المساعد الشخصي الرقمي

مشاهدة النسخة كاملة : نوت متنوعة


الصفحات : [1] 2

وسام اكرم
25/05/2009, 05h29
الاخ الغزيز أستاذعادل
مرفق مع المشاركة, نوتة (باب الحلواني) و قد حولت الى صور بعد أستحالة فتحها (ادوبي 5 ) ,,, وواضح جدا ان العربية فيها( الفونت) ركيك جدا.
للتفضل بالاطلاع مع خالص حبي و تقديري
وسام

وسام اكرم
26/05/2009, 19h28
أحبائي في منتدى سماعي و على رأسهم الاخ العزيز أستاذ عادل المحترم
مساء الخير. لا حظت من قراة بعض المشاركات السابقة بأن بعض الاخوة يستغملون برنامج PDF to Score و هوا من البرامج اللطيفة حقا و الذي يستطيع تحزيل النوتة من ملف بصيغة PDF الى موسيقى! و لكن احب ان أحذر ان البرنامج ده يجب ان يستحمل بحذر شديد في الموسيقى العربية و انا اوضح النقطة دي بالذات مع المثال الالاتي:
1- قمت بتحميل نوتة اغنية (شكل تانب) للمطربة نجاة الصغبرة و الى دونها الاستاذ الفاضل عادل صمؤيا مع التقدير
2- من ملاحظة النوتة المرفقة يبدوا و اضحا الفرق بين نوتة الاستاذ عادل, و النوتة الى كتيها البرنامج,,, حيث ان المقام المستعمل هوا مقام الرست,,, بينما البرنامج فسرها على انه مقام الكرد!؛؛؛ يعني ايه؟؟؟ البرنامج لايتعامل مع علامات التحويل الشرقية.
2- يجود ققي النوتة الى كتبها الاستاذ عادل مقطع (ادليب) ,,, فشل البرنامج بتفسيرها و كتبها على شكا مازورات فارغة
أحي اسمع رأي الجميع و اولهم الاستاذ عادل المحترم
مع خالص حبي و تقديري
المخلص
وسام أكرم

عادل صموئيل
28/05/2009, 13h16
احبائى
اولا ابدأ بتقديم اسمى آيات الشكر إلى اخى الاستاذ نور الصباح اشكرك من كل قلبى على رسالتك الرقيقة والمشكلة ان هذا الإمتحان انا اعتبره اسخف امتحان فى حياتى , انا كنت طول عمرى طالب مجتهد ولكن زمان كانت الإمتحانات مقننة
وهذا الإمتحان لم يقصد منه إلا اهانة الكبار وحتى لا يبين مستوى الصغار والجدد من المعلمين يعنى لو سألونى عن اختبار يبين مدى كفاءة المعلمين كنت حقول لهم افكار يستفيد منها اولا المعلمين وثانيا الطلبة وثالثاً الدولة ورابعاً العملية التعليمية عن بكرة ابيها لأنها الخير الوحيد لإستمرارية دولة قوية مش باللماضة ولا الفكاكة ولكن بالعلم الصحيح .
المهم اقدم لك هنا احد النوت التى طلبتها وللعلم اللحن ده انا اول مرة ادونه او اتعامل معه يعنى كنت بسمعه فى الراديو زمان من بعيد لبعيد ولن ما عزفتش مع ماهر العطار غير مرتين تلاتة فى تسجيلات استوديو مع الفرقة الماسية وانا دايما مش بخبى على اصدقائى شىء لأن كل اللى بحب اقوله او بفكر فيه بيعتبر درس للميتدئين , انا بصراحة قبل ما ادون اللحن كنت مستهيفه او على الأقل كنت حاسس انه سهل جدا وحاكتبه بسرعة لكن لما ابتديت ادونه حسيت انه صعب جدا
وده بيؤكد نظرية من نظرياتى ان اللحن زمان حتى ولو صغير ولو لمطرب صغير مش كبير زى عبد الحليم كان الملحن بيضع فيه اقصى امكانيات ممكنة , يعنى بإختصار اى ملحن كان فى اى لحن بيضع فيه كل امكانياته
وردا على الأساتذة محمد سرحان وارماندو
كلامكم بيؤيد نظريتى ان اهم شىء فى التدوين تسهيل الكتابة والعملية مش فرد عضلات او استعراض شطارة
واهم شىء اعتقد انكم تعلمتموه منى هو ان النوتة لأى لحن ممكن كتابتها بطريقة سهلة وكتابتها بطريقة صعبة
والمضمون فى الطريقتين واحد ولكن خطورة الصعبة كما قلتم انتم ممكن العازف المبتدى لايستطيع الإستمرار او يحدث له احباط يعنى فى النوت التى رأيناها الدوبل كروش والتريبل كروش وبالذات التريبل كروش علامة غير مرغوب فيها فى الموسيقى العربية إلا فى حالة الضرورة القصوى وهى عندما تكون التفعيلة من صلب اللحن يعنى لو بسطتها تفقد الجملة شىء خطير من نكهتها وللعلم تلك الحادثة نادرة جداً فى الموسيقى العربية يعنى حتى لو حدثت تحدث مرة او مرتين فقط فى اللحن الواحد وساعتها تكون مقبولة لأن سبب وضع العلامة الصعبة يكون وجيها ولذلك سر مهم : ان العلامة الصعبة هنا تعبر عن جزء جميل جدا فى الجملة للك المستعمل للنوتة يحبها ويحاول اجادتها
المهم انا سعيد انكم توافقون على نظرياتى واترككم على خير عشان عندى مذاكرة

عادل صموئيل
30/05/2009, 17h48
الصديق العزيز والأخ الغالى الأستاذ الموسيقار الكبير /
عــــــــــــــــادل بـــــــاشــــــا صموئيــــــــــــــــــل
سلام الله عليكم ورحمته وبركاته أتم الله عليكم نعمة الصحة
وموفور السعادة وبعــــــــــــــــــــــــــــــــــــــــــــــد :
لقد نزل علينا كلامكم بردا وسلاما وحمدنا الله - العلى العظيم
- على ارتياحكم لما تم فى الامتحان وسررنا لسروركم لتوفيق
الله لكم وشمولكم برعايته بالتوفيق والنجاح أن شاء الله
ولى رجاء بسيط وهو " إمكانية تحميل ورفع صورتكم الكريمة
إلى جهازى " للاحتفاظ بها كصديق عزيز إلى نفسى حبيب إلى
قلبى وشكررررررررررررررررررررررررررررررررررا
أخوكم نــــــــــــــــــــــور الصبــــــــــــــــــــــــــــــــــــــاح
30 / 5 / 2009 :mdr::mdr::mdr:

اشكرك عزيزى نور الصباح
مرفق نوتة ياللى جمالك عجب وصورتى الشخصية للذكرى والتاريخ وباقى النوت بإذن الله قريباً

tooth
03/06/2009, 08h08
طلبك موجود

tooth
03/06/2009, 19h52
الاستاذ العزيز عادل صموئيل ..
لقد كنت قد ارسلت لك رساله على الخاص قبل ان اتأكد من وجود موضوع خاص بالنوت وطلباتها فأرجو المعذرة

ولكم ارجو لو يسمح وقتك استاذي الكريم بكتابة نوتة لونجا رياض السنباطي .. وارجو ان يكون ملف الـ pdf

بأعلا نقاء ممكن لاني انوي تكبيرها ..
هذا ولك خالص الشكر والتقدير استاذي العزيز ..
اخي عادل هذه النوتة وانشاء الله هي طلبك.

عادل صموئيل
03/06/2009, 20h36
اخي عادل هذه النوتة وانشاء الله هي طلبك.

اخى العزيز
اقدم لك نوتة اللونجا انا دونتها من جديد اتمنى ان تحوز رضاك
واقدمها لكل اعضاء المنتدى حيث ان وجدت النوتة فى المنتدى موجودة من قبل ولكن فيها عدة اخطاء فى النغمات

عادل صموئيل
03/06/2009, 20h54
السلام عليكم ورحمة الله وبركاته استاذتى الكرام اولا احب ان اشيد بمجهودكم العبقرى الذى لم اجده الا فى هذا الصرح العطيم واشكر بالخصوص استاذى الذى كنت فعلا اود ان اكو ن واحدة من تلاميذه وهو الاستاذ عادل صموئيل انا لاقيت فعلا فى هذا المنتدى كنوز موسيقيه لن توجد الا فى هذا الصرح وهى النوت الموسيقية التى لا تقد ر بثمن ولكن فى مشكله بتقابلنى وهى لن النوت الى معروضه مصغره لا تكون عند الطبع ظاهره يعنى النوت اللى مش بتقى على برنامج pdf صعب الاستفاده منها وهى فعلا كنوز يعنى عشان لانتعب اللى يقوموا على هذا العمل الشاق انا اسفه لان كلامى غير مرتب ارجو ان تاخذوا بملاحظتى لان النوت بالسبه لى شئ اساسى فى حياتى وشكرا
الأخت العزيزة جوليانا
مرفق نوتة لجل النبى اللى طلبتيها
طبعا يشرفنى ان تكونى تلميذتى , المشكلة انا احدثكم فيها والكلام طبعاً موجه للجميع
طبعاً انتى حسيتى بالنوت اللى انا بدونها ازاى شكلها جميل وازاى تصلح للطباعة وده طبعاً بيرجع لإستخدام برامج التدوين الموسيقى , والجدير بالذكر ان هذه البرامج لم تكن موجودة قبل 7 سنوات مما جعل كل النوت السابقة على هذا العصر تكون مكتوبة يخط اليد , وانا طبعا وانا اعد النوتة بعمل حسابى انها تكون قابلة للطبعاة وبحجمها الطبيعى
اما نوت خط اليد لم بتنزل المنتدى بتختلف فى حجمها ودرجة ووضوحها وصلاحيتها للطباعة على الشخص اللى بينزلها يعنى ممكن يكون مش خبير فى العملية او ممكن يكون حجم النوتة صغير جدا اصلا واى محاولة لتكبيرها بتقلل جودتها اكتر
فيه كمان مشكلة انا اعتبرها خطيرة بالنسبة لغير المحترفين ان النوت احيانا بيكون كاتبها شخص محترف مستواه عالى بيكتبها بطريقة صعبة على غير المحترفين ودى انا اعتبرها مشكلة خطيرة لأن النوتة بتبقى بالنسبة للمبتدىء او الهاوى عبارة عن طلاسم صعبة ما يعرفش يقراها وممكنتعقده وتخليه يترك الموسيقى
فيه كمان مشكلة برضه خطيرة فى كتابة النوتة بخط اليد ان اللى بيكتب بالقلم الرصاص وبالذات لما يكون شاطر قوى يعنى بيكتب بسرعة عالية , السرعة بتخلى خطه غير مقروء واحنا فى الفرقة الماسية كنا بنحل المشكلة دى بأننا بندى النوتة لواحد نساخ شغلته انه بينسخ النوتة اللى بالرصاص بيكتبها بالريشة والحبر الشينى بخط جميل جدا ونصورها بعد كده ومن اهم ميزات النساخ ده انه كان خبير فى خطوط الأساتذة اللى ماحدش يعرف يقراها دى
عموما انا اتمنى انك تنزلى برنامج انكور اللى انا منزله فى قسم الدروس والنوت الصغيرة الخط دى تحاولى انتى تكتبيها بنفسك عليه , وانا تحت امرك لو لقيتى نوتة هنا وعجبتك وكان فيها مشاكل بالنسبة ليكى نزليها ليا هنا وانا احاول احل لك المشكلة مع اطيب تحياتى

عادل صموئيل
05/06/2009, 21h15
الأخ العزيز والأستاذ الجليل أستاذ الجيل الفنان الأصيل :
عـــــــــــادل بــــــاشــــــا صموئيــــــــــــــــــــــــــــل
سلام الله عليكم ورحمته وبركاته وبعـــــــــــــــــــــــــد :
أرجو التكرم وقبول عظيم اعتذارى - وذلك لوعكة صحية
بسيطة والحمد لله - صدقنى والله وحشتنا قوى قوى.
وأحب أعرف جنابكم أن جميع الأغانى المرسلة لسيادتكم
كلها غير موجودة بالمنتدى وأنا أبحث عنها من مدة طويلة
دون فائدة وأقسم لك بأنها غير موجودة بالمرة
ولسيادتكم خالص الحب والامتنان والتقدير
وشكرررررررررررررررررررررررررررررررررررا
أخوكــــــــــم نور الصبــــــــــــــــــــــــــــــــــــــاح
5 / 6 / 2009 مساء الجمعــــــــــــــــــــــة
عزيزى نور الصباح اولا سلامتك
وثانيا فيه مشكلة ناس بتطلب طلبات وتكون موجودة فعلا على المنتتدى واحيانا موجودة فى الموضوع ده بس هم بيطلبوا من غير ما يتأكدوا والمهم انك اتأكدت عشان التعب اللى فى نوتة موجودة فعلا نوفره لنوتة مش موجودة
اقدم لك حاجتين من طلباتك

عادل صموئيل
05/06/2009, 21h25
اخى الحبيب واستاذى مايسترو عادل صموئيل يا ريت نوتة قلبى دليلى الفالس الرائع للقصبجى ربنا يخليك لنا يا مايسترو ما نتحرمش منك ابدا شكرا الف الف شكر:emrose:
عزيزى احمد سنايم
اقدم لك طلبك
وانا لما بتأخر فى الرد بيكون عندى ظروف قهرية
مع اطيب تحياتى وارجو ان يستفيد منها اكبر قدر من اعضاء المنتدى فقد راعيت فى التدوين اقصى درجات السهولة مع اقصى درجات الدقة

عادل صموئيل
06/06/2009, 17h34
عزيزى الأستاذ عادل صموئيل
صباح الخير والسعادة واشكرك كثيرا على اهتمامك واللة يكون فى عونك قبل الأمتحان شغل ومذاكرة وبعد الأمتحان شغل وتلبية طلبات حبايبك فى المنتدى انت بتنام كام ساعة فى اليوم؟
مع حبى وتقديرى
اخوك ارمندو
عزيزى ارمندو
اولا انا اكتر مشكلة عندى هى قلة النوم او بالمعنى الأصح القلق يعنى لو نمت 3 ساعات فى اليوم يبقى نعمة
اقدم لك جزء من لحن سحب رمشه
وللعلم اللحن ده مكنتش اتخيله صعب كده بس فكرت لقيت ان ماحصلش واحد فكر يغنيه او يعزفه تانى بعد محمد قنديل لأن كل الجمل فيه معمولة بطريقة صعبة جدا مش طبيعية وجايز هم عاملينه صعب كده عشان يبقى ممتنع على اى حد غير محمد قنديل ومن اكبر المشاكل ان محمد قنديل مغنيه بمنتهى الاحتراف يعنى من المستحيل كتابته كما هو بيقول يعنى انا حاولت استوعب خلال 24 ساعة الجزء ده وحاولت ابسطه بقدر الإمكان لن محمد قنديل عامل عُرب خفية مش ظاهرة بتخليك كل ما تسمع اللحن تكتشف انك مش هاضم اللى سمعته او ماعرفتش سره
المهم انت لو حاتعزفه او تغنيه مطلوب انك تحفظه من التسجيل حفظ صم عشان تمشى مع النوتة مع خالص تحياتى وبعدين ممكن احاول اكمله بس محتاج وقت يكون مخى فاضى من المشاغل

عادل صموئيل
08/06/2009, 20h44
[QUOTE=altaifi;327628]أستاذ / عادل لازلت في الإنتظار وخذ وقتك ولا يمهك ، أنا منتظر .. وشكراً
[/QUOTE
اخى العزيز
اليك النوتة مع خالص تحياتى

عادل صموئيل
12/06/2009, 11h58
الأستاذالكبير والحبر الجليل والفنان العظيم وشلال الفن المتدفق دائما /
عـــــــــــادل بــــــــــــــاشــــــــــــــــــا صموئيــــــــــــــــــــــــــــــــــــــــــــل
سلام الله عليكم ورحمته وبركاته وبعـــــــــــــــــــــــد :
لقد طال غيابك عنا يا أستاذنا الجليل من يوم الاثنين الموافق 8 / 6 / 2009 لم نلتق بك
ولم نستمع إلى توجيهاتك ومناقشاتك المفيدة وأرائك التى نستنيـــــــر بها دائما
نرجو من اللــــــه - العلى القديـــــــر - أن يكون المانع خيرا (إن شــــــــــــــــــاء اللــــه )
صديقنــــــــــــــا الحبيب الأستاذ /عادل أستحلفك باللــــه ألا تغيب عنا وصدقنى إن الأنتر نت
كله مالوش لازمة من غيرك
ومـــــا زال الانتظــــــــــــــــــــــــــــــــــــــــار مســــــــــــــــــــــــــنمرا
وشكررررررررررررررررررررررررررررررررررررررررررررررر ررررررررررررررا
أخوكم نــــــــــور الصبــــــــــــــــــــــــاح الجمعة 12 / 6 / 2009
:crazy::crazy::crazy:

عزيزى نور الصباح
اعتذر كثيرا لتأخرى عليكم لمشاكلى الجمة وضيق الوقت
واقدم لك جزء من طلباتك للنوت وخلى بالك انت طالب حاجات كتير عايزة خطة خمسية يعنى الصبر جميل
مع اطيب تحياتى

عادل صموئيل
14/06/2009, 19h56
اخى العزيز نور الصباح
اشكرك على كلماتك الجميلة واقدم لك من طلباتك نوتة بطلوا ده واسمعوا ده
وهذا اللحن يحتاج وقفة كبيرة اولها انه لحن صعب جدا وايامه فى اوائل الأربعينيات لم يكونوا يستخدمون النوتة الموسيقية يعنى كانوا بيحفظوا اللحن مع الملحن وعدم استخدام النوتة يعنى بيركبوا الاجزاء على بعضها وهنا تحدث مشاكل عند تدوين النوتة لأن ظبط الكتابة قد يغير جزء او اجزاء من اللحن وهذا شىء ارفضه تماماً لأن اللحن محفوظ وتغيير اى جزء فيه يفسده وهنا تأتى المهرة فى التحايل فى النوتة بحبث تكون مضبوطة من الناحية العلمية وصحيحة جدا عندما تسمع ماتعزف وبدون ضياع او زيادة اى حرف وهنا انا اختلف مع بعض الكاديميين الذين يصروا على القواعد الأكاديمية وقد يختلفون معى فى تدوين المقام او الموازين ولكن تجدون فى تدوينى ما افتخر ان اقول عليه مدرسة عادل صموئيل للتدوبن الموسيى وللعلم انا كتبت هذا اللحن مرتين وفى المرة الثانية راعيت ان يكون اسهل وابسط مايمكن وبإستثناء النغمات الشرقية كتابتى هذه يستطيع قرائتها اى طالب مبتدىء يقرأ النوتة من شهر واحد ولو كتبت اللحن كما يتهيأ لهم لما استطاع احد قراءته سوى المحترفين
هنا اقف وقفة اخرى امام هذا اللحن انتم طبعا تعلمون ان هذا اللحن من فيلم لعبة الست وعندما يطلب المخرج من الملحن لحنا لفيلم لابد ان يجلس معه ويروى له قصة الفيلم بسرعة ويحدد له المطلوب فى ملامح اللحن وهنا كان المنخ فى الأربعينيات يعنى مستوى الألحان كهمسة حائرة ورباعيات الخيام يعنى الألحان مستواها عالى جدا , ولكن هنا طلب المخرج من الملحن ان يكون اللحن هابطاً او لحن ( بيئة بلغة العصر الحالى ) وانظروا اللى هذا اللحن الهابط بلغة الأربعينات وانا اؤكد ان خلال العشرين عاما الماضية لم يظهر لحن فى قوة واحد على مائة من قوة هذا اللحن ولا كمية الطرب التى فيه

عادل صموئيل
14/06/2009, 20h14
:emrose:رائع كالعادة يا استاذى الحبيب عادل صموائيل تواضع وبساطة العلماء شخصية جميلة معطائة عجبنى جدا كلامك الى الاخ الفلسطينى وكان لازم ارد على هذا الكلام الجميل والمشاعر الرقيقة المرهفة وكالعادة ايضا اطلب نوتة توتة لفريد الاطرش ومش ضرورى الديليفرى يكون سريع هذة المرة على اقل قل من مهلك ربنا يخليك لنا وما نتحرمش ابدا منك شكرا الف الف شكر:emrose:
عزيزى احمد
اقدم لك نوتة توتة الديليفرى سريع المرة دى لأن فيه الحان انا بكون حافظها وبكتبها من الذاكرة من حسن حظك
فيه ملحوظة مهمة انا هنا كتبت السرعات ودى مش عادتى او على الأصح مش عادتنا فى الموسيقى الشرقية لكن اللحن ده بالذات من اهم ملامحه اختلاف السرعات بين الجمل

عادل صموئيل
16/06/2009, 19h52
الأخ العزيز والصديق الوفى والأستاذالكبير والمصباح المنير الأستـــــــــــــــاذ /
عـــــــــــــــــــادل بـــــــــاشــــــــــــــــــــــــــا صموئيـــــــــــــــــــــــــــــل
تحية إعزاز وتقدير وبعـــــــــــــــــــــد :
سلام الله عليكم ورحمته وبركاته وندعو الله العلى القدير أن يمن عليكم بنعمة الأمن
والأمان والطمأنينة والسلام والصحة والسعادة وطول العمر على الدوام
اسمح لى بسؤال بسيط :
- فى الموسيقى الغربية - ما هى درجة الحساس لأى سلم موسيقى وعلى أى أساس تحسب ؟
- أنا فى انتظار النوتات الموسيقية فى شوق ولهفة
- هل إذا ذهبت إلى إدارة عين شمس التعليمية أستطيع مقابلتكم ؟
وإلى أن نلتقى لكم خالص حبى وتقديرى
وشكررررررررررررررررررررررررررررررررررررررررررررررر ررررررررررررا
أخوكــــــم نــــــور الصبــــــــــــــــــــــاح :crazy::crazy::crazy:
16 / 6 / 2009 ظهرا

الأخ العزيز نور الصباح
الحساس هو الدرجة السابعة فى اى سلم موسيقى
يعنى لو اخدنا مثلا سلم دو الكبير بيتكون من 7 نغمات والثامنة جواب الاولى
يعنى عد معايا من اليمين ( دو رى مى فا صول لا سى ) اول درجة هى القرار تجدهم 7 درجات درجة سى هى الدرجة السابعة وتسمى حساس لأنها بتحب تركز على درجة الركوز وهى دو الجواب وبينها وبين الاساس نص تون واضح ؟
بالنسبة لإدارة عين شمس التعليمية انا لا اتواجد فيها لأنى امر على المدارس او المراكز الصيفية مرفق نوتة احد طلباتك والباقى انشاء الله قريبا

عادل صموئيل
19/06/2009, 19h55
ا االسلام عليكم ورحمه الله وبركاته استاذى الفاضل عادل اشكرك اولا على ردك الجميل لى ثانيا اوفقك الراى فى كليات التربيه الموسيقيه فى عدم اهتمامهابتنميه مواهب الدارسين لديها فكل المهم فقط حفظ الناهج العمليه او النجاح فى النظرى فقط لايوجد تنميه مها رات الا ان كان هو بالفعل موهوب ننجد الكل حوله وخصوصا لو كان قريب لحد ثانيا لااتفق مع حضرتك فى رفع القبعه لى لايجوز يااستاذى الفاضل هذا القول لى من حضرتك اساسا فكلنا لاسوف اتكلم عن نفسى ارفع لحضرتك القبعه واحب ان اشكرك على وصفك لى وكل يوم اتمنى ان اكون ممن ترعاهم فى ادارتك التعليميه وتشملهم برعايتك لهم وا شكرك كثيرا

الإخت الفاضلة جوليانا
اشكرك على كلامك الجميل وانا هنا لما بتكلم معاكم بفضفض فى امور تحزننى كثيراً , يعنى لما بتعامل مع الكليات الموسيقية اى موهوب ( وانا واحد منهم ) بيبقى يساوى شىء باجتهاده الشخصى والكلية مش بتقدم له حاجة سوى قشور موسيقية وده ان لم يجد من بعض اساتذتها من يحاول تحطيمة ( وانا واحد منهم برضه وانا طالب ) يعنى تحسرت لما اشوف المعاهد الموسيقية فى اوروبا كل معهد فيه قسم على جنب اسمه قسم تخريج العباقرة والقسم ده بيدخلوا اللى عندهم نبوغ او موهبة فذة فى الموسيقى بيتبنوهم لأن كل واحد منهم يساوى مليون شخص عادى وتلاقى الاساتذة بتوعهم صنف تانى مخصوص يعنى مثلا تلاقى قسم لبيتهوفن بيكون فيه استاذ عجوز خبير فى بيتهوفن يعنى بيتهوفن بيمشى فى دمه حتى النخاع وده بيعلم الطلبة بتوعه بمنتهى المحبة كل اللى بيعرفه بحيث ان كل سنة بيخرج من تحت ايده خمس طلبه متخصصين عباقرة فى بيتهوفن ونفس الحكاية بالنسبة لموتسارت او هايدن او تشايكوفسكى
لدرجة انك تلاقى مثلاً طالب موهوب كده وبيعشق هايدن مثلا والمدرس الخبير فى هايدن مش موجود فى بلده وموجود فى بلد تانية على طول المعهد يعمل له بعثة خاصة على نفقة الدولة ويعطوه مصروف مجزى عشان يتفرغ للدراسة مش يدوه ملاليم ويضطر يروح المعهد الصبح ويغسل اطباق بعد الظهر عشان يلاقى يسكن وياكل والمهم ان النتيجة ان كل اساتذ عبقرى بيبقى له امتدادات لم تنتهى تلاقى الفن الجميل بتاعهم سيمتد غلى الأبد , واللى بيحزننى فى مصر عندنا فن وعمالقة هم خلاصة الفن العربى لكن الفن بيندثر لأن مفيش حد يهمه انه يستمر يعنى انا مثلا لو عرضت على اى كلية انى ادرس اطلبة اللى ممكن يكونوا موهوبين وممكن يطلع منهم عباقرة حايحاربونى
ولا املك سوى ان اقول كلمة واحدة : ياخسارة يامصر
مرفق نوتة امى احد طلباتك والباقى فى القريب ان شاء الله مع اطيب تحياتى

عادل صموئيل
19/06/2009, 20h00
احبائى
اقدم لكم بعض طلبات من النوت
1 ـ سحب رمشه وقد قدمت جزء منها وهنا قد اكلمتها
2 ـ يافايتنى فى حيرة
اتمنى ان يستفيد منه اكبر قدر من الأعضاء الأعزاء وطبعا الطلبات لايستفيد منها طالبها فقط ولكن فائدة للجميع
مع اطيب تحياتى والباقى قادم ان شاء الله

عادل صموئيل
21/06/2009, 15h04
الأخــــــــــــــــــوة حبـــــــــــــــــــايبى وحبـــايب قلبى وحبايب أستــــــــــــــــــاذنا الكبير
عـــــــــــــــــــــــــــــــــادل بــــــــــاشــــــــــا صموئيـــــــــــــــــــــــــــــــــــــــــــــ ــل
ارفعــــــــــــــــــــــوا أيديكـــــــــــــم بالدعــــــــــــــاء بقلـــوب خالصـــة مخلصـــــــــــة
للـــــه تعالى واطلبوا من اللــــــه أن يكون الأستاذ :
عـــــــــــادل بـــــــــــاشــــــــــــــا صموئيـــــــــــــــــــــــــــــــــــــــــــــ ـــــــــــــــــــل
من أوائل الناجحين أمين ... أمين .... أمين ... يارب العالمين
وشكررررررررررررررررررررررررررررررررررررررررررررررر ررررررررررررا
أخوكـــــــــــــــم نـــــــور الصبــــــــــــــــــــــاح
الأحـــــــــــــــــــــــد 21 / 6 / 2009
:crazy::crazy::crazy:

اخى العزيز نور الصباح
اشكرك على شعورك الطيب وواصل الدعاء لأن المشكلة انا حليت كويس بس خايف من نظام التصحيح والفضايح اللى حصلت المرة الاولى يعنى اللى حلوا سقطوا واللى ماحلوش نجحوا لدرجة ان ناس قالوا انهم ظللوا فى كل سؤال الاربع دوائر ونجحوا مع ان الورقة دى مفروض تعتبر باطلة لأن الكمبيوتر حايفضها المهم ما تعرفش النتيجة حاتظهر امتى لأن مش لاقى اجابة محددة من حد وحاسس اننا بنشتغل فى طابونة مش فى وزارة
اقدم لك من طلباتك نوتة غدارين واهديها لبتوع الكادر وربنا يجعل كلامنا خفيف عليهم

عادل صموئيل
21/06/2009, 15h27
الأخت العزيزة الفاضلة جوليانا
اقدم لكى ولكل الاحباء فى المنتدى نوتتين من طلباتك والباقى فى القريب ان شاء الله
1 ـ كم ناشد المختار ربه
2 ـ يامحمد
طبعا انا راعيت ان ابسط النوتة بقدر الإمكان لأن فى التسجيل فيه توزيع كتير مالوش لازمة اذا كان اللى حايعزف شخص واحد
كذلك راعيت ان سعاد محمد يعنى بتغنى براحتها وبتصدر فى اماكن كتير ( طبعا سعاد محمد لازم تغنى كده دى سعاد محمد ) انا عشان اعمل الصح بكتب اللحن الأساسى والمؤدى يضيف عليه حليات لو حب
واقول لكم معلومة للذكرى والتاريخ انا لما كنت بكتب للعمالقة كانوا بيملونى اللحن سادة بدون اى حليات بعدين فى البروفات هو بيغنى الجملة يعنى يعرفنا لونه واحنا نعمل الحليات والذى منه لأن لو الحليات والتصدير اتكتب ماحدش حايعرف يقرا النوتة
طبعا اعتقد فيه ناس حايسألونى يعنى ايه تصدير ؟ التصدير هو تصرف او خروج عن اللحن الاساسى عندما يكون المطرب قدير جدا وبيتسلطن يعنى مثلاً جملة اول حرف فيها على الدوم يعنى فى اول المازورة ممكن المطرب القدير يغنيها يتأخر كروش او يتقدم كروش بس طبعا ده المطرب القدير بس مش اى حد يعنى لو مطرب مش قدير ممكن يقع او يلخبط الجملة كلها
معلش انا آسف للإطالة ولكن انا برد على كل عضو عزيز بيشرفنى انه يسمينى استاذه او انه يكون تلميذى وانا طبعا بعتز جداً بالكلمة دى لأنها جاية من ناس بيحبوا الموسيقى ونفسهم يتعلموا يعنى الدرس مش مفروض عليهم ولكن هم مختارين يتعلموا , وانا اعتز بهم واحب اشرح لهم كل حاجة واتمنى يكونوا زيى بل واحسن منى فى يوم من الأيام
وماتنسوش الكلمة اللى قلتها قبل كده كل انسان وهبه الله موهبة او مال وفير او علم فى يوم حايتحاسب اعطى من ما اعطاه الله ايه للناس وانا كل نقطة علم منحها لى الله اتمنى ان اعطى منها لكل الناس واغلى كلمة عندى وتساوى كل كنوز الدنيا لما انسان يقول انا اتعلمت الشىء ده من الاستاذ عادل
تم تعديل نوتة كم ناشد المختار ربه بمعرفتى عادل صموئيل

nzar123
23/06/2009, 15h40
هذه محاول لتنويت قلبي سألته عليك لماهر العطار ( والشرط الوحيد أن يشرف عليها د عادل صموئيل ويقدمها للأعضاء لأنها مكتوبة بيدي واستطيع فهمها بقيمها الزمنية وتجميلاتها وغير ذلك )
وهي أغنية جميلة جداً ، ومن حبي لها لم أستطع الصمود أمامها كما هو مع غيرها ، وانتظار النوت من مبدعي العالم العربي ( عدا الاستاذ عادل صموئيل في يومنا هذا ) فماذا مع من أحَب أغنية قبل عشرون أو ثلاثون عاماً وأحبَ أن بعزفها على النوته الموسيقية فعليه الانتظار وربما سيموت ونفسه في عزف أغنية ما على النوته وهذه هي محاولتي يا دكتور عادل للتنويت لنفسي مع ما أتمناه من روائع وأغاني ، أتأمل أن تعجبك ...وتضيف وتعدل .... وتحذف أو تلغي المشاركة وأنت المبدع للنوت...فأنا أكتب لذاتي وشكراً

عادل صموئيل
27/06/2009, 01h12
اخوتى الأحباء
اقدم لكم من طلباتكم اغنيتين بس نفسى اتكلم معاكم شوية واتمنى كل رواد الصفحة دى يقروها بمنتهى التمعن
انا عارف ان لما تلبية الطلبات بتتأخر فيه ناس بتتضايق بس المشكلة اولا حسب وقت فراغى وثانيا ان تدوين النوتة مش حاجة سهلة يعنى فيه اغانى مثلا زى ياحلو ناديلى انا حافظها صم والكوبليهات زى بعض مش بتاخد منى وقت
لكن لما يكون الطلب اغنية انا مش حافظها والكوبليهات تلاتة مختلفين يعنى بتحتاج منى وقت طويل عشان استوعبها
لكن ماتقارنوش ده لما اكتب لحن جديد لأى ملحن ما انا مش حافظه برضه لكن هناك الملحنبيعزف لى على اعود وانا بكتب منه مازورة مازورة , لكن هنا الاغنية اللى مش حافظها بفتح برنامجين مع بعض برنامج بيغنى الاغنية مع برنامج الكتابة واقفق ده وافتح ده والمشكلة الأكبر واللى بتسبب تضييع اكبر كمية من الوقت وممكن الاغنية اكتب فيها سطر وازهق واتركها فترة لما يكون التون مختلف عن التون اللى بكتب منه ودى بتحصل كتير يعنى مثلا اغنية انا حاسس انها بياتى الدوكاه ( رى ) بسمعها من التسجيل نازلة تونونص وممكن مش بالضبط يعنى تون وربع مثلا ودى بتعمل عندى مشكلة جسيمة انى بسمع نغمات وبكتبها نغمات تانية يعنى ممكن بعد خمس دقائق تكون دماغى اتخربطت والسبب االاساسى فى المشكلة الخطيرة دى هى اجهزة التسجيل اللى عند الناس فى البيوت احيانا بتبقى سرعتها مختلفة يعنى جهاز اسرع او ابطأ شعرة ممكن انت ماتحسش بيها لكن لو شريط متسجل على جهاز واتذاع على جهاز تانى ممكن السرعة تخليه ينقص نص او ربع تون ولو اتنقل كده كذا مرة تلاقى التون نزل او طلع كتير ودى مرة سألنى احد الأخوة الاحباء عن اغنية لأم كلثوم سمعها مرة من رى ومرة من دو وسألنى هل ام كلثوم تكون غيرت الطبقة ولكن اكدت له ان دى بتحصل فى نقل الشريط من جهاز لجهاز لأن ام كلثوم عمرها ما تغنى لحن من طبقتين مختلفتين وفيه حاجات تانية احب الفت نظركم ليها
زمان لما كنا بنكتب بالقلم الرصاص , كنت بدون طبعا مازورة مازورة بعدين بعمل علامات اللزم الصغيرة والكتابة العربى فوق النوتة ( مثل غناء او كورس او غناء ك1 ) مثلا كنت بكتبها وانا بدون يعنى بمجردما تخلص النوتة بتكون خالصة من كله يعنى براجعها مراجعة سريعة وامضى عليها يعنى خلصت كده
لكن هنا فى الكمبيوتر طبعا الكتابة اجمل 1000 مرة لكن ليها مشاكل كتير وبتحتاج وقت اطول يعنى الأول بكتب النوتة نفسها وممكن اكتب المرجعات وانا بدون عشان ما اتوهش فيها بعد كده وبعد ماتخلص التدوين تيجى عدة مراحل وبتاخد وقت طويل لأن طبعا بمنتهى الدقة يعنى بكتب عليها الكتابة العربى واخلصها الأول بعدين ارجع واحط عليها علامات اللزم وبالذات الصغيرة , بعدين ارجع تانى واحط علامات الربع تون على النغمات لو موجودة فى اللحن ولازم كل ده يتراجع كذا مرة عشان ما انساش حاجة وتبقى عيب فى وشى , المهم يعنى العملية مش سهلة زى ما ممكن يتخيل البعض ان مثلا عشرين اغنية يخلصوا فى اسبوع وللعلم انا مطلوب منى اغنية صعبة جدا جدا هى حياتى انت لعبد الوهاب تعرفوا استغرقت منى تدوين ومراجعة حوالى شهر ( وللعلم الاغنية دى بالذات اعتقد ان من الصعب اصلا حد يحاول يكتبها لأن ايامها ماكانش فيه تدوين نوتة وكانوا بيغنوا براحتهم ولو جيت تكتبها تلاقى فيها عشرات المطبات هى متدارية فى العزف لكن فى النوتة طبعا ما تتفوتش او تتكلفت ولذلك لازم اخترع لها طرق بحيث ان تتكتب من غير اللحن الأصلى المسموع والمحفوظ ينقص حرف وانا الاغنية دى خلصتها بس برضه محتاج اراجعها تانى وصدقونى انا بعمل عمل صعب جدا لكن وقتى صعب جدا , وانا اوعدكم بتنفيذ اللى اقدر عليه من الطلبات بس اهم شىء الصبر .
فيه موضوع اثاره الاخ العزيز نور الصباح وهو نقل النوت من هنا وتصنيفها مع نوت المطربين فى الاقسام التانية بس انا مش احبذ الرأى ده لسبب ان النوت هناط كلها تقريبا مكتوبة بخط اليد وبالطريقة الصعبة يعنى اى هاوى او مبتدىء لو حاول هناك ممكن يعطل ومايعرفش يكمل عزفها ولو النوتة بتاعتى كان ترتيبها هناك رقم 7 مثلا اعتقد ان العضو ممكن يزهق لما يلاقى نفسه مش ماشى فى النوت ومايشوفهاش اصلا وبكده يكون تعبى راح على الفاضى يعنى كانه اتحط فى المخزن لأن انا همى الاول الهواة والمبتدئين لكن النوت هناك مكتوبة اصلا للمحترفين
لكن هنا انت لو ابتديت تقرا كل النوت اللى انا مدونها يعنى مذاكرة وتمرين مش شرط تكون بتحب الاغنية او طالبها اعقد ان بمرور الوقت النوت السهلة بتزود الكفائة فى القراءة والعزف وساعتها ممكن تروح هناك تقرا النوت الصعبة وانا متأكد ان ممكن تجيب نتيجة وانت نفسك حاتحس انك وصلت لنتيجة اعتقد حاتسعدك وهنا انا اقول انى عملت شىء مع اطيب تحياتى وآسف للإطالة

عمرو الهنداوي
27/06/2009, 13h23
البعض منا يطلب نوتات استاذ عادل القديمة
دى واحدة منهم:crazy:

عمرو الهنداوي
27/06/2009, 13h31
نوتات تانية

عمرو الهنداوي
27/06/2009, 19h32
نوتات تانية

عمرو الهنداوي
27/06/2009, 21h09
نوتات تانية

emanmusictaymou
28/06/2009, 12h52
اعزائى اعضاء المنتدى الكرام
السلام عليكم ورحمته وبركاته
انا سعيدة جدا بمشاركات الاعضاء الكرام فى اعادة النوت المحذوفة واخص بالشكر الاستاذ عمرو هنداوى واتمنى من الجميع المساهمة.
وهذه بعض النوت:
مع ارق تحياتى
:emrose::emrose::emrose::emrose:
على فكرة لو اى حد عايز نوت أغانى باللغة الانجليزية للأطفال او اغانى شهيرة انجليزية انا اكيد فى الخدمة دائما.

عادل صموئيل
29/06/2009, 20h03
احبائى
انا اكون سعيد جدا لما تعبى يكون بفائدة
اقدم لكم اليوم عمل انا افتخر ان اقدمه ( والتعب اللى بصحيح ) بناء على طلب اخى نور الصباح اقدم نوتة حياتى انت
واللحن ده اخد منى شغل شهر تقريباً لأنه لحن غير عادى واقول لكم على سر كل العمالقة ومنهم عبد الوهاب كانوا بيعملوا الحان تتداول وكلمة تتداول يعنى ممكن الناس او المطربين يغنوها يعنى زى مثلا اغنية لامش انا اللى ابكى او كل ده كان ليه يعنى تلاقى مطربين كتير ممكن يغنوا الألحان دى لكن كان كل فترة يعمل اغنية صعبة جدا وتعتبر قلعة حصينة ماحدش يجرؤ يغنيها غير واحد زى عبد الوهاب وطالما مفيش حد زى عبد الوهاب كمطرب فمن المتسحيل حد ينتحر ويغنيها , وتكمن الصعوبة هنا ان عبد الوهاب يوم التسجيل طلع كل اللى عنده يعنى مثلا جملة حياتى انت مغنيها اكتر من 26 مرة وكل مرة شكل يعنى حاطط فى كل تكرار عقدة او حاجز مش اى حد يقدر يجتازه او مثلا 6 سدود من اللى موجودين فى سبق الحواجز بتاع الخيل اى حصان عادى لو نط واحد حايقع اكيد فى التانى بإستثناء حصان ولحد فقط ينط الحواجز وهو مغمض , وانا الجبل اللى لقيته قصادى ساعة ما انطلب منى كتابة النوتة او مشكلة ان اللحن ( زى معظم طلباتكم اللى مش عارف بتفكروا فيها ازاى ) اتعزف قبل التدوين الموسيقى يعنى الملحن والفرقة بيحفظهم بالعود وهنا ممكن يخرج ويدخل ويصدر ويقدم ويأخرويعمل ليالى براحته وطبعاً كان معاه خلاصة عازفين مصر اللى بيساعدوه على الإبداع يعنى بإختصار اللحن ده مش ممكن يتكتب , انا الأول كنت حاتجاهل الطلب بس بعدين تحديت نفسى ( وانا ساعات ببقى متهور ) ودى عادة فيا يعنى تلاقوا نصف معزوفاتى الحان صعبة جدا جدا ما اعتقدش حد يتهور ويفكر يعزفها اصلاً , وهنا انا اقدم لكم للذكرى والتاريخ ولأى حد يحب يبقى تلميذى الفكرة اللى خلتنى اتخطى هذا اللحن المنيع , اولأً بحالة اللحن واهم شىء اى حد عايز يعزفه يسمعه من الشريط كويس جداً لأن نصه تقريبا ادليب والنوتة فى الأدليب بتبقى استرشادية يعنى انت حافظ بتمشى مع الحروف مع اللى انت حافظه او مطرب بيغنى والعازف بيقرأ النوتة وودنه ماشية مع المطرب , بمعنى الاجزاء اللى على الإيقاع ممكن تقراها عادى لكن الأدليب من غير اللى بقول عليه مالوش معنى محدد ودى على فكرة فى كل الأغانى العربية , المهم هنا انا شغلت كل خبرتى ازاى اكتبه ؟ وكان الحل الرجوع للحن الأساسى , ودى حاجة مهمة جدا اتعلمتها من العمالقة واتمنى كل تلاميذى يفهموها , يعنى فى البروفات كنا بنعزف اللحن الأساسى اللى ملحنه الملحن اصلا بعدين بييجى الملحن والمطرب بيشتركوا مع بعض فى البروفات ( اللى كانت كتيرة جدا وكانوا بيقطعوا قلبنا بس كنا مستمتعين لأن كل ساعة تعب بتجيب حاجة حلوة للذكرى والتاريخ ) المهم انهم بيشتركوا فى تلوين وتحسين وتجويد وتطوير الجملة يعنى بحيث ما تبقاش احلى من كده , انا تقريباً شفيت اللحن زى الجزار ما بيشفى اللحمة وهنا افتخر انى قدمت هذه النوتة القيمة جدا وانا هنا كسرت الحاجز اللى عامله عبد الوهاب بإنى بعثت الاغنية دى من جديد يعنى من النوتة دى ممكن اى حد يعزفها واى مطرب قدير ممكن يغنيها على فرقة بعد ما زى ماقلت ان كان من المستحيل حد يفكر اصلاً فى اى شىء اكتر من انه يسمعها فقط
انا اقدم اليكم احبائى هذه النوتة واتمنى ان تستفيدوا منها , ويارب حد يستفيد منها حتى بعدين لو انا مش موجود وافتكروا كويس ان كل عمالقة زمان كانوا بيقدموا ابداعهم للذكرى والتاريخ والنهارده بعد رحيلهم بعشرات السنين التاريخ بيذكرهم يعنى لما تسمع الإذاعة تلاقى احتفالية كل سنة بيوم ميلاد فلان ويوم وفاته ممكن حد من اللى بيغنوا دلوقت حد يفتكره لومات حتى تانى يوم ؟؟؟؟؟
مع اطيب تحياتى

عادل صموئيل
01/07/2009, 00h18
ردا على الأحباء الأعزاء الأخ العزيز نور الصباح والأخت العزيزة جوليانا
الأول اهديكم نوتتين من الطلبات ونتكلم على ماتحملوهم لو تحبوا تسمعوا
اول شىء يعنى ايه كلمة موهوب : يعنى واحد كل عشره مليون شخص ربنا بيديه موهبة خارقة مش متوفرة لأى حد وربنا سبحانه وتعالى له حكمة فى الموهبة يعنى مش بيكررها تانى واتمنى تتأملوا كلامى جيداً , يعنى قوة الخلق والإعجاز عند ربنا سبحانه وتعالى خلق موهبة عبد الوهاب مثلاً , وخلق موهبة السنباطى تلاقى ربنا خلق هنا حاجة مهنا حاجة مختلفة يعنى مكررش التميز اللى فى واحد منهم مرة تانية وده يعتبر آية فى الإعجاز لأن لو كرر عبد الوهاب مرة تانية لكانت قيمة عبد الوهاب راحت لأن ممكن ييجى زيه تانى وتالت , يعنى من معجزات الخلق مثلا الموسيقى رأس ماله ودنه تخيلوا لما خلق بيتهوفن والذى اصيب بالصمم التام فى منتصف عمره , يعنى عايزكم تتأملوا فى المعجزة دى وتقولوا سبحانك يارب , يعنى الأعمال اللى عملها بيتهوفن بعد الصمم يمكن اروع بكتير علما بأن السيمفونية تتكون من ( 11) خط لحن ولازم يكونوا متوافقين والأهم ان يكون الحان جميلة فوق بعض , واقول سبحانك يارب انا لما بحط صوت تانى على جملة بسمعها عدة مرات وعادة بصلح فيها ( وربنا اكرمنى بالكمبيوتر لأنى بسمع الشغل فى البيت غير زمان كنا بنوزع وربنا يستر على الأوركسترا حايطلع شكله ايه ) وطبعا اهم شىء فى الموضوع ودنى اللى لولاها ما اعرفش الصح من الغلط وتخيلوا لما بيتهوفن كان بيعمل سيمفوفية طولها ساعة ونص بدون استعامل ودنه , ولا موتزارت اللى عمل سيمفونيات وهو فى سن اقل من 9 سنين وده الوقت اللى اى طفل بيكون لسه مقضيها سلالم وغيره وغيره , وانا بيصعب عليا لما اشوف اللى بيغنوا النهارده اى حد يطلع ف دماغه يغنى يروح مغنى مابقاش فرق بين المطرب وبين كمسارى الأتوبيس اى حد زى التانى يعنى انا النهارده لو عملت استفتاء وعايز اكرر واحد من اللى بيغنوا اليومين دول زى المطرب ( ت . ح ) او ( م . ق ) انا متأكد انى لو رحت اى مدرسة ثانوى فيها 2000 طالب ممكن اجيب منها 1500 طالب يعملوا اللى بيعمله المطربين دول ولو قلت تيجوا نبحث فى جمهورية مصر العربية كلها عن مطربة زى فايزة احمد يمكن احتمال واحد فى المليون اننا نلاقيها , والخيبة اللى بنسمعها نابعة من نشوء شور بعدم التذوق بمعنى زمان كان فيه محلين بيعملوا كشرى مثلا واحد حلو وواحد وحش كنا بناكل من الحلو والوحش بيقفل النهارده الوحش زى الحلو ماحدش بيستطعم ودى ظاهرة خطيرة يعنى اى محل اكل بيعمل اى حاجة وبتتباع , واى واحد بيعمل اى لحن اى حاجة بتجيب فلوس كان زمان الردىء بيترفض لكن النهارده انا شفت فضيحة من الفضايح واحد بيبع شرائط كاسيت عنده اغنية لوردة وشريط عليه صوت سباك بيغنى نفس الأغنية بس تحس انه بينزح مجارى مش بيغنى والمصيبة الناس بتشرى شريطةه وتترك شريط وردة علما بأن الشريطين بنفس الثمن نفسى حد يسمى لى ده ايه بالضبط
كفاية كده مع اطيب تحياتى

عادل صموئيل
02/07/2009, 18h54
احبائى
اقدم لكم نوتتين من طلباتكم ربنا سهل واتخلق شوية وقت ادونهم والباقى فى القريب ان شاء الله
وعلى ما تحملوهم اسمحولى ادوشكم شوية بالكلام اللى بيخنقنى بس اشكركم لأنى وجدت من يشاطرنى الرأى
اول الكلام العمالقة بقوا ازاى وليه عمالقة ؟ العملية مش موهبة فقط يعنى كان ايامهم موهوبين كتير ولكن بقوا فى الظل , وانا ربنا لما اكرمنى وتعايشت معاهم فترة طويلة اكتشفت ان العملية مش موهبة ولكن ذكاء خارق وعبقرية وتفهم لكل ما يجرى حولهم فى اى مجال , ويمكن انا اخدت منهم الشوية دول لما انتم تتكلموا فى موضوع انا بوافق معاكم لكن لى رؤية تانية خالص من واقع تعاملى مع العمالقة , وارجع الى مثل حامل المسك ونافخ الكير , يعنى حامل المسك شايل عطور ولو احتك بيك ملابسك بتاخد رائحة العطور وتفضل فيها الرائحة الجميلة لفترة طويلة اما نافخ الكير فمجرد انك تقف بجواره حايطلع شرار يحرق ملابسك واكيد روائح سامة تضر الصحة بالإضافة الى الهباب والصماد اللى حايشوه شكل كل اللى حايقف جنبه , واليوم فى الفن المشكلة اكتر من كده كتير يعنى نافخ الكير لو فى شبرا اكيد مش حايروح اذاه للعباسية او مصر الجديدة يعنى اذى محدود ومش عايز تتأذى ماتروحش عنده , لكن انا بتكلم عن مشكلة عامة وهى نشر السموم فى كل مكان على الخريطة , كان زمان فى تقسيم للأصوات الغنائية يعنى صوت راجل وصوت ست , وصوت الست لازم من اهم مواصفاته الوقار والأدب والإحتشام يعنى عدم اثارة اى شىء تانى غير الإستماع عند المستمعين على القل عشان فنهم يوصل والنهاردة بقى العكس بقت العملية استعمال اقصى وسائل الإثارة والإغراء المبتذل إما بالملابس او الحركات او نوعية الكلمات لدرجة ان النتيجة العكسية اللى حصلت ان لو ظهرت اى مطربة كويسة جدا بس محترمة ومحتشمة ما حدش يسمعها ولا يطلبها ف حفلات واكبر دليل المطربة امال ماهر , وانا البنت دى بحب صوتها ولو كانت جت ايامنا اكيد كانت حاتبقى فى مصاف وردة وفايزة شوفوا مصيرها ايه لأنها محترمة يعنى نسمع لها حاجة كل سنة , اما المصيبة السودة والكارثة هى اصوات الرجال يعنى مميزات صوت الراجل انك تسمع صوت راجل النهاردة الاصوات بقت إما صوت زى الفتلة او صوت عامل زى عود الجرجير المنفرد او صوت عامل زى اللى بيقفوا ينادوا فى السوق ( كل حاجة بأتنين ونص ) او اللى بينادى على الميكروباص واهم تميز فى اللى بيغنوا الرقاعة والخلاعة والتخنث والمياصة والكارثة القومية ان دول هم اللى الشباب بيتعلم منهم ويقلدهم يعنى ممكن يطلع منهم جيل خايب مخنث مافيهوش رجالة ويبقوا كلهم سوسو وميمى وأوسة يعنى لو دققت فى صوت اى مطرب زمان تلاقى صوته عبارة عن حزمة يعنى عشر حاجات على بعض بتكون خامة الصوت وفيها الباص والتريبل يعنى صوته مش بيحتاج مؤثرات لأنه كده كامل والاهم لما تسمعهم تحس انك بتسمع صوت راجل مش حاجة بين البينين
مع اطيب تحياتى

نور الصباح
02/07/2009, 22h25
أستـــــــــــــــاذى عــــــــــــــــــــادل بــــــــــــــــاشـــــــــــــــــــــا صموئيـــــــــــــــــــــل
الأخوة الزمــــــــــــــــــــــــــــــــــــلاء أعضـــــــــــــــــــــــــاء منتدانا الجميــــــــــــــــــل
سلام الله عليكم جميعا ورحمته وبركاته وبعـــــــــــــــــــد :
هـــــذه نوتة من المحذوفات للأستاذ المبدع ( دائما ) وجدتها فى منتدى أخر دون استئذان من
الأستاذ وكده عيب وهى نوتة " عجبا لغزال للراحل /فؤاد عبد المجيد
اسمحوا لى بعرضها
وشكررررررررررررررررررررررررررررررررررررررا

عادل صموئيل
05/07/2009, 18h46
احبائى
انا غبت عن المنتدى يومين لقيتكم كاتبين كلام محتاج رد طوييييييييييييييييل
واقدم لكم نوتة حبيب العمر بناء على طلب الأخ العزيز نور الصباح ودى اخدت منى وقت طويل جدا فى تدوبنها لنه من الزمن القديم قبل استعمال النوتة وكانوا بيغنوا براحتهم وكمان الاغنية مملوءة بالأدليب والتوقف وتغيير الميزان والفرامل الفجائية المهم انا اكون سعيد لما اتعب عشانكم بس ماتنسوش ان التدوين بيحتاج وقت وحالة نفسية
بالنسبة للكادر انت عارف ياصديقى ان البعدا اللى اخترعوا مهزلة الكادر من ضمن ما عملوه هو محاولة اذلال المدرسين وتكديرهم يعنى كل يوم واحد يقول على تاريخ لظهور النتيجة ويطلع غلط والحكاية مدام فيها فلوس كل تأخير ده بيوفر للحكومة ملايين الجنيهات اما بالنسبة للحليات اللى سألت عليها حدد لى بالضبط انت عايز تعرف ايه وانا تحت امرك
بالنسبة للأخت العزيزة جوليانا مش احنا اتفقنا ان اى لحن عايزاه ارفعيه هنا وانا تحت امرك عشان الألحان دى مش عندى وانا تحت امرك .
بالنسبة ل آمال ماهر انا احب صوتها جدا بس الخسارة انها جت فى وقت ماحدش يعرف قيمتها يعنى صوتها زى صوت فايزة ووردة ودى المفروض اولا تغنى على فرقة وتريات زى الماسية وثانيا الملحن لما كان بيلحن لفرقة وتريات كان بيعمل لحن اهم شىء فيه انه يبقى رائع لأن اللحن على الوتريات بيبقى مكشوف لكن اليوم وعلى الآلات الكهربائية اللحن اولا بيبقى مش باين وسط التوزيعات ( المتكررة فى كل الألحان ) والإيقاعات والدوشة يعنى زمان الملحن عشان يعمل لحن كان على الأقل يتفنن فيه كذا شهر لكن النهاردة بيحط الكلام قدامه ويدبه زى مايطلع والناس اى حاجة مش بتقول لأ حتى لو الجمل دى سمعوها 100 مرة يعنى فيه خليك كوكتيل بين محمد سعد على شعبان عبد الرحيم تلاقيه موجود زى الملح فى معظم الأغانى
بالنسبة لأخى ملحن مصرى : انا الصفحة دى ما احبش احتكرها لنفسى يعنى ممكن اى حد يحب ينزل فيها نوت طبعاً مكسب للمنتدى بس نوت عبد الحليم اللى عندك انت مدونها ولا من المتداولة فى السوق ؟ لأن هنا فى الصفحة دى انا بقدم مدرسة جديدة فى الكتابة وهى تدوين اللحن اولا بأقصى دقة وثانيا بأقصى سهولة لأن بعمل حساب المبتدئين والهواة اولاً لأن المحترفين بيعزفوا سماعى مش بيحتاجوا النوتة إلا لما يكون اغنية محددة مش حافظها فى ودنه .
بالنسبة للأخ سلطان حماده : انا مش بسمع جورج وسوف لسبب مهم جدا بس الأول لازم نتفهم اساس السبب
الاول عايزك تسمع كذا اغنية لكل من عبد الوهاب وعبد الحليم وفريد ومحرم فؤاد كذا اغنية من بدايتهم وكذا اغنية من آخر ايامهم حاتلاقى ان صوتهم فى الأواخر بقى احلى وانضج وده لسبب مهم جداً من اهم اسباب نجاح واستمرار المطرب وبالذات لما بعد وفاته بوقت طويل حتلاقى المطربين دول كانوا بيحافظوا على صوتهم بكل وسيلة لأنه اغلى ما يمتلكون , وانتم فتحتم الكلام وانا انسان صريح ومحايد وممكن صراحتى تزعل ناس منى ومنن يرفدونى من المنتدى لكن لازم اقول انت لو سمعت جورج وسوف من بداياته كان صوته مش بطال ( بس طبعا مش زى الأسماء اللى انا قلتها يعنى كان فى درجة اقل ) بعدين بعد ما ابتداً يشتهر اتجه لتعاطى المخدرات وهنا ممكن نقف وقفة يعنى ناخد حصة ممكن كتير ما يعرفوهاش عن المخدرات وتأثيرها على المطرب . المخدرات بدات بالحشيش والحشيش بيتم تعاطيه عن طريق التدخين ( وخلوا بالكم اناالحمد لله مش بتعاطى الحاجات دى لكن اعرفها كويس جدا من باب العلم بكل شىء ) ولما نتكلم عن تدخين الحشيش الضرر للمطرب بييجى من السيجارة نفسها مش من الحشيش يعنى السيجارة خطورتها انها لها تأثير ضار شوية على الأحبال الصوتية لكن ضرر خطير جداً على الجهاز التنفسى وبالذات الرئتين يعنى الرئتين ربنا خلقهم بيستوعبوا كمية من الهواء والتدخين لما بيتلف جزء كبير من الرئتين يبقى احتوائهم للهواء اقل من ربع الكمية وهنا الضرر الخطير للمطرب لأ من اهم مواصفات المطرب تخزين كمية كبيرة من الهواء تم اخراجها بالتدريج عشان اولاً يغنى النغمات الطويلة وثانياً تحس انه مستريح وهو بيغنى يعنى مش بينهج لأن نهجانه ده بيدى تأثير يضايق المستمع يحس انه هو كمان حايتخنق يعنى التأثر من السيجارة نفسها لكن تأثير الحشيش على الأجزاء الأخرى للجسم ده موضوع تانى . بعد كده تطورت المخدرات وظهر الهيروين والكواكين وهنا مكن الخطورة القصوى والضرر القاتل للمطرب , لأن المطرب اولاً لازم يكون انفه سليم ( انفه الخارجى والداخلى ) يعنى مجرى الهواء والبلعوم ثم الحنجرة والاحبال الصوتية والقصبة الهوائية وكل نقطة فى الرئتين يعنى مخارج ومداخل الهواء وثانى اكسيد الكربون والدم ولا تنسى الشفتين وحتى الاسنان وكل اللى قلته بيوجد فصوص فى المخ بتنظم العملية دى بمنتهى الدقة , والانسان لما يشم هيروين كانه ادخل فى انفه ماء نار او سيل مدمر من النار طبعاً بيدمر كل الاجزاء اللى قلت عليها وبالذات فصوص المخ ومشكلة جورج وسوف انه ادمن الهيروين والكوكايين والبرشام والماريجوان وكل القائمة وصار انسان مدمر وده الشىء اللى افسد صوته يعنى انا لما بسمعه بحس انى بسمع منشار بينشر خشب طبعاً فيه ناس حتزعل منى لكن ده الحق وكله كوم لما بيغنى اغنية لعبد الحليم مش عايز اقول صوته بيؤذينى اد ايه , وهنا فى شىء مهم الألقاب اللى بتطللق على اللى بيغنوا هل الألقاب دى بيستاهلوها فعلاً ولا الألقاب بقت ببلاش يعنى زمان اطلقوا على فايزة مثلاًكروان الشرق وطبعاً لآخر لحظة هى اعتقد تستاهل اللقب
لكن النهاردة لما يطلقوا على واحد لقب سوبر ستار العصر يعنى لو حسبتها !!!! مش عارف
يعنى لو لواء فى الجيش حب يغنى مثلاً هو فى الجيش على عينى وعلى راسى لكن لو غنى بياخد لقي على قد غناه مش على قد رتبته فى الجيش يعنى هناك لواء لكن فى الغناء ما يحصلش عسكرى صغير
مش كده ولا ايه ؟ طبعا؟ً فيه ناس حاتزعل لكن كلامى لو عبد الوهاب او السنباطى وسمعوا حيقولوا نفس الرأى لأنى انا امثل امتدادهم يعنى مازلت وسأبقى متمسك بكلامهم ونظرياتهم وهى اللى خلتهم عمالقة

عادل صموئيل
07/07/2009, 20h48
استاذنا الفاضل الاخ عادل
الف شكر على اخلاقك وذوقك الراقي انك رديت عليا
رغم مشاغلك الكتيرة الا انك مبتبخلش علينا بوقتك الغالي وبترد علينا كلنا وبتلبي لنا جميع طلباتنا--- وده شي الشكر قليل جدا في حقك يا غالي
ولا نملك الا ان ندعي لك بالصحة والعافية لانك بتسعدنا ربنا يخليك لينا يا كبيرنا
الأخ العزيز وائل
اقدم لك نوتة حكاية العمر كله واشكرك على كلامك الجميل وان شاء الله الباقى فى القريب وانا آسف للتأخير لأنى مشغول 48 ساعة فى اليوم

عادل صموئيل
07/07/2009, 21h54
الأستاذ الكبير والفنان القدير والموسيقار المبدع وقبل ذلك الأخ العزيز والصديق الوفى /
عـــــــــــــــــــــــادل بــــــــــــــــــاشـــــــــــــــــــا صموئيــــــــــــــــــــــــــــــــــل
تحية إعزاز وإكبار وإجلال وتقديـر وبعــــد :
سلام الله عليكم ورحمته وبركاته
ندعو الله - العلى القدير - أن تكونوا فى أتم صحة وأسعد حال وأهنأ بال
1 - أنا أسف أسفا شديدا لتأخيرى فى الرد على حضرتكم ولكن الجهاز طهقنى وأتعبنى ( أكتب المشاركة
وبعد الانتهاء منها وعمل الرتوش النهائية والمعاينة وقبل الاعتماد مباشرة تغلق الصفحة دون سبب
مما يطرنى للإعادة وبعد الإعادة والتدقيق والتمحيص يحدث ما حدث فى المرات السابقة ) وهكذا مما أصابنى
بحالة من اليأس -وهذا ما أخرنى - فأرجو قبول أسفى واعتذارى
2 - النوتة الموسيقية للحن " حبيب العمر " والحمد لله وأقسم أنك لا تتحدى نفسك فقط ولكنك تتحدى
نفسك وتتحدى المستحيل
3 - بالنسبة لسؤالى عن الزخارف اللحنية ( هناك علامات موسيقية فى بعض النوتات بلانشات
ونوارات أساسية فى اللحن وبجانب كل منها علامات صغيرة كروشات ودوبل كروشات مرتبطة بالعلامات
الأساسية بأقواس مع ثبات الميزان ) فكيف تعزف هذه العلامات
4 - مثال أخر _ فى أغنية " كامل الأوصاف لعبد الحليم حافظ اللازمة التى تسبق ( قالوا الصبر بحوره
بعيدة ) هذه اللازمة تعزف بأكثر من طريقة دون إخلال باللحن ـ كيف تعزف
5 - متى تظهر النتيجة علشان نفرح معاك ونفرح لك ونشرب الشربات ولا فيها عزومة - ولا عزومة مراكبية
6 - على نار الشوق أنا هاأستنى وأصبر قلبى وأتمنى
7 -أوعاك تطول غيابك عننا - أنا عايز كل ما أدخل المنتدى ألاقيك بابتسامتك المنورة
8 - خللينى على بالك على طول
9 - شكرررررررررررررررررررررررررررررررررررررررررررررررر رررررررررررا
أخــــــــــوكم نـور الصبـــــــاح الثلاثاء الموافق 7 / 7 / 2009
:crazy::crazy::crazy::crazy:

اخى العزيز نور الصباح
اى عضو محترم منكم لما بيسأل اسئلة انا بكون سعيد جدا لأن ممكن نطلع معلومات مفيدة لكل الأعضاء لأن بيسعدنى لما احس ان فيه ناس ممتازين وانا بحبهم جداً وبيحبوا يقروا وبيستفيدوا من كل اللى بكتبه وارد على كل نقطة سألت فيها
اولا بالنسبة لما بعد ماتكتب وتنسق الكتابة تيجى تبعت الموضوع تقفل الصفحة ويضيع تعبك انا بتحصل معايا وقد تكون مشكلة فى النت نفسه او مشكلة فى المنتدى يعنى كذا عضو بيحملوا حاجات اكتر من الازم فى وقت واحد ممكن المنتدى كفاءة التعامل فيه بتقل وحلها سهل جدا بعد ما تكتب الصفحة وتنسقها قبل ماترفعها ظلل اللى كتبته وانسخه وحطه على صفحة وورد اوفيس بعدين ارسل الموضوع ولو ما قبلش اقفل الصفحة وانسخة من الوورد اوفيس تانى يعنى ممكن العيب الموجود يكون خلص وتترسل الرسالة انا بعمل كده لن الكلام اللى بكتبه لكم لما بيكون كتير ويحصل لى اللى بتقول عليه عمرى ما حفتكر كل اللى كتبته تانى .
ثانياً : انا طبعاً سعيد جدا لكلامك على تدوينى لنوتة حبيب العمر لأنى تعبت فيها جداً واكيد اكون فى منتهى السعادة لما احس ان فيه ناس بتفهم وتقدر تعبى واقول لكم على سر الاغانى اللى زى حبيب العمر بالنسبة لى سهلة جدا فى الكتابة ولكن الصعب جدا إخراج وتنسيق النوتة لأن زى ما قلت اللحن اتسجل بدون نوتة يعنى الملحن والفرقة كانوا بيعزفوا براحتهم ممكن تلاقى موازير كتير فيها مشكلة والمشكلة الاكبر بالنسبة لى انى اكتبها بحيث تتعزف زى ما بتسمع بالضبط ولو انا حليت المشكلة اللى موجودة فى المازورة بالطريقة العلمية الصحيحة يبقى لازم اضيف حروف قد تخل بالجملة او تغير شكلها والناس تحس انى كاتب غلط عشان كده اللحن اللى زى ده بيحتاج منى اسبوع ادندنه مع نفسى واستكشف المشاكل اللى فيه واحاول احلها بأسهل طريقة ممكنة وطبعاً ممكن حد منكم يسأل المشاكل دى زى ايه ممكن مازورة ناقصة نوار وفريد بيمدها بصوته ومعاه عازف ايقاع ما جابتوش ولادة يخترع له حركة يعنى يعمل دومين ورا بعض يعدل الكسر ( حاجة فى الكورة زى كده اسمها كتف قانونى او افتعال ضرة جزاء ودى ما يعملهاش طبعاً غير اللاعب المحترف اوى اوى لأنه لو ماعملهاش بإحتراف شديد ممكن ياخد انذار او ينطرد )
بالنسبة لموضوع الحليات : اولا انا سعيد جداً انى بقول الكلام ده هنا لأن كتير من طلبة المعاهد الموسيقية ما بيعرفوش الكلام ده وحتى لو اتشرح لهم بيتشرح بطريقة روتينية وسخيفة يعنى الطالب ممكن يبقى عارف 10% وبعد الشرح ممكن كمان يضيهال 10 % اللى بيعرفهم , المهم عشان نتكلم عن الحليات دى حاجة تكميلية لتجميل اللحن ( زى الاكسسوار اللى بتحطه الستات الشيك من باب زيادة الاناقة وطبعاً ده سلاح ذو حدين لما تستعمله صح بتبقى جميلة اكتر ولو غلط بتبقى مبهرجة اكتر من اللازم وممكن تبقى مزعجة الشكل ) وانا هنا بسرعة عملت لكم نموذج سهل جدا اشرح عليه لو نظرت الى الشكل الاول نجد مازورة بها 4 نوارات يعنى عدد المازورة سليم
فى الشكل التانى اضفت كروش على الضلع الثانى تمهيداً لعمل الحلية عليه طبعا لاحظوا ان المازورة هنا زمنها اختل لأنها زادت نصف يقى مجموعها اربعة ونصف , فى الشكل الثالث عملت الحلية يعنى صغرت حجمها وفيها خط قاطع مائل معناه ان هذه الحلية خارج الميزان يعنى اصل النوتة رى فا لا صول لكن على نغمة فا وصعت حلية حرف مى تعزف سريعة جدا بحيث لاتخل بالميزان يعنى نسرق زم هذه الحلية من زمن النوار التى تسبقها يعنى وانت بتشاور اشارات 4/4 انت ماشى عادى والحلية دى تحصل من غير ما تؤثر على الميزان وإلا يتكسر الميزان وتبقى عملت غلطة مش إضافة وتحلية . ده اول شكل للحلية انها تكون حرف واحد
ملحوظة مهمة : الحلية ممكن تكون صاعدة كما فى الشكل الثالث او هابطة كما فى الشكل الرابع
بانسبة للحليات الأصعب ممكن تكون الحلية حرفين مثل كما فى الشكل الخامس والسادس او تكون ثلاث حروف كما فى الشكل السابع والثامن , المهم كما قلت انها تعزف بسرعة جدا ولا تخل بالميزان اهم حاجة
نيجى للسؤال المهم تتعزف ازاى ؟ طبعا الكلام ده موجه للمحترفين والمتمكنين شوية مش للمبتدئين لأن المبتدىء يادوب بيبقى مركز فى عزف الحروف الاساسية وضبط الميزان
وللتوضيح : احكى لكم قصة تضحك مرة واحد شافنى بعزف وبحلق فى حركات اصابعى كتير بعدين قال لى يا استاذ انا بشوف اللى بيعزفوا عندهم فى ايدهم الشمال 4 اصابع لكن انا حسيت ان عندك 44 اصبع , من الجملة دى نستنتج ان العازف المبتدىء يادوب اصابعه بتحصل الحروف الاساسية لكن الماهر اصابعه بتتحرك وتعمل الحليلا بأنواعها وزر ماقلت الحلية اللى فى الشكل الأول بتتعزف بسرعة ( يعنى بالمصرى بتتخطف ) ولاحظوا انى قلت اكتر من مرة عدم الإخلال بالميزان وبالتدريب ممكن تعزف الحلية لما تكون حرفين او تلاثة بس برضه اكرر الحليات سلاح ذو حدين لها فائدة ولها ضرر يعنى عارف مثلاً انبوبة البوتاجاز لو احسنت استعمالها شىء مفيد جداً لكن لو اسأت استعمالها ؟انتم عارفين نفس الحكاية الحليات ممكن تخل بالجملة او تفسدها وممكن تجملها لو بالأصول واهم شىء الذوق
سألتنى عن كامل الاوصاف ودى طبعاً قمة الإحتراف انا دايما بحب اتكلم بأمثلة فورية يعنى لو عندك طباخ استاذ ممكن يعمل لك من البطاطس مثلاً عشر اصناف تجنن والعازف الشاطر ممكن من جملة موسيقية معينة ( يعنى مش اى جملة لو جملة سريعة جدا وفيها زحمة موسيقية ماتنفعش لأن ممكن تتدمر ) لكن جملة كامل الاوصاف فيها حروف قصيرة وحروف طويلة ممكن تتحشى حاجات حلوة وهنا ييجى دور العازف الشاطر يعنى انت شوف سمعت منها ييجى ستة اشكال عارف لو فاضى للصبح ممكن العازف الشاطر يسمعك منها عشرين شكل وكلهم حلوين وهنا نرجه لحلاوة زمان ومزيكة زمان يعنى الجملة ممكن تسمعها بعشرين شكل حلو لأنها هى نفسها حلوة عاملة زى بنت زى القمر كلها حلوة ممكن تشوفها بعشرين شكل جميل , لكن الالحان الخايبة بتاعة النهاردة بيحطوا عليها كمية من التوزيع عشان تسنمع شبورة من النغمات وعمر ما حد حايفهمها فى الزحمة والسرعة الهبد بتاع الإيقاع .
اتمنى تكون المعلومات وصلت وانا تحت امر الجميع فى اى معلومات

عادل صموئيل
07/07/2009, 23h31
اقدم لكم نوتة جبار لأنها انطلبت عدة مرات بإلحاح وانا مقدرتش اكتب منها سوى المقدمة والمذهب والكوبليه الاول
والأغنية دى مشكلتها واعتقد انكم شفتم فيلم معبود الجماهير ان المخرج لما كلم الموجى عشان يعمل اللحن كان المطلوب انه يعمل لحن صعب جدا فيه اقصى استعراض عضلات تلحينا وغناء وتوزيع لن قصة الفيلم ان عبد الحليم حب يثبت ذاته انه مطرب كبير مش الممثل الصغير اللى رفضته شادية لأنها ممثلة كبيرة
وانا اللحن ده عمرى ماحاولت اعزفه مع انى عزفت الحان اصعب منه كتير لأن اولا فى المقدمة تعتمد على الإبهار بصولو الايقاع وغناء عبد الحليم فيه ابهار غنائى وبعدين التوزيع ما ينفعش تعزفه آلة واحد محتاج اوركسترا اتمنى اللى كتبته يؤدى الغرض
مع اطيب تحياتى

armendo
10/07/2009, 07h52
عزيزى الأستاذ عادل
مرفق مع هذة المشاركة اغنيتين واحدة للسيدة امكلثوم وهى نورك يا ست الكل والثانية للمطربة اسمهان وهىامتى هاتعرف امتى واشكرك على اهتمامك.
مع جزيل الشكر
ارمندو

عادل صموئيل
11/07/2009, 20h25
عزيزى نور الصباح
اولا اشكرك على كلامك الحلو
اقدم لك نوتة هل هلال العيد
وملحوظة انا بعد ما اخلص نوتة وانزلها بكون بجهز نوت تانية يعنى طبعاً ده فى الوقت اللى ممكن ادون فيه لأنى مش متفرغ للتدوين طول النهار يعنى فى اوقات معينة حسب وقت الفراغ وهناك ايضاً حاجة لازم تتفهموها ان فيه بعض الحان ببتدى اكتب بعدين بزهق منها واركنها وممكن اكملها فى ايام تانية بس المهم انك فى اى وقت لو فتحت الجهاز بتاعى حتلاقى كذا نوتة ما زالو تحت الكتابة
ومع مراعاة ان فيه اعضاء تانيين بيطلبوا كذا طلب مرة واحدة وانا بحاول اقدم لهم جزء من طلباتهم واكملها بعدين حسب استطاعتى
هنا انا اقدم النوتة دى ولأول مرة اقدم لكم التسجيل بتاعها وهى لنور الهدى وهى لحن لطيف جدا وسهل وخفيف واهدية لأحبائى مدرسى الموسيقى الأعضاء بالمنتدى واهديها للأخوات جوليانا وايمان ومحبوبة وهى جميلة لما تتعمل فى مدرسة واقول لكم على سر ان فى كل وزارة التربية والتعليم فى كل الجمهورية ما حدش عملها قبل كده ( وانتم طبعاً عارفين انى بعرف دبة النملة من اسكندرية لأسوان , والتميز ده مهم جدا انك تؤدى لحن ماحدش عمله قبل كده فى المدارس يعنى جميل لأن الناس المعنيين بالأمر واللى بيقيموا شغلك وهم الموجهين والموجهين الأوائل وموجهين العموم بالمديريات والمستشارة بيبقوا سعداء جداً لما يسمعوا لحن مش متداول 1000 مرة ومستهلك فى جميع المدارس وده بيرفع اسهم المدرس اللى بيقدمه وطبعاً تميز تانى لما تقدموا فى الحفلات المدرسية الحان مش متداولة
مع اطيب تحياتى

عادل صموئيل
13/07/2009, 23h35
اقدم لأعضاء المنتدى وبناء على طلب الأخ العزيز وائل نوتة
موعود

كاملة وطبعاً لكن ان تحسوا بمدى المجهود الذى بذلته فى كتابة هذا اللحن ( 11 صفحة ) والمهم ان تستفيدوا منها حتى احس بثمرة مجهودى وقد راعيت كالعادة ان ابسطها بحيث ان يستفيد منها الجميه
تنبيه : هذا اللحن يعتمد على إختلاف السرعة بين الجمل يعنى انا كتبت سرعات تقريبية واحنا ايام الفرقة الماسية عمرنا ما كتبوا لنا سرعات ولكن كان المايسترو فى البروفات او حليم فى الحفلات بيشاور السرعات المطلوبة وطبعاً احنا حفظناها من كتر البروفات
واقول للأخ وائل وصلتنى رسالتك وفى لحن ودارت الأيام انا حنزل لكم حزء جزء حتى لا تملوا من الإنتظار الطويل
مع اطيب تحياتى

عادل صموئيل
16/07/2009, 22h10
السلام عليكم ورحمه الله وبركاته
استاذنا ومعلمنا الكبير /عادل صموئيل
حضرتك عامل ايه ان شاء الله تكون بخير واحسن حال
انا درست فى كليتى اربع سنوات ولكنى لم اجد من يبسط لنا الامور ويعلمنا كما تتفضل حضرتك عندمايسال احد اى سوال فاجد شرحا وافيا مستصاغا يفهمه بسرعه ياريت حضرتك كنت درستلنا اكيد كنا هنبقى احسن من كده بكتير
المعلمومات قيمه جدا وبتتشرح بكل سهوله ربنا يبارك لنا فيك ويجزيك خيرا ان شاء الله
واشكرك كثيرا على مجهودك فى اغنيه موعود دائما تجعل من الصعب سهل فهذه مهاره لم نجدها الا عند حضرتك
ودائما شكراااااااااا



الأخت العزيزة جوليانا
اقدم لكى اغنيتن من طلباتك مصر اليوم ف عيد وصوت بلادى وقد دونتها كاملة بالمقدمة الموسيقية
وردا على كلامك الجميل المشكلة ان فى مصر وفى كثير من الدول لا يتفهمون معنى كلمة التعليم وهذه الكلمة معناها كبير جدا , يعنى عندنا فى مصر لو طالب حصل على الثانوية العامة ونقيم مستواه نجد مستواه خامسة ابتدائى لا تالتة ثانوى لأن المدرس اصبح يدخل الحصة ويلقى عليهم الدرس ويخرج ولا يضع فى اعتباره كمية الفهم الذى فهموه للدرس ومن المفيد له ان لايفهمون ليأخذوا دروس خصوصية , ولكن كلمة تعليم بمعناها الفعلى هى ما افعله يعنى من يسألنى سؤال اجتهد فى محاولة عرض الموضوع كله يعنى انتى لو سألتينى سؤال هذا السؤال عادة يكون جزء من موضوع ولو رددت على سؤالك فقط لن تفهمى شيئا ولكن لو شرحت لك الموضوع من اوله عندما آتى للجزء الذى يحوى إجابة سؤالك ستكونين فهمتى وإستوعبتى الموضوع كله , وانا انسان غلبان ولا انتحل اى صفة ... ولكن التعليم الصحيح هو ما افعله

armendo
18/07/2009, 20h26
الأخ العزيز ابو برهان تحية طيبة
اهم ما يميز اسلوب الأستاذ عادل صمؤيل هو اعطاءك نوتة بسيطة يستطيع ان يقرأها اى عازف بسهولة تامة ولكنى اشك انة سوف يلبى طلبك قريبا لأن امامة طابور طويل من الطلبات تحتاح الى وقت طويل حتى يلبيها كما ورد فى ردة على احدى المشاركات ولذلك فانا اهديك نوتة قارئة الفنجان كاملة وارجو ان تستقيد منها ان شاء اللة ويا ريت الأستاذ عادل يعيد تدوينها بأسلوبة السهل فى المستقبل القريب ان ساء اللة.
وتقبل تحياتى
ارمندو
عزيزى ارمندو
اشكرك على تعاونك لتخفيف الضغط وللعلم النوتة مكتوبة حلو هى مكتوبة بإحتراف شوية لكن المهم ان الخط واضح يعنى مع شوية تركيز ممكن تتعزف بسهولة وبالذات لما اللى يقراها يكون حافظ الأغنية وبالذات عشان الأدليب

عادل صموئيل
18/07/2009, 21h07
رجاءا نوتة أغنية "أحب إسمك" للفنانة شهرزاد
ألف شكر
ألف شكر
ألف شكر

اخى العزيز
اقدم لك نوتة احب اسمك
وللعلم هذه الأغنية صعبة جدا فى التدوين بحيث لايحاول احد ان يدونها وذلك لأن شهزاد متمكنة جدا يعنى التجويد عندها عالى جدا بحيث انها تغنى الجملة عشر مرات كل مرة شكل لكن انا دائما احب التحدى
مع اطيب تحياتى

عادل صموئيل
20/07/2009, 21h06
اخى العزيز نور الصباح
اشكرك على الصورة
وأقدم لك نوتة ياما قلبى قال لى لأ يعنى انا مش ناسيك بس الأغانى بتاخد وقت واحيانا ببتدى اكتب فيها وازهق منها واركنها واكملها بعدين

عادل صموئيل
20/07/2009, 21h22
اذا ممكن استاذ عادل نوتة عيني بترف كارم محمود ونوتة عيون القلب نجاة الصغيرة ولك جزيل الشكر
اخى العزيز
اقدم لك نوتة عينى بترف والتانية ان شاء الله قريباً بس خلى بالك من قائمة الإنتظار الطويلة واللى بتزيد كل يوم كذا اغنية

وائل
23/07/2009, 15h45
أعزائى اعضاء ومشرفى هذا المنتدى الرائع
السلام عليكم جميعا ورحمته وبركاته
وحشتونى جدا ووحشنى المنتدى وروح الاخوة والتعاون والتفانى والتسابق فى مساعدة الغير بجد ربنا يحرسكوا ويحفظكوا يارب.
اولا احب اهنئ الاستاذ نور الصباح بمناسبة ميلاد حفيده الاول ويارب يحفظه.
استاذى الفاضل استاذ الكل استاذ عادل صموئيل
اخبارك ايه ويارب تكون بخير متابعة أعمال حضرتك ومواضيعك كمان بجد حضرتك بحر فى الموسيقى . بجد ربنا يديم عليكم الصحة يارب.
استاذ عادل عندى امنية ويارب تحققهالى وهى نوتة اغنية ( ياحبيبتى يا مصر) للقديرة شادية.لو وقت حضرتك سمح بكدا وعلى فكرة انا طلعتها سماعى بس نوت حضرتك بتدينى ثقة اكتر بنفسى وفى ادائى كمان.
آ سفة للاطالة.... مع ارق التحيات واطيب المنى:emrose::emrose::emrose:
الاخت الفاضلة ايمان
السلام عليكم
اقدم لكي نوتة يا حبيبتي يا مصر وهي من كتابة الاستاذ الاخ عادل
وهي من عمله تفضلي
شكراً يا جوليانا يا تلميذتى العزيزة

عادل صموئيل
26/07/2009, 21h45
اخوتى الأحباء
اشكر كل من سأل عنى وتأخرى عليكم شوية مشاكل ومشاكل
اقدم لكم بناء على طلب الأخ العزيز وائل نوتة ودارت الأيام
وبناء على اقترتح الاخ وائل اقدم لكم هنا المقدمة الموسيقية كاملة والمذهب وهذا الموضوع هنا متجدد يعنى كل ما اكتب كوبليه سوف ازيده هنا على هذه النوتة يعنى كل من يرغب فى هذه النوتة كاملة ان شاء الله يراجع الموضوع هنا كل فترة لأن الاغنيى طويلة جدا كما تعرفون يعنى المقدمة والمذهب فقط ست صفحات .
هنا اود ان اقدم لكم درس مهم جدا فى النوتة إخترعه استاذى الكبير المرحوم نصر عبد المنصف وهو من اهم الاساتذه الذين علمونى تدوين النوتة وله اختراعات فى النوتة الموسيقية العربية من أهمها علامة الازمة وهى غير موجودة فى النوتة الغربية والإختراع الذى اقدمه لكم اليوم هو المرجع الأحمر وهو عبارة عن مرجع باللون الأحمر يحوى بداخله عدة مرجعات او اجزاء من النوتة الموسيقية نعود من اوله وذلك تفادياً لكثرة السينيوهات او على الأقل حتى لا نتعدى على السينيوهات الموجودة وذلك الإحتياج كنا نجتاجه كثيراً ايام المطربين العمالقة لأنهم كانوا بيعيدوا اثناء الغناء ومن اى مكان وكان ذلك يحدث تداخل فى المرجعات التقليدية وكان الحل عمل السينيو ولكن السينيو ايضا؟ً له عمل وكثرة السينيوهات ممكن تعمل بلبلة لذلك لجا الأستاذ العبقرى نصر عبد المنصف لهذه الفكرة اللماحة وهى عمل مرجع بلون احمر نعود منه دون المساس بالمرجعات الموجودة والسنيهات وذلك من اهم مميزات نوت الفرقة الماسية والذى طبعاص تسرب إلى جميع الفرق والمدونات الموسيقية ونجد هنا المرجع الأحمر من اول غناء المذهب والى الجزء الذى ستروه وهنا ارجو من تلاميذى دراسة هذا المرجع وتفهمه لأنى كنت سابقاً احب ان استعمله فى مدوناتى وستروه بعد ذلك وهذا من ضمن المعلومات التى احب ان اقدمها لتلاميذى لنهم قد لا يسمعوها من مكان آخر
ولاتنسوا كام قلت انا كلفترة حسب ظروفى سأكمل نوتة ودارت الأيام هنا فى هذا الموضوع , وانا هنا افتخر انى اقدم لكم نوتة ودارت الأيام بسهولة تامة يستطيع اى مبتدىء تنفيذها
مع اطيب تحياتى

عادل صموئيل
30/07/2009, 03h24
احبائى
اولا اشكر كل من سأل على صحتى يعنى انا الحمد لله احسن شوية
واهم اخبارى انى والحمد لله وبعد طول عذاب من الإنتظار ظهرت نتيجة امتحان الكادر ونجحت والحمد لله
اقدم بناء على طلب اخى العزيز نور الصباح نوتة سبحان الواحد الأحد
ةانا اقدم هذه النوتة واقدم معها تسجيل اللحن وذلك لأبنائى واخوتى واصدقائى وتلاميذى مدرسى الموسيقى بالذات لأنه عمل كورالى ممكن يقدم فى المدارس ويمتاز بأن ماحدش قدمه قبل كده لأننا عادة نشكون من تكرار الأعمال الموسيقية
وانا سعيد جداً بانى قدمت كمية كبيرة من الأعمال والتى تصلح للتقديم فى الحفلات والمسابقات المدرسية والتى لم تقدم من قبل , وحتى الاغانى العاطفية ممكن تقدم على هيئة مقطوعات موسيقية حيث ان المشكلة الازلية ان المطلوب فى المدارس اناشيد او اغانى لابد ان تكون وطنية او دينية او وصفية وبالنسبة للأغانى الوصفية ياريت لو حد عنده بمناسبة عيد الفطر المبارك نشيد فى وصف خروف مشوى وتحته صينية كبسة من بتاعة السعودية اعتقد يبقى نشيد فريد من نوعه
مع اطيب تحياتى :emrose:

عادل صموئيل
01/08/2009, 20h29
يا احبائى اشكرك معلى كلامك الجميل وانا مش قد الكلام ده كله
اقدم لأخى العزيز نور الصباح ( واشكره على الزفة اللى عمل لها لى ) اغنية اختال فوق عيدانك واكبر يازرع الشراقى
واقدم ايضا التسجيل
واهديها لمدرسين الموسيقى احبائى وهى عمل كورال جميل جدا وسهل جدا
واهم شىء انه تقريباً عمر ما حد قدمه فى مدارس قبل كده ولا حظوا انى بركز دايماً على الموضوع ده
يعنى ممكن يتقدم فى الحفلات او كنشيد اختيارى فى اى مسابقة
مع اطيب تحياتى

عادل صموئيل
01/08/2009, 23h39
أستاذي الفاضل
عادل صموئيل (http://www.sama3y.net/forum/member.php?u=249452)

حمدا لله علي سلامتك
وألف مبروك علي أجتياز أمتحان الكادر

أتمني من الله عز وجل أن يديم عليك الصحه والعافيه ويظل المنتدي دائم التميز بوجودك

أستاذي الفاضل أسمح لي بطلب علي أستحياء أن أتحات لك الظروف والوقت

هل ممكن نوته أغنيه ... قولو لعين الشمس ماتحماشي أحسن حبيبي دا ال صابح ماشي

ولك جزيل الشكر

اخى العزيز حمدى محمد احمد
اقدم لك النوتة بس ليه كلمة على استحياء ؟
انا هنا موجود عشان اخدمكم كلكم وكلمة استحياء دى خلتنى تركت كل اللى ورايا وكتبتها لك
اللحن مقام بياتى

عادل صموئيل
09/08/2009, 02h53
اهدى لكم نوتة من اصعب اعمال عبد الوهاب
عاشق الروح
بناء على طلب من الأخت العزيزة محبوبة
وهذا اللحن استغرق منى 10 ايام فى الكتابة لأنه لحن صعب جدا يعنى لما تسمعه يتهياً لك انه سهل لكن لو اى واحد حب يغنية حايلقاه فى منتهى الصعوبة اما كتابته اعتقد انها من المستحيلات لن فيه خدع خطيرة عاملها عبد الوهاب
وكان عبد الوهاب كما عرفته شخصيا عشرين سنة تقريباً له مش عبقرية واحدة لكن عدة عبقريات يعنى كان له الحان سهلة مثلا مثل لحن كل ده كان ليه وده اى مطرب ممكن يغنيه اللحن الأصلى لكن لو سمعته فى الحفلات وسمعت الليالى اللى قالها عبد الوهاب استحالة واقولها استحالة حد غير عبد الوهاب يقولهم , وهنا فى هذا اللحن استحالة من نوع آخر يعنى اللحن لو سمعته يتهيأ لك انه سها لكن اى موسيقى خبير فى الكوبليهات لو شاور بإيده إشارات الميزان حا يلاحظ ان الميزان بيتكسر كذا مرة وهنا العبقرية او بعض من سحر عبد الوهاب يعنى ازاى تسمع تحسه مضبوط وتحسبه تلاقيه مكسور , وده ممكن من الدهاء عشان ماحدش او من الصعب ان حد يقدر ينفذه او يغنيه , وهنا انا بذلت مجهود جبار انى احاول احل اللغز ده , بس هنا اعطيكم ملحوظة مهمة اللحن لو اتقرا كنونة عادية ممكن تحسه ناقص حاجة , لكن عشان تتعامل معاه اولا لازم تكون حافظ الاغنية جدا , ولما تتعامل معاه اقول لك الطريقة تخيل واحدة ست شيك جدا اشترت فستان شيك جدا ومقاسها بس محتاج مثا يتخنسر 2 مللى من الوسط او من اى مكان , يعنى تمسك الكوبليه وتحاول ترتبه مع نفسك بحيث انك تحس انه اتعمل مضبوط , وانا طبعاً اتمنى يتنفذ حلو عشان احس ان تعبى ما راحش على الفاضى لأنى متأكد ان مش ممكن حد يقدر يكتبه احسن من كده يعنى طبعا حاولت اخليه من اسهل مايمكن بعيداً عن العقد والفزلكة
مع اطيب تحياتى
واصبروا على باقى الطلبات لأن الطابور الطويل بيزيد كل يوم

ملحن مصري
10/08/2009, 16h02
السلام عليكم

إليكم نوتة التوبه لعبد الحليم والتي كانت مطلوبه من الأستاذ عادل ومحاوله لتخفيف ضغط الطلبات عليه

ملحن مصري
10/08/2009, 16h11
السلام عليكم
وإليكم نوتة كل ده كان ليه

ملحن مصري
10/08/2009, 16h28
السلام عليكم
وآدي نوتة حيرت قلبي لأم كلثوم وأنا مالي لورده لكل اللي طلبينها

ملحن مصري
10/08/2009, 17h44
السلام عليكم
وآدي نوت لوديع الصافي

ملحن مصري
10/08/2009, 17h46
السلام عليكم
آدي نوتة مقادير لطلال مداح

ملحن مصري
10/08/2009, 17h56
ادي النوت
طبعا بالنيابة عن جميع رواد هذه الصفحة اشكر اخى العزيز ملحن مصرى على تعبه معانا وانه طبعا بيريحنى شوية لن طابور الطلبات الكتير جدا
بس انا عايز اتعبه معايا فى حاجة ممكن يراجع الطلبات اللى انا لسه ما كتبتهاش ولو عنده مكتوبة ممكن يخاطبنى على اخاص ويقول لى انه عنده نوتة كذا وكذا
عشان ما اتعبش نفسى فى نوتة تكون مكتوبة اصلا وطبعا الوقت يتوفر فى حاجة تانية
وطبعا انا ما احبش الصفحة احتكرها لنفسى يعنى طبعا احب الجميع يشترك معانا لو عنده نوت بس اهم شىء تكون مكتوبة حلو
بس فيه سؤال سريع جدا ومهم فيه نوت مكتوب عليها علامة الجندول باللغة الإنجليزية
ارجو التاكد من انها غير مكررة بالمنتدى فى اماكن اخرى والف شكر

ملحن مصري
10/08/2009, 18h06
آدي النوت

عادل صموئيل
13/08/2009, 00h29
احبائى
يسعدنى ان اقدم لكم نوتة
ودارت الأيام
كاملة كما غنتها ام كلثوم فى الحفلات وهذه اول مرة يتم تدوينها كاملة وقد استغرقت 18 صفحة كاملة
وهنا انا افخر ان اقدمها لكم وقد قمت بتدوين كل حرف فيها والملحوظ ان عبد الوهاب كان له تقليد انه بيعمل جملة موسيقية لكى تعيد ام كلثوم الكوبليه من نفسه يعنى تقول الكوبليه مرتين منه فيه بدون ان تقفله ويبدأ الكوبليه من اول الموسيقى مرة اخرى وكانت تلك الجملة الموسيقية من اروع ما يكون ولكن المشكلة الخطيرة فى الإذاعة ان حفلة ام كلثوم لا تقل فى الأغنية عن ساعة ونصف وكانوا بيعملوا مونتاج لكى تستغرق الاغنية 59 دقيقة فقط لذا كانوا بيحذفوا الإعادة الداخلية للكوبليهات وبالطبع يحذفوا هذه الجمل الجميلة , لذلك تجد ان المكان الوحيد الذى تسمع فيه هذه الجمل هو محطة الأغانى , وتكرار سماع الجمهور للأغنية بعد حذف هذه الجمل يجعل الجمهور ينسى هذه الجمل الموسيقية الرائعة , وهنا ان اقدم الأغنية للذكرى والتاريخ واهديها لكل احبائى كاملة بكل هذه الجمل الرائعة , كذلك ام كلثوم عندما كانت تقفل مقطع عينى ياعينى ع العاشقين قفلته بقفلتين مختلفتين لا يقلون روعة عن بعضهما والملحوظ ايضاً عند المونتاج والإختصار كانوا يحذفون واحدة منهم وانا هنا من حق ام كلثوم وعبد الوهاب عليا دونت القفلتين
اتمنى ان تستفيدوا من هذه النوتة الرائعة والتى وضعت فيها خلاصة فكرى وخبرتى وكالعادة كتبتها بأبسط واسهل تدوين ممكن على الإطلاق
هنا ملاحظة مهمة الأغنية طولها 18 صفحة ولاحظوا ان علامات السينيو انا جعلتها فى كل كوبليه خاصة به فقط وذلك طبعاً لعدم البلبلة وللتبسيط
مع اطيب تحياتى واهديها للأخ العزيز وائل فهو الذى طلب منى تدوينها

عادل صموئيل
15/08/2009, 23h45
اقدم لكم نوتة ابجد هوز بناء على طلب تلميذى العزيز احمد سنايم
واتمنى ان يستفيد بها جميع اعضاء المنتدى الأعزاء
والأغنية دى محتاجة تاخد بالك هى سهلة لكن صعوبتها فى الحروف الشقية اللى عاملها عبد الوهاب واقصد بها الحروف الغير متوقعة , وبرضه من اسباب صعوبتها انها سريعة جداً محتاجة من المبتدىء يقراها بطىء فى الأول وانا طبعا حاولت ابسطها على قدر الإمكان

عادل صموئيل
17/08/2009, 15h29
احبائى
اقدم لكم نوتة من احلى روائع رياض السنباطى
واقدمها بناء على طلب الأخ العزيز امير بلان من فلسطين
هو طلب الكوبليه الثانى من اغنية ام كلثوم الرائعة اروح لمين وبالذات كوبليه يطول بعدك
وهذا الكوبليه يتميز بأنه نقلة غريبة وخبيثة وقد تحير اى عازف من اين يبدأ طبعاً بالإضافة االى النقلات الكثيرة بداخله حتى تعود فى آخره الى مقام الراست مقام الأغنية الأصلى
وطبعاً لأ اخفى عليكم ان اللحن صعب جدا يعنى المشكلة ليست نوتة فقط وانما يلزم لكل عضو يحب ان يعزف النوتة ان يكون حافظ الكوبليه جداً لأنى كما قلت ان المشكلة مش فى حروف النوتة ولكن فى روح الأداء , وانا كا لعادة حاولت تبسيط التدوين لأقصى درجة واتمنى طبعاً ان يستفيد منها اكبر عدد من الأعضاء .

ملحن مصري
18/08/2009, 14h05
السلام عليكم
وآدي النوته ياسي أحمد سنايم وأنا تحت أمرك في أي نوته أو أي عضو تاني بس أنا ليّا عتاب عندك عشان المفروض إنك إتحمست للفكره اللي طرحتها وآدي وش الضيف ولا إيه ولا بنتكلم وخلاص
عموما حتي لو مش هاتشترك معايا تكون واضح معايا في موقفك عشان أنا بحب الوضوح وكمان أنا بابني خطوات تانيه علي كل إضافه جديده تتم
وإوعي تزعل من كلامي ده بس إنت مش متخيل الفكره بتاعت الفرقه دي قد إيه مهمه بإختصار دي حلم حياتي

ملحن مصري
19/08/2009, 00h01
علي فكره ا / احمد سنايم شكرا لتقديرك ليا وعدم الرد علي مشاركاتي او رسايلي ليك
وكنت اتمني يبقي موقفك واضح معايا سواء بالموافقه للانضمام او الرفض
وادي النوت اللي طلبتها 1 : الأطلال

ملحن مصري
19/08/2009, 00h12
آدي أول جزء من نوتة فاتت جنبنا

ملحن مصري
19/08/2009, 00h18
وآدي الجزء التاني من فاتت جنبنا

ملحن مصري
19/08/2009, 10h11
إلى أعضاء المنتدى الكرام
أبحث عن نوتة جيدة لأغنية موسيقار الأجيال محمد عبد الوهاب
الفن الدنيا ليل والنجوم

ولحضراتكم جزيل الشكر
وآدي النوته ياعم ولا تتضايق نفسك وأي خدمه

عادل صموئيل
21/08/2009, 19h15
احبائى
اولا اهنئكم بحلول شهر رمضان المبارك وكل عام وانتم بخير
واقدم لأخى العزيز نور الصباح اللى ابتدى يطول غيابه لعل المانع خيراً نوتة اغنية غزالى
وهنا انا اقدم تجربة جدية لأن اللحن سهل ونصفه تقريبا تقاسيم والتقاسيم لا تكتب
انا كتبت جزء من اللحن فقط راجيا ان اقدم تجربة جديدة ان يحاول الكل بعد عزف هذا الجزء ان يكمل اللحن سماعى يعنى انت تحس مقام الصبا وتقرا الجزء اللى انا كتبته اعتقد سهل نحاول نكمل الباقى
وانا نصيحتى لكل تلاميذى ان لا نستسلم لكى يكون اعتمادنا على النوت فقط ولكن نجتهد ان نحاول ان نعزف سماعى وذلك بالنسبة للعازفين اللذين يحبوا رفع مستواهم , لأن انا عارف كل واحد فيكم نفسه يعزف الف اغنية ولكن النوت فين وانا اقول هذا الكلام ليس تهرباً من طلباتكم وانا لم ولن اتأخر عنكم ولكن عادل صموئيل مس انسان مخلد يعنى تخيل فى اى يوم عادل صموئيل مات هل ستتعطل علاقتكم بالموسيقى لعدم وجود نوت ؟؟
وتانى شىء انى إلى الآن لم اجد من اعضاء المنتدى من يدون يعنى كل من يجتهد فهو يأتى بنوت موجودة فعلاً وان طلبت نوتة واحضرها لك تكون صدفة انها موجودة عنده ,
الرجا ان تكون الرسالة وصلت وانا حكرر هذه التجربة لو عجبتكم

عادل صموئيل
30/08/2009, 03h53
عزيزى نور الصباح
اقدم لك الترنيمة اللى طلبت نوتتها
انا كتبتها لأنها صغيرة وعشان وقتى ضيق جدا مش سامح اكتب حاجات كبيرة
بس ماعنديش الكلام مع الأسف انا حافظ اللحن من زمان
وبالنسبة للجميع هى لحن بياتى جميل وسهل جدا

عادل صموئيل
06/09/2009, 03h17
اقدم لكم نوت اغنيتين صغيرتين بناء على طلب سريع
ولحسن الحظ ان النوت سهلة لم تأخذ منى وقت عشان زى ماقلت رمضان بكون مشغول جدا
نوتة ياست يا ختيارة
ونوتة تك تك تك يا ام سليمان
وهم هدية حلوة لمدرسى الموسيقى والمبتدئين
مع اطيب تحياتى وكل عام وانتم بخير

عادل صموئيل
19/09/2009, 03h15
احبائى
كل عام وانتم بخير
اشكرم لسؤالكم عنى وكنت مشغولا طول شهر رمضان 24 ساعة فى اليوم
واقدم لكم هدية العيد اغنية بسيطة وسهلة وجميلة
حلوين من يومنا والله لسيد مكاوى

armendo
19/09/2009, 15h46
الحاقا بالمشاركة السابقة فقد نسيت ارفاقها بالمشاركة شغل صيام كما تعرفون وها هى الأغنية مع اعتذارى.
وشكرا
ارمندو

عادل صموئيل
21/09/2009, 21h36
تحياتى الى الجميع وكل عام وانتم بخير
الى اخى العزيز نور الصباح
انا من زحمة الشغل مش عارف ايه اللى نزلته وايه لسه مانزلتوش واذا نزلت عمل مكرر اشكركم لإبلاغى
اقدم لكم اليوم بناء على طلب اخى نور الصباح نوتة العوازل ياما قالوا
والنوتة دى استغرقت منى وقت طويل يعنى كتبتها على فترات لأنها لحن صعب جدا والأصعب هو تبسيطة واول ما انتهيت منها ارفقها هنا لكم
ونوتة يابو زعيزع اللحن مش عندى لو تكرم نزله وانا اضعها على القائمة واشكركم

عمرو الهنداوي
26/09/2009, 16h56
اهلاا بيكم

انا قدرت ان احصل على نوتة حب ايه كاملة وهى من تدوين عاطف خياطة موسيقى لبيى على ما اعتقد:emrose:

انا لسه ما عزفتها لكنها تبدو جيدة نوعا ما:) على العموم انا ما هان عليا انها تكون عندى اليوم وانتم لا :) فا علشان كدة انتم كمان لازم تستمتعوا معايا واليكم النوته:crazy:

عادل صموئيل
30/09/2009, 12h21
[QUOTE=aya_ahmed;359639]تحية تقدير لهذا الصرح الارائع ولكن لي طلب ورجاء حار من الاستاذ الكبير عادل حموئيل ياريت تزودنا بنوتة اتعودت عليك للفنانة العظيمة شادية وبعض اغانيها ايضا لاني وحدت قليل منها بالمنتدى

فتقبل تحياتي وتقديري وشكرا سلفا واتمنى لكم دوام التقدم والنجاح

الأخت العزيزة
اهلا بكى فى المنتدى واقدم لكى ولكل الأعضاء نوتة اتعودت عليك يا حبيبى
ملحوظة انا دونتها كلها من اول الإيقاع حيث ان الافتتاحية الولى تحوى تقاسيم على البزق والتقاسيم لانستطيع تدوينها
مع اطيب تحياتى

مون1
30/09/2009, 12h36
نوتة ذكريات - محمد القصبجي

وائل
02/10/2009, 14h59
هذا المنتدى كتير كتير ضخم وعظيم وما وجدت منتدى مثله وانا باتعلم العزف على العود واتمني اجد اغنيه الفنانه الرقيقه شاديه (ان راح مك ياعين حيروح من قلبى فين......القلب يحب مرة مايحبش مرتين)فهى اغنيه جميلة ورقيه مثل المطبه شادية

الاخت ريما السلام عليكم
لتخفيف الضغط على الاستاذ عادل اقدم لكي نوتة شادية وطبعا لا نستغنى عن شغل استاذ عادل لكن ممكن تمشي حالك بهذه النسخة لغاية مايقدمها الاستاذ
شكرا على انضمامك لمنتدانا الغالي:emrose::emrose:

armendo
02/10/2009, 15h08
الأخت العزيزة reema تحية طيبة
مرفق مع هذة المشاركة اغنية ان راح منك يا عين للفنانة الجميلة والرقيقة شادية.
مع ارق تحياتى
ارمندو

armendo
02/10/2009, 15h45
الأخت reema
فاتنى ان اقرأ المشاركة السابقة لمشاركتى وهى للأ ستاذ وائل وتتضمن اغنية ان راح منك يا عين وعلى رأى المثل الفقى لما يسعد يجيلة حفلتين فى نفس الوقت ولذلك اهديك اغنية القلب معاك لشادية.
ارمندو

وائل
03/10/2009, 07h19
ياجماعة استاذ نور كان طلب نوتة شط اسكندراية واستاذ عادل كان دونها والنوتة دلوقتى مش موجودة فى المنتدى فا من فضلكم اللى عنده النوتة ينزلها:emrose:

كل التحية:)
سلام عليكم جميعا
نزولا عند طلب الاخ العزيز الاستاذ نور وتذكير الاخ عمرو مشكورا لاهتمامه بنوتة شط اسكندرية اقدمها لكم والشكر الجزيل لصاحب الجهد الرائع اخونا وحبيبنا الاستاذ عادل تفضلو النوتة:emrose::emrose:

armendo
05/10/2009, 21h02
اصدقائى اعضاء منتدانا الأعزاء وخاصة محبى الفنانة الرائعة ليلى مراد اهدى اليكم اغنية اضحك كركر مع تحياتى .
ارمندو

armendo
06/10/2009, 09h35
اصدقائى واخوتى اعضاء منتدى سماعى فى كل ارجاء الوطن العربى من المحيط الى الخليج صباح الخير والسعادة والنصر.
بمناسبة اعياد نصر اكتوبر المجيد والتى ردت الينا كرامتنا وعزتنا امام العدو الصهيونى المغرور والذى كان يتباهى بأنة لا يقهر حتى جاءت حرب اكتوبر التى علمتة درس لن يتساة ابد الدهر وهو ان مصر قد تمرض ولكن لاتموت ابدا ولا تنسى ثأرها مهما طال الزمن ويجب الا ننسى اننا كأمة عربية يجب علينا ان نضع ايدينا بايدى بعض ونتحد فى مواجهة عدو يتربص بنا دائما ويستغل خلافاتنا حتى يحقق اهدافة بالأستيلاء على اراضينا ومقدساتنا كما هو حال المسجد الأقصى الأسير.
وبهذة المناسبة فأننى ارفق مع هذة المشاركة النوتة الموسيقية لأغنية وطنى حبيبى وطنى الأكبر والتى تعبر بصدق عن اننا سنظل دائما امة واحدة امد الدهر.
ولكم منى ارق تحياتى فى هذا اليوم العظيم
ارمندو

armendo
07/10/2009, 07h53
اصدقائى الأعزاء صباح الخير
الى محبى الفنان فريد الأطرش اليكم نوتة احبابنا يا عين وتتميز بسهولة قراءة النوتة الموسيقية الخاصة بها.
ارمندو

عادل صموئيل
08/10/2009, 13h30
حبائى
اولا اعتذر عن غيابى للمشغوليات الكثيرة ومتاعب التقلبات الجوية
اقدم لكن نوتة استغرقت منى وقت طويل
يا بدع الورد
واتمنى ان اقدم المفيد دائما
كما اشكر احبائى اللذين يقدمون ماعندهم من نوت

armendo
10/10/2009, 09h25
اصدقائى الأعزاء صباح الخير
اليكم اغنية عاللى جرا من الحان الفنان حلمى بكر وغناء الفنانة التونسية الراحلة عليا وارجو ان تنال اعجابكم ان شاء اللة.
ارمندو

وسام اكرم
10/10/2009, 20h28
أحبائي من عشاق الاستاذ عادل و انا منهم
أرفع اليكم الملف الصوتي لنوتة ( يابدع الورد) بعد تدوينها على برنامج سيبليس, المشكلة ان بعد تخزينها من برتامج سيبليس على شكل ملف صوتي لم ياخذ البرنامج علامة الاعادة التي وردت في التوتة, و لكن على اي حال فأنها من روائع تدوين الاستاذ عادل المحترم, و أرجوا ان تنال رضاكم مع التقدير
أطيب الامنيات ارسلها الى الاستاذ عادل المحترم على هذا العمل الرائع....
المخلص
وسام اكرم

عزيزى وسام
اشكرك على كلماتك الجميلة وتعبك بس عايز اقول لك على سر انت لو جبت اكبر خبير فى الكتابة على الإنكور وحاول يكتب او ينقل نوتة من اللى انا بكتبهم على الإنكور نفسه فيه حاجات حاتقف قدامه ومنها الأدليب والمرجعات وعلامات التحويل اللى فيه وتغيير الموازين اللى داخل الأدليب والسر ان انا اخترعت فونت إسمه adel music وده اللى بستعمله عشان اعمل الحاجات اللى بتشوفها فى الإنكور وهى مش فيه اصلا , ولكن الشطارة والعبقرية انك تستخدم البرنامج الغربى اصلا فى تدوين موسيقانا الشرقية والتى بها عشرات الإختلافات الصعبة عن التدوين الغربى بس طبعا اللى بعمله مش بيتعزف لأنه خارج برمجة البرنامج لكن النوتة طبعاً فى القراءة 100% وانا افتخر بما اكتبه وكنت اتمنى طبعا اللى بعمله ده كان ايام العمالقة كنت عملت مكتبات من النوت بس ياخسارة رحلوا قبل الكمبيوتر ما يظهر , المهم ان سبب ان السبيليوس مش بيقرأ اى شىء من كتاباتى هو الفونت السرى الخاص بى انا واللى طبعاً مش متداول فى اى مكان فى العالم غير عندى عشان ماتقلقش وتتساءل عن سبب عدم ظهور المرجعات مع اطيب تحياتى


http://www.sama3y.net/forum/sama3y/misc/progress.gif

عادل صموئيل
12/10/2009, 18h15
اخوتى الأحباء
اقدم لكم نوتة يابو زعيزع قوم صلى
انا قسمتها الى 3 مقاطع منعا للخبطة لأنى كتبتها من تسجيل على العود لسيد مكاوى وهو مغنيها على طول بدون مقدمة موسيقية او موسيقى كوبليهات لذا قسمتها إلى 3 مقاطع
وهى تصلح جدا للتنفيذ فى المدارس فى الحفلات

وسام اكرم
12/10/2009, 23h16
أحبائي من عشاق أستاذ عادل
ارفق اليكم الملف الصوتي لنوتة (يابو زعزع قوم صلي) . الحقيقة انا لم اسمع هذه الاغنية طول حياتي! و لكن بعد فحص النوتة و طريقة تدوينها, اعتقد انها الدرس المثالي لتعلم النوتة وفن قرائتها, حيث ان القيم الزمنية المستعمله هي ال(نوار و الكروش) بتتابع مذهل في البساطة و الدقة. كما ان المدرج الموسيقي خالي من علامات العوارض او (دليل المقام) مما يجعل عزفها على اي الة موسيقية سهل جدا. و قد أخترت صوت البيانوا لها. أرجوا ان تنال رضاكم مع خالص حبي و تقديري
وسام

armendo
16/10/2009, 12h43
الأخ الأستاذ ابو عبد الحليم تحية طيبة
اليك نوتة اغنية بالأحضان للراحل عبد الحليم وهى من احلى الوطنيات على الأطلاق واهنئك على الأختيار.
ارمندو

armendo
16/10/2009, 16h12
اخى ابو كارم تحية طيبة
اليك النوتة الخاصة باغنية مصر اليوم فى عيد من تدوين الأستاذ عادل صمؤيل كما ساوالى رفع عدد من النوت الوطنية فى المشاركات القادمة ان شاء اللة.
ارمندو

ملحن مصري
16/10/2009, 18h08
نوتة ثورتنا المصريه لحليم

armendo
19/10/2009, 07h11
اصدقائى واحبائى صباح الخير والسعادة
اليكم نوتة اغنية حلوة يا بلدى لداليدا وكلمات الراحل العبقرى صلاح جاهين ارجو ان تنال اعجابكم.
ارمندو

عادل صموئيل
19/10/2009, 11h59
اقدم لكم نوتة يا حبيبى تعالى الحقنى
وهى مقطع يعاد عدة مرات

ملحن مصري
19/10/2009, 22h15
دي نوتة بفكر في اللي ناسيني للموسيقار محمد عبد الوهاب يا إخواني

armendo
20/10/2009, 07h30
اصدقائى واعزائى صباح الخير والسعادة
اليكم النوتة الخاصة باغنبة يا وابور قوللى رايح على فين للراحل المجدد محمد عبد الوهاب وارجو ان تنال اعجابكم.
ارمندو

منذر عبود
20/10/2009, 17h29
اخى الحبيب العزيز الاستاذ الدكتور/منذر عبود
لك منا كل الشكر والاحترام....ايه الحلاوه دى ايه العظمه والابهه دى فعلا يااخى مجهودك عظيم والنوته اصبحت اسهل فى القراءة ومتابعتها بمجرد النظر اليها واحب اقولك استاذى الدكتور ان لك دور جبار بالمنتدى وتبذل مجهود واضح
اخى الدكتور ان رتبك عاليه لانك لاتحمل الحقد لاحد وان شاء الله تعالى ستنال العلا لان ليس من طبعك الغضب
وهذا يظهر فى مشاركاتك وطريقه واسلوب شرحك وعرضك للموضوعات
ابوكارم[/SIZE]
أشكرك أخي أبو كارم وأشكر الأخت جوليانا فأنا لم أهمل الرد عليكم بموضوع أغنية شادية إن راح منك ياعين وذلك كي لاتتحول المشاركات كلها تبادل شكر وسأحاول إن وجدت وقت تدوين أغنية لشادية وكما قال الأستاذ عادل الأغنية التي تحفظها وتريد تدوينها يكون تدوينها سهل أما أغنية لاتحفظها فيجب أن تكون معك آلة موسيقية تستعملها وأنت تسمع الأغنية وهناك بعض المقاطع قد تضطر لإعادتها مرات عديدة حتى تكون علاماتها دقيقة ولكي تدونها بطريقة يسهل عزفها حسب طريقة استاذ عادل هذا موضوع آخر فأنت ستختصر مجموعة من التحلايات أو التزيينات تترك الحرية للعازف ليقوم بها بعد أن يعزف العمود الفقري للمقطع وتدون بعلامات يغلب عليها السوداء(نوار) وذات السن(كروش) وبعد ان يحفظ العازف عزفها يستطيع العازف زيادة سرعتها أنا حاولت إضافة الألوان للنوته فالمقدمة باللون الأزرق والفواصل الموسيقية باللون الأحمر بالإضافة لتدوين الكلمة تحت المقطع وهذا أعتقد يسهل على المبتدئين القراءة كثيرا كما ترى بكتب الإبتدائي الأحرف الصوتية أو التشكيل الفتحة والضمة والكسرة باللون الأحمر لتسهل على المبتدىء قراءتها
بينما القارىء المتمرس لا تهمه هذه الزيادات (وكرمال د هشام خلف طبيب العيون) نقول أيضا من معه عمى ألوان لايهمه ذلك
هناك ملاحظة وإن كان مكانها ليس هنا هناك اسم كان يتردد بالمنتدى صداه جميل ومداخلاته جميلة هو الأخت هامو (زهرة المنتدى) لاأدري لي فترة لم ألاحظ أي صدى لمشاركاتها عسى الأمر خيرا إن شاء الله وأن تكون بصحة جيدة
ملاحظة الألحان تصليحها ألحان مدحت عاصم

armendo
21/10/2009, 07h13
اصدقائى صباح الخير والسعادة
اليكم النوتة الخاصة باغنية مكسوفة للفنانة الرائعة شادية اطال اللة فى عمرها.
ارمندو

armendo
22/10/2009, 07h09
اصدقائى صباح الخير والسعادة
اليكم النوتة الخاصة باغنية ياللى شغلت القلب تعالى للفنان الراحل عبد العزيز محمود.
ارمندو

عادل صموئيل
29/10/2009, 20h37
اخى العزيز واندرر
اشكرك لسعة صدرك
بس المشكلة انى مشغول 48 ساعة فى ال 24 ساعة
وانا تفرغت يوم كامل من اجلك ودونت لك نوتة طير بينا ياقلبى المذهب والكوبليه الأول
وهذه الأغنية كام قلت عمرى ما سمعت حد بيعوفها او يغنيها , انا كنت دايما بسمعها على الطاير فى الراديو ومش حافظها ولكن لما دونتها اكتشفت السر لمذا هى مش متداولة اولا فيها توزيع جامد جدا بيخلى اى عازف عود ومطرب يهرب منها لأنه بالعود مش حايقدر يعزف التوزيع وحايحس انه فاضى ثانياً ان محمد فوزى بيغنيها بطريقة صعبة يعنى على الزحمة اللحنية بيصدر معظم اللحن وده مش اى مطرب عادى يقدر يغنيها لأنه لازم يعزف اللحن الأصلى بالعود ويغنى يصدر وهنا حايقع منه الرتم
المهم انا كتبتها بطريقة بحيث ان اى حد مبتدىءممكن يعزفها وهنا انا حسيت انى تحديت كل العوائق اللى تمنع تداول هذا اللحن

عادل صموئيل
31/10/2009, 17h21
اقدم نوتة امانة عليك المقدمة والمذهب انا كتبتهم من الذاكرة وهم مضبوطين لكن الباقى مش فاكره اوى لو تتكرموا حد ينزل لى اللتسجيل عشان اكملها
وانا تحت امرك اخى العزيز وائل

عادل صموئيل
01/11/2009, 21h26
عزيزى وائل
وكل الأحباء
اقدم لكم النوتة الكاملة لأغنية كارم محمود امانة عليك
بخصوص سؤالك عن ال لا هل هى بيمول ولا نص بيمول هى بيمول كما وارد هنا وانا عزفتها مع كارم نفسه عشرات المرات
هنا فى هذه النوتة خدوا حذركم من الراك الخداعية واقصد بها علامات التحويل الغريبة عن المقام يعنى هو بدأ نهادون ثم فى موسيقى الكوبليه اعطى ايحاء بالتويل غلى راست ولكن فى الغناء لم يغنى راست كما هو المفروض وللعلم هذا من ضمن عبقرية العبقرة يعنى الخروج عن العادى أو المألوف وهو طالما الازمة للكوبليه راست الطبيعى ان يغنى راست
وهناك شىء أخر خطير ومهم : عبقرية المطرب يجعلك تتخيل انه يغنى بياتى وهو يعنى كرد يعنى بالعرب التى يعملها وبالذات العرب الخفية يداعب خمسين نغمة فى منطقة فيها 3 نغمات فقط , وطبعا كل الكلام ده لسؤال بسيط جدا وصعب جدا : الناس دول كانوا عمالقة ليه ؟ مش من فراغ وده بيظهره الهباب ( بضم الهاء ) وللعلم الكلمة دى قالها لى عبد الوهاب شخصياً , الهباب اللى بتسمعه لما اى حد من نجوم اليوم لما بينسى نفسه ويغنى اغنية للعمالقة شوف الفرق بين المعلاق الأصلى وبين اللى بتسمعه اليوم وكمان شىء خطير : ليه الناس العمالقة دول ما اتكرروش تانى مع ان النساء فى مصر ماشاء الله بيولدوا طفل كل 4 دقائق والإجابة بسيطة ومحددة لأنهم كانوا فلتات , واللى بيغنوا دلوقت بيدوك الإنطباع ان اى حد ( أى حد ) ماشى ف الشارع ممكن يغنى ويبقى مطرب وطبعاً ده شىء مخالف للصح لأن المطرب ده انسان موهوب وكلمة موهوب يعنى شخص كل عشرة مليون شخص عادى او زى الفرق بين الذهب والرمل صح كلامى ؟

ملحن مصري
02/11/2009, 14h46
أخي أرمندو حاول تعزف من النوته دي لو كويسه أبعتلك باقي النوت بتاعتها ويبقي وفرنا وقت أستاذ عادل لو صعبه يبقي الأستاذ يكتبهالك

عادل صموئيل
02/11/2009, 21h01
اقدم لكم نوتة ما بيسألش عليا
واهديها للأخت دلال فى امريكا
مع اطيب تحياتى
واتمنى ان يستفيد منها الجميع

عادل صموئيل
02/11/2009, 21h05
عزيزى وائل
انا دونت لك جددت حبك المقدمة والكوبليه الأول
والمشكلة اللى بتخلينى اتاخر فى الرد أن لما بتطلبوا الطلبات حصل كتير ان ابتدى اكتب فى نوتة وبعد ما اكتب نصفها افاجأ ان احد الأعضاء نزلها وده بيخلينى انتظر اسبوع على الأقل لما اتأكد انها مش موجودة عموما زيادة الخير خيرين
يعنى انت ممكن تجرب النوتة التانية والنوتة بتاعتى واختار الأسهل بالنسبة لك والملحوظ ان فرق كبير فى التدوين

ملحن مصري
02/11/2009, 22h48
وإليك أخي أبو كارم النوت الموجوده عندي بقي عايز تنساني ومش كفايه

عادل صموئيل
03/11/2009, 19h27
اقدم نوتة يا اغلى اسم فى الوجود ونوتة رايحين فى اايدنا سلاح
اهديهم بناء على طلب العضوة الجديدة ابتسام عباس ومرحبا بها فى المنتدى
ودول هدية منى لمن يهمهم هذا النوع من النوت يعنى اولا مدرسى الموسيقى وثانيا لمن يحب عزف نوت جميلة وسهلة
زهنا تجدر الإشارة ان الالحان دى بيعزفوها فى المدارس دائما فيها نغمات كتير غلط واليكم الصح واتمنى ان تعزفوها العزف الصحيح كما اللحن الاساسى وتفتكرونى بعدين

عادل صموئيل
08/11/2009, 13h09
عزيزى ارمندو
انا دونت نوتة ان كنت ناسى ومرفقه هنا

المشكلة ان بعد ان دونتها واستغرقت منى وقت طويل فوجئت هنا ان الاخ العزيز نور الصباح قال انها موجودة فى المنتدى
ومشكلتى ان ماعنديش وقت ابحث فى الطلبات عن النوت الموجودة بالمنتدى

ملحن مصري
10/11/2009, 10h07
ممكن نوتة موسيقى حياتى محمد عبد الوهاب

ودي النوتة المطلوبه

عادل صموئيل
10/11/2009, 20h17
احبائى
يسعدنى ان اقدم لكم نوتة من اصعب النوت الموسيقية ولكن قمت بتبسيطها غلى اقصى درجة طبعا مع عدم الإخلال باللن
دور عشقت روحك لمحمد عبد الوهاب والأدوار تعتبر شىء صعب جدا بالذات على الهواة والمبتدئين لأحتواءه على كمية كبيرة جدا من الدسامة الموسيقية , وماقمت به هنا انا اعتبره تجديدا وهو ان نجعل المبتدىء والهاوى يستطيع عزف الدور باكمله بدون مشاكل وملحوظة فى الجزء الاخير من اللحن انا عملت الموازين الصعبة بطريقة مبسطة وقد يعترض على مافعلت احد الكاديميين المتزمتين ولكن انا لو دونت الموازين كما يريدون ستكون العلامات الإيقاعية اصعب كتير , وانا استخدمت ميزة ان النوتة العربية قابلة للتعديل لتسهيل القراءة مع اطيب تحياتى

ملحن مصري
11/11/2009, 15h47
دي نوتة" وحشتني "لسعاد محمد صديقي وائل وأرجو أن تفي بالغرض

عادل صموئيل
12/11/2009, 20h16
صباح الخير لجميع اعضاء المنتدى
الحقيقة هذا المنتدى عبارة عن صرح كبير ملئ بالكنوز الموسيقية نشكر عليها جميع الاساتذة الكبار ... و اتمنى ان تقبلونى تلميذة بينكم ..!
و اسمحوا لى ان اطلب نوتة مقدمة مسلسل الضوء الشارد للعبقرى ياسر عبد الرحمن
و لكم جزيل الشكر و وافر الاحترام .

الأخت العزيزة
اهلا بكى عضوة جديدة معنا فى منتدانا
وانا ارحب جدا بالأعضاء الجدد واتمنى ان يستمروا ويتواصلوا معنا حتى تعم الفائدة على الجميع
واقدم لكة نوتة مقدمة الضوء الشارد ويسعدنى جدا ان نقبلك تلميذة بيننا فخير الناس من يطلب ان يتعلم
وهنا ملحوظة اكررها لأنك عضوة جديدة انا مدرستى فى التدوين هى ان اكتب بمنتهى البساطة ودون تعقيد لأن هدفى توصيل النوتة غلى الهواة والمبتدئين لأن المحترفين يعزفون سماعى ولا يحتاجون للنوت فى اغلب الظروف
وطبعا اللحن موزع انا لا اكتب التوزيع لأن العازف هنا يعزف خطا لحنيا واحدا واللحن يحتوى على خطوط كثرة متداخة من المستحيل ان يعزفها هاوى
ثانيا انا اقوم بتبسط العلامات السريعة جدا والصعبة لأن الهاوى ايضا لن يستطيع قراءتها
مع اطيب تحياتى عادل صموئيل

ملحن مصري
13/11/2009, 13h12
دي نوتة " الرضا والنور وزهرة المدائن " ويارب تفي بالغرض

عادل صموئيل
13/11/2009, 21h38
عزيزى وائل
من حسن حظك وعشان التوتر بتاع المباراة بكرة ( والجمهور والاعلام بيتعامل معها كأنها حرب والتذاكر اللى ب 15 جنيه بتتباع فى السوق السودا ب 300 جنيه ونسيوا موضوع انفلوانزا الخنازير) ومع انى انا مايهمنى مين يكسب واللى يلعب احلى يستاهل يكسب ودى الروح الرياضية
من التوتر شغلت نفسى 24 ساعة
كتبت لكم نوتة وحشتنى كاملة وعلى فكرة النوتة المرفقة السابقى فيها غلطات خطيرة يعنى الجمل مكتوبة معظمها غلط وفيه صولو جيتار 3/4 فى المقدمة مش جايب سيرته المهم قولوا رأيكم حلوة النوتة دى ؟

عادل صموئيل
15/11/2009, 20h36
اشكرك عزيزى وائل على التهنئة وانا انسان محايد جدا طول عمرى واحنا لعبنا حلو ونستاهل الفوز ويارب ينصرنا يوم الاربعاء ومش غريب على اولاد الفراعنة
واقدم لكم نوتة اتأخرت كتيرر
عيون القلب
ارجو ان تستفيدوا بها

ملحن مصري
21/11/2009, 00h28
نوتة احبك لعبد الحليم

ملحن مصري
21/11/2009, 21h38
نوتة خساره لعبد الحليم حافظ

عادل صموئيل
25/11/2009, 06h22
نوتة بيع قلبك بيع ودك
اقدمها للأخ تامر حامد
واحنا عمرنا ما نهمل طلبات اى عضو بس المشكلة ان النوت ( وقلتها 100 مرة ) النوت مش موجودة عندنا انا بدونها شخصيا وبناء على الطلبات وده بياخد وقت طويل
مع خالص تحياتى

ملحن مصري
26/11/2009, 19h01
السلام عليكم
لوسمحتم عاوز نوتة مقطوعة لونجا نهاوند للفنان عبده داغر
:emrose:

دي نوتة لونجا نهاوند عبده داغر يارب تفي بالغرض

عادل صموئيل
29/11/2009, 05h11
احبائى
اقدم لكم نوتة اغنية داب قلبى لماهر العطار
واقدمها لأخى العزيز نور الصباح وهى من ضمن طلبــــــــــــــــــــــــــــــاته

nzar123
29/11/2009, 12h14
السلام عليكم
كل عام وأنتم بخير وللجميع وبدون استثناء أحد
ولاستاذ الجميع د عادل صموئيل
اعاده الله علينا وعليكم بخير وأمن وبركات
وهذه نوته لا وعينيك يا حبيبة روحي ، أتأمل ان تعجبكم وهي كاملة
وصراحة لم أضعها في قسم فريد الاطرش لأنني اريدها اولاً لعشاق قسم طلبات النوت اولاً قبل الجميع
وثانياً أتمنى أن أكون قد وفقت بتحميل الملف بصيغة صورة للتقليل من حجمها عن طريق برنامج الرسام كم وجهني للطريقة الاستاذ الدكتور عادل قبل أكثرمن 4 شهور
وكل عام وانتم بالف الف خير

عادل صموئيل
01/12/2009, 12h44
احبائى
اليكم نوتة حبيب حياتنا كلنا
طلبها الأخ العزيز نور الصباح
ومفيش داعى للزعل يعنى انا بدون لكم النوت حسب ماتسمح ظروفى الصعبة جدا

عادل صموئيل
02/12/2009, 19h06
احبائى
اقدم الى عزيزى ارمندو نوتة
الغاوى ينقط بطاقيته
هنا انا حاولت ان اجعل الادليب خلال الكوبليهات داخل وزن لأنى حسيت انه يقبل ان يكون موزونا وذلك تسهيلا على احبائى الذين يجربون النوت اولا على البرامج
وهنا لفت نظرى فى كلمات الاغنية ان صباح قالت
وف يوم شفته بيعزل
ورجعت الى الوراء ايام كانت الشقق متوفرة يعنى اللى ما يعجبه اى حاجة فى شقته يتركها ويعزل ويلاقى 1000 شقة غيرها وكان ايجار الشقة 3 جنيه يدفعهم ياخد المفتاح الله يرحم زمان وايام زمان !!!!!!!!

nzar123
07/12/2009, 21h08
السلام عليكم
عند رغبة الأخ ابو كارم وجدت نوته منحرمش العمر منك يا حبيبي للموسيقار فريد الاطرش في الجزء الثاني لفريد الاطرش " الجبقجي " وهنا سانزله لرغبة ابو كارم بالطلبات مع أن لفريد قسم مخصص له وشكراً جزيلاً لهذا القسم الذي يعتبر مناره للهرم الثامن أو التاسع أو حتى العشرين لأنهم يستحقوا الصدارة والتمييز " وعندما يفوز الجميع لن بخسر أحد " كلهم بلا استثناء وانتاجهم يزداد لمعاناً كل يوم يمر بذكراهم ......وهات مين يتعلم الفن والنطق والابداع واللحن والمستوى والأوبريتات والاستعراضات والتسجيلات والصور الغنائية والمواضيع المطروحة بكافة المجالات من أغنية خليها على الله إلى أناشيد وأغاني الوطن والأمه والقومية والدين والمناسبات...إلى لقاء الزعماء...وتقليد الأوسمه ......ولن أتحدث أكثرمن ذلك
والذي تم تخصيص منفرد له " وكل ما كتب عن أنه من الرواد الأوائل أو لا " والحديث يطول وللاختصار اقول
إن كان أو لم يكون من الرواد هو وغيره من العمالقة " والآراء مختلفة حول ذلك بل ومتضاربة أحياناً " مثل حليم وصباح وفيروز وفوزي وكارم ومطلب ومحرم.......
أليس من حق المعنيين والمستمعين والمتابعين أن يلموا بكل تفاصيل أعمالهم ونتاجهم واعطائهم حقهم الحقيقي ولنقل إفراد باب لكل منهم ليس كرواد أو عمالقة أو متميزين .....ولتكن التسمية هنا أو هناك " طبعاً ما عدا العمالقة الذين لا خلاف عليهم " واتفق الجميع على ذلك ، ولنتفق على ان الباقين لا يقلوا ديناميكية موسيقية مبدعه عن هؤلاء ومن حقهم القومي والوطني والفني الأكاديمي العربي والكلاسيكي أن يفرد لهم ابواباً مخصصة .
أما الأراء الشخصية وهي مهمه جداً فهي مرتبطة بالدرجة العلمية في الفن وغيره والثقافة العامة والتربية البيئية والأسرية والموسيقية والعواطف والتجارب والأحاسيس ودرجة التذوق والنظرة الفلسفية لارتباط الفن بالحياة والعكس..............الخ وبالنهاية كلها تترجم كرأي أو كسلوك أو كدافع للوقوف لذلك الرائد الموسيقي ووضعه أولاً أو أو ثانياً أو أخيراً
وهذه وجهة نظر لا أكثر
وشكراً

عادل صموئيل
09/12/2009, 05h04
احبائى أقدم لكم نوتة أخد حبيبى يانا يامة
مع اطيب تحياتى

نور الصباح
12/12/2009, 16h35
الأخ العزيـــــــــــــــز والزميـــــــــــل الحبيب الأســــــــــــتاذ /
أبــــــــــــــــــوكارم
ســـــــــــــــــــــــــلام اللــــــــــه عليكــــــــــــم ورحمته وبركاته
وبعـــــــــــــــــــــــــــد :
هـــــــــــا أنـــــــــا أرفــع لكــم النوتة الموسيقية لأغـنية ( نجــــــاة )
شكل تــــانى حبـك إنت من ألحان المبدع ( محمد عبدالوهــــاب )
وتــــدوين الأســــــــــــــــــــــــتاذ الكبير الفنان الحبيب /
عــــــــــــــــــــــــادل بـــــــــــــاشــــــــــــــــــــا صموئــــــــــــــــيل
وشكررررررررررررررررررررررررررررررررررررررررررررررا
نور الصباح
الف شكر اخى نور الصباح عادل صموئيل

عادل صموئيل
12/12/2009, 18h08
احبائى
اقدم لكم نوتة من اروع اعمال عبد الوهاب
مضناك جافاه مرقده
اقدمها بناء على طلب الأخ العزيز ابو حليم
وانا آسف انى تأخرت عليه وقت طويل لأن مشاغلى كتير ومشاكلى اكتر والأهم ان هذه الأغنية تحتاج وقت طويل جدا حتى استطيع تدوينها لأن عبد الوهاب بيغنى فيها بكل روعته كل اقتدارة يعنى فيها اجزاء كتير غلبتنى وتعبتنى جدا لنه بيصدر وتجد حروف خفية داخل الحروف التى تحس انك سامعها وعرب خفية وده عبد الوهاب يعنى مش اى حد يقدر يقلده وانا عشان احاول استخلص اللحن الأساسى اخد منى وقت طويل , المهم انا طبعا شفت نوت عد الوهاب مدونة فى بعض المنتديات ولكن بشكل احترافى صعب جدا وهنا انا افتخر وأعتز انى قدمت هذه النوتة بهذه البساطة بحيث ان اى شخص سهل جدا يعزفها .
ليا طلب من اخى العزيز نور الصباح لأنه شاطر فى اللغة العربية نفسى تكتب لى كلمات الأغنية عشان انا طلع فى مخى اعزفها بس كعادة عبد الوهاب فيه كلمات ببقى مش مفسرها او بتكون درجة عالية جدا فى التأليف الشعرى يعنى كلمات عمر ماحد استعملها قبل كده ولما تسمعها ممكن تتخيلها كلمة تانية , وانا دائما لما بعزف ماليش دعوة بالنوتة يعنى بحفظ اللحن تفصيلياً من الشريط واغنيها مع نفسى عشان اشرب اللحن لأنه صعب جدا مع تحياتى

وائل
16/12/2009, 02h56
السلام عليكم ممكن نوثة الحلم العربي عاجل و شكرا

هذه نوتة الحلم العربي ان شاء الله تعجبك

عادل صموئيل
17/12/2009, 17h58
اولا تحياتى الى كل من سأل عنى
يعنى كان عندى ظروف كده
اقدم لكم بناء على طلب اخى نور الصباح نوتة منديل الحلو
مع تحياتى

عادل صموئيل
21/12/2009, 01h56
اخى العزيز ارمندو اشكرك على كلماتك الجميلة يعنى انا عملت مدرسة فى التدويناسمها التبسيط وهدفى الهواة والمبتدئين اما المحترفين ف النوت اللى بكتبهايعزفوها وهم مغمضين وانا وفيت بوعدى ونفسى الحكومة (اللى كل يوم تتكلم بس من غير عمل عن محدودى الدخل )توفى بوعدها زيى وتشوفهم شوية اما السؤال عن امكلثوم وفريد الأطرش اقول على السر اللى ماحدش يعرفه لأن الإتنين كانوااصحابى وحافظهم يعنى حافظ اللى قالوه وحافظ اللى بيفكروا فيه من غير مايقولوه , الفكرة كانت موجودة عن ام كلثوم بس فريد خاف منها والسر لأن امكلثوم كان فى دماغها حاجة معينة يعنى عارف لما الواحد بيتربى على حاجةكانت دماغ ام كلثوم زكريا سنباطية واى ملحن عشان هى تتعامل معاه اما تاكلهاو هو ياكلها بالبلدى يعنى وهنا محتاجة واحد جامد جدا يقدر يمشى كلامهعليها بس باللطف ودى الوحيد اللى عملها عبد الوهاب يعنى كانت لما تعرض ( وعلى طول كانت بتعترض ) لأن عبد الوهاب كان معاها مجدد جدا يعنى عمل لهانقلة كبيرة اعترضت على الجيتار الكهربائى فى انت عمرى وهو سابها لحد ماالأغنية اكتملت وسمعت المقدمة 500 مرة بعدها اقتنعت ومن ضمن الجاجات اللىانا شفتها المقطع بتاع عينى عينى ع العاشقين فى أغنية ودارت الأيام كان طبعا زى ما انتم عارفين لون غريب عليها ومارضيتش تغنيها وفى الببروفات كان هو بيغنى المقطع ده وهى تكمل بعدين قال لها انا حاجى معاكى الحفلة وانتى تغنى الاغنية وانا اغنى المقطع ده طبعا ضحكنا وبعد اسبوعين ابتدت تغنيها ولو تلاحظوا انها قفلتها 3 قفلات مختلفة لما عجبتها , ومحمد الموجى كانت فى اغنية الصبر حدود ( هو قالى فى ساعة تجلى ) تدخلت كتير تغير هى فى اللحن ساعتها كان هو صغير ودى الست يعنى ماقدرش يتكلم وده اللى خلى الفرق بين للصبر حدود واسأل روحك فترة طويلة طبعا هنا ممكن واحد يقول الراجل الرغاى الاستاذ عادل ده السؤال كان محدد ليه فريد ما لحنش للست ولكن كعادتى احب ادى للموضوع حقه للذكرى والتاريخ , فريد كان طيب جدا وكانت هى حاتاكله يعنى هى كانت بتاكل الملحن الصغير لكن فريد كان ساعتها حاجة كبيرة اوى ومش حايسمح لها تعدل فى اللحن تغير اللون اللى هو حايعمله وبرضه كان فريد مش بعقلية عبد الوهاب كان من ضمن مميزاته عنده خبث فنى يعنى لما كانت الست تعترض يقول لها اسمعى خمسين مرة بعدين اغيرها بعكس مع فايزة لو اعترضت كان بيسكها يقفلها ماتقدرش ترد وده بسبب ان دماغ عبد الوهاب كان بيعمل الحن بتركيبة زى ماتبنى عمارة يعنى مش الهيكل بسولا الطوب ولكن عمارة فاخرة بتستلمها على المفتاح من باب العمارة لحد السطوح ما يجيش حد يقول له غير السيراميك ده ولا دهان الحائط ده لأنه لما اختار السيراميك او الدهان فكر فيه مليون مرة معلش انا آسف للإطالة بس اتمنى تكون رسالتى وصلت
وجدير بالذكر ملحنين النهارده ( أو ما يسمون نفسهم ملحنين ) اللى بيغنى بيقول له شيل دى وحط دى وخلى دى هيصة وخلى دى تكون كذا وممكن يغير اللحن كله وهنا لو قارنت لحن عبد الوهاب بدول مقارنة زى واحد تعب بيعمل حاجة 3 سنين اكيد تبقى عزيزة عليه وواحد لقى حاجة فى الشارع يعنى لاتساوى عنده شىء
بالنسبة لحكاية غرامى انا ابتديت كتبت فيها صفحة طبعا طلعت روحى بس مش خسارة فيكم بس حتاخد وقت طبعا
بس فيه شىء مهم احب تحضروا نفسكم ليه وبالذات اللى يعزف الاغنية بجد وحلو الأغنية دى 75% منها ادليب يعنى ان ما كنتش حافظ اللحن 100% النوتة معاك لن تساوى شىء لأن الأدليب كما قلت مش بيتقرى زى اللى على ميزان مش حايطلع حاجة ولكن انا اسميه نغمات استرشادية لما تكون حافظ اللحن 100%
وبالنسبة لإنتظاركم الطويل مش ذنبى يعنى انتم عارفين الفنان دايما لازم يبقى عنده شعرة ساعة تروح وساعة تيجى يعنى عشان اكتب بالطريقة بتاعتى لازم اكون فى جو معين وفاضى ومفيش حاجة مضايقانى ودى بتبقى اوقات قليلة جدا بس طلباتكم كتير اوى واغانى كتير منها مش بكون سمعتها اصلا حد يقول لى ما انت كتبت لكل الملحنين الحان تسمعها اول مرة ببس هناك بتختلف يعنى بيغنى اللحن قدامى ع العود مازورة مازورة ومن غير حليات وعرب لكن هنا اصعب 100 مرة وهنا انتم عارفين المصريين دايما عندهم ميزة فى اى ظرف بيطلعوا نكت مهم كان الظرف انا رجعت بذاكرتى 40 سنة لورا واحد قال لى ف المانيا فيه مصنع بيدخل فيه الثور من ناحية يطلع من الناحية التانية علب بولوبيف ( لحوم محفوظة ) وتمنيت يارب يخترعوا ماكينة ندخل فيها اللحن
يطلع من الناحية التانية نوتة ماحدش يضحك ! انا متخصص فى الخيال العلمى يعنى اقول لك كل اللى ممكن يخترعوه بعد 100 سنة ومش بعيد على ربنا بس حكون توفيت ومش حشوفها , انا كل ما اافتح البرنامج اللى بكتب بيه النوتة افتكر وردة مرة ف بروفة قالت : مفيش ماكينة تكتب النوتة الفرقة الماسية ضحكوا لأن كان ساعتها مفيش كمبيوتر ولا الكلام ده كان فيه كمبيوتر فى البنك الاهلى حجمه اد العمارة بتاع شهادات الإستثمار
واقول لكم بالمرة على حاجة غاظتنى واحد طلب اغنية من الأغانى اللى مش بحب اكتبها فى اى وقت طلبها كذا مرة وهرانى ع الخاص اكتر من 30 مرة مع الكلام اللى بيوجع يعنى انى بهمل بعض الناس وكده انا حسيت انه معمول له عمل والشيخ بتاعهم طلب منه النوتة عشان يفك له بيها العمل قمت اتغصبت على نفسى وكتبتها
المهم الشخص ده بعد ده كله اختفى وماشافش النوتة انا ما اظلموش قلت يمكن اتنقل كوالا لمبور وهناك مفيش كمبيوتر المهم نسيتونى
اقدم لكم نوتة البيض الأمارة
بس انا هى فيها فى الكوبليه التانى موال انا مكتبتوش لأن الموال ماحدش يقدر يكتبه لأنه استعراض مهارة المطرب انا بكتب الأدليب وطبعا ممكن حد يسأل ايه الفرق بين الموال والأدليب : الأدليب شىء محدد بيعمله الملحن ولازم المطرب يلتزم بيه وعوما بيبقى مقصود لحن بعيد عن الفزلة والعرب المعقدة واقول لكم مثل زى فى مذهب انت عمرى بتاع رجعونى عينيك لأيامى اللى راحو
اما الموال فهو زى فى البيض الأمارة بتاع لك يوم ياظالم اتفهم كده ؟
ودلوقتى اسيبكم اروح انام الساعة 4 صباحا وعندى شغل الصبح بدرى
مع اطيب تحياتى

عادل صموئيل
23/12/2009, 19h41
احبائى
واخيرا اقدم لكم نوتة حكاية غرامى
وهذه النوتة بالذاتلا استطيع ان اقدمها واخرج كأى نوتة ولكن اريد ان اتكلم معكم حتى تعم اكبر فائدة
ولأول مرة انا اقدم لكم اغنية حكاية غرامى من عزفى على الكمان لأن كثير منكم لم يدخل القسم الخاص بمعزوفاتى فى قسم المبدعون بالمنتدى وحرصت ان اقدمها من عزفى لأبلور الصورة اكثر يعنى انتم سمعتموها من فريد الطرش كغناء ولكن عندما تسمعوها ايضا كعزف تفيدكم فى طريقة تجويد العزف , بمعنى ان هذا اللحن بالذات لا يُعزف كقراءة حروف نوتة , ولكن به كمية رائعة من الطرب الشرقى يعنى عشان تعزفه لازم تكون اولا حافظ اللحن 100% وبتدندنه او تغنيه كلمات الاغنية ثم عندما تقرأ النوتة وانت بتعزف لابد ان يكون اللحن فى اذنك وحاضر معاك لأن اللحن 75% منه ادليب وادليب قوى جداً ( يعنى شغل المعلم فريد لنفسه ) ويعنى كل ابداعه وضعه لأنه هو الذى سيغنيه ولو كان اللحن لمطرب آخر لما صاغه بتلك الروعة لأن اى مطرب لن يؤدى كل مشاعر فريد الأطرش الصعبة وهنا اذكر ان هذا اللحن لابد ان يكون استغرق من فريد على الأقل سنة كاملة فى تلحينه علما بأن الحان فريد السهلة مثل إتقل إتقل مثلا لايستغرق معه اكثر من 4 أيام .
بالنسبة للمقدمة انا احترمت شعوركم ( وعشان تعرفوا غلاوتكم عندى ) وحسيت شوقكم كلكم الكبير ان تحصلوا عليها من ان عدد منكم صار يبحث عنها لأنها تقريبا غير متداولة واللحن المتداول من مطرح ما انا بدأت عزفى انا امس اول ما تكرمتم ونزلتوا المقدمة من أول وهلة احسست انها صعب جدا أو مستحيل تتكتب , لأن عشان تتكتب فى الحالات الطبيعية لازم تتكتب وتتوزع من اول وجديد لكن وعشان خاطر محبتكم سمعتها خمسين مرة كان اول ملحوظات اولا عزف فريد على العود تعرفون ان فريد حاصل على جائزة احسن عازف عود فى العالم يعنى لما يعمل لحن لنفسه ويعزف صولو عود اكيد حيكون صولو العود شىء اولا مش ممكن حد يقلده وبالتالى مش ممكن حد يكتبه وثانيا التوزيع كان عامله واحد خواجه اسمه بيبى المانزا وهنا تحدى فى منتهى الخطورة لما تسمعوا المقدمة تلاقوا المقدمة مافيهاش ربع تون ومش على ايقاع شرقى يعنى الملعب المفتوح عشان خيول الخواجه تنطلق وخدوا بالكم كام صوت فوق بعض وكلهم وتريات بالإشتراك مع البيانو اللى كان ايضا متوسط النغمات الخارجة منه على الأقل 8 نغمات فى نفس الوقت اقول لكم الصراحة حسيت انى نملة او شعور واحد ماشى فى حتة مظلمة وطلع له مش عفريت واحد ولكن مجموعة من العفاريت , وانا طول عمرى مناضل وبحب التحدى واختراق السدود كتبتها لكم قمت بتحدى عفاريت واشباح عمكم الخواجه العبقرى بيبى المانزا , ولما بقول عفاريت واشباح مش بضحك شوفوا الكوردات العبقرية اللى مش ممكن حد يقدر يحسب النغمات دى ايه وبالذات عشان كلها وتريات , يعنى الشبح من دول لو فى سيمفونية لبيتهوفن بيبقى مركب من وتريات على كذا صوت آلات نفخ مختلفة ممكن الخبراء يستخلصوهم بسهولة
هى اى نعم بتبقى متداخلة مع بعض زى المكرونة الأسباجيتى بس فيه خبراء ممكن بيبقوا عاملين زى اللى بيحضروا الأرواح او بيخرجوا العفاريت لكن لما يكون الأكور كله من وتريات بيبقى صعب جدا لأن الخلط او المزج هنا بيطلع نغمات يعنى تشتبه مثلا ان دى نغمة مى بيمول لكن مع المزج اكيد بتكون دومينن سفن بتاع حاجة تانية لو حطيتها مى بيمول تطلع نشاز وبالتالى يكون الأكور كله غلط معلش اتفزلكت عليكم شوية من نفسى , المهم انا طبعا لما بكتب بفكر مين اللى حايعزفه طبعا انتم يعنى عازف واحد مش فرقة ,
هنا انا استخلصت من كل اكور النغمة الأساسية اللى فيه
كمان فيه ملحوظة مهمة جدا فى المقدمة انا كاتب هنا صولو عود انا كتبت اللحن الاساسى وانتم وشطارتكم تقدروا تركزوا مع فريد وتحاولوا تطلعوا اللى تقدروا عليه هو اول حرف كان بيعمل اوكتاف يعنى مثلا نغمة صول بتبقى صول قرار بعدها صول جواب يعنى الحرف مكون من النغمتين ورا بعض
طبعا انا كتبت اللحن كله وهو خمس صفحات بعدين كتبت المقدمة قى صفحة منفصلة لأن زى ماقلت ان طالما فيه ادليب ما اقدرش اضيف موازير قبله , لكن بالنسبة لكم عادى يعنى تحطوا المقدمة فى الأول .
فيه شىء مهم جدا احب اقوله هو بيبتدى كرد وفى المذهب بيغنى بياتى , فيه سر فى البياتى هنا ان المى نص بيمول
خاسة شوية يعنى ممكن تشتبه انها بيمول يعنى خلوا بالكم .
حاجة تانية الشراك الخداعية عند فريد الأطرش بالذات يعنى لما بيعمل مثلا راست على النواة يعنى سى نصف بيمول وهو طالع ونازل وطالع ونازل على النغمة مرة وهو نازل يروح عاملها بيمول ودى حلية بتفرق فى ادائك للحن يعنى لو ما اخدتش بالك منها تضيع نكهة الجملة لذلك انا لما بتحصل انا با اؤكدها يعنى بكتب سى بيمول عشان تاخدوا بالكم .
آسف للإطالة عليكم وانا تحت امركم فى اى اسئلة

عادل صموئيل
24/12/2009, 11h42
اقدم الى عزيزى وليد
نوتة حكاية غرامى من حجاز كاركورد
طبعا احنا نقدر نكتب اى لحن من اى مكان بس انا لما بكتب بختار اسهل سكة يعنى اسهل سلم
يعنى مثلا البياتى لما بنتكب من رى غير من بيتكتب من دو بيكون اصعب شوية
هنا فيه ملاحظة مهمة ان اللحن معظمه ادليب وكما قلت ان الادليب ده انا بتحايل على البرنامج لما اكتب ومشكلة الادليب ان مش ينفع بعد ما يتكتب اضيف قبله موازير او اعمل اى حركة من حركات التنسيق لأن بيتلخبط وتيجى الحروف فوق بعضها بقول كده لأن احى وليد حاتلاحظ ان فيه كذا دو بيمول طبعا الصح الأكاديمى انى اصلحها سى ناتوريل بس لما عملتها المازورة كلها انضغطت فوق بعضها ( عشان ما حدش يقول لى دو بيمول غلط ) يعنى اثناء وانا ادون بعمل الصح لكن بعد ما اخرج من المازورة مش ينفع وانا رديت عليك فى رسالتك فوق بخصوص البرنامج
مع اطيب تحياتى
طبعا انا غيرت تون اللحن فى خمس دقائق وبالطبع راجعته بسرعة وغيرت النغمات اللازمة يعنى المى نص بيمول اصبحت رى نص بيمول واذا لقيتم اى ملحوظة ماحدش يخجل يقولها لأن مع السرعة ممكن يكون فيه حاجة وطبعا جل من لايسهو

عادل صموئيل
24/12/2009, 22h26
احبائ
اقدم لكم نوتة مقدمة الف ليلة وليلة
انطلبت منى الأسبوع ده
مع اطيب تحياتى

عادل صموئيل
30/12/2009, 17h10
احبائى
كل عام وانتم بخير
انا وعدتكم اقدم لكم نوتة رائعة فريد الطرش
احلى همسة
فى رأس السنة
وها انا افى بوعدى واقدمها لكم كاملة
اتمنى ان تحوز رضاكم
بس انا نفسى انكم تحاولوا مع النوتة تشغلوا اذنكم فى السماعى شوية شوية
لن اللحن ده معظمه ادليب والحروف مش تكفى 100% يعنى محتاج تدندن اللحن مع نفسك يعنى النوتة فى الأدليب بتبقى كما سبق وقلت استرشادية يعنى تبقى شايف اللحن تقريبا رايح فين وجاى منين وطبعا انا بحاول ابذل كل جهدى ان تبقى الحروف كاملة بقدر الإمكان ولكن برضه الأدليب مش ممكن حد يقدر يكتبه بطريقة اداؤه .
فيه نقطة مهمة جدا جايز تكونوا اخدتم بالكم منها وجايز تكون مرت على البعض ما اخد منها باله وهى انا لما بكتب برجع المرجعات منين يعنى المرجعات انواع ابسط نوع منها اللى بيبقى جملة بتتكر مرتين نسخة كربونية وده بنفتح المرجع فى اولها ونقفله فى أخرها , والنوع التانى اللى بيتغير قفلة الجملة ممكن يكون التغيير مازورتين او مازورة بعمل 1 , 2
بريما فولتا وسكوندا فولتا , اما الموضوع المهم اللى بتكلم عنه لما يكون اول الجملة مختلف فى الإعادة يعنى اول حرف مثلا بيبقى صول وهو بيبقة تكملة الجملة اللى قبلها وفى الإعادة بيبقى حرف تانى لا أو سى مثلاً
هنا المحترفين بيكتبوا الحرفين فوق بعض ويكتبوا عليهم ( 1 ) و ( 2 ) جنب النغمة ومتفق عليه ان ( 1 ) يعنى النغمة اللى تعزف فى اول مرة
انا مش بحب اكتبها كده لأن ممكنحد منكم مشيعرف الطريقة دى تحصل عنده لخبطة , انا طريقتى بكتب الجملة زى ما بتتعزف وفى المرجع بكتب اول مازورة فى الجملة وبعملها بريما وبرجع بعدها والطريقة دى انا بحس انها اسهل وسالت فيها قبل ما اتداولها اساتذة فى النوتة مصريين واجانب وكلهم اكدوا انها طريقة حلوة واهل من المتداولة اصلا
اتمنى ان تكون رسالتى وصلت وتراحعوها على النوت اللى بدونها لأن جايز حد يتسائل هو بيعمل الجملة ترجع من آخر الجملة لو درستوها حتلاقوها اسهل كتير وايه رأيكم ؟

waleed.d
30/12/2009, 21h57
اخي العزيز عادل
مش عارفين الزاي نشكرك على اعمالك وفنك الراقي....
الله يعطيك الصحة والعافية ويبعد عنك اولاد الحرام......
كل سنة وانت طيب وبالف خير يا رب
ويا ريت اتحول النوتة لمقام الحجاز كار كرد ... للاسف ما مشيش معي برنامج "انكور"
وليد

عزيزى وليد
عشان خاطرك اقدم لك احلى همسة حجاز كاركورد
ملحوظة مهمة : انا طبعا عدلت علامات التحويل الشرقية لتناسب المقام ولكن فى الادليب حتلاقى دو بيمول
هى طبعا سى ناتوريل ولكن هى بتتعدل فى الموزون لكن فى الادليب مش ينفع اعدلها غير وانا بكتبها لكن بعد ما اللحن يخلص بتحصل مشكلة
الانكور فى الادليب مش بيقرا لكن فى الموزون بيقرا عادى انا مش عارف ليه انت ما مشى معاك الانكور يعنى انا مدون الشغل ده عليه والإمكانيات اللى انا مدونها كلها ما اعتقد اى برنامج آخر يعطيك الامكانيات دى
انا عايز اسالك انت بتطلب ليه الحجاز كاركورد ؟ يعنى هو اصعب من الكورد انا اعتقد كده ؟؟؟؟؟؟

عادل صموئيل
02/01/2010, 21h45
احبائى
اقدم لكم نوتة
خطوة حبيبى
موسيقى عبد الوهاب
اتمنى ان يستفيد منها الجميع مع اطيب تحياتى

عادل صموئيل
03/01/2010, 13h36
احبائى
اقدم لكم بناء على طلب اخ جديد
الكوبليه الصبا من اغنية لسه فاكر
مع اطيب تحياتى

عادل صموئيل
07/01/2010, 19h26
احبائى
اقدم لكم نوتة
ياعشاق النبى من أشهر اغانى سيد درويش
مع اطيب تحياتى

عادل صموئيل
12/01/2010, 15h26
احبائى
انا اشكر كل اللى سألوا عنى هى كانت ظروف
وانا اكيد حتى فى اسوأ الظروف لما اغيب بجيب لكم معايا حاجة حلوة
اقدم لكم
نوتة الف ليلة وليلة
كاملة فى 11 صفحة
اتمنى ان تحوز رضاكم
مع اطيب تحياتى عادل صموئيل

عادل صموئيل
13/01/2010, 22h31
عزيزى نور الصباح
اقدم لك نوتة
يا حبيبى عود لى تانى
وباقى الطلبات انتظر 3 - 7 سنين كده لحد ماطابور الطلبات يخلص
وعلى فكرة ما علقتش على نوتة الف ليلة وليلة ؟

نور الصباح
14/01/2010, 04h49
الأخ العـــــــــــــــــــــــزيز والصديــــــق الجديـــــــــــــــــــد الأســــــــتاذ /
SANOITALY
مرحــــــــــــبا بك فى منتدانـــــــــــا الجميل ومرحبا بك أيضا بالنيابة عن حبيبنا
جميعا الأستـــاذ المبدع الجميــــــــــل الفنان المصرى الأصـــــــيل المايســـــــترو /
عـــــــــــــــــــــــــــــــادل بــــــاشـــــــــــــــــــــا صموئــــــــــــــــــــــــــــــيل
وهـــــــــــــــــذه تحيتك منا
النوتة الموسيقية لإحدى الترنيمات الجميلة أقدمها لك عنوان المحبة والأخوة يعنى
عربون الصداقــــــــــــــة والمحبة
و ألف مليون مرحب بك معنا فى منتداك ( مملكة ســـــــــــماعى )
وشكررررررررررررررررررررررررررررررررررررررررررررررر رررررا
أخــــــــــوك / نـــــــــــور الصـــــــــــــــــــــــباح

armendo
14/01/2010, 05h58
اخى العزيز عدلى فكرى صباح الخير اليك اغنية عيون القلب للفنانة نجاة الصغيرة مع تحياتى. ارمندو

sanoitaly
14/01/2010, 08h12
الاستاذ المحترم / عادل صموئيل

انا عزفت مقدمة انت عمري لأم كلثوم الي ان وصلت الي كوبلية الغناء ولم اجدة مدون وهو رجعوني عينيك .... الخ

فاردت ان اعزف حتي اول كوبلية فلم اعرف وذلك لمشكلة فيا اني لا أعرف اعزف سماعي وبحثت كثيرا علي النت علي نوتة كاملة حتي وجتها ولاكن لم تكتمل فرحتي حيث انها كانت صعبة جدا عليا

فرجائي انا سوف ارفق النوتة الكاملة لو امكن تبسيط حتي اول كوبلية غناء فقط اكون شاكر لسيادتك

عادل صموئيل
14/01/2010, 14h12
الاستاذ المحترم / عادل صموئيل

انا عزفت مقدمة انت عمري لأم كلثوم الي ان وصلت الي كوبلية الغناء ولم اجدة مدون وهو رجعوني عينيك .... الخ

فاردت ان اعزف حتي اول كوبلية فلم اعرف وذلك لمشكلة فيا اني لا أعرف اعزف سماعي وبحثت كثيرا علي النت علي نوتة كاملة حتي وجتها ولاكن لم تكتمل فرحتي حيث انها كانت صعبة جدا عليا

فرجائي انا سوف ارفق النوتة الكاملة لو امكن تبسيط حتي اول كوبلية غناء فقط اكون شاكر لسيادتك
اخى العزيز
فيه معلومة الجزء من ( رجعونى عينيك اسمه المذهب مش الكوبليه الاول )
وانا تشجيعا لكل الاحباء قمت بإعادة تدوين المذ هب وقمت بتبسيط النوتة لأقصى درجة ممكنة
اقدمه لك ولجميع الاعضاء مع تحياتى
عادل صموئيل

عادل صموئيل
14/01/2010, 14h35
الف شكر للاستاذ عادل صموئيل علي اهتمامك وسرعة الرد
و لو امكن نوتة يامريم البكر للفنانة فيروز حين يسمح لك الوقت لااني اثقلت عليك كثيرا


وشكرا للاستاذ نور الصباح علي اهتمامة ايضا

اخى العزيز
اقدم لكن نوتة يا مريم البكر دونتها خصيصا لاجلك ولجل محبى الترانيم فى المنتدى
كما اقدم جزيل الشكر للأخ العزيز نور الصباح بتقديمه الترنيمة هذا عنوان الوحدة الوطنية التى تمثل السد المنيع لكل من يريد تحطيم مصر او تفتيت مصر فوحدة المسلمين مع الاقباط هى السد الذى لم يستطيع الاعداء اقتحامه أو العبود منه على مدار التارخ

عادل صموئيل
16/01/2010, 19h32
احبائى اقدم لكم نوتة
حبيبى سهرنى ايام وليالى
اتمنى ان تسعدوا بها

armendo
17/01/2010, 12h58
اخى وليد مساء الخير من الواضح انك شغوف بالأغنية اللبنانية أهدى اليك اغنية يا ظريف الطول يابو الميجانا للرائع نصرى شمس الدين وهى عبارة عن اللازمة والأبيات متكررة مع تحياتى. ارمندو

نور الصباح
17/01/2010, 20h50
شكرا جزيلا لك اخي ارمندو
نعم احب ايضا نكهة الاغنية اللبنانية والدبكة اللبنانية. اذا كنت تملك نوتات لنصري او لوديع يا ريت ترفعهم على هذا المنتدى الشيق والقيم
احتراماتي
وليد
أخى الفاضــــــــــــل والصديــــــــق العزيـــــــــــز الأســـــــــــــتاذ /
Waleed.d
ســـــــــــــلام الله عليكم ورحمته وبركاته
وبعـــــــــــــــــــــــــــــــــــــــــــــــ ــــد :
إليـــــــــــكم النوتة الموسيقية لأغنية الراحل ( نصــــــرى شمــــــس الدين )
يـــــــــا مارق على الطواحــــــــــين
علشـــــان خـــاطر عـــــــيونك يــــــاجمــــــــيل
وأية خدمــــــــــــــة
وشكررررررررررررررررررررررررررررررررررررررررررررررر را
أخوكـــــــم / نــــور الصباح

armendo
18/01/2010, 08h37
الى محبى الفلكلور اللبنانى اليكم اغنية الحالة تعبانة يا ليلى مع تحياتى. ارمندو

عفوا لقد حدث خطأ ما اثناء رفع الأغنية واليكم النوتة. ارمندو

slimanaa
18/01/2010, 17h21
تفظلوا يا اخوان نوتة لوديع الصافي عاللومه مقام بيات..:cool::emrose::emrose:

armendo
18/01/2010, 17h46
مساء الخير slimanaa
اليك نوتة على بابى واقف قمرين لملحم بركات مع تحياتى لك ولكل فرد فى فلسطين الحبيبة. ارمندو

slimanaa
18/01/2010, 18h12
تفظلوا كمان قتلوني عيون السود+بالساحه ومشكور اخي ارمندو ....:emrose::emrose:

waleed.d
18/01/2010, 20h52
اخي العزيز عادل،
مرفق نوتة عودك رنان لفيروز. اشعر ان هناك خطأ في المقدمة الموسيقية وكذلك في المقاطع الموسيقية وسط الاغنية
يا ريت حد فيكم يصلحني اذا كنت غلطان بشعوري او يصلحلنا النوتة
شكرا
وليد

عادل صموئيل
24/01/2010, 12h26
احبائى
اقدم لكم نوتة
القلب يعشق كل جميل
كاملة اتمنى ان يستفيد منها الجميع
مع اطيب تحياتى

slimanaa
24/01/2010, 15h37
اهديكم يا اخواني نوتة هدية العيد للموسيقار محمد عبد الوهاب اتمنى ان تنال اعجابكم....:emrose::crazy::emrose:

عادل صموئيل
25/01/2010, 18h08
احبائى
اقدم لكم نوتة
انا بعشق البحر
واهديها للأخت العزيزة الفنانة عبير الروح
كما اهديها لكل الأحباء فى المنتدى
وياسلام لو كل الطلبات سهلة كده ....
مع اطيب تحياتى

armendo
26/01/2010, 15h26
الى الاستاذ عادل.الاعظاء الاعزاء.....
بالنسبه لنوتة اروح لمين الكوبليه الاول والمقدمه.توجد فقط نوتة الكوبليه الثاني من الاستاذ عادل اين اجد المقدمه مع الكوبليه الاول؟ تدوين الاستاذ عادل صموئيل تحياتي....:hi:
اخى العزيز slimanaa اليك المقدمة الموسيقية لأغنية اروح لمين بالأضافة الى الكوبلية الأول مع اعتذارى عن عدم وضوح النوتة وانا شخصيا عزفتها سماعى مع الأسترشاد بالنوتة مع تحياتى. ارمندو

sanoitaly
27/01/2010, 09h11
اخواني في المنتدي

لو استطاع احد تحويل النوتة الخاصة بمذهب انتي عمري الي امتداد MIDI اكون شاكر الية

النوتة كتابة العبقري الكبير الاستاذ عادل صموئيل

عادل صموئيل
27/01/2010, 21h16
اليكم نوتة
وانت عنى بعيد
اقدمها للأخ العزيز نور الصباح
خلصتها ماقدرتش اأخرها لبكرة
واهديها لكل الأعضاء
معلش فيها لزم صعبة بس لو استهجيناها حاتلاقوها سهلة جدا
انا حاولت ابسط اللحن لكن بيبقى فيه لزم لازم تتكتب كده
مع اطيب تحياتى

يوسف السعدون
29/01/2010, 15h53
تحياتي للجميع
مرفق نوتة للصبر حدود حسب طلب ابو كارم

يوسف السعدون

عادل صموئيل
31/01/2010, 10h27
اخوتى الأحباء
اتعهد بتدوين كل طلباتكم بس استحملوا ظروفى شوية
اقدم لكم نوتة موسيقى عبير لأستاذى احمد فؤاد حسن
مع اطيب تحياتى والكل قادم بإذن الله

عادل صموئيل
01/02/2010, 15h06
احبائى
اقدم لكم بناء على طلبكم كلكم تقريبا نوتة
ساكن ف حى السيدة
طبعا انا حاولت ابسطها لأن عبد المطلب لما بيغنى اللى بيقوله فوق مستوى الكتابة وفوق مستوى التقليد
اتمنى ان يستفيد منها الجميع وانا اشكر اخى العزيز وائل واتمنى من كل المهتمين بالنوتة ان يحذو حذوه يعنى اى شىء قيم عموما على الكمبيوتر ( مش شرص النوت بتاعتى ولكن عموما ) يستحسن الاحتفاظ به فى اكتر من مكان وللعلم من أأمن الامكنة الاسطوانات فهى طاملا محفوظة فى علبتها بعيد عن العبث هى امان اكتر من اى شىء
مع اطيب تحياتى

عاصم المنشاوى
01/02/2010, 18h41
استاذ عادل لي طلب صغير عندك
المقدمة الموسيقية لاسأل روحك خصوصا تقاسيم العود
ومقدمة هذه ليلتي
من تدوينك وشكرا لك
في نوتات ولكن ليست جيدة:emrose:
لو جلالة الملك عادل بك صمويل قال نذيع ح نذيع لو قال لأ يبقى مانذيعشى

انا عدلت صورة نوتة هذه ليلتى
عادل صموئيل

عادل صموئيل
02/02/2010, 02h01
احبائى
كانت الاخت العضوة الجديدة ياسمين الشام طلبت نوتة مقدمة
اسأل روحك
والأح عاصم المنشاوى قدمها مشكورا
بس انا كنت ابتديت اكتبها
واقدمها لكم لأن حسيت ان النوتة المقدمة صعبة اوى
مع اطيب تحياتى

عادل صموئيل
03/02/2010, 10h54
ااحبائى
فى يوم ذكرى ام كلثوم اقدم لكم من احلى روائعها
اروح لمين
كاملة
مع اطيب تحياتى

عادل صموئيل
04/02/2010, 10h08
احبائى
اقدم لكم بناء على طلب الاخت العزيزة ياسمين الشام
مقدمة ومذهب
هذه ليلتى
هنا انا عملت شىء اعتقد انه شىء فى تحدى صعوبة كتابة الموسيقى العربية
المقدمة الاولى هى ادليب انا كتبتها على ميزان ( طبعا مع عدم الاخلال بسلامة اللحن ) وهنا درس مهم احب اقوله ان اى انسان بيكتب نوتة لازم يلاحظ الامكانيات التى فى اللحن وهنا فى هذه الافتتاحية انا لما دققت فيها حسيت انها ادليب لكن ممكن تتكتب على ميزان طبعا للتسهيل على القارئين
اضاً الإضافة انا دونت صولو الجيتار وملحوظ ان النوتة التى ارفقتوها لم يكتب الصولو واكتفى بكلمة تقاسيم جيتار ولكنها صولو وليست تقاسيم ولابد من كتابتها
ايضا فى الجملة الاخيرة من المقدمة والتى بها صولو الجيتار هى جملة تتكرر مرتين مختلفتين وانا الحمد لله كتبت الجملتين لحرصى على تدوين كل حرف فى الاغنية
الأخت ياسمين طلبت المقدمة ولكن انا كمان كتبت لكم المذهب
مع اطيب تحياتى

عاصم المنشاوى
05/02/2010, 05h50
الاصدقاء / وائل و حسام
آدى نوتة "الحب اللى كان"
كالعادة ناقلهالكم من كتاب تدوين الأستاذ محمد رجب
طبعا استاذنا العظيم عادل صمويل هو برضو الاصل واذا قال ذيع حنذيع
حبيت بس اخف الضغط عليه...لأن احنا مابنشبعشى
وزى ماهو قال التدوين عايز روقان بال ومعايشة اللحن
بالتالى خدوا دى تصبيرة الى ان : اما سيادته يجيز النوتة مع التعليق على اخطائها او الانتظار.
طبغا الاغنية تلحين المدهش دائما بليغ حمدى...ليه بقول مدهش لانه الملحن الوحيد فى تاريخ مصر اللى كتب كلمات اغانبه ....بتلاقى الظاهرة دى فى الشام ودول كتير لكن مش فى مصر...الحب اللى كان كلمات والحان ابن النيل بليغ حمدى
عزيزى عاصم
اشكرك لأنك قدمت النوتة دى بالذات
عليها الحاح كبير من كل الاعضاء انا من كذا شهر ابتديت اكتب فيها لكن جيت عند الجزء بتاع ( حبيبى كان هنا مالى الدنيا عليا ) ميادة الحنوى بتكسر الايقاع مش عارف ليه وكل ماتعيد الكوبليهات كلها بتغلط نفس الغلطة الظاهر هى حافظاها كده ( وانا بالذات عشان اهم شىء عندى الدقة الفوق المتناهية ما ريحنيش اللحن ) واعتقد والله اعلم انها سجلت الاغنية دى ايام ماكان بليغ متواجد فى فرنسا يعنى حد غيره تولى انتاج اللحن بس الحد ده ما كانش عنده الامانة الفنية مع الاسف انه ينفذ اللحن فى عدم تواجد بليغ يعنى انا اللحن تنفيذه مش عاجبنى يعنى انا طبعا تعاملت مع صديقى العزيز بليغ سنوات طويلة واول شىء ( مع انى ماعزفتش اللحن ده لأنه اتعمل على فرقة غير الفرقة الماسية ) اول شىء حسيته لما سمعت اللحن ان بليغ ماكانش موجود فى انتاج واخراج اللحن لأن انا طبعاً ليا نظرة غيركم بحكم التجارب العملية انا حسيت اللحن لحن بليغ بس مش متنفذ بروح بليغ
والكلمة دى ( روح بليغ أو روح الملحن معناها كبير يعنى كل لحن انا اول مرة بشوفه بيبقى شكل لكن فى البروفات الملحن بيغير ويحذف اجزاء ويضيف يعنى اللحن بيبقى شكل تانى هنا حسيت اللحن خام يعنى زى مابليغ طلعه اول مرة ) وحسيت الاورج واكل الجو اكتر من اللازم , المهم انا كنت بتردد كتير اكتب اللحن ده واشكرك الف شكر انك ريحتنى منه
وذيع ياعم على ضمانتى وليك عندى دستة جاتوه
وماتنساش انا قلت اى نوتة لو مش حاتضيف مش حاتخسر يعنى مثلا اسألأ روحك وهذه ليلتى انا حسيت ان لازم اكتبهم تانى لكن فيه نوت ممكن تمشى يعنى
مع اطيب تحياتى عادل صموئيل

عادل صموئيل
05/02/2010, 07h17
احبائى
نظراً للإجماع منكم على طلب اغنية عدى النهار
اقدمها لكم
يعنى حظكم حلو كان مزاجى (صدفة معتدل ) خلال الاربع ساعات الماضية ( مش عارف ليه مش عوايدى اليومين دول ) لأن الاغنية دى اولاعزيزة عليا ثانيا كلها ادليب , والأدليب محتاج هدوء اعصاب وتركيز يعنى تمهيد للإبتكار والابداع
لأنه غير الجملة لما تكون على ايقاع بتبقى محتاجة افهمها واستوعبها واكتبها لكن الادليب بتبقى محتاجة ازاى افهمها واستوعبها 100% بعدين اخلق لها اسلوب اكتبها لأن هنا تفرق ممكن واحد يكتب الجملة الادليب يدمرها
هنا ملحوظة مهمة : قبل ماتحاول تعزف الاغنية دى بالذات عشان كلها ادليب لازم تكون حافظها 100% يعنى بتغنيها فى الحمام لحد ما الجيران يسمعوها ويتوجسوا منك خيفة يحسوا انك عايز تحارب ويعملوا حسابك يعنى لأن الادليب الكتير وانت بتقراه لازم انت تتحكم فيه ما تسيبش الحروف هى اللى تجرك لأن مهما كان اللى بيكتب وكمان ده مين عبد الحليم يعنى مش ممكن يتكتب زى ما بتسمعه ولكنه بيبقى تقريبى .
هنا انا ربنا وفقنى وعملت المقدمة على ميزان مع انها ادليب طبعا دى مدرسة من مدارس الكتابة وهى الجملة اللى ممكن تحتمل تتكتب على ميزان المفضل تتكتب على ميزان لسبب ان بدل لما تكون الاغنية 30 سطر ادليب ننقص عدد اسطر الادليب بقدر الامكان لأن الجملة اللى على ميزان اسهل كتير جدا فى القراءة
مع اطيب تحياتى

عاصم المنشاوى
05/02/2010, 15h53
الاصدقاء
باعتذر عن ان نوتة الحب اللى كان ناقصة صفحة 3
وجل من لا يسهو
اما استاذنا الجميل عادل بك فأنا طبعت التعليق الجميل
بتاع سيادته لانه كان دمه كان زى العسل واحتفظت بيه فى دوسيه مخصوص
حاكم اصل الجماعة الفنانين دول ياسلام بقى لما الغزالة تبقى رايقة
تديك احلى ابداع
ربنا يخليك لنا ياستاذ.

عادل صموئيل
07/02/2010, 18h21
احبائى
بمناسبة عيد ميلاد الفنانة الحبيبة شادية
اقدم لكم نوتة
ليالى العمر معدودة
اتمنى ان تحوز رضاكم مع اطيب تحياتى

عادل صموئيل
10/02/2010, 13h57
احبائى
اقدم لكم نوتة
سيرة الحب كاملة
اتمنوا ان تسعدوا بها
هنا ملحوظات مهمة انا فى الافتتاحية الاولى عملتها على ميزان يعنى اكيد انا مركز على الموضوع ده ان الجملة الادليب احيانا ممكن تكون من النوعية التى تصلح للكتابة على ميزان , وطبعاً ناس ممكن تسأل ما معنى نوعية تصلح للكتابة على ميزان , معناها ان الجملة مقسمة بالتساوى او محددة شوية غير الادليب بيبقى منطلق , وطبعا ده انا شىء عامله بالذات لمساعدة الاحباء الهواة والمبتدئين وللعلم اقول لكم سر ان الادليب لو انت مش حافظ اللحن بنسبة 90% على الاقل مش حايطلع مضبوط , يعنى احنا ايام الزمن الجميل لما كانت النوتة توضع امامنا لأول مرة , احنا كنا بنقرأ الجمل اللى على ميزان عادى امر مفروغ منه يعنى المايسترو او قائد الفرقة بيعطينا السرعة , لكن الادليب لازم الملحن يعزفه على العود او يغنيه امامنا كذا مرة والمايسترو يتشبع بالجملة بحيث ان هو بيقودنا واحنا بنقرأ , او لو جملية غنائية المطرب بيبقى حافظها وانا بتابع مع المطرب وعينى ع النوتة يعنى زى ماقلت ان الادليب النوتة بتكون استرشادية , لكن لو انت مش حافظ اللحن تمتم حاتطلع حروفقد لايكون لها معنى
هنا فى اللحن ده ارجو تاخدوا بالكم من الاختلاف فى السرعة يعنى انا طبعا كاتبها مبسطة بأعلى درجة وحتلاقوا ان بين مازورتين السرعة بتتغير فجأة من 140 الى 100 طبعا مع اننا ناخد بالنا من التحويلات المقامية الكتير والمفاجئة ايضاً , وهنا احب اقول ملحوظة ان اللحن ده بيحتاج تجويد فى الغناء او العزف يعنى هو كنغمات سهل جدا اسهل من اى لحن تانى ولكن قوته فى حلاوة الاداء
مع اطيب تحياتى واهديه لأخى العزيز نور الصباح بمناسبة عيد ميلاده واهديه لجميع الاخوة الاحباء فى المنتدى

عادل صموئيل
11/02/2010, 13h38
احبائى
اقدم لكم نوتة
النيل نجاشى
واهديها للأخ العزيز نور الصباح
كما اهديها لكل عشاق الاغانى الصعبة بل المستحيلة
يعنى هذه النوعية من الاغانى ( اغانى عبد الوهاب القديمة ) تعتبر اصعب الالحان فى التدوين اطلاقا وانا للعلم كتبتها كنوع من التحدى مع نفسى , لأنى متأكد ان اللى ممكن يكتبوا هذه النوعية مش موجودين نهائيا اليومين دول وانا حبيت احس انى لسه شاطر يعنى , وصعوبة هذه النوعية من الألحان انها من مطلع الاربعينيات كان مفيش تدوين موسيقى يعنى كانوا بيحفظوا اللحن من عبد الواب على العود , والمشكلة هنا عبقرية عبد الوهاب الزائدة , يعنى كان بيعمل حاجات فوق مستوى التدوين يعنى مش ممكن حد يقدر يدونها
( وانا قلت لكم قبل كده انه كان كل فترة بيعمل لحن مستحيل حد يقدر يؤدية كاملاً عشان يثبت لنفسه وللناس انه عبد الوهاب المستحيل ) والعملية دى بتخلى التدوين صعب جدا لأنه فى عبقريته بيخرج عن كل قواعد الموازين والمقامات والمشكلة الخطيرة فى التدوين انك لو حبيت تلتزم بالقواعد الاكاديمية للتدوين ممكن عشان تظبط الموازين تغير حاجة فى اللحن ودى طبعا مشكلة المشاكل او كبرى الكبائر , لأن ملايين الناس وبالذات عشاق أو مدمنى عبد الوهاب حافظين اللحن سمعاً زى ماهو , واى تعديل حتى للظبط العلمى ممكن يعمل اختلاف على الاقل الناس ممكن يقولوا انا مدون اللحن وفيه اخطاء
ولكن عشان عادل صموئيل ونابليون كانوا مايعرفوش المستحيل عندى الحل انا دونت اللحن بقدر الامكان بأقصى خبرتى المطلوب عشان تعزفه باكبر قدر من الجودة انك تكون حافظ اللحن من تسجيل عبد الوهاب 100% بعدين تمسك النوتة وتطلع جزء جزء واكيد حاتوصل .
فيه كمان مشكلة خطيرة فى التسجيل ايام الاغنية دى ان كانوا لسه ما اخترعوش شرائط التسجيل وبالتالى المونتاج , كانوا بيسجلوا على الإسطوانات الحجارى القديمة وكان الاسطوانة وجهين كل وجه 3 دقائق تقريبا فكانوا بيقسموا الاغنية نصفين وعند التسجيل كان يتم بأكثر الوسائل بدائية يعنى لازم كل وجه من الاسطوانة يتسجل مرة واحدة بدون توقف ولو حصل اى خطأ فادح ولأنهم كانوا الأول بيسجلوا على قرص شمع وكان غالى الثمن جدا كانوا بيرموا قرص الشمع ويحطوا واحد تانى , والكارثة دى كانت بتخليهم يتغاضوا عن اى غلطة صغيرة فى التسجيل , وتيجى هنا الكارثة دى فى التدوين يعنى عشان اظبط المازورة دى بدون ان اغير فى اللحن اللى الناس حافظينة ممكن افكر فيها كذا ساعة , والمشكلة دى طبعا انتهت مع ظهور التسجيل على الشرائط لأن الغلطات كانت بتتشال فى المونتاج
اتمنى ان تعجبكم النوتة ولكن بشرط ماحدش يستعملها غير لما يكون حافظ اللحن جدا والتسجيل موجود هنا
مع اطيب تحياتى
عشان خاطركم يهون كل التعب والمجهود لأن اكتر شىء يهمنى ان تستفيدوا منى

عادل صموئيل
13/02/2010, 22h09
احبائى
بعد طول انتظار وتكرار الطلب على نفس الاغنية
اقدم لكم اخيرا نوتة
حبيبتى من تكون
هنا فيه ملحوظة فيه اجزاء صعبة فى اللحن لكن طبعا النوت الاسهل اللى انا بقدمها لكم اكيد بتفتج المجال انكم تعزفوا نوت اصعب شوية يعنى انا حاولت التبسيط على ما اقدر لكن التبسيط لازم يكون بحيث تسهيل القراءة مع عدم الاخلا باللحن , المقدمة الموسيقية طويلة جدا وتعبتنى بجد لكن انا قدمتها كاملة ما اختصرتش منها , انا بعمل حساب ان ممكن اى انسان يستفيد منها حسب احتيجه يعنى ممكن فرقة محترمة فى اى بلد تعزفها واكون مسرور لو انهم يحسوا انى قدمت لهم كتابة حلوة تريحهم فى العزف ويقتكرونى ( بعدين )
من الملحوظات المهمة فيه فروق سرعات فجائية كتير ناخد بالنا منها ( لأن السرعة مراقبة بالرادار ) وطبعا النصيحة الدائمة نحاول نسمع التسجيل كويس الاول عشان نبقى فاهمين حانعزف ايه
انا طبعا اول ماخلصتها ما قدرتش اصبر للصبح قلت انزلها فوراً يمكن يكون حد سهران ويسعد بها الليلة
مع اطيب تحياتى

عاصم المنشاوى
17/02/2010, 10h26
الاصدقاء الاعزاء
عارفين أغنية "دندنة" والتى غنتها وردة فى منتصف السبيعينات هى من تأليف الاستاذ /عبد الوهاب محمد وتلحين المدهش /بليغ حمدى
احب اهدى الكلمات الجميلة دى للاستاذ /نور الصباح ليهديها بأسمنا كلنا لعمنا /الرائع عادل صمويل.... وطبعا النوتة بتاعتها ...ودى احدى ابداعاتى فى غشها ونقلها وتصويرها وعمل سكان لها... عشان نغنيها سوا لأستاذنا.
خاصة ان فيها صولو رائع ل ناى محمود عفت -للاسف مش مدون-وتألق لقانون احمد فؤاد حسن يسلطن فيه وردة ايام نضوجها فى الكوبليه التانى.
كالعادة النوتة مش للمبتئدين ولا للمعاقين موسيقيا وعزفيا امثالى خاصة ان فيا قرارات كمانجات عالية قوى...لكن كلماتها حلوة قوى ...واهى تصبيرة لحين عودة الكبير بتاعنا
ياللا نغنى:
انا ...غيرك..؟ ماليش بعدك..؟ مافيش
انا ...مهما أقول بهواك....كل الكلام ...مايكفينيش ...ولا الزمان ...ما يقضينيش

اللحن كله شقاوة وواحدة فرحانة بحبها بتغنيه وهى بتضحك لحد الكوبليه التانى اللى فيه مناجاه على مقام الصبا....ارجوكم تستمتعوا .

salhi_haithem
21/02/2010, 16h37
لو سمحتم يا جماعه ممكن اللى عندوا اى نوت لجورج وسوف


غير لو نويت--حلف القمر--الهوى سلطان--باستنا باليوم--خسرت كل الناس

دول عندى وانا عايز اغانى كتيره لجورج ومش لاقى



لي بعض النوتات لجورج ساظيفها في اقرب وقت

عادل صموئيل
21/02/2010, 18h14
احبائى
اعتذر للغياب عنكم لظروف قهرية اكبر من طاقتى ولكن فى اى وقت انا احاول ان اقدم لكم فنى يعنى خلال الظروف القهرية لازم اختلس اى وقت لكى امارس فنى والا اموت
اليوم اقدم لكم عمل من اروع اعمال فريد الاطرش
لحن الخلود او بنادى عليك
هنا فيه شىء جديد ان عملته احب يعجبكم
اننتم سمعتم اللحن المقدمة فيها جزء كبير ادليب , وانا لما بقدم اللحن هنا مش بقدمه للأسرة الصغيرة فى المنتدى فقط ولكن بقدمه كوثيقة للذكرى والتاريخ يعنى شىء احب الناس تفتكرنى بيه بعدين يعنى اتمنى اى وقت فرقة ف اى دولة تعزف النوت دى , ولما بقدم ابتكارى او عصارة افكارى بفكر فى اشياء ممكن الناس ماتحسش بيها دلوقت , لأن عملى مع العمالقة علمنى انك تفكر لقدام وقت طويل , من اخطر المشكال اللى بتواجه تقديم اعمال زمن الفن الجميل هى الفزلكة وان اللى بيقدم العمل بيتدخل فيه مع ان المفروض انه يقدمه زى ماهو الاصلى , والخطورة ان الادليب بيبقى قابل للشد والجذب يعنى ممكن نطول فى جزء ونقصر فى جزء عشان مافيش ميزان محدد وده شىء خطير يعنى ممكن واحد يتدخل فى الأدليب بذوقه يدمر احساس فريد وهنا اللحن كله بيتدمر
ان الشىء اللى عملته هنا عملت الادليب على ميزان اولا تسهيلا فى العزف وثانيا عشان احدد اللى بيعزف النوتة بقدر الامكان لأن اللحن ده غالى عليا اوى غير العشرة والعيش والملح اللى بينى وبين فريد الله يرحمه , كمان عملت الآهات فى المذهب على ميزان
وموسيقى الكوبليهات
اتمنى ان تعجبكم طريقتى لأن الجمل دى تعبتنى جدا ازاى اخلى الادليب على ميزان , يعنى كتابة الادليب اسهل , انا كنت ممكن افكر فى الجملة يومين احسبها تيجى كده ولا كده وميزان كان عملللية معقدة لكن افتخر باللى عملته وتمنى يعجبكم
انا آسف تانى للغياب واشكر كل من سأل عنى ( نثراً وشعراً ) وطبعا حتى انتم حسيتم ان فى اضيق ظروفى مش بنساكم وباجى معايا حاجة حلوة
وانتظروا منى الهدية القادمة وحخليها مفاجأة ( حاتعجب وائل ) مع اطيب تحياتى

qnet022@icoo
21/02/2010, 19h23
نوتة يلي تعبنا سنين في هواك جورج وسوف

qnet022@icoo
21/02/2010, 19h28
جورج وسوف حد ينسى قلبة

qnet022@icoo
21/02/2010, 19h31
جورج وسوف اصعب فراق

qnet022@icoo
21/02/2010, 19h36
جورج وسوف كلام الناس

عادل صموئيل
24/02/2010, 21h43
احبائى
والان اقدم لكم المفاجأة المنتظرة
واهديها لأخى العزيز وائل الذى طال انتظاره لها
اهديكم من روائع السنباطى وام كلثوم
ذكريات

كاملة , وهنا التحدى الحقيقى لأن هذه الاغنية من النوع المستعصى على الكتابة يعنى كما ذكرت من قبل ان اى من العمالقة كان بيعمل الحان ممكن اى حد ينيها او يعزفها , لكن كل فترة بيعمل لحن يعتبر سد منيع ماحد يقدر يعبره
يعنى عندكم مثل اغنية اروح لمين ممكن بسهولة اى حد يغنيها او يعزفها لكن ذكريات .... هيهات
يعنى انا اعترف ان وائل ورطنى فى كتابة هذه الأغنية لكن انا تحديت هذا السد وكتبتها وعملت فيها شىء من بصمتى ان جعلت المقدمة الجميلة التى على ادليب ايضا كتبتها على ميزان حتى يسهل عزفها , طبعا الأغنية صعبة جدا يعنى بدون ان تكون حافظ الاغنية صم صعب جدا عزفها لأن النوتة وحدها لاتكفى يعنى المطلوب روح السنباطى وام كلثوم ولكن لو اخذتموها على اجزاء ممكن نصل الى ان تعزفوها كلها ولا تنسوا اختلاف السرعات وتداخل المقامات
طبعا انا اشكر اخى وائل على انه ورطنى فى هذه الأغنية ولكن النتيجة هى مكسب كبير جداً لمحبى الموسيقى الأصيلة لأنى لا اعتقد ان احدا سبقنى وكتبها او على الأقل كتبها بهذه الهولة اتاحة لأكبر قدر من المستفيدين , اما انا كسبت شىء مهم بالنسبة لى يعنى بعد ما كنت متردد وخائف من كتابة هذه الأغنية واعترف ان اجزاء كتير منها عصلجت معايا ( وكلمة عصلجت بالمصرى يعنى استعصت اكتبوها يمكن تنفعكم ) ولكن على مين ؟؟؟
انا حاولت تبسيط جميع الاجزاء المعقدة والحمد لله انا فخور بعملى وحاسس كأنى بنيت هرم
اتمنى تعجبكم وان يستفيد منها اكبر عدد منكم مع اطيب تحياتى

عادل صموئيل
27/02/2010, 12h18
احبائى
اقدم لكم نوتة
آل ايه بيسألونى
كاملة
اردو ان تحوز اعجابكم
مع اطيب تحياتى

عمرو الهنداوي
27/02/2010, 15h02
اخى ابو كارم نوتة لاجل النبى استاذ عادل
دونها بالفعل منذ
سنه وهى موجودة فى المنتدى
وعلى كل حال اتفضل النوتة طبعا
تدوين استاذ عادل:crazy:

وائل
28/02/2010, 20h31
شكرا لك اخي صالحي على ضم صوتك الى صوتي واليك نوتة عودت عيني
وانا اعلم ان نوتة الاطلال موجودة لكنها مستحيلة العزف بهذه الطريقة المكتوبة بها وانا بصراحة عزفتها كلها لكن الطباعة كانت سيئة جدا-- والعديد من النوتات التي ينوتها اخونا عادل موجودة لاخرين لكننا نطلبها منه شخصيا لسهولة طريقته المبدعة في التنويت حتى يستطيع الكل عزفها ولكي تعم الفائدة على الكل
اشكرك عزيزى وائل على تعبك
والنوتة حلوة ومش صعبة اوى او على الأصح ما تتبسط اكتر من كده عشان اللحن ما يفقد شىء
انا رديت على سؤالك عن كامل الاوصاف وعملت نموذج ممكن ترجع لرسالتك السابقة وتشوف وعلى فكرة لو نوتة الاطلال موجودة ممكن ورينى المقدمة على الأقل اشوفها لأن المقدمة نفسها صعبة جدا وجايز صعب تتبسط اكتر من كده يعنى لو شفتها حاقول لك رأيى
وانتظر المفاجاة القادمة عادل صموئيل

وائل
28/02/2010, 23h00
اخي واستاذي العزيز عادل
اشكرك على ردك واهتمامك وعلى كل مجهوداتك وانا اطلعت على ملف كامل الاوصاف والف مليون شكر
وتفضل نوتة الاطلال وانا نفسي اعزفها من شغلك وعارف ومتاكد انها تحدي كبير وانت تخصص كل الاعمال الصعبة وبالذات الاطلال دي هتكسر الدنيا بجدعارف ليه؟؟؟؟؟؟
مش لانها للعملاق السنباطي بس لا - لكن لانها صنفت في فرنسا في احد الجمعيات الفنية من افضل عشرة اغاني والاكثر مبيعات في القرن العشرين-- بس احنا العرب بنحب الاطلال مش عشان فازت في التوب تن لا بل لانها جزء اساسي من تاريخنا وثقافتنا الشرقية -- فارجووووووووووووووووك كل الرجا تفكر فيها بجد وتعمل المستحيل في تنويتها لكي تقدمها كاملة لجميع محبيك
والف شكر ومنتظر مفاجاتك على نار:emrose::emrose:
ملاحظة: استاذ عادل وغلاوتك انا عزفت النوتة دي زي ماهي كده وعزفتها كلها وبصراحة هي كاملة ومكتوبة حلو اوووووي ومش ناقصة ولا نغمة بس طبعا طريقتك في التنويت اسهل والصعوبة التي واجهتني فقط هي الطباعة السيئة جدا وبعض النغمات لا ترى بسهولة --وانا لا انكر انها صعبة وبالاخص المقدمة الرائعة والاطلال من غير المقدمة متبقاش الاطلال --بس برضو واثق تماما ان اللي كتبها مش احسن منك صحيح هو لم يترك ولا لازمة ولا ربع نغمة الا وكتبها بس انت ستتفوق عليه بالسهل الممتنع واكيد هتحط كل اللزم فيها وهتحط كل خبرتك واحساسك العالي
عشان كده انا طلبتها منك وتحياتي لك واهنيك مقدما لانني عارف ومتاكد انك ستنوتها:crazy::crazy: دي مش توريطة بس والله بحبك وبحب اعمالك العملاقة بالذات
اخى العزيز وائل
انا شفت النوتة وهى مكتوبة معقدة جدا يعنى اللى كاتبها كاتب الحليات بطريقة صعبة جدا جدا على المبتدئين وانا اعتقد انه مش من مصر لأننا ف مصر معظمنا بيكتب اسهل من كده واقول لك على سر فى الأطلال بالذات انا ماعزفتش مع ام كلثوم الاطلال لما غنتها اول مرة لكن بخبرتى بعد كده وتعاملى مع السنباطى اكتر من عشرين سنة حقول حاجتين لو ان السنباطى كان طلب منى ادون له الاطلال كان حايملينى بالعود اللحن سادة وبدون حليات بتاتاً إلى الحروف التى تمثل صلب اللحن لأن لو ملانى بالحليات حاتطلع شىء مقارب للنوتة اللى انت ارفقتها واى فرقة كانت حاتلخبط فيها للصبح , ثانيا طريقة السنباطى وبالذات مع فرقة ام كلثوم انه كان بيحفظ بالعود سماعى مش بالنوتة ( لأن ام كلثوم عمرها ما اشتغلت بالنوتة ) اولا كان حايحفظنا اللحن على العود وسادة واكرر سادة يعنى من غير الحليات كلها بعدين لما يحس ان كل عازف حفظ اللحن 100% يمسك العود تانى ويقول احساسه وهنا الحليات بتطلع تلقائية وبتعتبر تجويد جميل وممتع للشىء اللى انا حفظته لكن لو ابتدأ التحفيظ بالحليات كان حايبقى اللحن معقرب ومكعبل ومش ممكن حايطلع زى ما انت بتسمعه وللعلم دى من مدارس العمالقة زى ما تبنى عمارة الاول بتبنيها عشر ادوار وتتشطب بعدين نبيضها ونزوقها يعنى مش بتبنى اول حائط وتبيضه وتركب عليه ورق الحائط , عموما انا حضع اللحن ده م ان تبسيطه صعب جدا فى خطتى وان شاء الله ربنا يكرمنى ويفتح ذهنى واقدر اعمله زى ما انتم متخيلين
مع اطيب تحياتى عادل صموئيل

عادل صموئيل
01/03/2010, 18h13
احيائى
والآن جاءت اللحظة التاريخية الحاسمة
والمفاجأة المنتظرة
اليكم رائعة عبد الوهاب
الجندول
طبعا انا حاولت تبسيطها لأقصى درجة ممكنة ولكن لابد من يحاول عزفها يكون حافظ التسجيل عشان الجودة
اتمنى ان تسعدكم

عادل صموئيل
03/03/2010, 21h10
احبائى
اقدم لكم نوتة ست الحبايب فى ظرف خاص واهديها غلى امى التى تقضى فى هذه اللحظة ساعاتها الاخيرة فى غرفة العناية المركزة بالمستشفى
ومع النوتة اقدم لكم لمحة عن فنانى الزمن الجميل كانوا يقدمون فنهم لمحبيهم فى احلك ظروفهم كان الفنان يدفن اخاه فى المغرب ويذهب للحفلة فى الليل فماذنب الجمهور الذى ينتظره , وكان الفنان الكوميدى الذى يضحك الناس احيانا يتألم ويتعذب وهو على المسرح يضحك الناس , وكان عبد الحليم الا يغنى فى الحفلة إلا بحراسة طاقمه الطبى وحقنة قبل الوصلة منعا لحدوث نزيف اثناء الغناء , وفريد الطرش كان يذهب الى الحفلة بمصاحبة طاقم طبى وحقنة قبل الوصلة حتى يتحمل قلبه العيل ان يغنى ويعيد ويزيد ليسعد الناس .
انا آسف انى اتكلمت اليوم حزاينى شوية على غبر عادتى ولكن طلبكم لأغنية ست الحبايب اثار مشاعرى وجست ودونتها لكم لتتمتعوا بها قبل عيد الأم لأن هذه الاغنية بالذات قد لا تسمح ظروفى بتدوينها قبل اسابيع
اشكر سعة صدركم واطيب تحياتى واعذرونى لو غبت عنكم شوية

وائل
03/03/2010, 22h29
اخي عادل بخصوص ست الحبايب
حضرتك كتبتها على مقام الكرد وانا من زمان بعزفها على البيات مثل ماهي مكتوبة في النوتة دي اتمنى تشوفها وتعلق عليها

اشكرك اخى العزيز
لأن علامة نص بيمول تضاف بعد الكتابة انا نسيتها مع الظروف لكن انا صلحتها وأشكرك عادل

عادل صموئيل
07/03/2010, 22h38
احبائى
اثناء تصفحى وجدت اخت جديدة ( انيتا ) طلبت نوتة ماما ياحلوة عشان عيد الام
ولم اتمالك نفسى ودونتها بسرعة واقدمها لكم
واهديها لأمى
والأخت انيتا الجديدة اهلا بكى فى المنتدى كما توجد نوتة ست الحبايب هنا انا دونتها هذا الإسبوع لو اردتيها ابحثى عنها فى الصفحات الاخيرة
مع اطيب تحياتى لكل ام فى عيد الأم

عادل صموئيل
08/03/2010, 11h36
احبائى
اقدم لكم من طلبات الاخ العزيز نور الصباح نوتة
كفاية ياعين
اتمنى ان يستفيد منها الجميع
الاغنية طويلة جدا انا كتبت المقدمة والمذهب والكوبليه الاول اما باقى الاغنية فهو نفس الفكرة تقريبا
مع اطيب تحياتى

عادل صموئيل
08/03/2010, 11h39
احبائى
اخ جديد فى المنتدى طلب نوتة لما بدا يتثنى
هو قال ان عنده نوتة لكن فيها مشكلة
اقدم لكم النوتة دونتها لكم
هى المفروض الميزان 10/ 8 انا دونتها 10 / 4 تسهيلا على الهواة والمبتدئين عشان تبقى القراءة اسهل
مع اطيب تحياتى

عادل صموئيل
09/03/2010, 20h30
احبائى
اقدم لكم نوتة
يادبلة الخطوبة
واهديها لأخى الجديد سامى امين هو طلبها عشان اخته اتخطبت وال مبروك وتعزفها فى الخطوبة وتشرفنا كده
وعقبال اللى ف بالى
وآدينى اه كتبت لكم النوتة يعنى مش ناقص حاجة شوية حاجات بسيطة يعنى شقة وحتتين عفش وعالمة واتمخطرى ياحلوة يازينة

بقول ماحدش شاف نور الصباح من كام يوم غايب ؟؟؟؟؟؟؟

عادل صموئيل
10/03/2010, 19h51
عزيزى وائل
انا صلحت النوتة شوفها وقول ايه رأيك
انا هنا منزل المقدمة والمذهب

يعنى اخدوا منى وقت طويل لتظبيط النوتة لأن البرنامج زى ماقلت غربى يعنى لو نتة غربية ممكن تضيف او تعدل او تحذف عادى لكن التحايل بتاعنا عشان نكتب شرقى بيخلى اى جزء بعد الجزء اللى اتعدل يحصل فيه لخبطة فى الشرقى
يعنى ممكن ناخد الجزء ده ونكمل من النوتة الاولى

عادل صموئيل
10/03/2010, 23h28
احبائى اقدم لكم نوتة
المسيح
واقدمها لأخى عاصم المنشاوى

عادل صموئيل
11/03/2010, 13h29
الأخ العزيز عبد الرحمن مهند
اولا انا بحب اشجع كل واحد فى المنتدى وبالذات احب اشجع الاعضاء الجدد
واقدم لك نوتة
حبيتك وبحبك وححبك على طول
وطبعا لاحظ ان فيه طلبات كانت كتير قبلها من الأعضاء المنتظمين ولكن انا دونتها بسرعة تشجيعا للأعضاء الجدد انهم يواظبوا على التواجد فى منتدانا الحبيب
مع اطيب تحياتى

وائل
12/03/2010, 11h30
استاذ عادل تحياتي..يا ريت استاذ تتحفنا بشي نوته دسمه من روائع كوكب الشرق.امل حياتي--انت عمري--الحب كله --بعيد عنك...انا بعرف انو قسم من النوتات موجدين بس احنا يا استاذ بدنا يكونو من تدوينك الخاص والسهل......:thankyou:



انا اضم صوتي لصوتك بالذات في امل حياتي والحب كله وبعيد عنك
اما بالنسبة لانت عمري فالموجودة سهلة وواضحة جدا-تفضل جرب هذه

وائل
12/03/2010, 21h37
السلام عليكم
تفضلو معزوفة توتة من عزفي المتواضع الذي سوف يتطور بملاحظاتكم وتوجيهاتكم التي تهمني كثيرا
المعزوفة دي انا حافظها وبعزفها بكل تمكن وبلعب فيها باقتدار بس من غير تسجيل بس مش عارف لما اجي اسجل ايه الي بيحصلي برتبك كتيرررر يمكن عشان لسه جديد في التسجيل وانا سجلتها من اول مرة وكنت ممكن اعيد تسجيلها واعدل فيها بعض الشي لكن نزلتها من اول تسجيل سجلتو - ان شاء الله تعجبكم
اخوكم وائل
عزيزى وائل
انا سمعتها وهى حلوة جدا
بالنسبة للإيقاع مش مشكلة يعنى انت ممكن تعمل الايقاع بالعود والميزة دى مش موجودة فى الكمنجة
اما بالنسبة لمشاكل التسجيل فيه برنامج مهم اسمه كول اديت
انا شخصيا بستعمله يعنى بسجل براحتى ممكن المقطع مرتين او تلاتة بعدين بحذف اللى انا مش عايزه يعنى اى جزء تحس انه مش حلو اعزفه تانى وتالت لحد ما يبقى احلى حاجة وتاخد الحلو وتحذف الباقى ودى طريقة التسجيل فى كل الدنيا بس يلزمك كمان برنامج كونفرتر يحول ال Mp4 الى MP3 وبعدين تفتح المعزوفة على كول ايديت وتعمل لها مونتاج
مع اطيب تحياتى عادل صموئيل

عادل صموئيل
12/03/2010, 23h00
اخى العزيز وليد
اقدم لك نوتة فيفيا اسبانيا
انا دونتها مع انها مش من اللن اللى انا بشتغل فيه
بس الظروف اللى مرت عليا الاسبوع ده خلتنى بدون اى حاجة حتى لو غريبة يعنى بحاةل اخرج من ظروفى ومن حسن حظك انها كوبليه بيتكرر يعنى لو لا كده ماكنت كتبتها بالسرعة الغريبة دى مع نها سريعة جدا ومزعجة فى التدوين بالذات عشان انا اول مرة اسمعها
بس انا انصحك حاول تعزف سماعى لأن الاغانى دى مش متداولة عندنا يعنى اكيد معظم الاعضاء كمان ماسمعوهاش

عادل صموئيل
13/03/2010, 17h49
احبائى
اقدم لكم اغنية من العيار التقيل
اغنية يا قلبى ياعصفور
من طلبات اخى العزيز نور الصباح
وهى اغنية قديمة لكن مش متداولة كتير
هى من روائع السنباطى
اتمنى ان تعجبكم

عادل صموئيل
17/03/2010, 20h12
احبائى
اقدم لكم نوتة من روائع فريد الاطرش
حبيب القلب من جوه
وكده نبقى خالصين يا استاذ نور الصباح

armendo
18/03/2010, 14h54
اصدقائى اليكم اغنيتى سعيدة ليلتنا سعيدة ويا دلع دلع لصباح مع تحياتى...........ارمندو

وائل
19/03/2010, 00h02
[QUOTE=salhi_haithem;412527]:emrose::emrose:
ممتاز اخ وائل هل تملك نوتة اغنية وحياتك يا حبيبي لاني اعزفها ماعدى المقطع الاخير مع الشكر :emrose::emrose:
[/QUOT
تفضل اخي هيثم نوتة وحياتك يا حبيبي بس هي مش واضحة وتحتاج لاعادة توضيح بالقلم زي ما عملت انا واستغرقت مني يومين لتوضيحها بس للاسف الموجودة عندي عالجهاز حاليا هي هذه
تحياتي

armendo
19/03/2010, 11h23
اخى هيثم الصالحى اليك نوتة وحياتك يا حبيبى واعتقد انها اوضح من النوتة التى رفعها اخى وائل مع تحياتى.........ارمندو

armendo
19/03/2010, 15h33
اخى العزيز عمر التهامى اليك نوتة الأرض بتتكلم عربى مع تحياتى.........ارمندو

salhi_haithem
19/03/2010, 16h56
هذه نوتة حيرت قلبي معاك تدويني في اول تجربة في التدوين ارجو ان تنال اعجابكم و ارجو ان لا تكون فيها اخطا و ارجو من استاذنا الكريم البشا العظيم الدكتور عادل صموئيل ان يتمم المقطعين الاخرين لاني وجدت فيهما صعوبة
مقام حجاز كار كرد
مع الشكر اخوكم هيثم

عادل صموئيل
20/03/2010, 19h10
احبائى
اقدم لكم بناء على الطلب الجماهيرى
تحفة فريد الطرش
جميل جمال
مع اطيب تحياتى

salhi_haithem
20/03/2010, 21h22
اخى العزيز هيثم
صورة النوته صغيرا جدا جدا لم نستطع قراءتها
ابوكارم


هذه نوتة حيرت قلبي معاك تدويني في اول تجربة في التدوين ارجو ان تنال اعجابكم و ارجو ان لا تكون فيها اخطا و ارجو من استاذنا الكريم البشا العظيم الدكتور عادل صموئيل ان يتمم المقطعين الاخرين لاني وجدت فيهما صعوبة
مقام حجاز كار كرد

لكم النوت واضحة و ارجوا ان تنال اعجابكم
مع تحيات اخوكم هيثم
اشكرك اخى صالحى لكن انت كاتبها صعبة شوية على المبتدئين
وفيه ملحوظة احنا بنعزفها كورد يعنى ام كلثوم كانت بتغنيها كرد طبقة صغيرة يعنى احنا بنعزفها من رى واحنا ظابطين طبقة صغيرة انتم تسمعوها من دو
السؤال للأغلبية انتم عايزينها من رى ولا من دو ؟
انا ممكن ادونها تانى مع اطيب تحياتى عادل صموئيل

وائل
21/03/2010, 18h38
اخي وعزيزي عادل ازيك يا زعيم؟
كان في طلب ليا قديم ياريت تكون فاكره وهو انا بعشقك للعبقري بليغ و ميادة اتمنى متكنش ناسيه وانا عندي كوبليه واحد فقط مع المقدمة وهو الموجود في المنتدى لكن باقي الاغنية ناقصة
انتظر ردك يا غالي
وتحياتي لك ولجميع الاخوة
اخوكم وائل:emrose:
اخى العزيز
ممكن تنزل لى النوتة اللى بتقول عليها وتسجيل الاغنية
اشوف النوتة واقول لك وانا كان ممكن اكملها
مع تحياتى عادل صموئيل

اخي عادل والله انت راجل سكرررررررررررررررره الواحد مابيلحقش يطلب منك حاجة الا وترد عليه في اسرع وقت لك كل الشكر والامتنان والتقدير على هذا الاهتمام البالغ يا زعيم
تفضل النوتة- انا بعشقك-- والله انا اللي بعشقك
تحياتي لك - وابقى اتسلى كده وانت بتسمع جميل جمال وادينا رايك
اخي عادل ياريت تنوت انا بعشقك كاملة لانها ناقصة حتى بعد ان اضاف الاخ سليمان كوبليه الصبا مازالت النوتة ناقصة
وحضرتك عارف الروائع الي زي دي مينفعش تكون ناقصة وانت سيدي العريفين بقيمة الاعمال دي-- عشان كده ياريت يا استاذي تنوتها كاملة
بشكرو وتحياتي-- وائل

ملحن مصري
22/03/2010, 20h42
وآدي نوتة ودع هواك تدوين الأستاذ عادل صمويل



أخوك تامر عامر
ملحن مصري

عادل صموئيل
23/03/2010, 19h12
اخوتى الأحباء
طبعا انا اشكر اخى العزيز الاستاذ عاصم المنشاوى على شعوره الجميل وان شاء الله ربنا يكرمنا كلنا وانا طبعا اتمنى اشوفكم كلكم واجيب معايا كمنجتى اسمعكم شوية من كمنجة الزمن الجميل اللى مع الاسف ابتدت تنتهى يعنى زمننا كنت لما تسمع ام كلثوم او اى عملاق تحس ان الكمنجات هى كل اللحن عشان كده بتسمع طرب لكن النهاردة اولا فى الفرق دور الكمنجة تقريبا ضاع وثانيا فى الصولو بقى العازف مش بيسمعك طرب ولكن بيستعرض مهارته وتكنيكه على حساب الطرب , إن شاء الله .
واشكركم كلكم على شعوركم الجميل
واقدم لكم رائعة عبد الوهاب
هان الود
اتمنى تعجبكم هى كانت انطلبت من مدة وده برضه يؤكد لكم انى مش بنسى طلبات حد منكم
مع اطيب تحياتى

عادل صموئيل
24/03/2010, 13h58
اخوتى الأحباء
مش عارف ارد على حبكم ده اقول ايه لسببين
اولا لأنى بتكسف
وثانيا لأنى عادة اعمل فى صمت ولا انتظر مقابل عملى يعنى احب اعمل حاجة تفيد الناس يعنى احس بس انها بتفيدهم دلوقتى وبعدين حاجة زى الصدقة الجارية كده .
ويسعدنى ان اقدم لكم
مقدمة مسلسل ارابيسك
دى بالذات تعبتنى جدا لعدة اسباب يعنى عشان اكتب سطر فيها زى ما اكتب صفحتين فى اغنية لأم كلثوم بس انا تحديتها لحسن حد ممكن يقول ماعرفتش ادونها
ومشكلتها مشكلة الأغانى الحديثة يعنى تتسمع بس ولو سمعتهم التسجيل اول مشكلة فيه صولو القانون انا كاتبه هنا بسرعة 180 بس هو سرعته توصل ل 200 يعنى اى عازف ان ماكانش على نفس قوة اللى عوزفه فى الشريط مش حايقدر يعزفه
ونيجى للغناء تلاحظ فزلكة وكلكعة يعنى لو قارنته بأم كلثوم مثلا تلاحظ الجملة الموسيقية مهما كانت صعبة لكن صريحة ولما بقول ام كلثوم مش معناها ام كلثوم بس ولكن اغانى ام كلثوم لو كانت مليانة فزلكة ماكانت عاشت ام كلثوم لأن اهم شىء اتعلمته انا من عمالقة الزمن الجميل انك تعمل شغل 95% على مستوى الشعب عشان الشعب يفهمه وخمسة % تتفزلك لو حبيت ( عشان يعنى تعقد الموسيقيين ) وطبعا كان كل الاجبال من 1940 لحد انهايار زمن الفن الجميل بيعملوا كده يعنى قارن بين موسيقى وغناء مسلسل ارابيسك وبين حيرت قلبى او حب ايه او امل حياتى تلاقى الجملة عند ام كلثوم لو عادتها 3 مرات وانت بتسمعها اول مرة تكفى انك تتفهم الجملة 100% وتغنيها او تعزفها , لكن طريقة التلحين الحديثة انك ممكن تسمع الجملة 100 مرة وماتوصلش
طبعا انا حاولت ابسطها على قد ماقدرت عشان تقدروا تعزفوها وربنا يستر .
فيه ملحوظة تانية الحان الحديثة مليانة توزيع احيانا بيكون اكتر من الازم بس اصلهم بياخدوا فلوس على كتر او زحمة التوزيع وده بيخليك لما تحاول تعزف اللحن على آلة واحدة بيبقى ففقير اوى لأنك بتعزف جزء من حاجات كتير بعكس حيرت قلبى وحب ايه ممن بالعود فقط تعزف اللحن كله وتوصله 100%
مع اطيب تحياتى عادل صموئيل

عادل صموئيل
25/03/2010, 14h25
احبائى
اقدم لكم رائعة فريد الطرش
قالت لى بكره
من طابور الطلبات
بس خلوا بالكم لأن معظمها ادليب
اتمنى ان تسعدكم

عمرو الهنداوي
25/03/2010, 17h36
يا وائل اهى النوتة بس اعزفها وقولى هى ما تقصد ولا لا

عادل صموئيل
25/03/2010, 18h31
تخيل ياوائل
انى مع انى شاكك انى دونتها زمان دونتها تانى بسرعة والسبب ان دى من اللاغانى اللى انا بحب ادونها
بس هى فيه ملحوظة ان الاغنية دى لها اسمين مشهورين
رايداك
يامسافر وناسى هواك
انا نفسى كل واحد منكم يعمل لنفسه ارشيف يعنى من اول صفحة فى طلبات النوت يكتب اسم النوتة ورقم الصفحة
مع اطيب تحياتى عادل صموئيل

عادل صموئيل
25/03/2010, 19h46
احبائى
اقدم لكم رائعة من روائع بليغ حمدى وام كلثوم
كل ليلة وكل يوم
كاملة
( ياترى ياواحشنى بتفكر ف مين )
اتمنى ان تسعدوا بها
مع اطيب تحياتى

عادل صموئيل
27/03/2010, 00h07
احبائى
اقدم لكم نوتة انا بعشقك
انا راجعت النوت المرفوعة منكم
انا لما براجع نوتة واحس انها ممكن تمشى بقول لكم استخدموها ( زى نوتة الحب اللى كان )
لكن لما راجعت النوت المرفوعة منكم للأغنية دى لاحظت فيها اخطاء وحاجات كتير ناثصة منها مقدمة كوبليه الصبا
انا طبعا كتبتها من جديد
وانا زودت كوبليه
مع اطيب تحياتى

عادل صموئيل
28/03/2010, 18h00
احبائى
اقدم لكم نوتة حبيبتى من ضفايرها لحن عمار الشريعى
اتمنى ان تعجبكم

عادل صموئيل
28/03/2010, 21h10
احبائى
انا سعيد لروح المحبة بينكم
واقدم لكم نوتة انا بعشقك وكتبت فيها الكوبليه الخير
بناء على رغبة اخى العزيز وائل
وانا ما كتبتوش اول مرة لأن ضايقنى بصراحة صولو اكمان لأنه معزوف بطريقة الزيجان ودول من قيائل الغجر فى اوروبا وبيستعملوا الكمنجة بسرعة جدا هو لونهم حلو لما نسمعه وانا مرة اشتريت اسطوانة من اوروبا فيها كلها زيجان وكنت احب اسمعها لكن اسمعها بس لأن ده لون غير لوننا الشرقى الطربى , يعنى الكمنجة الشرقى للطرب زى ماتسمع الحفناوى , يعنى انا سمعت الصولو 4 مرات وكل مرة يعمل حركة شكل انا فى الآخر تخيلت من خبرتى مع بليغ ممكن يكون اصل الصولو ايه وكتبته , بس المشكلة اللى مضايقانى ان الشباب اللى طالع جديد فى المعاهد بيعتبروا انا الزيجان ده هو الشطارة وهو اظهار التكنيك يعنى معنى كلامهم اننا عصرنا ام كلثوم وعبد الوهاب وكلنا كنا متخلفين
ولكن العكس طبعا يعنى الأجيال اللى قبلى وجيلى هم اللى صنعوا تاريخ الموسيقى العربية واللى اتوا بعدنا بلعوا الطعم وتخيلوا انهم بيطوروا الموسيقى العربية وكانت نتيجة تطويرهم حاجتين اولهم ان ضاعت نكهة وهوية الموسيقى المصرية والعربية وثانيا اصبح اى واحد ماشى فى الشارع وعايز يغنى يروح عامل شريط ويبقى نجم , ومابقاش فيه الحان تعيش للتاريخ
, يعنى ايامنا كان اللحن يعيش الى الأبد وكان فيه نكهة حاجة اسمها موسيقى مصرية او عربية واستطاع العمالقة تحجيم غزو التتار ( اللى هو الاورج والجيتار ) يعنى اخدوا الحلو منهم واحكموا قبضنهم عليهم بحيث ما يضيعوش نكهة موسيقانا , ولو تلاحظوا كانت فيه حركات يعنى انا بسميها ثورة لنحجيم التتار او الغزو الغربى منها ثورة سيد مكاوى لما عمل يامسهرنى بدون اى آلات كهربائية يعنى بيقول شوفوا الفرق اصلنا احلى ولا التطور احلى
انا نزلت لكم النوتة كلها وزودت الكوبليه عليها عشان تبقى وحدة متكاملة ما يبقاش اولها ف مكان وآخرها فى مكان
مع اطيب تحياتى

عادل صموئيل
29/03/2010, 13h31
hحبائى
اقدم لكم مقدمة ومذهب
رق الحبيب
واهديها للأخ العزيز احمد سنايم
وعشان تعرف انا مش بنسى حد لكن هى بتبقى ظروف

عادل صموئيل
30/03/2010, 19h59
احبائى
اشكركم على كلامكم الجميل
ولا املك رد سوى ان اعطيكم مما اعطانى الله
اقدم لكم نوتة كانت طلبتها الأخت لينا من سنة والاخ عمروهنداوى قال انها خلفت بيبة من 3 شهور وياريت اعمل النوتة قبل ما البيبى يدخل الجامعة
ولكن كل شىء بيبقى بظروفه
اقدم لكم
رائعة فيروز
زهرة المدائن
وظروفها اننا بنحن للقدس ايام عيد القيامة
وعشان تعرفوا غلاوتكم عندى لأنها صعبة جدا وبالذات الجزء بتاع يبكيان
هى طبعا لما انت تقرأ الحروف الخبيثة دى والتحويلة الجامدة ممكن تكون صعبة جدا لكن انا حليت لكم الصعب يعنى بسطتها لدرجة كبيرة
اتمنى ان تعجبكم
وكل عام وانتم بخير وادعوا لى ربنا يفوت الايام القادمة على خير لأن الوالد بيمر بمرحلة حرجة
مع اطيب تحياتى وكل عام وانتم بخير

Posted via Mobile Device

عادل صموئيل
31/03/2010, 00h10
احبائى
معظمكم بياخد منى دروس فى الموسيقى
لكن اليوم اديكم درس فى الحياى اللى خبرتى فيها اكتر من الموسيقى مليون مرة
عمالقة الفنانين علمونى درس : لما الدنيا تسود فى وشك اقعد فكر او إعمل الحاجة اللى انت بتحبها
يعنى انتم لاحظتم والدتى توفت يوم 5 مارس خلال اسبوع بعدها انا دونت اكبر كمية من الاغانى وبالذات اللى كنت راكنها للظروف
ودلوقتى بعد ما ابويا نام بعد ما اخد 12 دوا لقيت نفسى مش قادر انام
دونت لكم اغنية صبح ياجميل لمحمد قنديل
واقدمها لكم
اتمنى ان تسعدكم
واهديها لم طلبها ولمن تعب ورفعها
كما اهديها للأخت العزيزة جوليانا تنفع تتعمل فى حفلة فى المدرسة يعنى كلامها مش عاطفى يعنى تمشى فى المدرسة مع اطيب تحياتى واشكركم
Posted via Mobile Device

عادل صموئيل
01/04/2010, 15h35
اهلا ياوائل بعودتك مرة اخرى
وعلى فكرة وائل علوى هو وائل بتاعنا اللى دايما بيورطنى فى الاغانى الصعبة بس هو عامل new look
واقدم لك نوتة كان الزمان وكان
هى ليها اسمين كمان اسمها حنا السكران

عادل صموئيل
01/04/2010, 20h07
احبائى
اقدم لكم اغنية من العيار التقيل جدا
رائع السنباطى
حيرت قلبى
الاغنية دى كنغمات تعتبر اسهل اغنية للسنباطى
لكن مشكلتها بتحتاج احساس فى الأداء وتاخدوا بالكم من فروق السرعات
لو تلاحظوا ناى دونت الكوبليه الاول والثانى بطريقتين مختلفتين لكن من وجهة نظرى دى اسهل طريقة لتدوين اللحن ده
مع اطيب تحياتى
بالنسبة للوالد حالته زى ماهى

armendo
01/04/2010, 23h12
اسمحوا لي بالدخول على الخط معكم، ألا ترون معي ان أغاني أم كلثوم بشكل عام مهما حاولنا كتابة الغناء بالنوطة الموسيقية من الصعب أن يكون امينا مائة بالمائة و مطابقا لاحساس المطربة أم كلثوم عكس المقدمات الموسيقية و موسيقى الكوبليهات فالموضوع مختلف فيها لكن الغناء بما فيه من تصرف و زخارف باحساس المطرب من الصعب ضبطه بالنوطة حتى و ان ضبطناه فهذا يتطلب حسب رأيي مجهودا كبيرا في استعمال زخارف الكتابة الموسيقية ، ليكون مطابقا لما يقوله المطرب، و هذا رأي قابل للنقاش مع تحياتي لكم جميعا.:emrose:

اخى الكريم الأستاذ سمير اننى اشاطر اخى هيثم فى ردة واؤيدة واضيف ان الهدف الرئيسى والسياسة التى اتبعها الأستاذ عادل فى طريقة تدوين النوتة استخدام ابسط طرق التدوين للنوتة واللحن بدون اية تفصيلات او تصرفات فى اللحن وذلك تسهيلا على العازف الهاوى المبتدئ مما سيعطية نوع من الثقة بالنفس مع ترك المساحة فى التجويد مستقبلا مع تحياتى.......ارمندو

اشكركم اشكركم كلكم
واقدم لكم نوتة حيرت قلبى كورد على الدو زى ماطلبها بعضكم
وربنا يعيننى على طلباتكم عادل صموئيل

slimanaa
02/04/2010, 19h39
[QUOTE=slimanaa;417953]مشكور كثير استاذ عادل على النوته الدسمه والرائعه بلنسبه لنوتة لحن شروق لقد اهداني اياها الاخ العزيز وسام اكرم من تدوينه .
تحياتي استاذ ويا ريت تدون لنا باقي الاغاني لكوكب الشرق.وربنا يشفق ويشفي الوالد الغالي....
اخى العزيز سليمان slimanaa ارجو ان ترفع لنا نوته شروق لنستفيد منها ان امكن ذلك ,لك منى كل الشكر ابوكارم.:emrose:

؟؟؟؟؟؟؟
تفضلوا يا اخواني نوتة رائعة الموسيقار هاني مهنا معزوفة شروق تدوين اخي وسام اكرم .المقام هو بيات دوكاه وليس الكورد المي نص بيمول اتمنى ان تنات اعجابكم اخوكم سليمان...:z044::pepper1:

عادل صموئيل
03/04/2010, 14h37
احبائى
اقدم بناء على طلب الاخ سامى امين المتكرر
ياواد يا تقيل

عادل صموئيل
04/04/2010, 03h18
وكما قال الاخ وائل هى شعرة ساعة تروح وساعة تيجى
انا شربت تمر هندى واكلت مانجو هندى ولم ينقصنى سوى الفيل
واقدم للأخ العزيز ابو كارم الاغنية التى طلبها من فيلم سانجام

عادل صموئيل
04/04/2010, 03h26
وبمناسبة شم النسيم وعيد الربيع
اقدم لكم نوتة
الدنيا ربيع
واهديها لأخى العزيز عاصم المنشاوى الذى طلبها
وكل عام وكلكم بخير

salhi_haithem
04/04/2010, 11h38
شكرا حبيب قلبي هيثم وانت انسان جميل وذوقك راقي وتعاملك جدا راقي وانا يسعدني صداقتك
وانا مش ناسي وعدك سوف ترفع لنا نوتة فكروني و انت الحب
اخوك وائل



السلام عليكم ورحمة الله و بركاته
اقدم لكم نوتة انت الحب للسيده ام كلثوم و ارجو ان تنال اعجابكم
مع تحيات اخوكم هيثم

salhi_haithem
04/04/2010, 11h44
السلام عليكم ورحمة الله و بركاته
اقدم لكم نوتة فكروني للسيده ام كلثوم و ارجو ان تنال اعجابكم
مع تحيات اخوكم هيثم

salhi_haithem
04/04/2010, 11h47
السلام عليكم ورحمة الله و بركاته
اقدم لكم نوتة ثورة شك للسيده ام كلثوم و ارجو ان تنال اعجابكم
مع تحيات اخوكم هيثم

salhi_haithem
04/04/2010, 11h53
السلام عليكم ورحمة الله و بركاته
اقدم لكم نوتة نبتدي منين الحكايه للعندليب و ارجو ان تنال اعجابكم
مع تحيات اخوكم هيثم

عادل صموئيل
05/04/2010, 00h45
احبائى
يسعدنى ويشرفنى ان اقدم لكم عمل يعتبر من اصعب اغانى ام كلثوم وهو عمل من المستحيل تدوينه كاملا ولكن انا تحديته فى لحظة طيش
رق الحبيب كاملة
وهذا اللحن له قصة فريدة من نوعها يعنى تم تلحينه فى نصف ساعة يعنى القصبجى كان فى بيت ام كلثوم واعطته الكلام ليلحنه المفروض انه بيلحنه فى ست شهور سعنى بيغير ويبدل الى ان يصل للكمال بعدين يسمعه للست وتبدأ البروفات ولكن ام كلثوم لما اعطته الكلام المفروض انها تركت الكلام ليقرأه وذهبت لقضاء اى شىء فى منزلها وفجأة امسك القصبجى بعود ام كلثوم ونزل عليه الوحى وجاءت بعد نصف ساعة وجده قد اتم تلحين اللحن وهى لما سمعته عجبها وقالت نعمله كده زى ماهو والكلمة التى قلتها استحالة تدوينه كلمة اللحن زى ماهو يعنى اى لحن لأم كلثوم او اىى عملاق لما احنا بنسمعه اول مرة بيكون تقريبا 50% من اللى انتم بتسمعوه فى الراديو يعنى اللحن بيكون شكلوبنعمل عليه خمسين بروفة ويتم تعديل وتغيير فى كل جملة فيه حتى يصل الى الكمال ولكن اللحن فى الاول بيكون فيه احيانا جمل صعبة جدا فى العزف ويتم توضيحها او تبسيطها حتى يفهمها المستمع ولكن ام كلثوم هنا اصرت ان يظهر الللحن كما هو ( يعنى اول قطفة مثل عسل النحل ) وهنا تكمن صعوبته يعنى انتم عارفين محمد القصبجة ان لم يكن احسن عازف عود فى العالم فهو من احسن 3 عزفوا عود ( احدهم فريد الاطرش طبعاً ) وتخيلوا هذا العازف المبدع لما ينزل عليه الوحى ويعزف عود اكيد تكون جمل صعبة ومستحيلة فى العزف ولكن ( الشاطر شاطر ) يعنى المفروض ماحدش يحاول يعمل عملية انتحارية ويعزفه من غير ما يكون حافظ اللحن جدا لأن زى ما انا كررت كتير الالحان دى روح فى الأداء مش قراءة نوتة وخلاص وبالذات هذا اللحن
مع اطيب تحياتى
اليوم عندنا فى مصر شم النسيم والصبح بنفطر بيض ملون وبيض محشى واصناف مختلفة من البيض ( يعنى بندلع نفسنا ) اما الغذاء بيكون شىء من آثار جدودنا الفراعنة يعنى بناكل فسيخ وملوحة واى مصرى بيفتخر انه مصرى وابوه مصرى وبيغنى بلادى بلادى لكى حبى وفؤادى بيثبت وطنيته فى اليوم ده وانتماءه الى اجداده الفراعنة وياكل فسيخ وملوحة لأنها سمك من انواع معينة ومعمولة بطريقة تشبه التحنيط ( طبعا المصريين منكم حيقولوا انت بتحكى حكاية كلنا عارفينها لكن ( خلوا بالكم المنتدى ده عالمى يعنى معانا اجانب ) وللعلم الفسيخ والملوحة احنا بنصدره
يعنى عندنا الكيلو المحترم بيبقى بحوالى 80 جنيه مصرى ممكن تلاقه فى اوروبا ب 800 يورو معلش هم حرامية
وكل عام وانتم بخير وعلى فكرة ام كلثوم كانت تموت فى الملوحة والفسيخ

armendo
06/04/2010, 10h12
اعزائى واصدقائى اليكم رائعة المطربة شيرين فى حب مصر ما شربتش من نيلها من تدوين الأستاذ احمد الجوادى مع تحياتى.....ارمندو

armendo
06/04/2010, 18h03
الى اخى وصديقى وائل اهدى الية النوتة الخاصة بأغنية يا عينى عالصبر لوديع الصافى والى كل اصدقائى بالمنتدى مع تحياتى......ارمندو

عادل صموئيل
07/04/2010, 23h56
اليكم اغار من قلبى
اتمنى ان تعجبكم انا طبعا كتبت اللحن الاساسى

عادل صموئيل
09/04/2010, 19h42
احبائى
اقدم لكم بناء على طلب الاخ نور الصباح
يا مصر كنت فى غربة
اتمنى تعجبكم
مع اطيب تحياتى

salhi_haithem
09/04/2010, 22h31
اشكرك اخى العزيز وكلامك بيشجعنى اتعب اكتر
مع خالص تحياتى عادل صموئيل

حياكم الله اينما كنتم وايا كانت بلدانكم
الي استاذي غواص في بحر النغم الأصيل عيزنا نرجع زى زمان قول للزمان ارجع يا زمان
مشكووووووووووووووووووووووووووووووووووووووووووووووو ووووووووووووووووووووور استاذ عادل ع الرد الجميل و ياسلام علي الكلمة الحلوة والمعني الجميل و ما اجمل الكلام اذا كان يعبر عما بداخل كل انسان حبيب وما اجمل ألحانك التي تمس العليل فيطيب وما اجمل تدوينك الذي هو رقيق ذا مذاق معطر بالطيب و كنت انت كما كنت يا سيدي و لازلت نجما لامعا ذو وهج و بريق وها نحن كما نحن نستمع اليك و انت كاخ شقيق و ألحانك عبير تعطينا دفئ كطعم الرحيق. الحانك عبر الزمان تنتشر في كل مكان وتنشر بين جاونبنا الحب والحنان وتعطينا املاً جميلاً ينسجم مع انسان تلو الإنسان, الحانك تنسى هموم من معك اياً كان, فلا تلومو شوقي اليه ولا تسألو عني بمكان فأنا هنا مع استاذي اسمع منه اجمل الألحان.
انت سيد الكل ومتربع علي عرش تدوين الغناء الاصيل ولله زيك ما فيش الا القلة القليلة بس اكيد ما فيش حد زيك توا او زمان او مستقبلا. ولي سال بعد اذنك استاذ عادل استعص عليا شويا في اغنية اسال روحك في مقطع و تغيرت شويه شويه واتغيرت و مش بادييا هل هو مقطع صبا على درجة صول او هو مقطع حجاز على درجة صول ام هو صبا على درجة ري
شكرمن كل قلبي و أشكرك على هذا المستوى الرائع من العمل والإقدام دائما للأمام والتميز المستمر و على فكره عمل ايه صحة الوالد العزيز
مع خالص تحياتى اخوكم

اخى العزيز
اولا اشكرك على كلماتك الجميلة التى اوشكت ان تكون شعرا
ثانيا صحة الوالد مازالت متأخرة
ثالثا انا دونت لك بسرعة الجزء الذى سألت عليه فى اغنية اسأل روحك
لو تلاحظ فى المازورتان الثانية والثالثة هو عمل مايشبه صبا على الرى ( عندما عمل صول بيمول ) ولكن اكاديميا لا نستطيع ان نقول انه عمل صبا على الرى لأن المقام يبدأ من دو ( يعنى لو ممقام الاغنية يبدأ من رى كمقام الكرد او البياتى هنا نقول انه عمل صبا
والمهم انك تعرف المقام الاساسى وان تحس بعلامات التحويل , والحركة هنا نحن نعتبرها تلوين للحن ولا نعتبرها تحويل مقامى , لأن التلوين يأتى فى جملة واحدة او جزء من جملة ولكن التحويل ان ينتقل الى مقام آخر ويستمر عدة جمل
ولو تلاحظ هنا فى هذا الجزء ان الموجى قام بعدة علامات تحويل وهو مازال فى مقام الحجاز كاركورد , وهنا مشكلة فى اسماء تلك التحويلات فهى اسماء كثيرة جدا تقرب من اربعين اسما وتحتاج دراسة احترافية عالية جدا تستغرق سنينا طويلة , وانت لو اخذتها بسرعة ستحدث عندك بلبلة , والنصيحة هى بالنسبة للهواة ان تتعرف على المقام الاصلى وتحس علامات التحويل العارضة التى طرأت عليه ثم تحس بالتحويل لمقام آخر اذا حدث لكن فى هذا الجزء هو استخدم مقام الحجاز كاكرد وتجول ثم عاد ليقفل فى مقام الحجاز كاركرد
وما معنى نقلة مقامية او تغيير المقام يعنى مثلا فى مقام النهاوند اذا استمر ثلاث جمل فى النهاوند ثم انتقال الى الراست وعمل عدة جمل ( ولاحظ كلمة عدة جمل لا جزء من جملة ) ثم عاد وقفل على النهاوند هنا نقول اللحن فى مقام النهاوند لأنه قفل على النهاوند , وطبعا هذا يسرى على جميع المقامات مع اطيب تحياتى عادل صموئيل

armendo
11/04/2010, 15h27
اخى هيثم اليك النوتة المطلوبة لمارسيل خليفة مع ارق تحياتى.....ارمندو

armendo
16/04/2010, 14h36
عزيزى وائل اليك النوت الخاصة باغنيتى سبحان الواحد الأحد واغنية تلات شهور ويومين اتنين لشادية والسنباطىمع تحياتى.....ارمندو

نور الصباح
17/04/2010, 14h05
الأخت العزيــــــــــــــــزة الغالــــــــــــــــــــية
جــــــــــــــــــــــــــــولـــــــــــــــــــ ــــــــيانــــــــــــــــــــــــــــة
سلام الله عليكم ورحمته وبركاته
وبعـــــــــــــــــــــــــــــــــــــد :
إليكــــــــــــــــم جميــــــــــــــعا النوتة الموسيقـــــــــــــــــية لأغنيــــــــــة
(( محمــــد نبــــــــــــــــينا )) من تدويــــــــــــــن أســـــــــــــــــــــتاذنا الكبير
عــــــــــــــــــــــــــــادل بـــــــــــــــــاشـــــــــــــــــــــا صموئــــــــــــــــــــيل
ندعــو الله أن يتم شفاءه شفاءا تامــــــــــــا ويعـــــود إلينا بســــــــــــــلامة الله
وشكررررررررررررررررررررررررررررررررررررررررررررررر رررررا
أخوكـــــــــــــم / نور الصباح

وائل علوي
20/04/2010, 08h00
[QUOTE=يوسف قاسمي جمال;423630]

عزيزى الأستاذ يوسف قاسمى جمال صبحك اللة بالخير شكرا لك علة التسجيل الصوتى والنوتة والحقيقة انا لى تعليق بسيط على ما تفضلت بة هو اننى لم افهم ماذاىتقصد بجملة ظبط ودوزنة الآت بطريقة صحيحة لتفادى النشاز خصوصا فى الأوضاع والأوتار المطلقة ارجو الأيضاح مع تحياتى.....ارمندو
عزيزي ارمندو صباح الخيرات
تصدق انني سبقتك بنفس السؤال للاخ قاسمي منذ الفجر لكن على الخاص- فانا ايضا مثلك لا اعلم ماذا يقصد بدوزان الالات بشكل سليم فالكل يعرف ان اي الة عندما تكون غير مدوزنة بشكل سليم سيصدر منها نشاز لكن السؤال ما علاقة هذا بموضوعنا هنا في لونجا رياض فنحن كنا نتحدث عن السرعة الحقيقية لها وانني لم اجدها بعزف رياض شخصيا وهذا ما جعلني احتار هو انني سمعتها من عشرااااااات العازفين وكل واحد له سرعة خاصة فيه
تحياتي لكم جميعا
اخوكم وائل
وهذه نوتة لونجا رياض شبيهة بالتي رفعها اخ قاسمي لكن تختلف عنها في المازورة الثالثة البار المكتوب فوقه التسليم فهذا الجزء مكتوب في هذه النوتة بشكل اصح حيث انه في تلك النوتة مكتوب(صول - لا - سي - لا) مكرر اربع مرات وهنا خطا واضح في النغمات حيث ان الصحيح هوكما في النوتة التي رفعتها وهو( صول قرار- سي - ري - صول جواب) وهنا فقط للتوضيح حتى من يريد ان يتعلمها يعزفها بشكل سليم اولا ثم موضوع السرعة وتنوع الريشة هذا ياتي بالتمرين المكثف

عادل صموئيل
20/04/2010, 19h21
احبائى
اول شىء لما حسيت بتحسن شوية حبيت اشكركم كل من سأل عنى فردا فردا
وطبعا مش معقول اجى وايدى فاضية
اقدم لكم نوتة دولا مين ودولا مين لسعاد حسنى
اهديها للأخت الموهوبة انيتا بناء على طلبها
وهى تنفع للمدارس واهم شىء ان ماحدش عزفها ف مدارس من قبل
واهديها للجميع وطبعا لمدرسى الموسيقيى واخص بالذكر الاخت العزيزة جوليانا
مع اطيب تحياتى ومرفق التسجيل للى يحبوا يسمعوها

عمرو الهنداوي
21/04/2010, 12h10
سلام عليكم
اخواني هل الاستاذ عادل كتب اغنية حبيبي وعنيا محمد فوزي؟؟؟ لانني بحثت عنها فوجدت واحدة لكن ليست للاستاذ عادل
تحياتي لكم
اخوكم وائل

وائل انا لقيت دى عندى وهى كويسه جدا:crazy:

armendo
21/04/2010, 14h59
اخى العزيز وائل اليك اغنيتى تلات شهور ويومين اتنين لشادية ويا مارق عالطواحين لنصرى شمس الدين مع تحياتى.....ارمندو
عفوا يا وائل لم استطع رفع اغنية شادية مرة اخرى انا متأكد انى رفعتهالك من قبل وشكررررررا

عمرو الهنداوي
22/04/2010, 17h24
وائل ما فى داعى انه استاذ عادل يدون البنت الشلبية
هى عندى وح انزلها دلوقتى
وائل انت شوفت نوتة حبيبى وعنية لفوزى؟؟:crazy:



النوتة

armendo
22/04/2010, 19h10
حبيب قلبي ارمندو احب اشكرك على نوتة البنت الشلبية بالفعل نوتة رائعة ومضبوطة جداااااا وهي دي اي بدور عليها--الف مليوووووون شكرا عزيزي
انا عندي يانا يانا بس مش واضحة وعندي سعيدة ليلتنا بس انا هنا مش عندي
هات اللي عندك مبقلش لا
تحياتي ..........................
وائل

وائل حبيبى انت تأمر انا هرفعلك يانا يانا وانا هنا يابن الحلال ارجو ان تسعد بهما تحياتى......ارمندو
عفوا يا وائل الجهاز رفض رفع يانا يانا لأنى قمت برفعها من قبل فارجو منك ان تبحث فى مشاركاتى السابقة ستجدها ان شاء اللة لأنها واضحة جدا ونوتة سهلة وبالمناسبة هل وجدت اغنية تلات شهور لشادية لأنى متأكد انى رفعتهالك من مدة تحياتى....ارمندو

عادل صموئيل
23/04/2010, 00h54
احبائى
انا بدخل وبخرج بسرعة عشان لسه عينى لم تتماثل للشفاء التام
يعنى بشوف بسرعة آخر اخباركم وعاملين ايه
واقدم لأخى العزيز ولكم جميعا نوتة الجوز الخيل والعربية
اتمنى ان تستفيدوا منها

اثناء تصفحى السريع للأنترنت صدفة وجدت موقع صديق فيه كمية نوت كبيرة جدا ولاحظت انهم بياخدوا نوت من بتاعتى فكان لابد طالما هم بيستفيدوا من النوت بتاعتى ان اقدم لكم الموقع وانتم تستفيدوا من النوت اللى عندهم وللعلم انا احب الصداقة والتبادل بين المنتديات واليكم رابط الموقع
الموقع اسمه آه ياسلام

http://www.ahyasalam.com/?mode=MUSICSH&lang=AR (http://www.ahyasalam.com/?mode=MUSICSH&lang=AR)
مع اطيب تحياتى

armendo
23/04/2010, 10h24
اخى وائل اليك نوتة سألونى الناس لفيروز من تدوين نقولا مرجية مع تحياتى......ارمندو

منذر عبود
24/04/2010, 10h32
انا صاحب الموقع المذكور وبالفعل اسم الاستاذ عادل مشطوب مع اسم موقع سماعي لضرورة العرض من دون انكار حق او فضل المدون او المنتدى لان اسم الموسيقار عادل واسم منتدى سماعي (مع اسم الاستاذ نقولا مرجية من زرياب) ايضا مذكورين جميعا في صفحة "من نحن"
وانا على فكرة عضو قديم هنا في سماعي وفي زرياب وارفع الى المنتديين ما يصلني من نوادر . ولكن لدي طريقة مختلفة لعرض الاغاني قد تكون مفيدة وهي بوضع المعلومات مع ملفات الاغاني وتقليل الكتابة لتسهيل عمل محركات البحث
باحترام
فاضل فخرالدين

اسمحوا لي أن أسجل شكر للاستاذ عادل صموئيل المحترم وألف الحمد لله على سلامته لأنه نوه وأشار لنا إلى هذا الموقع
وشكر للأستاذ farhanfahmi فاضل فخر الدين صاحب الموقع على حسن التنسيق وسهولة الوصول لكافة المعلومات عن الأغنية لأي مطرب
وهذه نوتة يامو دريد لحام
وإن كانت أغنية صغيرة وبسيطة دونتها هدية ورفعتها هناك كما عدت ورفعتها هنا كنوع من المشاركة ولو بسيطة

armendo
24/04/2010, 22h10
اصدقائى واخوتى الأعزاء اليكم اغنية لو سألتك انت مصرى لنانسى عجرم وهى من تدوين الأستاذ فادى تمور مع تحياتى........ارمندو

وائل علوي
26/04/2010, 08h40
الصديق العزيز وائل كيفك
شكرا على الرد ساحاول ان اعثر على تقاسيم عود نوتة مع امكانية سماعها وارجو اذا توفر لك وقت ان تبحث معي
ارجوك اذا عندك نوتة بترحلك مشوار وديع الصافي كاملة لم اعثر عليها
مع تحياتي
الطربان دائما
اديب
سلام يا وائل غلبتك
الاخ اديب بعد التحية
اليك نوتة تقاسيم او مقدمة اشواق

وائل علوي
26/04/2010, 10h17
وائل ازيك:emrose:









النوتة اللى اعتمدت عليها فى عزف زى الهوى
نوتة غلط اصلاا ومكتوبة وحش اوى ومش صح فى معظمها:crazy:
وكمان مش كاملة فا ما تتعب نفسك فى عزف النوتات اللى
من النوع دة
استنى يمكن استاذ عادل يكتبها فى يوم من الايام
وساعدتها حتكون كاملة وصح ان شاء الله:)
كل التحية

عزيزي عمرو ازيك انت؟
معلش اختلف معاك تماما في ان نوتة زي الهوى الي عزفتها غير صحيحة لعدة اسباب منها انت عارفني مبعتمدش على النوتة في كل حاجة بعدين انا عزفتها من زمان مع ناس بيعزفوا سماعي واثق تماما في عزفهم وقبل كل هذا اثق في سمعي انا وعزفوها معايا كلها على نفس المقام يمكن اتفق معاك ان الكوبليه الاخير الي بيقول فيه( طفيت الشمع) مش مضبوط 100% بس النوتة بشكل عام ممتازة-- وانا ايضا قمت بتعديل في صفحة 2 وصفحة 4 عندي على الورق وانا لا اعلم ما هي النوتة التي تقصدها والموجودة عندك هي اغلب الظن نفس الي عندي بس انا عدلت فيها كما ذكرت -بعدين دي زي الهوى يا راجل يعني مش اغنية نكرة يعني لو تسمعها لاي احد ملهوش علاقة بالموسيقى هيقدر يميزها ويعرف مقامها لانها من الاغاني التي تركت بصمة كبيرة عند الناس وفي النهاية وعلى فكرة في حاجة غريبة انت قلتها وهي ان النوتة مش كاملة!!!! انا اؤكد لك بانها كاملة من الالف للياء يعني حتى المقدمة كلها موجودة وهذه نسخة منها
لك رايك واحترمه ولي رايي وانا واثق منه تماما وتبقى الحياة دائما ظلال واضواء
تحياتي .....
وائل

adib aburuman
26/04/2010, 16h14
صديقي العزيز وائل
شكراً لك على النوتة وعلى وقتك أقدم لك نوتة تقاسيم عود فريد التي وجدتها. اذا كانت نفس النوتة الموجودة عندك وعندك تسجيل لها ارجو ان ترسلها لي، وايضا اذا في مجال ان تساعدني في العثور على النوتات التي طلبتها منك سابقاً، او اذا كنت تعرف احد ممكن ان يساعدنا فيها. ارجو ان تبلغني.
صديقك الطربان دائماً
أديب
كل الاحترام والتقدير.