان الوحيد اللى بيغنى مع ام كلثوم من الجواب ؟ مع ان الكل لاز يعزف من المنطقة اللى بتغنى منها وماحدش يستجرى يغنى معاها من الجواب يعنى كان الحفناوى مرة راح ليبيا قعد شوية ترك ام كلثوم كام حفلة كان بيبقى مطرحو محمود القصبجى كان مايقدرش يغنى معاها من الجواب وكمان كان فيه كذا صولو بتلغيهم عشان الحفناوى مش موجود .. فيه حاجة تانية من فن التعامل مع الجميع .. انت لو تفتح محل اى سلعة فى المهندسين ونفس السلعة فى المطرية ونفس السلعة شارع طلعت حرب الزبون بتاع المهندسين عايز اغلى حاجة وبتاع المطرية عايز ارخص حاجة وبتاع طلعت حرب مشكل لأن بيمر عليه جميع الطبقات .. هنا المخ لازم يشتغل ما احطش فى المهندسين بضاعة من الرخيصة المنخفضة المستوى لأن الزبون مش حايشتريها او حيقاطع المحل والعكس طبعا فى المحلات التانية . وكتير زى ما انت قلت بيختلف معايا بعض الاكاديميين المتحذلقين وبرد عليهم اقول طيب انتم عملتم ايه
يعنى انا يكفينى شرفا اكتر من مليون دولار لو واحد مبتدىء عزف مضناك مثلا من تدوينى اكتر مما ادون عشر نوت لفرقة كبيرة لأنى هنا بكون عامل انجاز متفرد لكن الفرقة الكبيرة ممكن تجيب كذا واحد غيرى ..
الكلام كتير مع اطيب تحياتى عادل صموئيل

muhamadibra
14/11/2013, 08h48
اتفق تماما مع ما قلت واتفق علي عبقرية تدوين ا عادل السهل الممتنع وهذا هو قمة التمكن ودائما الاستاذ يقاس قدراته بمدي توصيل المعلومة لكل الطلبة المختلفين في المستوي والقدرات الذهنية والمهارية
د محمد ابراهيم

eagleeast
14/11/2013, 10h01
سلامى لكل اصاحبى فى منتدايا المفضل عامه وخاصه استاذى / عادل بيك
انا كنتم ن فترة طلبت اغنيه امال ماهر انا بنت من البنات
‫ط§ط؛ظ†ظٹط© ط§ظ…ط§ظ„ ظ…ط§ظ‡ط± ط§ظ†ط§ ط¨ظ†طھ ظ…ظ† ط§ظ„ط¨ظ†ط§طھ 2013‬â€ژ - YouTube (http://www.youtube.com/watch?v=d-GNNa5hdUI&feature=player_detailpage) يارب اشوف تدوينها قريب من عملاق التدوين محتاجها ضرورى فى حفله للبنات
وبعد اذنك اغنيه تعظيم سلام لفريق اطفال ودى هتكون فى حفله للاطفال http://www.youtube.com/watch?feature=player_detailpage&v=Q6JFdiy2HwU (http://www.youtube.com/watch?feature=player_detailpage&v=Q6JFdiy2HwU) وبعد كده مش عالاف اشكرك ازاى
متشكر جدا يا عملاق التدوين:o

muhamadibra
15/11/2013, 07h23
كبير جدا يا استاذي ولي الفخر بذلك وكما قلت ان استفادتي بالنقاش اكبر مما تتخيل لانه يضعني في جو لم احياه ويقرب الفكرة - فشكرا الي اخر مدي
د محمد ابراهيم

rida baccouche
15/11/2013, 08h29
الرجاء نوتة اغنية بتغني لمين با حمام لفردوس عبد الحميد

خالد ابوشقرة
15/11/2013, 10h03
لو سمحت يا استاذ عادل انا عايز نوتة أغنية(رافضك يا زمانى) للفنان\ مدحت صالح
يا ريت لو حضرتك تكتبهالى فى موعد اقصاه 20/11
حتى اعزفها فى حفل تابع للأدارة

خالد مصطفى ابو شقرة

الاخ العزيز
اهلا بك فى المنتدى
لما يكون جد محتاج حاجة مستعجلة ويكون فى الإمكان انى ادونها انا تحت امرك ان شاء الله قبل الميعاد
مع اطيب تحياتى عادل صموئيل

samy kotb
15/11/2013, 12h07
الف شكر يا استاذ عادل على المجهود الرائع هذا ولكن عندى سؤال انا هاوع عود فهل هناك فرق بين النوته الموسيقيه عموما او المدونه على المنتدى والنوته الخاصه بالعزف على العود

اخى العزيز
اهلا بك فى المنتدى
وانا سعيد ان اعضاء كتير انضموا للمنتدى فى الفترة الاخيرة
مفيش فرق طبعا يعنى جميع النوت الموجودة على المنتدى او التى فى قسم النوت الموسيقية تصلح للعزف على جميع الآلات الموسيقية ,, الالأت الوحيدة الى لاتصلح لها هذه النوت هى الات النفخ النحاسية اولا لان لها مفاتيح موسيقية خاصة غير سلم مفتاح صول اللى بنشتغل غليه وثانيا ان طبيعة الآلات دى بتبقى مقسمة لعائلات يعنى عائلات منها بتعزف نغمات طويلة فقط زى الروند والبلانش وعائلات بتعزف نغمات قصيرة زى الكروش والدوبل كروش .. وانا مش كتب نوت موزعة للألات دى ليها ناس متخصصة
يعنى انت تقدر تعزف جميع النوت هنا على العود لو انت مبتدىء الاول طبعا بتستعل النوت السهلة او الاجزاء السهلة من الاغانى الصعبة بعدين كلو بييجى بالتدريج
مع اطيب تحياتى عادل صمئيل

muhamadibra
15/11/2013, 16h33
تمنيت تعلم التدوين لالبي طلبات الاعضاء المحترمين واساعد الاساتذه المدونين ولكنها واضح صعبة
د محمد ابراهيم

اخى العزيز
شعورك طيب ولكن التدوين ده حاجة صعبة جدا جدا
يعنى كل كذا الف عازف كويس تلاقى فيهم مدون واحد
وكل عشر مدونين تلاقى فيهم واحد متميز
واهم شىء فى التدوين 3 حاجات
وولا لازم يكون دارس موسيقى كويس وعلى اعلى مستوى
وثانيا لازم يكون عازف ماهر جدا على آلة معينة
ثالثا لازم يكون قارىء نوتة متميز جدا يعنى بيقرأ نوتة زى ما نقرا كتابة عربى بس اكر خمسين مرة عشان لما يسمع جملة يستوعبها بسرعة
واهم شىء يكون بيعزف سماعى بدقة متناهية
الخلاصة انو لما بيسمع مازورة بيشوفها فى مخه نغمات وعلامات ايقاعية
ومن اهم الاشياء اللى بتميز مدون عن آخر حاجتين انو يبسط كتابته بس بشرط عدم الاخلال بحرف فى اللحن
والاخراج .. يعنى ازاى يخرج لك النوتة بطريقة تخليك مايحصلش توهان للعازف

مع اطيب تحياتى

عادل صموئيل
15/11/2013, 20h18
احبائى
اقدم لكم اغنية مدحت صالح

كوكب تانى

الاخ العزيز اللى طلبها قال انو محتاجها لحفلة وعايزها قبل يوم 20/ 11

انا طبعا لما حد بيطلب نوتة ومش مستعجل يعنى حين ميسرة حاجة ولما حد بيطلب النوتة ومستعجل عليها لحفلة ما او حاجة زى كده بفكر بطريقة لما تكون عايز تشترى حاجة كمالية ممكن تنتظر شوية لكن المستعجل بتعامل معاه زى اللى عايز يشترى دواء من صيدلية يعنى لازم حالا نعملها
انا شخصيا مش بحب مدحت صالح لسبب كنت بحبه اول مابدأ بعدين ابتدا يجود اوى اوى ويتفزلك بيطير الالحان من مخى وبالذات قرفت منه لما ابتدا يغنى اغانى عبد الحليم او حد من العمالقة .. لأن الاغنية لو فيها فزلكة كان عبد الحليم اتفزلك .. عبد الحليم ومن معه خرج بعده اجيال من المطربين لنهم بغناهم السهل كان من السهل ان اللى بعده يتعلم منه لكن اللى بيغنى غنا معقد وفيه تجويد اكتر من الازم بيخرج بعده جيل فاشل اولا لأنه مش حايقدر يقلده حرفيا بيعمل حاجة شبهه وعادة بيغلط كتير ..ومن هنا احب اشدد على ان اللى ينفذ اللحن ده وبالذات على تلاميذ اوطلبة يحاول بقدر الامكان يخليهم يغنوا اللحن الاساسى وانا هنا بقدر الامكان كاتبه سهل .. لأن مدحت صالح كدارس موسيقى ومطرب متمكن ممكن يتفزلك بس عارف حايقفل الفزلوكة فين لكن الطالب اللى مايعرفش موسيقى لو قلده حايخرج بره الوحدة .. بمعنى فاكرين ام كلثوم لما يكون فيه نغمة طويلة روند مثلا وكانت متسلطنة ومشعشعة
وحبت تطول فيها بتعمل تطويل محسوب يعنى لما تطول الروند مرة بتطول روند او عايزة تطول اوى بتعمل كذا روند يعنى عارفة حاتخلص التطويلة دى فين على الدوم .. لو مطربة فاشلة طولت تروح مطولة اى حاجة مش محسوبة واكيد بتقع فى الوحدة وتبقى فضيحة
فيه حاجة مهمة هنا ... مدحت صالح مغنيها من دو وبيوصل لنغمة فا فوق المدرج .. التلاميذ ما اعتقدش ممكن يوصلوا لها .. انا عشان الامانة وانى اقدم تدوين يخليك تعرف تشتغل منزلها مرتين مرة من دو مرة من صول
واللى حايستعملها يشوف الاصلح للمجموعة اللى حايشتغل معاها
مع اطيب تحياتى واتمنى ان الاخ العزيز اللى طلبها يدخل المنتدى بسرعة وياخدها فى وقت مناسب عشان يشتغل فيها طبعا انا برضو واخد بالى م الفروق الفردية يعنى ممكن واحد يطلعها فى نص ساعة وواحد تاخد معاه وقت شوية عشان كده انا فضيت نفسى وعملتها بأقصى سرعة

سليم العباس
15/11/2013, 21h46
للأسف ..أنا لست أستاذ موسيقا و لست عضواً جديداً ، لكن لدّي قريبان أحدهما أستاذ موسيقي و الآخر عضو جديد .
" ما بيمشي حال اطلب شي نوتة ع اسمهم "

:lol:
http://im32.gulfup.com/UQZcn.jpg

خالد ابوشقرة
16/11/2013, 12h38
استاذ عادل صمؤيل يا ريت تكتبلى نوتة
كوكب تانى
الاخ العزيز

انت لو نظرت فوق شوية فى نفس الصفحة تلاقينى كتبتها نفس يوم ما انت طلبتها يعنى لما انت قلت محتاجها قبل يوم 20/11
المفروض انك دخلت يوم الجمعة وكتبت الموضوع يعنى لازم لما تدخل ترجع لأخر مكان شفته فى موضوع طلبات النوت تشوف حصل ايه وايه الاضافات اللى حصلت من آخر مرة انت دخلت اتمنى تشوفها مع اطيب تحياتى عادل صموئيل

علي ثلاثة
16/11/2013, 12h58
أستاذ عادل

ألف تحية وألف شكر

علي الكسار- عزت الجاهلي -تحية كاريوكا- زوزو لبيب- محمد عبد الوهاب- اسمهان

مؤخرا أعدت مشاهدة أفلام المرحوم علي الكسار فلاحظت حضورا بارزا للفنان عزت الجاهلي فهل كان جده أول عازف على الكمان كما هو وارد في هذا الرابط

(http://www.sama3y.net/forum/showthread.php?t=1647)http://www.sama3y.net/forum/showthread.php?t=1647

ومما لفت انتباهي ايضا مشاركة تحية كاريوكا في هذه الأفلام القديمة كما هو الشأن بالنسبة لها في فيلم خفير الدرك

وشاركت ايضا مع فوزي الجزايرلي وكان اسمها في مقدمة الفيلم تحية محمد و شاهدتها في فيلم ما أقدرش وهي تغني الحب وما أدراك ما الحب فهل هؤلاء الممثلون يغنون سليما وكيف يتعامل معهم الملحنون

وممن شارك علي الكسار ايضا و الجزايرلي زوزو لبيب واغانيها تظهر الموسيقى بالنكهة القديمة و لها وقع جميل في الأذن

وكل ما اعرفه من أغانيها

سحرني نورك يا قمر

تعالى اسكن هنا

يا ما أحلى الحب

ما أحلى الفسحة

(https://www.youtube.com/watch?v=446JEQTyUC4)https://www.youtube.com/watch?v=446JEQTyUC4

(https://www.youtube.com/watch?v=m4kC8fv7Tow)https://www.youtube.com/watch?v=m4kC8fv7Tow

(https://www.youtube.com/watch?v=sHVUBOm19Q8)https://www.youtube.com/watch?v=sHVUBOm19Q8

(https://www.youtube.com/watch?v=38GuAoD7sG8)https://www.youtube.com/watch?v=38GuAoD7sG8

و أغنيتها يا مااحلى الفسحة تذكرني في مقطع لها بمحمد عبد الوهاب عنذما تقول مركب على المية رايحة وجاية

وعلى ذكر عبد الوهاب فإن له فانتازيا نهاوند فما المقصود بالفانتازيا وهل صاحبها حر في أن يتصرف كيف يشاء أم هل تحكمه قواعد مع كل ذلك ولو تفضلت مشكورا بالتوضيح من خلال عمل عبد الوهاب هذا

(http://www.sama3y.net/forum/showpost.php?p=228125&postcount=144)http://www.sama3y.net/forum/showpost.php?p=228125&postcount=144

وأخيرا أستاذعادل بالنسبة للريسيتاتيف أ يخضع للتدوين أم لا

فمثلا أسمهان تقول في دخلت مرة في جنينة

مسكين يا روحي عليه

هل هذا يتعذر على التدوين

وشكرا

الاخ العزيز
اشكرك على الموضوع
قبل ما اقول حاجة عن الريسيتاتيف ومعناه للى مايعرفوش معنى الكلمة
ان وسط الاغنية المطرب ممكن يقول عبارة او جملة مش منغمة كلام بس بإلقاء شعرى
الموسيقى العربية بتتميز ان مالهاش قواعد ثابتة يعنى الريستاتيف ممكن يكون فيه نغم واضح او ممكن ما يكونش يكون القاء زى ماتقرا شعر
وفى حالة النغم الواضح انا عشان اكتبو لازم يكون حاجة قصيرة اوى ماتجهدنيش فى التفكير ازاى اكتبها وثانيا عشان اللى يقراها ما يتوهش فيها يستوعب اللى انا كاتبو
والمفضل تكون لحن قديم وجملة شهيرة مثال فى عاشق الروح : ضحيت هنايا فداه وحعيش على ذكراه ودى نموذج يتدرس عليه الموضوع يعنى عبد الوهاب بيقول ضحيت هنايا فداه
والكورال بيرد لشهد عليه ياليل بنغم محدد
او من الامثلة الشهيرة فى اغنية حكيم عيون لما بتقول له : حكيم روحانى حضرتك ؟
دى جملة مش منغمة ولو انا كتبت الاغنية حترك مساحة فاضية واكتب عليها ( كلام )

اتمنى تكون الرسالة وصلت مع اطيب تحياتى عاتدل صموئيل

kamalia
16/11/2013, 19h43
سلام الله عليك يا استاذنا الكبير مجهود لانصتطيع ان نجازيك عنه الله يحفضك لدي طلب مستعجل اشوية لو كان من الممكن نوتة القلب يعشق كل جميل على درجت الري وشكرا جزيلا لك وللجميع

الاخ العزيز

انت لو دخلت اى مشاركة للاخ العزيز هيثم الصالحى هو عامل فهرس رائع فيه كل اعمالى
وفيهم القلب يعشق لكن من درجة لا وهو مكانها الاصلى

بس مع الاسف متعذر اعمل لك نسخة من رى لسبب
انا كاتب النوتة دى من زمان وشوف كام مرة شلت نسخة الويندوز ونزلتها تانى .. وكل مرة اشيلها بيبقى فيه ملف بوضع فيه النوتات اللى دونتها فى فترة النسخة دى .. هنا بالطبع بتبقى عدد الملفات ده كبير جدا جدا ومتبعترة فى اماكن كتير وصعب جدا الوصول اليها
يعنى لو كانت نسخة الانكور موجودة مش بتاخد دقائق انزلها او ارفعها من اى درجة
عموما نزل النسخة اللى فى الفهرس وجرب لأنها من الرى حاتبقى عالية جدا
مع اطيب تحياتى عادل صموئيل

زينة الغريبي
16/11/2013, 19h50
أنا معاكم و متبعاكم
تحياتي لأستاذي الذي نوّر حياتي

واحلى تحية يازينة
ياللى بتنورى المنتدى كله
مع اطيب تحياتى عادل صموئيل

Anitta
16/11/2013, 19h52
استاذ عادل تحية طيبة لحضرتك و لكل اعضاء المنتدى
احب اضم صوتي ل eagleeast و اطلب اغنية بنت من البنات لامال ماهر
و اغنية خلي عيونكم عليها لمحمد الرفاعي و اغنية تتصوروا لامال مهر و الحان الفنان "عمر خيرت" وهي اهمهم و احب اشكر حضرتك على المجهود الجبار الموجود في المنتدى يمكن انا بغيب كتير على ماكتب حاجة بس انا بحاول اتابع الجديد بس حضرتك تقدر تقول ان مسابقة الثانوي السنة دي "وقف الخلق" :( و بتاخد كل وقتي الفاضي عالشان تبقى متقنة فكنت عايزة اسال حضرتك هل ينفع اني معملش الاغنية كلها بس الجزء الاعملو يكون متقن مفيهوش غلطة ؟؟ وشكر و اسفة على اتعاب حضرتك :o :emrose:

الاخت العزيزة انيتا
انتى وحشتينا فينك من زمان
اولا للطلبات ممكن تنزلى المفات الصوتية واشوف
بالنسبة للمسابقة ... طبعا اعزفى من الاغنية جزء يعنى المقدمة والمذهب وكوبليه
فقط ... لأن اللجنة مش حاتسمعها كلها .. وبالطبع تخيلى لو قعدتى تتعبى نفسك وتعملى الاغنية كلها بعدين فة نصها اللجنة تقول لك كفاية شكرا حايحصل لك احباط
لكن لما تعزفى جزء حايسمعوكى ويصصقفوا لك وانتى اكيد حضرتى مسابقات من قبل
شوفى البرنامج بيبقى طويل اد ايه واللجنة بتصدع وبتكون ملزمة تسمع المسابقة الاساسية نفسها اما المواهب والحاجات التانية بتاخدها ع الطاير كده لذلك اعملى حاجة قصيرة ومتقنة اوى احسن
مع اطيب تحياتى عادل صموئيل

kamalia
17/11/2013, 08h22
سلام الله عليك يا استاذنا الكبير مجهود لانصتطيع ان نجازيك عنه الله يحفضك لدي طلب مستعجل اشوية لو كان من الممكن نوتة القلب يعشق كل جميل على درجت الري وشكرا جزيلا لك وللجميع

الاخ العزيز

انت لو دخلت اى مشاركة للاخ العزيز هيثم الصالحى هو عامل فهرس رائع فيه كل اعمالى
وفيهم القلب يعشق لكن من درجة لا وهو مكانها الاصلى

بس مع الاسف متعذر اعمل لك نسخة من رى لسبب
انا كاتب النوتة دى من زمان وشوف كام مرة شلت نسخة الويندوز ونزلتها تانى .. وكل مرة اشيلها بيبقى فيه ملف بوضع فيه النوتات اللى دونتها فى فترة النسخة دى .. هنا بالطبع بتبقى عدد الملفات ده كبير جدا جدا ومتبعترة فى اماكن كتير وصعب جدا الوصول اليها
يعنى لو كانت نسخة الانكور موجودة مش بتاخد دقائق انزلها او ارفعها من اى درجة
عموما نزل النسخة اللى فى الفهرس وجرب لأنها من الرى حاتبقى عالية جدا
مع اطيب تحياتى عادل صموئيل

شكرا استاذنا الكبير عالتوضيح واناسف على الخطء انا اود ان اطلبها من درجة الصول وليس من الري وشكرا مرتا اخرى عالتوضيح وشكرا للجميع

عبد الرحمن محمد
18/11/2013, 08h22
جزاكم الله خيرا على المجهود الجبار
وعلى كم النوت الموسيقية انا معلم موسيقى فى مدرسة اعدادى ولا تتصوروا كم السعادة التى عند الطلبة عندما اعلمهم اغنية جديدة
ولكم الفضل فى ذلك لأن نشاطى زاد جدا بسبب انى وجدت معظم النوت المناسبة للعزف فى المدرسة
مع انى فى مدرسة مفتقرة إلى الالات الموسيقية بس بحاول اعزف على الاوكورديون
وإدارة المدرسة مبسوطة منى جدا ولكم جزيل الشكر لإنى فعلا اتغيرت عندما وجدت هذا الكنز
جزاكم الله خيرا:emrose::emrose::emrose:

اخى العزيز
ايه الفرق بين مدرس الموسيقى ومدرس الجغرافيا مثلا ؟
اولا ان مدرس الجغرافيا بيدرس فى الكلية خمس قارات بيقعد يشتغل عليهم طول عمره وبعدين بيشتغل جوا الفصل ماحدش بيشوفه يعنى ممكن شاطر بيعلم الحجر وممكن يكون فاشل التلاميذ مايفهموش منو حاجة بس فى كل الحالات متدارى
اما مدرس الموسيقى لازم يبقى متجدد دائما يعنى ما ينفعش يبقى عندك خمس او ست حاجات تقعد تشتغل بيهم على طول الناس حاتزهق منك لازم عايزين جديد , ومدرس الموسيقى شغله فى العلن يعنى بتعمل حفلة الكل بيشوفك ولازم يحسول انك متميز عن باقى المدرسين لأنك بتقدم نشاط هم مايقدروش يعملوه يعنى مثلا مدرس الكيميا ما ينفعش يعمل قنبلة مثلا ويقول لك نفجر المدرسة عشان يعمل نشاط وعندك هنا فى المدنتى نوتات تكفيك عشرين سنة .. وللعلم كل ما نشاطك يظهر اكتر تقدر تدلع على ادارة المدرسة .. يعنى مثلا انت محتاج اورج شرقى وهم ممكن يجيبوه من ميزانية المدرسة ( وعندهم فلوس كتير اسألنى انا )
يعنى مدرير المدرسة لما يكون مقتنع بيك ممكن يجيب لك طل طلباتك
مع اطيب تحياتى عادل صموئيل

المنير
18/11/2013, 16h55
http://up.arab-x.com/May12/TD802964.png
أستاذ عادل صموئيل كيف الحال؟
هل توصلت بالإيميلات التي تتضمن البرامج التي طلبتها مني؟
المرجو تدوين رائعة الموسيقار فريد الأطرش"أنساك وأفتكرك ثاني" المقتبسة من لاكومبارسيتا و لكم جزيل الشكر.
أرجو أن يدعم طلبي نور المنتدى الأخ نور الصباح.
تحياتي.

سليم العباس
18/11/2013, 18h52
الصديق kamalia : هذه نوتة القلب يعشق كل جميل تدوين الأستاذ عادل على درجة الصول .

نور الصباح
18/11/2013, 19h36
http://up.arab-x.com/May12/TD802964.png
أستاذ عادل صموئيل كيف الحال؟
هل توصلت بالإيميلات التي تتضمن البرامج التي طلبتها مني؟
المرجو تدوين رائعة الموسيقار فريد الأطرش"أنساك وأفتكرك ثاني" المقتبسة من لاكومبارسيتا و لكم جزيل الشكر.
أرجو أن يدعم طلبي نور المنتدى الأخ نور الصباح.
تحياتي.

SSSSSSSSSSSSSSSSSSSSSSSSSSSSSSSSSSSSSSSS

علشــان خاطر عيونك يا عيونى
وعلشان خاطر حبيب قلبى وحبيب المنتدى
وأستاذنا كلنا الفنان الكبير
عــــــــــــادل باشا صموئــــــــيل
إليكم الملف الصوتى للمطلوب
واسمحوا لى أن أضم صوتى لصوت أخى الحبيب الأستاذ ( المنير )
وشكرررررررررررررا
أخوكم
نور الصباح

kamalia
19/11/2013, 10h26
الصديق kamalia : هذه نوتة القلب يعشق كل جميل تدوين الأستاذ عادل على درجة الصول .


شكرا جزيلا اخي على مجهودك الجبار والشكر لاستاذنا الكبير عادل صموئيل وشكرا للجميع

muhamadibra
19/11/2013, 13h01
الشكر والعرفان للاخوة المدونين للنوتات الجميلة واظن بعد توضيح ا عادل صموئيل لشروط المدون ادركنا جميعا مدي ما ندين به من فضل له وللاخرين في منتدانا العزيز
د محمد ابراهيم

Anitta
19/11/2013, 14h55
شكرا يا استاذ عادل .
بالنسبة للمسابقة انا فعلا حضرت مسابقات كتير بس كنت ببقى داخلة عزف منفرد و مش ملزمة بنوتة لكن السنة دي انا بعزف للكورال لان المدرسة مش جاي لها انها تدخل عزف منفرد فهما باعتين نوتة لاغنية وقف الخلق و احنا تقريبا قربنا نخلض 6 كوبليهات منها بس المشكلة ان انا مش عندي الوقت و لا القدرة اني احفظ باقي اللحن زي النوتة بالظبط و كمان البيغنوا معندهمش القدرة الصوتية انهم يعدوا يغنوا فوق ال10 دقائق فهل دا عادي اننا من كملش كل الاغنية
اغنية محمد الرفاعي خلي عيونكم عليها
Mohamed Refa'e - Khaly Oyounkom Aliha / ظ…ط*ظ…ط¯ ط±ظپط§ط¹ظ‰ - ط®ظ„ظ‰ ط¹ظٹظˆظ†ظƒظ… ط¹ظ„ظٹظ‡ط§ - YouTube (http://www.youtube.com/watch?v=EHrhx6om1CM)Mohamed Refa'e - Khaly Oyounkom Aliha / ظ…ط*ظ…ط¯ ط±ظپط§ط¹ظ‰ - ط®ظ„ظ‰ ط¹ظٹظˆظ†ظƒظ… ط¹ظ„ظٹظ‡ط§ - YouTube (http://www.youtube.com/watch?v=EHrhx6om1CM)
اغنية امال ماهر تتصوروا
‫ط§ط؛ظ†ظٹط© ط§ظ…ط§ظ„ ظ…ط§ظ‡ط± - طھطھطµظˆط±ظˆط§ | طھطھط± ظ…ط³ظ„ط³ظ„ ط§ظ„ط¯ط§ط¹ظٹط© | ظƒط§ظ…ظ„ط©‬â€ژ - YouTube (http://www.youtube.com/watch?v=teUCG_9GUzI)‫ط§ط؛ظ†ظٹط© ط§ظ…ط§ظ„ ظ…ط§ظ‡ط± - طھطھطµظˆط±ظˆط§ | طھطھط± ظ…ط³ظ„ط³ظ„ ط§ظ„ط¯ط§ط¹ظٹط© | ظƒط§ظ…ظ„ط©‬â€ژ - YouTube (http://www.youtube.com/watch?v=teUCG_9GUzI)
اغنية امال ماهر بنت من البنات
‫ط§ط؛ظ†ظٹط© ط§ظ…ط§ظ„ ظ…ط§ظ‡ط± - ط§ظ†ط§ ط¨ظ†طھ ظ…ظ† ط§ظ„ط¨ظ†ط§طھ _ ط¬ط¯ظٹط¯ 2013‬â€ژ - YouTube (http://www.youtube.com/watch?v=2H5qFsK-EcE)‫ط§ط؛ظ†ظٹط© ط§ظ…ط§ظ„ ظ…ط§ظ‡ط± - ط§ظ†ط§ ط¨ظ†طھ ظ…ظ† ط§ظ„ط¨ظ†ط§طھ _ ط¬ط¯ظٹط¯ 2013‬â€ژ - YouTube (http://www.youtube.com/watch?v=2H5qFsK-EcE)
انا لا اريد ان اتعب حضرتك فاذا كا وقت حضرتك لايسمح فانا لا احتاج الا اغنية محمد الرفاعي و اغنية تتصوروا اذا سمح الوقت

الاخت العزيزة
بالنسبة للمسابقة
فيه حاجة اسمها اجبارى وحاجة اسمها اختيارى
يعنى زى اسئلة الامتحانات الاجبارى المفروض نعزفها كلها لأن عليها درجة
وللعلم اختيارهم لوقف الخلق هى صعبة شوية يعنى كان مفروض يختاروا حاجة على المستوى بتاع الطلبة
بس نعمل ايه
فيه ملحوظة مهمة .. عشان اغنية وقف الخلق تطلع حلوة لازم حاجتين مهمين اللى بيحفظ الكورال يبقى حافظها اوى متمكن منها لنو لو متمكن منها اللى بيقوله حايوصل للكورال بسهولة لكن لو هو نفسه ملقلق مش حايعرفوا يلطقطوا منه كويس ولعلمك الاولاد الصغيرين بيلقطوا بسرة انا مرة عملت اغنية ليالى الشرق بتاعة عبد والهاب على اطفال ابتدائى وطلعت تجنن واللجنة اتهبلوا عليهم اولا فنى حافظها حلو ثانيا بعزف معاهم حلو اوى بالكمنجة طبعا وده عليه نص نجاح الشغل وانتى اهم حاجة برضو تكونى متمكنة منها اوىمش ملقلقة لأنك انتى اللى حاتشيلى الشغل
وعايز اسأل سؤال هى امال ماهر احلوت اوى كده ليه ؟؟؟ ماكانتش حلوة كده زمان
بالنسبة للأغانى ان شاء الله قريبا
مع اطيب تحياتى عادل صموئيل

عاصم المنشاوى
19/11/2013, 16h28
الأصدقاء ...
بالنسبة لأغنية كوكب تانى ...فهى أغنية وحيدة يتيمة فيها حاجة غلط ...المؤلف هو الأستاذ / مدحت الجمال ...طيب ماشى هل حد سمع عنه بعد كده ....؟الملحن / الأستاذ / سامى الحفناوى ....عمل الأغنية دى و فازت بـ "الأسطوانة البلاتينية" لأن مبيعات الألبوم تعدت 200 ألف نسخة،فى سنة 1988 وتاخد المركز التانى فى مهرجان دول البحر المتوسط بتركيا لغرابة كلماتها وان موضوعها جديد ومتمرد......ثم يلحن "لولاكى" لعلى حميدة ...وهى الأغنية الأشهر فى تاريخ الغناء فى مصر ...والتى وقف المؤرخون أمامها مش فاهمين أزاى ...وليه ؟؟؟وأحتار علماء الموسيقى ...كيف لهذه الأغنية أن تبيع 12 مليون شريط كاسيت فى ذلك الوقت 1989 ...مفيش كلمات مفيش لحن مفيش صوت ومفيش حد فاهم حاجة ......ثم تصيبهم جميعا عين الحسود ويختفوووووون ......

عاصم المنشاوى
19/11/2013, 16h40
أغنية "حدوتة "
من كلمات الفنان والرسام والشاعر والممثل والصحفى صلاح جاهين - ألحان سيد مكاوي

لو كنتي ست الحسن و الجمال
يكون أمير أحلام غرامك أنا
ليكي أول الحدوتة في الدلال
و انا آخر الحدوتة ليا الهنا

دقيت عليكي الباب كتير
رد الصدى و قال يا أمير
ما بينكم البحر الكبير
دقيت على الباب بالإيدين
رد الصدى و قال لي يا زين
بينك و بينها بلدين
أنا قلت لو بيني و بينها السما
مغرم بها و هي كمان مغرمة
و انا آخر الحدوتة ليا الهنا

آه من طريقك الطويل
و لا ليا غير قلبي دليل
عطشان يا مية سلسبيل
حالي يا ست الحسن حال
إرخي شعورك الطوال
خديني من حر الجبال
و ان ما لقيت عندك لقلبي دواه
لاعشق عيون الشمس و اهوى الهوا

صبرت لما الود بان
عملت انا تختروان
و حملت قلبي شمعدان
دوبت لك بحر الهوى
في كلمة هنقولها سوا
و نقول دا عنقود و استوى
و الناس تشوفنا تقول يا ست البنات
حدوتة آخرتها التبات و النبات و انا آخر الحدوتة ليا الهنا
*****************
فيه كلمة مش مفهومة ...وهى "التختروان" وهى دى صورة التختروان ياجماعة ...حاجة كده زى التاكسى
وسيلة نقل فى ذلك الوقت ...أى خدمة
شكرا اخى العزيز عاصم
بس التختروان ده اللى على جملين ده حاجة ملوكى
يعنى ده كان المرسيدس بتاعهم زمانها
بس اخطر حاجة فيه ان الجملين لازم يكون بينهم دوزان زى الوترين بتوع العود
لأن لو الجملين مش متوافقين مع بعض ف الحركة .. تخيل انت بقى
مع اطيب تحياتى عادل صموئيل

عادل صموئيل
19/11/2013, 20h36
الاخ العزيز المنير
انا اشكرك البرنامج وصل ومع الاسف انا اتأخرت انى اشوفه لسبب انا بتعامل على الهوت ميل يعنى اول ماكنت زمان بقتح الكمبيوتر بيتفتح مباشرة وبيظهر لو فيه رسائل على الايميل بيظهر يقول لى لك ؤسالة كنت اشوفها فورا
لكن لما نقلونا على برنامج سكايب ( اللى انا بعتبره فاشل ) او لأنه اصلا مش مجانى يعنى ماناخدش منو كل الامكانيات مش بيظهر موضوع ان لك رسائل عشان كده نادر ما بفتح الايميل
وانا اشكر الاخ العزيز المنير لنو خدمنى كتير فى كذا برنامج كان صعب احصل عليه وطبعا البرامج دى بتساهم فى انتاج النوت اللى انا بقدمها لكم ولازم كمان كلكم تشكروه
فيه مشكلة فى برنامج انكور 5,2 هى مش معطلانى دلوقتى لأن عندى نسختين ويندوز على جهازى وبشتغل كل شغلى على واحدة منهم وبجرب الحجات الجديدة ع التانية طبعا عشان ما اتعطلش
المشكلة انى سطبت برنامج انكور 5,2 طبعا انا عندى حاجتين ( والامر مفتوح ليكم كلم اللى يقدر او عندو حل للموضوع )
فيه نوت موسيقية اللى حابتدى اكتبها دلوقتى جديد ونوت قديمة كاتبها على نسخ انكور اللى كنت بستعملها قبلا
الجديد انو بيكتب اللغة العربية فى النوتة عادى يعنى انتم عارفين اقصد كل كلمة عربى انت بتشوفها على النوتة
لكن لما احب افتح اى نوتة مكتوبة على الاصدار اللى قبله بيطلع العربى مربعات ودى مشكلة علما بان اللغة العربية انا ظابطها جدا على الجهاز لو حد عنده فكرة ممكن يقول لنا مع اطيب تحياتى وزى ماقلت انا حاليا مش متعطل يعنى بشتغل على انكور 4,55 وشغال عادى على الطابعة الجديدة اللى اشتريتها
مع اطيب تحياتى

Anitta
19/11/2013, 20h39
انا متشكرة جدا على رد حضرتك السريع :emrose:
انا كدا هحاول اني اكمل اغنية المسابقة و بالنسبة للكورال المدرسة البتدربوا شاطرة اوي وحابة تشتغل ودي حاجة حلوة لان لما بنبقى كلنا حابين نشتغل بتطلع حاجة حلوة اكيد
و شكرا لاهتمام حضرتك و سانتظر النوتات باذن الله :emrose:
و "الشهرة تعمل المستحيل":cool:

نور الصباح
19/11/2013, 20h50
الاخ العزيز المنير
انا اشكرك البرنامج وصل ومع الاسف انا اتأخرت انى اشوفه لسبب انا بتعامل على الهوت ميل يعنى اول ماكنت زمان بقتح الكمبيوتر بيتفتح مباشرة وبيظهر لو فيه رسائل على الايميل بيظهر يقول لى لك ؤسالة كنت اشوفها فورا
لكن لما نقلونا على برنامج سكايب ( اللى انا بعتبره فاشل ) او لأنه اصلا مش مجانى يعنى ماناخدش منو كل الامكانيات مش بيظهر موضوع ان لك رسائل عشان كده نادر ما بفتح الايميل
وانا اشكر الاخ العزيز المنير لنو خدمنى كتير فى كذا برنامج كان صعب احصل عليه وطبعا البرامج دى بتساهم فى انتاج النوت اللى انا بقدمها لكم ولازم كمان كلكم تشكروه
SSSSSSSSSSSSSSSSSSSSSSSSSSSSSSSSSSSSSSSSSSSS
تنفــــــــــيذا لكل تعليمات و أوامــــر الأســــــــــــــــــــتاذ الكبير الفنان
عـــــــــــــــــــــــــــــــــــــــــــــــــ ـــــــــــادل باشـــــــــــا صموئيــــــــــــــــــــــــــــــــــل
اسمحوا لى أن أتقدم له بكل الشكر والعرفان لكل ما يقدمه للأستاذ من خدمات وبرامج مفيدة و تقنيات جديدة
واسمحوا لى أيضا - أن أضم صوتى لكل ما يطلبه من تدوينات موسيقية ونوتات
وشكرررررررررررررررررررررررررررا
أخوكم
نور الصباح

Anitta
19/11/2013, 20h51
استاذ عادل
كنت عايزة اقول لحضرتك ان في برنامج اسمة nitro pdf و دة ممكن يخليك تستغنى عن الطابعة لانو في خاصية انو يشتغل زي الطابعة بس بيطبع على ملف pdf على طول يعني لما حضرتك تيجي تعمل print بدل ما تختار اسم الطابعة بتاعت حضرتك تختاره و هيطبع على طول على الملف و كدة اريح لحضرتك لانى على ما اتذكر ان حضرتك كنت قولت ان حضرتك بتطبع الملف و بعدين ترجع تسحبة ب scaner تاني علشان يبقى ملف pdf .
انا بس حبيت اقول لحضرتك يمكن اقدر اريح حضرتك و نشيل خطوات ممكن يكون ملهاش لزمة الا اذا كنت حضرتك بتحب تحتفظ بالنوتات على هيئة اوراق .
عزيزتى انيتا
انا بشكرك على شعورك الجميل وكلنا هنا كل واحد بيساعد الاخوة الاحباء باللى يقدر عليه
انا فعلا كن بعمل طريقة الطابعة والسكانر دى من زمان لحد من 3 سنوات حد من الاخوة الاعضاء هنا ادانى برنامج اسمه pdf 995 بيعمل نفس الحكاية يعنى عبارة عن طابعة وهمية بتحول اى ملف الى pdf
وبينى وبينك انا ماعنديش نوت خالص فى البيت يعنى زمان كنت بديهم لأصحابى .. ولما كنت بعمل الطريقة بتاعة الطابعة والسكانر دى كان طبعا بيبقى عندى نوت كتير جدا وتيجى مراتى تقول لى ايه الزريبة اللى انت عاملها دى
وتاخد النوت ترميها ( مع ان مع شديد الاسف انها مدرسة موسيقى ) .. بس اهم ميزة من برنامج التحويل ده انا استفدتها انى كتبت رسالة الدكتوراه بتاعة اختى الدكتورة امال صموئيل على الكمبيوتر وربنا يديكى وتعملى دكتوراة
ان لازم الرسالة يتعمل منها نسخ وتروح لجميع جامعات جمهورية مصر العربية يعنى تتحط فى المكتبة بتاعة كل جامعة وتبقى مرجع للناس اللى بعد كده والرسالة عبارة عن كتابين 900 صفحة .. الغلاسة اننا بعد ماطبعنا لهم نسخ بعدد كل جامعات الجمهورية قالوا عايزين منها لازم نسخة كمبيوتر لكل جامعة مع الكتب طبعا هى عندى على الوورد اوفيس قالوا لأ لازم تكون بى دى اف ( طبعا عشان اللورد اوفيس ممكن حد ياعب فيه يعنى يمسح منها حاجة او يزود فيها حاجة ) لكن البى دى اف بتبقى نسخة للقراءة فقط ما ينفعش اى لعب فيها
المهم ربنا اكرمنى بالبرنامج ده حولتها فى دقيقة تخيلى لو مفيش البرنامج ؟ يعنى كنت اصور بالسكانر 900 صفحة
ده كان زمان السكانر اتحرق او انا توفيت والممثلين ماتوا والمخرج مات والجمهور مات وردال الامن ماتوا وبعدين جت الاسعاف مالقتش حد تشيلو راح سوق عربية الاسعاف جالو احباط ومات
مع اطيب تحياتى

عادل صموئيل
20/11/2013, 00h16
احبائى
اقدم لكم وللاخت العزيزة انيتا

لو بتحبوا البلد دى

كالعادة لما يكون حد مستعجل على حاجة انا ما اقدرش انام قبل ما اكتبها وانزلها له
طبعا الاغنية دى مهداة للجميع وبالذات مدرسين الموسيقى
مع اطيب تحياتى

نور الصباح
20/11/2013, 08h41
احبائى
اقدم لكم وللاخت العزيزة انيتا
لو بتحبوا البلد دى
كالعادة لما يكون حد مستعجل على حاجة انا ما اقدرش انام قبل ما اكتبها وانزلها له
طبعا الاغنية دى مهداة للجميع وبالذات مدرسين الموسيقى
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSS

:thankyou::thankyou::thankyou: