طلبات نوتة أ / عادل صموئيل الجزء الثانى

[سليم العباس]

شكرا لك أستاذ عادل على الرد و التوضيح ، و كما تفضلت أن أداء السيدة أم كلثوم دليل قاطع بأن التطريب لا يحتاج إلى المبالغة في استخدام العرب الصوتية .
على كل حال هذا هو الملف الصوتي للأغنية ، و إن كان أداء الفنانة أصالة لهذه الأغنية مستفزا لحضرتك ، فإنها لن تعجبك بأي أغنية أخرى ...
شكرا لك .

[عادل صموئيل]

احبائى

من اشهر اغانى الفنان شفيق جلال

امونة

مع اطيب تحياتى

[علي ثلاثة]

أستاذ عادل
ألف شكر
على مدونة

أمونة

للفنان شفيق جلال

[adel amr]

السلام عليكم
أ/ عادل صمؤيل
لك منى افضل واطيب تحية
انا بشكر حضرتك جدا على نوتة موسيقي زيزينيا وكنت عايز اوضح لحضرتك
النوته دى انا مش هعزفها فردى لكن هستخدمها فى شغل مع اكثر من اله انا كنت طلعت شويه فى اللحن بس كان فى بعض النوتات مش مظبوطه وده لان زى اما حضرتك قولت اللحن معقد شويه فلجأت لحضرتك لانك اكثر منى خبره وموسيقي شاطر فانا كنت محتاج اللحن الميلودى علشان اعمل توزيع بسيط ليه يناسب شغلى وبردوا انا غير متقن لبرامج الموسيقي فالموضوع كان صعب جدا بالنسبه ليا انى اطلع اللحن وادونه كان هياخد منى وقت كبير
فانا بعتذر جدا لحضرتك انى تعبتك وبردوا بشكرك جدا على مجهودك الرائع وده المتوقع من حضرتك
لك منى افضل وارق التحيات :emrose::emrose::emrose:
اخى العزيز
اولا اشكرك على ذوقك .. انا بقدم مجهودى لكل الناس ومش محتاج منهم حاجة يعنى تحت امر الجميع فى حدود امكانياتى .. هو بس احب اقول برضو معلومة مهمة جدا للى يحب يعرفها مشكلة التوزيع عشان حد وعلى فرقة ان وجدت ينفذ لحن موزع ويطلع زى ماهو لازم اما حاجة من اتنين .. اما اللى وزع اللحن هو ينفذه بنفسه او انو يكون معاه البارتاتورة الاصلية بتاعة الموزع الاصلى .. يعنى مثلا دلوقتى الموجود عمر خيرت .. المفروض ان عمر خيرت ينفذ اللحن بنفسه او يدى البارتاتورة ليك ودى طبعا فيها قولان ... وانت قلت انك ممكن تدون اهم حاجة فى التدوين انك تكون سامع خط لحنى واضح المعالم والمشكلة دلوقتى ان التوزيع بيغلوش ع الخط اللحنى ده .. ييعنى مثلا ممكن فى مازورة انا اكون سامع لا فا مى مثلا ... هم ممكن اصلا يكونوا مش كده يعنى ممكن يكونوا النغمات اللى بتزن او النغمات المتسلطة بس اللحن مش كده .. وممكن يكون لا فى صوت وفا فى صوت تانى وهكذا .. لذلك انا مبسوط انك تاخد اللحن الاساسى ولو عندك قدرة على التوزيع انك انت تعيد توزيعه بس طبعا يبقى المسموع الرئيسى هو اللحن الاساسى والتوزيع يكون شوية ماكياج خفيف لأن اللحن اصلا حلو ... واخطر مشكلة مع الموزعين دلوقتى ( هم مش موزعين اوى يعنى ) شغل الاستديوهات اللى بيبقى الموزع شاطر اوى ع الاورج وبعدين يفضل يضيف تراكات ويحط حاجات للصبح طبعا كده اللحن ده بيبقى يتسمع فقط ما ينفعش يتنفذ لأنه حتى مش بيكتب التوزيع نوتة يعنى بيعمله كده وخلاص ... وآسف للإطالة بس انتم بتستفيدوا من خبرتى واللى مش متاح تقابلوا دلوقتى حد من زملائى لأنهم تقريبا معظمهم رحل ... انا عزفت مع عبد الحليم حافظ 7 سنوات .. كان فيه خلال ال 3 سنوات الاخيرة كان عايز يعيد تقديم بعض اغانيه القديمة بس كانت المشكلة الاغانى الموزعة لأن كان الموزع بعد تسجيل الاغنية زمان بياخد معاه كل النوت ... وبالطبع مش ممكن حانقدر نقدم الاغنية بأى شكل من الاشكال .. لذلك تلاقيه كان بيقدم الاغانى اللى مش موزعة ... مع اطيب تحياتى عادل صموئيل

[غواص النغم]

https://www.youtube.com/watch?v=6m_d6nYmRis

الفنان ايمن الاعتر أعاد غناء الأغنية في برنامج المسابقات سوبر ستار أمام أصالة التي كانت ضيفة الحلقة وقالت إنه غناها بطريقة جميلة وأنها تعلمت منه.. مش عارف هل هذا مجاملة ام صحيح.. المهم الكثير يقولون انه غناها احسن منها
هنا نأتي لحكاية إعادة الأغنية ب أكثر من صوت هل حضرتك مع هذا النهج ام تفضل كل مطرب يحتفظ باغانيه :emrose:
اولا عشان نبقى بنتكلم صح اناشخصيا لو عايز احكم على مغنى جديد ما ينفعش اسمعه فى اغنية جديدة لو .. لازم اسمعه فى كذا اغنية من اللى احنا حافظينهم صح .. يعنى مثلا يغنى اغنية لأم كلثوم واغنية لعبد الوهاب بحيث مثلا فى اغنية كذا بيبقى فيها الحرف الصعب فين اشوف يقوله صح وصوته مستريح ولا يقوله وصوته فآخرطاقته او يقوله مش صح .. بعدين اللى بيقلد لازم يقول الاغنية زى ما صاحبها الاصلى يقولها مسموح لو ب2 % يبين شطارته لو شاطر لكن ما يعملش زى اصالة ويحط خمسين عربة فى الجملة .. لأنه هنا بيخرج بالمستمع عن المجال خالص . انا لما ابتديت اسمع المقطع اللى انت نزلته لقيتو بيقلد اصالة فى طريقتها اللى انا مش بحبها انا قلت ممكن على اساس انو حافظها زى ماسامعها .. وانا بصفتى وخبرتى وعشان ما اظلموش نظرت على اليمين لقيت نفس الشخص لو كذا كليب اخترت منهم الهوا هوايا لنى حافظها اوى ودى اللى تخلينى احكم عليه .. لقيته بيغنى بنفس طريقة اصالة يعنى بيحط عرب كتير .. ولوقارنته بعبد الحليم تلاقيه بيبذل مجهود اكتر من عبد الحليم عشر مرات بيقاتل يعنى او كانه شايل اثقال .. ولو شفتها من عبد الحليم تلاقيه بيغنى بمنتهى التلقائية كأنه واحد قاعد حاطط رجل على رجل وبيشرب فنجان فهوة واتمنى يكون اللى اقصده وصلكم .. يعنى ايه طرب ؟ يعنى واحد بيغنى بمنتهى الاسترخاء لأن اللى بيغنيه يمثل 50% من طاقته وغير واحد بيحرت يعنى زى لو عندك سيارة جديدة سرعتها 200 كم /ساعة .. لو مشيت على سرعة 100 حتلاقى صوت الموتور ناعمومنخفض وجميل وهادى والسيارة بتتهادى كقارب على سطه الماء لكن لو ضغطت عليها عشان توصل لأقصى سرعتها حتلاقى الموتور بيزعق وصوته مزعج وتحس ان السيارة بتقاتل وكأنها حاتنفجر فهمتم ليه بنجب مطربى الزمن الجميل ؟
مع اطيب تحياتى عادل صموئيل

كلام جميل سليم منطقي معقول مقدرش اقول حاجة عنه سوى إننا بنتعلم منكم شكرًا أستاذنا عادل صموئيل :emrose:

[basma2265]

شكرا استاذ عادل علي النوته الرائعه
كلنا بنستفيد من خبرات حضرتك في الموسيقي


الاخت العزيزة
انا اللى اشكرك لأن كلامك بيسعدنى
يعنى انا بكون سعيد اوى لما مجهودى المتواضع يفيد الناس ... واكون سعيد اكتر واكتر لما النوت اللى بقدمها تساهم فى رفع مستوى اللى بيستعملوها .. يعنى كان زمان فيه ناس بتكتب النوت بطريقة معقدة جدا تخلى اى حد هاوى يخاف يقرب منها .. يعنى انا طبعا ما اتولدتش كده كنت مبتدىء جدا طبعا .. كنت افتح كتاب فيه نوت الاقى نوت كتير شكلها مرعب وبالطبع كنت اقعد اقلب الصفحات حد ما الاقى حاجة سهلة .. وطبعا حصلت معايا فى كلية التربية الموسيقية يعنى فى مادة البيانو .. كان فيه البروجرام 30% حاجة مفروضة محددة والباقى حاجات احنا ممكن نختارها كنا طبعا بنفتح الكتب ونشوف حاجات مرعبة ونقعد ندور وقت طويل على حاجة سهلة .. لذلك انا طريقتى فى التدوين حاطط كل الكلام ده قدام عينى .. يعنى لو فيه مثلا 100 لحن اى حد منكم يقدر يعزف منهم 10 .. انا حاولت انه يعزفهم كلهم وبكون فى منتهى السعادة لما حد مبتدىء يقول لى اشكرك انك خليتنى اعزف حاجات عمرى ماكنت اتخيل انى اقدر اعزفها
مع اطيب تحياتى عادل صموئيل

[adel amr]

السلام عليكم
أ/ عادل صموئيل
لك منى أفضل تحيه
انا فاهم كلام حضرتك كويس عن التوزيع والنغمات اللى بتكون مستخبيه وسط التوزيع والهارموني الكتير بس كنت عايز اوضح لحضرتك ان الشغل اللى انا بعمله ده شغل مدارس طلبه هما اللى بيعزفوا فانا كنت محتاج اللحن الاساسي وحضرتك تفضلت مشكور وساعدتنى واختصرت عليا وقت كبير فيه ف بالنسبه للتوزيع هيكون بسيط جدا لان انا اصلا مش موزع واللحن الاساسي هو اللى هيتعزف ان شاء الله
والف الف شكر لحضرتك وربنا يديلك الصحه ويباركلك :emrose::emrose::emrose:

[سامى امين]

مستر عادل الكمانجة فجاءة كدة بقى فيها زن وطسطسة حد قالى من الانف وحد قالى من الفرسة انت عمرك قابلتك الحكاية دى قبل كدة والحل اذاى
اخى العزيز
انظر على الانف الاول لازم تكون عالية بدرجة تخلى الاوتار مش لامسة المراية وثانيا برضو الفرسة لأن الاوتار وبالذلا الرفيعين بيسرحوا فيها مع الوقت وتلاقى الوتر بقى قريب اوى من المراية والمقصود ان الاوتار لازم يكون بينها وبين المراية مسافة ولازم تلاحظها لما تكون الكنجة مضبوطة .. بس فيه احتمال يكون الغراء بتاع ظهر الكنجة فك من احد الجوانب يعنى امسها وبخبط عليها بصباعك خبطة خبفبفة داير مايدور لوالغرا فاكك حاتحس بالخبطة تعمل زنة وممكن تكون الدقانة اتحركت من مكانها ولزقت ف المشط .. بس العلاج تروح لعيسوى يعنى تركب مترو الانفاق بتاع شبرا جيزة وتنزل ف محطة عابدين وتسألأ عن قسم الشرطة وتدخل فى الحارة اللى وراه وتسألأ اى حد عن بيت عيسوى وان شاء الله يحل لك المشكلة مع اطيب تحياتى عادل صموئيل

[Naje12]

تحياتي, اطلب نوتة اغنية عايشة وحدا بلاك لزياد الرحباني

[عادل صموئيل]

احبائى
اقدم لكم تحفة فيروز

ستى ياستى

مع اطيب تحياتى

[muhamadibra]

شكرا للرائع المايسترو علي ما قدم ويقدم لكل متابعيه واحبائه --- الاغنية لفيروز كما فهمت لان هناك خطأ املائي اليس كذلك؟
د محمدإبراهيم

[فاضل فخرالدين]

ألف شكر للمايسترو المبدع الكريم المعطاء عادل صموئيل على تدوين اغنية (ستي يا ستي) وكنت قد طلبتها قبل عدة أيام فلم يخب ظني كالعادة
استاذ عادل: تعليقاتك على الأغاني وسرد ذكرياتك الخاصة وملاحظاتك الفنية والتاريخية لا تقل أهمية عن النوتات، أرجو ان تستمر بكتابة ما يجول بخاطرك كلما عرضت نوتة جديدة فنحن نقرأ كل ما تكتبه
تحياتي للجميع

[صادق ربيع]

أستاذي المحترم عادل...ألاقي عند حضرتك نونة لأغنية ( أنا هويت) لسيد درويش؟
خالص محبتي :emrose:

[muhamadibra]

ألف شكر للمايسترو المبدع الكريم المعطاء عادل صموئيل على تدوين اغنية (ستي يا ستي) وكنت قد طلبتها قبل عدة أيام فلم يخب ظني كالعادة
استاذ عادل: تعليقاتك على الأغاني وسرد ذكرياتك الخاصة وملاحظاتك الفنية والتاريخية لا تقل أهمية عن النوتات، أرجو ان تستمر بكتابة ما يجول بخاطرك كلما عرضت نوتة جديدة فنحن نقرأ كل ما تكتبه
تحياتي للجميع


صحيح واضم صوتي لك - وهي نقطة هامة جدا للهواه قبل المحترفين تجعلنا نعيش اجواء اللحن وكذلك اريد معزوفات المايسترو التي توقفت منذ زمن بعيد رغم اهميتها لي جدا
د محمد إبراهيم

[سامى امين]

:emrose:فعلا ياعنى انت استاذ كبير قوى يا مستر عادل متشكر جدا :emrose:

[سليم العباس]

شكرا على تدوين أغنية فيروز (ستي يا ستي ) و كما ذكرت أستاذ عادل هي تحفة فنية و أجمل مكالمة تلفونية سمعتها في حياتي ، و كم تمنيت أن لا يُقطع الخط مطلقا !

سلمت يداك .

اخى العزيز شكرا
انا هنا احب ان انوه عن تميز فيروز المتفرد فى المسرحيات الغنائية والابوبريتات والبرامج الغنائية , ان الاخوين رحبانى ومن معهم كانوا بيعملوا قصة .. وبيدخلوا مواقف فى اغانى .. والمواقف دى معظمها غير مسبوق استعماله بالعبقرية دى من قبل او على الاقل اقدر اقول ان ماحدش عمل زيهم ... يعنى حتى فريد الاطرش لما كانبيعمل اوبريت مكانش بيبقى تمثيلى ومالوش قصة بيبقى عباة عن كذا كوبليه واحد مصر وشامى وعراقى وتونسى وهكذا مفيش حدوتة يعنى ... لكن القصة اللى الرحبانية كانوا بيعملوها كن فيها الغناء الطربى والغناء الوصفى ... ثم ادخل مشاهد من القصة ماتنفعش ابدا ولا اى حد يعملها فى الحان مش فقط جميلة ولكن اكثر من رائعة .. يعنى هنا دى مكالمة تليفونية كان ممكن الكل بيعملها حوار هنا عملوها اغنية رائعة وكذا موقف من نفس المسرحية منهم الاغنية الرائعة للكورال ع بكرا بكير .. ومسرحيات كتير مسرحية الشخص مثلا مواقف التحقيق معها ثم موقف المحكمة ... وانا توقفت كثيرا اما هؤلاء العباقرة بيعملوا الكلام ده ازاى ؟ ... وحسب خبرتى انك لو جبت الكلمات مفيش ملحن يعرف يلحنها .. ومكانش فيه غير سر واحد ان المؤلف هو الملحن يعنى بيخرج منو الكلام متلحن .. وممكن الرحبانى الآخر يضيف حاجة فى اللحن او الكلام او الاخراج او التوزيع .. لأن دايما بتقال كلمة الاخوين رحبانى يعنى مش مذكور من عمل كذا ومين عمل كذا .. كمان تميزوا بالعمل المكتكامل يعنى تلاقى قصة حب وكوميدا وكوميديا سوداء وسياسة ... واحيانا شرشحة ستات او خناقة بين رجال .. او حد بيتصرف بخبث او حد بيكذب على الناس وهى بتصدقه يعنى ماخلوش موقف من جميع المواقف اللى بتشوفها فى الحياة ما وظفوهوش فى اعمالهم ... والرقص والفنون الشعبية والدبكة .. بافختصار يعنى لو قعدت اتكلم عنهم لن تكفينى صفحات مع اطيب تحياتى عادل صموئيل

[المنير]

السلام عليكم
الأستاذ عادل صموئيل:حياك الله بسلام.
أرجو أن تكون البرامج قد اشتغلت بدون مشاكل. أخي عادل لدينا حفل يوم 8مارس بحيث سنقدم "ست الحبايب" من تدوين المايسترو عادل صموئيل طبعا لكن نحتاج إلى نوتة "سلام عليك" لمرسيل خليفة.أرجو من حضرتك تدوينها و لك مني جزيل الشكر.
تحياتي.

[عادل صموئيل]

اقدم لأخى العزيز المنير اغنية مرسيل خليفة

سلام عليكى

مع اطيب تحياتى

[wahidfarid]

بعد أغنية مارسيل هل ممكن آستاد عادل تدوين أغنية يا نبض الضفة لأحمد قعبور و شكرا
http://youtu.be/ODy0XkfSdQ4

[المنير]

اقدم لأخى العزيز المنير اغنية مرسيل خليفة

سلام عليكى

مع اطيب تحياتى

السلام عليكم
و الله لا أعرف كيف أشكر الأخ العزيز أستاذنا عادل صموئيل.أظن أن عشاق الهرم مرسيل خليفة سيتسابقون على هذه الصفحة لتحميل النوتة الجميلة.
تحياتي.

[برهان عواد]

أرجو من الاستاذ عادل ألا يكون قد نسي وعده بتدوين أغنية لنطر تحتك يا نخيلة.

مع عميق الامتنان لما يقدمه من جهود في تدوين تراثنا الغنائي العربي.

الأغنية تبدأ عند 0050

https://www.youtube.com/watch?v=bbzInyXjpmQ (https://www.youtube.com/watch?v=bbzInyXjpmQ)

شكرا

[عادل صموئيل]

احبائى
اقدم لكم

لنطر تحتك يانخيلة

مع اطيب تحياتى

[برهان عواد]

اشكر الأستاذ عادل في مجهوده لتدوين الأغنية.

أستاذ علدل, لك فائق الأحترام و التقدير.

[محمد13]

السلام عليكم

يا أستاذ ياليت تتكرم لنا بنوتة (عند امل )ونوتة (شي غريب) للاستاذ طلا مداح رحم الله عليه

شكرا لك مقدما

[سليم العباس]

أطيب التحيات أستاذ عادل و أشكرك على الشرح الجميل لأحد أسرار نجاح المسرح الرحباني ، و أيضا على التدوين الجميل لأغنية لنطر تحتك يا نخيلة ، إحدى الأغاني التراثية الشامية .

إن سمح وقتك أرجو أن تدرج هذه الأغنية الوطنية للفنانة جوليا بطرس ضمن لائحة الطلبات ، و بالرغم أن كلماتها عن الحرب الأهلية في لبنان أعتقد أنها تلائم الحالة التي تمر بها معظم الدول العربية العريقة .
شكرا لك

اخى العزيز الاول اسألك المطربة اللى بتغنى انطر تحتك دى اسمها ايه صوتها حلو ... وان شاء الله اكتب اغنية جوليا بطرس والاغانى الوطنية بتنفع فى كل الظروف المشابهة وبتظهر قيمتها اكتر وبالذات عندنا فى مصر لهبوط مستوى الاغانى الحديثة يعنى لو ترجع كمان للتاريخ تلاقى الفنانين العمالقة بيبقى اعمالهم 3 حاجات منتظمة عاطفى وطينى ووطنى اما دلوقتى الدينى والوطنى مش موجود لن المطرب بيطلع اما يتخنث او يتنطط او يترقص يعنى حتى لو عمل اغنية دينية او وطنية انت مش حاتقتنع بيه .. زائدزمان كان اللحن قوى يعنى نفس الفرقة اللى بتديك الرومانسى تلاقيها ممكن تطلع مدافع ودبابات وده مطلوب جدا فى الاغنية او النشيد الحماسى وقت الازمات لن الجنود بيسمعوها يشتعل حماسهم والشعب بيسمعها بيحس انو مع الجيش ع الجبهة اما دلوقتى الاحان هفتانة يعنى ضعيفة جدا جدا مش على مستوى الحدث
مع اطيب تحياتى عادل صموئيل

[برهان عواد]

أستاذ عادل, اجدد شكري لك لتدوين الاغنية لنطر تحتك يا نخيلة

المطربة هي سماهر

يوجد عنها بعض المعلومات و بعض الأغاني في هذا المنتدى

http://www.sama3y.net/forum/showthread.php?t=70940

https://www.youtube.com/watch?v=gbLF9sLihO8

[سليم العباس]

تحياتي أستاذ عادل :
صاحبة أغنية لنطر تحتك يا نخيلة على ما أعتقد هي الفنانة الأردنية سماهر ، و مقطع الفيديو الذي رفعه الأخ برهان عواد الذي طلب التدوين هو من مسلسل سوري قديم يظهر فيه صوت سماهر دون صورتها .

هذا رابط من المنتدى للفنانة سماهر و بعض أغانيها الشعبية التراثية .
http://www.sama3y.net/forum/showthread.php?t=70940&page=2

و بالنسبة للأغاني الوطنية سنظل نستمع للقديم منها ريثما تسقيم الحالة الفنية و تعود لتستعيد شيئاً من ألقها .
شكرا لك

[وليد100]

السلام عليكم ورحمه الله
من اجمل ماغني محمد فوزي
اغنيه تدعو للامل والتفاءل اللي احنا نحتاجه هذه الايام
:emrose:غني للدنيا:emrose:

[عادل صموئيل]

احبائى

اقدم لكم اغنية وطنية لجوليا بطرس

ياشعبى

مع اطيب تحياتى

[خليل سليم]

السلام عليكم استاذنا العزيز عادل المحترم شكري وتحياتي القلبيه على ما تقوم به من خدمة كبيرة في الحفاظ على تراثنا الموسيقي الخالد الثمين واني عارف ان وقت ثمين والطلبات كثيرة لكني عندي طلب من حظرتك الكريمة بتدوين رائعة فيروز مر بي يا واعداً وعداً ولكم جميل الشكر والامتنان ورعاك الرب

[dinasamiar]

كل الشكر و العرفان
للإستاذ الكبير و الفنان القدير
ا\عادل صموئيل
لكتابة نوتة ترنيمة يامن بحضوره نفسى تطيب
لو ممكن بعد اذنك نوتة كلام الناس ل جورج وسوف

[mahmoud feteih]

الاستاذ حلمى بكر له اغنيتين عملهم لورده --ماعندكش فكره و على عينى ياحبة عينى -- وغالبا حضرتك عزفت الاغنيتين دول فى اوائل التمانينات مع الفرقه الماسيه بس اللى محيرنى ان الاستاذ حلمى فجأه عمل الاغنيتين دول ورا بعض واختفى وماكانش له اعمال بنفس المستوى لاقبل ولا بعد الى الان وحتى الحلم العربى لو من تلحينه لاترقى لوطنيات عبد الوهاب وبليغ والسنباطى وفريد والطويل

[kamalia]

كل الشكر والعرفان استادنا الكريم على المجهود الكبير في تدوين النوتة ولدية طلب لوكان بالامكان انتدون اغنية مر القطار سريعا لمرسيل خليفة

[سليم العباس]

شكرا أستاذ عادل على تدوين أغنية يا شعبي ، أعتقد أن الكثيرين استمتعوا بعزفها لسلاسة التدوين و جماله ، و أظن بأنه لا يمكن إعادة تدوين أي من نوتاتك بطريقة أكثرسهولة مع المحافظة على اللحن .
تحياتي لحضرتك .
اخى العزيز
ما اعتقدش ان حد ممكن ياخد نوتة من نوتاتى انا بالذات ويحاول يبسطها اكتر من كده مع المحافظة على اللحن .. لن ببساطة ان وانا بدون الاغنية بعصرها عارف لما تعصر شىء ومش ممكن يتعصر اكتر من كده ؟ يعنى اى مازورة بشوفها صعبة بحاول اذا كان ممكن تبقى اسهل لكن بدون المساس باللحن طبعا . واحيان كتير بعد ما بكتب صفحة كاملة من لحن على سرعة 100 احس انو دخل على جملة اصعب على السرعة دى اضطر ابتدى اللحن تانى من الاول على سرعة 130 مثلا بحيث انى ابسط العلامات الايقاعية يعنى تضرب الزمن ×2 عشان تبقى اسهل .. اما الكارثة والمصيبة ان فى مداخلة مع اخ مش عاجبه النوتات بتاعتى .. لأنها سهلة اوى هو عايزها ادونها صعبة يعنى هو الظاهر شاطر وعايز نوتة معقربة عشان يحس انو عمل انجاز لكن النوتة لما تكون سهلة بيحس انو قرا حاجة اى حد ممكن يقراها طيب بالله عليكم اقول له ايه ؟ مع اطيب تحياتى عادل صموئيل

[muhamadibra]

خليك مع الهواه الغلابه يا مايسترو واستمر في طريقتك الغير مسبوقة في التدوين والتبسيط - ولو هناك رأي مختلف مافيش مانع يدور علي نوتات معقربه في مكان تاني وسيجدها - نحن سعداء بذلك الاداء وتزداد سعادتي شخصيا عندما افتح الصفحة واجد - احبائي اقدم لكم -
د محمدإبراهيم

[سليم العباس]

تحية أستاذ عادل :
أسلوبك الرائع في التدوين يحظى بإعجاب الأغلبية الساحقة من الهواة و المحترفين على حد سواء . بالنسبة للأخ الذي يعترض على طريقتك المبتكرة أقول له أنني أحترم رأيه لكنني بالتأكيد لا أوافق عليه . عندما كنا تلاميذ كنا نفضل الأستاذ الذي يعطينا المعلومة بطريقة مبسطة تقوم ذاكرتنا بتخزينها و استعادتها متى شئنا وبكل سهولة .
يقول الروائي المصري محمد عبد الحليم عبد الله :
( اننا احياناً نفعل ما قد ظنناه مستحيلا، و نفعله بكل بساطة و من حيث لاندري )
أما نزار قباني فيقول :
( إن البساطة لها جمالها وعندما أتحدث عن البساطة ، إنما أتحدث عن لغة أسميها اللغة الثالثة . فالبساطة تشبه البراءة ، تشبه الطفولة ، وأن تكون بسيطاً يعني أنك غير معقد.. وأنا لا أميل الى التعقيد اللغوي* وهكذا وصل شعري الى جميع طبقات المجتمع ).
و أعتقد أن تدوينات الأستاذ عادل تحمل صفتين متناقضتين نظرياً مترابطتين عملياً هما البساطة و الإبداع .
بالنهاية لم يوجد شخص أو نظرية أو فلسفة اجتمع حولها كل الناس مهما بلغ رقيها و علا شأنها .

[عادل صموئيل]

احبائى
انا كذا مرة اعضاء منكم يطلبون منى تدوين نوت تكون موجودة سابقا فى المنتدى ... بالطبع انا اول حاجة بروح اشوف السابقة .. احيانا بلاقيها ممكن تشتغل وبقول لكم واحيانا بلاقيها شكلها مفزع يعنى معقربة بطريقة مفزعة .. ولاحظ انا بوضع نفسى فى مكان كل عضو منهكم على حسب قوته .. وانا لما اقول مفزعة يبقى حتكون مفزعة لك اكتر عشر مرات .. وللعلم انا وسط كلامى الطتير ذكرت ان حتى فى الفرقة الماسية النوتة لما تكون مكتوبة سهلة بيبقى شكلها يشرح القلب ويفتح النفس يعنى العازف بيحس انها حاتتسجل وتخلص فى خمس دقائق اما لو هى هى مكتوبة صعبة حتاخد وقت اطول او وقت تسجيل 3 اغانى ... وفى الفرق الاصغر ممكن يقعدوا يسجلوا فيهاطول النهار وفى الحفلات تحصل غلطات مفزعة .. وسط الثمانينات ظهرت ظاهرة خطيرة ساهمت ايضا فى هبوط مستوى الموسيقى لحد ما وصلت للإنحدار او تلاشت كعالم الموسيقى المصرية .. ظهر بعض طلبة فى معهد الموسيقى العربية حسوا ان الموسيقى تكنيك وتعقيد يعنى العازف اللى مايعزفش نوت معقربة وسريعة وتنزل 3 اوكتافات يبقى مش عازف اصلا .. وتجاهلوا ان الموسيقى الشرقية تطريب اصلا والطرب عايز الجملة الموسيقية المستريحة زى كل اغانى ام كلثوم من النادر ان تلاقى جملة معقدة او معقربة ليه ؟ عشان عامة الشعب يفهموها ماتبقاش للخبراء فى الموسيقى فقط .. واتضح برضو ان روعة الالحان جاية من الموضوع ده ان الملحن بيعمل جملة بيسطة اجمل مايكون مفهومة للجميع .. الكارثة ان موجة التطرف الموسيقى دى ابتدت تستشرى وبالذات مع ظهور ظاهرة التوزيع فى كل الاغانى .. وتلاحظ ده فى فرقة كل من حماده النادى وخالد فؤاد وهانى مهنى وكل الفرق اللى كانت بتتكون فى الوقت ده .. الكمنجة اللى كانت بتقول اللحن من اوله لاخره وبتغنى مع المطرب اول حاجة خلوها تعمل جمل او ردود سريعة جدا ومش مفهومة للعامة وبطلت تغنى مع المطرب مما خلا المطرب بيغنى فى الهوا ع الايقاع .. ودى لها ابعاد فى منتهى الخطورة ان المطرب ممكن يعمل نشاز او يخرج احيانا عن التون .. والاخطر ان كل من لو نفس يغنى يروح مغنى .. لأن الكنجات سلاح ذو حدين .. اولهما انها بتخلى المطرب القدير يغنى احلا وثانيا انها بتكشف المطرب الفاشل يعنى الكمنجة مكتوب قدامها مثلا صول سى رى اللى يبغنى صوته ضعيف مش بيوصل ل رى بيتكشف على طول انو نشاز .. وانقلبت الالحان من الجمال الى اظهار اتكنيك فقط وبهذا بدأ تدمير الموسيقى الشرقية
مع اطيب تحياتى

[muhamadibra]

تمام يا مايسترو - نحن نرفض كل ما تم من تدمير للاغنية العربية الطربية بشكل عام - وانا شخصيا اعود اولادي علي سماع ام كلثوم وعبد الحليم وفريد وغيرهم ويفهمونها جيدا -- ووجود عمالقة من نوعيتك - جمعت العلم والصبر والكرم والتواضع - هو ما جعلنا نعيد الاستمتاع بالتراث الجميل -- وانا معك في كل ما تفضلت له من تحليل لاسباب الانحدار
دمحمدإبراهيم

[wahidfarid]

آستاد عادل أنت كسبت رهان صعب جدا و هو الجمع بين البساطة و الدقة في التدوين و هناك نقطة مهمة جدا وهي أن كل أعمالك هي بدون مقابل كم ساعات العمل و التعبو السهر من أجل إسعادنا كنت أتمنى أن أقيم في مصر لكي أشوفك و أسلم عليك و أشكرك ربنا إديلك الصحة و طولت العمر

[qnet022@icoo]

السلام عليكم استاذتنا ا،
ارجو من حضرتكم اذا كان لديكم وقت واذا بيسمح ان تساعدوني في نوتات الموسيقيه لاغنيه:*
1: مع السلامه لو نويت تروح
2: ونوته سامحتك من كل قلبي
للمطرب السوري حسام جنيد
ولكم جزيل الشكر والعرفان، والله يطول بعمركم ويزيدكم:emrose:
من نعيمه..

*

* #1323*****

*يوم أمس, 13h14

[مهدي01]

وانا اتصفح بعض الاغاني في اليوتوب لفتني نشيد رائع للاطفال استاذ عادل فلوتكرمت علينا بتدوينه ياهرم

[خليل سليم]

استاذنا الغالي العزيز عادل المحترم لي طلب من حظرتكم الكريمة بتدوين رائعة الفنانة الكبيرة نجاة الصغيرة حفظها اللة تعالى وحفظك اغنية الشوق والحب حنين واكون لك شاكرا وحفظك الرب

[عادل صموئيل]

احبائى
يسعدنى واقدم لكم بكل فخر رائعة فيروز

مُر بى

اللحن ده والحان محمد عيد الوهاب لفيروز بتختلف عن الحان الرحبانية يعنى لو قسمت اغانى فيروز الى اقسام الحان عبد الوهاب حاتبقى قسم خاص .. والسبب ان قمة زى عبد الوهاب لما يعطى لحن لقمم زى فيروز والحبانية واللى عليهم التوزيع والتنفيذ يعنى بالطبع لازم يعطيهم لحن معمول باحترافية عالية جدا يقول لهم انا عبد الوهاب يعنى .. وبمعرفتى بعبد الوهاب كان لما بيعطى لحن لمطرب زى ام كلثوم او حليم مثلا كان فى البروفات الكتير ممكن بيغير ربع اللحن او اكثر يعنى بيضيف او يحذف جمل او بيعمل اختراعات .. لكن مع فيروز بيعطيهم اللحن مرة واحدة ويبقى هو ده اللحن وغير قابل للتعديل لأنه بيتوزع واللحن الموزع , بيتوزع ككل يعنى ماتقدرش تلعب فيه او تضيف او تحذف جملة .. لذلك عبد الوهاب لما اعطاهم اللحن اعطاهم احلى حاجة ممكنة ... هو بس بيتدخل فى حاجة واحدة ان اللحن يبقى وهابى 90% والنكهة الرحبانى تبقى مش اكتر من 10% .. عشان لو سمعت لفيروز زذا اغنية ورا بعض ومن ضمنهم الاغنية دى لو النكهة الرحبانية زائدة شوية حاتحس ان اللحن بتاع رحبانى لو ماحدش قال ان ده لحن عبد والهاب وهنا بتبقى صبغة رحبانية مش نكهة رحبانية ... طبعا فى شغلنا امللحن بيعطى اللحن للمطرب وبيشرف عليه لحد اول او تانى حفلة بعد كده بيبقى بتاع المطرب يعنى ممكن يلعب فيه .. انا بسمع الاغنية طبعا من زمان تسجيل الاستدوديو يعنى كل شىء بموافقة عبد الوهاب .. لما جيت اكتبه لقيت نسخة من حفلة ومحتمل تكون خارج لبنان .. فيروز عندها عادة ساعات بتبقى حلوة ان لما بتسافر ( طبعا عشان تكاليف السفر والاقامة ) المتعهد بيطلب منهم عدد محدود يعنى ماتقدرش تاخد فرقتها الكبيرة كلها ( واللى بتتكون من فرقة شرقية زائد اوركسترا سيمفونى ) ولما بتسافر بتاخد الفرقة الشرقية فقط لكن لو فيه اغانى فيه صولوا لأبوا مثلا بياخدوا الابوا فقط معاهم .. ومن هنا كان الرحبانية بيعملوا نسخ حديدة من توزيع الاغانى من غير التوزيع السيمفونى .. وانا سمعت اللحن بالطريقة دى بس لما وصلت للجزء اللى بيقلب من نهاوند لراست حسيت انهم لعبوا فى اللحن ماعجبنيش .. رحت دورت كتير على تسجيل الاستدوديو وكتبت باقى الاغنية منه .. هى طبعا اغنية صعبة جدا لكن الهواة والمبتدئين ممكن يعزوفا اول صفحة لأنى ما قدرتش ابسطها اكتر من كده حرصا ان اللحن ما ينقص حاجة وطبعا انا كاتب لحن عبد اولهاب مش توزيع الرحبانية لأنك بآلة واحدة مش حاتقدر تقول اللحن والتوزيع
مع اطيب تحياتى

[muhamadibra]

كلام جميل وممتع - ولا استطيع سوي توجيه الشكر للمايسترو وادعو له بالصحة وطول العمر ومواصلة الابداع -
جزاك الله كل خير
دمحمدإبراهيم

[خليل سليم]

مساء الخير استاذنا المايسترو عادل المحترم لا اعرف كيف اصف شكري وتقديري وامتناني لشخصكم الكريم على تدوين اغنية مر بي طالبا من اللة تعالى ان يحفظكم ويديمكم عونا لنا ولخدمة الفن وتراثنا الموسيقي الزاهر والرب يحفظكم

[منذر44]

لحن رائع وتدوين اروع
نوتة احترافية بكل معنى الكلمة تمتعت جدا وانا اعزفها على العود
استاذ عادل سلمت يداك على هذا الابداع و على هذا الرقي الفني
لا بد ان الموسيقار عبد الوهاب والرحابنة يشكروك من اعماقهم
على تخليدك لهذا العمل الفني الرائع
الف شكرلهذا الجهد الكبير
ملاحظة كنت قد طلبت من حضرتك تدوين اغنية شادية غاب القمر
واغنية عزيزة جلال والتقينا هل هما في قائمة الانتظار ام لا يمكن
تدوينهما ارجو ايضاح ذلك
مع اجم تحباتي
اخى العزيز
شكرا .. ان شاء الله ادونهم بس الطلبات كتير اوى وبتعمل عندى شوية لخبطة
مع اطيب تحياتى عادل صموئيل

[m-msh1968]

وسكة حلب مقطوعة .... بطريقك

[سليم العباس]

شكرا على المجهود الكبير و الواضح لتدوين قصيدة مر بي لفيروز الحان العبقري الاستاذ محمد عبد الوهاب .

أستاذ عادل :

هل تعتقد أن الأستاذ محمد عبد الوهاب قد ترك بصمة واضحة مع فيروز ، أما كان مجرد لقاء حتمي بين مدرستين فنيتين تكلل بنجاح محدود ؟!
و هل قدم عبد الوهاب إضافة ما فيما يتعلق بالللحن أو طريقة الأداء ، كما فعل مثلا الملحن فيلمون وهبي الذي قدم لها أغاني بطابع شرقي أصيل حيث لاقت نجاحا منقطع النظير ( إسوارة العروس ، يا مرسال المراسيل ، طيري يا طيارة ، كتبنا و ما كتبنا ، يا ريت ، أنا خوفي من عتم الليل ، صيف يا صيف ، يا كرم العلالي )

و شكر لك .
اخى العزيز
انا لما قريت كلامك حصل عندى لخبطة لان الموضوع كبير اوى وعندى طبعا كلام كتير , لكن احاول ان اقدم وجهة نظرى .. الفرق بين فيروز وبين اى مطربة اخرى انه بسبب تواجدها الحميم المتصل مع الاخوين رحبانى ان عندها اكبر عدد من الاغانى على الاطلاق وده ممكن تلاحظه لو دخلت موقع على النت فيه اغانى حتلاقى ام كلثوم مثلا 300 اغنية وعبد الحليم فى الحدود دى .. لكن تلاقى فيروز بتتخطى ال 1300 اغنية ويمكن اكتر .. واكتر دولة بتذاع فيها اغنى فيروز حتلاقيها بتذيعهم كلهم يبقى نصيب اغانى عبد الوهاب قليل جدا لأنهم 2 وسط 1300 .. عشان كده الاغانى مش ملحوظة اوى .. اما بالنسبة لعبد الوهاب زى ماقلت انه لما يقدم لحن للعمالقة دول لازم يثبت وجوده ... يعنى فى مر بى قدم الاغنية الاول فى النهاوند استعمل الغربى والشرقى ولما دخل على الراست قدم الراست الشرقى جدا .. ثم قدم ما يشابه الموال .. وكلمة ما يشابه الموال لها قصد .. يعنى لو قدم مساحة يبقى فيها موال .. الموال ده بيبقى تجويد من المطرب نفسه مش من الملحن .. وهنا تظهر فيروز اكتر .. ولكنه هنا قدم مايشبه الموال فى مقطع ( الهوى .. لحظ ) ولكن موال ملحن مقنن من عبد الوهاب بحيث يظهر فيه عبد الوهاب بلحنه اكتر مش فيروز بادائها .. لكن الموضوع مهم للطرفين .. يعنى قيمة كل منهما ان كان لازم يعملوا عمل مشترك .. وده خلا فيروز كمان فى ىواخر مراحلها انها طلبت لحن من السنباطى ولكن الموضع ما تمش .. والخلاصة ان اغانى الزمن الجميل كانت كل اغنية تعتبر اضافة للكنوز بعكس دلوقتى مافيش ولا اغنية لها قيمة
مع اطيب تحياتى عادل صموئيل

[qnet022@icoo]

[SIZE="5"]سلام عليكم،
لا ادري ما المانع من تنويت النوتات المطلوبه بشكل خاص والنوتات الشعبيه السوريه بشكل عام، فان هذا الجيل تربى على الموسيقى الحديثه ، وطبعا لاغنى عن الموسيقى الطربيه الاصيله اي موسيقى الزمن الجميل، وطبعا انا لا اقصد تنويت اغاني هابطه مثل الكتير من المؤدين الذين نراهم اليوم وانما نوتات اغاني شعبيه مثل اغاني حسام جنيد والكثير من الفنانين.
وشكرا لكم..

[عاصم المنشاوى]

الأصدقاء....
غنت فيروز من ألحان الموسيقار محمد عبد الوهاب 3أغنيات قام بتلحينهم خصيصا لها فى 1961 أغنية بالعامية اللبنانية "سهار بعد سهار"...بعدها من كلمات ( جبران خليل جبران) قصيدة "سكن الليل".....ثم كانت آخر ألحانه لها "مر بى "...والتى تفضل أستاذنا الجميل بتدوينها...
...
أما كاتب القصيدة فهو الشاعر اللبنانى الراحل "سعيد عقل" ....كتبها غزلا فى دمشق الساحرة بعراقتها وجمال حاراتها وغوطتها ونهرها "بردى" الذى يحمل اليها الحياة ...توفى سعيد عقل عن عمر تجاوز المائة عام...فهو من مواليد 1912 وتوفى من 4 شهور فقط ...نوفمبر2014 ...قدمت فيروز اغنية" مر بى" سنة1967 على مسرح المعرض "معرض دمشق الدولى " الذى كان يقام من شهر سبتمبر من كل عام... غنت فيروز عدة أغاني من شعر سعيد عقل بجانب "مر بى".. أهمها: "زهرة المدائن" و"يارا" و"بحبك ما بعرف" و"أمي يا ملاكي"...الغريب ان سعيد عقل هذا الشاعر المسيحى هو كاتب القصيدة الرائعة لفيروز "غنيت مكة أهلها الصيد"....فين التسامح والسماحة دلوقتى ؟المؤلف والملحن والمطربة ...مسيحيين ...بالظبط مثل عبد الحليم وعبد الرحمن الأبنودى وبليغ حمدى ...مسلمين وقدموا لنا رائعة أسمها اغنية "المسيح"....ايه اللى حصل للعرب ياأستاذ عادل ؟؟؟؟؟.....
اخى العزيز شكرا لكلامك الجميل
طول عمر الشعوب ماحدش قال لحد دينك ايه .. اللى عمل الحكاية دى دعاة الفتن .. يعنى ببساطة شديدة فيه 3 اديان سماوية والمفروض ان كل من يدين باحد تلك الاديان المفروض انو يكون معترف بوجود الاديان الاخرى .. ولو تحسبها بدقة لما نزل الدين الاول وهو الديانة اليهودية بعدها نزلت الديانة المسيحية ولو تلاحظ انها نزلت فى القدس معقل الديانة اليهودية وقتها .. ولكن الله لم ينزل المسيحية لإلغاء اليهودية ولكن لها رسالة اخرى ان تنتشر فى اوربا اللى كانوا بيعبدوا الاصنام .. وبعدها نزل الاسلام .. ولو تلاحظ ايضا نزل فين فى شبه الجزيرة العربية لأنهم كانوا مازالوا بيعبدوا الاصنام .. وانت لو نظرت الى الخريطة تلاحط ان منطقة شبه الجزيرة العربية لونها اصفر يعنى كانت صحراء واسعة مافيهاش نهر .. لذلك كانت على مر التاريخ منطقة معزولة عن المستعمرين وعن الدنيا .. يعنى مكانش اى جيش من جيوش الاحتلالات المختلفة ممكن ينزل او يمر فى المنطقة دى لأن جنوده حايهلكوا ويتوهوا فى الصحراء حتى التتار لما مروا مروا بعيد عنها .. ولما اتى الدين الاسلامى فى المنطقة دى حمل معه الحضارة ولا حظ ان الدين الاسلامى اوصى المسلمين خيرا بالأديان الاخرى لأنها من الله ومش معقول الله حايغالط نفسه يعنى ينزل دين بعدين ينزل دين تانى للقضاء عليه .. وللعلم لو ماظهر الدين الاسلامى فى المنطقة دى لكانت لحد اليوم زى ماهى من 1500 سنة يعنى لسه بيعبدوا الاصنام ولسه وئد البنات .. ان الدين لله والدين معاملة .. ولو تحسب كل الاغانى والاناشيدالدينية الاسلامية وشوف كام مسيحى اشتغل فيها .. وانا زى ما انتم شايفين اى عضو بيطلب منى اغنية دينية الاسلامية عندى زى المسيحية لأن كلنا بنعبد الله الواحد وللعلم الاغنية الدينية بتوصل حاجة ماتوصلهاش الخطب هم بس دعاة الفتن واللى بينساقوا ورا ناس فاسدين من الغرب لتخريب كل حاجة واى حاجة لمصالحهم بس الله اكبر منهم جميعا واطيب تحياتى عادل صموئيل

[المنير]

السلام عليكم
الأستاذ عاصم المنشاوي حياك الله بسلام: غنت فيروز للأستاذ محمد عبد الوهاب كذلك "خايف أقول الي فقلبي" .
تحياتي.

[عاصم المنشاوى]

الصديق الكريم / المنير

ماتقوله هو مظبوط جدا ...وهذا صحيح ...هى غنت أغنيتين من ألحانه ...وهما خايف اقول اللى فى قلبى ...و ياجارة الوادى .....

ولكن الألحان التى وضعها لها خصيصا ...هم 3 سهار - سكن الليل - مر بى...
وكان المفروض أن تغنى "ضى القناديل"...لكنها لم تستسيغها ..فغناها عبد الحليم حافظ....شكرا ياصديقى ودمت لنا عونا

[خالدموسى]

شكرا على تدوين مر بى التى ابحث عنها من فترة يا اساذنا الجميل عادل صمويل اتمنى ايصا ان تدون لنا رائعة عبد الوهاب لفيروز سكن الليل شاكرا لك هذه المجهودات الرائعة

[خليل سليم]

اود ان انوه بان اغنية سكن الليل موجودة في المنتدى وبتدوين المايسترو الاستاذ الفاضل عادل لكن الذي ابحث عنه هو رائعة فيروز سهار بعد ساهر والتي لم تدون لحد الان واتمنى من استاذنا العزيز والذي لا ييخل علينا بشى بتدوينها لتكون ثلاثية الموسيقار الخالد محمد عبد الوهاب سكن الليل ومر بي و سهار بعد ساهر للفنانة الكبيرة فيروز كاملة وبتدوين المايستر العزيزعادل والذي ادعو له بصحه والعافيه وطول العمر وحفظه الرب

[سليم العباس]

بعد التحية أستاذ عادل :

اقتراح لتدوين موشح يمر عجبا و موشح في الروض ، من أداء الفنان صباح فخري .

و هما موشحان غنيان عن التعريف ... أرجو تدوينهما بطريقتك السهلة الممتنعة .

و شكرا لك .

اخى العزيز
الموشحين دول انا اول مرة اسمعهم بس حلوين بس فيه مشكلة موشح فى الروض انا مش فاهم الايقاع بتاعه لن هو دخل مباشرة بدون مقدمة موسيقية .. وانا اهم حاجة عندى اسمع الدوم عشان احدد الميزان وعازف الايقاع ماشى كله تكوك وجربت اكتبه على حده فى كذا ايقاع مختلف مش عارفه يعنى لو حد يقول لى ايقاعه ايه
مع اطيب تحياتى عادل صموئيل

[عادل صموئيل]

احبائى
اقدم لكم من الاناشيد الدينية للأطفال

اعظم انسان

مع اطيب تحاتى

[muhamadibra]

احبائى
اقدم لكم من الاناشيد الدينية للأطفال

اعظم انسان

مع اطيب تحاتى


الشكر الجزيل للمايسترو لهذه النوتة الجميلة والمطلوبة للاطفال - وتصلح للمناسبات - والدعاء لك بالصحة وراحة البال
د محمد إبراهيم

[qnet022@icoo]

ولا حياه لمن تنادي،
في ايه جرى ايه محد بعبر حد:mad::mad::)،
شكلوا الواحد هنا بيتكلم مع نفسه،!!!!!

[علي ثلاثة]

أستاذ عادل
ما يزال عطاؤك متواليا
وفي كل مرة تتحفنا بالجديد
الذي يعجب ونرتاح له
ومؤخرا أثريت المنتدى بالجديد
إضافة ونوعا

فشكرا لك وألف شكر
---.
لا تزال هناك بعض الكنوز من طرب العرب.
نحن نترقب ظهورها ما بين حين وحين
وما بين الفينة والأخرى

ومن بينها على سبيل المثال لا الحصر
الصبا والجمال
وهنا رابطان لها
أحدهما من أداء
محمد عبد الوهاب
والثاني من أداء
محمد الموجي
https://www.youtube.com/watch?v=D44jX58uRHs (https://www.youtube.com/watch?v=D44jX58uRHs)

---
https://www.youtube.com/watch?v=nONVnlGNyOM (https://www.youtube.com/watch?v=nONVnlGNyOM)

والشكر مجددا

[muhamadibra]

ولا حياه لمن تنادي،
في ايه جرى ايه محد بعبر حد:mad::mad::)،
شكلوا الواحد هنا بيتكلم مع نفسه،!!!!!

اخي الفاضل - هناك مدونون بالمنتدي يسعدهم جدا تلبية اي طلب - انصحك بالدخول علي صفحة اي منهم - ا عادل صمؤيل - ا نزيه محمد - ا محمد سالم السويفي - ا نقولا مرجية -- ثم عرض الطلب - وان شاء الله تجد رد - وشكرا جزيلا
د محمد إبراهيم

[qnet022@icoo]

شكرا لمرورك الكريم د محمد،
لقد طلبت منذ ايام من الاستاذ نزيه هذه النوتات لكن للاسف لم تلبه،
ولا اعتقد انا الاساتذه لم يرو الطلب هنا ومن المفروض ان يكون الرد على جميع المواضيع ليس فقط على موضوع معين وصاحبه شخص معين،
واذا ع)لنا تصويت سترى كم كبير جدا من الناس التي تطلب النوتات الشعبيه السوريه الحديثه ..
ومره اخرى شكرا لمرورك د محمد الله يطول بعمرك:emrose:

[muhamadibra]

شكرا لمرورك الكريم د محمد،
لقد طلبت منذ ايام من الاستاذ نزيه هذه النوتات لكن للاسف لم تلبه،
ولا اعتقد انا الاساتذه لم يرو الطلب هنا ومن المفروض ان يكون الرد على جميع المواضيع ليس فقط على موضوع معين وصاحبه شخص معين،
واذا ع)لنا تصويت سترى كم كبير جدا من الناس التي تطلب النوتات الشعبيه السوريه الحديثه ..
ومره اخرى شكرا لمرورك د محمد الله يطول بعمرك:emrose:

أخي العزيز - قد يكون ا نزيه محمد قد استلم الطلب الخاص بك و سيفاجؤك بالنوتة - و لكثرة الطلبات اطلب منك بعض الصبر - وكانت نصيحتي ان تتوجه لمدون بعينه من الاساتذة وذلك لعلمي ان وقتهم مشغول وفي اغلب الاحيان لا يتصفحون سوي صفحاتهم المثبتة - وان شاء الله ستسعد بنوتاتك المطلوبة قريبا - ولا مانع من مخاطبة ا نزيه علي البريد الالكتروني الخاص به وتقبل تحياتي
د محمدإبراهيم

[المنير]

السلام عليكم
أظم صوتي إلى الأخ علي ثلاثة و ذلك بطلب "الصبا و الجمال" لأنها راقية بكل المقاييس.
تحياتي

[مهدي01]

اه ياستاذ انت حقا مبدع كنز من كنوز هذا الزمان الف شكر فكلما طلبنا لبيت
اطال الله عمرك وجعلك زخرا لهم

[سليم العباس]

إلى الأستاذ خليل سليم :

هذه نوتة اسهر لفيروز ، من تدوين الاستاذ مهدي ابراهيم . أعتقد أنها جيدة ، و في حال اطلاع الاستاذ عادل عليها و قرر إعادة تدوينها سنكون سعداء بذلك .

[خليل سليم]

شكرا جزيلا استاذ سليم العباسي على النوتة الموسيقية لاغنية اسهار للفنانه الكبيره فيروز وارجو ان يكون التعاون مستمر بين اعضاء المنتدى الكرام وكما تفضلت نرجو من استاذنا المايستروعادل النظر اليها وإعادة تدوينها اذا كان هذا ظروريا وتحياتي

[khaled makhlouf]

ممكن استاذ عادل تدوين اوبريت مصر قريبه شكرا جزيلا !:emrose:

https://www.youtube.com/watch?v=hSsuPBUxn3Y


اخى العزيز
انا مش بعرف ادون اغانى محمد منير معرفش العيب هل هو فيا ولا فى محمد منير
ممكن تحول طلبك للخ العزيز نزيه محمد لأنى شفت انو مدون اغانى لمحمد منير من قبل
مع اطيب تحياتى عادل صموئيل

[salmanas]

السلام على الاساتذه الكرام و شكرا لكم على هذه السخاوة الكبرى
انا ابحث عن نوطة يا ناعما للاستاد محمد عبد الوهاب و شكرا
آخوكم عبد الغني

[qnet022@icoo]

[/SIZE]82244]أخي العزيز - قد يكون ا نزيه محمد قد استلم الطلب الخاص بك و سيفاجؤك بالنوتة - و لكثرة الطلبات اطلب منك بعض الصبر - وكانت نصيحتي ان تتوجه لمدون بعينه من الاساتذة وذلك لعلمي ان وقتهم مشغول وفي اغلب الاحيان لا يتصفحون سوي صفحاتهم المثبتة - وان شاء الله ستسعد بنوتاتك المطلوبة قريبا - ولا مانع من مخاطبة ا نزيه علي البريد الالكتروني الخاص به وتقبل تحياتي
د محمدإبراهيم
شكرا د محمد لمرورك الكريم، جزاك الله كل خير…
لكن سبحان الله اكثر من 500 زياره لهذه الصفحه ولا شخص كلف خاطره بان يوافقني الراي في تنوين نوتات لحسام جنيد والنوتات الشعبيه السوريه،
لذلك ارجو من المراقبين حذف مشاركتي هذه في طلب النوتات ولكم جزيل الشكر. :emrose:

[عادل صموئيل]

الأخ العزيز
اسمح لى اتدخل لنك زعلت ان ماحدش رد عليك الموضوع فيه عدة مشاكل
اولا انت طلبت طلباتك فى المكان ده وهو مكان مش مخصص لطبات النوت ولكن شوف المواضيع اللى تحت حتلاقيها نوت موجودة من قبل لعدد كبير من المطربين كل فى موضوع ... يعنى لا انا ولا اى مدون من اخوتى وابنائى بيدخل المكان ده اصلا .. الحاجة التانية ان اى طلب لازم يكون مرفق بالملف الصوتى .. يعنى المدون مش بياخد اسم الاغنية ويضيع وقته فى البحث عن الملف .. كمان فيه حاجة مهمة انا مثلا من مصر يعنى المطرب اللى انت كالب لو اغانى انا ماسمعتوش اصلا يعنى اول مرة اشوف اسمه هنا .. ووسط اللكام انت كتبت كلمة ( الاغانى السورية الحديثة ) واحنا لما بندون لازم الاغنية تكون بطريقة اغانى الزمن الجميل حتى لو حديثة يعنى مفهومة الجمل ومش موزعة .. وانا شخصيا فيه مطربين كتير من دول غير مصر انا عرفتهم من هنا عن طريق طلباتكم يعنى اللى بيرفق ملف صوتى انا اول شىء بسمع منه جزء فيه اغنية الاقيها ينفع تتدون واغنية ما ينفع تتدون .. واللى تنفع تتدون بحفظها عندى وادونها فى ترتيبها واللى مش بتنفع خلاص .. يعنى لو فيه مطرب من بلد كذا انت عمرك ماسمعت عنه ولاتعرف اغانيه طيب حاتعرفها كيف ؟ وانت ايضا قلت انك بعثت للأخ نزيه ع الخاص وماردش اكيد لأنه مايعرفش المطرب ده اصلا
يعنى انا كمصرى حافظ الاغانى المصرية الشهيرة لما عضو يطلب منى اغنية 3 سلامات مثلا لمحمد قنديل انا عارفها جدا فهمت المقصود ؟ مع اطيب تحياتى عادل صموئيل

[عادل صموئيل]

احبائى
يسعدنى ويشرفنى ان اقدم لكم لحن عبد الوهاب الرائع لفيروز

اسهر بعد اسهر

وعايز اقول حاجات وخواطر كتير ... اولها انا ماكنتش اعرف ان عبد الوهاب هو صاحب اللحن إلا منكم هنا .. لأن الاغنية مكانتش بتتذاع كتير عندنا ف مصر وعشان اللهجة لبنانية انا كنت متخيلها للرحبانية .. لأن عبد الوهاب كان بيلحن القصائد لفيروز مر بى وسكن الليل تفاديا من الاخطاء او عدم الاقناع فى اللهجة اللبنانية بعكس فريد الاطرش مثلا .. انا شفت النوتة المقدمة من الاخ العزيز سليم العباسى .. ماعجبتنيش خالص يعنى مليئة بالاخطاء والدقة المتناهية مش موجودة وحاجات كتير جدا ناقصة .. وكان من حق عبد الوهاب عليا انى اقدمها تانى بس مكتوبة بدقة متناهية .. فيه موضوع فى منتهى الخطورة فى اخطاء التدوين ممكن مش ان المدون مش شاطر او محدود ولكن انو يكون مش فاهم الملحن عايز ايه او عامل الجملة ازاى .. ودى بتيجى من انو بيسمعها او بيكتبها من الذاكرة وانا عشان اتلافى الخطأ ده اى اغنية حتى لو حافظها من زمان وبعزفها عشان ادونها لازم اسمع واكتبها من ملف صوتى وكتير اوى بيطلع حاجات مرت عليا بستكشفها من جديد من الملف الصوتى لأن الناس دول كانوا عباقرة يعنى انت لو سمعت الاغنية عادى لكن لو دققت اوى اوى فيها حتلاقى حاجات تانية خالص .. احنا كمصريين بنسمع الاغنية دى زى النطق يعنى اسمها عندنا : اسهار بعد اسهار .. ولكن اللى بيعرف اللهجة الشامية حرف الألف الثانى ده فى اللهجة يعنى هم بيمطوا سهر بحيث تبقى مسموعة سهار .. وحرف الالف اللى فى الاول ممكن يقولوه او ياكلوه يعنى ممكن يقولها اسهر او سهر .. ودى مشكلة اللحن الخطيرة اللى الاخ اللى دونها ما اخدش بالو منها يعنى فيروز او الكورالل لو داس على الالف الاولى ( يعنى حددها ) بتبقى فى اللافارى او فى آخر المازورة مش فى اول المازورة زى ماهو كاتب واتكرر كتير نفس الخطأ .. يعنى انا شغلت الملف الصوتى وشفت النوتة لقيت ان معظم اسهر حرف الالف الاول فى آخر المزورة مش على الدوم ... وده طبعا خطأ خطير فى التدوين .. الحاجة التانية انا فاهم عبد الوهاب وحافظه اوى اوى ,, يعنى لو مطرب جميل وفرقة حلوة بيعمل شغل رائع .. ومن اهم معالم عبد الوهاب انو لما يكرر جملة عمره ما بيعملها نسخة كربونية لازم يكون فيها لعبة او اختراع ما .. المذهب فيروز قالته بطريقة ولما قاله الكورال حصل فيه تغييرات ( مش موجودة فى النوتة المرفقة ) طبعا اضطريت اكتب المذهب من فيروز مرة والكورال مرة بعدين موسيقى الكوبليه الاول شبهها موسيقى الكوبليه التانى لكن الردود مختلفة جدا والكورال لما رد على فيروز بعد الكوبليه الاول رد بإختلاف عن لما رد عليها فى المذهب ايضا لما رد عليها فى الكوبليه التانى اختلاف عما بيقول من قبل .. ده عبد الوهاب ... طبعا انا سعيد جدا انى دونت اللحن الرائع ده هو صعب شوية لكن ان شاء الله يمشى ... واتمنى انو يعجبكم
مع اطيب تحياتى

[qnet022@icoo]

الأخ العزيز
اسمح لى اتدخل لنك زعلت ان ماحدش رد عليك الموضوع فيه عدة مشاكل
اولا انت طلبت طلباتك فى المكان ده وهو مكان مش مخصص لطبات النوت ولكن شوف المواضيع اللى تحت حتلاقيها نوت موجودة من قبل لعدد كبير من المطربين كل فى موضوع ... يعنى لا انا ولا اى مدون من اخوتى وابنائى بيدخل المكان ده اصلا .. الحاجة التانية ان اى طلب لازم يكون مرفق بالملف الصوتى .. يعنى المدون مش بياخد اسم الاغنية ويضيع وقته فى البحث عن الملف .. كمان فيه حاجة مهمة انا مثلا من مصر يعنى المطرب اللى انت كالب لو اغانى انا ماسمعتوش اصلا يعنى اول مرة اشوف اسمه هنا .. ووسط اللكام انت كتبت كلمة ( الاغانى السورية الحديثة ) واحنا لما بندون لازم الاغنية تكون بطريقة اغانى الزمن الجميل حتى لو حديثة يعنى مفهومة الجمل ومش موزعة .. وانا شخصيا فيه مطربين كتير من دول غير مصر انا عرفتهم من هنا عن طريق طلباتكم يعنى اللى بيرفق ملف صوتى انا اول شىء بسمع منه جزء فيه اغنية الاقيها ينفع تتدون واغنية ما ينفع تتدون .. واللى تنفع تتدون بحفظها عندى وادونها فى ترتيبها واللى مش بتنفع خلاص .. يعنى لو فيه مطرب من بلد كذا انت عمرك ماسمعت عنه ولاتعرف اغانيه طيب حاتعرفها كيف ؟ وانت ايضا قلت انك بعثت للأخ نزيه ع الخاص وماردش اكيد لأنه مايعرفش المطرب ده اصلا
يعنى انا كمصرى حافظ الاغانى المصرية الشهيرة لما عضو يطلب منى اغنية 3 سلامات مثلا لمحمد قنديل انا عارفها جدا فهمت المقصود ؟ مع اطيب تحياتى عادل صموئيل

الله يسعد اوقاتك دكتور عادل،
الله يطول بعمرك ويزيدك من نعيمه ويعطيك الصحه والعافيه،
الله يخليلنا اياك وما يحرمنا من اطلالتك،
دكتور عادل معاك حق 100% وانا اوفقك الراي كلام سليم
،
الف شكر لداخلتك الكريمه، الله يعطيك الف عافيه وجزيل الشكر لمجهودك الذي تبذله في تدوينك لنوت الموسيقيه الرائعه والقيمه،
ارجو ان تتقبل تحياتي:emrose:

[سليم العباس]

تحية أستاذ عادل و كل الشكر على التدوين الدقيق و المميز لأغنية اسهر للسيدة فيروز . و كما أشرت حضرتك من يسمع اللحن يعتقد أنه لحن رحباني ربما بسبب التوزيع الموسيقي الذي يميز أغاني الرحابنة .


على سيرة الأستاذ الكبير محمد عبد الوهاب أود أن نسمع تعليقك حول كتاب الشاعر فاروق جويدة و الذي صدر حديثا بعنوان ( كتاب رحلتي ...الأوراق الخاصة جداً ) والذي يتحدث فيه عن أمور لم نعلمها مسبقا عن الاستاذ عبد الوهاب ، و حسب الشاعر فأن محتوى الكتاب مأخوذ من مذكرات الأستاذ عبد الوهاب و أوراقه التي سلمته إياها زوجة الموسيقار و عددها حوالي 600 ورقة .
ما يلفت الانتباه هو مواقفه السياسية اتجاه الرئيس جمال عبد الناصر ذماً و الرئيس أنور السادات مديحاً .

أما من الناحية الفنية و حسب الكتاب :

فيروز

قال عنها تحت عنوان " فيروز سُلطة الأغنية القصيرة " بأنها "أقدر" المطربات في تأدية تلك الأغاني, نظرا لقدرتها على إطراب السامع في أقصر وقت وكأنه استمع إليها لساعات "

بليغ حمدي

موهوب وملحن شارع أكثر مما هو ملحن صالون, لكنه " ومضات من ألماس مركبة على تركيبات من الصفيح" عنده صمم لغير ألحانه, فهو لا يحس بجمال غيره ولا يريد أن يحس بهذا الجمال , وإذا مدحته في حضوره انتفخ كالديك الرومي .

سيد مكاوي

مريح وهادئ حيث يشعر عبد الوهاب حين يسمع له يغني بأنه "يسب المغنين والملحنين ويسب اليوم الذي وجد فيه في وقت واحد مع هؤلاء وهؤلاء، وأشعر وكأنه يقول لهم بغنائه هكذا يكون الغناء وهكذا يكون التلحين يا أولاد ال..... "

.

كمال الطويل

"موهوب وعاقل وربما يكون أجمل خاطر عند كمال لا يبلغ أكثر من ثمانية من عشرة, ولكنه يضعه في إطار لا يقل عن سبعة أو ستة من عشرة, ليس تاجرا في فنه رغم أنه تاجر جدا في حياته "

كمال الطويل ملحن نخبوي أي "ملحن صالون", أكثر مما هو ملحن شارع لكنه بلا ومضات باهرة

و يقول عبد الوهاب في الفن عموماً :

يرى عبد الوهاب بأن الاشتراكية أفسدت الفن ، مشددا على أن " الأغلبية والجماهيرية لا تدفع فناً إلى الرقي . أما الملوك والأمراء والصفوة فكانوا يتسمون بحسن الاستماع إلى الفن الرفيع "



أرجو إبداء رأيك في الموضوع و خاصة ما قاله بأن الملوك و صفوة المجتمع هم من يرتقون بالفن و ليس الجماهير .

شكرا لك .
اخى العزيز
هو موضوع عبد الوهاب مركب ومعقد .. ولازم يتفهم كويس جدا جدا .. اولا رأى عبد الوهاب ان لم يوافق عليه عدد كبير من الجمهور يبقى مالوش قيمة .. يعنى مدحه لفيروز طبعا فى محله جدا جدا يعنى فيروز مطربة مش مغنية .. وتقدر فى اغنية طولها 3 دقائق تخليك تطرب وتحلق فى السماء وده عشان يحصل مع ام كلثوم مثلا لازم تغنى كوبليه واحد وتعيد فيه لمدة عشر دقائق .. لكن الموضوع مش موضوع فيروز فقط يعنى المطرب العملاق بدون لحن عملاق وفرقة عملاقة يفقد 60 من قوته .. يعنى لحن زى ستى ياستى ... مكالمة تليفونية يعنى مش موضوع يتغنى اصلا .. لكن شوف انت حسيت بإيه لما سمعته .. واختلاف فيروز عن غيرها ان 90% من اغانيها قصيرة لكن فيها كمية طربية تفوق ساعات بيغنيها غيرها .. اما عن رأيه فى بليغ حمدى نابع من اختلاف الطريقة .. يعنى لمدة عشرين عاما عبد الوهاب مكانش بيشتغل مع حد غيرنا ( اقصد يعنى مش بيعمل الحان مع حد غيرنا انا معرفش عنها حاجة ) كان بيعمل لحن واحد فى السنة بيبذل فيه كل جهده وبالطبع بيبقى لحن شهير او هو اقوى لحن فى السنة فى مصر وايام ام كلثوم كان بيعمل اللحن الكبير ده وممكن يعمل لحن صغير لعبد الحليم مثلا لكن مش اكتر .. ما بليغكان بيلحن كتير ولأى حد .. يعنى لو فى سنة عمل اغنية لأم كلثوم كان ممكن يعمل عشرات الاغانى لغيرها وبالطبع كتر الشغل بيخلى الالحان تبقى مش بنفس الجودة يعنى بيركز اوى مع المطرب الكبير والمطرب الصغير بيبقى اقل .. اما كمال الطويل كان ملحن هاوى .. يعنى انا كنت بشوفه كل كذا سنة ( وكلمة اشوفه يعنى ييجى يعمل معانا لحن ) .. هو كان رجل اعمال ناحج جدا .. لكن كان بيلحن بمزاجه لما يحب يلحن يعنى او كان ممكن ياخد كلمات ويقعد ينقنق ( يعنى كل شهر يعمل جملة )فيها 3 سنين .. لذلك كانت الحان كمال الطويل كلها : خلاصة على قلة عددها وكان بيحب نجاة الصغيرة وسعاد حسنى بالذات لكن نجاة كان بيعمل لها اغانى من العيار التقيل اما سعاد خرجت منه نوعية جديدة من التلحين وهى الاغانى المرحة الشقية ( وللعلم هو كان شخصيته جد جدا ماعندوش مرح خالص ) يعنى كلنا كنا مستغربين على الحانه لسعاد حسنى .. اما موضوع الملوك والصفوة .. فيه ملوك بيحبوا الفن اوى اوى زى مثلا الملك الحسن الثانى رحمه الله يعنى اقدر اقول يابخت اى فنان متميز فى المغرب فى عهده لأنه كان بيشجع وسائل الاعلام ترفعه فوق وان بيحب عبد الحليم بصفة خاصة يعنى لما كنا بتروح المغرب ما اقدرش اوصف لك الحفاوة البالغة اللى كنا بنتقابل بيها من الملك شخصيا وبالطبع من كل من فى المغرب الشقيق اما باقى الملوك فا الدرجة بتختلف .. يعنى مثلا السلطان قابوس فى سلطنة عمان بيحب الفن بدرجة عالية جدا وعمل على انشاء كذا فرقة موسيقية رائعة منهم فرقة سيمفونية للفتيات فقط .. لكن الصفوة اهم لن عددهم اكتر من الملوك .. هو مشكلة الفن او اخطر مشكلة فى الفن القوة الشرائية فى السوق .. يعنى لما منتج بيعمل شريط لفنان ما .. لو المنتج كسب اوى بيكرر التجربة ولو خسر طبعا بيمتنع .. ايام الزمن الجميل الاولى يعنى فى الفترة من 1950 الى 1970 كان الحس الفنى والرقى الثقافى عالى اوى اوى عند الشعوب لذلك كانت شرائط ام كلثوم وحليم ونجوم القمة بتتباع فورا ويعملوا منها نسخ تانية كذا مرة لأن المثقفين كان عندهم فلوس .. بعدين حصلت طفرة او صدمة ان المثقفين ابتدوا يفتقروا وظهرت طبقات غنية من العمال والصناع الحرفيين والتجار اللى اغتنوا فجأة وثقافتهم محدودة او معدومة مع ظهرو احمد عدوية كانت الطبقة دى ماتفهمش الاطلا لكن عجبتها السح الدح امبو .. وهنا حدثت الكارثة بقت تعمل فن عالى تخسر فلوسك يعملوا فن هابط بيكسبوا ملايين ومستمرة حتى الآن
اما عن موقف عبد الوهاب وعبد الناصر ( مع العلم ان احلا اناشيد لعبد الناصر كانت من تلحين عبد الوهاب ) .. كان فيه حساسية بين نظام عبد الناصر ونظام الملك فاروق .. يعنى تم تشويعه عهد الملك فاروق بكل الوسائل مع انه مكانش وحش بالشكل ده يعنى ابويا بيحكى لى او حتى فى الافلام القديمة كانت مصر ايام الملك فاروق ارقى عصر .. ابسط حاجة كانت موضة الملابس الحريمى بتظهر فى مصر قبل باريس .. وكان بيسيطر على كل حاجة فى البلد الباشوات واولادهم ودول كان عندهم مربيات اجانب بتربيهم على قمة الذوق والاتيكيت بعكس اغنياء السبعينيات اللى جم من قاع المجتمع .. لذلك كان عبد الناصر ومن معه بينظروا الى عبد الوهاب وام كلثوم على انهم بتوع الملك فاروق وكانوا بيحبوا عبد الحليم اكتر لأنه ظهر مع الثورة يعنى بتاع الثورة .. مش فاهمين ان المطرب الكبير بالذات لازم يمدح النظام المودود لأن الاغانى دى هى اللى بتخلى الشعب يلتف حوالين النظام ... يعنى المطرب لازم يكون لو دور سياسى اما مدحا او ذما ...يعنى سيد درويش كان ايام الاحتلال الانجليزى كان بيكره الانجليز فكانت معظم اغانية ذم فى الانجليز عشان الناس تكرههم اكتر واكتر .. وسيد درويش نفسه لو كان جه فى عصر حاكم زى السيسى عندنا دلوقتى لكان عمل لو اغانى تخلى الناس تحبه اكتر واكتر .. ولا تنسى ايه الفرق بين الاغنية من مطرب محبوب والخطاب .. ان خطاب الرئيس بيتذاع مرتين تلاتة لكن الاغنية بتتذاع كتير لذلك الرئيس لو عايز يوجه شىء للشعب من المفضل ان يخلى المطرب الحبوب يغنيه
مع اطيب تحياتى عادل صموئيل

[خليل سليم]

كل الحب والتقدير للاستاذ القدير عادل المحترم على ماقدم ويقدم من روائع التدوين الموسيقي للموسيقى والاغاني العربية والذي اعتبره مدرسه متطوره في فن التدوين الموسيقي الحديث لما تمتاز به من دقت التدوين وحرفية وسهولة التعبير وشكرا على رائعة فيروز أسهار بعد اسهار ولو اني اطمع في عطائك المتميزحيث طلبت سابقا اغنية الشوق والحب حنين من الحان الملحن الخالد كمال الطويل واطلب الان رائعة العندليب الاسمر عبد الحليم حافظ ضي القناديل اذا امكن حيث اني وجدت النوتة في موقعا ما لكن اني متاكد تدونك اسهل ومتميزفارجو من حظرتك استاذ عادل المحترم تلبيت طلبي هذا وشكرا وحفظك الرب

[muhamadibra]

الشكر الجزيل للمايسترو - كبير المدونين - من وجهة نظري - واكيد كلامه واضح ويدور في نفس معني كلامي - ممكن تتوجه بالملف الصوتي لمن تريد من المدونين العظام المتطوعين - وستحصل علي ما تريد بإذن الله - ولكن لم نعرف اسم الاخ من سوريا الشقيقة - ونحيه علي ثقته الغالية
د محمد إبراهيم

[Mohamedelrabeay]

نوتة نشيد قمر سيدنا النبي

[Mohamedelrabeay]

الدكتور و الاستاذ عادل صموئيل شكرا علي المجهود الكبير
ارجومن حضرتك تدوين نوتة نشيد قمر سيدنا النبي للمنشد مصطفى عاطف
وارجو الا اكون اثقلت عليك ........وشكرا

يا احبائى ما احنا قلنا مليون مرة اللى يطلب طلب لازم يرفق معه الملف الصوتى وبالذات للأغانى اللى مش مصرية يعنى المطرب اللى انت طالبه انا معرفوش ومعرفش الاغنية اصلا حدونها ازاى .. ولما بتنزل الملف انا اول شى بسمع منه جزء لو كان على طريقة الاغانى الديمة ممكن ادونه ولو كان على طريقة الاغانى الحديثة ما ينفعش يتدون
وجدير بالذكر ان كتير لو رجعت الى الخلف كذا مطرب ومطربة من الشام ومن لبنان اعضاء نزلوا لى المفات وانا كنت معرفهمش اصلا لكن الاغانى كانت حلوة وممكن تدوينها وعملتها
مع اطيب تحياتى عادل صموئيل

[منذر44]

استاذ عادل شكرا على هذه المعلومات الهامة والقيمة
وشكرا للتدوين الرائع لاغنية اسهار
استاذ عادل بمناسبة الحديث عن الملحنين كنت قد ذكرت حضرتك انك عملت
مع الملحن الكبير والرائع خالد الامير والذي كان مجهولا بالنسبة لي ويكفي انه من
لحن اغنية وحشتني لسعاد محمد التي ذاع صيتها في كل الوطن العربي وملحنها لا احد
يعرف عنه اي شيئ فأرجو من حضرتك ان تحدثنا عن هذا الملحن وهل هو ما زال على قيد الحياة
مع تحياتي

اخى العزيز
الملحن خالد الامير كان ضابطا فى الجيش .. وكان متزوج من الفنانة ليلى طاهر وهو مازال على قيد الحياة بس بعيد عن الانظار وكان ساكن فى ميدان الاوبرا فى القاهرة يعنى امام الاوبرا القديمة اللى اتحرقت وهو ملحن عذب هادى الالحان وعمل الحان كتير لعدد كبير من الفنانين من اشهرهم الفناة شادية وسعاد محمد
مع اطيب تحياتى

[qnet022@icoo]

اسعد الله اوقاتك استاذنا ومعلمنا د عادل صموئيل
استاذي الغالي والكريم الله يعطيك الف عافيه اما بعد اذا كان وقتكم يسمح لكم في التدوين الاغاني التاليه فياريت تتكرم علينا ، واذا لايسمح وقتكم فعذركم معكم لكتره اشغالكم وفي كلتا الحاليتن لم الشكر الجزيل والعرفان واطال الله في عمركم:emrose:
1:
حسام جنيد مع السلامة 2012 ...: https://youtu.be/emAwo2h1k_s
2:
حسام جنيد- سامحتك: https://youtu.be/RRULVVV48Pw
3:
كنت بنت 3 سنين جورج وسوف George Wassouf: https://youtu.be/rZvzXtyHR1U

اخى العزيز
مع الاسف الاغانى دى متسجلة بالطريقة الحديثة يعنى مش بفرقة موسيقسية ولكن اورج واحد داخل استوديو وعازف واحد بيجل تراك ثم يضيف اليه مجموعة من التراكات ودى صعب جدا تتدون وحتى لو اتدونت يبقى صعب تتعزف يعنى احنا هنا بندون اغانى الزمن الجميل فقط ليه ؟ لأن اللحن من اوله لآخره متسجل على فرقة موسيقية ومافيهوش فزلكة يعنى اسمع اى اغنية م اللى انا مدونهم تلاقى لحن واضح من اول لاخر حرف وانت ممكن بألة واحدة تعزفه لكن الالحان الحديثة بتبقى حاجات متداخلة على بعض يعنى حتى لو حصل وانت عزفته حاتعزف صوت واحد من كذا صوت مع بعض اللى حايسمعك يلاقى حاجات كتير ناقصة بعكس مثلا لو انت عزفت اغنية لصباح فخرى او وديع الصافى تقدر لوحدك بألة واحدة تقول اللحن كله وتطرب المستمعين ... يعنى الاغانى الحديثة دى تتسمع فقط .. واللى بيعملوها بيعملوها انها سبوبة تكسب فلوس لنها حاتندثر بعكس اغانى الزمن الجميل بتعيش لأبد الدهر لأن ممكن تطلع اجيال واجيال تقدر تعزفها
مع اطيب تحياتى عادل صموئيل

[فاضل فخرالدين]

تحية للجميع
شكرا استاذ عادل على نوتة اسهار بعد سهار وتعليقاتك المميزة
في إحد اللقاءات الإذاعية او التلفزيونية مع الموسيقار (الذي لم اجد الرابط له بعد وحبذا لو وضعه أحد الأخوة) .يتحدث فيها عبد الوهاب عن قصة ولادة لحن "سهار بعد سهار" ويتوقف طويلا ليعرب عن إعجابه ب "ت" يحرز المشوار. ويشرح قصر هذه ال (ت) وبلاغتها مقابل طول (علشان) لتؤدي نفس الغرض

بمناسبة ألحان الموسيقار لفيروز، ما رأيكم ب دق الهوا عالباب
https://www.youtube.com/watch?v=crUedOxXCS0

دق الهوى عالباب قلنا حبايبنا قلنا الحلو اللي غاب جايي يعاتبنا قمنا فتحنا الباب و الشوق دوبنا تاري الهوا كذاب قصده يداعبنا تعب الشتي والنار غفيت بموقدنا لا في حكي ولا قمار تنزل وتاخدنا ودق الهوى على الباب قلنا الهوى كذاب ولما فتحنا الباب طلوا حبايبنا

[برهان عواد]

سلامي لأعضاء المنتدى الكرام, و اخص الأستاذ عادل

جزيل الشكر لمجهودك العظيم في تبسيط الموسيقى التراثية الشرقية,

ممكن طلب أستاذ عادل, ألا و هو التدوين لموسيقى تصويرية من مسلسل سوري

اسمه أهل الغرام. تحتوي على مقطعين مدة كل مقطع حوالي الدقيقة الواحدة

العزف يضم الكمنجة و البيانو و الساسكس و العود بعزف أقرب ل Solo

اعرف ان حضرتك عندما تدون النوتة, تدونها بمصدقية و احترافية لتتناسب مع الملف الاصلي المرفوع

اعرف ان نوتة الساكسافون و ألات أخرى نفخية تكون سلالمها الموسيقية مختلفة عن ألات أخرى

و لكن هل هناك طريقة منهجية شرقية معادلة ل Transposing

يتم من خلالها تبسيطها النوتة من قبل العازف و ليس الملحن أو الموزع

لتناسب مع الات التخت الشرقي (( العود)) في حالتي هذه.

مقصدي في حال تفضلت شاكرا بتدوين المقطوعتين,

كيف سأعزف العود و الساكس و الكمنجات من خلال نوتة واحدة في حين

انها تكون مكتوبة بنوتات مختلفة لألات مختلفة عندما تعزفها الفرقة الموسيقية.

أشكرك جزيل الشكر في الرد على تسألاتي حول هذا الموضوع

المقطع الأول:

https://www.youtube.com/watch?v=fBXCPmbaLZE


المقطع الثاني: مع ملاحظة وجود ضجيج صوتي غير موسيقي في الثانية 19 و الثانية 55

لان المقطع تم أخذه من داخل المسلسل نفسه و اغلب الظن حركة الممثلين داخل كادر التصوير

https://www.youtube.com/watch?v=d9vYraDAqX8


اخى العزيز
نفس المشكلة الموسيقى معمولة بالطريقة الحديثة وهى التداخلات ودى ما ينفعش تتكب لأنى بكتب خط لحنى واحد والمستمع سامع كذا حاجات متداخلة مع بعضها .. فأنا لو عزفت المسمع حايحس ان حاجات ناقصة مش حايسعد بعزفك يعنى خلاف لو عزفت اغنية من النوعية اللى انا بكتبها انت بالعود فقط حتقول الاغنية كلها من اول لآخر حرف فهمت الفرق كمان صولو اكمنجة فى الاول ده تقسيمة مش تلحين وما ينفعش يتكتب
مع اطيب تحياتى

[محي الدين عدنان]

ممكننوتة يا امي يام الوفى للمطرب سعدون جابر مع الشكر الجزيل للضرورة

[عاصم المنشاوى]

الأصدقاء الأعزاء

أرجو أن لاتنسوا صديقنا الرائع ....فاكهة المنتدى الأستاذ / أحمد عبد الله الأمير...الشهير باسم (نور الصباح)
أرجو أن لاتنسوه من دعائكم له بالشفاء العاجل...حيث تكررت اصابته بغيبوبة مرض السكرى اللعين... شافاك الله وعافاك يأستاذ / احمد ...ونتمنى من الله ان تعود لنا سليما معافى وتسعدنا بقلمك دوما .....

الدكتور منذر / كل ماتريد معرفته عن الملحن /خالد الأمير ...صاحب "وحشتنى "...و"أتعودت عليك"..و" كده برضو ياقمر"...هو بنفسه يحكى لحضرتك قصة حياته على اللينك ده من صفحة برامج أذاعية مميزة صفحة 5

http://www.sama3y.net/forum/attachment.php?attachmentid=97416&d=1215201385

[خليل سليم]

اسال الله العظيم رب العرش العظيم أن يشفيك استاذ احمد ويعيد لك صحتك وعافيتك ونشاطك المميز لاحبائك وللمنتدئ وشكرا استاذ عاصم المنشاوي حول التنويه بخصوص صحة الاستاذ احمد عبدلله الامير

[muhamadibra]

جزي الله الاستاذ عاصم المنشاوي كل خير - وانا حقيقة افتقد الاخ الغالي نور الصباح بروحه المرحة وذوقه العالي - شفاه الله وعافاه - وقد عرضت امكانية المشورة لمن لديه تقارير عن حالته واعيد واكرر ذلك وهذا هو البريد الالكتروني خاصتي للتواصل - والله المستعان miossicls@yahoo.co.uk
د محمد إبراهيم

[عاصم المنشاوى]

الأصدقاء

اشكركم على سرعة تفاعلكم مع غياب الأستاذ / اجمد نور الصباح...وسأتصل به غدا أنشاءالله وسيسعده بالتأكيد سماع ان هناك من يهتم بأخباره ....المهم ان ندعو له....

الأستاذ عادل ...يلاحظ دائما أن الأغانى حينما يتم تسجيلها أستديو غير عزفها فى الحفل ...ان الأستديو أبطأ والحفل اسرع ...أو العكس ...الأيقاع فى الأستديو أسرع والحفل أبطأ....

مرفق هنا ...من أروع اغانى نجاة وبليغ ....وللأسف غير مشهورة ...وللأسف لاتذاع رغم أنها -كعادة أغانى العظماء- صالحة حتى الآن ..... كلماتها تنطبق على مصر حتى الآن ....ربما لتكرار دروس التاريخ ...لأنه هناك فى الدول العربية من لديه ذاكرة الأسماك....وأسمعوا كلماتها جيدا ...عيشى ياأغلى وطن فى الدنيا درع لأمتنا العربية ....درع يصون أمجادنا الغالية ويعلى راية الحرية....

الأغنية جميلة ولكن يبدو ان مهندس الصوت أراد جعلها لاتتجاوز الأربع دقائق ...فجعل نجاة تغنى وتجرى ...بينما هنا فى حفل اعتقد فى لبنان فى الستينات كانت أبطأ
https://youtu.be/I6FdjV8IwPM

أستاذ عادل ممكن تكتبهالنا من فضلك على ريتم أو أيقاع ابطأ شوية ..او على ايقاع الحفل .وهل هناك من يستطيع أعادة تسجيل الأغنية ولكن بسرعة اقل.....ويعيد رفعها مرة أخرى ....؟.......تحباتى لكم جميعا
اخى العزيز
انت فتحت موضوع فى منتهى الاهمية والخطورة وهو فرق السرعة .. ومش معقول مهندس الصوت يقوم بتسريع او يخلى نجاة تجرى لن مهندس الصوت دى مش شغلته ولكنه بينفذ تعليمات الملحن .. والحفلة المرفقة دى هى صوت نجاة الطبيعى او سرعة التسجيل العادية واقصد بسرعة التسجيل مش ان المطرب يجرى ولكن سرعة دوران الشريط على الماكينة .. وطبعا الحفلة اطول لأنى لاحظت انهم بيعيدوا كتير .. اما التسجيل المرفق فيه خطأ فنى لأن ده مش صوت نجاة ولكن الاغنية منقولة على جهاز تسجيل سرعته بطيئة ولما الشريط اللى اتسجل عليه يتحط على جهاز سرعته مضبوطة حاتتسمع الصوت ارفع واسرع .. وده عيب خطير كان زمان بيحصل فى اجهزة التسجيل الماركات اللى مش محترمة زمان .. يعنى مثلا لو عندك جهاز تسجيل كاسيت بيكون مكتوب عليه سرعة الشريط 1.7/8 سم / ث ودى بتحصل ان بيبقى فى الجهاز المحترم ستابلايزر على الموتور وبمك ساعات رفيع ممكن الجهاز يتسرع او يتبطأ او فنى غشيم لعب فيه وهو مش فاهم .. وانا زمان كنت بطلح اجهزتى بنفسى وكانت دى اخطر حاجة ان الاجهزة بتاعتى تكون كلها سرعة واحدة وكنت بستعمل جهاز زى التيونر بتاع الاورج دلوقتى واسجل منه نغمة طويلة على الجهاز المضبوط بعدين احط الشريط على الجهاز التانى واقيس النغمة لو لقيتها ناقصة من الاستابليزر اللى قلت عليه كنت بظبطها .. بحيث انك لو نقلت الاغنية من جهاز لجهاز بتطلع بنفس السرعة دلوقتى العملية دى بتتظبط ببرنامج فى الكمبيوتر بيزود او ينقص سرعة الاغنية وان شاء الله بعد ما ادونها حاصلح لك السرعة لأنها طبعا ماتتسمعش كده ده مش صوت نجاة خالص
مع اطيب تحياتى عادل صموئيل

[سليم العباس]

- أمنياتنا القلبية للأستاذ العزيز نور الصباح بالشفاء العاجل و العودة إلى رحاب المنتدى ، و انشاء الله تتغلب روحه المرحة على مرضه و يعود إلى أهله و أصدقائه بأفضل حال .

- أستاذ عادل أشكرك على التعليق الجميل حول نظرة الاستاذ عبد الوهاب و للفنانين ، و بالأخص تحليلك الذكي و المقنع عن اسباب انحدار الفن و علاقته بنخبة المجتمع .

- الاستاذ محي الدين عدنان : هذه نوتة يا أمي للفنان سعدون جابر ، تدوين الأستاذ الكبير عادل صموئيل .

[منذر44]

استاذ عاصم اشكرك من كل قلبي
واحر التمنيات للاخ العزيز نور الصباح بالشفاء العاجل

[عادل صموئيل]

احبائى

اقدم لكم من روائع نجاة الصغيرة

الشوق والحب حلى

مع اطيب تحياتى وتحية خاصة الى الاخ العزيز نور الصباح وتمنياتى له بالشفاء العاجل

[muhamadibra]

شكرا جزيلا للمايسترو علي هذه الرائعة - الشوق والحب - الحقيقة رائعة وواضحة
د محمد إبراهيم

[سليم العباس]

تحياتي لك أستاذ عاصم المنشاوي وشكراً على الاختيار الموفق لهذه الأغنية الوطنية الجميلة - التي أسمعها أول مرة - و كما أشرت حضرتك بأنها أغنية متكاملة كلمات ولحن و أداء .

هذه نسخة معدلة بعد أن قمت بإبطاء السرعة قليلاً ، أرجو أن تكون النتيجة مُرضية نوعا ما.

عيشي لكل الشعب العربي... عيشي
عيشي يا غنوة روحي و قلبي... عيشي
تحيا مصر .

[محي الدين عدنان]

شكرا استاذ سليم علة نوتة يا امي يا ا الوفا

[خليل سليم]

كم انت رائع ومبدع استاذ عادل المحترم بتلبية طلباتنا واخرها وليس اخيرا لتدوينك رائعة الفنانه القديرة نجاة الشوق والحب حلى ولا اعرف كيف اصف مشاعري وشكرا الوفيرلك راجيا من اللة تعالى ان يحفظك و ينعمك بلصحه والعافية وطول العمريارب

[تامرتامر]

مرحبا أستاذ عادل صموئيل ياريت تتكرم علينا بتدوين أغنية نجاة الصغيرة (مستغناش عنك ) وشكرا تحياتي

[عاصم المنشاوى]

الأستاذ الفنان الجميل دائما

سليم العباس....تحية حب وتقدير لما فعلته ...فعلا هو ده صوت نجاة الأصلى ...فعلا أنا أستمتعت بالأغنية ...وياريت اللى عايز يحمّلها ...يحمل بتاعة الأستاذ / سليم العباس...
دكتور /منذر ...تحياتى يادكتور ..واحنا كلنا بنخدم بعض...

كل الشكر للأستاذ الكبير / عادل صمويل ....على تدوين تحفة نجاة "الشوق والحب"...الملحن : كمال الطويل...وكلمات أصدق من كتب بلسان وأحاسيس ومشاعر المرأة : حسين السيد....

[سامى امين]

مستر عادل عندى سؤالين فى الكمانجة الاولانى بشوف عازفنين الكمانجة ينقلوا ايدهم مع بعض فى نفس البوزيشن مثلا وتر الرى الحاد ارفع الاوتار فية اول نوتة الرى مطلق وبعدها مى فا الثلاث نوت دى ممكن تتعزف على وتر الصول اللى فوق منة لكن البوزيشن ها يختلف وطبقة النغمات هى هى عاوز اعرف فين الفرق.........
السؤال التانى عن قائد الفرقة المايسترو هو لازم يكون اصلا عازف كمانجة لو مش بيعزف كمانجة ها يسيب كل موسيقى يعزف من الوضع اللى يعجبة :emrose:
اخى العزيز انت لما تعزف على الوتر الرفيع رى مطلق بعدين مى فا صول ده بيبقى طبقة اعلى او اوكتاف اعلى ولو نزلت بعد النغمة صول دى حايبقى لا سى دو رى مى فا صول طبعا اوكتافات اعلى من منتصف الكمنجة .. بس الموضوع محتاج دراسة تكنيكية مش كده وخلاص يعنى انت وانت بتعزف زى ما انت كده اسمه البوزيسيون او الوضع الاول .. البوسيسيون التانى بتطلع بإيدك ويبقى اول صباع على فا وباقى الارع اصابع بيبقوا على صول لا سى .. البوزيسيون الثالث بتطلع بإيدك بحيث يبقى اول صباع على نغمة صول والاربع اصابع بيبقوا صول لا سى دو وهكذا بس البوزيسيون التانى صعب شوية الثالث اسهل منو .. يبقى الغرض ايه من المعلية دى انها بتديك اوكتاف اعلى فى الجواب .. بس لازم تيجى بتمارين تكنيكية يعنى ازاى اول صباع اللى بيقول مى الايد تتسحب وينزل على نغمة صول ثم النغمات اللى بعدها وتبقى مضبوطة مش زايدة ولا خاسة .. والعازف قبل ما بيعزف الكلام ده بيكون دارس تمارين تكنيكية كتير غربية ودى بيبقى مكتوب رقم الصباع بمعنى انت على وتر رى الرفيع لو على نغمة صول اللى عليه فى الكتاب مكتوب رقم 1 يبقى حاتطلع بحيث الصباع الاول يقول صول وبالطبع يبقى باقى الاصابع باقى النغمات .. اما العازفين بيطلعوا كلهم نفس البوزيسيون لنهم دارسينها فى تمارين التكنيك زمان ازاى يطلعها والبوزيسيونات دى مالهاش علاقة بالمايسترو يعنى ممكن المايسترو يبقى مش عازف كمان عندك احمد فؤاد حسن كان عازف قانون لكن العازفين عارفين يعملوا ايه بالظبط وطالما كلهم دارسين بيطلعوا نفس البوزيسيون فى نفس الوقت ... وصلت ؟ يعنى الموضوع كله بإختصار انك بتعزف الجملة على اوكتاف احد .. يعنى الجملة انا ممكن اعزفها من روتر صول الغليظ مرة ومن وتر صول الاوسط ومن نغمة صول الاحد
مع اطيب تحياتى عادل صموئيل

[عادل صموئيل]

احبائى
اقدم لكم من اغانى نجاة الوطنية

عيشى لكل الشعب العربى عيشى

مع اطيب تحياتى

[عاصم المنشاوى]

تسلم أيديك ياحبيبنا ....مش عارفين نودى جمايلك فين ....

بالمناسبة ياجماعة من مميزات فترة أغانى الستينات الوطنية أن الأغنية تصلح لكل بلد....
بمعنى طبّق حضرتك كلمات الأغنية حتلاقى انه ممكن "السورى "...والعراقى"...ممكن يغنى نفس أغنية نجاة ...مش بس المصرى ....ليه لأ...؟...العراق كانت مثلا درع لأمتنا العربية ...وأن شاء الله تعود ..."سوريا"...أيضا درع لأمتنا العربية ...نتمنى ...أن تعود لنا كل الدول العربية ...قوية وقادرة ودرع يحمينا من خفافيش الظلام ....وتعيشى لكل الشعب العربى ...تعيشى ياغنوة روحى وقلبى ...تعيشى يابلادى يابلادى....

[muhamadibra]

احبائى
اقدم لكم من اغانى نجاة الوطنية

عيشى لكل الشعب العربى عيشى

مع اطيب تحياتى


رائعة جدا - كالعادة - ابدعت - فشكرا لك يا مايسترو وشكرا للمعلومات التي تفضلت بها عن الكمان
د محمدإبراهيم

[برهان عواد]

شكرا استاذ عادل على الرد على استفسارات الاخوة الاعضاء في ما يخص العزف الشرقي.

انت من القلة المتبقية من الزمن القديم الرائع.

أدامك الله و أطال عمرك.

[سامى امين]

متشكر جدا يا مستر عادل هى الكمانجة صعبة جدا لكن انت شرحت محاضرة مهمة قوى ها تكشف لى كتير من اسرارها انا بسمع كثير معزوفات مستر عادل بس يا ريتها كانت متصورة :emrose:

[مهدي01]

استاذنا الغالي الا تستحق هذه الانشودة عن الام تدوين خاص من حضرتك
ممكن تضفي لمستك العبقة عليها يا هرم

[kamalia]

رائعة جدا - كالعادة - ابدعت - فشكرا لك يا مايسترو

[عادل صموئيل]

احبائى

اقدم لكم رائعة نجاة الصغيرة

مستغناش عنك بالدنيا

مع اطيب تحياتى

[muhamadibra]

احبائى

اقدم لكم رائعة نجاة الصغيرة

مستغناش عنك بالدنيا

مع اطيب تحياتى


ده احنا اللي ما نستغناش عنك ابدا - وربنا ما يحرمنا من تدويناتك العبقرية
د محمد إبراهيم

[تامرتامر]

شكرا أستاذ عادل صموئيل على تدوين أغنية نجاة مستغناش عنك بالدنيا تحياتي

[خليل سليم]

شكرا استاذنا عادل على رائعة نجاة مستغناش عنك بالدنيا وحنا هنا في المنتدى مبنستغنيش عنك بالدنيا ابدا وارجو ان لا تنساني بتدوين رائعة العندليب الاسمر ضي القناديل والتي هي من تلحين موسيقار الاجيال محمد عبد الوهاب وانت اكثر واحد ملم بحياته مع ارق تحياتي وعمق شكري وحفظك الرب

[عادل صموئيل]

احبائى
اقدم لكم من اغانى الاطفال

امى نور فى عينيا

طبعا كان الافضل الاخ العزيز مهدى يطلبها قبل عيد الام
انا شفت الاغنية دى اول مرة بالظبط من نصف ساعة وكعادى اى ملف صوتى موجود ( وعشان كده دايما بطلب الملف الصوتى ) انى بسمع منها حتة لو عجبتنى احطها فى الخطة .. انا اول ماسمعتها لقيت اطفال بتغنى بدون موسيقى بصراحة خفت منها لنى خفت لا يقولوا حروف مبهمة لن الموسيقى بتضبط الاداء لكن دهشت وصعقت وذ هلت من روعة الاطفال يعنى صوتهم مضبوط بدقة متناهية يعنى ولا محمد منير ولا تامر حسنى ولا اى حد من اللى يبغنوا دلوقتى وفعلا شدنى ابتديت اكتبه واخد منى بالضبط ربع ساعة وان شاء الله حايعجبكم وهو كنز للمدرسين اللى بيحتاجوا تعددية فى الاغانى والاناشيد اللى للمناسبات
مع اطيب تحياتى

[سليم العباس]

شكراً أستاذ عادل على التدوين الجميل لأغنية ما استغناش . بالمناسبة نجاة الصغيرة من الفنانات الرائعات و صوتها يبعث في النفس الهدوء و السكينة كما تفعل فيروز ، لكن هل هو طربي أم أن الطرب يحتاج صوتاً قوياً و أداء متمكناً كشرطين متلازمين كصوت السيدة أم كلثوم أو وردة أو ... ؟

شكرا لك

أرجو أن سمح وقتك تدوين هذه الأغنية الخفيفة للفنان راغب علامة بعنوان راغب بقربك ( بالطبع إن أعجبتك ) .

[سامى امين]

:emrose:مستر عادل طبعا عارف انك مشغول جدا والناس كلها عارفة انك من اكثر الناس عطاء صدقنى انا مش كنت عاوز اطلب نوت خالص بس هى بمناسبة درس الكمانجة اللى شرحتة فى سطرين واللى انا هاذاكرة فى شهرين او اكتر وبذاكر كل كلمة قلتها كويس جدا هى نوتة طلبها قبلى ناس كتير واخرهم الموهوب استاذ ملحن مصرى وهى اغنية ليلى مراد ماليش امل عزف صولو كمانجة انور منسى وبداء على وتر صول الغليظ وتحرك بايدية على نفس الوتر لمنطقة نصف الكمانجة :emrose:
اخى العزيز
شوف انا كتبت ييجى كام نوتة .. وماكتبتش كام طلب .. الفرق هو انى لما بتعب نفسى واكتب نوتة بتبقى عشان مليون شخص يعزفها مش عشان شخص واحد والباقى مايعرفوش يعزفوها انا كده احس انى راجل فاشل .. بالنسبة لأنور منسى بالذات ده كان فلتة بس بيختلف عن الحفناوى ان منسى التكنيك بتاعه غربى والحفناوى اقصى ما يمكن تقول فى التطريب الشرقى اللى واخد نكهة تركية على الشرقى .. كان انور منسى بيتميز بنوعية محددة مش موجودة فى كل الاغانى .. لذلك كان مش عازف فى الفرقة زينا يعنى متواجدين كل يوم ولكن كانوا بيطلبوه لما يكون لو صولو محدد او شغل .. وفى اغنية ماليش امل كان لو شغل .. والشغل ده مش من تلحين عبد الوهاب ولكن عبد الوهاب سمعه حاجة بالعود وقال لو قول وافترى وكسر الدنيا فى الحدود دى .. وبالطبع اللى قاله انور منسى ده انور منسى مش عبد الواهب وطالما انور منسى مش ممن يتكرر مافيش حد تانى ممكن يقولها زيه او حاتطلع المستمع يحس انها وحشة .. يعنى انت سمعت كل معزوفاتى حتلاقينى قلت كل الصولوهات اللى قالها الحفناوى وحتى لو انا اقل من الحفناوى لكن انا حاسس انى قلت الصولو حلو لأن ده لونى لكن انور منسى مش لونى .. كمان عشان حتى لو وجد عازف يعزف صولو انور منسى لازم يعزفها سماعى لن حتى لو اتكتبت ( ومش ممكن حاتتكتب حرفيا 100% ) العازف لازم يعزفها برضو سماعى لأن النوتة هنا حتقيده وحايطلع حاجة تعتبر قليلة جدا للى الجمهور حافظه يعنى بكرر نفس المقولة اللى قلتها مليون مرة من قبل مش كل موسيقى احنا ممكن نعزفها فيه موسيقى ممكن نسمعها بس
مع اطيب تحياتى عادل صموئيل

[kamalia]

احبائى
اقدم لكم من اغانى الاطفال

امى نور فى عينيا

طبعا كان الافضل الاخ العزيز مهدى يطلبها قبل عيد الام
انا شفت الاغنية دى اول مرة بالظبط من نصف ساعة وكعادى اى ملف صوتى موجود ( وعشان كده دايما بطلب الملف الصوتى ) انى بسمع منها حتة لو عجبتنى احطها فى الخطة .. انا اول ماسمعتها لقيت اطفال بتغنى بدون موسيقى بصراحة خفت منها لنى خفت لا يقولوا حروف مبهمة لن الموسيقى بتضبط الاداء لكن دهشت وصعقت وذ هلت من روعة الاطفال يعنى صوتهم مضبوط بدقة متناهية يعنى ولا محمد منير ولا تامر حسنى ولا اى حد من اللى يبغنوا دلوقتى وفعلا شدنى ابتديت اكتبه واخد منى بالضبط ربع ساعة وان شاء الله حايعجبكم وهو كنز للمدرسين اللى بيحتاجوا تعددية فى الاغانى والاناشيد اللى للمناسبات
مع اطيب تحياتي شكرا لك استادنا الكبير بالفعل انت استادي التاني

[مهدي01]

احبائى
اقدم لكم من اغانى الاطفال

امى نور فى عينيا

طبعا كان الافضل الاخ العزيز مهدى يطلبها قبل عيد الام
انا شفت الاغنية دى اول مرة بالظبط من نصف ساعة وكعادى اى ملف صوتى موجود ( وعشان كده دايما بطلب الملف الصوتى ) انى بسمع منها حتة لو عجبتنى احطها فى الخطة .. انا اول ماسمعتها لقيت اطفال بتغنى بدون موسيقى بصراحة خفت منها لنى خفت لا يقولوا حروف مبهمة لن الموسيقى بتضبط الاداء لكن دهشت وصعقت وذ هلت من روعة الاطفال يعنى صوتهم مضبوط بدقة متناهية يعنى ولا محمد منير ولا تامر حسنى ولا اى حد من اللى يبغنوا دلوقتى وفعلا شدنى ابتديت اكتبه واخد منى بالضبط ربع ساعة وان شاء الله حايعجبكم وهو كنز للمدرسين اللى بيحتاجوا تعددية فى الاغانى والاناشيد اللى للمناسبات
مع اطيب تحياتي شكرا لك استادنا الكبير بالفعل انت استادي التاني


استاذ عادل اولا لا اجد كلمات شكر ازفها اليك من الهدية التي دونتها
ثانيا الام تحتاج الى دعم في كل وقت فهي الام ولا تحتاج الى مناسبة و حتى الاطفال يحتاجون الى مثل هذه الاعمال
جعلك الله زخرا و عونا لنا يا هرم

[muhamadibra]

انا اليوم لن اعلق كما تعودت مع المايسترو - يكفي كلمات الاخوة الاعزاء المتابعين فهي تغني عن اي تعليق - والمايسترو يستحق اكثر واكثر
د محمدإبراهيم

[عادل صموئيل]

احبائى
اقدم لكم موشحين من التراث من اداء المطرب المتميز صباح فخرى
الاخ العزيز سليم العباسى قدم ملف فيه الاتنين بيغنيهم صباح فخرى ورابعض بس انا فضلت انى اعملهم منفصلين

موشح يمر عجبا
موشح فى الروض

انا لما سمعت الملف لقيت فى الروض سهل بالنسبة ليا لكن لما دخل على موشح فى الروض فجأة ... حصل عندى لخبطة اولا لأنى مش عارفه كويس من قبل او حايز سمعته لكن ناسيه .. اللى عمل لى ارتباك هو الايقاع .. يعنى فى التدوين اخطر حاجة الدوم لما تكون واضحة وبالذات فى الضروبلأن ده بيحدد لى الميزان وداخل كل مازورة كام حرف ولما احسه بكتب وانا مستريح .. عازف الايقاع كان مش بيدى الدوم واضحة بيدى تكوك اكتر وبعد بحث طويل ( ولو مكانش الموشح رائع ويستاهل التعب ماكنتش تعبت نفسى ) اكتشفت ان الميزان 5/8 .. وجربته مشى الحال .. بس طريقة التدوين ( وحتى فرقة الموسيقى العربية لما يكون الميزان حاجة على 8 بيكتوبه بسرعة 60 او 50 بس بيبقى طبعا فى تريبل كروش وانا بطريفتى احب التسهيل وانت شخصيا لما تسمعه حاتحس الوحدة نوار مش كروش ( طبعا فيه اكاديميين متفزلكين ممن يختلفوا معايا ) لكن انا احب التسهيل والموشح لما كتبته بعد ماف السمع تحسه معقد طالع اسهل من السهولة
مع اطيب تحياتى

[muhamadibra]

وهذا هو الاحتراف بعينه -- وعندنا في الاستاذية نقول عليه متمكن - وبالبلدي معلم - موشحان رائعان
د محمد إبراهيم

[تامرتامر]

مرحبا أستاذ عادل صموئيل ياريت تتكرم علينا بتدوين أغنية وردة الجزائرية (مساء النور والهنا) وشكرا تحياتي

[سليم العباس]

- كل الشكر والامتنان أستاذ عادل على تدوين موشحي ( يمر عجبا - في الروض ) و النوتة كانت واضحة ، سهلة وسلسة ، وذلك بفضل مجهودك الكبير و خبرتك العالية في إيصالها لنا بهذه الطريقة المميزة .
- أعتقد أن هذه النوتة بالذات أسعدت المحترفين و الهواة على حد سواء ، فتدوين الموشحات يفوق بصعوبته تدوين الأغاني العادية أضعافا عديدة .لما تحتويه على إيقاعات معقدة و موازين مركبة .
- نوتات حضرتك مدرسة أكاديمية مستقلة بذاتها ، تفوقت بجدارة على ما سبقها ، و استطاعت نشر لغة الموسيقا عند عدد كبير من الناس بعد أن كانت غامضة و مبهمة في أحيان كثيرة .

-أشكر لك ذوقك الفني الراقي و اختياراتك الموفقة في تدوين الأغاني ذات القيمة الفنية الباقية .

[منذر44]

الاستاذ العزيز عادل
لا اعرف ان كنت استمعت الى اغنية وردة الرائعة لبنان الحب
وهي من كلمات حسين السيد والحان الموسيقار محمد عبد الوهاب
عندما يسمح وقتك اتمنى تدوينها

[المنير]

السلام عليكم
الأستاذ الجميل عادل صموئيل: مليون شكرا على نوتة الموشح يمر عجبا-في الروض أنا شفت الجميل. أرجو من حضرتك نسخة على الصول بحيث تتوافق مع مقدمة من سماعي حجازكاركرد ل "طاتيويس". و لك مني جزيل الشكر

اخى العزيز
اليك نوتة موشح فى الروض من نغمة صول
مع اطيب تحياتى عادل صموئيل

[Mostafa Afifi]

السلام عليكم
أبلغ تحياتي لك يا أستاذ عادل
أنا لسة جديد في المنتدى و لما شفت تدوين حضرتك للأغاني و مدي دقه حضرتك
حبيت أطلب تدوين أغنية للفنان عمرو دياب من أفضل ما غنى
أسم الأغنية "قصاد عيني"
و دة لينك الأغنية
https://www.youtube.com/watch?v=tQ8JG1ZC41o (https://www.youtube.com/watch?v=tQ8JG1ZC41o)

[عادل صموئيل]

احبائى

اقدم لكم بناء على طلب الاخ العزيز وليد100 اغنية الفنانة وردة

بكره ياحبيبى

عجم على السى بيمول بناء على طلبه مع اطيب تحياتى

[وليد100]

السلام عليكم
شكرا جدا يااستاذ عادل :emrose:واتمني لك مذيد من التوفيق والنجاح والحب:emrose: في قلوب احبائك :emrose:ومريديك
ادعو للاخ نور الصباح بالشفاء وسلامي وتحياتي لجميع اعضاء المنتدي

[خالدموسى]

اشكرك على مجهودك الرائع واتمنى نوتة اغنية (( يا حبايب بالسلامة - عبد الحليم حافظ ))
وهذا هو الرابط على يوتيوب https://www.youtube.com/watch?v=yF3Z8l4_mRM

[خليل سليم]

شكرا استاذنا الكبير المايسترو عادل على تحفة الخالدة والعائشة في قلوبنا وردة بكرة ياحبيبي واتمنى ان لا تنسانا بتدوين رائعة العندليب الاسمر ضي القناديل ولك كل الحب والتقدير وحفظك الرب

اخى العزيز
هى ضى القناديل فى الخطة بس حدونها بدون التوزيع يعنى اللحن الاساسى لن التوزيع مش بيتدون وثانيا اللحن الموزع ماحدش حايقدر يعزفه على آلة واحدة
مع اطيب تحياتى عادل صموئيل

[عمرو الهنداوي]

أستاذ عادل شكراً على النوتات اللي في الفترة الأخيرة.. واحنا متابعبن كل النوتات اللي حضرتك بتكتبها.. بس لسه في بعض الأغاني القصيرة لعبد الحليم حافظ حضرتك ما دونتها زي " الحلو حياتي - بأمر الحب - روحي حياتي" وعلى أقل من مهلك وطبق الخطة احنا مش مستعجلين..

كنت عايز أسال حضرتك عن رأيك في صوت ماجدة الرومي وعلى حد علمي بليغ حمدي ما اشتغلشي معها ليه من وجهة نظرك..

وعايزين تشجيع حضرتك للاستاذ السويفي علشان يبطل كسل ويرجع يكتب نوتات جميلة زي كل مرة بيكتب فيها..


وكل الأمنيات الطيبة للاستاذ نور الصباح بالشفاء والرجوع بالسلامة للمنتدي

اخى العزيز
انت واحشنى فينك من زمان
بالنسبة للأغانى ان شاء الله فى الخطة بس نتاكد انى مش كاتب حاجة منهم من قبل
اما بالنسبة لماجدة الرومى مع انى بعشق فيروز مدمن فيروز يعنى لكن مش بحب ماجدة الرومى مش بتطربنى لنها هى اصلا مطربة اوبرالية وبتغنى الشرقى بطريقة الاوبرا واقصد ان الاوبرا بتبقى المطربة مكتوب ليها نوتة ولازم تلتزم بها حرفيا وبالطبع مافيهاش التطريب والتجويد بتاع الشرقى وده بيخلينى احس انها شاربة غراء او نشا .. نفس المشكلة كانت عند عفاف راضى اول ما ابتدت بس بليغ حمدى عرف يسحبها ناحية الشرقى شوية شوية وبقت مطربة شرقية .. وده اللى خلا بليغ ما اشتغلش معاها لأنها حس انها حتموت اللحن اما الاخ العزيز السويفى جايز يكون مشغول لنى عارف انه مش بيتأخر وانتم اسألوا عليه على الخاص ( بالمصرى انكشوه يعنى ) ودعواتى للأخ العزيز نور الصباح بالشفاء العاجل
مع اطيب تحياتى عادل صموئيل

[عادل صموئيل]

احبائى
اقدم لكم من اروع اغانى عبد الحليم الوطنية

ياحبايب بالسلامة

الاغنية دى انا لسه شايف الطلب بتاعها حالا وماقدرتش اتاخر يعنى دونتها فى ساعتها وهى كوبليها متكررة يعنى الحمد لله تعتبر من اسهل الاغانى فى التدوين .. الاغنية دى اتعملت تحية واحتفالا بالجيش المصرى الباسل بعد ما رجع من تحرير اليمن الشقيق فى الستينات .. وسبحان الله العباقرة دول لما بيعملوا اغنية لمناسبة ما مش بتنتهى المناسبة وتخلص ولكن ممكن تستعمل وتكون مطلوبة فى اوقات تانية كتير اقصد ماتنتهيش صلاحيتها بعد الحفلة ... بيواكب دلوقتى حرب تحرير تانية فى اليمن من الارهاب او تدمير هويتها او تقسيمها او انها تقع فى ايد حد مش امين عليها او على شعبها ويسلمها لحد تانى ( زى ما انتم فاهمين ) او تتعمل بؤرة ارهابية تعمل مشاكل خطيرة لجارتها السعودية الشقيقة او تعمل مشاكل فى البحر الاحمر زى اللى كانت فى الصومال وجابت صداع لجميع دول العالم المارة فى البحر الاحمر .. وبالطبع الجيش المصرى الباسل مش ممكن يتأخر عن الاشقاء
مع اطيب تحياتى

[muhamadibra]

كلمتين وبس - بعد احلي صباح عليكم - شكرا للمايسترو - الجميع متأهب لعطائك
دمحمدإبراهيم

[خليل سليم]

خلينا على الخطة استاذ عادل والله ما يحرمنا من كرمك وعطائك المستمر وشكرا على اغنية العندليب الاسمر ياحبايب بالسلامة والي ذكرتني في الستينيات القرن الماضي حيث كانت اذاعة بغداد تبثها عدة مرات في اليوم والتي كان فيها الرئيس العراقي والمصري الله يرحمهما والبلدين في حينه في وحدة حقيقية وانشاء الله ترجع الدول العربية في وحدة حقيقية وحفظك الرب

[المنير]

السلام عليكم
الأستاذ الجميل خفيف الروح المايسترو عادل صموئيل. أكتب لكم خطابي هذا على أسلوب سيد اللباقة و الاحترام و التقدير الأخ العزيز نور الصباح شفاه الله. لقد توصلنا بنوتة "في الروض أنا شفت الجميل" لكنكم نسيتم "يمر عجبا" أرجو من حضرتك رفعها على نغمة الصول في القريب العاجل.
لكم مني كل التقدير و الاحترام.

اخى العزيز
اقدم لك موشح يمر عجبا من نغمة الصول
مع اطيب تحياتى عادل صموئيل

[wahidfarid]

آستاذ عادل لو تسمح تضيف أغنيتين إلى قائمة النوتاة و شكرا
جرى إيه ياعزالنا
https://youtu.be/Gums4lj2kh4
حلوة لبنان
https://youtu.be/sM1b_sCR_Cg

[خالدموسى]

اشكرك على هذه السرعة فى تدوين يا حبايب بالسلامة - انت مثال للفنان الرائع الجميل

[qnet022@icoo]

السلام عليكم استاذ عادل
يا ريت اذا بتسمح في تدوين نوته اشتقنا كتير لزكي ناصيف ولك جزيل الشكر استاذنا
زكي ناصيف - اشتقنا كتير: https://youtu.be/T3t0GXe6zn0

[basma2265]

السلام عليكم استاذ عادل
لك كل الشكر والتقدير علي المجهود الرائع والنوت الجميله

[عادل صموئيل]

احبائى
اقدم لكم من روائع اغانى الفنانة وردة الوطنية

لبنان الحب

الاغنية دى اتعملت فى ظروف عصيبة كانت بتمر لبنان لا اعادها الله .. لكن النهاردة تحس ان كلماتها تحسها دول عربية كتير مهددة بالارهاب .. اطيب تحياتى ل لبنان الحبيب وتمنياتى ان يمن الله على الامة العربية بالسلام
مع اطيب تحياتى

[ahmad_alahlawy]

أستاذ عادل :
ارجو التفضل بتدوين نوتة مشيت على الاشواك لعبد الحليم في اقرب وقت ممكن للضرورة
و شكرا

[المنير]

السلام عليكم
الأستاذ المحترم و الأخ العزيز عادل صموئيل: شكرا على الموشحات و على التدوين الرائع كالعادة. لقد عزفنا "شعوري ناحيتك" من تدوينك و ذلك بشكل مباشر بحيث استغرب بعض الأصدقاء من كون بعض الصولوهات للناي تبدو معقدة لكن
النوتة بسيطة جدا. احييك من كل قلبي على الأسلوب الذي أسسته في تدوين التراث و مساعدة العازفين المبتدئين و المحترفين كذلك.
ما رأيك في دروس في التدوين تشرف عليها حضرتك من خلال اختبارات بسيطة في نهاية كل اسبوع على شكل ملف صوتي
يدونه المهتمون بالموضوع ثم تصححه في الأسبوع الموالي. و أنا اول التلاميذ.
تحياتي.

[منذر44]

لبنان الحب ومصر الحب وسوريا الحب
اتمنى ان تسود لغة الحب بين شعوبنا
نوتة رائعة ومتقنة
الاستاذ القدير عادل صموئيل لك كل الحب

[برهان عواد]

سلام للجميع.

أستاذ عادل أسعد الله اوقاتك,

أصبح الموضوع عندي هو أدمان نوتاتك المبسطة.

أرجوك..... لا تحرم السادة الأعضاء منك.

اطلع على المنتدى و على الفرع المتصل بطلب النوتات الموسيقية من حضرتك.

أعرف انك مشغول هذه الأيام, و لي رجاء لو سمحت

ألا و هو أن تأخذ راحتك في التدوين الموسيقي لأغنية من التراث العراقي,

قمت بكتابتها باللهجة العراقية و ما بين قوسين باللغة العربية الفصحى

حاولت قدر الأمكان الموائمة بين بعض الكلمات العراقية و العربية الفصحى

أتمنى ان أكون قد وفقت.

أستاذنا عادل......... تكرم بقبول احترامي لحضرتك شخصك الكريم.


https://www.youtube.com/watch?v=JR9bqILmPmc

انا يا طير..
ضيعــني نصـــــيبي
حِرت.. (( تحيريت))
لاني لهلي ولاني لحبيبي (( لست لأهلي و لست لحبيبي ))
بويا .. ((بويا ... أبي / والدي))
لاني لهلي ولاني لحبيبي
انا يا طير..
ضيعــني نصـــــيبي


حرت.. (( تحيرت))
ما بين انسى و بين الاقيك (( نسيانك أو لقاءك))
أحن مره لهلي و مرات احن ليك (( أشتاق مرة لأهلي و مرات اشتاق لك))
واطير ويالهوى لو يمر طاريك ((يالهوى ... ي أيها الهواء طاريك ..... ممر/ سبيل))
واضمك معي من اعطش حبــيبي (( من ... متى))
أنا يا طيــر
ضيعني نصيبي


انا بقلبي الحنين يفيض نهرين
الك اشتاق شوق الطيف للعين (( الك .... لك))
يالحبك دوى و فرحة هلالين (( دوى ..... دواء))
حبيبي..
اش ما تصد انت حبيبي (( حتى لو صددت عني فأنت لاتزال حبيبي))
انا يا طيــر
ضيعني نصيبي

مُر مرت حلم وبيروح يا هواي (( مر مرت ... مرارة وبيروح ... سوف يذهب يا هواي..... يا من أهوى))
انا بلياك وردة مفارقة الماي (( بلياك ... بدونك مفارقة الماي .... بلا ماء))
وجهك قمر لو غيمت دنياي
تهل فرحة وهلاهل يا حبيبي
أنا يا طير
ضيعني.. نصيبي

[djobri]

أستاذ عادل لو سمحت نوتة يسكندرية لشيخ إمام ودمت بعافية.
و هذا الرابط:
https://www.youtube.com/watch?v=n3Ok8sgg5kg

[ملحن مصري]

أغنيه
فلاح كان فايت بيغني جنب السور

لينك الاغنيه
http://songaty.com/music/flah2-43873

[Mohamedelrabeay]

[FONT="Arial Black"]كل عام وانتم بخير مرة تانيه واحب اذكر الهرم بطلبى ومش بتقل عليه بس اصلى هيه مطلوبه ضرورى
مصطفى عاطف قمر سيدنا النبى :

https://www.youtube.com/watch?v=YJFIJpHVJck#t=49

مع شكرى العميق للهرم وابى الموسيقى ....
"]ابنك / نسر الشرق

[hisham88]

احبائى
اقدم لكم من اروع اغانى عبد الحليم الوطنية

ياحبايب بالسلامة

الاغنية دى انا لسه شايف الطلب بتاعها حالا وماقدرتش اتاخر يعنى دونتها فى ساعتها وهى كوبليها متكررة يعنى الحمد لله تعتبر من اسهل الاغانى فى التدوين .. الاغنية دى اتعملت تحية واحتفالا بالجيش المصرى الباسل بعد ما رجع من تحرير اليمن الشقيق فى الستينات .. وسبحان الله العباقرة دول لما بيعملوا اغنية لمناسبة ما مش بتنتهى المناسبة وتخلص ولكن ممكن تستعمل وتكون مطلوبة فى اوقات تانية كتير اقصد ماتنتهيش صلاحيتها بعد الحفلة ... بيواكب دلوقتى حرب تحرير تانية فى اليمن من الارهاب او تدمير هويتها او تقسيمها او انها تقع فى ايد حد مش امين عليها او على شعبها ويسلمها لحد تانى ( زى ما انتم فاهمين ) او تتعمل بؤرة ارهابية تعمل مشاكل خطيرة لجارتها السعودية الشقيقة او تعمل مشاكل فى البحر الاحمر زى اللى كانت فى الصومال وجابت صداع لجميع دول العالم المارة فى البحر الاحمر .. وبالطبع الجيش المصرى الباسل مش ممكن يتأخر عن الاشقاء
مع اطيب تحياتى

الله عليك حبيبنا يا أستاذ عادل ♥♥

[عزت شحاته]

استاذى الجميل / عادل صموئيل
الاصدقاء / اعضاء الصفحة
وحشتونى جدااااااااااااااااااااااااااا
---------------------
https://onedrive.live.com/?cid=692302EEDCAB83F3&id=692302eedcab83f3%2124274&authkey=%21AKICVLIqymbI_a0
ده لينك صفحة مدونات موسيقية بقسم التربية الموسيقية اخدته من موقع كلية التربية الموسيقية
وهوه موقع متحصص واكاديمى
سعدت جدااااااااااااااااااااا
عندما وجدت نوت استاذنا العظيم
وايقنت ان الاجيال القادمة
سوف تنال حظها من فن وابداع الاستاذ
الله يرعاك
ويعوض تعبك
اخى العزيز
اشكرك من كل قلبى على الدعوة الكريمة دى .. وكلية التربية الموسيقية دى الكلية اللى انا اتخرجت منها يعنى لها خير كبير اوى اوى عليا واتمنى ان ارد لها جميلها
واكتر شىء بيسعدنى لما الاقى نوتاتى المتواضعة فى اكبر عدد من المواقع عشان يشوفها اكبر عدد من الناس .. انا عايز اقول لكم حاجة ليا قرايب كتير واصدقاء بيسألونى بتشتغل ايه او عامل ايه دلوقتى بقول لهم كذا وكذا واهم حاجة بنزل نوتات من تدوينى على النت سألونى على الفور وبتكسب منها كويس قلت لهم انا بقدمها لوجه الله طبعا الناس الماديين ما عجبتهمش الكلمة نظرا لأنهم عارفين ان لو واحد فى مكانتى بيكتب الصفحة بأسعار الناهردة بكام وبالذات لما تكون حاجات قيمة ومطلوبة ويمكن صعب شوية انك تلاقى حد معاصر للزمن الجميل وعارف دماغ الفنانين ازاى اقصد يعنى الاعمال دى تتدون ازى لأنى بدونها بطريقتهم مش بعمل فيه اى تعديل ( او الكلمة الدقيقة أفساد ) لأنهم فى كل لحن وعلى ايدى كانوا بيعملوا احلى حاجة مش محتاجة فزلكة ولا توزيع ولا عك بعد كده يعنى اللى بيتوزع هم وزعوه على ايامهم وزى ما انتم شايفين كان التوزيع حاجة خفيفة لاتفسد اللحن الاساسى .. واحد صديق تانى قال اعمل علامة مائية على النوتات عشان ماتتسرقش وهو قصده انى اكتب اسمى لبخة كبيرة فى وسط الصفحة انا قلت لو اولا انا عايزها تتسرق يعنى تتنقل زى ماهى بإسمى زى شكلها هنا وبرضو يكون مكتوب عليها منتدى سماعى لأنه هو الاصل اللى اتاح لى الفرصة انى ادون اصلا وثانيا اللى يشوف كلمة منتدى سماعى اكيد حايدخل يشوف ايه حكاية المنتدى العبقرى ده .. والاهم ان انا لو لبخت النوتة بالعلامة المائية قد تطمس بعض الحروف وانا كل حرف عندى غالى اوى
الف شكر ومع اطيب تحياتى عادل صموئيل

[عادل صموئيل]

احبائى

من اغانى وردة الخفيفة

مساء النور والهنا

مع اطيب تحياتى

[muhamadibra]

احبائى

من اغانى وردة الخفيفة

مساء النور والهنا

مع اطيب تحياتى

وأحلي وأجمل مسا يا مايسترو - اشكرك من كل قلبي
د محمد إبراهيم

[تامرتامر]

السلام عليكم شكرا الأستاذ عادل صموئيل على تدوين أغنية وردة (مساء النور والهنا) شكرا

[mahmoud feteih]

اغنيه جميله شغل عبد الوهاب وتقريبا اخر لحن عمله لورده

[خالدموسى]

استاذنا الحبيب عادل صموئيل انا من عشاق كلامك الجميل وذكرياتك عن الاعمال الموسيقية على الموقع لانه يذكرنى بالماضى الجميل الذى عايشناه مع اغنيات هؤلاء الموهوبين من الفنانين وكذلك العازفين - وانا مبتدىء فى العزف وتعلمت من بعض الفيديوهات على النت كيفية قراءة النوتة وقد ساعدتنى كثيرا النوت الموسيقية التى تدونها فى بساطتها وحرفيتها العالية على العزف منها كل يوم واملى ان اكون عازفا هاويا - ولى سؤال هل عزفى من النوتة فى بداياتى يجعلنى مع الوقت والزمن اعزف سماعى ام لا ؟
ايضا هناك بعض الاغانى لنجاة الصغيرة لم تدون حتى الان اتمنى من سعادتك ان تدونها لنا على مدى الايام القادمة ولك جزيل شكرى
1- وحياتك ياهوى عاشقين - نجاة الصغيره
وهذا هو رابط الاغنية على اليوتيوب :
https://www.youtube.com/watch?v=XTXqIHgGd5s

2- لو يطول البعد - نجاة الصغيره.
وهذا هو رابط الاغنية على اليوتيوب :
https://www.youtube.com/watch?v=vQy47GH7lgo

3- حبك الجبار نجاة الصغيره.
وهذا هو رابط الاغنية على اليوتيوب :
https://www.youtube.com/watch?v=HS-iUPnkqhA

4- حبك حياتي - نجاة الصغيره .
وهذا هو رابط الاغنية على اليوتيوب :
https://www.youtube.com/watch?v=X5euDHv_d3U

5- مهما الأيام تعمل فينا-نجاة الصغيرة .
وهذا هو رابط الاغنية على اليوتيوب :
https://www.youtube.com/watch?v=EWicNlAlA_4

6- يا حبايبى يا حلوين - نجاة الصغيرة .
وهذا هو رابط الاغنية على اليوتيوب :
https://www.youtube.com/watch?v=i7-kTU0baQc

7- قبل هواك ما يعدي عليا - نجاة الصغيرة .
وهذا هو رابط الاغنية على اليوتيوب :
https://www.youtube.com/watch?v=WPyA4WrBw1E

8- دوبنا يا حبايبنا - نجاة الصغيرة .
وهذا هو رابط الاغنية على اليوتيوب :
https://www.youtube.com/watch?v=hFhNZRXEytU

فانا من عشاق نجاة الصغيرة فصوتها عذب وكلمات اغانيها رائعة وملحنيها كانوا عمالقة من عبد الوهاب حتى بليغ حمدى
و شكرا لك استاذنا عادل صموئيل

اخى العزيز
اهلا بك
هو ممكن مع كتر العزف ييجى وقت وتعزف سماعى بس اول تجربة شوف اكتر جمل موسيقية تكون حافظها وحاول تطلعها مع نفسك .. هى الموسيقى عبارة عن علاقة بين نغملات وازمنة يعنى علامات ايقاعية الجملة بتبتدى مثلا مثلا من دو انت لما تجرب تخيل الحرف اللى بعده ايه يعنى صاعد ( فى الاتجاه رى مى ) ولا هابط ( فى الاتجاه سى ولا ) وهكذا وبعدين النغمة التانية بعيدة ولا قريبة يعنى بدان من دو النغمة التانية تبقى رى ولا فا ولاصول وهكذا بالتجربة كل حاجة حاتجى .. انا طبعا شفت طلباتك ومعظمها حلو بس راجع تانى الفهرس اللى عامله الاخ العزيز هيثم الصالحى لنى مش بفتكر اللى دونته
مع اطيب تحياتى عادل صموئيل

[خليل سليم]

تحية خالصة وسلام عاطر لاستاذنا الكبير عادل على ماقمت به وماتقوم به لخدمة الفن وللعاملين في مجال الفن والحفاظ على تراث فن الزمن الجميل الخالد ومهما طلبت من اجور مقابل ما تعمل بة من تدوين فانه قليل بحقك لكنك ابي النفس شامخا صاحب رسالة انسانية وفنيه قيمه داعيا من اللة تعالى ان يطيل عمرك ويبقيك لنا في المنتدى الراقي رائدا واستاذا وينعم عليك بالصحة والعافيه الدائمه وحفظك الرب

الاخ العزيز اشكر لك ذوقك الكريم
هى العملية انا اكيد بعد ما اشتغلت مع العمالقة ييجى عشرين سنة تطبعت بكل طباعهم .. يعنى انت لو قارنت بين اللى بيغنوا دلوقتى والعمالقة تلاقى بتوع دلوقتى اهم شى عندهم الفلوس .. اما زمان كان اهم شىء عندهم الفن
يعنى انا كان ممكن اعمل موقع على النت واللى عايزن نوتة يدفع كذا وارسلها لو على ايميله .. كنت حاكسب فلوس كتير اوى اوى لكن مين حايستفيد من النوتة ؟ اللى طالبها فقط لن انت لودفعت مبلغ من المال اكيد حاتحتفظ باللى اشتريته لنفسك وانا هنا اكون حرمت ملايين من هذه النوتة .. واقصد بكلمة ملايين لأن النوتة هنا ف سماعى شوف بيشوفها كام شخص وناس بينقلوها لمواقع تانية وبيشوفها ناس اكتر يعنى انا بكون سعيد جدا لما بسمع ان فرق كبيرة فى كذا دولة بتشتغل معظم شغلها من نوتاتى
وبعدين فيه نوتات كتيرة فى كتب مطبوعة يعنى اللى دونها قبض تمنها والناشر كسب منها ومنزلينها على المنتدى وفى معظمها اخطاء او مكتوبة بطريقة احترافية وصعبة جدا واكيد لو انت متابع بينزلوا منها نوتات ويطلبوا منى اعيد تدوينها تانى بطريقتى .. آخرها نوتة سهار بعدو سهار .. انا الاول بشوف القديمة لو تصلح بقول تصلح لو ماتصلحش اعيد تدوينها تانى وسهار دى فى النوتة القديمة كمية من الاخطاء الشنيعة زائد ان كل الجملة ما بتتعاد بيحصل فيها ردود او تغييرات جوهرية ودى طريقة عبد الوهاب اللى انا حافظها يعنى لما تسمع جملة فى الاعادة لازم تكون فيها تغيير وهذه النوتة من كتاب مطبوع وبيتباع فى الاسواق
وربنا يزيد مع اطيب تحياتى عادل صموئيل

[MOHAMED BERRIRI]

مصار اللي سيعجب مصار

[سليم العباس]

أستاذ عادل بعد التحية الفنية :

أرجو أن تضيف هذه الأغنية إلى قائمة التدوينات ، بعنوان( ياما رحنا ومشينا ) وهي من الأغاني السورية الشهيرة فترة الثمانينات للفنان نعيم حمدي .

[ramzimak]

سيدي الكريم شكرا على المجهود الكبير و لو ممكن نوتة الاغنية التونسية "بحذا حبيبتي تحلى السهرية" من مقام الاصبعين مع الشكر

[خالدموسى]

اشكرك استاذنا الجميل / عادل صموئيل على سرعة الرد على سؤالى وبالتالى حفزتنى من خلال ردك الواضح على ان استمر وبان اكثر من عزف الجمل الموسيقية التى احفظها حتى اصل الى ما ابغيه من العزف السماعى
ثانيا : لقد بحثت كما نبهتنى فى الفهرس اللى عامله الاخ العزيز هيثم الصالحى ووجدت انه لا توجد اى اغنية من الاغانى الثمانية التى طلبتها فى الفهرس ولذلك فأتمنى ان تدون هذه الاغانى حتى يستفيد منها اكبر عدد من الناس وانا اولهم طبعا
وادعوا الله ان يعطيك الصحة والخير دائما

[برهان عواد]

سلامي للجميع.

أستاذل عادل, اعبر عن أعجابي بمبادئك في ما يتعلق بنشر النوتات الموسيقية التراثية بأسلوب مبسط و جميل و بدون

مقابل مادي.

للأسف انتشرت القيم المادية الاستهلاكية عند عدد كبير من أفراد المجتمع, و انعكس ذلك على أغلب مناحي الحياة بشكل

عام.

لا أستطيع أن أعمم هنا, قلة قليلة من الاشخاص ذات نظرة ثاقبة أرتقت فوق الماديات, لتواصل حمل الرسالة الانسانية

لعدد أكبر من البشر.

هذا ما يميزهم و يعطيهم الصفة الحقيقية لكلمة (( أنسان)).

أستاذ عادل, أنت (( انسان)) بكل ما تحمله هذه الكلمة من معنى. شكرا جزيلا لك.


أعود الى كوكب الأرض و .......

أضم صوتي مع اقتراح الأخ العضو سليم عباس في تدوين أغنية يا ما رحنا و امشينا.

ِسلامي للجميع

[عادل صموئيل]

احبائى
اقدم لكم من روائع عبد الحليم حافظ

مشيت على الاشواك



انا لما بقول روائع هى رائعة فى السمع ودونتها وانا مش مقتنع بالتدوين لأن اللحن موزع من اوله لآخره والتوزيع متداخل مع اللحن الاساسى .. وفيه فرق بينها وبين نوعية اغانى موزعة زى مثلا خايف مرة احب .. لأن الثانية التوزيع اضافة او تجميل للجن الاساسى لكن ممكن تعزفها بدون التوزيع تشتغل .. انا لما بدون اغنية ليه بختار اغنية ولا اختار اغنية .. انا مش بدون واضيع وقتى وجهودى وخلاص يعنى لازم يستفيد من المدونة اكبر عدد ممكن من الناس .. وعامل حسابى ان ممكن مطرب ياخد النوتة ينفذها على فرقة او انت تعزفها مع نفسك على الآلة بتاعك يبقى انت بتعزف اللحن كله مش بتعزف صوت واحد من عشر اصوات مش موجودين .. يعنى الاغنية دى عشان تتنفذ لازم يرجع اولا عبد الحليم حافظ لأن مش حاتحصل ولا اى حد يغنيها زى عبد الحليم لأن مفيش حد زى عبد الحليم .. والحاجة الاخطر لازم يجع على اسماعيل بالنوت الاصلية بتاعته .. يعنى احنا فى ايام عبد الحليم فى الفرقة الماسية وانا كنت مسؤول عن النوت الموسيقية كان عندى كل نوت المطربين من عشرين سنة .. يعنى اى مطرب او مطربة يطلع فى دماغه يغنى اغنية قديمة كانت النوتة موجودة او ممكن لو مش موزعة تتكتب بسرعة .. لكن مكانش عندى نوت ولا اغنية من الموزعة لن الموزع كان بعد التسجيل او الحفلة بياخد معاه النوت .. اما حرصا على اسراره ان ماحدش يذاكرهم ويكتب شغله .. او ان المطرب يجيب مايسترو تانى ياخد شغله على الجاهز .. يعنى من اشهر الاغانى الموزعة الللى اتعملت حفلة وبتتذاع فى التليفزيون اغنية حبيبها حتلاحظ ان مين اللى بيقود الفرقة .. هنا مش احمد فؤاد حسن ولكن على اسماعيل وبعد الحفلة على اسماعيل اخد كل النوت وحطها فى حقيبته ومشى بحيث ان عبد الحليم لو عايز يغنيها فى اى حفلة لازم يجيب على اسماعيل .. وللعلم كانت مشكلة خطيرة وانا اتكلمت فيها مع عبد الحليم كتير انه لو انت كتبت كل اسماء اغانى عبد الحليم وهو عايز يختار اغنية من القديم يغنيها فى حفلة حتلاقينا بنستبعد عدد كبير منهم بسبب مشكلة التوزيع .. يعنى مثلا انا عزفت مع حليم من سنة 70 الى 77 .. كان كل الموزعين اللى عملوا الاغانى رحلوا .. يبقى استحالة انه يغنى اى اغنية منهم لأن لازم الموزع بنفسه يقود الفرقة ولازم طبعا تكون معاه النوت الاصلية
وحنتكلم مرة تانية عن الفرق بين قائد الفرقة والمايسترو لأن دى شغلانة ودى شغلانة تانية خالص .. اكرر جاء اللى يرد ما يعملش اقتباس للى كتبته كله يعنى ياخد اسم الاغنية فقط حرصا على عدم زيادة الصفحات بكلام مكرر
مع اطيب تحياتى

[muhamadibra]

انا عايز فقط اوجه المزيد من الشكر للمايسترو الاستاذ الدكتور - عادل صموئيل-
دمحمد إبراهيم

[برهان عواد]

أستاذ عادل أحييك,

ممكن طلب لو تكرمت

أغنية ل ليلى نظمي : ما أشربش الشاي

https://www.youtube.com/watch?v=mIzbGnqnSgo

https://www.youtube.com/watch?v=9eqXBCgfQq8


شكرا.

[خليل سليم]

باركك الرب وحفظك يااستاذنا المايستروالكبيرعادل على رائعة عبد الحليم حافظ مشيت على الاشواك واسمى ايات الشكروالاجلال الاحترام على مجهودك المستمر وتحياتي

[سامى امين]

:emrose:مستر عادل عندى نوتة عقبالك يوم ميلادك حبيت انقلها على برنامج انكور لقيت اول حرف فى النوتة كانة ادليب من حرف واحد بس مكتوب برا المازورة وبعد كدة الموازير عادى خالص 2/4 اشرح لنا يا مستر اذا كان انكور يقدر يعمل الحركة دى ولا مش يقدر صراحة نفسى اعزف اغنية عقبالك واغنية شغلونى ريتمها خطير جدا النوتات دى بيساعدنى جدا انكور فى عزفها فعلا يا مستر عادل بجد انت جبت لنا مدرس آلى فى البيت وبقينا شاطرين جدا فى الموسيقى :emrose:

[khalil mourad]

تحياتي الأخ سامي
يمكنك أن تنقل النوته على أنكور بالشكل الذي تريد، الخطوات كالنالي: انقر Setup وهناك ستجد Auto Space ، إذا كان مؤشرا علية فأزل التأشير ، وهكذا يمكن أن تكتب أي عدد شئت من العلامات داخل المازورة.
أما أذا أردت أن تخفي العدد الكسري الموجود أول السطر فهذه هي الخطوات: أنقر على Measures ثم Time Signature في اللوحة التي ستظهر لك قم بتأشير الخانة في الأسفل Hide Meter
مع تحياتي

[سامى امين]

:emrose:متشكر جدا استاذ خليل مراد وها اجرب مع انكور بالخطوات اللى قلتها :emrose:ومتشكر جدا مستر عادل انت فعلا زرعت مدرس موسقى آلى بالكهربا لا بيشرب قهوة ولا بياخد فلوس:emrose:

[عادل صموئيل]

اخى العزيز سامى

لما تلاقى كروش او علامة صغيرة لوحدها فى مازورة بتبقى الجملة بتبتدى من قبل الدوم ( اللى هو اول المازورة بكروش ) حتى تلاقى آخر الجملة بتنتهى ناقص كروش وأخر كروش فى الجملة هو اول الاعادة فهمت حاجة ؟

نبسطها شوية الجمل الموسيقية بتبتدى من
1 . من خازج المازورة بكروش
2. من اول المازورة وده الطبيعى
3 . بعد اول المازورة بكروش او نوار
عشان تعزف المكتوبة بدون مشاكل حط سكتات قبل الكروش اللى فى اول المازورة يعنى المزان لو 2/4 وعندك كروش يبقى ناقص واحد ونص حطهم سكتات قبل الكروش تشتغل معاك عادى
واطيب تحياتى

[وليد100]

السلام عليكم ورحمه الله وبركاته

[وليد100]

السلام عليكم ورحمه الله وبركاته
اذا تكرمت استاذ عادل ....نوته مين يعرف من درجه لا
ولك جزيل الشكر
وليد100

[المنير]

إلى الأستاذ عادل صموئيل
عذرا لأنني لم اجرب البرنامج الذي ارسلته لك عبر المنتدى. لقد جربت هذا البرنامج للتو فطلب ربط الطابعة بالحاسوب.ارجو ان يحل المشكلة لديك.
تحياتي.
إليك رابط البرنامج
https://www.dropbox.com/s/9cboomr3rfm1716/KX_6.2.0827_UPD.zip?dl=0

[basma2265]

كل سنه وحضرتك طيب يا استاذ عادل

الف شكر وكل سنة وانتى طيبة يابسمة وادعوا لنا العيد يمر بسلام
مع اطيب تحياتى عادل صموئيل

[خليل سليم]

اهنائك استاذنا عادل المحترم بعيد القيامة المجيد راجيا من الله ان يجعلها سنه سعيدة ومبارك عليك وعلى العالم اجمعين وحفظك الرب

[المنير]

السلام عليكم
drivertoolkit مع الكراك طلبه الباشا عادل صموئيل.

اخى العزيز اشكرك الف مليون شكر
هو كان اساس المشكلة ان فيه طابعات قديمة يعنى كانت ايام الويندوز ميلينيام وxp والطابعات دى حتى لو حطيت السى دى بتاعة التعريف بتاعها بتقول لك ان الطابعة دى لنسخ الويندوز القديمة وماتشتغل على ويندوز 7 وده بيخليك تقعد تدور على تعريفات وتحديثات وعادة بتبقى فاشلة ... واهم مافى الموضوع ان الطابعات دى اما امانى او يابانى يعنى ماكينة شديدة جدا جدا وبتاعة خدمة شاقة بعكس الطابعات الحديثة تلاقيها هشة وكلها بلاستيك ومش بتعيش حتى انت لو قارنت طابعتين بنفس المواصفات حتلاقى القديمة مثلا وزنها 10 كجم والجديدة وزنها كيلو ونصف مما يدل ان القديمة كلها حديد
اكرر شكرى واطيب تحياتى

[خالدموسى]

كل سنة وحضرتك طيب يا استاذنا الجميل

[نور الصباح]

بســـــــــــم الله الرحمن الرحيـــــــــــــــــــم
الإخـــــــوة و الأخــوات الأعــــزاء
ســـــلام الله عليكم ورحمته وبركاته
وبعـــــــــــد :
الحمــد لله حمدا كثـــــــــيرا وأشــــكره بكرة وأصــــــيلا
و أســــــــجد له سجودا طويلا يلق بعزته وجلاله بيده الأمر كله
خلقنا وكرمنا على جميع خلقه وأنعم علينا من النعم ما شاء
وما يعجز عنه الشكر والثناء
والحمد لله أولا وآخرا على ما أولانا به من نعمة الصحة والعافية
واسمحوا لى أن أشكر جميع الإخوة والأخوات الذين واسونا وتضرعوا إلى الله
- جل وعز - طالبين لنا الشفاء فى مرضنا الأخير وهم على سبيل المثال لا الحصر
الأخوة

مهدى 01
محمد بوريقة
منذر 44
Kamalia
برهان عواد
Muhamadibra
عادل صموئيل
عمرو الهنداوى
المنير
سليم العباس
ابوحمد
محمد حسنى شرع
Nader1976
Abdelhakbahouh
Nazehmohamed
Khahlil ahmed
نور عسكر
ابوعلى خفاجى
Ajenoul Driss
Blossom
يحيى زكى
صفاء الحلى
جابر المراعى
عاصم المنشاوى
وغيرهم الكثير والكثير
ونخص بالذكر الأخ الفنان الكبير
والمدون العظيم الأستاذ
{نزيــــــــــــــــــــــــــه محمـــــــــــــــــــــد }
الذى اتصل علينا أكثر من مرة بل يوميا
وكذلك الأخ العزيز مؤرخ المنتدى
{ عاصــــــــــــــــــــــم المنشــــــــــــــــــــــاوى }
فللجميع منى الشكر الجزيل والدعاء الخالص
بالصحة والعافية وطول العمر
وشكررررررررررررررررررررررررا
أخوكم
نور الصباح

[برهان عواد]

سلامي للجميع

عيد فصح مجيد و مبارك لأعضاء المنتدى الكرام

أعياد مجيدة أستاذ عادل.

اسأل المولى سبحانه و تعالى أن يديم نعمة الصحة وراحة البال عليك و على الجميع.

[برهان عواد]

سلامي ل الأستاذ نور الصباح,

حمدا لله لرجوعك الى أهلك و أحبابك بسلامة.

ان شاء الله تأجر على صبرك على مرضك و شفاءك منه.

[برهان عواد]

سلامي للجميع

عيد فصح مجيد و مبارك لأعضاء المنتدى الكرام

أعياد مجيدة أستاذ عادل.

اسأل المولى سبحانه و تعالى أن يديم نعمة الصحة وراحة البال عليك و على الجميع.

[muhamadibra]

سلامي للجميع

عيد فصح مجيد و مبارك لأعضاء المنتدى الكرام

أعياد مجيدة أستاذ عادل.

اسأل المولى سبحانه و تعالى أن يديم نعمة الصحة وراحة البال عليك و على الجميع.


وانا ايضا اتوجه بالتهاني للمايسترو وكل الاخوة المسيحيين وكل العالم المؤمن بالسيد المسيح عليه السلام - واحمد الله علي سلامة الاخ نور الصباح
د محمد إبراهيم

[برهان عواد]

سلامي لجميع الأخوة الأعضاء

أول اضافي لي في هذا المنتدى العظيم:

برنامج صوتي لتخفيض سرعة الأغنية بدون التأثير على النغم.

اسم البرنامج: Amazing Slow downer

برنامج صغير الحجم و لكن شديد الفعالية, جربته شخصيا على الكومبيوتر الشخصي.

1-(يمكنك تعديل سرعة الأغنية من السرعة 20% الى السرعة 200%

2-(يمكنك اعادة المقطع الذي ترغب بسماعه أو عزفه مرات لامتناهية بسرعات بطيئة جدا.

3-(يمكنك رفع أو خفض الدرجات الموسيقية من نصف درجة الى 12 نصف درجة
ملاحظة: لا يوجد خاصية رفع أو خفض ربع درجة.

4-(يمكنك التحكم ب ٍStereo / Mono.

طريقة التسطيب موجودة داخل الملف

شكرا


ملاحظة:أنا على استعداد لشرح وافي حول امكانيات و ميزات البرنامج

و لكني لم افعل ذلك حتى الأن,

لان البرنامج سهل جدا و يوجد له شروح مبسطة جدا على اليوتوب.

اخى العزيز الف شكر بس اهم ما فى الموضوع التون بعنى عند زيادة السرعة او انقاصها التون بيفضل ثابت ولا بيتغير ؟
اقصد مثلا اغنية فى درجة دو لو نقصنا السرعة درجة الدو تتغير ولا تفضل زى ماهى ؟ دى اهم حاجة
مع اطيب تحياتى عادل صموئيل

[عادل صموئيل]

احبائى

اولا اطيب تحية للأخ العزيز نور الصباح وعودته بالسلامة واتمنى له الصحة والعافية
ثانيا اشكر من من هنأ بالعيد والعيد ان شاء الله عيد علينا كلنا

ثالثا
اقدم لكم اغنية فريد الاطرش

مين يعرف

من درجة لا
مع اطيب تحياتى

[برهان عواد]

أستاذ عادل,

رد سريع على الموضوع.

التون لا يتغير اذا غيرت السرعة.

السرعة لا تتغير اذا غيرت التون.

خاصيتين منفصلتين.

البرنامج جيد و خفيف.

[djobri]

كل سنة وحضرتك طيب يا استاذنا الجميل

[مهدي01]

عيد فصح مجيد يا هرم
تمنياتنا لك مديد العمر الصحة و العافية

[عمرو الهنداوي]

كل سنة وحضرتك طيب يا استاذ عادل والأخوة الأقباط بالف خير وسلام

[منذر44]

الاستاذ نور الصباح اهلا بعودتك
الاستاذ العزيز عادل هل بالامكان تحويل نوتتي فيروز شام يا ذا السيف وبالغار كللتي
من درجة الصول الى درجة سي بيمول
وكل عام وانت بخير

[وليد100]

السلام عليكم
اتوجه بالتهاني للمايستروعادل وكل الاخوة المسيحيين وكل العالم المؤمن بالسيد المسيح عليه السلام - واحمد الله علي سلامة الاخ نور الصباح
وشكرا استاذ عادل
وليد

[ارجوانة]

اصدقاء المنتدى الاعزاء
تحية طيبة واعياد مجيدة للجميع واخص بالذكر مايسترو المنتدى الأستاذ عادل وألف الحمد عالسلامة لجدنا الجميل الأستاذ نور الصباح (نورت يا عم)
أعزائي أحتاج منكم مساعدة صغيرة
وضعت عودي في الصيانة منذ فترة ونصحني الراجل أني أغير طقم الأوتار بالمرة أنا كان عندي طقمين جديدين لكنه لم ينصحني بهما
أرجو ممن لديه فكرة من الأعضاء الأعزاء أن يخبرني ماهي الملاحظات والمعايير اللي لازم اختار بيها اوتار جيدة للعود
لان للاسف كل البياعين تجار مش فنانين وكل واحد يقولك اشتري وجرب
وشكرا سلفا للمساعدة

الاخت العزيزة
اولا انا ما افهمش فى اوتار العود طبعا بس قولى نوعهم ايه الاوتار اللى عندك عشان اللى بيعزفوا عود يقولوا لك الكلام الصح
مع اطيب تحياتى عادل صموئيل

[muhamadibra]

اصدقاء المنتدى الاعزاء
تحية طيبة واعياد مجيدة للجميع واخص بالذكر مايسترو المنتدى الأستاذ عادل وألف الحمد عالسلامة لجدنا الجميل الأستاذ نور الصباح (نورت يا عم)
أعزائي أحتاج منكم مساعدة صغيرة
وضعت عودي في الصيانة منذ فترة ونصحني الراجل أني أغير طقم الأوتار بالمرة أنا كان عندي طقمين جديدين لكنه لم ينصحني بهما
أرجو ممن لديه فكرة من الأعضاء الأعزاء أن يخبرني ماهي الملاحظات والمعايير اللي لازم اختار بيها اوتار جيدة للعود
لان للاسف كل البياعين تجار مش فنانين وكل واحد يقولك اشتري وجرب
وشكرا سلفا للمساعدة

الاخت العزيزة
اولا انا ما افهمش فى اوتار العود طبعا بس قولى نوعهم ايه الاوتار اللى عندك عشان اللى بيعزفوا عود يقولوا لك الكلام الصح
مع اطيب تحياتى عادل صموئيل


انا افيدك ان شاء الله - افضل الانواع هو لابيلا (امريكي) ويحتاج وقت كام يوم ليصل الي الدوزان المضبوط دون ان يتغير -- بيراميد - ثم كريستال - بالترتيب --- وهناك نوع بلجيكي لم اجربه من قبل ولكن هناك من يشكر فيه -- اما الانواع المصرية فلا انصح بها -- وعلي فكرة الاوتار شئ مهم جدا لأداء العود وتفرق كتير جدا
د محمد إبراهيم

[عادل صموئيل]

احبائى
اقدم لكم من اغانى شفيق جلال

بهانة

واهديها للأخ العزيز نور الصباح هو كان طلبها من مدة

مع اطيب تحياتى

[عود الاندلس]

اصدقاء المنتدى الاعزاء
تحية طيبة واعياد مجيدة للجميع واخص بالذكر مايسترو المنتدى الأستاذ عادل وألف الحمد عالسلامة لجدنا الجميل الأستاذ نور الصباح (نورت يا عم)
أعزائي أحتاج منكم مساعدة صغيرة
وضعت عودي في الصيانة منذ فترة ونصحني الراجل أني أغير طقم الأوتار بالمرة أنا كان عندي طقمين جديدين لكنه لم ينصحني بهما
أرجو ممن لديه فكرة من الأعضاء الأعزاء أن يخبرني ماهي الملاحظات والمعايير اللي لازم اختار بيها اوتار جيدة للعود
لان للاسف كل البياعين تجار مش فنانين وكل واحد يقولك اشتري وجرب
وشكرا سلفا للمساعدة

الاخت العزيزة
اولا انا ما افهمش فى اوتار العود طبعا بس قولى نوعهم ايه الاوتار اللى عندك عشان اللى بيعزفوا عود يقولوا لك الكلام الصح
مع اطيب تحياتى عادل صموئيل


السلام عليكم ورحمة الله
أوتار العود : PYRAMID هي من صنع ألمانيا.
أعرض عليكم هذا النوع من أوتار العود نظرا لجودتها العالية والدوزان يبقى متماسك لساعات طويلة بدون ما يؤترعلى الخشب الذي صنع به آلة العود ، في طقس حار أو بارد الدوزان يبقى متماسك.
هذا الكتاب يعطي نظرة على صناعة هذه الأوتار: الصفحة رقم 53

[نور الصباح]

احبائى
اقدم لكم من اغانى شفيق جلال
بهانة
واهديها للأخ العزيز نور الصباح هو كان طلبها من مدة
مع اطيب تحياتى
SSSSSSSSSSSSSSSSSSSSSSSSSSSSSSSSSحبيب قلبى المايسترو الكبيرو الصديق العزيز
الفنان الأستاذ
عـــــــــــــــــــــــــــــــــــــادل باشـــا صموئــــــــــــــــــــــــــيل
سلام الله عليكم ورحمته وبركاته
وبعد :
أولا : كل عام وأنتم بخير وصحة وسعادة
بمناسبة أحد الشعانين ( أحد السعف )
ثانيا : شكرا لكم على دوام سؤالكم عنى
ودعواتم الغالية لنا بالشفاء
ثالثا : شكرا على نوتة ( بهانه )
رابعا : شكرا على الإهداء الرقيق
وشكررررررررررررررررررررا
أخوكم
نور الصباح

[عادل صموئيل]

السلام عليكم ورحمة الله
أوتار العود : PYRAMID هي من صنع ألمانيا.
أعرض عليكم هذا النوع من أوتار العود نظرا لجودتها العالية والدوزان يبقى متماسك لساعات طويلة بدون ما يؤترعلى الخشب الذي صنع به آلة العود ، في طقس حار أو بارد الدوزان يبقى متماسك.
هذا الكتاب يعطي نظرة على صناعة هذه الأوتار: الصفحة رقم 53

الاخ العزيز
شكرا على المعلومة
وجدير بالذكر التويه على ماركة اوتار pyramid انو المانى مش مصرى ( لأن بيراميد معناها هرم ) هو المشكلة عندنا فى مصر او فى سوريا مثلا ان صعب تلاقى نوع الاوتار اللى انت بتحتاجه يعنى انا كعازف كمان بحتاج اوتار ماركتها توماستيك ودى الاصلى منها نمساوى ومش متوفرة فى السوق وان توفرت بتكون مع شخص مش فى محل وبيكون جايبها من الخارج وبيبعها بالسعر اللى يقول عليه حتى لو اضعاف ثمنها .. المتوفر عندنا اوتار صينى هى للهواة تمشى لكن مع المحترفين ماتنفعش طبعا ... كمان فى مشكلة من ناحية طبيعة الاستعمال ان كان زمان فيه فرق كتير وعازفين كتير كان التاجر لو جاب 1000 طقم حايتباعوا ويجيب غيرهم لكن دلوقتى اعتقد انا لو تاجر ما اقدرش اشترى كمية لأن حايحصل تعطيل لرأس المال لأن العازفين نقص عددهم كتير بسبب الاورج
مع اطيب تحياتى

[عادل صموئيل]

احبائى
اقدم لكم اغنية زكى ناصيف

اشتقنا كتير يا حبايب

مع اطيب تحياتى

[سليم العباس]

- مساؤك سعيد أستاذ عادل و كل سنة و انت بخير بمناسبة الأعياد المجيدة .

- شكراً على تدوين أغنية اشتقنا كتير للفنان زكي ناصيف و التي تعد من كلاسيكيات الأغنية اللبنانية خاصة و الشامية بشكل عام .

- الحمد لله على سلامة الأستاذ نور الصباح و أتمنى له دوام الصحة و العافية و النشاط .

[عادل صموئيل]

احبائى

اقدم لكم

بالغار كللتى ياشام

شام ياذا السيف

انا كنت مدونهم من قبل من درجة صول ( اللى فيروز بتقول منها )
وهما هنا من درجة سى بيمول بناء عن طلبكم
واطيب تحياتى

[عود الاندلس]

الاخ العزيز
شكرا على المعلومة
وجدير بالذكر التويه على ماركة اوتار pyramid انو المانى مش مصرى ( لأن بيراميد معناها هرم ) هو المشكلة عندنا فى مصر او فى سوريا مثلا ان صعب تلاقى نوع الاوتار اللى انت بتحتاجه يعنى انا كعازف كمان بحتاج اوتار ماركتها توماستيك ودى الاصلى منها نمساوى ومش متوفرة فى السوق وان توفرت بتكون مع شخص مش فى محل وبيكون جايبها من الخارج وبيبعها بالسعر اللى يقول عليه حتى لو اضعاف ثمنها .. المتوفر عندنا اوتار صينى هى للهواة تمشى لكن مع المحترفين ماتنفعش طبعا ... كمان فى مشكلة من ناحية طبيعة الاستعمال ان كان زمان فيه فرق كتير وعازفين كتير كان التاجر لو جاب 1000 طقم حايتباعوا ويجيب غيرهم لكن دلوقتى اعتقد انا لو تاجر ما اقدرش اشترى كمية لأن حايحصل تعطيل لرأس المال لأن العازفين نقص عددهم كتير بسبب الاورج
مع اطيب تحياتى

أحييك أستاذ عادل وأشكرك على الرد الجميل والمعلومات الإضافية والقيمة في شأن ماركة أوتار توماستيك والتي أستعملها أنا كذلك. وشكرا كذلك على التنويه على ماركة أوتار Pyramid. أستاذ عادل إذا سمحت لي أريد إضافة معلومة أخرى عن هذه الماركة ، وهي إشادة جميلة من طرف مسؤولي المصنع الألماني والعلاقة التي تربطهم مع الفنانين العرب. وإنني حاولت ترجمتها من اللغة الألمانية إلى اللغة العربية بالكومبيوتر . والكلمة موجودة في صفحة رقم 53 من الفهرس المرافق للأوتار وهي كالتالي:

Aoud Saiten
Aoud Saiten exportieren wir seit Jahrzehnten in nahezu alle arabischen Länder und es besteht ein enger und guter Kontakt zu vielen arabischen Künstlern.

الترجمة العربية:

أوتار العود
نحن نصدر أوتار العود على مدى عقود إلى جميع الدول العربية تقريبا وإننا على اتصال وثيق وجيد مع العديد من الفنانين العرب.

أتمنى لك أستاذي الكبير الصحة والعافية وأن يمد الله في عمرك ويبارك لك فيه.
وشكرا على كل ما تقدمه لنا من مجهود في خدمة الطرب العربي الأصيل والفن ككل.
وكذلك أشكر الدكتور محمد إبراهيم الذي تفضل ونصح الأعضاء بإستعمال ماركة الأوتار Pyramid.

[muhamadibra]

d"]الشكر طبعا لكل القائمين علي هذا المنتدي المرجعي - وللمايسترو لاستضافته للمتابعين علي صفحته - والشكر لكل من يهتم بتقديم العون لكل الاعضاء وطبعا للاخ عود الاندلس - ممكن لو مش ممنوع ذكر اماكن واسعار الاوتار وهل تتواجد في المحافظات - ولكم كل التحية والتقدير
د محمدإبراهيم

اخى العزيز
مش ممنوع طبعا يعنى المنتدى بيقدم خدمة عامة لكل فى جميع ما يخص الموسيقى ... هو مع الاسف اماكان بيع الادوات والآلات الموسيقية فى مصر 99% منها قفل او غير نشاطه وطبعا يهم الجميع ان لو مازال فيه محلات مفتوحة فى اى مكان اننا نعرف
مع اطيب تحياتى عادل صموئيل
[/SIZE]

[مهدي01]

انها الدبكة اللبنانية ممكن تدونها لنا يا هرم

[خالدموسى]

مساء الخير يا استاذنا عادل صموئيل ارجو من حضرتك تدوين اغنية قبل هواك ما يعدي عليا - نجاة الصغيرة . حيث انها لم تدون من قبل وهذا هو رابط الاغنية على اليوتيوب :

https://www.youtube.com/watch?v=WPyA4WrBw1E
شاكرا لك مجهوداتك

[عاشقة العود]

يا ريت استاذ عادل تدون لي رائعة المطرب الخليجي نبيل شعيل "ما اروعك" ولك جزيل الشكر والعرفان.
مع اطيب تحياتي اختك سحر "عاشقة العود" :emrose::emrose:
https://youtu.be/UhHxQJER3og

الاخت العزيزة
الاغانى اللى بالطريقة الحديثة دى ما ينفعش تتكتب والله انا من امبارح عمال اسمعه احاول القط الخط الاساسى مش عارف .. يعنى افتحى اى اغنية لأم كلثوم تلاقى اللحن الاساسى واضح زى الشمس وبالتالى انا بكتب اللى سامعه وبالتالى انتى تقدرى تعزفى المكتوب بمنتهى السلاسة وتعزفى اللحن كله والمستمع اللى يسمعك يبقى من اول حرف حاسس انك بتقولى اغنية كذا ... اما الاغانى اللى بالطريقة دى بتتسجل على اورج واحد بيعزف تراك ثم يعيد الشريط م الاول ويقعد يسحط عليه تراكات وتوزيعات بتضبع اللحن الاساسى وثانيا انو بيلعب بالعشر اصابع يعنى بيحاول يزخرف الجملة لحد مايشلفطها يعنى الجملة الاولى ومع الاسف انها حلوة شوية عزفها 4 مرات كل مرة بيشلفط فيها اكتر .. يعنى كان زمان الجملة مثلا بتتعزف مرة صولو ثم فرقة تسمعى الجملة تلقطيها وحتى لو استطعتى عزف الاغنية سماعى انتى بتعزفى خط واحد من كذا خطوط لحنية المستمع سامعها من قبل عاملة زى طبق تبولة كيف تنزعى منه عنصر واحد ؟ اللى حياكل يقول فين الباقى
مع اطيب تحياتى عادل صموئيل

[برهان عواد]

سؤال مبتدئين في قراءة النوتة الموسيقية,

أثناء محاولتي قراءة التوتة الموسيقية, لاحظت علامات اعادة ل بعض الجمل الموسيقية,

لكني شاهدت بعض العلامات التي اعتقد انها ل اعادة علامات معينة لميزورات معينة و

أحيانا ل علامة موسيقية واحدة. أريد لاستفسار من حضرتك حتى يزول اي لبس في الفهم

ملاحظة: سأرفق صورتين من نوتتين موسيقيتين من تدوينك, قمت بعمل دوائر حول الأماكن التي

أرغب باستضاحها من حضرتك, خاصة العلامة فوق العلامات الوحيدة و

في حال كانت هذه علامة اعادة الا يؤثر ذالك على ميزان الميزورة.


شكرا مقدما لأجابتك.
اخى العزيز
اولا علامة الاعادة اللى بالاحمر .. ده مصطلح اخترعناه فى الفرقة الماسية ( واللى اخترعه المرحوم الاستاذ نصر عبد المنصف ) احنا سميناه مرجع احمر .. ولو تلاحظ انو داخل جواه مرجعين من العاديين المعروفين .. اخترعنا هذا المرجع بدل ما نكتبهم تانى ... اشرح اكتر .. احنا بنعيد الجملة الاولى لذلك عليها مرجع وبنعيد الجملة الثانية ولذلك عليها مرجع .. افرض المطرب عايز يعيد كمان الجملتين تانى لذلك عملنا المرجع الاحمر بحيث انك ترجع من مطرح ما ابتدا ... طبعا يجوز ان يكون داخل المرجع الاحمر عدد من الجمل .. يعنى ى اعمال كبار المطربين واللى بيعيد براحته بتحصل كتير .. اما الخط اللى له زاويتين اللى فوق النغمات معناه ان دى لازمة موسيقية للفرقة عشان نفرق بين غناء المطرب وبين اللازمة اللى الفرقة بترد عليه ... ودى لها اهمية فى منتهى الخطورة ان العازف اثناء اداء المطرب بيعزف خفيف عشان ما يطغاش على صوته وفى الازمة بيعزف بقوة يرد عليه يعنى ويبقى الغناء والازمة بنفس القوة .. وصلت ؟
مع اطيب تحياتى عادل صموئيل

[عادل صموئيل]

احبائى
اقدم لكم اغنية نجاة الصغيرة

قبل هواك

مع اطيب تحياتى

[muhamadibra]

احبائى
اقدم لكم اغنية نجاة الصغيرة

قبل هواك

مع اطيب تحياتى


جميلة يا مايسترو كالعادة - كل عام وانت بخير
د محمدإبراهيم

[عود الاندلس]

نور الصباح

أسعدالله مسائك أخي نور الصباح.
الحمد لله على سلامة أخونا وحبيبنا الأستاذ نورالصباح ، أتمنى لك دوام الصحة والعافية والنشاط.
عودة مباركة ونورت المنتدى بحضورك :emrose::emrose:

[عادل صموئيل]

احبائى
مع اغنية لبنانية شهيرة

قومى تنرقص

مع اطيب تحياتى

[waleed_shelly]

كل سنة وانت طيب يا استاذ عادل .. واشكرك على النوت الجميله .. واتمنى انك تدون اغنية بالأحضان غناء عبدالحليم حافظ

[خليل سليم]

تحياتي وسلامي العاطر يا ستاذنا عادل المحترم وشكرا على النوتة الحلوة متمنين لك دوام الصحة والتالق وطول العمر وحفظك الرب

[مهدي01]

الف تحية الف شكر ياهرم على النوتة

[yousif moustafa]

انا لسه جديد في المنتدى و دي اول مشاركه ليا و مكنتش عارف ابدا ازاي في اني اشكر إدارة المنتدى و لكن بعد ما شوفت المجهود العظيم دا قررت اني ابدا من هنا و بوصل شكري لكل الأعضاء و بخاصة الاستاذ عادل صموئيل
:):):):)

اهلا بك اخى العزيز ونورت المنتدى
مع اطيب تحياتى عادل صموئيل

[خالدموسى]

اشكرك استاذنا الجميل عادل صموئيل على تدوين قبل هواك لنجاة رائعة وكل سنة وحضرتك طيب وعيد سعيد

[nazehmohamed]

الاستاذ الفاضل
عادل صموئيل
كل سنة وأنت طيب
وعيد سعيد عليك
وعلى كل الأخوة الأقباط
دمت لكل محبيك
بكل خير
وصحة وعافية
نزيه محمد
مصر

الف شكر اخى العزيز ويارب كل الدنيا تبقى بخير ويعم السلام والمحبة على الارض
مع اطيب تحياتى عادل صموئيل

[عادل صموئيل]

احبائى
اقدم لكم من اروع اغانى عفاف راضى

جرحتنى عيونه السودة

مع اطيب تحياتى

[muhamadibra]

احبائى
اقدم لكم من اروع اغانى عفاف راضى

جرحتنى عيونه السودة

مع اطيب تحياتى


ايوه كده يا مايسترو هدية مقبولة - وعيد سعيد
د محمد إبراهيم

[عمرو الهنداوي]

أستاذ عادل كل سنة وحضرتك طيب والأخوة الأقباط بخير
كان عندي سؤال سريع عن السيدة ليلي مراد...
وهو من وجهة نظر حضرتك أيه المختلف في صوت ليلي مراد واهم ماكان يميز صوتها؟ وهل حضرتك تتفق معايا انها كانت محبوبة من الملحنيين في وقتها يعني انا اعرف انه تقريباً جميع الملحنيين اشتغلوا معها...

أنا اعتقد انها عمرها ماغنت في حفلة زي حفلات مثلا شادية ونجاة وأم كلثوم فهل اكتفت انها تكون مطربة سنيما فقط؟ اكيد حضرتك عندك معلومات اكثر..

اخى العزيز كل سنة وانت ومصر وكل العالم بخير
اما عن ليلى مراد كانت عبقرية فى الاداء وصوتها متميز جدا .. واهم ميزة فيه ان لو سمعه 1000 شخص هم كلهم حايحبوه بعكس مطربين تانيين يعنى كانت بتختلف الدرجة .. تميزت ليلى مراد بإبتسامة ملائكية وعينيها كان فيها عواطف اكتر من اى مطربة تانية .. بالطبع كان اى ملحن يحب جدا يلحن لها لأنها مؤدية رهيبة يعنى بتوصل كل الاحاسيس بتاعة الملحنين اما عن الحفلات .. كانت ليلى مراد متخصصة فى الاغانى القصيرة يعنى الاغنية خمس دقائق وعشان تطلع تغنى فى حفلة كنجمة بالطبع لازم تقعد ع المسرح ساعة ونصف على الاقل او ساعتين .. ومن هنا لازم تغنى مش اقل من 20 اغنية وده ما ينفعش فى الحفلات وانا سمعت من مقربين لها انها كانت مش بتحب تواجه الجمهور او كانت بتتكسف .. ومن اشهر المطربات اللى كانوا بيتكسفوا نجاة الصغيرة يعنى ع المسرح لو حد قال لها كلمة اعجاب جامدة كانت بتتكسف وتتوقف عن الغنا بس كان فيها ميزة انها بتخلى الفرقة تعيد الجملة الموسيقية وبتتمالك نفسها بسرعة وتكمل عادى .. وللعلم كان صباح عندها نفس طريقة ليلى مراد وهى الاغانى القصيرة لذلك كانت لما بتغنى ف حفلة تغنى مش اقل من 12 اغنية .. انا عزفت معاها عدد قليل جدا من المرات لأن الفرقة الماسية مكانوش بيحبوها لنها كانت بتيجى من لبنان قبل الحفلة بيوم ومعاها نوت 12 اغنية ومكتوبين بقلم رفيع وخط وحش ونعمل عليهم بروفة سريعة وبالطبع احنا مش متعودين او حافظين اغانيها وكان احمد فؤاد حسن بيخاف تطلع العزف اقل من المستوى .. بس طبعا لايعيب الفنان انو بيغنى اغانى قصيرة ده طبعا لون عموما المطربين بتوع زمان كانوا عاملين زى الفاكهة يعنى كل منهم لو مذاق خاص وماتقدرش تقول انهو احلا
مع اطيب تحياتى عادل صموئيل

[عاصم المنشاوى]

الأستاذ الكبير / عادل صموئيل

كل سنة وحضرتك طيب ...بمناسبة عيد القيامة المجيد

أعاده الله عليك بالسعادة مثلما تسعدنا دائما بعطاياك....

الف شكر اخى العزيز عاصم واطيب تحياتى
عادل صموئيل

[عادل صموئيل]

احبائى
اقدم لكم من اشهر اغانى شريفة فاضل

فلاح كان فايت بيغنى

الاغنية دى طلعت عز مجد ام كلثوم وكل العمالقة وكانت بتعتبر من اغانى التهريج يعنى بس شوفوا النهاردة مفيش اغنية لأى حد فيها كمية الطرب دى
مع اطيب تحياتى

[منذر44]

سلمت يا هرم
شكرا على كل هذه التحف الرائعة
انك البحر ونحن نغرف منه

[غواص النغم]

كل عام وانتم بخير :emrose:
غنت ليلى مراد كثيرا في الحفلات وذكرت انها في صباها طافت جميع أقاليم مصر وغنت فيها وكان من ضمن تخت فرقتها رياض السنباطى
أما أشهر وآخر حفلاتها كانت في ميدان التحرير احتفالا ب ثورة يوليو وغنت أشهر أغانيها وموجودة في المنتدى وفعلا كانت مرتبكة حتى أن الكل كان يشجعها تبدأ تغني في هذا الحفل و انور وجدي اولهم..
من الحفل :
www.sama3y.net/forum/showpost.php?p=605936&postcount=214

www.sama3y.net/forum/showpost.php?p=28803&postcount=40

[نور الصباح]

احبائى
اقدم لكم من اشهر اغانى شريفة فاضل
فلاح كان فايت بيغنى
الاغنية دى طلعت عز مجد ام كلثوم وكل العمالقة وكانت بتعتبر من اغانى التهريج يعنى بس شوفوا النهاردة مفيش اغنية لأى حد فيها كمية الطرب دى
مع اطيب تحياتى SSSSSSSSSSSSSSSSSSSSSSSSSSSSSSSSS
حبيب قلبى المايسترو الكبيرو الصديق العزيز
الفنان الأستاذ
عـــــــــــــــــــــــــــــــــــــادل باشـــا صموئــــــــــــــــــــــــــيل
سلام الله عليكم ورحمته وبركاته
وبعد :
أولا : كل عام وأنتم بخير وصحة وسعادة
بمناسبة عيد الفصح و أعياد الربيع ثانيا : شكرا على نوتة ( فلاح كان فايت بيغنى ) وشكررررررررررررررررررررا
أخوكم
نور الصباح

[نور الصباح]

احبائى
اقدم لكم من اروع اغانى عفاف راضى
جرحتنى عيونه السودة
مع اطيب تحياتى
SSSSSSSSSSSSSSSSSSSSSSSSSSSSSSSSSحبيب قلبى المايسترو الكبيرو الصديق العزيز
الفنان الأستاذ
عـــــــــــــــــــــــــــــــــــــادل باشـــا صموئــــــــــــــــــــــــــيل
سلام الله عليكم ورحمته وبركاته
وبعد :
أولا : كل عام وأنتم بخير وصحة وسعادة
بمناسبة عيد الفصح و أعياد الربيع
ثانيا : شكرا على نوتة ( جرحتنى عيونه السوده )
وشكررررررررررررررررررررا
أخوكم
نور الصباح

[muhamadibra]

الشكر موصول للمايسترو وهداياه وعدياته لنا - والسعادة بعودة روح المنتدي وبهجته - اخي نور الصباح -- عيد سعيد
د محمد ابراهيم

[خليل سليم]

تسلم يامايسترو المنتدئ على تدويناتك الرائعة والتي لا تبخل علينا بها في هذا المنتدئ المتميز واخراها رائعة الفنانة عفاف راضي جرحتنى عيونه السودة ورائعة الفنانة شريفة فاضل فلاح كان فايت بيغنى والذي احب ان انوه بة للاستاذ عادل باني قليل التعليق في المنتدئ وهذا يرجع لحرصي على ترك اكبر فراغ فيه لتدوين النوتات وللملاحظات القيمة التي تدلي بها بين الحين والحين او من بعض المختصين والتي اتابعها كلمة كلمة وادونها زي نوتاتك الراقيه واني متابع يومي للمنتدئ الراقي وانا عارف اني طلبي القديم على الخطة ( اغنية ضي القناديل) و ليس مستعجل عليه وعارف اشغالك والتزاماتك كثيرة فقط مجرد للتذكير وشكرا وحفظك الرب

[برهان عواد]

شكرا أستاذ عادل على الشرح لعلامة الاعادة الحمرا, فأنا لم ألفها من قبل.

بالنسبة الى موضوع الربع تون في الأغاني بشكل عام, و البرامج التي تعدل الربع تون,

يوجد هناك برنامج يستطيع تعديل ال Tuning ل الأغنية عن طريق التحكم بال Cents

معرفتي البدئية بالموسيقى الغربية انه يوجد بين التون و النصف تون 100 cents

فهل يوجد في موسيقانا الشرقية 100 cents و 50 cents بين الأبعاد,

اذا خفضنا أو زيدنا الأبعاد بمقدار 50 cents هل نكون عدلنا بمقدار ربع بعد.

البرنامج الذي اتكلم عنه يستطيع تعديل octave, Semitone, and cents

يستطيع تعديا 60 cents صعودا و هبوطا.

اسم البرنامج Transcribe

شكرا لردك.
اخى العزيز
الربع تون لا يخضع للقواعد الغربية بمعنى ان الحروف الغربية محددة بذب1بة معينة ولها مكان محدد على الآلات الوترية . اما الربع تون مش بيعتبر ثابت ولكنه بيتحس فى العزف يعنى مثلا انا لما اقول رى مى نصف بيمول فا .. فى مقام البياتى نفس المنطقة لو فى مقام الراست انا قلت دو رى مى نصف بيمول فا .. فى العزف هى نفس المنطقة الصح تلاقى نغمة المى نصف بيمول فى البياتى تكون خاسة كومة وفى الراست بتكون زائدة كوما .. يعنى مش عملية حسابية ولكن الاحساس بنغمات المقام
مع اطيب تحياتى عادل صموئيل

[عادل صموئيل]

احبائى

الساعة دلوقتى 11 ونصف بتوقيت القاهرة ... فى اللحظة دى زمان كنت بكون على المسرح مع عبد الحليم حافظ فى حفلة شم النسيم وتحية عطرة الى روح الفنان عبد الحليم واقدم لكم تحغة من احلى اغانيه

يا قلبى ياخالى

مع اطيب تحياتى

[muhamadibra]

احبائى

الساعة دلوقتى 11 ونصف بتوقيت القاهرة ... فى اللحظة دى زمان كنت بكون على المسرح مع عبد الحليم حافظ فى حفلة شم النسيم وتحية عطرة الى روح الفنان عبد الحليم واقدم لكم تحغة من احلى اغانيه

يا قلبى ياخالى

مع اطيب تحياتى


ذكريات جميلة يا مايسترو - وفي وقتها تماما - اكرمك الله
د محمد إبراهيم

[نور الصباح]

احبائى
الساعة دلوقتى 11 ونصف بتوقيت القاهرة ... فى اللحظة دى زمان كنت بكون على المسرح مع عبد الحليم حافظ فى حفلة شم النسيم وتحية عطرة الى روح الفنان عبد الحليم واقدم لكم تحغة من احلى اغانيه
يا قلبى ياخالى
مع اطيب تحياتى
مع اطيب تحياتى
SSSSSSSSSSSSSSSSSSSSSSSSSSSSSSSSS
حبيب قلبى
المايسترو الكبيرو الصديق العزيز
الفنان الأستاذ
عـــــــــــــــــــــــــــــــــــــادل باشـــا صموئــــــــــــــــــــــــــيل
سلام الله عليكم ورحمته وبركاته
وبعد :
أولا : كل عام وأنتم بخير وصحة وسعادة
بمناسبة عيد الفصح و أعياد الربيع
ثانيا : شكرا على نوتة
(يــــا قــــــــــــلبى يــــــا خـــــــالى )
وشكررررررررررررررررررررا
أخوكم
نور الصباح

[عود الاندلس]

تحية طيبة أستاذ عادل
شكرا جزيلا على كل الهدايا التي تقدم لأحبائك.
رائعة من روائع الفنانة شريفة فاضل.
اغنية جميله تفيض بالطرب والنغمات الحلوة والكلمات الراقية التي تكرم الفلاح المصري وتشيد ببرائته وأخلاقه النبيلة.
ربنا يحفظك ويكرمك بقدر ما تكرمنا .:emrose:

[عادل صموئيل]

احبائى
اقدم لكم من روائع الفنانة نجاة الصغيرة

لو يطول البعد

مع اطيب تحياتى

[عود الاندلس]

كل عام وانت بخير أستاذ عادل بمناسبة عيد القيامة المجيد ولكل الإخوان والأخوات المسيحيين بمصر الشقيقة والوطن العربي.:emrose::emrose:

[salhi_haithem]

السلام عليكم ورحمة الله وبركاته

الأخوة الأعزاء تم اليوم تحديث فهرس الأستاذ عادل من هنا (http://www.sama3y.net/forum/showthread.php?p=633894#post633894) و هو يشمل كل النوتات ماعدى نوتة حليم يا قلبي يا خالي و نوتة نجاة لو يطول البعد
وتمت إضافة فهرس من هنا (http://www.sama3y.net/forum/showthread.php?p=444393#post444393) للأستاذ نيقولا مرجية

أخوكم هيثم

[نور الصباح]

الفنان الكبير والمايســـــــــــترو العظيم
الفنان القدير
الأســــــــــــــــــــــتاذ
{ عـــــــــــــــــــــــــــــــــــــــــــــــــ ادل باشــــــــــا صموئيـــــــــــــــــل }
سلام الله عليكم ورحمته وبركاته
وبعــــــــــــــــــــــد :
كل عام وجنابكم بخير وصحة جيدة
بمناسبة عيد الفصح وأعياد الربيع وشم النسيم
أنا عارف إن الفسيخ والرنجة عامل عمايلها معاك
وأنا هنا شامم ريحتها والبصل الأخضر والملانة
عموما ألف هنا وشفا على بدنك
وياريت تبعت لى حقى
ولو إن الدكاترة محرمين الرنجة والفسيخ عليا
عموما أعاده الله عليكم بالصحة والسعادة
وياريت تتكرم ودون لنا أغنية
محرم فؤاد الرائعة
{ غـــــــــــــــــــــدارين }
مع كتابة الأودليب
لأن التدوين الموجود ينقصه الأودليب
مما يجعل اللحن ناقصا
وحتى تكتمل النوتة
ومرفق طيه الملف الصوتى للأغنية
ولجنابكم كل الشكر والتقدير
وشكرررررررررررررررررررا
أخوكم
نور الصباح

[نور الصباح]

احبائى
اقدم لكم من روائع الفنانة نجاة الصغيرة
لو يطول البعد
مع اطيب تحياتى

SSSSSSSSSSSSSSSSSSSSSSSSSSSSSSSSS
حبيب قلبى
المايسترو الكبيرو الصديق العزيز
الفنان الأستاذ
عـــــــــــــــــــــــــــــــــــــادل باشـــا صموئــــــــــــــــــــــــــيل
سلام الله عليكم ورحمته وبركاته
وبعد :
أولا : كل عام وأنتم بخير وصحة وسعادة
بمناسبة عيد الفصح و أعياد الربيع
ثانيا : شكرا على نوتة
( لو يطــــــــــــــول البعــــــــــــــــد )
وشكررررررررررررررررررررا
أخوكم
نور الصباح

[منذر44]

شكرا للمايستروا
اغنية سلوى قطريب يمكن بكره
اتمنى تدوينها عندما يسمح وقت الاستاذ عادل
مع اجمل تحياتي

[qnet022@icoo]

يسعدلي اوقاتك استاذ عادل استاذي الكريم والغالي اردت ان اسالك من بعد اذنك هل يوجد امكانيه لتنويت اغنيه مافي مافي ل ابراهيم تاتليس،؟!
ولك جزيل الشكر والعرفان في جميع الحالات، وحفظك الله من كل شرSIZE][/COLOR]
ابراهيم تاتليس - ازرق ازرق: https://youtu.be/x2JKeE00T3o[/QUOTE]

[hisham88]

مساء الخير يا أستاذ عادل ، وكل عام و حضرتك طيب
ياريت لو تكرمت تدوين أعنية شادية "يانور عينيا" الحان الموسيقار الكبير محمود الشريف

[سامى امين]

:emrose:العيد السنة دى احسن من اللى فاتت كتير يارب العيد اللى جاى يكون خلص الارهاب من مصر خالص:emrose:مستر عادل عاوز اعلى الصوت فى انكور عشان الصوت فية بس واطى جدا :emrose:فى ذكرى صديقك حليم عاوزين تعلمنا نعزف عقبالك يوم ميلادك على فكرة انا بحب منير مراد جدا الراجل دة مش واخد حقة اتمنى تكون لحقتة او شفتة وتكلمنا عنة
اخى العزيز
من قائمة set up افتح القائمة دى لازم تكون النافتين اللى فوق فيهم زى ما انا عامل يعنى ده اسم كارت الصوت اللى عندى يعنى احيانا بعد تسطيب الويندوز مش بتلاقى الانكور بيطلع صوت اصلا بتفتح النافذة دى وتلاقى السطرين اللى فوق مكتوب فيهم none زى لاتنين اللى تحت وبتفتحهم من الدنب وتختار اسم كارت الصوت زى ما فى الصورة الرفقة وبعدين ماتنساش لما تقفلها تضغط على save preferences عشان التعديل يفضل معاك على طول اما لو غيرت حاجة فى السطرين دول والصوت ماعليش يبقى العيب عندك فى الويندوز مش الانكور لن الانكور صوته ثابت يعنى شوف اعدادات الصوت تكون حاجة فيها مش مفتوحة على الآخر اما عن منير مراد كان طبعا صاحبى وهو كان ابن نكتة ودمه اخف ملحن .. فى شارع عدلى الفرقة الماسية كانت فى عمارة المقاولون العرب فى الدور السابع جنبها محطة بنزين والعمارة اللى بعد البنزينة ساكن فيها منير مراد كنت بروح لو طبعا كتير بس للعلم هو اخد حظه يعنى 80 % من اغانى شادية عملها منير مراد ويكفيه انه لحن كذا اغنية من احلا اغانى عبد الحلم ولحن تقريبا لجميع المطربين بس هو كان بيميل الى الاغانى الخفيفة
مع اطيب تحياتى عادل صموئيل

[احمد نور احمد]

تحيه من القلب لجميع القائمين علي منتدي سماعي الرائع مشرفين واعضاء
وشكر خاص للاستاذ عادل صموئيل علي النوت البسيطه والجميله ومش عايز اقول الدقيقه لحسن تفتكروني قارئ فذ للنوته وانا علي قدي يدوبك يعني المهم اتمني لك يااستاذ التوفيق ومزيد من الابداع وكل سنه وانت طيب ويخليك لينا .
مع الشكر
احمد نور احمد

[توفيق مراد]

السلام عليكم
هل تفضلتم بكتابة نوتة الموشحين التاليينفي مقام الجهركاه :
- آه كللّي يا سحب تيجان الربى بالحلي
- باسم عن لآلئ
مشكورين على المجهوات المقدّرة
تحيّاتي للجميع

[سامى امين]

:emrose:لو عندى فلوس لعملت لك قناة فضائية تراثية مستر عادل نشكر ربنا انك عندنا يارب تعيش 500 سنة :emrose:اغنية دبلة الخطوبة منير مراد وحياة قلبة وافراحة منير مراد اغانى قطقوطة فيروز معانا ريال منير مراد انت دونت الاغانى دى عدا معانا ريال قول رئيك يا مستر الاغنية دى هايفة وهابط ولا جامدة جدا لية الات النحاس زمان كانت مهمة انقرض النحاس حاليا :emrose:
اخى العزيز اولا عملت ايه ف موضوع تعلية صوت الانكور ؟
زمان كان فيه انواع من الاغانى منها الاغانى الكوميدية اللى زى معانا ريال ودى لو دققت فيها تلاقى فيها كمية طرب وشغل مش موجودة فى اكبر لحن دلوقتى .. مع ان دى بتعترر الاغانى التهريج زمان .. لن المناخ كان زمان مش بيقبل اقل من جودة عالية جدا حتى لو الموسيقى سطر واحد .. اما موضوع النحاس .. اسأل والدك او والدتك فاكرين زمان طعم شوبربة الفراخ البلدى البيتى .. وايه الفرق بينها وبين مكعبات مرقة الدجاج ماجى .. زمان كان كلو طبيعى .. دلوقتى بنستغنى عن الطبيعى بأشياء صناعية يعنى فيه اورج بيطلع لك مئات الآلات الموسيقية ومنها كل الالات النحاسية بس طبعا الخبراء اللى زيى لما يسمعوها بيشمئزوا لأنه مش الصوت الطبيعى بتاع الآلة .. والتسجيل الناهردة بقا واحد بيلعب اور بيسجل عدة تراكات ويحط على كل تراك صوت ومنهم اصوات نحاس .. وهنا المنتج بيوفر الفلوس يعنى بيدفع لواحد فقط بدل ما يدفع ل 100 عازف ومش مهم ان شاالله الفن يتحرق ويولع ... يعنى زمان كان فيه صولو بزق .. معندناش فى مصر بزق كنا بنجيب عازف من لبنان وشوف تكابف الطيارة واقامته كاملة فى فندق خمس نجوم ولازم طبعا كمان نعزمه ونفسه وندلعه آخر دلع كل ده عشان يقول صولو طولة عدد من الثوانى يعنى شوف بيتصرف كام عشان تطلع الاغنية زى خيال الملحن دلوقتى قبضنى وخلصنى وزى ما يكلع المهم انو بيجيب فلوس
مع اطيب تحياتى عادل صموئيل

[مهدي01]

انشودة دينية رائعة ممكن تضع لمستك عليها يا استاذ

[سامى امين]

:emrose:مستر عادل كلامك نفس مستوى العزف بتاعك بيمس القلب بسرعة جدا ومثقف جدا هى الثقافة الشخصية بتعلى عازف عن التانى :emrose:انكور ذى ماهو الصوت ماعليش هاغير نسخة الويندوز:emrose: من شوية كنت بشوفك وانت قاعد جنب عمر خورشيد فى اغنية جميلة مع فايزة احمد كانت بتقول ومعايا طيفك ليل ونهار معلش مش عارف اسم الاغنية ومش عارف لو دونتها او لاء مستر عادل هانى مهنى كان بيعزف كوردات مع عمر خورشيد لما بتكون الدنيا هايصة لكن لما الكمنجات بتهدى والايقاع مافيش كوردات من هانى ولا عمر هل يا مستر كان الكوردات بتتكتب لهم ولا من دماغهم
اخى العزيز
الكوردات من دماغهم يعنى هم بالخبرة بيبقوا عارفين ايه اللى يتقال ... لكن امتى الكوردات بتتكتب .. لما يكون اللحن موزع .. ويكون اللى بيوزع خبير فى الجيتار عشان يعرف يحط لو احلا كوردات ودى صعبة اوى يعنى الكلام ده فى اوربا لأن هناك خبراء فى الجيتار مع اطيب تحياتى عادل صموئيل

[وليد100]

السلام عليكم ورحمه الله
ياريت يااستاذ عادل تدون لنا اغنيه نسيتي حبي بعد اللي كان وهي من روائع الفنان القدير عبد الغني سيد
وهل يمكن ان تتكرر هذه الالحان ويقبل عليها الناس الان ام ان هذا يحتاج فتره طويله بعد عاصفه الحزم ضد كل ماهو اصيل واللي اجتاحت مصر من ايام مبارك الله يسامحه بقي
مع الشكر والتقدير لشخصكم الكريم
وليد

[وليد100]

الملف الصوتي

[احمد نور احمد]

الاسناذ عادل صموئيل
مارايك في تدوين اغنيه الحدود للفنان عمار الشريعي
وهل تروق لك هذه الالحان برغم انها ليست من اغاني الزمن الجميل
اخيك احمد نور

[El mago Silva]

صباح النور \ مساء النور
بحكم عملك مع محمد عبده ايام الفرقة الماسية اللي نفتقدها حاليا مع محمد عبدهـ ولو إن فرقة وليد فايد ممتازة خصوصا اللي كانت معاهـ في بداية الألفية
لكن أنا نفسي أتكلم عن أغنية مش عارف إنت فاكرها أو لا .. غناها محمد عبدهـ مرة وحدة بس وما غناها ثاني
هي اغنية إسمها " خطأ تبخل علي " غناها في السبعينات .. تقريبا 75
تعرف ليه ما غناها ثاني .. مع إنها من أجمل ألحانه
ومقدمة موسيقية فيها رائحة عبدالوهاب خصوصا في تسريع العزف اللي يكون في نهاية المقدمة زي ما صار في مقدمة أغدا ألقاك ومقدمة الكوبليه الثاني من أمل حياتي

ياريت نعرف تفاصيل عن هالأغنية لو تتذكرها
اخى العزيز
مع الاسف طالما الاغنية ممكن اكون عزفتها معاه مرة واحدة صعب جدا افتكرها .. يعنى احنا بنفتكر الاغانى اللى عملنا فيها بروفات كتير وعزفناها فى حفلات كتير بنحفظها طبعا ... هو محمد عبده كان بيلحن كثير من اغانية وبياخد الحان من آخرين يعنى انا لما كنت بعزف معاه اتذكر عدد كبير من الملحنين سراج عمر وفوزى محسون وغيرهم .. وتكرار غناء الاغنية فى كذا حفلة بيرجع للمطرب نفسه يعنى هو لو عنده مثلا 3 حفلات ( وليه بقول 3 حفلات مثلا ) لن محمد عبده كان مش مقيم ف القاهرة .. يعنى كان بييجى مصر ومعاه 3 عازفين ايقاعات خليجية ملازمين معاه على طول فكان عشان ييجى مصر لازم يكون فيه كذا حفلة ورا بعض غير فايزة ووردة طبعا يعنى كان ممكن تعمل اربع حفلات متفرقة كل شهر ... المهم ان المطرب هو اللى بيختار يغنى ايه مش احنا .. لذلك يرجع عدم غناؤه للأغنية ليه هو شخصيا .... يعنى ليها عوامل كتير ممكن الجمهور ماتقبلهاش زى ماهو عايز او ممكن تكون صعبة وبيخاف يحصل فيها اخطاء يعنى الموضوع لازم هو اللى يقول
مع اطيب تحياتى عادل صموئيل

[عادل صموئيل]

احبائى
اقدم لكم من اغانى الفنانة سلوى القطريب

يمكن بكرا

مع اطيب تحياتى

[عادل صموئيل]

احبائى
اقدم لكم من اناشيد الاطفال الدينية

صلوا صلوا صلاتين

مع اطيب تحياتى

[احمد نور احمد]

الاخ الفنان عادل صموئيل
ياراجل انا داخل بقولك ازيك وايه الجمال ده ماتردش علي
عموما لما لفيت شويه في المنتدي اكتشفت انك مابتدونش الا مع وجود الملف الصوتي
لو حاسس ان الحدود مغامره مش مضمونه مع اني متاكد انك قدها وقدود بلاش ياعم
وشكرا يابو الكرم
اخيك
احمد نور احمد


اخى العزيز
اولا اطيب تحياتى واهلا بك فى المنتدى
هو اول حاجة لما حد بيطلب اغنية لازم ينزل الملف الصوتى .. لأن انا راجل سنة داخل على 65 سنة وصحتى على ادى ومش بقعد ع الكمبيوتر وقت طويل يعنى نص ساعة واقوم وبعد شوية اقعد تانى كذا مرة ف اليوم .. ولما حد بيطلب اغنية اكون انا مش سامعها وحافظها كويس زى حيرت قلبى معاك مثلا .. قدامى حل من اتنين اما انى ادور عليها اجيب الملف وده ممكن ياخد والوقت اللى بقعده على الكمبيوتر وممكن اسمع الاقيها مش من اللون اللى بكتبه او مش دخت مزاجى .. لذلك اى حد بيرفق الملف الصوتى ( وممكن افتح اى وقت الاقى كذا اغنية مطلوبين .. انا بعمل ايه ؟ بشغل الملف الصوتى من اول دقيقتين فيها ( ده لو معرفهاش من قبل ) لو عجبتنى بنزلها عندى وبديها دور فى الطابور الطويل من الطلبات .. بس لو اغنية صغيرة وتخلص بسرعة مافيهاش مشاكل زى مثلا فوق فيه اخ طالب نشيد دينى للأطفال اسمه صلوا صلوا مرتين .. يعنى كام سطر سهلين وبيتكرروا بكتبها بسرعة واخلص منها .. اما فيه اغانى بتحتاج تفكير وتمخيخ واخراج دى بركنها شوية لما يكون المزاج عندى عالى واكتب فيها شوية شوية .. اما السؤال اللى انت سألأته فى المشاركة السابقة ان ممكن تكون الاغنية مش من طبيعة زمن الفن الجميل .. احنا هنا فى المنتدى مش بنشتغل الا فى اغانى الزمن الجميل .. وده مش تعصب ولاعنصرية .. ولكن اغانى الزمن الجميل كانت بتتميز بالسلاسة يعنى انا مدون اكتر من 1000 نوتة اى نوتة منهم اى مبتدىء ممكن يعزفهم ..وحتى لو فيه زمان جملة صعبة او فيها كلكعة او فزلكة كان بيبقى لها مضمون وبالطبع بدونها بحاول افكها شوية بحيث ان ماتقفش فى ايدك وانت بتعزف .. زمان كان شوف مثلا اغانى عبد الحليم اللى فيها توزيع زى مثلا خايف مرة احب .. بس كان فيها ميزة ان اللحن او الخط اللحنى انت سامعه كامل 100% والتوزيع عليه وممكن انت تعزفها كاملة بالعود بدون التوزيع واللى يسمعك يقول لك الله عليك ..لكن الاغانى الحديثة اول حاجة ان كلها موزعة والتوزيع متداخل مع الاحن الاساسى بحيث انى حتى لو فصلت اللحن الاساسى بيبقى مالوش قيمة بدون التوزيع يعنى اللى يسمعها من الشريط بيسمع عشرين حاجة على بعض وانت ع العود طبعا حاتعزف منهم حاجة واحدة حاتبقى فاضى ... انا سمعت جزء من اغنية الحدود اول حاجة لفت نظرى فيه كلكعة فى الميزان او غموض فى المقدمة ( يعنى انا اول حاجة اول ما اسمع احس الميزان هل هو 4 او 3 مثلا وافهم المقام ) هنا الميزان لخبطنى عايز استوعبه .. بعدين الباقى ممكن ماشى بس فيه حتة سريعة جدا جدا مش ممكن تتعزف على العود هى بتاعة اورج اصلا .. ولما دخلنا فى موسيقى الكوبليه لقيت عود مع اورج ده بيقول حاجة وده بيقول عليه حاجة ومش باين مين منهم اللحن الاساسى ومين المصاحب لأنهم مخلوطين على بعض اوى والمشكلة حتى لو انا طلعت منهم خط اللى حايسمعك لو حافظ الاغنية حايحس انك بتقول حاجة غلط لنو ف الشريط سامع حاجة تانية .. ومشكلة التوزيع حاجتين اول حاجة انك لو عايز تعيد عزف او تقديم فى حفلة لحن موزع بالطريقة دى لازم اللى ينفذه الموزع الاصلى لنو عارف هو عامل ايه فين .. وحاجة تانية انت لما بتسمع جملة عليها توزيع من النوع ده بيبقى كل حرف انا سماعه مش حرف بيبقى جزء من كورد .. يعنى اقصد انا مثلا سامع صول .. لا .. سى ... جايز اللحن مش كده لكن تداخل الخطوط اللحنية بيديك ايحاء انها صول لا سى وهى مش كده هى حاجة تانية بتزن من تداخل الاصوات وهنا انا لو كتبتها صول لا سى منفردة اللى يسمعها حايحس انك بتعزف حاجة غلط ... فهمت ليه احنا متعصبين للزمن الجميل ؟ مع اطيب تحياتى وآسف انى مارديتش عليك امبارح لأن كان عندى مشكلة فى احدى الطابعات عندى كان فيها عفريت مبرجلنى بس الحمد لله صلحتها عادل صموئيل

[منذر44]

استاذ عادل
تعجز الكلمات عن شكرك
لك كل المحبة والتقدير

[El mago Silva]

صباح النور \ مساء النور
بحكم عملك مع محمد عبده ايام الفرقة الماسية اللي نفتقدها حاليا مع محمد عبدهـ ولو إن فرقة وليد فايد ممتازة خصوصا اللي كانت معاهـ في بداية الألفية
لكن أنا نفسي أتكلم عن أغنية مش عارف إنت فاكرها أو لا .. غناها محمد عبدهـ مرة وحدة بس وما غناها ثاني
هي اغنية إسمها " خطأ تبخل علي " غناها في السبعينات .. تقريبا 75
تعرف ليه ما غناها ثاني .. مع إنها من أجمل ألحانه
ومقدمة موسيقية فيها رائحة عبدالوهاب خصوصا في تسريع العزف اللي يكون في نهاية المقدمة زي ما صار في مقدمة أغدا ألقاك ومقدمة الكوبليه الثاني من أمل حياتي

ياريت نعرف تفاصيل عن هالأغنية لو تتذكرها
اخى العزيز
مع الاسف طالما الاغنية ممكن اكون عزفتها معاه مرة واحدة صعب جدا افتكرها .. يعنى احنا بنفتكر الاغانى اللى عملنا فيها بروفات كتير وعزفناها فى حفلات كتير بنحفظها طبعا ... هو محمد عبده كان بيلحن كثير من اغانية وبياخد الحان من آخرين يعنى انا لما كنت بعزف معاه اتذكر عدد كبير من الملحنين سراج عمر وفوزى محسون وغيرهم .. وتكرار غناء الاغنية فى كذا حفلة بيرجع للمطرب نفسه يعنى هو لو عنده مثلا 3 حفلات ( وليه بقول 3 حفلات مثلا ) لن محمد عبده كان مش مقيم ف القاهرة .. يعنى كان بييجى مصر ومعاه 3 عازفين ايقاعات خليجية ملازمين معاه على طول فكان عشان ييجى مصر لازم يكون فيه كذا حفلة ورا بعض غير فايزة ووردة طبعا يعنى كان ممكن تعمل اربع حفلات متفرقة كل شهر ... المهم ان المطرب هو اللى بيختار يغنى ايه مش احنا .. لذلك يرجع عدم غناؤه للأغنية ليه هو شخصيا .... يعنى ليها عوامل كتير ممكن الجمهور ماتقبلهاش زى ماهو عايز او ممكن تكون صعبة وبيخاف يحصل فيها اخطاء يعنى الموضوع لازم هو اللى يقول
مع اطيب تحياتى عادل صموئيل

أشكر لطفك وتكرمك بالإجابة
الحقيقة أسعدني ردك ..

هو صحيح ممكن تكون أحد الأسباب اللي ذكرتها .. والله أعلم

اخى العزيز
من واقع خبرتى ... فيه مطرب بيعمل اغنية هو بيقى قاصد ان يكون مستواها عالى ولكن الجمهور عشانذوقه بقى مش زى زمان ممكن ما يتقبلهاش ويتقبل اغنية اقل منها جودة .. ومر علينا حاجات كتير كده .. يعنى وردة مثلا فى موسم واحد عملت اغنيتين مع بعض اغنية آل ايه بيسألونى لسبد مكاوى وقصيدة لاتقل لى ضاع حبى من يدى من تلحين السنباطى ... ومع ان رياض السنباطى كان من مدة طويلة ماعملش الحان لوردة وطبعا عمل لها تحفة من اروع الروائع ومن احلى ماغنت وردة ... كانت بتسأل الجمهور فى الحفلة اغنى ال ايه بيسألونى ولا القصيدة ييختاروا ال ايه بيسألونى ... ومن هنا بطلت تغنيها بعد كده
مع اطيب تحياتى عادل صموئيل
.

[خالدموسى]

مساء الخيرات يا استاذ عادل واشكرك على تدوين النوت الجميلة الخاصة بنجاة الصغيرة حيث اننى اتعلم عليم العزف لان نجاة واغانيها تستهوينى ولذلك فانا كل حضرتك ما تضيف نوتة لنجاة احاول فى عزفها والحمدلله انجح فى ذلك لسهولة اسلوبك فى التدوين
ياريت المقدمة الموسيقية فقط لاغنية نجاة يا حبايبى يا حلوين وهى تستغرق دقيقة واحدة فى الفيديو
يا حبايبى يا حلوين - نجاة الصغيرة .
وهذا هو رابط الاغنية على اليوتيوب :
https://www.youtube.com/watch?v=i7-kTU0baQc

شاكرا حسن مجهوداتك القيمة

[مهدي01]

احبائى
اقدم لكم من اناشيد الاطفال الدينية

صلوا صلوا صلاتين

مع اطيب تحياتى

شكرا يا هرم يا على اللمسة والطبق الديني اللي حضرتو ليا و للاعضاء

[عادل صموئيل]

احيائى
اقدم لكم دويتو قديم اوى للثنائى جمال وطروب

قول كمان

مع اطيب تحياتى

[مهدي01]

انشودتين اكثر من رائعة الاولى عن الطبيعة و الثانية عن النبي المسيح عيسى عليه السلام
ممكن تدوينها يا استاذنا يا درة القلوب

اخى العزيز
الانشودة الثانية ناقص منها جزء ممكن تبحث عن تسجيل كامل لها عشان ما ينفعش ادون عمل ناقص ؟
مع اطيب تحياتى عادل صموئيل