المساعد الشخصي الرقمي

مشاهدة النسخة كاملة : طلبات نوتة


الصفحات : 1 2 3 4 5 6 7 8 9 10 11 12 13 14 15 16 17 18 19 20 21 [22] 23 24 25 26 27

عمرو الهنداوي
07/01/2012, 17h49
استاذ عادل
دى الترنيمة اللى عايزها استاذ عاصم
و دة رابطها على اليوتيوب
‫ظ‚ظ†ط§ط© ظ…ظˆط¯ط±ظ† طھط¹ط±ط¶ ط¬ط²ط، ظ…ظ† ط§ظ„طھط±ط§ظ†ظٹظ… ط§ظ„ط±ط§ط¦ط¹ط© ظپظٹ ط§ظ„ظƒط§طھط¯ط±ط§ط¦ظٹط© ط§ظ„ظ…ط±ظ‚ط³ظٹط© ظ…ظ†ط° ظ‚ظ„ظٹظ„‬‎ - YouTube (http://www.youtube.com/watch?v=O8AjVQpc31A)
كل التحية

نور الصباح
07/01/2012, 18h37
http://up.arab-x.com/Dec11/Cpx67792.gif

الأخ العزيــــــــــز والصديــــــــــــــق الحبيب الفنـــــــــــــان :
عـــــــــــــــــــــــــــــــــــادل بـــاشـــــــا صموئـــــــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــــد :
بعـــــــــــد رائعـــــــــــــــة الفنان الراحــــــــــــل ( محمد عبد المطلب )
=( يصـــــــــــعب عــلى روحـــــــــى )=
وجدت كثـــــــــــيرا من الأخـــــــــوة يطلبـــــــون النوتة الموسيقية لأغنية
الســــــــيدة ( وردة )
=( كـــــــــــل أطــــــــــــــبة القـــــــــلب قالـــــــــوا لى قلــــبك داب )=
وهاأنــــــا ذا أضم صوتى لأصواتهم طالبا نوتة هــــــــذه الأغــــــنية الجميلة ومرفق طيه الملف الصوتى للأغنية
وكل عام وأنتم بخير
وشكرررررررررررررررررا
أخوكــــــــــــــــــــــــم
نور الصباح

salhi_haithem
08/01/2012, 08h21
احيائى

اقدم لكم من روائع الفنان الكبير محمد عبد المطلب

بصعب على روحى


اترككم مع اللحن الرائع مع اطيب تحياتى




السلام عليكم ورحمة الله وبركاتة

عجز اللسان وتحيرت أبيـــاتي *** وتدافعت من مقلتي العبرات
ذاب الفؤاد للطفك ولنبلـــك *** فتزاحمت في خاطري الكلمات

في حقيقة الأمر لا أجد من الكلمات ما أُعبر به عن شكري وتقديري لك يا استاذ عادل على ما تقدمه من اعمال و نوتات خالدة و دسمة و جميلة،،،،، وهذا ليس بغريب عليك، فأنتم منبت الطيب وتيجان الإخاء ،،،،، بارك الله فيك وعليك وجنبك الله وذويك كل ما تحذرون.
الاخوان الكرام انا سمعت انو فيه اخبار و فيه اشاعات تدور اليومين انو العديد من الاخوة سيعتصمون في صفحة طلبات النوتة للاستاذ عادل و حسب فهمي انو ليهم طلبات من الحكومة (بالرغم انو الحكومة جادة وتستجيب للمطالب و مش مقصرة)... و حسب التسريبات عن الشيعرات التي سترفع في الاعتصام هي ( الشعب يريد نوته من جديد )..
اخوكم هيثم

عادل صموئيل
08/01/2012, 09h06
احبائى

اقدم لكم اغنية قصيرة لوردة

من زمان

من مسلسل اوراق الورد
كان فيه سؤال اتسأل الاسبوع ده عم مجدى الحسينى وكان عمره 13 سنة وكان عايز ينضم للفرقة الماسية والعازفين ماقبلوهوش بينهم لصغر سنه
بس العملية مش كده ... اولا فى الوقت ده كان مجدةى الحسينى بيعزف اكورديون والفرقة الماسية فيها عازف اكورديون ومتميز جدا مش معقوا يمشوه ويجيبوا بدله طفل مهما كان
لكن الموضوع حاجة تانى .. مجى الحسينى كان بيعزف سماعى مش بيقرا نوتة .. واهم مواصفة فى العازف للقرقة المسية هى اجادة قراءة التنوة الفورية بنسبة 500% على الأقل يعنى انت بقرأ عربى بسرعة كام ؟ لازم تقرا نوتة اسرع من كده 100 مرة .. ولما كبر مجدى الحسينى اتعلم اورج واصبح عازف اورج شاطر جدا لكن تبقى مشكلة النوتة
هو نجح مع ام كلثوم لن ام كلثوم زى ماقلت الملحن كان بيحفظ الفرقة سماعى على العود ومش مجتاجة نوتة .. لكن لما عزف مع الفرقة الماسية وكان الاورج طالع جديد كانت المشكلة النوتة .. وفى اغانى عبد الحليم كانت البروفات كتير بيلحق يحفظ الصولو .. لكن المشكلة الرئيسية فى تسجيلات الاستوديو الفورية .. يعنى اغنية زى اغانى مسلسل اوراق الورد .. احنا بندخا الاستوديو مش عارفين حانسجل ايه .. لأن الاغانى الصغيرة دى محتاجة نوتة مكتوبة صح وبنعزفها فى خمس دقائق ونسجلها فى نص ساعة عى الاكثر يعنى حجز الاستوديو بيكون 3 ساعات ممكن نسجل فيهم خمس او ست اغانى من الحجم ده .. وهنا تظهر اهمية سرعة قراءة النوتة .. يعنى لو عازف وبالذات الصولو مش بيقرا نوتة او بيقرا مص مص ممكن يعمل لنا مشكلة انه يغلط ونفضل نعيد من الاول يتعبنا يعنى .. ومشكلة اخطر كان ساعات الملحن بيقابل مجدى الحسينى فى مكان وبيحقظه اللحن عشان يسجله معانا .. بيبقى حافظ الصولو لكن ما بيعرفش مكانه بالتحديد لن النوتة مكتوب فيها مكان الصولو والعازف بيبقى متابع معانا واحنا بنعزف وعند الصولو يدخل صح .. لكن لو مش بيقرا نوتة لحظة الصولو حتى لو المايسترو او قائد الفرقة شاورله بيخل ممكن متاخر او مش جاهز وتحصل نفس المشكلة نقف ونعيد تانى من الاول .. لذلكدى كانت فرصة عمر هانى مهنى لنه كان بيجيد قراءة النوتة ... كنا بندخل الاستوديو اول ما الورقة تتحط قدامنا انا بشوف بس الديل ايه , والمايسترو او قائد الفرقة بيشاور لنا مازورة فاضية عشان السرعة وبيقول لعازف الإيقاع الايقاع كذا ملفوف او مقسوماو هكذا . بعدين يشاور واجنا نعزف اللحن كله بل توقف .. ولو لحن طويل شوية بناخده كوبليه كوبلليه
مع اطيب تحياتى
http://t3.gstatic.com/images?q=tbn:ANd9GcT6rIRBS3-J5jxT1H_m1AuRDUp_OD91JK8n_BtT004fCT6UjVBjeXo0V8Ac5 Q

swaifi73
08/01/2012, 09h18
إلى أخونا وأبونا الروحي أستاذ عادل كل عام وأنت بخير وسلام وأعاده الله عليك بالصحة والخير والبركات
وأنشكرك على العدية الجميلة الحب كله وتعيش وتعيدنا وتهدينا بأعمالك الرائعة الجميلة

ahmad_alahlawy
08/01/2012, 10h36
سؤال للأستاذ عادل:
بصفتك كنت فى فترة من الفترات عازفا بفرقة أم كلثوم
هل تستطيع أن تصف لنا مشاعر الفرقة فى فترة توقفها الأخيرة...أى الفترة بين 4 يناير 1973 و حتى وافتها المنية 4 فبراير 1975 ؟
بمعنى هل كان أعضاء الفرقة تواقين لعودة أم كلثوم للعمل للعزف معها؟أم كانوا غير متحمسين لأن العمل مع أم كلثوم مجهد بسبب كثرة البروفات...أم كانوا يقولون أنها قد كبرت فى السن وعليها الاعتزال وغير متحمسين أيضا للعمل معها مجددا؟
وكيف كان الأعضاء يستقبلون الأخبار التى كانت تتناثر بين الحين و الآخر حول قرب عودة أم كلثوم...قبل أن تتراجع أم كلثوم وتعلن الغاء الفكرة بسبب مرضها و عدم استطاعتها العودة؟
اخى العزيز
ام كلثوم كانت بتمثل ادمان للجميع
بمعنى انت لو كنت عايش فى عصرهاكانت حفلتها فى الشاء اول خميس فى الشهر الساعة العاشرة مساء .. كان الوقت ده لو مشيت فى اى دولة عربية من الساعة 7 مش حتلاقى حد ماشى فى الشوارع .. يعنى الكل بيرجع بيته بسرعة ويتناول طعام العشاء ويتفرغ لأم كلثوم والعرب كلهم لم يجتموعا على حاجة ولم يتوحدوا فى حاجة إلا حب ام كلثوم
اما بالنسبة للفرقة كانت لبروفات الكتير يعنى من 3 ـ 4 ساعات كل يوم طول الشتاء .. بتخلى ام كلثوم والفرقة والجو العام بيبقى من اهم ما بتعمله فى حياتك .. لذلك لما مرضت المرض الطويل كل واحد احس بفراغ كبير جداً جداً لن مفيش حد زى ام كلثوم .. ومن اهم مميزات ام كلثوم انها بتتجاوز السن . بمعنى انها فى الحفلات الاخيرة ليلة حب ويامسهرنى تسمعها هى هى ام كلثوم .. وكبر السن بيديها لون جميل مختلف .. والمحانين كانوا بيراعوا سنها يعنى الابتعاد شوية عن النغمات العالية وكانوا وسط الغناء بيعملوا لزمات طويلة عشان ما تجهدش .. وكان العازف اللى بينتمى الى ام كبثوم بياخد وضع خاص يعنى بيتعامل احسن من اى وزير او حتى رئيس الوزراء .. لأن الوزير او اى وزير ممكن دلوقتى حالا تجيب 100 الف شخص يصلح جدا انه يكون وزير لكن عشان واحد يبقى عازف مع ام كلثوم هم 12 كمان مثلا على شوف تعداد مصر كان وصل الى 40 مليون وقتها
ومن لهم المميزات ان اللى كان بيستمر شوية مع ام كلثوم بيبقى بيحب الفن وبيحب ام كلثوم يعنى اللى بيعزف مع نجوى فؤاد او سهير زكى وقتها كان بيقبض اكتر من عازف ام كلثوم عشر مرات لكن كنا بنحب الفن ومش بنهتم بالفلوس لنها هى نفسها كانت بتحب الفن مش بتهتم بالفلوس والنهاردة لو ملحن خايب بيلحن لحن لعمرو دياب مثلا بياخد كام ؟
اعلى اجر اخده رياض السنباطى فى لحن لم كلثوم كان 2000 جنيه مصرى , لكن شوف النهاردة الاغنية دى ادبياً تساوى كام .. وشوف اغنية عمرو دياب تعيش اد ايه ؟؟؟
مع اطيب تحياتى

عيسى سعيد
08/01/2012, 11h50
الف شكر دكتور عادل على نوتة من زمان:emrose::emrose:

عزت شحاته
08/01/2012, 12h07
استاذى العزيز / عادل صموئيل
كل سنه وانت فى خير وسلام وحب
.................................................. ....
الصديق الغالى / عاصم المنشاوى
الترنيمة اللى عجبتك هى ترنيمة ( كللت السنة )وهى ترنيمة تقال فى احتفالات الميلاد وراس السنه
وغير معروف للاسف مؤلفها او ملحنها بالنسبه لى مثل معظم المبدعين فى مجال الترانيم -
على فكره انا مبسوط من اذاعة الترنيمه على قناة مودرن - وياريت اكتر وياريت باقى القنوات - مش من الطبيعى يفضل طقوس وشعائر الاقباط غير معروفه ومبهمه للاخوه المسلمين - على العكس من معرفتنا بالكثير - وهذا نتاج سياسه غريبه تزرع مسافات من البعد - اصبح غير مبرر الآن
------------------------------------------------------
الاستاذ / منذر عبود
انا مع حضرتك جدا فى طابع الاغنيه الدينيه فهو يجب فعلا انه يكون مبهج سعيد وهينجح- والدليل اغنيه زى ( القلب يعشق ) من انجح الاغانى الدينيه وباقيه على مر الزمن وكالحن فيه جمل جميله وتنويعات ايقاعيه لذيذه جدا

=============================
اعضاء المنتدى الاعزاء
شكرا على المعايده الجميله وربنا يدوم روح الود والالفه والمحبه

armendo
08/01/2012, 13h20
اخى العزيز هيثم
جميله قوى هذه الأبيات ومعانيها جميلة هل هى من نظمك؟ لكن لى تعليق بسيط وهو ان حكومة صفحة طلبات النوتة اصحاب فضل ولذا وجب تغيير الشغار ليكون كالآتى:
والنبى على قلبك لتدون لنا نوته جديده
علشان ما نعزفلك طقاطيق حلوه جميله
وان كانت دايما طلباتنا كتيره كتير
فده بس العشم فى شخصيه حلوه اصيله
مع ارق تحياتى
اخوك ارمندو

ashraf4mmm
08/01/2012, 16h52
الأخ العزيز اشرف محفوظ
طبعا اشكرك جزيل الشكر على تقديرك الجميل
طبعا انا ماعنديش مانع بس المشكلة مش انى اعمل كتاب ولكن المشكلة ... اقول لك
اخطر مشكلة لما تعمل كتاب هى مشكلة التسويق ودى انا عندى خبرة شوية عنها واحكى لك :
لازم اول حاجة يكون ناشر متخصص ( مش كان بتاع بطاطا اصلاً وبيستثمر دلوقتى فى الطباعة والنشر )
وهذا الناشر المحترم ان وجد ... لازم كل كتاب بالنسبة له بيبقى مشروع تجارى مربح وغلا ما يمعلوش بمعنى
انك لما تدفع له تكاليف طبع الكتاب مش دى اللى بيبص لها انه ياخد منك 1000 ولا 100000 وخلصت وانت تاخد الكتب وتتصرف فيها ..
الناشر بيبص لأبعد من كده .. يعنى بيدخل ريك فى الموضوع يعنى هو بيكون محدد نوعية الكتاب ده ممكن يبيع كام نسخة وهو حايكسب منه اد ايه فى اكبر عدد ممكن من المبيعات فى مصر والخارج
يعنى هو مش بيبص ل 1000 ولكن عايز ملايين
ومن هنا بتلاقى الناشر لو وجد النوعية دى من الكتاب مش انت اللى حاتروح تقنعه يطبعه ولكن هو اللى حايجرى وراك ويطاردك ... وبيعرض عليك شروط مغرية ... يعنى مش انت كمنتج اللى بتدفع ولكن هو اللى بيدفع
ودى المشكلة ,,, والمشكلة الاكبر ان القراءة دلوقتى الجمهور ابتعد عنها كتير
يعنى بمعنى لو انا مثلا الفت قصة وطبعتها كتباب وفى نفس الوقت عملتها فيلم وطبعته على سيديهات .. الاقبال الجماهيرى حيكون على الفيلم اكتر م الكتاب مليون مرة
انا من خبرتى الطويلة مع العمالقة .. اتعلمت حاجة مهمة جدا .. يعنى كل الاغانى اللى عملناها بتبقى حاجتين اولا انها للذكرى والتاريخ وثانيا انها فلوس ناس .. بمعنى ان اغنية زى نبتدى منين الحكاية مثلاً دى ملك شركة صوت الفن .. ومهمتى وانا بعمل الاغنية انى اطلعها بالجودة اللى تخلى الشركة تكسب منها اكتر مكسب ممكن مش اعملها وخلاص ويشربوها ودايما المنتجين ماحدش منهم بيعمل للفن ولكن للمكسب .. بس احنا كنا بنعمل الفن وهم بيكسبوا من الفن ده
مع اطيب تحياتى عادل صموئيل

أستاذي العزيز عادل صموئيل
مساء الخير عليك وعلى كل الزملاء الأفاضل الفنانين الموجودين بالمنتدى
وكل عام وأنت طيب وبألف خير وصحة وسعادة بمناسبة عيد الميلاد المجيد ودائما معانا ومع أحبائك في هذا المنتدى
أنا قرأت ردك جيدا وأحب أن أقول لك أني لست منتجا ولا أفهم في مسألة الطباعة ولا النشر ولا التوزيع أنا محب للفن وبلعب عود هاوي مش أكثر، وأود أن أقول أنك تمتلك ثروة من الحكايات والذكريات الجميلة عن زمن الفن الجميل، تلك الذكريات التي عشتها بنفسك وشاركت فيها أو سمعتها من زملائك، وهذه الحكايات هي كنز جميل وكبير يمكن حضرتك لا تشعر بأهمية هذه الحكايات والذكريات لأنها ملكك أنت وأنت تختزنها في نفسك، ولكني أنا وأعتقد أني وباقي أعضاء المنتدى المحبين لك وللفن الجميل يهمهم أن تبقى هذه الذكريات وأن تخرج للنور ونقرءها جميعا ونتركها لأولادنا من بعدنا، عشان كده وبغض النظر عن أي مكسب مادي أو توزيع أو غيره أنا فكرت في أن طباعة كتاب يحمل ذكرياتك الفنية عن زمن الفن الجميلة هو مهمة وطنية في المقام الأول، ونحن نرى ونسمع عن أشخاص يمكن شاف عربية أم كلثوم معدية من أمامه مرة واحدة بيروح ينسج حولها حكايات وأساطير ، ويكتب مذكراته مع أم كلثوم، وأنت الذي عايشتها فترة وكنت تشاهدها بنفسك عن قرب وتسمعها مباشرة وتعزف ورائها ، فأنت فعلا أحق بأن تكتب شيء للتاريخ وللذكرى ولنا ولأبنائك ومحبيك، أقول لك حتى لو أنت قمت بكتابة هذا الكتاب وأنا أتكفل بطباعته ألف نسخة توزع على أعضاء المنتدى مجانا وبعدها لو أراد أحد الناشرين شراء حق النشر يبقى خير، ولو لم يبقى نحن قدمنا عمل وطني حافظنا فيه على تراث قد لا يمكننا تعويضه مرة ثانية، فكلنا في النهاية مصرينا إلى لقاء ربنا والباقي من بعدنا هو كتاب تضع فيه كل ما لديك من مخزون الذكريات، وكفاية راح مننا المجمع العلمي واحنا واقفين نتفرج،
ولا اخفيك سرا كم تأثرت بكلامك مؤخرا عن احتضار الفن وأنه يلفظ أنفاسه الأخيرة وهل هيتم هدم تمثال أم كلثوم، فحتى لو هذا حصل فأم كلثوم لها تمثال في قلب كل مصري وكل عربي.
قد تكون مهمة شاقة عليك أن تكتب كتاب ولكني مستعد لمعاونتك فأكتب أنت وأنا ممكن أراجع ورائك من الناحية اللغوية.
فالمسألة جد مهمة أرجو أن تفكر فيها بعيدا عن الناشرين فنحن سنطبع في مطبعة بدون ناشر أو موزع، وإذا جاء ناشر أو موزع فيما بعد فأهلا وسهلا وخير، وإن لم يأتي فأنت تكون حفظت ذكرياتك وحكاياتك الفنية الجميلة عن زمن الفن الجميل بين دفتي كتاب وحفظت على جزء مهم من تاريخ هذا الوطن وأسعدت تلاميذك ومحبيك .

أشكرك على سعة اصدر وأسف على الاطالة ولكني فعلا أرى أنها فرصة لابد من الحفاظ عليها، وأخيرا أدعو لك بالصحة والسعادة لك ولأسرتك الكريمة .

تحياتي
أشرف محفوظ
اشكر شعورك الجميا اخى اشرف وحافكر فى الموضوع
وكل عام وانت بخير
مع اطيب تحياتى
عادل صموئيل

عادل صموئيل
08/01/2012, 17h02
احبائى
اقدم لكم من اغنى وردة

كل اطبا القلب

والاغنية ى كانت من اوائل الاغانى اللى غنتها وردة فى مصر
يعنى كان كل مطرب مهما كان فى بلده مكانته كان بيبقى محلى ... لكن كان كل مطرب عربى اهم حاجة ييجى مصر ولو غنى فى حفلة فى مصر بينطلق الى العالمية
يعنى شوفوا كل الكلام اللى انا قلته عن الفن وفضل مصر ام الدنيا على الفن
والحكاية بتاعة ان المطرب العربى بيبتدى عمره الحقيقى من مصر دى انا شفتها عشرات المرات .. يعنى كان بييجى مطربين من دول عربية زى سميرة سعيد وعزيزة جلال ممكن كانوا نجوم فى المغرب .. لكن كانوا فى داخل المغرب لأن زمان ايامنا مكانش فى اقمار صناعية ولا اطباق .. يعنى المطرب التونسى او الجزائرى ماحدش بيشوفه غير فى تتليفزيون بلده .. لكن لما بييجى مصر ويعمل الحان عند الملحنين الكبار ,, ويحاول يعمل حفلة او اتنين وفى الاول حتى لو دفع تكاليف الحلفة والإذاعة التليفزيونية على حسابه ( وتمت على ايدى او امامى كتير ) ظهور المطرب فى التليفزيون المصرى شهادة اعتماد دولية
وربنا يحفظ مصر ويحافظ على مكانة مصر الفنية
مع اطيب تحياتى
http://ahyaarab.net/images/021.gif (http://forum.mn66.com/t106403.html)

ahmad_alahlawy
08/01/2012, 17h16
أستاذى الفاضل
كلامك هذا سأتخذه كحجة فى المناقشة مع احد الاصدقاء...كنا نتناقش حول أم كلثوم واكد على الاحتمالات السابق ذكرها...فقلت له أنه هكذا لا يفهم مدى ما وصلت اليه ام كلثوم من حب و احترام لدى وسطها ولدى المجتمع ككل...وانها كانت قد عبرت مرحلة المطرب العادية بمراحل الى مرحلة الرمز
عن نفسى...لو كنت عازفا فى زمن أم كلثوم...فكنت سأكون على استعداد تام لدفع نقود مقابل أن أقوم بالعزف خلف أم كلثوم
أن تعتمد عليك ام كلثوم فى العزف خلفها...أن يقوم محمد عبده صالح ومن قبله القصبجى ومن بعده الحفناوى بقيادتك...أن تصل لمرحلة من التفوق تدفع قمم كعبد و الهاب و السنباطى بالحوار معك و اسناد مهمة عزف أحد الصولوهات اليك...أن تتزامل مع عمر خورشيد و سيد سالم و مجدى فؤاد و غيرهم من العازفين على مختلف الالات
أى متعة فى الحياة قد يحظى بها عازف أكثر من ذلك؟!
اخى العزيز
ام كلثوم كانت بتمثل ادمان للجميع
بمعنى انت لو كنت عايش فى عصرهاكانت حفلتها فى الشاء اول خميس فى الشهر الساعة العاشرة مساء .. كان الوقت ده لو مشيت فى اى دولة عربية من الساعة 7 مش حتلاقى حد ماشى فى الشوارع .. يعنى الكل بيرجع بيته بسرعة ويتناول طعام العشاء ويتفرغ لأم كلثوم والعرب كلهم لم يجتموعا على حاجة ولم يتوحدوا فى حاجة إلا حب ام كلثوم
اما بالنسبة للفرقة كانت لبروفات الكتير يعنى من 3 ـ 4 ساعات كل يوم طول الشتاء .. بتخلى ام كلثوم والفرقة والجو العام بيبقى من اهم ما بتعمله فى حياتك .. لذلك لما مرضت المرض الطويل كل واحد احس بفراغ كبير جداً جداً لن مفيش حد زى ام كلثوم .. ومن اهم مميزات ام كلثوم انها بتتجاوز السن . بمعنى انها فى الحفلات الاخيرة ليلة حب ويامسهرنى تسمعها هى هى ام كلثوم .. وكبر السن بيديها لون جميل مختلف .. والمحانين كانوا بيراعوا سنها يعنى الابتعاد شوية عن النغمات العالية وكانوا وسط الغناء بيعملوا لزمات طويلة عشان ما تجهدش .. وكان العازف اللى بينتمى الى ام كبثوم بياخد وضع خاص يعنى بيتعامل احسن من اى وزير او حتى رئيس الوزراء .. لأن الوزير او اى وزير ممكن دلوقتى حالا تجيب 100 الف شخص يصلح جدا انه يكون وزير لكن عشان واحد يبقى عازف مع ام كلثوم هم 12 كمان مثلا على شوف تعداد مصر كان وصل الى 40 مليون وقتها
ومن لهم المميزات ان اللى كان بيستمر شوية مع ام كلثوم بيبقى بيحب الفن وبيحب ام كلثوم يعنى اللى بيعزف مع نجوى فؤاد او سهير زكى وقتها كان بيقبض اكتر من عازف ام كلثوم عشر مرات لكن كنا بنحب الفن ومش بنهتم بالفلوس لنها هى نفسها كانت بتحب الفن مش بتهتم بالفلوس والنهاردة لو ملحن خايب بيلحن لحن لعمرو دياب مثلا بياخد كام ؟
اعلى اجر اخده رياض السنباطى فى لحن لم كلثوم كان 2000 جنيه مصرى , لكن شوف النهاردة الاغنية دى ادبياً تساوى كام .. وشوف اغنية عمرو دياب تعيش اد ايه ؟؟؟
مع اطيب تحياتى

piano_piano_d
08/01/2012, 19h41
ألف ألف شكر أستاذي المُحترم أ/ عادل صموئيل
على الإبداعات المتواصله ، أدام عليكم الصحة والعافية .

طلب عاجل :

طلب من الإخوة الأعضاء ، أريد من سيادتكم نوتة بنت البلد ... لمحمد عبد الوهاب
وأرجو سرعه تلبية طلبي نظراً للأهمية القصوى ، ليس ضرورياً أن تكون مكتوبة بالإنكور
ولكم كل الشكر والتحية .

عمرو الهنداوي
08/01/2012, 20h00
ألف ألف شكر أستاذي المُحترم أ/ عادل صموئيل
على الإبداعات المتواصله ، أدام عليكم الصحة والعافية .

طلب عاجل :

طلب من الإخوة الأعضاء ، أريد من سيادتكم نوتة بنت البلد ... لمحمد عبد الوهاب
وأرجو سرعه تلبية طلبي نظراً للأهمية القصوى ، ليس ضرورياً أن تكون مكتوبة بالإنكور
ولكم كل الشكر والتحية .

من تدوين استاذ نقولا
http://www.sama3y.net/forum/attachment.php?attachmentid=213908&d=1276698877
كل التحية

نور الصباح
08/01/2012, 20h55
http://up.arab-x.com/Dec11/H1p60988.jpg

عمـــــــــــــــنا الكبـــــــــــــــير قــــــــــــــوى الأســــــــــــتاذ /
عــــــــــــــــــــــــــــــــــــــــــــــادل بــــــــــاشـــــــــــــــــــــــا صموئـــــــــــــيل
سلام الله عليكم ورحمته وبركاته
وبعــــــــــــــــــــــــــــــــد
أولا : شكررررررررررررررررررررررررررررررررا جززززززززززززززززززيلا
على نوتة أغنية وردة الجزائرية
( كــل أطــــــــــــــــــبة القـــــــــــــــلب قالولى قلـــبك داب )
ثانيا : أحب أقولك كلمة فى - ودنك - وما تقولش لحـــــــــد
=( أقول لك حاجــة اســــــــــمعها وفكر فيـها وانســـــــــاها )=
=( وقبل ما تنســـــــــــى رجعـــها وهات الرد ويــــــــاهــا )=
=( أحـــــــــــــــــــــــــبك )=
حاول تدونها بالمرة واحنا لســـــــــــه فى (مقام وردة وقافية وردة وإيقاع وردة وميزان وردة على وردة)
علشان نكمل مجموعة وردة
وألف وردة وفــــــــــلة على عيونك يـــا ورد
وغزالة الفن والتدوين موجودة ورايقة على سنجة عشرة
وربــــــــــنا يجـــــــعل بيت المحســــــــــنين عمـار
وهنــــيا لك يـا فاعـــــل الخــــــــــير والثــــواب
وشكررررررررررررررررررررررررررررا
أخوكــــــــــم
نور الصباح

عيسى سعيد
08/01/2012, 22h09
ذوقك حلو اخي نور الصباح :cool:الاسبوع هذا من المفترض نسميه اسبوع ورده ;) وشد حيلك دكتور عادل:emrose:

عمرو الهنداوي
09/01/2012, 00h59
استاذ عادل
عايز حضرتك تجرب البرنامج دة ولو
عجبك استخدمه:crazy:

البرنامج يقدر يغير الاغنية الى اى درجة انت عايزها
والى اى تون انت عايزه سواء بالرفع او بالخفض
زى برنامج Transposer
تمام

كمان تقدر من خلال البرنامج تحفظ الاغنية المحولة الى اى صيغة
حضرتك عايزها من البرنامج نفسه فى نفس اللحظة
يعنى مش حتحتاج انه حضرتك تسجل الاغنية من transposer
البرنامج بينقل ويحفظ وهو كامل
طبعا البرنامج فيه مميزات تانية زى التحكم بالسرعات
اضافة مواثرت للصوت وهكذا
المهم هو انه حضرتك تقدر ترفع الاغنية او تخفضها
زى ما انت عايز ويحفظ النتجة بصيغ كتيرة ومنها طبعا mp3

انا جربت البرنامج بس حثه تقيل على قلبى
لكنه فيه المميزات اللى ممكن توفر عليك انت الوقت والمجهود

يعنى جربه ولو ماعجبك مافى مشكله لحد ما نشوف حلول تانية
لانى انا عايز افكرلك فى طرق جديدة توفر عليك معرفة سلم الاغنية
بعدين تحويلها بالتون الذى تريده وبعدين تسجل اللحن
يعنى لفه كبير اوى :crazy:

انا عايز اوفر عليك كل دة:)
يعنى شوف البرنامج دة يمكن انت تكون مستريح له اكتر منى
لحد ما اشوف حاجة تانية

بص حضرتك التسطيب عادى جدا زى اى برنامج عادى خالص
الملف المرفق فيه برنامجين واحد واثنين
فقط ستطبهم بالتريب او عادى يعنى مافى مشكلة
ملف ال 18 ميجا دة البرنامج والملف الصغير علشان
يضيف لك صيغ اخرى للحفظ ومنها مجموعة ال mp3

لما حضرتك تفتح البرنامج ومن قائمة effects
اختر Change Pitch
ودة علشان تغير فى موضوع التون تخليه زائد قد ايه او
ناقص قد ايه وكدة
ولما تعوز تحفظ الاغنية ومن قائمة file
اختر export
ثم اختر الصيغة اللى حضرتك عايزها وممكن تحدد البايت رات
لو عايز وطبعا البرنامج فيه مميزات اخرى جربها انت بقى على مهلك
كل التحية

عاصم المنشاوى
09/01/2012, 04h30
الأستاذالكبير/عادل
أشكر حضرتك جدا على نوتة..."آه لو قابلتك من زمان"

الأستاذ/ عزت شحاتة
شكرا ياعمنا على اسم الترنيمة...لقيتها ع اليوتيوب كاملة ...وبتغنيها فرقة اسمها "ام النور"....منهم لله بقى اللى كانوامش عايزنا نشوف روائع زى دى.. ...

الاستاذ/عمرو الهندواى
شكرا على منحك وعطاياك التكنولوجية الكترونية الكمبيوترية....

salhi_haithem
09/01/2012, 08h57
اخى العزيز هيثم
جميله قوى هذه الأبيات ومعانيها جميلة هل هى من نظمك؟ لكن لى تعليق بسيط وهو ان حكومة صفحة طلبات النوتة اصحاب فضل ولذا وجب تغيير الشغار ليكون كالآتى:
والنبى على قلبك لتدون لنا نوته جديده
علشان ما نعزفلك طقاطيق حلوه جميله
وان كانت دايما طلباتنا كتيره كتير
فده بس العشم فى شخصيه حلوه اصيله
مع ارق تحياتى
اخوك ارمندو


السلام عليكم ورحمة الله
اخي العزيز احمد ارمندو بالنسبة للابيات هي ليست لي وجدتها في النات فغيرت منها كلمات لكي تادي المعنى و رفعتها
اما بالنسبة للاعتصام هو سلمي و الشيعرات سلمية و كما ذكرت انو الحكومة جادة وشغالة ومش مقصرة و نحن نساند الحكومة في اختيارتها و اعمالها و نشد على ايديها و نشجعها لتقدم لنا الاضافة المرجوة ... و بما ان القلوب كلها ملفوفة على الحكومة و نحن نشد على ايديها و ندعمها فهي ناجحة... ولو لاحظت شئ مهم انو الحكومة من برامجها ارساء الديمقراطية بيننا و نحن نعتبر اطياف ذو اتجاهات و افكار و اذواق مختلفة (و الاختلاف هو ناتج عن الفرق في الاعمار , الانتماء الجغرافي, الخ) ... فوجب ان تكون هناك معارضة جادة (ومفهوم المعارضة ليس التعطيل او الاعتراض بل وجب ان تكون هناك معارضة بنائة) و المعارضة هي التي تقدم الراي و الراي الاخر و المعارضة هي التي تصنع التوازن في الدولة (خلاف ما يوجد الان في تونس معارضة متكونة من الاحزاب الفاشلة في الانتخابات و التي تحصلة على مجموع صفر فاصل و المتكونة من حزب التجمع المنحل و الذي انصهر في احزاب فاشلة و هم دورهم الاساسي هو تعطيل و افشالة الحكومة الشرعية المنتخبة).. و ان انعدمت المعارضة فسيكون هناك الفكر الواحد و تنعدم التعدودية و ان انعدمت التعدودية لن تكون هناك ديمقراطية ( وقوس المعارضة الذي فتح ليس له علاقة بصفحتنا و الاعتصام و الشعرات هي للفدلكة)...
نرجع الى دولتنا الصغرى و هي صفحة طلب النوتة التي يتراسها الدكتور عادل باشا الذي حاز على احترام و حب الجميع بالرغم من تنوع الاذواق و تنوع الطلبات من سهلة الى الصعبة الى المستحيلة و من طلبات قصيرة الى طلبات طويلة جدا فرئيسنا عكف على العمل دون ملل من اجل اسعادنا و تلبية طلباتنا بكل حزم و بكل جدية و اخلاص (فسعادته هي سعادتنا) ... هذا الاستاذ العظيم باتم معنى الكلمة أفنى عمره في الفن و خدمة الفن وهو يدافع عن قضية (سيمات المناضل انو يتبنى قضية) وهي نقل الفن الى اجيال قادمة و احيائه بعد ان اندثر و شوّها .. الكرم و الطيبة و الشهامة و التواضع من خصاله قال في يوم أنا أتشرف بأن يكون لي تلاميذ من مستواي و اصدقاء و اخواني من كل الديانات و للآخر الحق أيضا بأن يقول لأ انا مسيحي و لأ انا مسلم بل انا فنان ادافع عن قضية و لأن موطن الفن يتسع لنا جميعا..
اما بالنسبة للشعرات المرفوعة في الاعتصام فهي مع سياسة الحكومة و قرارات و اعمال الحكومة
اسف على الايطالة
اخوكم هيثم
اخى العزيز هيثم
اشكرك على كلامك الجميل واللى انا ما استحقوش
اما بالنسبة لتونس الحبية وهى بلدى الثانية . انا رحت اكتر من 150 دولة كنا بنروح حفلات يعنى اقصى وقت 8 ايام , لكن تونس رحتها اكتر من عشر مرات ومرة سكنت فيها اكتر من 6 شهور , اهم شىء تمتلكونه هو تونس .. بشكلها وطبيعتها , يعنى ماتسمحوش ان حد يغير طبيعة ولون وشكل تونس .. وقفوا وراء الحكومة مهما كانت واتحدوا لتنتهى المرحلة الحالية وتعدود تونس الجميلة كما كانت
اما عن نفسى انا بحس بشعور رئيس الجمهورية كما قلت انت .. يعنىرئيس الجمهورية مسؤول امام الله عن كل مواطن فى الجمهورية مهما كان سنه او سكنه ..
يعنى لو الرئيس ساكن فى قصر لازم اهم شىء يحس بالساكن فى كوخ .. وبالنسبة للنوتة الموسيقية ان بحاول اجعل الجميع مهما كانت مستوياتهم يعزفوها بأعلى جودة ممكنة .. واهم شىء عندى انى بحاول امنع ضرر الانهيار الفنى الحالى [غنى احوال اخلى الناس تعزف الحان الزمن الجميل .. يعنى انت اليوم لما تمسك آلتك الموسيقية وتعزف لحن لأم كلثوم او عبد الوهاب او غيرهم .. فيه خامة جيدة انت بتستعملها . وممكن عزفك انت يجذب اللى بعدك للفن ده .. لكن الاغانى الحديثة لو نظرت الى الجمل الموسيقية فيها مش حاتلاقى خامة حلوة تتعزف اصلا .. وخطورة هذا ان اليوم لوعدد هواة العزف 1000 مثلا بعد عشر سناوت مش حاتلاقى حد بيعزف لأن مفيش حاجة حاتتعزف اصلا لو هم ما حبوش فن الزم الجميل
وبالطبع انا اهم شىء عندى اصدقائى واحبائى وتلاميذى هنا فى المنتدى .. ومن اهم ماتتعلموه منى انك ماتبخلش على اى انسان بعلمك او ماتعرف .. يعنى اتعلموا منى انا لما حد بيسألنى سؤال برد عليه شوفوا رد طويل اد ايه .. نفسى كلكم تبقى مثلى او تعرفوا كل اللى انا اعرفه .. الفنان الفاش بيحب يبقى فى وسط ناس اقل منه عشان يبقى هو الكبير وسطهم .. لكن بالعكس الفنان الناجح هو اللى يحب يبقى فى وسط اكبر مجموعة من الشاطرين بيلاقى نفسه بينهم وانا بسعد جدا جدا لما حد منكم يكتب انه استفاد منى وارتفع مستواه ...
مع اطيب حياتى وربنا يساعدنى اقدم لكم كل اللى اقدر اعمله والله انا نفسى اكتب لكم نوت كل اغانى الدنيا عادل صموئيل

armendo
09/01/2012, 09h55
اصدقائى الأعزاء
ارجو ممن لدية الملف الصوتى لأغنيتى بصعب غلى روحى لعبد المطلب وكل اطبا القلب لورده ان يقوم برفعها مع جزيل الشكر مع ارق تحياتى.
ارمندو

درأرسلان
09/01/2012, 10h29
تفضل أخي أرمندو، بصعب على روحي
تحياتي

عمرو الهنداوي
09/01/2012, 16h26
اخى ارمندو
الاغانى المطلوبة
http://www.sama3y.net/forum/attachment.php?attachmentid=279215&d=1325965731

http://www.sama3y.net/forum/showpost.php?p=566860&postcount=5189

كل التحية

samy130
09/01/2012, 17h10
السلام عليكم

نرجوا من الاستاذ عادل ان يدون لنا نوتة أغنية "لإن طال عمرى " ألحان وغناء الاستاذ عبد الوهاب ,وهو يغنيها على العود ,موجودة على رابط اليويتوب التالى :



‫ظ„ط£ظ† ط·ط§ظ„ ط¹ظ…ط±ظ‰...ظ…ط*ظ…ط¯ ط¹ط¨ط¯ ط§ظ„ظˆظ‡ط§ط¨‬‎ - YouTube (http://www.youtube.com/watch?v=32kHEE_DHQc)

swaifi73
09/01/2012, 19h28
أستاذ عمرو أنا نزلت البرنامج ونزل عندي بالعربي وأتبعت الكم خطوة الذي ذكرتها وعرفت أختار أغنية ورفعت التون عدة مرات وحفظتها بصوت واضح وجميل فعلا أفضل من برنامج
Transposer
بكثير اشكرك أستاذي ولكن من الواضح ،ه فيه أمكانيات كثير غير رفع الصوت وخفضها
هل ممكن ذكر بعض أمكانياته وهل يمكن التسجيل عليه مياشرة من خارج الكمبيوتر
وأشكرك استاذ عمرو

عمرو الهنداوي
09/01/2012, 20h39
أستاذ عمرو أنا نزلت البرنامج ونزل عندي بالعربي وأتبعت الكم خطوة الذي ذكرتها وعرفت أختار أغنية ورفعت التون عدة مرات وحفظتها بصوت واضح وجميل فعلا أفضل من برنامج
Transposer
بكثير اشكرك أستاذي ولكن من الواضح ،ه فيه أمكانيات كثير غير رفع الصوت وخفضها
هل ممكن ذكر بعض أمكانياته وهل يمكن التسجيل عليه مياشرة من خارج الكمبيوتر
وأشكرك استاذ عمرو



حاضر انا حتكلم شوية عن البرنامج دة لانه يبدو مهم لبعض الاخوة هنا
وبرضو فى اخوة بعتوا رسائل علشان اشرح لهم مميزات البرنامج

البرنامج اسمه Audacity
هو عبارة عن برنامج محرر صوتى
يعنى ايه محرر صوتى؟؟

يعنى تقدر تسجل عليه باى وسيلة ممكنة من كمبيوتر او مايك
والكلام دة كله او يسجل صوت من مواقع النت وكدة

وتقدر تحذف مقاطع او تجمع مقاطع فى ملفات mp3
تقدر تغير سرعة اللحن وتقدر تغير سلم مقام الاغنية
ترفع او تخفض فى الصوت بتاع الملف وتقدر تغير فى التون
بتاع الاغنية وتقدر تضيف مواثرات كما تريد وتقدر تضيف له
برامج صوت والالات مساعدة من نوعية vsti

تقدر كمان تغير فى صيغة الملفات وتتحكم فى البايت رات للملفات
الصوتية المختلفة
تقدر كمان تالف عليه وتضيف تراكات صوتية
وممكن يتوصل بالالات الموسيقية عن طريق كابل ميدى

يعنى كدة برنامج خيفف شوية وفيه مميزات مش وحشة
رغم انى لا احبه ولكن ممكن يعجب الاخوة هنا

والاخوة اللى كانوا بيسالونى عن برامج التوزيع الجامدة:crazy:
اقول لهم هناك برامج من نوعية فروتى لوبز بس دة للايقاعات
بالذات ويستخدم فى الاستديوهات فى مصر وحجم البرنامج نفسه
حوالى 200 ميجا لكن بالبرامج المساعدة والالات المضافة ودة سر
نجاح البرنامج دة وهو اضافة برامج محاكاة صوتية له
زى الالات عربية ايقاعات عربية Samples
بس بجودة خرافية يعنى ممكن تعمل عليه للحن وينزل فى الاسواق
على طول وكل دة فى برنامج واحد والاضافات التى اتكلمت
عليها وهى الاهم ممكن تصل فى الحجم
الى "60 جيجا" يعنى حوالى 66140 ميجا قابلة للزيادة
وطبعا فى برامج اخرى زى سونار وسامبل تتيود وكدة


swaifi73
ردا على سؤالك نعم البرنامج بيعمل كل اللى انت اتكلمت عليه

وبالنسبة الى الاخوة اللى عايزينى اتكلم عن برامج الميدى
حتكلم شوية فى مشاركة لاحقة

كل التحية

عمرو الهنداوي
09/01/2012, 23h20
الاصدقاء
طلب منى اكثر من مرة بعض الاخوة هنا انى اتكلم شوية عن
برامج تحويل ال mp3 الى ميدى وكيف تعمل البرامج اللى من
النوعيه دى وما مدى نجاح العلم حتى الان فى الاتجاة دة:crazy:

الموضوع فى غاية البساطة مع مطلع الثمنانيات
بعض الشركات فى امريكا كانت عايزة تسوق بعض الاغانى
القديمة جدا جدا عندهم وكانت جودة التسجلات غاية فى السواء
والبعض الاخر كان عايز يعدل على الملفات الصوتية للاغانى القديمة
دى من خلال الملفات نفسها وليس اعادة عزف الاغانى دى بطريقة حديثة

وكان رد شراكات الكمبيوتر والبرامجة انه الموضوع ممكن لكن محتاج
وقت ومناقشات مع الموسيقين علشان يفهموا ايه اللى ممكن يتعمل؟؟

الموسيقين قالوا عايزين برنامج يقدر يقرا الملفات الصوتية
تحت اى ظرف وباى شكل وكمان البرنامج يقدر يعطى لنا الفرصة
فى التعديل فى نوتة اللحن وطبقته وسرعته والكلام دة كله

على طول بدات الشركات تطور ملفات ال mp3
وكان الاول حاجة اسمها mp1-mp2
وبعدين وصلوا الى mp3
وكان قبل كدة فى حاجات تانية كتير اقل من صيغ ال mp3
اصلاا لكن يعنى ايه ام بى ثرى؟؟

هو عبارة عن اكواد الكترونية تقدر تضغط وتحفظ الصوت
وكل المواثرات فى لحظة التسجيل وبجودة عالية وبمساحة مناسبة
يعنى لما تشوف ملف ام بى ثرى حجمه 100 ميجا صوت
اعرف انه الحجم الحقيقى للمادة المحفوظة قد تصل الى واحد جيجا
بصيغة ويف يعنى حوالى 1024 ميجا
فالقصد انه ال ام بى ثرى تكنولوجيا مضغوطة لحفظ ملفات الصوت

لكن كل دة ماكان يهم الموسيقين لانهم عايزين شى اخر
عايزين التعديل على الملفات الصوتية ويطلعلوا النغمات الدقيقة للحن
لو امكن!!!!

يعنى عايزين النوت بتاعت الالحان دى لو امكن
يعنى برنامج تقوله ادى ملف الاغنية ادينى انت بقى النوتة وتكون
صح ودقيقة وكمان اعدل عليها زى ما انا عايز

طبعا الموضوع دة كان فى الاول شبة مستحيل لكن الالغاز تفك شوية
بشوية وكانت البدية عن طريق الويف Wave

اى صوت فى الدينا عبارة مجموعة اهتزازات معينة ومحددة
ولما تحب تصور الاهتزازات دى وتشوفها بعينك تشوفها على
شكل موجات طالعة نازلة بس كل شىء محدد يعنى مش طالعة وخلاص
او نازلة وخلاص "مش زباذى يعنى"

المهم تكنولوجيا الويف دى تقدر تصورلك اى صوت ايقاعى لاى شىء
ممكن تخيله وتقربه لك لاقرب نغمة من النغمات السبعة لو امكن
بس عايب التكولوجيا دى انها كبيرة الحجم جدا جدا يعنى لو سجلت
10 دقايق ويف يطلع لك ملف حجمه مثلاا 80 ميجا
الكلام دة فى وقت سنوات 1980- 1990
لكن الموضوع اتحل شوية فى الزمن الحديث بالنسبة للحجم مع الويف

المهم طرف الخيط كان الويف اللى يقدر يسجل اى شى ويحوله
الى نغمات تقربية فى صورة موجات

يعنى ملفات ال ام بى ثرى عبارة عن ملف ويف لصوت معين
فى شكل موجات ولكن بتكنولوجيا مضغوطة جدا اسمها ام بى ثرى

وبكدة افهموا انه ماينفع ملفات ال ام بى ثرى تضغط اصلاا
لانها بالفعل مضغوطة واذا حاولت تصغر حجمها يبقى عن طريق
البايت رات ودة معناه الجودة على طول

وماتصدقوا انه فى برامج تقل حجم ال ام بى ثرى دون تاثير
على الجودة لكن فى المسقبل مع تكنولوجيا mp8"
يمكن يكون فى حل لانه حكون تكنولوجيا صوتية بمقايس جديدة
وحيبقى لها قوانين تانية غير تنكولوجيا mp3-mp4

معليشى انا اتكلمت كتير بس علشان عايزكم تفهموا هو البرامج
التحويل بتشتغل ازى؟؟؟

افرض انت عندك مايك وعايز تغنى لمدة 5 دقايق وتسجل صوتك
على اى برنامج تسجيل
ايه اللى بيحصل بالضبط؟؟

انت تغنى او تتكلم وهناك اكواد ويف فى نفس اللحظة تحلل
ماتقول وماتغنى وتحدد الطبقة الصوتية والسرعة
والمواثرات وتميز كل الاصوات الصادرة منك
ولما تتنهى حضرتك تقوله احفظ ام بى ثرى

اللى بيحصل انه البرنامج يرسل كود بسرعة الى برنامج الويف المركب
على البرنامج نفسه ويقوله هات الموجات الصوتية بتاعت الرجل اللى غنا
او اتكلم وبتكون حجمها كبير جدا جدا زى ماقولت بعد كدة البرنامج فى نفس
اللحظة يرسل الى اكواد ال ام بى ثرى اللى فى نفس البرنامج ويقوله
حول الموجات دى الى اكواد مضغوطة اسمها ام بى ثرى
ثم تبدا الاكواد بتاعت ال ام بى ثرى تحلل الموجات وتحويلها الى
ام بى ثرى وكل دة فى كسر من الثوانى

علشان تفهموا اكتر تخيلوا انه اى برنامج عبارة عن شركة وكل مكتب
يرسل طلب لمكتب تانى فى كسر من الثانية وفى الاخر يطلع شى
مشترك والمضحك انه الناس فاهمه انه الكمبيوتر ذكى وبيبقى
فاهم ايه اللى بيحصل لكن الحقيقية البرنامج ولا فاهم اى "بدنجان"
من اللى بيحصل هو عبارة عن مجموعة اوامر يعنى كل ماتشوف دة اعمل دة
وكل مايحصل كدة اعمل كدة وهكذا:crazy:

طيب يعنى دلوقتى عندنا ملف صوتى مضغوط واسمه
ام بى ثرى ازى اعدل عليه؟؟

خلاص اتفقنا انه الملف عبارة عن موجات مضغوطة
وعلشان اعدل عليه لازم افك الضغط تانى من ام بى ثرى الى الحالة الاصلية
ويف و المرحلة دى اسمها التحويل لكن ازى؟؟؟

نجيب مثلاا برنامج تحويل من ام بى ثرى الى ويف ونشوف ايه
اللى بيحصل؟؟؟ وليكون مثلاا برنامج mp3 to wav
انت عندك ملف اغنية وعلى طول البرنامج يقرا الملف ويقرا
يعنى يتعرف على طبيعة الملف ويبتدى يفك ضغظ ال ام بى ثرى
الى موجات تظهر امامك طالعة نازلة وتبتدى تشغتل عليه زى ما
انت عايز

طيب برامج التحويل الى الميدى زى مثلاا
mp3 to midi
بتشتغل ازى؟؟

الاول يعنى ايه ميدى؟؟ هى برضو عبارة عن اكواد تقدر تميز ماتقول
وتحوله الى السبعة نغمات المعروفة باستخدام اشارات ورموز سريعة
جدا وقليه الحجم جدا
يعنى ممكن 10,000 ميجا ام بى ثرى يبقوا 100 كليوبايت ميدى
يعنى واحد على عشرة من واحد ميجا
وللعلم التيرا هى 1024 جيجا والجيجا هى 1024 ميجا
والميجا تقسم الى 1024 كليوبايت
والبايت الواحدة الى 1024 بت ودى اقل شىء ممكن
يعنى علشان تتخيلوا معايا الاحجام بتمشى ازى

فالميدى عبارة عن اوامر تقدر تميز الصوت وتكتبه فى صورة نغمات
مثلاا انت غنيت جملة اهواك لعبد الحليم بشرط الغناء يكون
صح وقولت مثلاا كلمة اهواك الاولى
على طول الميدى حيقول صوت ما يقول نغمة الدو ويحدد اى دو
وعلى اى طبقة وكم السرعة وكيفية الاداء وزمن النغمة وكذلك مع
الفا كل دة لو انت بس قولت اهواك اللى هى دو فا

نفرض انت قولت للبرنامج احفظ ميدى حيعمل ايه؟
البرنامج حيعمل ملف نصى صغير فيه ماحدث اكانه محضر شرطة
ويقول فى الثانية كذا كان فى صوت بسرعة كذا وزمن كذا ودرجة
كذا يعنى كل المعلومات اللى اتكلمت عليها ويحفظ كل دة فى ملف
صوتى صغير جدا فيه ملف نصى مخفى اللى فيه الاوامر والمعلومات
الغناء او العزف بتاعك

وعلى فكرة لما انت تشغل ملف ام بى ثرى
مشغل الميديا يعرض المادة المسجلة عن طريق كارت الصوت
والكمبيوتر لايعزف شىء يعنى اصوات الميدى فى كارت الصوت
ولا لها دعوة باللى بيحصل لكن لما انت تشغل ميدى مباشر
الملف النصى يرسل رسالة الى كارت الصوت ويقوله اعزف
الملف النصى دة وطبعا الملف النصى فيه كل حاجة محتاجها كارت الصوت
والعزف يتم مباشرا والكمبيوتر يعزف حقيقيى لانه الميدى مادة تعزف
وليست مسجلة كالويف وال ام بى ثرى

نرجع تانى لموضوع التحويل بقى بتاع من ام بى ثرى الى ميدى
ايه اللى بيحصل؟؟؟
مثلاا انت استخدمت mp3 to midi
على طول البرنامج يقرا الملف ويحوله الى موجات ويف
كل دة طيبعى وزى الفل ثم "الهبل يشتغل بقى فى حته
التحويل من ويف الى ميدى"

تكنولوجيا الميدى غبية شوية حتى الان لانه عايز تفاصيل
كل نغمة بالضبط وتكون صح مائة فى المائة
يعنى عايز النوتة 10000% صح

حضرتك حطيت ملف صوت ام بى ثرى وتحول الى ويف
ومشكلة الويف انه بيخلط كل شى على بعضه
لانه بيسجل كل الاصوات مع بعضها فى نفس الوقت ويمكن
يسجل اصوات انت ماتحس بيها مثلاا صوت الهوى حولك او
اى صوت من بعيد انت ماتشعر به وكل دة فى موجة واحدة
التى تعادل ثانية واحدة

يجى الميدى علشان يقرا موجة موجة ويفهم النغمات وتفاصليها
يلقى الموجة فيها صوت ايقاع وصوت غناء وصوت مواثرات
وصوت 20 الة مع بعض واصوات عاليه واصوات منخفضة
واصوات جتيار بيس واصوات موزعة على اكثر من طبقة
يعنى مثلاا الساكس يعزف من طبقة والفيولا من طبقة
والايقاعات من طبقة وهكذا

وكل الاصوات دى فى موجة واحدة يعنى ثانية واحدة من الاغنية
والميدى لازم يكتب كل اللى فى الموجة دى من اصوات فى نغمات
معدودة يعنى نغمة اوثنين وطبعا اذا اصلاا نجح انه يتعرف
على كمية الاصوات دى اصلاا لانه فى اصوات هو مش بيعرفها
او ماغنت بالاهتزازات المحددة له مسبقا يعنى نفرض
انه حد منا غنى نغمة دو بدرجة مختلفة عن المعروف لدى الميدى
حتلقى الميدى يسكت او يكتب لك نغمة تانية خالص
وطبعا جودة التسجيل بتلعب دور فى كدة وقدرة البرنامج نفسه

وعلشان كدة تلقى الميدى يطللعك فيه نغمات غريبة اصلاا مش فى الاغنية
ونغمات كثيرة كورادات يعنى مثلاا عبد الحليم قال جملة زى الهوى ياحبيبى
مثلاا مثلاا فا فا صول فا وهكذا كامثال يعنى تلقى الميدى طلع كدة
النغمة الاولى كورد chord مركبة من فا وصول وسى
ودو ورى واى "جوافة"

فا انت تقول يعنى زى الهوى اى نغمه فيهم؟؟
وتبقى مش عارف تحدد انت النغمات
وطبعا البرنامج طلع الفا الغناء مثلاا مع الصول صوت جمهور
مع السى صوت طبلة وهكذا وانت تبقى مش
عارف برضو تطلع النوتة الصح

طيب ازى الميدى يطلع ويحدد النغمات صح؟؟

1- اذا كان له قاعدة بيانات تميز اصوات محترمة ومتطورة جدا
والشراكات بتسابق فى كدة وبقى موجود يعنى برامج ذات حساسية عاليه
فى تميز الاصوات
2- صوت منفرد لالة واحدة او صوت مونو يعنى صوت واحد فقط
3- مافى اى مواثرات اخرة من اى نوع تخلى الميدى يتلخبط

فابرامج الميدى لسه فى طور البداية علشان تطلع لك النغمات صح ومحدة
وغير جيدة بالمرة فى الوقت دة يمكن بقى فى المستقبل يكون فى شىء
اخر احسن


انا اسف اتكلمت كتير قوى يمكن دى اطول مشاركة فى التاريخ
بس حبيت اشرح لكم الموضوع بيماشى ازى؟؟
لانه فى رسائل كثيرة جدا على الخاص بخصوص ازى
برامج التحويل بتشتغل وازى الميدى بيشتغل وكدة
كل التحية واسف على الاطالة

عادل صموئيل
09/01/2012, 23h39
احبائى

اقدم لكم
من روائع فريد الاطرش

نجوم الليل

اتمنى ان تحوز رضاكم
مع اطيب تحياتى

http://n4hr.com/up/uploads/f6ab3a2039.gif (http://n4hr.com/up/)

عمرو الهنداوي
10/01/2012, 03h20
ياجماعة فى حد عندو نوتة محمد عبد الوهاب
حب الوطن فرض عليا
و فيروز احنا والقمر جيران
بس يكونوا صح او مكتوبين كمبيوتر:crazy:

armendo
10/01/2012, 05h09
ياجماعة فى حد عندو نوتة محمد عبد الوهاب
حب الوطن فرض عليا
و فيروز احنا والقمر جيران
بس يكونوا صح او مكتوبين كمبيوتر:crazy:


اخى عمرو صباح الخير
انا عندي اغنية حب الوطن فرض عليا ولكنها بخط اليد ولو عايزها فقط اعلمنى وانا ارفعهالك...اما اغنية احنا والقمر جيران انا متأكد انها عندى ولكن لم اجدها بملفات فيروز هادور عليها وان شاء الله الاقيها.
مع ارق تحياتى
ارمندو

armendo
10/01/2012, 05h14
تفضل أخي أرمندو، بصعب على روحي
تحياتي

اخى العزيز درارسلان
شكرا جزيلا على سرعة الأستجابة ولك منى كل الحب والتقدير.
ارمندو

armendo
10/01/2012, 05h19
اخى ارمندو
الاغانى المطلوبة
http://www.sama3y.net/forum/attachment.php?attachmentid=279215&d=1325965731

http://www.sama3y.net/forum/showpost.php?p=566860&postcount=5189

كل التحية



اخى وصديقى عمرو
ممنون كتير كتير مع تمنياتى لك بيوم سعيد.
مع ارق تحياتى
ارمندو

armendo
10/01/2012, 05h51
اخى العزيز عادل
انا عازك تكلمنا النهاردة عن آلتين لا يلتفت اليهما الكثيرون وهما آلة التشيللو وآلة الكونترباص مع القاء الضوء على دوريهما بالفرقة الموسيقية وتأثيرهما غلى الفرقة فى حالة عدم وجودهما.
مع ارق تحياتى
ارمندو

علي ثلاثة
10/01/2012, 08h08
أستاذ عادل
تحية وسلام
وأنت أهل لكل شكرعلى كل ما تقدمه
لإسعادنا
فقد أتحفتنا بنجوم الليل
فهل في الإمكان أن نحظى
بمقدمتها الموسيقية
وبالمناسبة
هل هذه المقدمة مستقلة عن الأغنية
أم هل هما من خط لحني واحد
وهل هي شرقية الطبع
أم هل هي مستوحاة من الفن الغربي
وشكرا

swaifi73
10/01/2012, 08h24
أستاذ عمرو أشكرك شكرا جزيلا على التفصيل الدقيق لموضوع ال mb 3
والميدي وأتوقع فعلا إنها أطول رسالةف يالمنتدى
بس مشاء الله عليك
عندك قدرة على التحليل الدقيق جدا وأتوقعت أنه في الأخر هيكون فيه برنامج يعطينا ملف ميدي واضح بس لعد طول الشرح فهمت أنه لسة التقنية ما أنتجتش هذا الشيئ وأنه إذا توفر البرنامج الذي يعطي ميدي بيكون فيه أخطاء كثيرة
استاذي لي طلب بالنسبة لبرنامج Audacity
يا ريت وبراحتك تنزلنا شرح مفصل بالصور مثل شرح استاذ عادل للإنكور
لأنه فعلا برنامج جميل وحاسس أنه فيه أمكانيات ممكن بعدين عند ممارسة الأعضاء كل واحد يكتشف شيئ ويضيف للأخر
لأن إذا شرحت مثلا بالتفصيل في رسالة طالت أو قصرت الواحد ممكن رأسه تلف ويتوه والتركيز يروح غير لما يكون عنده شرح ويبتدي يطبق خطوة خطوة ولو تعب أو مل يكمل مع الشرح فيما بعد مثل أنا ما عملت كده وأنا بقرأ شرح استاذ عادل للإنكور وبدأت أطبق وأنتج نوت الحمد لله
يا ريت تفكر في هذا العمل لأن إمكانيات البرنامج أتوقع هتخلينا نستغى عن برامج كثير زاحمه جهاز الكمبيوتر

salhi_haithem
10/01/2012, 08h39
احبائى

اقدم لكم
من روائع فريد الاطرش

نجوم الليل

اتمنى ان تحوز رضاكم
مع اطيب تحياتى

http://n4hr.com/up/uploads/f6ab3a2039.gif (http://n4hr.com/up/)



السلام عليكم ورحمة الله وبركاته
انا سعيد جدا جدا بهذه النوتة
كلمة عرفان بالجميل لمن له علينا الفضل بعد الله والعرفان كلمة أخطها لمعلمي الاستاذ عادل أسأل الله أن يوفقه لما يحبه ويرضاه ويجمعني به على منابر من نور وما اجمل ان نعترف بالفضل والحب لمن لهم علينا الفضل ونذكرهم بالدعاء حتى وان لم يروا دعائنا فالله يراه
استاذ والدكتورالمايسترو عادل لك مني كل العرفان بالجميل و بارك الله فيك و اطال الله في عمرك وجزاك الله كل خير ..
و انا اضم صوتي لاخي على ثلاثة كي نحظي بهذه المقدمة العظيمة و الخفيفة و الجميلة (وانا اكتب هذه السطور واتذكر مقدمة بنادي عليك و التقاسيم الصعبة التي دونتها من مقدمة حكاية غرامي و هما من اجمل المقدمات و لقد اخرجتهم بكل حرفية و جمال فيريت تعمل فينا معروف وتكمل مقدمة نجوم الليل و هي من الاوبيرات العظيمة )
و لي طلب صغير جدا و هي نسخة لنجوم الليل بتخفيض درجة اي المذهب يكون حجاز دوكاه بدلا عن حجاز "مي" و الدليل يكون ٢ بيمول لانه الكوبليه الثاني صعب انو الواحد يغنيه مع العزف لانه عالي نسبيا و مشكوووووووور جدا من صميم القلب
اخوك هيثم

timonmero
10/01/2012, 12h59
احيائى




اقدم لكم من روائع الفنان الكبير محمد عبد المطلب

بصعب على روحى

هى انطلبت الاسبوع ده .. وطلبتها اخت جيدية فى المنتدى وهى عازفة كمان على ما اعتقد
والاغنية دى انا بحبها جدا يعنى حبيت اقدمها لكم وانتم تستمتعوا باللحن الجميل بتاع العبقرى محمود الشريف
وعبد المطلب ده حكاية .. يعنى اول حاجة كوان كورال بيرد ورا بد الوهاب وجه يوم بقى عبد الوهاب يلحن له
وده بيوريك زمان كان الكورال ايه .. يعنى اقل واحد او واحدة منهم عنده طرب اكتر من كل اللى بيغنوا من 20 سنة لو جمعتهم على بعض 100 مرة .
ومشكلة عبد المطلب او مشكلة انى اكتب لحن لعبد المطلب صعبة جدا جداً .. لأنه مطرب اوى . يعنى الجملة الموسيقية الواحدة ممكن يغنيها بعشر درجات من التجويد .. ولما يسخن ويلعلع وبالذات بعد مايقول موال وكان احسن واحد يقول موال فى مصر ... كان ممكن يجود اكتر فى الجملة .. والمشكلة انى عشان اكتب لازم اكتب اللحن الاساسى ,, لذلك انا فى اللحن ده هنا وانا بكتب .. الاخت قدمت تسجيل على اليوتيوب .. بس انا سامع الاغنية كتير قبل كده .. اولا غناء عبد المطلب مختلف شوية زالتسجيل ناقص الكوبليه الاخير . وهنا الامانة الفنية خلتنى دورت على تسجيلين مختلفين تانى للأغنية وقعدت اسمع عشان احاول اوصل للحن الاساسى بقدر الإمكان ..
واعمكم حاجة انانت لو بتعزف مع عبد المطلب بالذات .. تبقى عينك على النوتة فى اللزمات الموسيقية فقط . اما فى الغناء لازم تكون عينك على النوتة 50% وودنك بتتابع معاه 50% . لأنه بيقول الحروف الموجودة امامك بس مش بالتحديد ومن هنا لو العازف عزف النوتة ممكن يحصل تعارض مع اللى بيقوله عبد المطلب .. فيهمشكلة كمان كانت خطيرة عند عبد المطلب .. انه عشان كان بيشتغل كتير اوى وكان عنده كازينو فى شارع الهرم اسمه الاريزونا وبيغنى فيه كل ليلة .. انه كانت الفرقة الموسيقية اللى بتشتغل معاه مش اد كده .. يعنى اعتماداً انه هو كل حاجة وبيدارى على عيوب الفرقة .. يعنى فى الكوبليه التانى فى الملف المرفق .. دخلوا موسيقى الكوبلليه غلط لخبطوها يعنى وحولوا يلموا نفسهم فى الإعادة شوية .. بس انا الشغل فى الفرقة المسية خلانى موسوس شوية وبخاف اكتب اللى فهمته يعنى لازم اتأكد ولقيت الجملة سليمة 100% فى تسجيل من التانيين اللى قلت عليهم ... وعبد المطلب مدرسة لا يمكن حد يقدر يقلده ... يعنى اى واحد يغنى حاجة لعمد المطلب ( وكان اسمه فى الوسط الفنى ( ابو نور ) كنت تحس انه زلطة صغيرة جنب هرم الجيزة
اترككم مع اللحن الرائع مع اطيب تحياتى
http://files2.fatakat.com/2011/3/12989354371985.gif

الاستاذ / عادل شكراً جزيلاً على النوتة الجميلة و الوحيدة على الانترنت و شكراً للاهتمام و المجهود

john youssef
10/01/2012, 18h00
بعد اذن السادة الفنانين الى فى المنتدى انا عايز النوتة بتاعة اللونجا دى فى اسرع وقت بعد اذنكم

‫ظ„ظˆظ†ط¬ط§ ط*ط¬ط§ط² ظƒط§ط±ظƒط±ط¯.avi‬‎ - YouTube (http://www.youtube.com/watch?v=2lgxpEffg5g)

عادل صموئيل
11/01/2012, 05h11
احبائى
بناء على طلب اخى العزيز هيثم اقدم نوتة

نجوم الليل
حجاز كار الدوكاه
المشكلة ان التسجيل اللى كتبت منه كان من درجة مى
بس هو كده اكيد اسهل كتير بالذات الكوبليه الثانى
اما عن المقدمة انا ما سمعتش مقدمة اكتر من المكتوبة
ومعلومة هو هنا المقدمة مركز على البيانو ... يعنى حتى لو فيه مقدمة حتحتاج بيانو يعنى على اى آلة مش حاتحس نفسك بتقولها حلو
اما عن سؤال اخى العزيز ارمندو عن آلة التشيللو والكونترباص
الآلتين دول بالذات لهم وظيفتين مختلفتين فى االاوركسترا السيمفونى والفرقة الشرقسة
بإختصار فى الاوركسترا السمفونى بيكون عددهم كبير يعنى مش اقل من 8 شيللو و6 كونترباص . وبيبقى لهم خطوط لحنية غير اللى بتعزفها الكمنجات والكونترباص ممكن يتعزف بالقوس او النبر بالإصبع فى السيمفونى بيتعزف بالقوس
اما فى الفرقة الشرقية دورهم مختلف .. الكونترباص بيتعزف بالنبر بالأصبع وبيدى نبرة على الاضلاع الاساسية من المازورة يعنى فى ميزان 4/4 مثلا بيعطى نبرة على الضلع الاول ونبرة على الضلع الثالث بيحزم الفرقة يعنى . والنبرة دى مرتبطة بالرق . يعنى الدوم اللى انت بتسمعها بتكون للكونترباص والرق معا .. اما لو فى حالة وجود سكتة فى اول المازورة هنا نبرة الكونترباص بتكون نغمة من عنده هو حسب ذوقه , ولما بيكون العازف شاطر اوى بيدى نغمة تعمل سلطنة عالية جدا ,, بالطبع لما تسمع وتشوف ام كلثوم شوف عباس فؤاد ( عظمة ) بيعمل ايه
بعدين فى جهازك اقفل الباص عشان تحس بالكونترباص وتمتع بيه
اما عن الشيللو : الفرقة بتكون عادة فى حدود 12 كمنجة ودول صوتهم مع بعض بيبقى بناتى اوى وهنا بيحطوا عليهم 3 شيللو بيعملوا موازنة فى الصوت يعنى زى الكورال بيبقى بنات ورجال ... والحميع بيعزف طبعا نفس اللحن .. فيه تميز فى التشيللو انه بيتعزف بالقوس . وممكن يتعزف بالنبر . ويسمى بتسكاتو .. ببس النبر ده وبالذات فى الشرقى محتاج عازف ماحصلش وكان عندنا فى الفرقة الماسية عازف اسمع حسان كمال وهو كان ايضا مع ام كلثوم... يعنى كان بيعمل ايقاعت بالشيللو فى اماكن بتحتاج ملو يعنى لما تشوف ام كلثوم هو بيبقى فى الاغانى القديمة فى النص وفى الاغانى الاحدث اول شيللو .. كان بيعمل حاجات تطير العقل يعنى وام كلثوم بتغنى
كان بيدى ايقاع منغم يعنى تم ترر رمرم تتم تم .. وحسان كمال الله يرحمه كان ابرع عازف شيللو شرقى بيتسكاتو فى العالم يعنى كان بيملى الكوبليه كله احيانا .. بعده حاولوا يقلدوه اكن اشطر واحد بيعمل لك مازورتين ويقع او مايقدرش يكمل ... لسبب خطير جدا جداً .. ان الابداع ده فطرى يعنى موهبة فى العازف يعنى مش بيعلموا فى الكليات بمعنى ان فى الكليات بيعلموا القوس بس . اما النبر ده لازم العازف يكون متمكن وذوقه عالى جدا جدا ..يعنى كان بيسلطن ام كلثوم بدرجة عالية جدا جدا وعشان تحس باللى بيعمله ركز فيه لما تتفرج على ام كلثوم
وعصرنا شهد عازف شيللو اسمه مجدى بوس كان برضه زميلنا فى الماسية ومع ام كلثوم .. ده كان اعظم عازف شيللو شرقى فى العالم بالقوس يعنى كان فى البروفات الشيللو بيقعد ورايا كان بيسطلنى ... يعنى بيغنى كانه كمنجة الله يرحمه .. وبرضه ما اتكررش تانى ... وصعوبة الشيللو والكونترباص ايه ؟
الكمنجة والعود بتبقى ايدك لما بتعزف .. فى نطاق الاربع اصابع نغمات كتير , يعنى تقدر تقول جملة طويلة فى نفس الوضع او البوزيسيون . ام فى التشيللو المسافات بين الغمات واسعة جدا .. يعنى عشان تعزف دو وبعدها رى لازم تطلع بوزيسيون وتقعد ايدك طالعة نازلة على المراية .لذلك تلاقى 90 % من عازفى التشيللو وحشين
لأنه ايده لما تتحرك طالع نازل بتحصل كتير جدا جدا ان صباعه مايجيش فى مكانه وتطلع النغمات خاسسة او زايدة
لذلك العازف بيخاف يتكشف بيقول بصوت واطى .. لكن العازفين بتوعنا واللى مش حيتعوضوا تانى كان العازف بيدخل فيك شمال يعنى بكل قوته لأنه مضبوط 1000% .. والمشكلة الخطيرة فى اغانى وفرق النهاردة الدوشة والخبط والضجيج حتى لو موجودة الآلات دى مش حاتسمعها فى الزحمة . بعكس زمان كان المسرح هادى والصوت كله هادى مش مزعج لذلك كنت تسمع كل آلة بتقول ايه
مع اطيب تحياتى

عيسى سعيد
11/01/2012, 05h28
صباحك ورد استاذ عادل الف شكر لسموك:emrose::emrose:

armendo
11/01/2012, 07h33
اخى العزيز استاذنا الأستاذ عادل
اشكرك على هذا التعليق والشرح الرائع لوظيفة آلتى التشيللو والكونترباص بأسلوبك السهل الجميل كما
اشكرك ايضا على نوتة نجوم الليل بعد التعديل حيث اصبحت اسهل كثيرا فى العزف ولذلك فالشكر موصول لأخى وصديقى هيثم صاحب الأقتراح وربنا ما يحرمناش منك يا استاذ عادل.
مع ارق تحياتى
ارمندو

armendo
11/01/2012, 08h03
استاذنا الغزيز الأستاذ عادل
على استحياء شديد جدا ساطلب منك اغنيتى شحات الغرام هذا الدويتو الجميل لليلى مراد ومحمد فوزى والليلة الكبيرة لسيد مكاوى وهى درة اعمالة الفنية فقط ضعهما فى اعتبارك .
مع ارق تحياتى
ارمندو

علي ثلاثة
11/01/2012, 08h39
سيد عادل
ألف سلام وتحية
شكرا جزيلا على
نجوم الليل مرة أخرى
وتجد صحبته
المقدمة الموسيقية

عيسى سعيد
11/01/2012, 09h49
اشكرك اخي علي ثلاثه لقد بحثة بلانترنت عن نجوم اليل بصيغة mp3 فلما اجد فقد وفرت علي الكثير اشكرك

علي ثلاثة
11/01/2012, 10h27
أخي عيسى سعيد
لا شكر على واجب

ahmad_alahlawy
11/01/2012, 10h28
الأستاذ عادل:
هذا تسجيل لنجوم الليل كامل بالمقدمة الموسيقية
يرجى التفضل بتدوين المقدمة...فهى فى رأيى المتواضع أجمل من الأغنية نفسها
وشكرا

عزت شحاته
11/01/2012, 10h40
استاذ / ارمندو
اتمنى تكون فى صحه جيده والقلب يكون تمام
فأنا رفيقك فى وجع القلوب
فمحسوبك مركب دعامتين والحمد لله ليه خمس سنين
ولك (نوتة شحات الغرام) اتمنى تعجبك
تصبيره لحد الباشا ما يدون لنا النوتة
==================
استاذى الجميل / عادل صموئيل
بمناسبة القلوب
ممكن نوتة ( تعب القلوب ) لمحرم فؤاد
مرفق نوتة قديمة + الاغنية
لكن شتان الفارق لو كانت من تدوينك

عمرو الهنداوي
11/01/2012, 10h40
الأستاذ عادل:
هذا تسجيل لنجوم الليل كامل بالمقدمة الموسيقية
يرجى التفضل بتدوين المقدمة...فهى فى رأيى المتواضع أجمل من الأغنية نفسها
وشكرا


استاذ احمد انا اتفق معاك انه المقدمة
قد تكون افضل من الاغنية نفسها

والمقدمة دى تعتبر من اجمل المقدمات الموسيقية فى الموسيقا
العربية وقريبة جدا من الاذن الغير عربية
تحس انك بتسمع موسيقا عالمية ولذلك عزفت عالميا
فى اكتر من مكان فى اروبا وكان هناك ترحيب بالغ بها
تحس انه فريد كان متاثر بموسيقا الغرب فى الاغنية دى
او كانت رسالة الى الغرب
كل التحية
المقدمة نزلوها بس هى المشكلة حاجة ان فيها توزيع كتير جدا
يعنى انا شخصيا لو عزفت الاغنية مش حعزف المقدمة لن حاحس انى فقير اوى
بس طالما انتم عايزينها حاجتبها مع اطيب تحياتى عادل صموئيل

armendo
11/01/2012, 11h52
اخى العزيز الأستاذ عزت
كل سنة وانت طيب وسلامة قلبك.. انا الحمد لله بعد ما عملت عملية قلب مفتوح من سنتين وغيرت خمس شرايين اصبحت الأمور احسن كتير والحمد لله ونصحيتى لك انك تزور الدكتور حتى يطمئن عل الدعامات لأن لها عمر افتراضى مع دعائى لك بدوام الصحة والعافية..اشكرك على النوته وهى اللى عندى وربنا يسهل والأستاذ عادل يلاقى وقت ويدونها.
مع ارق تحياتى
ارمندو

salhi_haithem
11/01/2012, 12h58
السلام عليكم ورحمة الله وبركاته
مشكور يااستاذ عادل على النوته الجميلة متاعت نجوم الليل قبل التعديل و بعد التعديل و انا اسف على التعب و انشاء الله في ميزان حسناتك و هذا هو استاذ عادل رمز الكرم و الجود و طيبة القلب الذي ماانقطع على العطاء و نحنا جيل نتربى على ايديك و سنعلم و نربي اجيال و شوف عدد التلاميذ و عدد المستفيدن وسيكون هناك الاف من عادل صموئيل صغار و من بعدهم ملايين عادل صموئيل...
و اخيرا انا اضم صوتي الى اخي على ثلاثة و اخي احمد الاهلاوي و اخي عمرو الهنداوي لكي تكمل لنا المقدمة الموسيقية متاع نجوم الليل وهي اوببرات خفيفة جدا و فيها موسيقى من نصف الاغنية موجودة في المقدمة يعني حسب راي لن ترهق الاستاذ عادل في تدوينها و هي ليست طويلة (مدتها لا تتجاوز الدقيقتين)....
ولي سؤال هل عندكم اخبار عن الاستاذ فؤاد لانه متغيب عن المنتدى و لم اراه
و اردت ان اشكر اخي ارمندو على المرور و على التعليق
اخوكم هيثم

ahmad_alahlawy
11/01/2012, 15h18
الأخ الفاضل عمرو:
ثلاث أغانى فى رأيى المتواضع...وضع بهم فريد مقدمات أجمل من الأغنية نفسها
1-لا و عينيكى
2-بنادى عليك
3-نجوم الليل
أبدع فريد فى وضع المقدمات أيما ابداع و حققت تلك الأغانى صدى عالمى

استاذ احمد انا اتفق معاك انه المقدمة

قد تكون افضل من الاغنية نفسها

والمقدمة دى تعتبر من اجمل المقدمات الموسيقية فى الموسيقا
العربية وقريبة جدا من الاذن الغير عربية
تحس انك بتسمع موسيقا عالمية ولذلك عزفت عالميا
فى اكتر من مكان فى اروبا وكان هناك ترحيب بالغ بها
تحس انه فريد كان متاثر بموسيقا الغرب فى الاغنية دى
او كانت رسالة الى الغرب
كل التحية

عادل صموئيل
11/01/2012, 16h19
احيائى
اقدم لكم من روائع الفنان الكبير محمد عبد المطلب

ساكن فى حى السيدة

انا لما بدون نوتات لعبد المطلب بالذات بحس انى بعمل عمل له قيمة لسبب مهم .. انك لما بتسمع عبد المطلب تحس انك من المستحيل تعزفها .. لأنه بيجود كتير بحيث يتهيأ لك ان اللحن صعب جدا ...لكن انا لما بعمل له تبسيط فى الكتابة لما تشوف النوتة تحس انه سهل جداً
اتمنى ان تسعدوا بها مع اطيب تحياتى

http://www.ct-7ob.com/vb/storeimg/live_1313758996_956.gif (http://www.ct-7ob.com/up/redirector.php?url=%61%48%52%30%63%44%6f%76%4c%32% 34%30%61%48%49%75%59%32%39%74%4c%33%56%77%4c%77%3d %3d)

عمرو الهنداوي
11/01/2012, 16h27
احيائى
اقدم لكم من روائع الفنان الكبير محمد عبد المطلب

ساكن فى حى السيدة

انا لما بدون نوتات لعبد المطلب بالذات بحس انى بعمل عمل له قيمة لسبب مهم .. انك لما بتسمع عبد المطلب تحس انك من المستحيل تعزفها .. لأنه بيجود كتير بحيث يتهيأ لك ان اللحن صعب جدا ...لكن انا لما بعمل له تبسيط فى الكتابة لما تشوف النوتة تحس انه سهل جداً
اتمنى ان تسعدوا بها مع اطيب تحياتى

http://www.ct-7ob.com/vb/storeimg/live_1313758996_956.gif (http://www.ct-7ob.com/up/redirector.php?url=%61%48%52%30%63%44%6f%76%4c%32% 34%30%61%48%49%75%59%32%39%74%4c%33%56%77%4c%77%3d %3d)




هههههههههه
استاذ عادل حضرتك دونتها مسبقا

علي ثلاثة
11/01/2012, 16h39
سيد عادل
سلام وتحية

عندما أثرت مسألة تدوين
المقدمة الموسيقية لنجوم الليل
لم أكن أتوقع أن يشاركني كل هؤلاء
الإخوة الأعزاء والأفاضل في طلبها والإعجاب بها
بل والاهتمام بالبحث عنها وهذا مما يفعم القلب سرورا وحبورا
فشكرا على وعدك بتدوينها
وشكرا على رائعة عبد المطلب
ساكن في حي السيدة
ودمت في صحة وعافية

salhi_haithem
11/01/2012, 17h08
احيائى
اقدم لكم من روائع الفنان الكبير محمد عبد المطلب

ساكن فى حى السيدة

اتمنى ان تسعدوا بها مع اطيب تحياتى





السلام عليكم ورحمة الله وبركاته
دكتور عادل شكرا على نوتة اغنية ساكن في حي السيدة وهي من اجمل الاغاني المحببة لي لكن سبق و ان دونتها ووددت لو كانت اغنية السبت فات او كانت اغنية ياحاسيدين الناس او اغنية شفت حبيبي لكانت زيادة جميلة لمكتبتنا لان اغاني طلب جميلة ودسمة لكن حصل خير و على فكرة انت مدون كل من الاغاني التالية
بصعب على روحى - حبيتك وبحبك - ساكن ف حى السيدة - رمضان جانا - ما بيسألش عليا ابدا - ودع هواك - يا اهل المحبة
و الاستاذ طارق مدون (اغنية الناس المغرمين واغنية بياع الهوى)
و الاستاذ نيقولا مدون (اغنية اسال مرة عليا)
وشكرا اخوك هيثم

swaifi73
11/01/2012, 18h30
والدي وأخي العزيز أستاذ عادل أشكرك على نوتة عبد المطلب جميلة ربنا يعطيك الصحة

armendo
11/01/2012, 20h07
عزيزى واستاذنا الأستاذ عادل
بمناسبة الحديث عن المطرب العبقرى محمد عبد المطلب رحمة الله وانا اعلم مدى حبك لصوته كحالنا جميغا.. انا عندى سؤال قدد يبدو ساذجا لكن محيرنى وهو ما سر هذا الصوت الغبقرى؟
مع ارق تحياتى
ارمندو
اخى العزيز السر يكمن مش فى عبد المطلب ولكن فى الزمن الجميل كله , بمعنى لما يكون فيه ام كلثوم وعبد الوهاب تفتكر اللى بعدهم حايبقى مين ؟ .. بمعنى انك مثلا فى المهندسين تلاقى اشيك عمارات فى مصر مش معقول حاييجى واحد حنبهم يبنى عشة صفيح .. اما تميز صوت عبد المطلب ان فيه شجن عالى جدا جدا وهو طبيعته كده مش مفتعل .. يعنى انا بيضايقنى مطرب اسمه زبادى على ما اتعقد هو مطرب كويس جدا بس فيه عيب خطير .. هو بيغنى اغنى عبد المطلب ببس بيقلد حركات عبد المطلب وده عيب خطير جدا .. لأن حركات راس عبد المطلب والحروف اللى من طبيعته بيضغط عليها ده سر شخصيته لكن لما تقلده بتبقى حاجة مش حلوة .. وبعدين عبد المطلب متتلمذ على مين ؟ من اول سيد درويش وسلامه حجازى وكان كورال ورا عبد الوهاب وملبين المحاطات الفنية دى كلها محطات تانية شرب منها .. يعنى بيتميز بموال فى كل حفلة بيكون دايما اعجازى .. وبيدخل فى مقامات وبيرجع تانى . انا اكتر ما يطربنى مع عبد المطلب الكورال بتاعه .. يعنى كان ماه كذا ست وبيشتغلوا معاه كانوا كبار فى السن معاه من زمانكانت اقل واحدة منهم مطربة مطربة يعنى .. يعنى لما هم بيسمعوا عبد المطلب ويتسلطنوا ويرودوا عليه يعنى حاجة تطير العقل .. بعدين من مميزات عبد المطلب انك لما تسمع الاغنية تحس انك حتقولها ازاى دى ؟ مع ان اللحن زى ما انتم شايفين انا مدونه سهل جداً .. وهنا تظهر حاجة ان الملحن بيعمل اللحن ويتركه لعبد المطلب يقوله بطريقته وللعلمدى مش مسموح بيها لأى حد ولا ام كلثوم , يعنى قدامى كان مسموح لم كلثومتحط من عندها 5% فى اللحن فقط .. لكن عبد المطلب كان مسموح له يحط من عنده 60 % ودى عمرها ماحصلت مع حد غيره .. والمؤسف ان ايامماكان عايش الناس ماكانتش عارفة قيمته لن كانوا متعودين ع الاصوات الناعمة .. لكن بعد وفاته وابتداء جيل الزبالة الموسيقية والغنائية ابتدت الناس تعرف قيمته .. الله يرحمه
مع اطيب تحياتى عادل صموئيل

piano_piano_d
11/01/2012, 21h08
قدم لنا أستاذنا المُحترم المِعطاء أ/ عادل صموئيل
ساكن فى حى السيدة
نجوم الليل




http://www.ct-7ob.com/vb/storeimg/live_1313758996_956.gif (http://www.ct-7ob.com/up/redirector.php?url=%61%48%52%30%63%44%6f%76%4c%32% 34%30%61%48%49%75%59%32%39%74%4c%33%56%77%4c%77%3d %3d)

له كل الإحترام والتقدير لشخصة المتواضع وكرم أخلاقة وذوقه الرفيع .... شكراً أستاذي ألف شكر .
مع خالص تحياتي .

armendo
12/01/2012, 07h21
استاذنا الأستاذ عادل
صح كلامك يا استاذ فلم يكن صوت عبد المطلب صوتا ناعما ولكنة كان من اكثر الأصوات تاثيرا على المتلقى انا شخصيا كان صوتة بيجرح قلبى من كم الشجن الذى يحتوية صوتة وهو شجن ابن بلد مجروح ناهيك عن القيمة الفنية الرفيعة التى تميز صوتة الرائع رحمة الله.
مع ارق تحياتى
ارمندو

عادل صموئيل
12/01/2012, 10h42
احبائى
مش قلت لكم انا اى مطرب لما بدون له حاجة بيلزق معايا كام يوم ؟
اقدم لكم مناشهر روائع عبد المطلب

السبت فات

اتمنى ان تحوز رضاكم

عايز تسجيل لأغنية شفت حبيبى بس يكون تسجيل استديو عشان ادونها
اناعندى تسجيلات حفلات بس مشعارف اكتب منها لأنه الاغنية دى بالذات كل حفلة بيعمل موال بخليه يسخن اوى ويغنيها بطريقة احترافية اوى اوى فوق مستوى التدوين السهل
لكن فى الاستوديو بيكون الى حد ما ملتزم باللحن ( من ان ماحدش بيقدر عليه )
مع اطيب تحياتى
http://files.fatakat.com/2010/3/1267498204.gif

armendo
12/01/2012, 11h53
استاذنا الأستاذ عادل
يسلم لنا ذوقك الجميل على هذة الأغنية الجميلة السبت فات..انا عندى تسجيل لأغنية شفت حبيبى ولكنه تسجيل حفلة.
مع ارق تحياتى
ارمندو
اخى العزيز
انا عندى تسجيل ل اكتر من 3 حفلات مختلفين
محتاج تسجيل استوديو
مع جزيل الشكر عادل صموئيل

علي ثلاثة
12/01/2012, 12h56
سيدعادل
بعدالتحية

أزعم أنه لاأحد يماري
في قيمة محمد عبد المطلب الفنية
وكل اغانيه فيها كل ما تصبوإليه
نفس متذوقي الفن الرفيع

ومثالا على ذلك هذه التحفة الرائعة

‫ظ…ط*ظ…ط¯ ط¹ط¨ط¯ ط§ظ„ظ…ط·ظ„ط¨ - ظٹط§ ظ„ظٹظ„ط© ط¨ظٹط¶ط§‬‎ - YouTube (http://www.youtube.com/watch?v=dIVMhGmhnLc)

ليلة بيضة

وشكرا

armendo
12/01/2012, 15h41
سيدعادل
بعدالتحية

أزعم أنه لاأحد يماري
في قيمة محمد عبد المطلب الفنية
وكل اغانيه فيها كل ما تصبوإليه
نفس متذوقي الفن الرفيع

ومثالا على ذلك هذه التحفة الرائعة

‫ظ…ط*ظ…ط¯ ط¹ط¨ط¯ ط§ظ„ظ…ط·ظ„ط¨ - ظٹط§ ظ„ظٹظ„ط© ط¨ظٹط¶ط§‬‎ - YouTube (http://www.youtube.com/watch?v=dIVMhGmhnLc)[/URL]

ليلة بيضة

وشكرا

اخى العزيز على ثلاثه
اشكرك لذوقك فى اختيار الأغنية فهى من اغانى الأفراخ الجميلة وبما ان مؤشر وحى الأستاذ عادل يشير الى محمد عببد المطلب هذة الأيام فارجو ان ينظر اليها بعين الأعتبار.
مع جزيل الشكر
ارمندو

عمرو الهنداوي
12/01/2012, 17h40
يا استاذ عادل
حضرتك لحد دلوقتى ما ردت عليا:)
فى البرنامج بتاع Audcity

انا عايز اعرف رايك؟؟:crazy:
علشان اقدر اعرف ازى اخدمك برنامج يوفر عليك كل اللف
اللى بيحصل لتدوين الاغانى
وما فى اى مشكلة لو البرنامج ماعاجبك
عادى خالص ندور على حاجات تانية لغاية مانوصل لافضل
شىء انت تحبه وتكون مستريح معاه ويوفر عليك الوقت والمجهود
انا شخصيا البرنامج مش عاجبنى لكن رايك انت هو الاهم
كل التحية
عزيزى عمرو
انا عندى نسختين ويندوز على جهازى واحدة على سى وواحدة على دى . لن فيه برامج بتتعارض مع بعضها . وبشتغل دايما على نسخة الدى لنها هى اللى بتفتح على طول لما تفتح الجهاز . لذلك بحط البرامج اللى بشتغل بيها عليها واى بروامج تانية وبالذات اللى بتحوى تكست بحطها على نسخة السى لأن بتعاكس الانكور ساعات
المهم انا جربت البرنامج بس ما عجبنيش لحد دلوقتى . يعنى ترانسبوزر صغيرووظيفته واحدة وبظبط منه التون اللى انا عايزه وبعدين بشغل مسجل الصوت وبسجله وبحفظة اما البرنامج ده معقد اوى وزحمة , وانا عندى كول ايديت بيعمل نفس الاغراض بس يمكن ابسط منه شوية .. انا اللى محتاجه برنامج يقلل الحجم مع عدم نققص الجودة كتير .. واللى لفت نظرى زى ماقلت لك ان واحد منزل اغنيةطولها نص ساعة وحجمها واحج ونص ميجا وجودتها عالية وده اللى لفت نظرى
اول لنى مش بحب انزل حاجت كبيرة على المنتدى لنها بتتقل المنتدى وثانيا عشان بعمل حساب الاحباء اللى بينزلوها يعنى فيه ناس عندهم النت بطىء وتنزيل الملف الكبير ممن يعمل لهم مشكلة . يعنى دايما مش عشان نفسى انا عندى نت 2 جيجا لوحدى ماعنديش مشكلة ممكن انزل اى حجم بسرعة لكنبعمل حساب الاعضاء
مع اطيب تحياتى عادل صموئيل

salhi_haithem
12/01/2012, 19h00
احبائى
مش قلت لكم انا اى مطرب لما بدون له حاجة بيلزق معايا كام يوم ؟
اقدم لكم مناشهر روائع عبد المطلب

السبت فات

اتمنى ان تحوز رضاكم

عايز تسجيل لأغنية شفت حبيبى بس يكون تسجيل استديو عشان ادونها
مع اطيب تحياتى





السلام عليكم ورحمة الله وبركاته
الله الله عليك يا استاذ عادل قمة في البراعة و الابداع و مشكــــــــــــــــــــــــــــــور جـــــــــدا
و مرفق تسجيل لاغنية شفت حبيبي ممكن يفي بالغرض
اخوك هيثم

abade 85
13/01/2012, 00h39
اخوانى كلى أمل بأن تتكرمو عليا بمدى بالنوتة الخاصة بموشح يا نديم الراح وسأكون شاكرا لكم تعاونكم

إيمان.
13/01/2012, 07h35
احبائى

مش قلت لكم انا اى مطرب لما بدون له حاجة بيلزق معايا كام يوم ؟
اقدم لكم مناشهر روائع عبد المطلب

السبت فات

اتمنى ان تحوز رضاكم

عايز تسجيل لأغنية شفت حبيبى بس يكون تسجيل استديو عشان ادونها
اناعندى تسجيلات حفلات بس مشعارف اكتب منها لأنه الاغنية دى بالذات كل حفلة بيعمل موال بخليه يسخن اوى ويغنيها بطريقة احترافية اوى اوى فوق مستوى التدوين السهل
لكن فى الاستوديو بيكون الى حد ما ملتزم باللحن ( من ان ماحدش بيقدر عليه )
مع اطيب تحياتى
http://files.fatakat.com/2010/3/1267498204.gif

كل الشكر لك على تدوين الاغنيه( السبت فات) للفنان الاصيل( رحمه الله )عبد المطلب..

armendo
13/01/2012, 10h21
[QUOTE=abade 85;568042][FONT=Microsoft Sans Serif]اخوانى كلى أمل بأن تتكرمو عليا بمدى بالنوتة الخاصة بموشح يا نديم الراح وسأكون شاكرا لكم تعاونكم

[SIZE="5"][COLOR="Purple"]اخى العزيز
اليك نوتة موشح يا بعيد الدار ارجو ان تسعد بها.
مع ارق تحياتى
ارمندو

armendo
13/01/2012, 10h27
[QUOTE=abade 85;568042][FONT=Microsoft Sans Serif]اخوانى كلى أمل بأن تتكرمو عليا بمدى بالنوتة الخاصة بموشح يا نديم الراح وسأكون شاكرا لكم تعاونكم

[SIZE="5"][COLOR="Purple"]اخى العزيز
اليك نوتة موشح يا بعيد الدار ارجو ان تسعد بها.
مع ارق تحياتى
ارمندو

عفوا اخى عباد85 لقد اختلط على الأمر ورفعت النوتة الخطأ وسابحث عن موشح يا نديم الراح وعندما اجدها سارفعها فى الحال .
ارمندو

عادل صموئيل
13/01/2012, 14h01
احبائى
اقدم لكم من روائع الفنان محمد عبد المطلب

شفت حبيبى

اتمنى ان تسعدوا بها
مع اطيب تحياتى

http://www.savvy-clearance.com/wordpress/wp-content/uploads/2007/01/Valentines%20Day%20Roses.jpg

عيسى سعيد
13/01/2012, 15h11
يااسلام عليك دكتور عادل هذه الاغنيه بذات لعبد المطلب لها بقلبي مكان ذا شجن :emrose::emrose:اظن انها من الحان الموسيقار السنباطي
نعم اخى العزيز هى من الحان السنباطى

salhi_haithem
13/01/2012, 17h27
احبائى
اقدم لكم من روائع الفنان محمد عبد المطلب

شفت حبيبى

اتمنى ان تسعدوا بها
مع اطيب تحياتى






السلام عليكم ورحمة الله وبركاته
الاستاذ العظيم و البروفيسور الكبير و اللهي حيرتني في وصفك فلا اجد الكلام اللائق بمقامك و لا الكلام لوصفك غير كلمة الله الله الله, والله الواحد ما عارف يرد علي الاغنيه وجمالها ولا علي تدوينك واسلوبك الرائع في تعريف الحب في شكل نوته فلقد ترجمت الحب في شكل نوته ملموسة عن طريق الشجن من صوت عبد المطلب و لحن رياض السنباطي..
و بطبيعة الحال كما توقعت هذه النوتات و هذه الباقة الجميلة لعبد المطلب تتحصل على اعلى الترحيب من الاخوة لانة عندما تتلاقى القمم ( محمد عبد المطلب و الاستاذ عادل صموئيل ) تكون النتيجة مذهلة جدا يعنى اّخر فخامة..
اما بالنسبة لاغنية شفت حبيبي فهي جميلة جدا و صعبة جدا واتحدى اى مطرب سواء من الجيل الحالى او الذى يسبقة ان يغنيها بهذا الأبداع..
و لي سؤال كم تبعد المسافة بين السيدة و سيدنا الحسين هل هي مسافة كبيرة بين ولايات او مناطق و الا مسافة صغيرة احياء متجاورة..
و الاحظ تغيب الدكتور وسام اكرم و الاخ عاصم يارب يكونوا بخير
اخوكم هيثم

اخى العزيز اشكرك على كلامك الجميل

مشكلة عبد المطلب انه فلتة من فلتات الغناء يعنىمش ممكن اى واحد يقدر يغنى اغنية من اغانيه بجودة اكتر من 10% .. وتميز عبد المطلب انه مش بيتقيد باللحن يعنى لو عندك فى المازورة 4 نوار مثلا عمرة ما حايغنيهم كده .. ولو كرر المقطع عشر مرات كل مرة بيقول حاجة شكل والمشكلة ان الابداع ده موجود فى داخله يعنى مش مفتعل .. والمشكلة الخطر ان فيه فرق لما تعمل ابداع من داخلك وان واحد يحاول يقلد الإبداع ده .. يعنى انا شفت مطرب اسمه زبادى هو قديرجدا بس عيبه انه بيقلد اداء عبد المطلب وحتى حركاته .. وهنا بتحس االفرق ان عبد المطلب مشموجود .. لكنه لو حاول يقول اللحن بطبيعته هو ممكن كان وصل لشىء حلو
انا عجبنى سؤالك عن السيدة والحسين .. هم تقريبا حى واحد او حيين متجاورين

منطقة السيدة هى منطقة مسجد السيدة زينب الشهير فى مصر وهو حى شعبى بيتميز بطيعه مصر من اكتر من 200 سنة .. يعنى اولا بيتميز بالبيوت القديمة جدا واللى ما اتشوهتش بالمعمار الحديث ويتفرع منا شوارع مليئة بالمساجد الاثرية والتى انشأت من ايام عمرو بن العاص ومن بعهد يعنى قطعة من تاريخ مصر .. وانت واقف فى ميدان السيدة زينب فيه شارع رئيسى متجه شمالاً ناحية ميدان العباسية اسمه شارع بورسعيد .. لما تمشى فى شارع بورسعيد حوالى كيلومتر بيتقاطع مع شارع الأزهر
وشارع الاذهر ده قادم من ميدان العتبة وذاهب الى الجامع الاذهر .
لما تدخل ناحية اليمن فى شارع الأزهر وتمشى نصف كيلومتر حتلاقىمسجد سيدنا الحسين ودى اسمها منطقة الحسين وهى ايضا من الاحياء الشعبية القديمة جدا فى مصر .. يعنى حتلاقى آثار كتيرمن ايامالمماليك وقبلهم وبعدهم واهمها المساجد الاثرية .. وجدير بالذكر ان بجوار مسجد سيدنا الحسين تقع منطقة خان الخليلى ... وهى من اهم المناطق التى يزورها السواح فى القاهرة لأنها مليئة بمئات المحلات للأنتيطات والآثار المقلدة والشغل العربى الجميل وكل ما يخطر على بالك من مصر وعطر مصر وتاريخ مصر ,, وفى خان الخليلى تقع قهوة الفيشاوى الشهيرة وايضاً قهوة اسمها نجيب محفوظ وسميت بهذا الإسم لأن الاديب الكبير نجيب محفوظ كان له مكان بيقعد فيها كل يوم وكتب فيها اعظم رواياته ... والميزة المهمة لحى السيدة والحسين انهما من اقدم احياء القاهرة يعنى يرجع تاريخهم لعصر السيدة زينب وسيدنا الحسين رضى الله عنهما
ونتمنى ان تزور مصر وتشوفهم
مع اطيب تحياتى عادل صموئيل

ابوكارم
13/01/2012, 17h32
يااسلام عليك دكتور عادل هذه الاغنيه بذات لعبد المطلب لها بقلبي مكان ذا شجن :emrose::emrose:اظن انها من الحان الموسيقار السنباطي
نعم اخى العزيز هى من الحان السنباطى

لو سمحت يا استاذ عادل
محمدعبدالوهاب ملحنش لعبد المطلب
واللا
لحن له بعض الاغانى
وشكرا

salhi_haithem
13/01/2012, 17h41
لو سمحت يا استاذ عادل
محمدعبدالوهاب ملحنش لعبد المطلب
واللا
لحن له بعض الاغانى
وشكرا


اخي العزيز ابو كارم
حسب علمي محمد عبد الوهاب لحن اغنية "اعمل معروف يابو عود ملفوف"
مرفق ملف صوتي و هي اغنية قصيرة
اخوك هيثم

نور الصباح
13/01/2012, 18h07
[QUOTE=عادل صموئيل;568083]احبائى

اقدم لكم من روائع الفنان محمد عبد المطلب

شفت حبيبى

اتمنى ان تسعدوا بها
مع اطيب تحياتى
* * * * * * * * * * * * *
* * * * * * * * * * *
* * * * * * * * *
* * * * * * *
* * * * *
* * *
*
الأخ الحبيب والفنان الماسى المايســــترو الكبـــــــــــير الأســــتاذ /
عـــــــــــــــــــــادل بـــــــــــاشــــــــــــــا صموئــــــــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــد
بمناســـــــــــبة حالة الســلطنة والانســــــــــجام مع الفنان القدير الراحل
=(( محمـــــــــــد عــــــــــــبد المـطلبـــــــــــــــــــ ))=
أبــــــــــو نـــــــــــــــــــــــــــــــــــــــــــــــــ ــور
ما رأيكـــــــــــــم دام عزكــــــــــــــــم فى تدويـــــــن رائعـــــــــــــــــته
=(( يــــــــــــا حاســـــــــــــــــــدين النــــــــــــــــاس ))=
ولكم كل الحب والامتنان
أخــــــــــــــــــوكم
نور الصباح
:hbd::hbd:

salhi_haithem
13/01/2012, 18h37
اخى العزيز اشكرك على كلامك الجميل

مشكلة عبد المطلب انه فلتة من فلتات الغناء يعنىمش ممكن اى واحد يقدر يغنى اغنية من اغانيه بجودة اكتر من 10% .. وتميز عبد المطلب انه مش بيتقيد باللحن يعنى لو عندك فى المازورة 4 نوار مثلا عمرة ما حايغنيهم كده .. ولو كرر المقطع عشر مرات كل مرة بيقول حاجة شكل والمشكلة ان الابداع ده موجود فى داخله يعنى مش مفتعل .. والمشكلة الخطر ان فيه فرق لما تعمل ابداع من داخلك وان واحد يحاول يقلد الإبداع ده .. يعنى انا شفت مطرب اسمه زبادى هو قديرجدا بس عيبه انه بيقلد اداء عبد المطلب وحتى حركاته .. وهنا بتحس االفرق ان عبد المطلب مشموجود .. لكنه لو حاول يقول اللحن بطبيعته هو ممكن كان وصل لشىء حلو
انا عجبنى سؤالك عن السيدة والحسين .. هم تقريبا حى واحد او حيين متجاورين

منطقة السيدة هى منطقة مسجد السيدة زينب الشهير فى مصر وهو حى شعبى بيتميز بطيعه مصر من اكتر من 200 سنة .. يعنى اولا بيتميز بالبيوت القديمة جدا واللى ما اتشوهتش بالمعمار الحديث ويتفرع منا شوارع مليئة بالمساجد الاثرية والتى انشأت من ايام عمرو بن العاص ومن بعهد يعنى قطعة من تاريخ مصر .. وانت واقف فى ميدان السيدة زينب فيه شارع رئيسى متجه شمالاً ناحية ميدان العباسية اسمه شارع بورسعيد .. لما تمشى فى شارع بورسعيد حوالى كيلومتر بيتقاطع مع شارع الأزهر
وشارع الاذهر ده قادم من ميدان العتبة وذاهب الى الجامع الاذهر .
لما تدخل ناحية اليمن فى شارع الأزهر وتمشى نصف كيلومتر حتلاقىمسجد سيدنا الحسين ودى اسمها منطقة الحسين وهى ايضا من الاحياء الشعبية القديمة جدا فى مصر .. يعنى حتلاقى آثار كتيرمن ايامالمماليك وقبلهم وبعدهم واهمها المساجد الاثرية .. وجدير بالذكر ان بجوار مسجد سيدنا الحسين تقع منطقة خان الخليلى ... وهى من اهم المناطق التى يزورها السواح فى القاهرة لأنها مليئة بمئات المحلات للأنتيطات والآثار المقلدة والشغل العربى الجميل وكل ما يخطر على بالك من مصر وعطر مصر وتاريخ مصر ,, وفى خان الخليلى تقع قهوة الفيشاوى الشهيرة وايضاً قهوة اسمها نجيب محفوظ وسميت بهذا الإسم لأن الاديب الكبير نجيب محفوظ كان له مكان بيقعد فيها كل يوم وكتب فيها اعظم رواياته ... والميزة المهمة لحى السيدة والحسين انهما من اقدم احياء القاهرة يعنى يرجع تاريخهم لعصر السيدة زينب وسيدنا الحسين رضى الله عنهما
ونتمنى ان تزور مصر وتشوفهم
مع اطيب تحياتى عادل صموئيل


السلام عليكم ورحمة الله وبركاته
استاذ عادل بارك الله فيك و جزاك الله كل خير على ماتقدم و على التوضيح و على خارطة الطريق و انشاء الله ازور مصر و يارب تسهل و ازوركم
و انا سألت السؤال لان وراه قصة طريفة لانه في تونس فيه حيين متجاورين اي تفصلهما مسافة قصيرة, شبه حي السيدة و سيدنا الحسين و اسمهم (السيدة المنوبية و سيد حسين السيجومي) و الاسماء المتداولة هما سيد حسين و السيدة..
و القصة هي اني كنت اعزف اغنية ساكن في حي السيدة و اغني و كان يجالسني ابن اختي الذي عمره 14 سنة قال لي يا "خال" هل الاغنية تونسية فاجبه لا هي اغنية مصرية و كذبت عليه (كذبة بيضة) و قلت انو عبد المطلب من كثرت حبه لتونس غنى اغنية ساكن في حي السيدة و حبيبي ساكن في الحسين و اضفت ان المطرب يقصد بحي السيدة هو (حي السيدة المنوبية) و الحسين هو حي (سيد حسين السيجومي) و المضحك في الامر انو اخذ كلامي ماخذ الجد وراح في المنزل يقول انو محمد عبد المطلب و ما ادراك غنى على احياء في تونس بطبيعة الحال ادرك انها دعابة بعدما ضحك عليه كل من في المنزل
اخوكم هيثم
يا اخى العزيز
كل دولة لها تراثها وهذا التراث بيعتبر من اهم مقدسات الدولة التى يجب ان لاتمس وان يتم الحفاظ عليها
فيه مشكلة ابتدت تظهر عندنا فى مصر ايام المخلوع ان كان فيه ناس اشر بيشتروا البيوت القديمة ويهدموها ويبنوا مكانها ابراج مما اضاع شكل احياء كتيرة وغير معالمها .. وزى ما فى عندنا تراث فى كل دولة لها تراث ولازم نحافظ عليه
مع اطيب تحياتى عادل صموئيل

ابوكارم
13/01/2012, 19h06
اخي العزيز ابو كارم
حسب علمي محمد عبد الوهاب لحن اغنية "اعمل معروف يابو عود ملفوف"
مرفق ملف صوتي و هي اغنية قصيرة
اخوك هيثم

شكرا جزيلا
استاذ هيثم

armendo
13/01/2012, 19h36
استاذنا الأستاذ عادل
اذاذ فكرت فى تدوين يا حاسدين الناس وهى اغنية شديدة الجمال اليك الملف الصوتى لها تسجيل استوديو.
مع ارق تحياتى
ارمندو

مجتهد مجتهد
13/01/2012, 20h15
أستاذ عادل (( عامود الفقري للموسيقى العربية )) اشكر جزيل الشكر والامتنان على كل ما تقدمه لنا ولان كل ماتقدمه فهو رائع رائع رائع سلمت يداك وبارك الله فيك وأمدك بعمر مديد ويعطيك الصحة والهناء حتى يرضيك

عادل صموئيل
13/01/2012, 20h18
احبائى
بس لو ماكنتوش تحلفوا

اقدم اليكم رائعة عبد المطلب اللى انتم عايزينها

يا حاسدين الناس

مع اطيب تحياتى
http://t0.gstatic.com/images?q=tbn:ANd9GcRN0014JgVmRE9VByLz28Fr47A-YElShdDJ2eqa1gIG8Ndyt30dN8Kr193v4g

مجتهد مجتهد
13/01/2012, 20h32
http://www.samysoft.net/fmm/fimnew/shokr/1/062373c4eec.gif

مجتهد مجتهد
13/01/2012, 20h36
http://www.samysoft.net/fmm/fimnew/shokr/1/062373c4eec.gifيا أستاذ عادل

armendo
13/01/2012, 20h41
احبائى
بس لو ماكنتوش تحلفوا

اقدم اليكم رائعة عبد المطلب اللى انتم عايزينها

يا حاسدين الناس

مع اطيب تحياتى
http://t0.gstatic.com/images?q=tbn:ANd9GcRN0014JgVmRE9VByLz28Fr47A-YElShdDJ2eqa1gIG8Ndyt30dN8Kr193v4g


استاذنا الأستاذ عادل
الله الله الله عشره على عشرة ونجمة
وثلاث وردات:emrose::emrose::emrose:
مغ ارق تحياتى
ارمندو

عادل صموئيل
13/01/2012, 20h41
احبائى

واقدم لكم

مقدمة نجوم الليل

تعزفها وتدخل على الباقى من المقدمة
وتكمل النوتة الاولى
وعلى الدوكاه زى ما انتم عايزين
مع اطيب تحياتى
شوفوا بقى شغل اندريا رايدر

http://t1.gstatic.com/images?q=tbn:ANd9GcQOjFSF0_L2RP4gRwVG26G8n4Mr87jSU YLMRhLhNC9AmaiI7CyP

عمرو الهنداوي
13/01/2012, 20h43
ايه ياجماعة كل شوية نوتة حلوة لعبد المطلب
وقبلها كان كل شوية نوتة حلوة لليلى مراد

طيب وبعدين يعنى؟؟؟

كدة السيدة نجاة وفايزة يزعلوا
واحنا مش قد زعلهم ولا ايه؟؟؟

armendo
13/01/2012, 21h20
استاذنا الأستاذ عادل الكريم
ما هذا الفيض من العطاء يا رجل وما هذا الكرم الحاتمى
والله انا قربت اعيط من الفرحة والله انا شايف ردود افعال تموت من الضحك
واحد من حبايبنا اللى بيعشقوا عبد المطلب دخل غرفته وقفل الباب وقعد يرقص وواحدتانى برضه من حبايبنا
لف الشقة وهو بيجرى ويزغرد والله انت جننتنا يا مولانا ..تسلم الأيادى وربنا يديك الصحة والعافية.
مع ارق تحياتى:emrose::emrose::emrose:
ارمندو:)

salhi_haithem
13/01/2012, 21h55
ايه ياجماعة كل شوية نوتة حلوة لعبد المطلب
وقبلها كان كل شوية نوتة حلوة لليلى مراد

طيب وبعدين يعنى؟؟؟

كدة السيدة نجاة وفايزة يزعلوا
واحنا مش قد زعلهم ولا ايه؟؟؟



السلام عليكم ورحمة الله وبركاته
اخي عمروا شفت حبيبي عملنا تحف تطير العقل و كل مرة يخد فنان و يخرج لنا باقة كاملة من التحف الجميلة و انا معاك انو يتحفنا و يختار مطربين على ذوقه و احنا انشوف اللي سبق و تدون و اللي مازال و كما قلت فيه نجاة و فايزة (والاستاذ عاصم من اشد محبي فايزة) و فيه سيد مكاوي (اه لو يختار لنا الاستاذ عادل باقة جميلة من اغاني او الحان السيد مكاوي) وفيه شادية و وردة و فريد الاطرش و الصبوحة كارم محمود محمد قنديل محمد العزبي محمد رشدي ام كلثوم حليم....
اخوك هيثم

ahmad_alahlawy
13/01/2012, 21h58
يستحق الأستاذ عادل أن يلقب بالنهر الخالد...فهو عطاء متدفق...وفى بعض الاحيان يتخطى مرحلة العطاء العادى الى مرحلة السيول
أستاذ عادل...صراحة هذا الكرم فى العطاء يدفعنى الى بعض الطمع لذا فساطلب بعض الطلبات الجديدة
1-تكرار الطلب بقصيدة نجوى لعبد الوهاب
2-سيرة الحب لأم كلثوم
3-الأطلال لأم كلثوم
4-عاشق الروح لعبد الوهاب
وختاما نسأل الله أن يديم على الأستاذ عادل الصحة و العافية...والعمر الطويل المديد

salhi_haithem
13/01/2012, 22h27
احبائى

واقدم لكم

مقدمة نجوم الليل

تعزفها وتدخل على الباقى من المقدمة
وتكمل النوتة الاولى
وعلى الدوكاه زى ما انتم عايزين
مع اطيب تحياتى
شوفوا بقى شغل اندريا رايدر






السلام عليكم ورحمة الله
تاخرت بحثا عن كلمات تليق باغلى شخص من احبائي ..فوجدت ان حبه لا تقدره عباراتي ..وايقنت انى لا أجـيدُ الـكـلام عنـك ..إلا صَمـتـاً ..ليس نقصـا في حُبـك .. بل نـقصـا حـاداً في الكـلامِ الذي يعبرُ عـنـك
و في نفس الوقت لم استطع ان اسكت بغير ان اشكرك حضرتك على هذا العمل و هذه النوتة العظيمة و التحفة الفريدة
وادعو الله ان يبارك فيك و يحفظك من كل سوء و يجعل هذا العام مليئا بالحب والخير والسعادة لحبيب قلبى ورفيق دربى ونسمة هوايا وشمس صبحى وقمر عتمة ليلى وضحكة عيونى وابى الروحى (عادل صموئيل) واخيرا وليس اخرا ...
لقد التقينا صدفة في المنتدى غرباء واصبحنا اصدقاء وسنظل احباء حتى تصعد الروح الى السماء ...
ابنك هيثم

salhi_haithem
13/01/2012, 22h32
يستحق الأستاذ عادل أن يلقب بالنهر الخالد...فهو عطاء متدفق...وفى بعض الاحيان يتخطى مرحلة العطاء العادى الى مرحلة السيول
أستاذ عادل...صراحة هذا الكرم فى العطاء يدفعنى الى بعض الطمع لذا فساطلب بعض الطلبات الجديدة
1-تكرار الطلب بقصيدة نجوى لعبد الوهاب
2-سيرة الحب لأم كلثوم
3-الأطلال لأم كلثوم
4-عاشق الروح لعبد الوهاب
وختاما نسأل الله أن يديم على الأستاذ عادل الصحة و العافية...والعمر الطويل المديد


السلام عليكم ورحمة الله وبركاته
اخي العزيز احمد الاهلاوي
لك نوتة سيرة الحب من تدوين الاستاذ عادل و كذلك نوتة عاشق الروح
و نوتة الاطلال تدوين الاستاذ طارق
اخوك هيثم

ahmad_alahlawy
14/01/2012, 00h32
وعليكم السلام
اذا حبذا لو يتكرم الأستاذ عادل بتدوين نجوى وكذلك الأطلال مع كل التقدير و الاحترام للأستاذ طارق
السلام عليكم ورحمة الله وبركاته
اخي العزيز احمد الاهلاوي
لك نوتة سيرة الحب من تدوين الاستاذ عادل و كذلك نوتة عاشق الروح
و نوتة الاطلال تدوين الاستاذ طارق
اخوك هيثم

علي ثلاثة
14/01/2012, 07h48
سيد عادل
ألف ألف تحية
وألف ألف سلام
كل من في المنتدى يذكرك بما أنت
أهله-كرم فياض
ووفاء بوعد
وإسعاد أعضاء هذا المنتدىالكريم
أما تدوين مقدمة النجوم
فروعة بالغة وعمل متقن وسار

ويا ليتك تبسط الحديث عن الشغل الذي قام به
أندريا رايدر
فكم قرأنا اسمه
في جينيرك الأفلام الغنائية
وشكرا جزيلا.

salhi_haithem
14/01/2012, 08h45
سيد عادل
ألف ألف تحية
وألف ألف سلام
كل من في المنتدى يذكرك بما أنت
أهله-كرم فياض
ووفاء بوعد
وإسعاد أعضاء هذا المنتدىالكريم
أما تدوين مقدمة النجوم
فروعة بالغة وعمل متقن وسار

ويا ليتك تبسط الحديث عن الشغل الذي قام به
أندريا رايدر
فكم قرأنا اسمه
في جينيرك الأفلام الغنائية
وشكرا جزيلا.


السلام عليكم ورحمة الله وبركاته
شفت الاستاذ عادل عامل فينا ايه و اللهي زي العسل, هو يعلمنا موسيقى و يعلمنا ويعرفنا بالتاريخ و يخلينا نبحث ونستمع و نعرف اغاني, و هذه مكاسب لنا و اللهي قبل ان ادخل المنتدى قبل سنتين كان رصيدي الفني محدود اي اعرف العديد من اغاني ام كلثوم و عبد الحليم وفريد بس , فبعد التحاقي بالمنتدى عرفت الكثير من الاغاني الجميلة لم اكن اعرف او كانت معرفتي بهذه الشخصيات و الاعمال الفنية قليلة و محدودة مثل اغاني كارم محمود محمد قنديل وشادية (التي كنت اعرف 3 او 4 اغاني فقط) و محرم فؤاد و عبد الوهاب الخ...
و البارح من مجرد ذكر اسم اندريا رايدر , و كما قال حبيبي سيد مكاوي ليلة امبارح ماجنيش نوم (و ياريت الاستاذ يدرج هذه التحفة في الطابور) و انا ادور على من هو اندريا رايدر فتبين انو من عظماء زمن الفن الجميل و هذه بعض المعلومات:
أندريـــا رايـــــدر

الاســـم : أندرياس اناغنوستو اسم الشهــرة : أندريـــــا رايـــــدر تاريخ الميلاد : 10 أغسطس 1908 تاريخ الوفـاة : 5 مارس1971 مكان الميـلاد : اليونان مجال الابداع الفنى : التلحين والتوزيع الموسيقى لألحان الاخرين


الســــيرة الذاتيــــة :
الغريب في سيرته الذاتية وحياته قلة المعلومات عنه فيكاد يكون غامضاً ولم ينشر عن حياته الا القليل جداً... ولا نملك في ذلك غير اقتاس ماكتبه الاخرون لحين الوصول إلى معلومات أكثر. لا نعلم تاريخ ظهوره بالتحديد على الساحة الفنية المصرية لكنه في عام 1970 حصل على الجنسية المصرية أعتمد ملحناً(درجة أولى) بالاذاعة المصرية. اثرى الساحة الموسيقية المصرية بكم كبير جداً من التوزيعات للألحان والتي غناها مشاهير المطربين. وأيضاً قام بعمل الموسيقى التصويرية لعدد كبير من الافلام... شارك في مهرجانات عالمية بألحانه وتوزيعاتها منها : في عــام 1969 ببرشلونة. في عام 1970 بطوكيو. في اعوام1970 و1971 بأثينا. حصل على وسام الاستحقاق في الفنون من الرئيس جمال عبد الناصر. اختير احسن مؤلف موسيقى تصويرية في تاريخ السينما في مئوية السينما المصرية. يقال انه أشهر إسلامه ولذلك لحن الانشودة الدينية هايم في حب الله للشيخ الطنانى. قتل اندريا رايدر في مشاجرة في احدى شوارع بيونس ايرس الأرجنتينية سنة 1971 أثناء احدى جولاته الفنية.


اعمـــــــــــــاله :
التوزيع الموسيقى للألحان :
قام بالتوزيع الموسيقى للألحان التي قدمها وغناها كبار المطربين المصريين مثل محمد عبد الوهاب، عبد الحليم حافظ، فايزة.... الخ. قام بتأليف وتلحين بعض اغانى الفرانكو اراب واشهرها (Take me back to Cairo) قام بتلحين اغانى في فترة متأخرة اشهرها أنشودة...هايم في حب الله للشيخ الطنانى.
الموسيقى التصويرية للأفلام قام بعمل الموسيقى التصويرية لعدد 61 فيلما اشهرها :
* دعاء الكروان
* اغلى من حياتى
* النظارة السوداء
* شروق وغروب
* شاطئ الذكريات
* الرجل الثاني
* الحب الكبير
* اللص والكلاب
* بين الاطلال
* السراب
* نهر الحب
قام بعمل موسيقى تصويرية لعدد 6 افلام يونانية اشهرها
* رياح الغضب
* طريق الاقدار
اما بالنسبة لنجوم الليل و هذه المقدمة الموسيقة بدون اي تعليق اولا عمل لنا موجة من نوتات عبد المطلب دوخنا بيهم ثم ختامها مسك بقنبلة من المعيار الثقيل و طار النوم من عيني و ساحكي طرفة
ليلة البارح ماجنيش نوم بعد هذه الباقة وفضلت ساهر و انا اعزف و متمتع الى ساعة متاخرة و نسيت انو يوم السبت الاحتفال بالذكرى الاولى بالثورة المجيدة 14 يناير و انو مافيش شغل, فقمت في الصباح و اتجهت الى الشركة و انا اسرع لكي اضع في المكتب اغاني عبد المطلب و فريد اتمتع بيهم , و عند وصولي الشركة اعلمني الحارس انو مافيش شغل بطبيعة الحال اصابني قليل من الحرج لكن بطبيعة الحال عدت للمنزل فرحا لان ساكمل ما بداته من عزف في الليل...
اخوكم هيثم
اشكرك اخى العزيز هيثم
وأضيف : ان اندريا رايدر كان له الفضل الكبير فى نقل الموسيقى الشرقية التى عشقها ودرسها دراسة مستفيضة الى العالمية ... يعنى كاوروبى وخبير فى الاوركسترالية والتوزيع الاوركسترالى اضاف ابعادا جديدة فى التوزيع للموسيقى المصرية .. وكمثال لا على سبيل الحصر عندك مقدمة نجوم الليل .. بدأ بالتوزيع وكانها موسيقى اوربية ثم دخل على الموسيقى الشرقية وهنا عبقرية .. لأنه المستمع الاوربى بتشده اولا بالموسيقى الغربية التى بيعرفها وبعد عدة جمل يفاجأ بالقانون والجملة الشرقية وهنا قمة الإبداع .. وتميز ايضا اندريا رايدر بالتوزيع على المقام الشرقى وهذا ابداع فى حد ذاته ... لن المقام الشرقى حساس جدا جدا والنغمات نفسها لا تقبل التوزيع بسهولة مثل النغمات الغربية ... بمعنى ان مغمة المى بيمول مثلا طبيعتها ان تكون تآلف وممكن يكون تألف متعدد النغمات . لكن نغمة المى نصف بيمول لا تقبل العتدد معها بسهولة وهنا تأتى العبقرية بمعنى التوزيع الذى يعطى الجملة جمالا على جمالها ولا يفسدها ويضيع نكهتها ... ومن اهم مميزات انددريا رايد استعماله المعجز للوتريات ,, يعنى اغنينا الشرقية العاطفية برومانسيتها تحتاج اكتر للتوزيع بالوتريات .. واسمعوا عصر من اغانى عبد الحليم ومنها اغنى فيلم بنات اليوم ... ومن مميزات اندريا ايضا تفهمه الجيد جدا للبيانو الكلاسيكى ( او استعمال آلة البيانو بذكاء )وده بيفتقر له طل الموزعين المصريين بنسبة 99%
ولكن اندريا الاوروبى الاصل والخبير فى البيانو استطلع ان يقدم جمل البيانو وكانك تسمع كونشيرتو لبيتهوفن لا موسيقى شرقية
مع اطيب تحياتى عادل صموئيل

نور الصباح
14/01/2012, 09h36
[QUOTE=عادل صموئيل;568141]احبائى

بس لو ماكنتوش تحلفوا

اقدم اليكم رائعة عبد المطلب اللى انتم عايزينها

يا حاسدين الناس

مع اطيب تحياتى
* * * * * * * * * * *
* * * * * * * * *
* * * * * * *
* * * * *
* * *
*
الأخ الحبيب والصديــــــــق العزيز البروفيســـــــــــير والمايســــــترو الكبير
عــــــــــــــــــــــــــــــــــادل صموئــــــــــــــــــــــــــــــــــــــــــــــ ــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــــــــــد
لــــم أكـــــــن أتوقـــــــع وجود النوتـــــــة الموسيقية لأغنية الفنان الكبير
=((محمــــــــــــــــــــــــــــــــــد عبد المطلبـــــــــــــــــــــــــــــــــــ))=
بمثـــــل هـذه الســـرعة ( الفمــــــــــــتوثانــــــــية )
فبمجرد الانتهاء من كتابة المشــــــــاركة وطلبت النوتة بعدهــــا بسرعـــــة
رفعت النوتة تقريــــــــــبا - والله أعلم - جنابكـ كنت مدونــها ولا قرأت
أفكارى قبل طلبها ولا كانت مفاجأة وإنت مجهزها ومجضرها
آه آههههههههههههه منكـ ومن شـــــــقاوتكـ
تســـــــلم لـــنا من كل شـر ومن كـل ســـــــــــــــــوء
وياريت بالمرة أغنــــــــية
على خـــــــــــده يــــــانــاس ميت وردة
واقفين حراس بمناهـــــــــــــــــــــــدة
ومنين ينباس يـــــــا أخى دهـــــــــــده
وشكررررررررررررررررررررررررررررررا
أخوكـــــــــــــــــم
نور الصباح

salhi_haithem
14/01/2012, 10h02
[QUOTE=عادل صموئيل;568141]
الأخ الحبيب والصديــــــــق العزيز البروفيســـــــــــير والمايســــــترو الكبير
عــــــــــــــــــــــــــــــــــادل صموئــــــــــــــــــــــــــــــــــــــــــــــ ــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــــــــــد
لــــم أكـــــــن أتوقـــــــع وجود النوتـــــــة الموسيقية لأغنية الفنان الكبير
=((محمــــــــــــــــــــــــــــــــــد عبد المطلبـــــــــــــــــــــــــــــــــــ))=
بمثـــــل هـذه الســـرعة ( الفمــــــــــــتوثانــــــــية )
فبمجرد الانتهاء من كتابة المشــــــــاركة وطلبت النوتة بعدهــــا بسرعـــــة
رفعت النوتة تقريــــــــــبا - والله أعلم - جنابكـ كنت مدونــها ولا قرأت
أفكارى قبل طلبها ولا كانت مفاجأة وإنت مجهزها ومجضرها
آه آههههههههههههه منكـ ومن شـــــــقاوتكـ
تســـــــلم لـــنا من كل شـر ومن كـل ســـــــــــــــــوء
وياريت بالمرة أغنــــــــية
على خـــــــــــده يــــــانــاس ميت وردة
واقفين حراس بمناهـــــــــــــــــــــــدة
ومنين ينباس يـــــــا أخى دهـــــــــــده
وشكررررررررررررررررررررررررررررررا
أخوكـــــــــــــــــم

نور الصباح




السلام عليكم ورحمة الله
اخي العزيز نور الصباح هذه اغنية على خده يا ناس مائة وردة من تدوين الاستاذ طارق
مرفق الملف الصوتي للاغنية
اخوك هيثم

salhi_haithem
14/01/2012, 11h31
السلام عليكم ورحمة الله وبركاته
هذه صورة للاستاذ عادل من حفلة وردة الجزائرية اغنية ياناس لأمش كيده سنة 1983
و عندي نسبة 98 بالمائة من الفيديوات يظهر فيها الاستاذ عادل بكل وضوح و منها حفل للعندليب اغنية زي الهوى و حاول تفتكرني حتى بروفة بعمري كل حبيتك بحظور عبد الوهاب ,شعوري ناحيتك الكويت 1981, العيون السود من حفل الكويت عام 1975, لازم نتفارق..و ساجمع كل هذه الصور من الفيديوات و اضعهم في البوم باسم الحفلات
وعندي سؤال للاستاذ عادل في اغنية لا تقل لي ضاع حبّي


‫ظˆط±ط¯ط© _ظ„ط§ طھظ‚ظ„ ظ„ظٹ ط¶ط§ط¹ ط*ط¨ظٹ _1‬‎ - YouTube (http://www.youtube.com/watch?v=R5RVTfdTxfs)

اردت ان اعرف اسم عازف الكمنجة على يمينيك
اخوكم هيثم


http://www.sama3y.net/forum/attachment.php?attachmentid=279700&d=1326543489

وسام اكرم
14/01/2012, 12h47
الاستاذ الحبيب و الغالي عادل صموئيل المحترم
و الله العظيم سيرة كل عازف في الفرقة الماسية عندي لاتقل اهمية عن كل اغنية استمعت اليها من ادائهم بعض النظر عن اسم الاغنية, و اتمنى ان اعرف على اسمائهم كما عرفت شخصك الطيب الكريم.
في الصورة التي رفعها الاخ الحبيب هيثم يضهر فيها بوضوح حضرتك, و احمد فؤاد رحمه الله, و كذالك محمد كرم, ما شرحت لي في مرة سابقة.
يظهر ايضا صورة لعازف مميز في الفرقة الماسية و يظهر في الكثير من الحفلات من الستينيات و حتى اواخر الثمانينيات, من هوا هذا العازف؟
كما هنالك طلب محرج و على راحتك طبعا؛ اذا كان احد منهم على قيد الحياة هل يمكنك نقل خالص تحياتي و امتناني و سلامي الى اي واحد منهم, بدون مجاملة و لا احراج, بأسم معجب من بغداد و دعائي لك ولهم بالتوفيق و النجاح الدائم انشاء الله.
المخلص
وسام
اخى العزيز
اشكرك
العازف اسمه عصام عبد الحكم
وهو ابن عازف الكونترباص الشهير عبد الحكم عبد الرحمن
وهو عازف كونترباص ايضا
مع اطيب تحياتى عادل صموئيل
----------------------------------------
اشكرك ياستاذي الغالي على المعلومة و الرد, فعلا هذا الفنان يشبه كثيرا عازف الكونترباس الاول في مصر الاستاذ عبد الحكم
مع اطيب امنياتي
وسام

مجتهد مجتهد
14/01/2012, 13h35
الى الاخوة الكرام السلام عليكم فرداً فرداً ولو تكرمتم نوته لفـــــــــــيروز نسم علينا الهوى وتكون نوته مبسطة وألف شكر اً لكم سلفاًhttp://www.samysoft.net/fmm/fimnew/icons1/1/yuiyiuyiy.gif

نور الصباح
14/01/2012, 14h03
[QUOTE=salhi_haithem;568222][QUOTE=نور الصباح;568219]

السلام عليكم ورحمة الله
اخي العزيز نور الصباح هذه اغنية على خده يا ناس مائة وردة من تدوين الاستاذ طارق
مرفق الملف الصوتي للاغنية
اخوك هيثم
* * * * * * * * * * *
* * * * * * * * *
* * * * * * *
* * * * *
* * *
*
أنــــــا ما لـيش دعــــــــــــوة أنـــــــا عــــــــــاوز النـــــــــوتة من تدويــــــــن الأســــــــــــتاذ
عــــــــــــــــــــــــــــــــــادل بــــــاشــــــا صموئـــــــــــــــــــيل
أنــــــــــــا مش عارف أعزف دى
أحســــــن حا أعيـــــــط وأقــــــــول لأمى
لأ لأ ..... أنـــــــا يتـــــــــيم وأمى وأبويا متوفـــــــــيين
علشـان خاطرى يـــا أســـــــــتاذ عادل دون لـــــــنا أغنـية
=(( عــــــــــــــلى خــــــــــــده يــــــــــــاناس ميت وردة ))=
وشكررررررررررررررررررررررا
أخوكــــــم
نور الصباح

عزت شحاته
14/01/2012, 14h12
استاذى الجميل / عادل صموئيل
ايه الحلاوه دى ؟
ايه الطعامه دى ؟
اييييييييييييييييه ؟
معلهش طلبت ( حكيم )
حضرتك عارف انه مغاغاوى
بس بجد هوه دا التعبير اللى جه على خاطرى
============================
الاخ / مجتهد مجتهد
اليك النوتة المطلوبه وهاحاول اكتبها بالانكور وانزلهالك

مجتهد مجتهد
14/01/2012, 14h28
الأخ عزت ألف الف شكر لا تكفي على إستجابتك هذه سلمت يداك وبارك الله فيك وكلك خيرhttp://www.samysoft.net/fmm/fimnew/nehaya/43534534.gif وبركة

ابوكارم
14/01/2012, 14h47
السلام عليكم ورحمة الله وبركاته
اخي عمروا شفت حبيبي عملنا تحف تطير العقل و كل مرة يخد فنان و يخرج لنا باقة كاملة من التحف الجميلة و انا معاك انو يتحفنا و يختار مطربين على ذوقه و احنا انشوف اللي سبق و تدون و اللي مازال و كما قلت فيه نجاة و فايزة (والاستاذ عاصم من اشد محبي فايزة) و فيه سيد مكاوي (اه لو يختار لنا الاستاذ عادل باقة جميلة من اغاني او الحان السيد مكاوي) وفيه شادية و وردة و فريد الاطرش و الصبوحة كارم محمود محمد قنديل محمد العزبي محمد رشدي ام كلثوم حليم....
اخوك هيثم

اخى الحبيب هيثم
انا معك فى كل ما تقول ومشاركاتك كلها جميله وبناءه
ياريت الاستاذ عادل يبدأ ب كارم محمود أو ما يحلو له
الاستاذ الكبير عادل
كل الشكر والاحترام لشخصكم النبيل ولمجهودكم العظيم
فعلا افضت علينا فيض انعش الجميع وجعله يترنح من الفرح
ويتمايل طربا ويسعد فنا ويمتلىء عشقا وودا وحبا
فكيف واين نجد كلمات الشكر التى توفيك حقك
ويكفيك دعاء الاحبه المخلصين..وشكرا
ابوكارم

ابوكارم
14/01/2012, 14h53
استاذنا الاستاذ الكبير / عادل صموئيل
هل عبد الوهاب لم يلحن ل عبد المطلب
او لحن له القليل او اغنيه واحده
هل هذا بسبب ان
عبدالمطلب كان مذهبجى فى فرقة عبد الوهاب؟
ان امكن توضيح هذا الامر
وان لم تجد المعلومه فلا بأس
ولكم خالص شكرى وامتنانى
اخى العزيز
مش مشكلة انه كان مذهبجى . يعنى الناس بتاخد بالفنان لما بيبقى مشهور .. يعنى فيه كذا مطرب شبابى من بتوع اليوم اللى كان بيغنى ورا رقاصة درجة تالتة من شارع الهرم بس طلع وسط الهوجة وبقى مطرب والنهاردة بطلب نص مليون جنيه فى الحفلة .. عبد الوهاب لحن لعبد المطلب بس مش كتير لسبب من وجهة نظرى انا ومعرفتى الوثيقة بعبد الوهاب : ان عبدالمطلب كان بياخد اللحن ولما بيغنيه بيغير فيه بنسبة 70% .. ودى ممكن اى ملحن يوافق عليها لكن عبد الوهاب كان اهم حاجة عنده انك بعد البروفات والتسجيل ما تلعبش تانى فى اللحن لذلك مالحنش لعبد المطلب كتير
مع اطيب تحياتى عادل صموئيل

عادل صموئيل
14/01/2012, 15h02
احبائى
اقدم لكم نوتة

لونجا حجاز كاركور صابر عبد الستار

طلبها الاخ الجديد فى المنتدى جون يوسف

موجودة فى صفحة 527 للى منكم يحب يسكعها

طبعا ى تعبتنى جدا فى التدوين لسبب انها سريعة جدا
وطريقة كتابتها العادية ان ان مؤلفها هو يكتبها بنفسه عشان بيبقى عارف هو عامل ايه او ان حد حافظها جدا جدا بيعزفها ببطء للى حايدونها مازورة مازورة عشان المدون يقدر يستوعبها
المهم انا تحيت نفسى وكتبتها وانتمى ان يستفيد منها الجميه هى تمرين على السرعة
مع اطيب تحياتى
http://t0.gstatic.com/images?q=tbn:ANd9GcTAfb7KkS2GQmTLEhW5NUSHEGsGIebij xY4E5VnnT6AcnEdD9RpWA

john youssef
14/01/2012, 16h04
احبائى
اقدم لكم نوتة

لونجا حجاز كاركور صابر عبد الستار

طلبها الاخ الجديد فى المنتدى جون يوسف

موجودة فى صفحة 527 للى منكم يحب يسكعها

طبعا ى تعبتنى جدا فى التدوين لسبب انها سريعة جدا
وطريقة كتابتها العادية ان ان مؤلفها هو يكتبها بنفسه عشان بيبقى عارف هو عامل ايه او ان حد حافظها جدا جدا بيعزفها ببطء للى حايدونها مازورة مازورة عشان المدون يقدر يستوعبها
المهم انا تحيت نفسى وكتبتها وانتمى ان يستفيد منها الجميه هى تمرين على السرعة
مع اطيب تحياتى


شكرا جدا يا استاذ عادل انا عارف انها متعبة جدا بس حضرتك ادها وقدود والف شكر مرة تانية

عادل صموئيل
14/01/2012, 16h06
ولا تزعل يا استاذ نور الصباح
اقدم لك

على خده ياناس100 وردة
مبسطة لدرجة تخوف يعنى

اتمنى تجبك بس والنبى بلاش عياط عشان قلبى خفيف
مع اطيب تحياتى
http://t0.gstatic.com/images?q=tbn:ANd9GcTNGG03D4xsUxw0LIlCX0QzxznfC5FV1 1SvAzE58JLvwsf0irIWTQ

piano_piano_d
14/01/2012, 16h10
[QUOTE=عادل صموئيل;568271]احبائى

اقدم لكم نوتة

لونجا حجاز كاركور صابر عبد الستار

طلبها الاخ الجديد فى المنتدى جون يوسف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
تسلم الأيادي أستاذنا المُحترم ويا رب دايماً يكون في ميزان حسناتك .

عمرو الهنداوي
14/01/2012, 16h58
استاذ عادل لى سؤال:crazy:

هو ليه القصبقجى ما كا بلحن للمطربين فى الوقت اللى كان فيه
عازف عود مع ام كلثوم؟؟؟

يعنى اتفرغ تماما ولمدة اكثر من عشرة سنوات كعازف عود دون
ان يلحن لحد فى هذة الفترة دى
يعنى ازى راجل قدير زى دة يكتفى انه يكون فقط عازف عود
فى فرقة ام كلثوم وحتى لو كانت ام كلثوم
رفضت لحن له طيب ليه مالحن لناس تانية؟؟
اقصد فترة 1950-1960

برضو معليشى سؤال اخر:)
فى مطرب "خرافة اسمه كمال حسنى"
ازى الراجل دة ماكمل ؟؟
دة راجل صوته هايل جدا ويشبه عبد الحليم جدا فى صوته
وله اغنيتين غاية فى الروعة واحدة اسمها غالى عليا والتانية
اسمها لو سلمتك قلبى وهم بجودة عليا من سماعى

http://www.sama3y.net/forum/attachment.php?attachmentid=248023&d=1298249051

http://www.sama3y.net/forum/attachment.php?attachmentid=248022&d=1298249051

كل التحية
اخى العزيز
اولا السؤالين دول ماكنتش موجود على ايامهم بس من الحوار مع زملائى مع خبرتى الخاصة باللى ممكن يحصل اقول لك
اول بالنسبة للعبقرى محمد القصبجى هو له الحان كتيرجدا ومنهم حاجات قديمة ل ليلى مراد وله لو واضح يعنى اول ماتسمع اللحن تقول ده القصبجى المشكلة انه لما لحن لسمهان ام كلثوم مع ان كان فيه تعامل لعشرات السنين بينهم منعته يلحن لأسمهان واتخانقوا وتركها فترة بس هو كان بيحب ام كلثوم ومايقدؤش يستغنى عنها لذلك تم الاتفاق انه يرجع كعازف عود فى فرقتها ... بس الحاكية دى اعتقد انها كسرت نفسه وسدت نفسه عن التلحين .. وللعلم مكانة القصبجى كبيرة جدا فى الخارج يعنى انا رحت معهد الموسيقى فى تركيا وفى الحديقة الجميلة اللى قدام المبنى موجود تمثال للقصبجى ..
اما كمال حسنى هو كان حلو لما تسمعه .. بس لما مثل افلام كان دمه تقيل اوى والجمهور ماتقبلوش .. هو كان حظه وحش .. يعنى ادواره كانت مكتوبة وحش والحوار مش حلو وده خلاه مايكملش لمصر وهاجر تقريبا راح استراليا
بس هناك ملحوظة ( عشان احب انكم تتعلموا منى كل حاجة ) مشكل المطربين الكبار جدا فى الغنا بيبقى دمهم خفيف كممثلين بإستثناء شادية والوحيدة اللى كانت 100% مطربة و 190% ممثلة لدرجة انها مثلت كذا فيلم كممثلة فقط .
انا فريد وعبد الحليم ووردة انتم عارفين كانوا اصدقائى اد ايه .. بس كان فى التمثيل مش اد الغنا .. لذلك تلاحظ لازم يلزقوا لهم كوميديان عشان يعمل توازى شوية زى عبد السلام النابلسى او اسماعيل ياسين واخيرا عادل امام او فؤاد المهندس
بس برضه تحس انها اسوأ ادوارهم لأنك كنت تحس انهم كانوا بيفتعلوا الكوميديا او الاضحاك مش زى الافلام التانية ( يعنى بيستظرفوا اوى ) لكن كمان كان بيساعد المطرب كاتب الحوار اللى بيكتب للمطرب حوار مقبول بقدر الامكان
بس انا بينى وبينك كنت احبهم مايمثلوش لن الغنا حاجة والتمثيل حاجة
على فكرة عارف لما تكون الحاجة قدامك وانت بتدور عليها ؟
انا عندى كول ايديت من سنوات لما انت قلت لى انى انقص الريت بايت
جربت كانت اغنية على 128 خليت الريت بايت 64 نقص حجمها لأقل من النصف ولكن الجودة مازالت عالية . وجربت خليته 32 بس الجودة قلت شوية
بس طبعا اشكرك لأنك انت اللى قلت لى على الفكرة
مع اطيب تحياتى عادل صموئيل

عزت شحاته
14/01/2012, 17h38
استاذ / عمرو الهندواى
تحيه جامده يا مان
على نكشك للاستاذ ف مواضيع حلوه
وياريت الجميع ينكشوا عشان تستمر الحيويه والروح
وشكل الدنيا دى مسخنه الاستاذ جامد
دومها علينا يــــــــــــــــــــــــــــــــــــارب

عمرو الهنداوي
14/01/2012, 18h12
استاذ عزت ماتقلق
انا حنكشوه كل شوية
اصله كنز الصراحة وعنده خبرة جامدة وبيفهم فى كل حاجة
انا دلوقتى حا حضر له سؤال فى علوم الطيران
بس خايف يجاوبه صح ويطلع بقى كان طيار كمان
علشان عادل صموئيل دة خمسين الف حاجة فى بعض
وماتخاف يا استاذ عزت على البيت الجميل لانه كل الناس
اللى عايشة فيه جميلة كدة زى حضرتك

كل التحية

استاذ عادل
بالنسبة لموضوع تقليل الحجم
صديقى مافى شىء اسمه ضغط ملفات mp3 وينقص الحجم
لانه اصلاا مضغوط ولكن الحل البايت رات ومع التقليل ينقص الحجم والجودة
بس اذا كان الملف اصلاا صوته كويس ونزلت فى الجودة مش حتشعر بنقصان الجودة اوى

كل التحية
اخى العزيز
عايز تسأل ايه فى علوم الطيران ؟
وانا اشكرك على معلومة البايت رات انا اتعلمتها منك
للعلم هى مشكلة الملفات الموسيقية وجودة او رداءة الصوت حصلت او اتكونت من ايام اجهزة التسجيل . يعنى انت لما نتقل شريط كاسيت على شريط تانى عادة ومع المش محترفين بتقل جودة المنقول جدا . لأن فيه حاجات زى مثلا الههيد بتاعة جهاز التسجيل ممكن تكون متاكلة او مش نظيفة وده بيقلل جودة التسجيل كتير وكمان نوع الشريط نفسه وكمان ان ممكن يكون الشريط مستهلك يعنىشغال كتير اوى وابتدا يدوب لما تسجل عليه بتبقى الجودة اقل كتير . حاجة تانية المش محترفين مش بيعرفوا يركزوا فى ظبط الفوليوم يعنى ممكن يكون اعلى او واطى بيشوه التسجيل
ودى مشكلة 90% من التسجيلات اللى بنلاقيها . فى الإذاعة كانت الشرليط بتتنقل من بعض عشرات المرات بس لو سجلت من شريط واخدت النسخ وسجلت منها بعد خمسينمرة تلاقى الجودة هى هى نفس زى الاول وده كان قطاع من الخبراء شغلتهم حكاية الجودة دى وإلا كان تراث الإذاعة كله ضاع
دلوقتى ميزة التسجيل على الكمبيوتر ان ما فيهاش جودة الهيد ولا جودة الشريط نفسه
ودى ميزة خطيرة بس يا خسارة ماكانتش على ايامنا
مع اطيب تحياتى عادل صموئيل

عيسى سعيد
15/01/2012, 09h06
استااذ عادل:emrose:لو تتكرم عندي سؤال عن العلامات الموسقيه بنوته التركيه حيث اني وجد بعض واغلب النوتات التركيه علامة البيمول مقلوبه فماذ تعني هل هي نفس البيمول الشرقي ام دبل البيمول ووجدة ايضاا كثرة الديز وعلامة النصف بيمول كشرقيه والمحير بلامر ايضا وجود البيمول الشرقي والمقلوب فلم اافهم ماهي تلك العلامات المقلوبه
وليت استاذي تشرح لنا ان فاض لك وقت لهذاا:emrose::emrose:
اخى العزيز
انا اقول اللى اعرفه لأن الموسيقى التركية ذات طبيعة خاصة يعنى احنا عندنا تون ونصف تون وربع تون
بمعنى النغمة مى مثلا ونغمة مى بيمول ولها علامة البيمول ونغمة مى نصف بيمول والعلامة المتفق عليلها هى علامة بيمول وفيها شرطة ( زى كل نوتاتى ) والعلامة دى دولية او درسناها فى معاهدنا الموسيقية وكل اخ عربى جه ودرس فى مصر اتعلمها مننا ونشرها فى بلده . وده شىء مهم جدا جدا لن الموسيقى دى لغة دولية .. يعنى لازم فى كل العالم يبقى فيه اشارات ومصطلحات واحدة بحيث انى انا لما ادون نوتة موسيقية اى واحد فى العالم بيعزف موسيقى شرقية ممكن يستعملها وهو فاهم اللى فيها 100% لأنى انا لو عملت علامة وانت مش فاهمها ممكن تعزف النوتة غلط
اما البيمول المقلوبة هى تساوى علامة النص بيمول ودرسناها فى المعاهد الموسيقية بس قالولنا انها مش متداولة فى السوق .. يعنى درسناها من باب العلم بالشىء .. لذلك انا لو كتبت النصف بيمول بهذه الطريقة ممكن ناس كتير مش حايفهموها ...حتى فى البرامج الموسيقية فى الكمبيوتر والتى تدعم تدوين الروف الشرقية انا مرة شفت انه عامل علامة النصف بيمول بيمول مقلوبة البرنامج نفسه ماعجبنيش لنى ما اقدرش اكتب نوتة وهو كدهممكن ناس كتير مش حاتفهمها , واهم مافى الموضوع انك دارس ترتيب البيمولات والدييزات فى الدليل .. يعنى مثلا لو 3 بيمول يبقوا سى ومى ولا كلهم اتجاههم واحد ولو عايزين مى نص بيمول بنحط عليها الشرطة يبقى انت شايف سى ومى ولا والمى منهم نص بيمول اما لو المى نص بيمول اتجاهها مقلوب شكلها ممكن يلخبط العازف
اما بالنسبة للموسيسقى التركية في ها عُرب مختلفة عن العرب المصرية او الشرقية .. يعنى العُرب عندنا بتبقى فى حدود نفماتنا يعنى النغمة مى مثلا ومى بيمول ومى نصف بيمول يعنى العازف بيلعب فى حود النغمات دى ..
فى الموسيقى التركية العازف فى العُربة ( او المطرب ) ممكن بيعمل بصوته نغمة زيادة يعنى ربع بيمول ومن هنا تأتى اللخبطة لينا لن الربع بيمول لازم يكون مكتوب .. بس عشان ماتلخبطش نفسك اعملها سماعى احسن
والإحساس بربع التون عندنا موجود جدا فى معظم موسيقانا اما ثمن التون صعب علينانستوعبه كتابيا فمن الميتحسن اننا بنعملها بالأذن سماعى يعنى .... لأن اهم شىء زى ماقلت عدم اللخبطة يعنى انا سمعت عازفين اتراك بيعزفوا ام كلثوم بس فيها نكهة الثمن تون بس اكيد بتضيع نكهتها
مع اطيب تحياتى عادل صموئيل

salhi_haithem
15/01/2012, 10h31
السلام عليكم ورحمة الله وبركاته
سؤال استاذ عادل في اغنية لا تقل لي ضاع حبّي اردت ان اعرف اسم عازف الكمنجة على يمينيك
ولقد رفعت الفيديو في الصفحة 533
اخوكم هيثم

اخى العزيز
كان اسمه : أ / نبوى ابراهيم وكان مايسترو فرقة رضا الموسيقية بتاعة محمود رضا
ويليه على يمينه : الاستاذ سعيد هيكل وكان عازف ايضا فى فرقة ام كلثوم وكان عميد معهد المويسقى العربية
ويليه الاستاذ محمد القصبجى وهو ابن اخو الموسيقار محمد القصبجى
مع اطيب تحياتى

عادل صموئيل
15/01/2012, 10h39
احبائى

بعد الوجبات الدسمة اقدم لكم وجبة خفيفة
من روائع الفاناة شادية

مين قال لك تسكن فى حارتنا

الاغنية دى من نوع الاغنية المضحكة او المونولوج
واهم ما بتثبته شوفوا التهريج او الضحك ايام زمن الفن الجميل كان فيع طرب اد ايه وكمية شغل اد ايه
ولو قارنتها بشغل اليومين دول تلاقى الاغنية المرحة او المضحكة بيبقى نص كلامها منحط ( او بيئة بالتعبير الحديث )
زائد ان اللحن بيبقى اى حاجة
ومن اهم العناصر او الاسباب اللى كانت بتخلى كل الأغانى على درجة عالية جدا من الجودة ان زمان كان فيه حاجة اسمها حفلات اضواء المدينة .. كان الحفلة بيبقى فيها على الاقل 3 نجوم كبار يعنى عبد الحليموشادية وفايزة احمد مثلا وعلى الاقل خمس فقرات من نجوم الصف الثانى يعنى كارم محمود وعبد العزيز محمود ومحمد قنديل وغيرهم
وهنا كان اهم شىء ان لمكا تسمعهم كلهم فى حفلة واحدة لازم تكون المستويات متقاربة ... عشان ماتحسش ان ده كبير اوى وده قليل اوى ودى كانت من اهم مميزات الزمن الجميل يعنى ما تقدرش تقول على واحد انه فنان من غير مايكون على درجة معينة
عايز اقول حاجة انا فى بيتى ماعنديش نوت بتاتاً .. يعنى اى نوت بنزلها بكون كاتبها حالا ... حتى زمان ايام الكتابة باليد كان بيبقى عندى نوت باقية او اصول النوت اللى بيقلم الرصاص كانوا اصدقائى وحبايبى بييجوا يكنسوها اول باول .. انا لما بحب اعزف حاجة بعزفها سماعى مش بحتاج النوت إلا للشغل مع غيرى
ولو حصل انك تطلب نوتة وتلاقيها نازلة بعد ساعة بتكون اغنية صغيرة من اللى بحبهم اوى وهى بتنده لى تقول لى اكتبنى حالا
مع اطيب تحياتى

عيسى سعيد
15/01/2012, 10h41
:emrose::emrose:ياسلام عليك استاذ عادل شرحت فكفيت واستوفيت ولك مني قبله على جبينك
اخى العزيز
انا بكون سعيد جدا لما العملومات بتوصل بسهولة
واحب اضيف لكم معلومة عامة مهمة .. موضوع المصطلحات العالمية ده اهم واخطر شىء فى بعض العلوم منها الموسيقى وفهمناها ؟ ومنها علوم الطيران يعنى فيه لغة تخاطببين الطيار وهو بيقود الطائرة من اول ما بيتحرك فى المطار وهو فى الجو بتتلقفه مراكز مراقبة ومتابعة ارضية لحد مايوصل المطار اللى هو رايح له .. وهنا الحوار كله بيبقى بلغة عا لمية مالهاش علاقى بلغتك الاصلية يعنى انت واونت راكب الطائرة انت لما تنظر من النافذة مش بتشوف غير السحاب تحتك . أه لوتعلم ما حولك ؟؟ يعنى فى المكان اللى انت فيه ممكن يكون فيه حواليك عشرين طائرة تحتك وفوقك وجنبك على ارتفاعات مختلفة ومسافات محددة .. المحطة الارضية بيبقى فيها رادار هم بيشوفوا كل الطيرات دى وهم اللى بيكلموا الطيارين يعنى بيقول له اطلع فوق كذا والطيار التانى انزل تحت كذا يعنى هم اللى بيحددوا مسافات الأمان بالنسبة للطائرات .. افرض طيار من فنزويلا ومركز المراقبة او المطار سعودى مثلا .. لا ده بيفهم فنزويلى ولا ده بيعرف سعودى .. انما الحوار بينهم مفهوم 100% لن فيه لغة تخاطب عالمية فى العالم كله وإلا ماكنت طيارة توصل سليمة .. نفس الحكاية فى الطب والمصطلحات الطبية ... بس الذكاء فى الدراسة ... انك بتذاكر او بتدرس المعلومات اللى تهمك فقط .. بحيث ان الواحد ما يملاش مخه بحاجات عمره ما حايستعملها والمعاوكمات تتلخبط فى بعض
يعنى تذاكراوى اللى بتستعمله واللى مش حاتستعمله ممكن تعرفه من باب العلم بالشىء .. وللعلم دى من اهم عيوب التعليمفى الدول العربية انهم بيملوا مخ التلميذ بأشياء اكتر من استيعابه بمعنى انه بيدرس 900 كتاب مش بيتعلم منهم حاجة والطالب بيطلع متعلم 10% , اما فى اوروبا وامريكا بيجمع المعلموات اللى انت محتاجها فى عشر كتب ظراف لطاف بحيث انك تصبح متعلم 100%
مع اطيب تحياتى عادل صموئيل

salhi_haithem
15/01/2012, 10h55
السلام عليكم ورحمة الله وبركاته
سؤال استاذ عادل في اغنية لا تقل لي ضاع حبّي اردت ان اعرف اسم عازف الكمنجة على يمينيك
ولقد رفعت الفيديو في الصفحة 533
اخوكم هيثم

اخى العزيز
كان اسمه : أ / نبوى ابراهيم وكان مايسترو فرقة رضا الموسيقية بتاعة محمود رضا
ويليه على يمينه : الاستاذ سعيد هيكل وكان عازف ايضا فى فرقة ام كلثوم وكان عميد معهد المويسقى العربية
ويليه الاستاذ محمد القصبجى وهو ابن اخو الموسيقار محمد القصبجى
مع اطيب تحياتى


سلام و احترام
و اللهي منور الشاشة و الفرقة و اللهي قطعة زمرد او لؤلؤة جميلة في فرقة ماسية
و شكرا على الشرح و التوضيح وشكرا على نوتة على خدة 100 وردة و اغنية شادية و لو انك يا استاذ عادل حتعمل لنا باقة لشادية و انو الريشة حطت اليومين على شادية, قول و انحنا نكتبلك ما دون من قبل لكي لا تدون اغاني سبق ان دونتها
وشكرا اخوك هيثم

salhi_haithem
15/01/2012, 12h11
السلام عليكم ورحمة الله وبركاته
سؤال تقني هل اغنية ليلة امبارح مقام روحاني اي سيكاه هزام و شكرا
اخوكم هيثم

ابوكارم
15/01/2012, 13h41
الاستاذ عادل
شكرا جزيلا على نوته شاديه مين اللك
ونوته سماعى حجازكاركرد
المود بتاع حضرتك فين(لمين من المطربين) حاليا؟
لك الشكر والاحترام

ابوكارم
15/01/2012, 16h27
ايها الاخوة الاحباء اليكم نبذه عن الفنان كارم محمود وهو من مواليد16مارس22 والعبد الفقير الى الله ابوكارم--اسمى كارم محمود من مواليد 16 مارس 54

كارم محمود:

الدولة مصر
سينما معلش يا زهر
لسانك حصانك
عينى بترف
الأبناء السفير محمود كارم محمود
كارم محمود (16 مارس 1922 - 15 يناير 1995) مطرب وملحن كبير احتل مكانة متميزة بصوته الجميل الحاد، والمكانة الفنية المحترمة على مدى تاريخ طويل في الوسط الفني، وقد لقبه جمهوره بالكروان الطيب لمايتمتع به من حلاوة الصوت وهدوء طبعه ودماثة خلقه، عمل كارم محمود مع كبار أهل الفن والموسيقى والتلحين والغناء في مصر، مع كامل محمود، محمود الشريف، محمد الموجي، محمد سلطان، ورياض السنباطي ومن أغانيه الشهيرة سمرا يا سمرا، والنبي يا جميل، على شط بحر الهوى، أمانة عليك، عنابي، يا أنا يا العزال.
محتويات :
1 البداية
2 الإذاعة
3 من اغانيه
4 السينما
5 وفاته



ولد كارم محمود في 16 مارس 1922 بمدينة دمنهور بمحافظة البحيرة، وكان والده يعمل في التجارة، وأثناء التحاقه بالمدرسة الابتدائية عمل كارم محمود في محل رفا. ويقال انه قد نقل حلاوة الصوت عن والده الشيخ أبو ريا قارئ القرآن.
ذهب كارم محمود في عام 1938 للقاهرة ليلتحق طالبا بالفرع المدرسي بمعهد الموسيقى العربية وحصل على الدبلوم عام 1944، وكان يرعاه فنيا آنذاك مصطفى بيك رضا رئيس المعهد ومستشار الإذاعة المصرية. وبناء على توصية المستشار رضا التحق بفرقة الأنغام الذهبية واشترك في تسجيل الأغاني الوطنية، ثم سجل أغنية محلاها الدنيا مع حياة محمد وهبي[1]، كما أن كارم محمود تدرب على غناء التراث على يد معلمه محمد حسن الشجاعي رئيس قسم الموسيقى والغناء، وعمل أيضا في تلك الفترة مع الشيخ فؤاد محفوظ ودرويش الحريري وصخر علي وآخرين..
الإذاعة:

بعد نجاحه مع فرقة الأنغام الذهبية أعطته الإذاعة فرصة الغناء منفردا والتلحين أيضا وقد أسندت إليه البطولة الغنائية لأكثر البرامج الإذاعية شهرة في ذلك الوقت، ولعلّ أجمل هذه البرامج في الأربعينات والخمسينات والستينات كانت بفضل هذا الثّلاثي: عبد الفتّاح مصطفى /أحمد صدقي /كارم محمود. وكان تميز صوته بالحدة سببا في اختياره لبطولة العديد من الأوبريتات مثل أوبريت العشرة الطيبة لـ سيد درويش من تأليف محمد تيمور، وأوبريت "ليلة من ألف ليلة" لبيرم التونسي وأحمد صدقي.[2] وقد لمع صوته بين الأصوات الكبيرة التي كانت تتسيد الغناء في مصر تلك الأيام، فوجد مكانته بين محمد قنديل وإبراهيم حمودة ومحمد الكحلاوي وغيرهم من عمالقة الغناء العربي في تلك الفترة من الزمن. ونتيجة لذلك أصبح كارم محمود فنانا مطلوبا من الكبار فطلبته المطربة بديعة مصابني للغناء معها.
استمر كارم محمود في تقديم أغانيه على مدى نصف قرن لم يفقد فيها رونقه كمطرب وملحن.
من اغانيه:

امانة عليك يا ليل طول
والنبى يا جميـــل حوش عنى هواك
على شــط بحر الهـــوى
سمره يا سمره
عنابى عنابي
حوش عنى هواك
يا حلو ناديلى
داره قصاد دارى
امجاد ياعرب
ايدك في ايدى
يافايتني فحيرة
يا بو العيون السود
يانا يالعزال
السينما:

شارك كارم محمود في بطولة 20 فيلما كان أولها فيلم بعنوان "ملكة الجمال" للمخرج نيازي مصطفى وغنى في الفيلم " آن الأوان يا زمان" آخرها فيلم بعنوان "ثأر بايت".[1]
و نذكر منها أيضا:
شادية الوادى (1947)
ورد شاه (1948)
نص الليل (1949)
عينى بترف (1950)
معلش يا زهر (1950)
جزيرة الأحلام (1951)
ليلة غرام (1951)
فايق ورايق (1951)
خبر أبيض (1951)
نور عيونى (1954)


توفي كارم محمود في يناير 1995.

نور الصباح
15/01/2012, 18h43
الأخ الحبيب والصديــــــــق العزيـــــــــــز المايســـــــــــترو الكبــــير
الأســـــــــــــــــــتاذ البروفيســــــــــــير
عـــــــــــــــــــــــــــــــــادل بــــــــــاشـــــــــــــا صموئــــــــــــــــــيل
سلام الله عليكم ورحمته وبركاته
وبعــــــــــــــــــــــــــــــــــــد :
أنـــــــــا عارف إنه فى هــــــــذه الأيـــــــــــام شـــــــــعرة الفن حاضرة
وعلى ســـــــــــنجة عشـــــــــرة -والغزالـة رايقــــة وآخـــــــــــــــــر
روقـــــــــــان والمزاج عـــــــــــالى عـــــــــــــالى عـــــــــــــــــالى
وأغـــــــــانى الفـنانة العظيمــــــــــة ( شـــــــــــــــــــــــــــــاديـــــة )
مشعشـــعة فى نخاشــــيش النخاشـــــــــيش
فيــــاريت تــدون لــنا أغنــــية شــــــــــــــــــادية
=(( اللى بيعـشـــــــــــــق لـيه يبـــــــــــان هــواه فى عنــــــــــــــيه ))=
=(( يــــــــامجربيـــــــن الهـوى العـــــشق ســـــــــــــــــره إيــــــــه ))=
وشكرررررررررررررررررررررررررررررررررررررررررررررا
أخوكـــــــــــــــــــــم
نور الصباح

عزت شحاته
15/01/2012, 18h49
استاذى الجميل / عادل صموئيل
بما ان المزاد راسى على شاديه ممكن اطلب
اغنية (الو الو احنا هنا ) الدويتو الرائع
واهو ينفعنا فى حفلات النجاح
واللى ما بنعفشى نقدم فيها غير وحياة قلبى وافراحه

RABAB ZEAN
15/01/2012, 19h20
:emrose:رائع يا أستاذ تسلم ايدك و ربنا يخليك لينا دائما أعمالك نور رائع للجميع
http://www7.0zz0.com/2012/01/15/21/882908588.gif

salhi_haithem
15/01/2012, 19h34
السلام عليكم ورحمة الله وبركاته
اضم صوتي الى اخوتي كي تكون الباقة القادمة لشادية
و انا اضيف الى قائمة شادية كل من اغنية شبك حبيبى و القلب معاك ثانية بثانية و آخر ليلة و القصة اني لم اكن اعرف هذه الاغاني الجملية حتى الى ان سمعتهم من عزف الاستاذ عادل فاعجبوني كثيرا و شكرا كذلك على عزفك اغنية حسن يا خولى الجنينة قمة في الروعة و الرومنسية اللحنية... و لمن يريد التمتع بعزف الاستاذ عادل فيتبع الرابط من هنا (http://www.sama3y.net/forum/showthread.php?t=46963&page=31) ..
وفيه اغنية جميلة جدا لياسمين الخيام و هي اغنية محمد يارسول الله ياريت يا استاذ تضعها في الطبور و انا استغربت انو احد من الاخوة لم يطلبها الى حد الان بحكم معرفتهم الاغاني الجميلة
شكرا اخوكم هيثم

armendo
15/01/2012, 20h53
اخى العزيز هيثم
انا عندى نوتة القلب معاك لشاديه بخط اليد لو تحب ارفعها لك الى ان يدونها الأستاذ عادل فقط اعلمنى.
مع ارق تحياتى
ارمندو

اخى العزيز ارمندو
ممكن ترفعا جايز تبقى حلوة وتمشى معاهم وتوفر لى الوقت
يعنى لو نوتة موجودة وتكون سهلة للجميع طبعا انا اوفر الوقت واكتب حاجة تانية
مع اطيب تحياتى عادل صموئيل

عادل صموئيل
15/01/2012, 21h43
احبائى
اقدم لكم
من اروع اغانى ششادية

شبك حبيبى

مع اطيب تحياتى

http://www.bhnebras.net/up/uploads/images/BH-6d5e5154ca.jpg

مجتهد مجتهد
15/01/2012, 23h01
http://www.samysoft.net/fmm/fimnew/shokr/1/4c8fd56bchetw4.gif

piano_piano_d
15/01/2012, 23h02
احبائى

اقدم لكم
من اروع اغانى ششادية

شبك حبيبى

مع اطيب تحياتى

http://www.bhnebras.net/up/uploads/images/BH-6d5e5154ca.jpg

ــــــــــــــــــــــــــــــــــــــــــــــــــ ــــــــــــــ
الله الله الله الله على الذوق الراقي الجميل ، بجد أغنية رائعة وتسلم إيدك يا أستاذنا ويا رب يحفظك من كل سؤ .... مليون ألف شكر .

عاصم المنشاوى
16/01/2012, 03h14
الاصدقاء
صباح الخيرعليكم جميعا
اجمل التهانى للأصدقاء فى "تونس" الخضراء...وخاصة الصديق هيثم ابو الأمورة "آلاء"....والحقيقة انا مش ملاحق...نفسى اتقطع...الأستاذ /عادل بيجرى بسرعة "التوربينى"....وده اسرع قطار فى مصر....الله الله ياسيدى ...والله بخاف عليك من الحسد....

(بعد بكرة احلى مادمت الثورة مستمرة)

غواص النغم
16/01/2012, 12h28
استاذ عادل لى سؤال:crazy:

هو ليه القصبجى ما كانش بلحن للمطربين فى الوقت اللى كان فيه
عازف عود مع ام كلثوم؟؟؟

يعنى اتفرغ تماما ولمدة اكثر من عشرة سنوات كعازف عود دون
ان يلحن لحد فى هذة الفترة دى
يعنى ازى راجل قدير زى دة يكتفى انه يكون فقط عازف عود
فى فرقة ام كلثوم وحتى لو كانت ام كلثوم
رفضت لحن له طيب ليه مالحن لناس تانية؟؟
اقصد فترة 1950-1960



الموسيقار القصبجي لم يتوقف عن التلحين للمطربين والمطربات
فمثلا لحن لفايدة كامل نشيد يا دعاة الحق (http://www.sama3y.net/forum/showpost.php?p=151413&postcount=86) من كلمات رامي وكان عايز تغنيه ام كلثوم ولكنها فضلت عليه نشيد مصر التي في خاطري للسنباطي
وذهب لحنه الي فايدة كامل
ولحن لفايدة ايضا لست انسي (http://www.sama3y.net/forum/showpost.php?p=154608&postcount=94)
ولنازك ولسه يا قلبي 1959 (http://www.sama3y.net/forum/showpost.php?p=563265&postcount=128) و قصيدة يا قلب ليتك (http://www.sama3y.net/forum/showpost.php?p=2542&postcount=6)

وشهرزاد غنت له نويت احبك (http://www.sama3y.net/forum/showpost.php?p=328819&postcount=156) واغنية ياللي تحب الحياة (http://www.sama3y.net/forum/showpost.php?p=38425&postcount=33)
واغنية بتحب ليه وبتشكي ليه (http://www.sama3y.net/forum/showpost.php?p=501200&postcount=187)
ولاسماعيل شبانة قصيدة احلام الجزيرة (http://www.sama3y.net/forum/showpost.php?p=154609&postcount=54)
ولسعاد محمد يا أرق من النسمة واغنية الله ع الحب (http://www.sama3y.net/forum/showpost.php?p=26089&postcount=25)
هذه امثلة
وهنا ستجد قائمة بها حصر لاعمال القصبجي :
http://www.sama3y.net/forum/showthread.php?t=8770

:emrose:تحيتي:emrose:[/COLOR]

غواص النغم
16/01/2012, 12h50
استاذ عادل ياريت تزور موضوع
صور عازفى الفرقة الموسيقية لأم كلثوم
http://www.sama3y.net/forum/showthread.php?p=568568#post568568
لان الاخ salhi_haithem وضع لك مشكورا صورة في الموضوع
ورد عليه الاخ بشير الانس _ من محبي ام كلثوم _وقال له ان الاستاذ عادل عمل في الفرقة الماسية وليس من ضمن عازفي فرقة ام كلثوم
ياريت تكتب مشاركة هناك وتوضح وخاصة لمحبي كوكب الشرق
متى بدأت العزف مع ام كلثوم وفي اي عام بالتحديد ؟
والاغنيات التي قدمتها معها
وايضا تسجيلات ام كلثوم في الاستديو ماهي الاغنيات التي سجلتها مع ام كلثوم في الاذاعة

:emrose::emrose:

وسؤال اخر لماذا ام كلثوم تقوم بعمل تسجيل للاذاعة يعني استديو ؟ هل الملحن هو الذي يطلب منها التسجيل
او انها متفقة مع الاذاعة في العقد انها لازم تسجل تسجيل استديو ؟
وهل كل اغنياتها اتسجلت استديو او اسطوانة ؟ يعني من غير تسجيلات الحفلات اللي ممنتجة وتتباع في الكاسيت او السي دي
وهل ام كلثوم في الاستديو بتغني اللحن كما يريد الملحن ام ممكن بتقوله بطريقتها "تكلثمه يعني"

:emrose:تحيتي:emrose:
اخى العزيز
انا عزفت مع ام كلثوم من سنة 1970 وكانت اول اغنية ودارت الايام وما بعدها
اما سؤالك عن تسجيل الإذاعة ده موضوع احاول اختصره
اى مطرب كبير لما بيعمل اغنية كان لازم يسجلها فى الإذاعة او على الاصح بتكون الإذاعة هى منتجة الاغنية , وشركة صوت الفن او صوت القاهرة ( بالنسبة لأم كلثوم) بتكون شريكة مع الإذاعة فى انتاج الاغنية .. ومن هنا لابد ان كل الاغانى لازم تتسجل فى الإذاعة .. ومن هنا لما الإذاعة بتدفع حق الغناء للمطرب والملحن والمؤلف بتبقى صاحبة حق شرعى فى إذاعة اللحن فى الراديو بعد ذلك ..بعدين شركة صوت القاهرة بتاخد التسجيل وبتعمله شرائط واسطوانت بس كمية محدودة والشرائط دى بتتباع فى نفس يوم اول حفلة تغنى فيها ام كلثوم الاغنية , بس فيه ملحوظة ان حلاوة ام كلثوم بتبقى وسط الجمهور يعنى لو قارنت تسجيل الاستديو بتسجيل الحفلة حاتلاحظ ابداع اكتر 100 مرة لأن الجمهور بيعمل جو كبير .. والملحوظة الثانية والمهمة ان يوم الحفلة كان فيه مقصورة فى سبنما قصر النيل مجهزة كأستديو تسجيل والإذاعة هى صاحبة الحق الوحيد فى تسجيل الحفلات .. كما ان مهندس صوت الإذاعة هو اللى بيضع الميكروفونات والسماعات على المسرح .. يعنى انت لو حضرت اى حفلة من اللى كانت بتذيعهم الإذاعة زمان كنت تدفع نص عمرك عشان تسمع من حلاوة الصوت وكان زمان الصوت فى السماعات جميل ومنخفض يعنى بتسمع بمزاج كانك بتسمع من راديو من المحترمين بتوع زمان . بعكس هذه الأيام لو حضرت حفلة ترجع من كتر الضجيج تفضل مريض اسبوع . ومن اهم المميزات اللى انا شخصيا كنت بتمتع بيها زمان من انخفاض الصوت كنت على المسرح بسمع نفسى وانا بعزف وبسمع كل العازفين اللى جنبى وبسمع المطرب واستمتع بيه .. فى حفلاتى الأخيرة فى الدوشة والضجيج كنت على المسرح بحس انى فى ورشة يعنى مش سامع الإيقاع كويس وده اخطر شىء لأن الفرقة لازم انت تكون سامع كل قطاع فيها وبالذات الإيقاع .. لننا كلنا بنمشى عليه وفى الضجة ممكن الكمنجات ما يسمعوش الإيقاع ويمشوا مع نفسهم
مع اطيب تحياتى عادل صموئيل

elarabi
16/01/2012, 13h15
نعم اخي هيتم ليلة البارح في مقام الهزام المي سيكاه

salhi_haithem
16/01/2012, 17h58
السلام عليكم ورحمة الله وبركاته
شكرا اخي غواص النغم على اللفتة الجميلة
و للاخوان الكرام لمن يريد ان يمتع عينيه بالاستاذ عادل باشا عميد المنتدى.. المايسترو عادل مع اضخم فرقة و يأدي اجمل ما غنت ام كلثوم اغنية اغدا القاك و هو جالس بجانب عازف الغيتار عمر خورشيد... و بداية من الدقيقة الثانية و 2 ثواني بيكون الاستاذ عادل واضح و الكاميرا مركز على الغيتار و بجانبه الاستاذ عادل
اتركك مع الفيديو ‫ط£ظ… ظƒظ„ط«ظˆظ… - ط£ط؛ط¯ط§ظ‹ ط£ظ„ظ‚ط§ظƒ - ظƒط§ظ…ظ„ط©‬‎ - YouTube (http://www.youtube.com/watch?v=zZ2pvaKE2cU)
اخوكم هيثم

عادل صموئيل
16/01/2012, 19h15
احبائى
ومع شادية
اغنية كانت بتستخدم جدول الضرب

خمسة ف ستة

كان اى تلميذ فى اى سنة ايتدائى تسأله 5×6 يقول لك 30
اسأله 6×7 مايعرفش
لو كانت شادية غنت كل جدول اضرب كانت حاتختلف
مع اطيب تحياتى

http://www.iraqup.com/up/20100501/JP72u-aL2k_101076344.gif

ابوكارم
16/01/2012, 19h40
احبائى

ومع شادية
اغنية كانت بتستخدم جدول الضرب

خمسة ف ستة

كان اى تلميذ فى اى سنة ايتدائى تسأله 5×6 يقول لك 30
اسأله 6×7 مايعرفش
لو كانت شادية غنت كل جدول اضرب كانت حاتختلف
مع اطيب تحياتى

http://www.iraqup.com/up/20100501/JP72u-aL2k_101076344.gif

الاستاذ/ عادل
نعجز عن الشكر
ولك منا كل الاحترام
ابوكارم

علي ثلاثة
17/01/2012, 07h28
أيها الفاضل
السيد عادل
شكرا جزيلا على هذه النفائس
التي تتحفنا بها
وبهذه الوتيرةالقياسية
وبما أن النجمة التي تسطع في سماء
هذا المنتدى في هذه الفترة هي السيدة شادية
فإن من أجمل ما لحن لها خالد الذكر
محمود الشريف
الأغنية الجميلة جدا
حبينا بعضنا
فهل تنال حظها من التدوين
ونضيفها إلى أعمالك المتميزة
وشكرا جزيلا مرة أخرى

علي ثلاثة
17/01/2012, 07h32
‫ط´ط§ط¯ظٹط© .......... ط*ط¨ظٹظ†ط§ ط¨ط¹ط¶ظ†ط§‬‎ - YouTube (http://www.youtube.com/watch?v=VTsCb-ZfIVQ)

armendo
17/01/2012, 08h39
اصدقائى واحبائى الأساتذة :
فؤاد العلمى,وسام اكرم,وائل علوى لا اسكت الله لكم حسا وارجو اسمع عنكم خيرا ان شاء الله.
مع ارق تحياتى
ارمندو

وسام اكرم
17/01/2012, 10h11
حبيب قلبي و صديقي العزيز ارمندوا, الاستاذ الغالي و الرائع عادل صموئيل, الاحبة و الاصدقاء نور الصباح, عزت شحاتة, عاصم المشاوي, محمد سويفي, الاخوات العزيزات بيانوا, رباب........... و اخشى ان انسى اسم فيزعل البعض؛
كل يوم و بدون استثناء ازور المنتدى و اتابع كل نوتة جديدو و مشاركة, و لم انتقطع يوما و الاهم لن انتقطع عن هذا المنتى الى اخر يوم في حياتي, لانه اصبح جزء من عائلتي و بدون مبالغة او مجاملة. اشكرك جدا على السؤال و انا دائما معكم بمشية الله عز و جل
مع اطيب امنياتي
وسام

منذر عبود
17/01/2012, 13h12
أخي د :وسام أكرم أعتقد بأن من تشير إليه ليس الأستاذ الغالي على قلوبنا جميعا عادل صموئيل لأن الصورة عام 1971 أي عمره كان وقتها عشرون عاما وهذه ليست صورة شاب عمره عشرين عاماألا توافقني بذلك

ابوكارم
17/01/2012, 13h25
اخى الفاضل الدكتور/ منذر
الحمد لله انك رجعت للمنتدى بين اخوتك واحبائك
بعد طول غياب وفترة انقطاع فقد افتقدنا اراءك
ومشاركاتك القيمه
اخى بيت الشعر هذا جميل جدا هو من الشاعر وما اسم القصيدة ان امكنك ذلك والا فلا
وشكرا

منذر عبود
17/01/2012, 14h19
اخى الفاضل الدكتور/ منذر
الحمد لله انك رجعت للمنتدى بين اخوتك واحبائك
بعد طول غياب وفترة انقطاع فقد افتقدنا اراءك
ومشاركاتك القيمه
اخى بيت الشعر هذا جميل جدا هو من الشاعر وما اسم القصيدة ان امكنك ذلك والا فلا
وشكرا

أخي أبو كارم تحية من القلب لك ولكل أعضاء النادي أنا مثلك لاأستطيع أن يمر يوما دون أن أعرج على المنتدى وعزوفي عن المشاركة بسبب الأوضاع المحيطة فلقد فقدت العديد من المعارف والأقارب استشهدوا على أيدي المسلحين لايمر أسبوع دون تشييع شهداء أما بيت الشعر فهو لعنترة والكلام المأثور تحته لمارتن لوثر كينغ

salhi_haithem
17/01/2012, 15h51
أخي أبو كارم تحية من القلب لك ولكل أعضاء النادي أنا مثلك لاأستطيع أن يمر يوما دون أن أعرج على المنتدى وعزوفي عن المشاركة بسبب الأوضاع المحيطة فلقد فقدت العديد من المعارف والأقارب استشهدوا على أيدي المسلحين لايمر أسبوع دون تشييع شهداء أما بيت الشعر فهو لعنترة والكلام المأثور تحته لمارتن لوثر كينغ


السلام عليكم ورحمة الله وبركاته
اخي العزيز دكتور منذر اسال الله ان يزيل كرب سوريا ويعيدها الى الاستقرار
اما بالنسبة للصورة فهي للاستاذ عادل و قد تكلم عن حفلة اغدا القاك في قسم الايكة الكلثومية
اخوك هيثم

salhi_haithem
17/01/2012, 16h00
احبائى
ومع شادية
اغنية كانت بتستخدم جدول الضرب

خمسة ف ستة

كان اى تلميذ فى اى سنة ايتدائى تسأله 5×6 يقول لك 30
اسأله 6×7 مايعرفش
لو كانت شادية غنت كل جدول اضرب كانت حاتختلف
مع اطيب تحياتى





السلام عليكم ورحمة الله وبركاته
استاذي و اخي الاستاذ عادل شكرا لما قدمت و كالعادة حرفية في التدوين
و انت ذكرت و قلت لو كانت شادية غنت جدول الضرب فالامور ستختلف.. و انا ابحث في اغاني شادية بالصدفة وجدت اغنية اسمها "واحد زائد واحد" وهي عبارة على عمليات جمع و طرح و هي اغنية مضحكة نوعا ما لاني وحسب ضني لم يتطرق اي مغني لهذه الفكرة ان يبدا اغنية بالتعداد ثم يصبح موضوع الاغنية عن الثورة
اخوك هيثم

salhi_haithem
17/01/2012, 16h10
أستاذي العزيز عادل صموئيل
مساء الخير عليك وعلى كل الزملاء الأفاضل الفنانين الموجودين بالمنتدى
وكل عام وأنت طيب وبألف خير وصحة وسعادة بمناسبة عيد الميلاد المجيد ودائما معانا ومع أحبائك في هذا المنتدى
أنا قرأت ردك جيدا وأحب أن أقول لك أني لست منتجا ولا أفهم في مسألة الطباعة ولا النشر ولا التوزيع أنا محب للفن وبلعب عود هاوي مش أكثر، وأود أن أقول أنك تمتلك ثروة من الحكايات والذكريات الجميلة عن زمن الفن الجميل، تلك الذكريات التي عشتها بنفسك وشاركت فيها أو سمعتها من زملائك، وهذه الحكايات هي كنز جميل وكبير يمكن حضرتك لا تشعر بأهمية هذه الحكايات والذكريات لأنها ملكك أنت وأنت تختزنها في نفسك، ولكني أنا وأعتقد أني وباقي أعضاء المنتدى المحبين لك وللفن الجميل يهمهم أن تبقى هذه الذكريات وأن تخرج للنور ونقرءها جميعا ونتركها لأولادنا من بعدنا، عشان كده وبغض النظر عن أي مكسب مادي أو توزيع أو غيره أنا فكرت في أن طباعة كتاب يحمل ذكرياتك الفنية عن زمن الفن الجميلة هو مهمة وطنية في المقام الأول، ونحن نرى ونسمع عن أشخاص يمكن شاف عربية أم كلثوم معدية من أمامه مرة واحدة بيروح ينسج حولها حكايات وأساطير ، ويكتب مذكراته مع أم كلثوم، وأنت الذي عايشتها فترة وكنت تشاهدها بنفسك عن قرب وتسمعها مباشرة وتعزف ورائها ، فأنت فعلا أحق بأن تكتب شيء للتاريخ وللذكرى ولنا ولأبنائك ومحبيك، أقول لك حتى لو أنت قمت بكتابة هذا الكتاب وأنا أتكفل بطباعته ألف نسخة توزع على أعضاء المنتدى مجانا وبعدها لو أراد أحد الناشرين شراء حق النشر يبقى خير، ولو لم يبقى نحن قدمنا عمل وطني حافظنا فيه على تراث قد لا يمكننا تعويضه مرة ثانية، فكلنا في النهاية مصرينا إلى لقاء ربنا والباقي من بعدنا هو كتاب تضع فيه كل ما لديك من مخزون الذكريات، وكفاية راح مننا المجمع العلمي واحنا واقفين نتفرج،
ولا اخفيك سرا كم تأثرت بكلامك مؤخرا عن احتضار الفن وأنه يلفظ أنفاسه الأخيرة وهل هيتم هدم تمثال أم كلثوم، فحتى لو هذا حصل فأم كلثوم لها تمثال في قلب كل مصري وكل عربي.
قد تكون مهمة شاقة عليك أن تكتب كتاب ولكني مستعد لمعاونتك فأكتب أنت وأنا ممكن أراجع ورائك من الناحية اللغوية.
فالمسألة جد مهمة أرجو أن تفكر فيها بعيدا عن الناشرين فنحن سنطبع في مطبعة بدون ناشر أو موزع، وإذا جاء ناشر أو موزع فيما بعد فأهلا وسهلا وخير، وإن لم يأتي فأنت تكون حفظت ذكرياتك وحكاياتك الفنية الجميلة عن زمن الفن الجميل بين دفتي كتاب وحفظت على جزء مهم من تاريخ هذا الوطن وأسعدت تلاميذك ومحبيك .

أشكرك على سعة اصدر وأسف على الاطالة ولكني فعلا أرى أنها فرصة لابد من الحفاظ عليها، وأخيرا أدعو لك بالصحة والسعادة لك ولأسرتك الكريمة .

تحياتي
أشرف محفوظ
اشكر شعورك الجميا اخى اشرف وحافكر فى الموضوع
وكل عام وانت بخير
مع اطيب تحياتى
عادل صموئيل




السلام عليكم ورحمة الله وبركاته
اخي اشرف محفوظ اليك و الى كل الاخوان مرفق ذكريات الفرقة الماسية مع الاستاذ عادل صموئيل (http://www.sama3y.net/forum/attachment.php?attachmentid=279971&d=1326779157)
ارجوا ان تتمتعوا بهذا الكم الهائل من المعلومات و الخبايا و الخفايا عن زمن الفن الجميل
وشكر موصول الى الاستاذ منذر عبود الذي جمع كافة الحلقات من التاريخ الماسي مع الاستاذ عادل في ملف واحد
اخوكم هيثم

salhi_haithem
17/01/2012, 16h15
الاصدقاء
صباح الخيرعليكم جميعا
اجمل التهانى للأصدقاء فى "تونس" الخضراء...وخاصة الصديق هيثم ابو الأمورة "آلاء"....والحقيقة انا مش ملاحق...نفسى اتقطع...الأستاذ /عادل بيجرى بسرعة "التوربينى"....وده اسرع قطار فى مصر....الله الله ياسيدى ...والله بخاف عليك من الحسد....

(بعد بكرة احلى مادمت الثورة مستمرة)


السلام عليكم ورحمة الله وبركاته
اخي العزيز على قلبي الاستاذ عاصم المنشاوي شكرا على المرور و على الكلمة الطيبة
اخوك هيثم

elgien
17/01/2012, 16h38
استاذى المبجل

الاستاذ عادل صموئيل

لك منى كل الاحترام والتقدير وبعد ..............

عندى استفسار صغير عن ام كلثوم

مثلا اغنية بعيد عنك قالتها ام كلثوم من البياتى

من طبقة صول دييز


ودى طبعا طبقة غريبة شوية

السؤال بقى

1- ليه ام كلثوم مثلا ما قلتش من الصول او من ال لا مع انهم قريبين مش بعيد عليها

2- الطبقات دى بتبقى صعبة جدا فى عزفها على الات الوتريات

فى الحالة دى الفرقة الماسية كانت بتعمل ايه

فى انتظار رد سيادتك عليا
الاخ العزيز
طبعا انا بسعد جدا بأسئلتكم وبالذات الفنية
عمر ما حد بينزل الطبقة نصف تون لأنها حاتعمل مشكلة فى العزف
ام كلثوم غنت بعيد عنك من درجة لا عزفاً لكن على الطبقة الصغيرة يعنى انت عندك تسمعها صول ومشكلة انك احينا ممكن تستعمل تسجيل تلاقى الاغنية من لا بيمول او صول دييز بتبقى خطا تقنى من نقل الشرائط على اجهزة تانية ودى انا اتكلمت عنها كتير قبل كده .. يعنى كانت بتحصل ايام استعمال شرائط الكاسيت .. بمعنى انت لو عندك جهازين تسجيل كاسيت ووضعت شريط على جهاز منهم تلاقى الطبقة من صول وتضع نفس الشريط على الجهاز الثانى تلاقى الطبقة بقت منخفضة نصف تون وذلك لأن الاجهزة سرعتها مش مضبوطة على بعض ودى مشكلة خطيرة جدا .. وكانت بتحصل مع اجهزة التسجيل اللى مش الماركات العالمية الموثوق بها .. ولما تنقل الشريط على جهازين بهذه الكيفية بتحصل المشكلة دى .. وهنا لما يتداول الريط من يد ليد بيتداول وتنوه مش مضبوط .. وفيه حاجة علمية وفنية تخليك تتفهم ليه الطبقة ماتنزلش نصف تون ابداً على الطبيعة او فى الفرقة .. انت لو عازف آلة وترية ممكن تخفض تون الآلاة كلها بالقدر اللى انت ترغب فيه .. لكن على الآلات الثابتة تحصل مشكلة خطيرة .. يعنى الاكورديون لما يكون الحن من لا هو ممكن يعزفه منصول ما تحصل مشكلة لكن لو حب يعزفه من صول دييز حاتحصل مشكلة وبالذات فى النتغمات الشرقية يعنى النصف بيمول والنصف دييز مش حايلاقيها على الآلة فى هذا الوضع
زائد فيه معلومة مهمة :: اى مطرب لما يذهب إلى ملحن ويطلب منه انه يلحن له لحن اول شىء لو الملحن والمطرب لم يتعاملوا مع بعض من قبل بيبقى الملحن مش عارف المساحة الصوتية للمطرب .. هنا الملحن لازم يخلى المطرب يغنى له اغانى من المتداولة بحيث يعرف منه مساحته الصوتية .. يعنى انا عرفت ان المطرب الفلانى صوته بيتخنق عند نغمة رى اللى فى المسافة الرابعة هنا وانا بعمل اللحن ببعد عن الحرف ده مش بوصل له بحيث ان المطرب يغنى وصوته مستريح
مع اطيب تحياتى عادل صموئيل

عاصم المنشاوى
17/01/2012, 17h09
,وكمان سؤال للمايسترو/عادل بك

بما اننا فى الرائعة"شادية"....عندى سؤال على أغنية "والله يازمن "...ودى مدتها اقل من دقيقتين..لأنها كانت مقدمة مسلسل"نحن لانزرع الشوك"...احد مسلسلات رمضان 1968...السؤال بقى....الكمنجات عاملة خلفية متكررة....دى اسمها ايه بالمصطلح الموسيقى...وحرف ايه ده انا فشلت اطلعه...فا دييز ...ولا مى بيمول....وبيتعزف ازاى على العود لطشة ولا عفقة ولا حرفين هما مع بعض...وأزاى ع الكمنجة...وواضح انه بيتغير فى "والله يازمن"...التكرار التانى....كأن من يسمع الكمنجات ...:كأنها واحد بينهنه - صوت البكاء المتقطع المكتوم...طبعا احدى علامات بليغ حمدى فى مشواره ...كانت تيمة غريبة قوى ...لذا النجاح كان ساحق...الأغنية دى حفلة جميلة قوى وواضح تجاوب الجمهور ...لكن للأسف فى المنتدى مش بتتحمل .
اخى العزيز عاصم باشا
النغمة المتكررة دى هى عبارة عن نغمة مى نص بيمول بس بيعمل عليها حلية سريعة
تخليها تبقى فامى رى مى وانا عامل لك لها شكل فى المرفقات
وهى بتعتبر خلفية على الموال مالهاش اسم فى المصطلحات العلمية لأنها من اختراع المصريين ومش موجودة فى الموسيقى الاوربية عشان كده مالهاش إسم
اما الجزء اللى بتقول الكنجات بتتهته فيه الملحن بيقول قولوها كده يعنى بيعمل هو حركة والكمنجات تقلدها وبرضه التفعيلة بتبقى اختراع مصرى
وعشان اخلص ضميرى كل المصطلحات او الاسماء العلمية بتبقى اصلا اوربية
يعنى مثلا المطرب لما يقول موال او ادليب وتحس الفرقة ماسكة معاه نغمة طويلة زى لا اول صول او حسب اساس المقام والنغمة تستمر وراه لحد ما يخلص
دى موجودة فى الموسيقى الغربية واسمها بدال نوت Pedal note . واحنا بنتداول الإسم ده لأننا واخدينه فى المعاهد .. لكن الحركة اللى هنا سميها شقاوة او ابداع
بس هى ماتطلعش على العود حلوة لأن الحروف الثلاثة الاولى منها سرعة جدا يعنى على الكمنجة بتبقى حركة قوس واحد والاصابع بتتحرك ورا بعضها بسرعة اوى
وللعلم سبب سرعتها العالية دى هو اللى بيخليك تحتار النغمة ايه اصلا
يعنى هى فا مى رى مى والمى نصف بيمول والرى دييز
وبترجع الحركات دى لحاجة قلتها كتير قبل كده : تخيل لما يكون متواجد كل الملحنين الكبار فى نفس العصر اكيد كل واحد بيعمل حركة او حاجة مش تقليدية بحيث الالحان تطلع مختلفة ويبان شطارة فلان من فلان .. وانت لما تسمع كل لحن حتلاقى كل لحن فيه حاجة كده غريبة
مع اطيب تحياتى عادل صموئيل

ahmad_alahlawy
17/01/2012, 17h17
الأخ الجن:
من باب التوفير على الأستاذ عادل أستأذنك فى أن اجيب أنا
هناك 3 احتمالات:
1-اما ان الالة لديك اوتارها مرخية قليلة...وهو الاحتمال الأقرب صراحة لأن جميع التسجيلات لدى من الحسينى و عندما كنت أحفظ الأغنية سماعى قبل اكثر من عامين كنت أعزف مع التسجيل و عودى كان مضبوط على الطبقة الكبيرة و ليس النصف
2-ان التسجيل لديك مخفوض الطبقة بنصف تون
3-أن هذا الحفل طلبت أم كلثوم تخفيض طبقة الأغنية بمقدار نصف تون...وهو ما لا أعتقده لأن أم كلثوم كثيرا ما غنتها من طبقتها الأصلية و كذلك الأغنية لا توجد بها جمل مرتفعة تجعلها تطلب تخفيض الطبقة
تحياتى
استاذى المبجل


الاستاذ عادل صموئيل

لك منى كل الاحترام والتقدير وبعد ..............

عندى استفسار صغير عن ام كلثوم

مثلا اغنية بعيد عنك قالتها ام كلثوم من البياتى

من طبقة صول دييز


ودى طبعا طبقة غريبة شوية

السؤال بقى

1- ليه ام كلثوم مثلا ما قلتش من الصول او من ال لا مع انهم قريبين مش بعيد عليها

2- الطبقات دى بتبقى صعبة جدا فى عزفها على الات الوتريات

فى الحالة دى الفرقة الماسية كانت بتعمل ايه


فى انتظار رد سيادتك عليا

وسام اكرم
17/01/2012, 17h29
الاخ العزيز د منذر المحترم
تحية طيبة و أرجوا ان تكون بالف خير انشاء الله. قدر تعلق الامر بالصورة, هذه ليست المرة الاولى التي اشير بها الى الفنان الكبير أ/ علدل صموئيل. في مشاركات سابقة كان جالس بقرب محمد كرم, النبوي ابراهيم, ميشيل المصري, نصر عبد النصف, و اخر مرة كانت بقرب فنان اسمه حسان عبد الملك. اذا كانت لديك صور اخرى لشخصة الكريم, ارجوك ان ترفعها مع التقدير
وسام

المنير
17/01/2012, 17h38
السلام عليكم
أستاذ الأساتذة السيد المحترم عادل صموئيل.
أهدي إليك صورة صممتها بالفوتوشوب أرجو ان تعجبك.
صورة أخرى هنا (http://http://www.sama3y.net/forum/showthread.php?t=69977&page=2)
لي طلب عندك.
أرجو أن تحكي بين الفينة و الأخرى أسرار و كواليس البروفات مع السنباطي و محمد عبد الوهاب و أم كلثوم.....
و بالخصوص زيارتك للمغرب مع الفنانين المصريين في عهد الملك الراحل الحسن الثاني.
أرجو معرفة رأي الأخ المحترم عمرو هنداوي في موضوع *مذكرات عادل صموئيل* على المنتدى.

elgien
17/01/2012, 18h26
الأخ الجن:
من باب التوفير على الأستاذ عادل أستأذنك فى أن اجيب أنا
هناك 3 احتمالات:
1-اما ان الالة لديك اوتارها مرخية قليلة...وهو الاحتمال الأقرب صراحة لأن جميع التسجيلات لدى من الحسينى و عندما كنت أحفظ الأغنية سماعى قبل اكثر من عامين كنت أعزف مع التسجيل و عودى كان مضبوط على الطبقة الكبيرة و ليس النصف
2-ان التسجيل لديك مخفوض الطبقة بنصف تون
3-أن هذا الحفل طلبت أم كلثوم تخفيض طبقة الأغنية بمقدار نصف تون...وهو ما لا أعتقده لأن أم كلثوم كثيرا ما غنتها من طبقتها الأصلية و كذلك الأغنية لا توجد بها جمل مرتفعة تجعلها تطلب تخفيض الطبقة
تحياتى


جزاك الله كل خير يا احمد على ردك على سؤالى

بس المشكلة عندى مش فى الالة لانى الاول بعزف الاغنية من خلال برنامج كومبيوتر زى الاورج بالضبط ونغماته مضبوطة تمام

كمان لما بزبط الة الكمان الخاصة بى بتونها على برنامج تيونر على الكومبيوتر بيدينى صوت النعمة مزبوط ولا زايد ولا ناقص


كمان فى حاجه اغنية بعيد عنك لقيتها بياتى صول دييز ولقيت اغنية انساك من راست سى بيكار

مش عارف ممكن العيب يكون فى التسجيلات عندى ناقصة نص تون كلها ولا ايه السبب

كمان انا جربت ودوزنت الة الكمان عندى اقل نص تون من الدوزان الشرقى وعزفت الاغانى مع التسجيل طلعت فعلا الاتوان اللى انا بقولها دى مزبوطة كدا

اخى العزيز
انا رديت على سؤالك فوق فى مشاركتك ارجو تضطلع عليه
بس اكرر انساك من دو على الطبقة الصغيرة يعنى تتسمع من سى بيمول
والعيب بيأتى من نقل الشرائط وللعلم النهارده فيه برامج كمبيوتر بتزود وتنقص البيتش بتاع الاغانى بمعنى انا مثلا لو عايز اكتب اغنية زى انساك والاقى التسجيل من سى بيكار اكيد حاتضايقنى اولا وثانيا حاتطلع صعبة ماحدش بيعرف يقراه ا لذلك ان بفتحها على برنامج البيتش واخليها على المكان المريح فى الكتابة لى والمريح فى القراءة لكم
ومن حسن حظكم انهكم تعيشون فى عصر الكمبيوتر .. يعنى انا حاليا بستخدم برامج كان زمان بنعانى من المشاكل دى
مع اطيب تحياتى عادل صموئيل

عمرو الهنداوي
17/01/2012, 18h44
أرجو معرفة رأي الأخ المحترم عمرو هنداوي في موضوع *مذكرات عادل صموئيل* على المنتدى.[/QUOTE]

اخى المنير اشكرك على السؤال
بس اتمنى تحدد لى النقاط التى ترغب منى ابداء رايى فيها
بخصوص مذكرات استاذ عادل
كل التحية

ahmad_alahlawy
17/01/2012, 18h53
اذا اما أن التسجيل الذى لديك مخفوض الطبقة
أو ان فى الأغنية قاموا بخفض الطبقة نصف تون
يخبرنا الأستاذ عادل بالخبر اليقين عند دخوله

جزاك الله كل خير يا احمد على ردك على سؤالى

بس المشكلة عندى مش فى الالة لانى الاول بعزف الاغنية من خلال برنامج كومبيوتر زى الاورج بالضبط ونغماته مضبوطة تمام

كمان لما بزبط الة الكمان الخاصة بى بتونها على برنامج تيونر على الكومبيوتر بيدينى صوت النعمة مزبوط ولا زايد ولا ناقص


كمان فى حاجه اغنية بعيد عنك لقيتها بياتى صول دييز ولقيت اغنية انساك من راست سى بيكار

مش عارف ممكن العيب يكون فى التسجيلات عندى ناقصة نص تون كلها ولا ايه السبب

كمان انا جربت ودوزنت الة الكمان عندى اقل نص تون من الدوزان الشرقى وعزفت الاغانى مع التسجيل طلعت فعلا الاتوان اللى انا بقولها دى مزبوطة كدا

اخى العزيز
انا رديت على سؤالك فوق فى مشاركتك ارجو تضطلع عليه
بس اكرر انساك من دو على الطبقة الصغيرة يعنى تتسمع من سى بيمول
والعيب بيأتى من نقل الشرائط وللعلم النهارده فيه برامج كمبيوتر بتزود وتنقص البيتش بتاع الاغانى بمعنى انا مثلا لو عايز اكتب اغنية زى انساك والاقى التسجيل من سى بيكار اكيد حاتضايقنى اولا وثانيا حاتطلع صعبة ماحدش بيعرف يقراه ا لذلك ان بفتحها على برنامج البيتش واخليها على المكان المريح فى الكتابة لى والمريح فى القراءة لكم
ومن حسن حظكم انهكم تعيشون فى عصر الكمبيوتر .. يعنى انا حاليا بستخدم برامج كان زمان بنعانى من المشاكل دى
مع اطيب تحياتى عادل صموئيل

elgien
17/01/2012, 18h57
اخى العزيز
انا رديت على سؤالك فوق فى مشاركتك ارجو تضطلع عليه
بس اكرر انساك من دو على الطبقة الصغيرة يعنى تتسمع من سى بيمول
والعيب بيأتى من نقل الشرائط وللعلم النهارده فيه برامج كمبيوتر بتزود وتنقص البيتش بتاع الاغانى بمعنى انا مثلا لو عايز اكتب اغنية زى انساك والاقى التسجيل من سى بيكار اكيد حاتضايقنى اولا وثانيا حاتطلع صعبة ماحدش بيعرف يقراه ا لذلك ان بفتحها على برنامج البيتش واخليها على المكان المريح فى الكتابة لى والمريح فى القراءة لكم
ومن حسن حظكم انهكم تعيشون فى عصر الكمبيوتر .. يعنى انا حاليا بستخدم برامج كان زمان بنعانى من المشاكل دى
مع اطيب تحياتى عادل صموئيل
[/SIZE][/QUOTE]

استاذ عادل صموئيل الف شكر لحضرتك وجزاك الله عننا كل خير
اعتذر عن تكرار سؤالى لانى مااخذتش بالى من رد حضرتك فى الاول

لكن عندى سؤال اخر ارجو منك ان تتكرم بالاجابة عليه
ارجو منك شرح موضوع الطبقة الصغيرة ؟؟؟؟؟

ahmad_alahlawy
17/01/2012, 19h03
كتبت الرد السابق قبل أن يقوم الأستاذ عادل بالتوضيح
وله كل الشكر على سرعة الافادة

ابوكارم
17/01/2012, 19h15
أخي أبو كارم تحية من القلب لك ولكل أعضاء النادي أنا مثلك لاأستطيع أن يمر يوما دون أن أعرج على المنتدى وعزوفي عن المشاركة بسبب الأوضاع المحيطة فلقد فقدت العديد من المعارف والأقارب استشهدوا على أيدي المسلحين لايمر أسبوع دون تشييع شهداء أما بيت الشعر فهو لعنترة والكلام المأثور تحته لمارتن لوثر كينغ

اخى د. منذر
معذرة لقد اثرت شجونك
البقاء لله- سبحان من له الدوام
نحتسبهم شهداء عند الله
اسال الله ان يفك كرب مصر وكرب سورية
وباقى البلاد ان شاء الله
ابوكارم

ahmad_alahlawy
17/01/2012, 19h20
الأخ الجن:
طبقات العزف ثلاث:
1-الطبقة الكبيرة...وهى الطبقة الأصلية للأتوان
2-طبقة النصف تون...وفيها نقوم بارخاء اوتار الالات بمقدار نصف تون....ونادرا ما يستخدمها أحد
3-الطبقة الصغيرة...وفيها نقوم بارخاء الاوتار تون كامل...اى نقوم بتخفيض الطبقة الصوتية بمقدار تون...وتستخدم فى حالة وجود حروف مرتفعة الدرجة فى اللحن قد لا يستطيع المطرب قولها او يقولها ولكن دون ارتياحية...أم كلثوم مثلا كل أغانيها من بعد عام 1950 من الرى أو الدو أو السى النصف بيمول ستجدها من الطبقة الصغيرة
مع أنى لا زلت لا أفهم لماذا طلبت خفض بعيد عنك بتون كامل بينما الأغنية لا توجد بها حروف عالية...واذا كان على لمس الكردان فى بداية القفلة...فى الحب كله أم كلثوم تقوم بلمس الكردان عدة مرات
الأخ العزيز
هو مفيش مشكلة او إجراء خاص بالذات لأغنية بعيد عنك حياتى عذاب
الموضوع ان كلثوم من سنة 1950 خلت الفرقة تضبط طبقة صغيرة , بعدين كل الشغل اتعزف على الطبقة الصغيرة بغض النظر عن النغمات العالية او امنخفضة .. الطبقة الصغيرة بتخلى صوت الكمنجات فيه طرب وحنان اكتر .. يعنى انت لما تسمع موسيقى مقدمات ام كلثوم ليه بتحس بطرب عالى جدا جدا غير اى مطرب تانى ؟ بسبب الطبقة الصغيرة
وللعلم فرقة الموسيقى العربية بقيادة الميسترو عبد الحيم نويرة كانوا بيضبطوا طبقة صغيرة لن فيها طرب شرقى اكتر
مع اطيب تحياتى عادل صموئيل

عادل صموئيل
17/01/2012, 21h05
احبائى
اقدم لكم لون تانى من اغانى الفنانة التى لن تتكرر شادية
هى كانت بتشهتر بأغانى الخفيفة
هنا نقدم الطرب الشرقى الأصيل

آخر ليلة

مع اطيب تحياتى بس خلوا بالكم من فروق الرسعات

http://t1.gstatic.com/images?q=tbn:ANd9GcTaStuuLE_luCshop5roXu1zHZ2lO-6l1ZRQ3T7-fJC1O0xt1gU

عادل صموئيل
17/01/2012, 21h38
احبائى
وكمان اقدم لكم

حبينا بعضنا

والتميز فى الاغنية دى انى دونتها فى عشر دقائق
مع اطيب تحياتى

http://files2.fatakat.com/2011/3/12989352301604.gif

ahmad_alahlawy
17/01/2012, 21h42
بالفعل الطبقة الصغيرة تعطى طربا و شجنا اكثر أكثر...وعن نفسى احب العزف منها وكثيرا ما قمت بالعزف منها
ولكن أستاذى...الا ترى ان الطبقة الصغيرة مع الحان ترتكز على درجات منخفضة مثل بياتى الحسينى فى بعيد عنك ....قد تؤدى الى خنق صوت المطرب...حيث قد يهبط الى درجات منخفضة كالغاية...على سبيل المثال فى هذه ليلتى ام كلثوم تقول جمل من اليكاه...اى انها فى الطبقة الصغيرة تصل الى قرار الفا...الا يكون هذا متعبا للغاية؟
الأخ العزيز
هو مفيش مشكلة او إجراء خاص بالذات لأغنية بعيد عنك حياتى عذاب
الموضوع ان كلثوم من سنة 1950 خلت الفرقة تضبط طبقة صغيرة , بعدين كل الشغل اتعزف على الطبقة الصغيرة بغض النظر عن النغمات العالية او امنخفضة .. الطبقة الصغيرة بتخلى صوت الكمنجات فيه طرب وحنان اكتر .. يعنى انت لما تسمع موسيقى مقدمات ام كلثوم ليه بتحس بطرب عالى جدا جدا غير اى مطرب تانى ؟ بسبب الطبقة الصغيرة
وللعلم فرقة الموسيقى العربية بقيادة الميسترو عبد الحيم نويرة كانوا بيضبطوا طبقة صغيرة لن فيها طرب شرقى اكتر
مع اطيب تحياتى عادل صموئيل

اخى العزيز
ماتنساش انى قلت اهم حاجة فى التلحين ان الملحن اولا لازم بيتعرف على المساحة الصوتية للمطرب
وكلمة المساحة الصوتية ده موضوع مهم جدا جدا .. بمعنى انا لما اقول ان فلان بيغنى مثلا لنغمة مى اللى فى المسافة الرايعة .. دى مش معناها نغمة مى هذه فقط ولكن ممكن يوصل ل 3 نمغات بعدها .. لكن نغمة مى بتمثل الحد اللى بيكون صوته مازال فى قمة تألقه .. نفس الحكاية فى النغمات المنخفضة يعنى عندك مثلا وردة فى اغنية يا اهل الهوى كانت بتنزل تحت المدرج وتوصل لنغمة فا وصوتها مازال فى كامل قوته ... من هنا الملحن لما بيعمل اللحن بيراعى ان المطرب بيكون مستريح فى نغمات اللحن ... والموضوع ده كان مهم جدا جدا زمان لن كان بيتحسب على المطرب كل نغمة فى اللحن ... بعكس هذه الايام تلاقى المطرب المشهور لو اللحن فيه 900 نغمة مثلا ممكن يغنى منهم 500 نشز ونغمات عالية مش بيقدر يوصل لها وتعدى ونغمات منخفضة نفس الموضوع
يعنى عندك كارم محمود مثلا كان آخر لحظة فى عمره ممكن يوصل لنغمة صول اللى فوق المدرج
نفس الموضوع بالنسبة للعازف يعنى الملحن اللى بيفهم مش ممكن يعمل لحن يعرقل العازف العادى .. وعلى الناحية الاخرى لو توفر له عازف متميز بيستغله
هى العملية اهم حاجة فيها الذكاء مع اطيب تحياتى عادل صموئيل

armendo
18/01/2012, 00h06
استاذنا الأستاذ عادل
اشكرك وتسلم ايديك على آخر ليله وحبينا بعضنا وارجو ان تضع اغنية مخاصمنى بقالو مده فى اعتبارك فهى تبلور شقاوة صوت شادية وهى ايضا اغنية دمها خفيف .
مع ارق تحياتى
ارمندو

عاصم المنشاوى
18/01/2012, 06h13
الأصدقاء
صباح الخير عليكم

حد عنده من فضلكم نوتة أغنية شيرين.."ماشربتش من نيلها"....عم أحمد "نور الصباح"...سامعنى ياباشا...طب معندكش ع الكمبيوتر ياعمرو بك الهندواى

عمنا /الأستاذ عادل
530 صفحة فى خمسين مرة شكرا يساوى 26500 شكرا ياجميل

عزت شحاته
18/01/2012, 07h14
الغالى / عاصم المنشاوى
النوتة اللى عندى ويارب تعجبك

علي ثلاثة
18/01/2012, 07h52
السيد و الأستاذ عادل
ألف شكر على هذا الكرم الأسطوري

كونك تدون حبينا بعضنا في 10 دقائق
هذا مش كتير على همتك كما تقولون
باللهجة المصرية وكذلك ليس غريبا
منك وأنت بهذه الكفاءة العالية

ومما لفت انتباهي أن هذا المنتدى أصبح يجمعنا
كأسرة واحدة وبدأت الميول المتشابهة تظهر جليا
فمثلا لاحظت أن ذوقي يتماشى وذوق الفاضل الأخ

أرمندو
فيكفي هذا المنتدى فخرا أنه يجمعنا في الود والوئام
ودمت في صحة وعافية وسائر الإخوان

اخى العزيز
اشكرك على تقديرك , الموضوع انا شخص شفاف يعنى لما فيه اغنية بتتعبنى فى التدوين بقول ولما تكون اغنية سهلة جدا بقول
الموضوع ان اغنية حبينا بعضنا تنتمى للأغانى السهلة جدا جدا تدوينا بالنسبة لى اولا لنى سامعها وحافظها يمكن اكتر من 40 سنة وعزفتها بالطبع عشرات المرات تانى شىء انها مفيهاش مشاكل تحتاج إلى تفكير , يعنى فى مقام البياتى مقدمة جملة واحدة ومذهب وكوبليه بيتكرر كذا مرة وفيه صبا
خلصت كده .. يعنى مافيها ادليب بيحتاج منى ازاى يتظبط فى الكتابة وهذا لازم افكر فيه شوية عشان اكتبه بأسهل ما يمكن او ما فيهاش ايقاعات مختلفة زى مثلا الحب كله .. وتميز اللون ده من الغناء وبالذات فى الافلام ان المشاهد بيستوعب الاغنية كلها وبيحفظها لما يشوفها اول مرة .. يعنى عندك مثلا اغانى ام كلثوم .. كانت بتعيد المقطع فى اول حفلة 4 مرات ده عشان المستمع يستكشف الاغنية ومافيها لكن كان المستمع عشان يحفظ الاغنية ويستمع بها كان لازم يفضل يسمعها طول الشهر طول النهار . وكانت متعة المستمع الحقيقية فى الحفلة الثانية يعنى بيبقى حفظ الاغنية وبيتابع معاها ومع الفرقة حرف حرف
وجديد بالذكر ان اغانى زمان شوف كمية الطرب اللى فيها اد ايه ومع صغر حجمها مش ممكن خلال ال 30 سنة الماضية تلاقى اغنية فيها كمية الطرب دى وشوف جملة المقدمة الموسيقية اد ايه حلوة
مع اطيب تحياتى عادل صموئيل

عمرو الهنداوي
18/01/2012, 11h59
الأصدقاء
صباح الخير عليكم

حد عنده من فضلكم نوتة أغنية شيرين.."ماشربتش من نيلها"....عم أحمد "نور الصباح"...سامعنى ياباشا...طب معندكش ع الكمبيوتر ياعمرو بك الهندواى

عمنا /الأستاذ عادل
530 صفحة فى خمسين مرة شكرا يساوى 26500 شكرا ياجميل

استاذ عاصم انت لسه عايز الاغنية ولا النوتة
اللى نزلها استاذ عزت تفى بالغرض:)

armendo
18/01/2012, 12h32
اخى وصديقى العزيز على ثلاثه
انا سعيد جدا بهذا التشابه في الأذواق واعتقد انه نابع اساسا من كوننا ننتمى الى جيل واحد مشبع الطرب الأصيل والذى يعمل منتدانا هذا على تكريسه في وجدان الأجيال الجديدة التى لم يسعفها الحظ ان تتواجد فى نفس المناخ الذى عشنا فيه انا وانت والأستاذ عادل وغيرهم ممن هم من نفس جيلنا, والحقيقة ان الأستاذ عادل له الفضل الأكبر فى ايصال تلك الدرر من الأغانى والمطربين الذين تعايشنا معهم واشبعونا طربا وفنا راقيا وذلك بفضل تدويناتة الرائعة والسهلة واستقطب من خلالها الكثير من الشباب الذين يهوون الموسيقى والعزف على الألآت المختلفة ..اخى الكريم لقد اصبحت صفحة طلبات النوتة هى الملتقى اليومى والمقصد الأول لكل عشاق الوسيقى والعزف من الهواة ومدرسى الموسيقى الذين وجدوا فى الأستاذ عادل الأخ والصديق والأستاذ الذى لا يضن عليهم بمعلومة او نوتة هم فى اشد الأشتياق لعزفها وتكونت فيما بينهم صدقات بل اخوة حقيقية تستطيع ان تستشفها من خلال الحوارات والمشاركات فيما بينهم وبالتالى فانها تعكس حالة الحب والوئام والود التى تحدثت انت عنها..اخى على هذة الصفحة الرائعة استطيع ان اشبهها بالعظيمة ام كلثوم التى اجتمع عليها كل العرب والمجد كل المجد للعرب. أأسف يا صديقى للأطالة ولكنى فقط اردت ان اعبر عن مشاغرى تجاه هذا المنتدى واعضاءه فردا فردا.
ولك منى يا صديقى كل الحب والأحترام
ارمندو
اخوتى الاحباء
وانا اشد ما يسعدنى التوافق بين الاحباب فى المنتدى يعنى بلاحظ ان اى نوتة لما حد بيطلبها الاقى كذا عضو ممكن ينزلها له . او ان اى عضو بيطلب نوتة من غير ما ينزل الملف الصوتى لها او مش عنده وانا عايزاكتبها الاقى بعد دقائق عضو تانى تطوع ونزل الملف الصوتى . وانا سعيد جدا جدا بإنضما عدد من المدونين من الاخوة العرب للمنتدى يعنى الاخ العزيز طارق من تونس والاخ العزيز نيقولا مرجيه من فلسطين والاخ وسام من العراق .. يعنى انا شخصيا كمصرى بالطبع افهم اكتر فى الاغانى المصرية او عصر الغناء الذهبى المصرى ,, وبالتالى التونسى بالتاكيد ومع المعايشة بيفهم اكتر منى فى غناء منطقة المغرب العربى وهكذا يعنى كلنا بنكمل بعض .. واكتر حاجة بتسعدنى روح المحبة بين الاعضاء فى المنتدى يعنى فيه منتديات انا دختها تحس البعض بيغير من بعض وبيحاولاو يضايقوا البعض .. او بيطفشوا الاعضاء الجدد المتميزين .. لكن هنا كلنا بنزحب بالجدد وبنتعاون اننا نخليهم يندمجوا فى العائلة السماعية بسرعة .. مع اطيب تحياتى عادل صموئيل

armendo
18/01/2012, 12h40
استاذ عاصم انت لسه عايز الاغنية ولا النوتة
اللى نزلها استاذ عزت تفى بالغرض:)


اخى عمرو
ارجو ان ترفع النوتة طالما هى مختلفة عن اللى رفعها الصديق عزت .
مع ارق تحياتى
ارمندو

عمرو الهنداوي
18/01/2012, 13h02
اخى عمرو
ارجو ان ترفع النوتة طالما هى مختلفة عن اللى رفعها الصديق عزت .
مع ارق تحياتى
ارمندو


اخى ارمندو انا ماعندى النوتة --- انا اقصد تسجيل الاغنية
كل التحية

نور الصباح
18/01/2012, 16h56
http://up.arab-x.com/Dec11/COb09705.jpg

( هــــــذه الصـــــورة تصـــــــــور تعمـــــــــــيد الســــيد المســـــــيح فى نهــــــر الأردن )
( المجـــــــــد لله فى الأعــــــــــــــالى * وعـــــــــلى الأرض الســـــــــــــــلام *
وبالنــــــــــــــاس المســــــــــــــــرة )
الكتاب المقدس
sssssssssssssssssssssssssssssssssssss
الأخ العزيــــــــــز الفنان الكبــــــــير المايســــــــــــترو الأســـــــــــتاذ
=(( عـــــــــــــــــــــــــــــــــادل بــــــــــــاشـــــــــــــــــا صموئــــــــــــــــــيل ))=
سلام الله عليكم ورحمته وبركاته
وبعـــــــــــــــــــــــــــــــــــــد :
كـل عـــام وأنـــــــــتم بخــــــــــــير و كامل صـــــــــحة وســــــــــــعادة وأهــــنأ بـال
ففى مــــــــثل هـــــــذا اليوم قـــــام النـــــــــبى يحـــــــيى ( يوحـــــنا المعـــــــمدان )
بتعمـــــــيد نبى الله ورســـــــــوله سـيدنا عيـسى المســــــــيح - صلوات الله وسلامه
عليه وعلى نبـينا ( محمد صلى الله عليه وسلم ) وعلى جميع الأنـبياء من ميــــــــــــاه
نهــــــر الأردن إيــــــــذانا ببدء الدعوة إلى المســــــيحية والجهاد والتضحية فى نشــــر
تعاليمها الســـــــامية بين البشــــــــــرية
فكل عــــــــــــام وأنـــــــتم بخــــــــير والعـائلة الكريمة وجمـــــــيع الأخــــــــــــــوة
المســـيحيين فى كل مكان
وندعو الله - العلى القدير - أن يعيده عليكم باليمن والبركات
وشكررررررررررررررررررررررررررررررا
وإلى جنابكم الملف الصوتى لأغنية الفنانة ( شـــــــــــــــــــــــــــادية )
إللى بيعشق ليه يبان هواه فى عنيه
يا مجربين الهوى العشق سره إيه
أخوكــــــــــــم
نور الصباح

احمد علي البدري
18/01/2012, 17h30
اولاَ شكرا على التجاهل استاذ عــادل ... وثانيا ضيف لقائمة البلاك ليست "االلى هي طلباتى طبعا" النجمة مالت ع القمر وانى ملكت فى يدى زمامى لحليم طبعا !!...

عاصم المنشاوى
18/01/2012, 17h33
الأصدقاء

عزت بك شحاته ...شكرا ياجميل على النوتة وهى دى اللى كانت عندى...لكن الكمبيوتر عندى واخد لطشة برد ومزكوم...وماكنتش لاقيها....وشكرا للأستاذ عمرو ...والأستاذ أرمندو.....

احمد علي البدري
18/01/2012, 17h37
هانى شاكر " ياريتك معايا او هو اللى أختار" ..وناي محمود عفت فى يامالكا قلبى وشكرا، أتمنى أي حد من الاعضاء يدعم طلب من طلباتى :'( ...ياربــــــــ )

sayed_lv
18/01/2012, 20h28
السلام عليكم ورحمة الله وبركاته
******************
نوتة مشربتش من نيلها للاستاذ عاصم
"بس يبدو اننى مكنتش سريع كفايه:crazy:"
ههههههههههههههه
عالعموم انا كتبتها و دونتها لو حضرتك حبيت تشوفها
مع تقديرى وتحياتى لكل اعضاء المنتدى الكرام:emrose:

المنير
18/01/2012, 20h50
أرجو معرفة رأي الأخ المحترم عمرو هنداوي في موضوع *مذكرات عادل صموئيل* على المنتدى.

اخى المنير اشكرك على السؤال
بس اتمنى تحدد لى النقاط التى ترغب منى ابداء رايى فيها
بخصوص مذكرات استاذ عادل
كل التحية
[/QUOTE]
السلام عليكم

شكرا لك على الرد.
لم أكن أعلم بأن الأخ صموئيل عزف مع عماقة الطرب العربي مع الفرقة الماسية بحيث اكنشفت ذلك بالصدفة.وقد طلبت منك أن تعطي رأيك في موضوع مشوق بأن يحكي لنا الموسيقار صموئيل عن البروفات مع السنباطي كيف كان يلقن العازفين ؟مثلا هل كان يعدل في بعض المقامات او الجمل اللحنية؟هل حضر لقاء الست ام كلثوم مع فنانين خلال جولاتها الى الخارج مثل جلساتها الطربية مع الموسيقار المغربي احمد البيضاوي...باختصار مذكرات مكتوبة على غرار برنامج النهر الخالد مع الأستاذ محمد عبد الوهاب كمعلومات للذكرى و للتاريخ ترافق النوتات الجميلة التي يدونها.و قد طلبت منك ان تكلمه في الموضوع بحكم علاقتك معه.
تحياتي

عادل صموئيل
18/01/2012, 20h51
احبائى

اقدم هذه الاغنية لأخى العزيز نور الصباح

اللى بيعشق ليه

من اغانى الفنانة شادية
واشكره على المعايدة الرقيقة والصور الجميلة
مع اطيب تحياتى
http://t0.gstatic.com/images?q=tbn:ANd9GcQNJaqbaQNL_dVEYzz86MdTvpjj34oe1 njx9LORorUE_KcVNTyG

عمرو الهنداوي
19/01/2012, 00h06
اخى المنير اشكرك على السؤال
بس اتمنى تحدد لى النقاط التى ترغب منى ابداء رايى فيها
بخصوص مذكرات استاذ عادل
كل التحية

السلام عليكم

شكرا لك على الرد.
لم أكن أعلم بأن الأخ صموئيل عزف مع عماقة الطرب العربي مع الفرقة الماسية بحيث اكنشفت ذلك بالصدفة.وقد طلبت منك أن تعطي رأيك في موضوع مشوق بأن يحكي لنا الموسيقار صموئيل عن البروفات مع السنباطي كيف كان يلقن العازفين ؟مثلا هل كان يعدل في بعض المقامات او الجمل اللحنية؟هل حضر لقاء الست ام كلثوم مع فنانين خلال جولاتها الى الخارج مثل جلساتها الطربية مع الموسيقار المغربي احمد البيضاوي...باختصار مذكرات مكتوبة على غرار برنامج النهر الخالد مع الأستاذ محمد عبد الوهاب كمعلومات للذكرى و للتاريخ ترافق النوتات الجميلة التي يدونها.و قد طلبت منك ان تكلمه في الموضوع بحكم علاقتك معه.
تحياتي
[/QUOTE]


اخى الكريم
استاذ عادل قد كتب حلقات تاريخية فى صورة زكرياته وموجودة فى
المنتدى فى قسم المكتبة وحكى عن عبد الوهاب وحليم ورياض السنباطى
مع حفظ الالقاب طبعا;)

وبرضو يرد على سيل من الاسلئة كل يوم ويذكر تاريخ وزكريات فنية
ومع كل نوتة يتكلم شوية عن ظروف الاغنية وبعض زكرياتها معه
اذا كانت عزفها

انا اتفق معاك على اهمية هذة الذكريات واهمية تجميعها فى ملف
او مكان موحد بعد تنسقها وترتبها ومراجعتها وقد اقترح احد الاخوة
عليه مشروع كتاب واعتقد الفكرة مازالت فى مرحلة التفكير واتخاذ القرار
:crazy::crazy:
بخصوص مذكرات النهر الخالد
على ما اعلم انه كان هناك حلقات عن مشوار عبد الوهاب
وبعد كدة دون نص الحلقات فى كتاب وطبع فى الثمنانيات
والكتاب مازال يباع حتى الان واخر مرة انا قرات فيه كان فى
2006 وهو موجود فى مكتبة الجامعة عندنا

اما بخصوص الموسيقار احمد البيضاوى وعلاقته بام كلثوم
يمكنك ان تسال استاذ عادل اما عن راحلات كوكب الشرق
فاعتقد انه استاذ عادل ما كان معها لانه بدا مع ام كلثوم فى 1970
يعنى عزف معها درات الايام واعتقد دى كانت البداية ثم يامسهرنى
ثم احلى اغنية الحب كله ثم مسك الختام ليلة حب فهو عزف معها كل شىء
فى خلال فترة 1970- 1973 وطبعا مع الماسية من 1970 الى 1990
تاريخ طبعا يحق ان يدون اللاجيال القادمة ويقدم لهم فى صورة مناسبة
كما يفعل الغرب فى تاريخهم

وعلى فكرة الراجل لا يبخل علينا باى شىء سواء ذكرى او تاريخ او معلومة
او نصيحة او نوتة وعلى فكرة شعبية عادل صموئيل ليست
من النوتات فقط التى يكتبها ولكن من روحه الجميلة وزرعه للمعانى
الفنية الجميلة فى المنتدى

كل التحية:)

عادل صموئيل
19/01/2012, 04h51
احبائى
اقدم لكم من روائع شادية

مخاصمنى بقالو مدة او ( التليفون )

الأغنية دى بتعتبر من الاغانى الكوميدية الدرامية يعنى بتحكى قصة
واكرر مع انها كوميدية بحتة إلا ان فيها كمية شغل وكمية طرب مش ممكن يعنى بتكرر الكلام ده تانى بعد العصر الذهبى
وخلوا بالكم اوى اوى من علامات التحويل لأن فيها كمية شراك خداعية لا بأس بها
فيه ملحوظة انا سبق قلت لكم ان شادية كان معظم تسجيلاتها مش على الفرقة الماسية .. يعنى عدد محدود من تسجيلاتها كانت على الفرقة الماسية ومنهم اللحن ده ... ممكن واحد يسأل طيب انا عرفت ازاى لن اللحن ده ممكن يكون اتسجل وانا لسه فى تانية ابتدائى اقول لكم ... الفرقة المسية لها نكهة بالذات فى الكوبليه الاول فيه ردود بيتسكاتو على كلامها : قال ايوه .. آلو 3 حروف بس مش فى مكانهم الكبيعى يعنى بعد سكتة ,, وده بيسمى الوزن المضاد او ( sencopatin ) وده بتبقى النغمة مخلوعة متأخرة عن زمنها بكروش مثلا ودى بتحتاج دقة فى تنفيذها .. وعشان فرقة تعملها مع بعض فى نفس الوقت وتلاقيها طالعة زى الفل من غير شوائب .. مفيش غير الماسية وتحدى !
اما الاثبات التانى ان دى الفرقة الماسية فى الكوبليه الاخير صولو ناى .. مش ممكن يعزف بالحلاوة دى ولا بنظافة الصوت غير محمود عفت اعظم عازف ناى فى تاريخ الموسيقى العربية .. يعنى كان بيمتازبأنقى صوت ناى على الإطلاق غير ان مافييييش اى سكة او اى مقام بيقف معاه
انا نزلت لكم الملف اللصوتى للى مش سامعها كويس
ودلوقتى انتم اخدتم حقكم ممكن انا استأذن عشان النهارده عند المسيحيين عيد الغطاس وعندنا ديك رومى شهيد عايز اروح اعمل له حفلة تأبين والمسيحيين يوم عيد الغطاس لازم ياكلوا قلقاس .. وكفاية كده عشان ساعة البطون تتوه العقول مع اطيب تحياتى
http://www.m5zn.com/uploads/2010/3/1/photo/gif/zuw4lpaa6vjvynsh.gif

armendo
19/01/2012, 06h24
استاذنا الأستاذ عادل
كل سنة وانت طيب والف هنا وشفا ولا تنسى الأستاذ نور الصباح فى الأوراك وتقوللة اصلة طلع صينى زى المرة اللى فاتت من غير وراك..اخى العزيز اشكرك على هذة النوت الممتعة لشادية وخاصة نوتة مخاصمنى بقاللو مدة كان نفسى اعزفها من زمان ربنا ما يحرمناش منك
مع ارق تحياتى:emrose::emrose::emrose:
ارمندو
اشكرك اخى العزيز
انا كان نفسى ارفع لكم نص الديك بس النت لسه ما تطورش يعنى يادوب بيرفع ملفات وصور .. لكن ان شاء الله بعد عشر سنين العلم حا يتطور وممكن نرفع على النت كل حاجة يعنى ديوك رومى وفراخ مشوية وصوانى بسبوسة بس مش حانكون موجودين يعنى مع اطيب تحياتى عادل صموئيل

piano_piano_d
19/01/2012, 07h20
[QUOTE=وسام اكرم;568744]حبيب قلبي و صديقي العزيز ارمندوا, الاستاذ الغالي و الرائع عادل صموئيل, الاحبة و الاصدقاء نور الصباح, عزت شحاتة, عاصم المشاوي, محمد سويفي, الاخوات العزيزات بيانوا, رباب........... و اخشى ان انسى اسم فيزعل البعض؛
كل يوم و بدون استثناء ازور المنتدى و اتابع كل نوتة جديدو و مشاركة, و لم انتقطع يوما و الاهم لن انتقطع عن هذا المنتى الى اخر يوم في حياتي, لانه اصبح جزء من عائلتي و بدون مبالغة او مجاملة. اشكرك جدا على السؤال و انا دائما معكم بمشية الله عز و جل
مع اطيب امنياتي
وسام
ــــــــــــــــــــــــــــــــــــــــــــــــــ ـــــــــــــــــــــــــــــــــ
ألف ألف شكر أ/ وسام على الصورة الجميلة دي .

piano_piano_d
19/01/2012, 07h27
الأستاذ المُحترم أ/ عادل صموئيل
بشكر حضرتك جداً على التنويت الرائع ، وما شاء الله لا قوة إلا بالله المنتدى منور بتنويت حضرتك لأغاني شادية المختلفة والمتعددة ، ربنا يزيدك صحة وعافية يا رب ، ولسيادتكم خالص التحية والتقدير .

علي ثلاثة
19/01/2012, 07h59
سيد عادل
مطرح مايسري يمري كل هدي
الديوك الرومى والفراخ المشوية وصوانى البسبوسة
وألف شكر على مجموعة تدوينات
اغاني الفنانة شادية
وأشكر أيضا كل من
نور الصباح وأحمد الأهلاوي
وعمرو الهنداوي وصالحي هيثم
فقد كانوا أعوانا على أن نحظى
بهذه الروائع التي يتحفنا بها
الأستاذ عادل
وكل أعضاء المنتدى
في أحسن حال

عادل صموئيل
19/01/2012, 09h53
احبائى
اقدم لكم التحفة دى
من الحان عبد الوهاب القليلة لشادية

احبك

الاغنية دى بتعتبر من الروائع اللى انا بحبها جدا من زمان
والقصة النهاردة بعد مانزلت لكم المشاركة بتاعة مخاصمنى بقالو مده
انا عندى مشكلة ان شادية بتلزق معايا .. قبل ما اقفل الكمبويتر واروح انام قلت لما القى نظرة كده بسرعة على مكتبة شادية على جهازى اختار الاغنية القادمة ... طلعت لى الاغنية دى شغلتها ربطتنى على الجهاز ...
جربت البيتش بتاعها لقيتها من الطبقة المظبوطة للكتابة كرد على الحسينى ... ومافيها مشاكل يعنى زى ما قلت لكم قبل كده مشاكل فى الموازين تحتاج تفكير او ادليب لازم اخطط له .. ثوانى كنت قاتح النكور وكتبت الدليل واول مازورة ..الحركة دى بحس انى كتبت نص الاغنية لقيتها ماشية معايا زى الحلاوة ... المهم خلصت فى 25 دقيقة ... وبالطبع خلصتها وعملت لها عمليات التشطيب والنتيق وقلت انزلها لكم بالمرة
مع اطيب تحياتى وانتمى ان يعجبكم ذوقى فى اختيار الاغانى

http://www.islamswomen.net/vb/imgcache/12337.imgcache.gif (http://www.islamswomen.net/vb/t1905/)

غواص النغم
19/01/2012, 10h25
اشكرك اخى العزيز
انا كان نفسى ارفع لكم نص الديك بس النت لسه ما تطورش يعنى يادوب بيرفع ملفات وصور .. لكن ان شاء الله بعد عشر سنين العلم حا يتطور وممكن نرفع على النت كل حاجة يعنى ديوك رومى وفراخ مشوية وصوانى بسبوسة بس مش حانكون موجودين يعنى مع اطيب تحياتى عادل صموئيل



شكرا لك استاذ عادل على نوت الفنانة الجميلة شادية
وعيد سعيد عليكم وبالهناء والشفاء الديك والقلقاس
و فكرتني المشاركات عن الديك والفراخ بغنوة جميلة لشادية واسماعيل يس
كلنا الفراخ والجمبري

:emrose:
وبعدما سمعتها سمعت عندي غنوة لشادية جميلة ورفعتها الان في موضوعها وهي بعنوان فوت ياحبيبي
http://www.sama3y.net/forum/showpost.php?p=569085&postcount=523
حبيت اسئلك عن مقدمة الاغنية وبدايتها هل هذا صوت الجيتار ؟
متى دخل الجيتار للاغنية العربية ؟ هل قبل انت عمري؟
وبما ان اللحن لمنير مراد اعتقد ان منير مراد ادخل العديد من الالات الموسيقية الاوروبية على الاغنية العربية و كان بيعرف يوظفها
وكان مشهور عنه انه بيهتم بالمقدمة الموسيقية وتكون متميزة علشان تشد المستمع
وادخل الالات جديدة على الموسيقى وخاصة مع شادية مثل اغاني يادبلة الخطوبة وياسارق من عيني النوم وواحد اتنين
كما عمل لحن اعتقد انه ليس من النوع الخفيف وهو لحن انا زي ما انا لليلى مراد اقرب للحن الديني مع ان الاغنية عاطفية ياريت اعرف اسم المقام :
http://www.sama3y.net/forum/showpost.php?p=3490&postcount=15

وهنا بصوت منير مراد
http://www.sama3y.net/forum/showpost.php?p=2078&postcount=2
ولماذا لم نسمع له اغنية طويلة يعني في بداية السبعينات كانت موضة الاغنية الطويلة وكل مطربة كانت عايزة تاخذ مكان ام كلثوم فظهرت الاغنية الطويلة لماذا لم نسمع لحن لمنير مراد طويل
حتى شادية قدمت الاغنية الطويلة وكانوا بيقولوا ان شادية مطربة لاغاني القصيرة ولا يتحمل الجمهور الاغنية الطويلة منها فهل هذا صحيح هل نجحت اغنيات شادية الطويلة ام ان شادية احسن في الاغنية القصيرة وهل صوت شادية تطور مع الزمن ونضج ولا يتحمل الاغاني القصيرة الشقية فلهذا غيرت لونها وابتعدت عن منير مراد؟
:emrose:
واشكرك على ماكتبته في موضوع صور عازفي فرقة ام كلثوم استمتعت بحديثك وخاصة انك نقلت لنا ماكنت تشاهده على ام كلثوم يعني جعلتني اشاهد ام كلثوم وكانها امامي
ياريت تفكر في موضوع المذكرات
او مثلما قال الاستاذ محمد الالاتي ياريت تسجل المذكرات بصوتك على الكمبيوتر اسهل واسرع من الكتابة وسهل الاحتفاظ بها ياريت تفكر فيها وترفع لنا ملف صوتي لذكرياتك
ولا ننسى طبعا الحلقة الجميلة معك في ضيف اون لاين :
http://www.sama3y.net/forum/showthread.php?t=65298

:emrose:تحيتي:emrose:
اخى العزيز
اشكرك الف شكر على كل كلامك الجميل واللى انا ما استحقوش
اولا بالنسبة لأغنية فوت يا حبيبى وسلم طبعا الجيتار فى المقدمة وللعلم الجيتار تم استعماله قبل انت عمرى بكتير جدا جدا , بس الاول كانوا بيستمعولا الجيتار الاسبانيش واللى كان قبل اختراع الجيتار الكهربائى
اما عن مقام اغنية انا زى ما انا هو مقام الحجاز
ومنير مراد كمان عمل لحن بحلم بيك لعبد الحليم وهو من مقام الحجاوز ايضا وتعتبر من الاغانى المتوسطة الطول
بس احلى كمية اغانى عملها لشادية يعنى لما تقول ام كلثوم تقول السنباطى لما تقول شادية تقول منير مراد
ليه منير مراد ماعملش اغانى طويلة زى اللى كان مثلا بيعملها محمد سلطان لفايزة
اهم حاجة الفنان زمان كانت الذكاء الشديد قبل الموهبة
ومنير مراد كان بيفضل الاغنية القصيرة .. وبالذات نوعية اغانى شادية يعنى مقدمة موسيقية جملتين بالكتير تتميز بحلاوة خارقة للعادة واحيانا بيكررها فى الكوبليهات وده ذكاء خارق منه يعنى التكرار هنا لما تسمع الاغنية اول مرة وتسمع الجملة الجميلة دى 4 مرات اكيد حاتخرج حافظ الاغنية بعكس لما يكون فيها شغل كتير حاتمر عليك زى منظر اللى بتشوفه من نافذة القطار السريع حاجات كتير بتجرى جنبك لكن ما تقدرش عينك تحتفظ بأى منظر مع التلاحق السريع .. والحاجة الاهم كان فيه متخصصين فى الاغانى الطويلة زى فريد وعبد الوهاب والسنباطى . وعشان تتواجد وتلمع جنبهم لازم الذكاء يخليك تعمل شىء تتفرد بيه يعنى مثلا قمة فريد الاغانى القصيرة من نوعية اتقل اتقل
وعشرات الاغانى من النوع ده والطويلة من نوعية الربيع واول همسة والحاجات اللى زيهم يعنى الاغنية ممكن يغنيها فى الحفلة اكتر من ساعة وانا عزفتهم معاه والجمهور لسه عايز يعيد تانى .. لكن تحس ان فريد بالمقارنة مع عبد الوهاب مالوش اوى فى القصائد .. وعبد الوهااب كان يجيد جدا القصائد الصعبة بالإضافة الى العامية اما السنباطى متخصص فى القصائد الصعبة والطويلة .. لما تحسبها تلاقى كل ملحنين الزمن الجميل كانوا بيبقوا تخصصات
فيه تميز كمان مهم جدا جدا لمنير مراد .. الجملة الموسيقية لما تعزفها على العود لها نكهة .. ولما تتعزف على الكمنجات لها نكهة تانية ,, العبقرى اللماح بيحس انها ممكن تتعزف على الآلات الغربية .. يعنى اغنية لشاية تلاقيه دخل ليك بساكس او اوبوا او مجموعة آلات نفخ غربية مع بعض تلاقيها تجنن , بعد مايسحرك يديك حتة بياتى ,, وهنا بيبقى عمل 60 اغنية جميلة وبنكهات مختلفة .. والنكهة دى شىء كان من اهم واخطر مقومات الاغنية ايامنا .. بمعنى اختار 1000 اغنية من اغانى الزمن الجميللمختلف الملحنين . واسمعهم اوى اوى لحد ما تتفهمهم 100%
حتلاقى ان اول شىء يلفت نظرك ان مافيش اغنيتين شبه بعض او لهم نفس النكهة .. وده اهمشىء خلق ابداع العصر ده .. يعنى عبد الحليم سجل كذا اغنية زى مين انا وحبيبتى من تكون مثلا قبل وفاته بعدة سنوات وما اقتنعش بيهم ومنعهم من الظهرو بعد كل الفلوس اللى اتصرفت فيهم حس انهم مش اللى هم .. مع ان لما اتذاعوا بعد وفاته شوف نجحوا ادي ايه .. وحكاية النكهة او عدم تكرار الشكل دى اندثرت بعد رحيل العمالقة .. يعنى بقت الاحان كلها مكررة .. يعنى محمد سعد اللمبى مثلا غنى 50 اغنية بنفس الجملة اللى ايتعملها خمسين مطرب غيره فى 5000 اغنية ,, ووصل الانحدار والانحطاط والتدنى ان يطلع لك واحد زى شعبان بن عبد الرحيم بيغنى بقالو شوف كم سنة على لحن واحد .. احنا فى البروفات زمان كان الملحن بينظر فى عينينا واحنا بنسمع الجملة لأول مرة لو ماحسش ان الجملة خضتنا تانى يوم يكون مغيرها وحتى لو حلوة .. لأن عملية اننا ما اتخضيناش يعنى سمعناها قبل كده فى حاجة او حاجة شبهها شوف كانوا ايه ؟
انا لما حد بينكشنى احكى بحكى الحاجات اللى ماحدش حكاها من قبل ,, يعنى فى البروفات كانت بتبقى مليانة صحفيين كانوا بيكتوبا كل كبيرة وصغيرة بس هم بيشوفوا البروفة او الحفلة من زاوية .. انا بحكى من الزاوية اللى هم مش بيشوفوها او ساعات بتكون فنية مش حايفهموها وبالتالى مش حايكتبوا عنها .. يعنى اللى قلته عن اخفاق ام كلثوم فى الحفلة دى بالذات ماحدش اخد باله منه ابداً ,, والتسجيل ده روتانا زمان هارياه اذاعة يمكن مرتين فى لاسبوع مع ان ام كلثوم لو كانت عايشة كانت حاتاخده وتحرقه
اما عن المذكرات لما بتبقى اسئلة بتبقى بالنسبة لى احلى
يعنى لو راجعت موضوعطلبات النوتة اى عضو بيسأل سؤال بردعليه بمقال والملام بيجيب بعضه .. يعنى هنا انا آسف للإطالة .. بس اسئلتك فتحت مواضيع كتير والمواضيع بتجيب مواضيع السؤال بيخلينى افكر فى الإجابة لكن انا لو سبت نفسى اتكلم بس حانسى حاجات كتير
انا علاقتى الطويلة بعبد الوهاب مثلا خلتنى اشبهه يعنى مثلا واحد قال له : انت ماكملتش قصيدة مجنون ليلى ليه بمعنى انه عمل منها جزء ولها باقى كتير حلو ييجى منه يعنى
رد عليه : انا مش بيعجبنى كلاموالحنه ولكن التلحين بييجى ان حد يكلفنى الحن له .. يعنى المطرب بيكلم المؤلف وبيشترى منه اغنية (وخلى بالك من كلمة يشتريها يعنى تبقى بتاعت المطرب ) يعنى لو اخدها كده وخلاص ما ينفعش ممكن واحد تانى ياخدها ويلحنها تحصل مشكلة
بعدين بيديها للملحن ويكلفه بتلحينها .. عندك رياض السنباطى .. كان بيتعامل مع شعراء كبار جدا بس مش مشهورين لذلك دايما تلاقى معظم الحان السنباطى المؤلف بتكون انت مش عارف اسمهمن قبل يعنى مش حبن السي مثلا .. السنباطى مصاحب الشعراء دول وبيسمعوه شعرهم ولما بتعجبه حاجة بيحطها فى مخه .. لما تيجى وردة مثلا عايزة قصيدة ممكن هو يختار لها تسمع قصيدة من اللى عجبوه وهكذا كل شيخ وله طريقة ,, لكن الملحن المحترف ما ينفعش يعجبه كلام ويلحنه مع نفسه
مع اطيب تحياتى عادل صموئيل

عمرو الهنداوي
19/01/2012, 11h04
كل سنة وحضرتك طيب يا استاذ عادل
بمناسبة العيد:)

عزت شحاته
19/01/2012, 12h43
استاذى الجميل / عادل صموئيل
كل سنه وحضرتك طيب
لى طلب صغنون وياريت تلبيه
نوتة ( قولوا لعين الشمس )
حضرتك نزلت النوتة من فتره
ولكن ناقصه البدايه ( اللازمه + غنا الكورال)وابتديت على طول من غنا شاديه
لو ينفع لانى ابتديت تحفيظها ودخلة الكورال حلوه قوى

عاصم المنشاوى
19/01/2012, 13h50
الاصدقاء

مساء الخير عليكم

الأستاذ القدير /عادل لو بدات حضرتك ب (نجاة الصغيرة)ياريت من فضلك الأغنية دى (مسير الشمس من تانى...تنور فوق سنين عمرى...وترجع ضحكتى من تانى...وترجع فرحتى فى صدرى...وح يجينى الربيع الأخضر...شباب نشوان بيتمخطر..مسير الشمس ياغالى).....الأبنودى وبليغ....مش عارف ليه حاسس كأن مصر هى اللى بتغنيها رغم انها اغنية عاطفية....

تحية شكر وتقدير وتشجيع للفنان الشاب سيد محمود سيد (أس أم أس) على تنويت اغنية (ماشربتش من نيلها)

مجتهد مجتهد
19/01/2012, 14h46
شكراُ جزيلاً للاستاذ عادل على ما يقدمة من نوتات ووووو فكل الشكر والاحترام لهذا الاستاذ الرائع أدامه الله وحفظه

ولي سؤال ,, بخصوص مقام الصبا أنا سمعت هناك مقام صبا حسيني فأتمنا من كل الاخوة بأن يعرفونني على مدرج هذا المقام وأن من لديه أغنية أو أدليب من هذا المقام ويكون مبسط ولكم جميل الشكر والامتنان وبارك الله فيكم جمعاً وبدون إستثناء

swaifi73
19/01/2012, 15h08
مساء الخير أستاذي الفاضل عادل صموئيل
عندي نوتة مدونها وأريد أنزلها المنتدى ولكن أريدك تلقي نظرة علي جزء فيها
حاولت أرسلها برسالة خاصة لك ولكن ما عرفتأرفقها يبدو أنا الرسائل الخاصة لا يوجد بها إرفاق ملف
كيف الطريقة لأرسالها لحضرتك
ممكن تحطحا فى ملف مضغوط ( بس زيب مش رير ) وارسالها على الخاص فى رابط خارجى
وتحت امرك مع اطيب تحياتى عادل صموئيل

نور الصباح
19/01/2012, 17h27
[QUOTE=عاصم المنشاوى;569113]الاصدقاء

مساء الخير عليكم

الأستاذ القدير /عادل لو بدات حضرتك ب (نجاة الصغيرة)ياريت من فضلك الأغنية دى (مسير الشمس من تانى...تنور فوق سنين عمرى...وترجع ضحكتى من تانى...وترجع فرحتى فى صدرى...وح يجينى الربيع الأخضر...شباب نشوان بيتمخطر..مسير الشمس ياغالى).....الأبنودى وبليغ....مش عارف ليه حاسس كأن مصر هى اللى بتغنيها رغم انها اغنية عاطفية....

تحية شكر وتقدير وتشجيع للفنان الشاب سيد محمود سيد (أس أم أس) على تنويت اغنية (ماشربتش من نيلها)
xxxxxxxxxxxxxxxxxxxxxxxxxxxxxxxxx
xxxxxxxxxxxxxxxxxxxxxxxxxxxxx
xxxxxxxxxxxxxxxxxxxxxxxxx
xxxxxxxxxxxxxxxxxxxxx
xxxxxxxxxxxxxxxxx
xxxxxxxxxxxxx
xxxxxxxxx
xxxxx
x
الأخ العزيـــــــــــــز الفنان الكبـــــــير والمايســـــترو العظــــــيم الأســـــتاذ
عـــــــــــــــــــــــــــــــــادل بــــــــــــــاشـــــــــــــا صموئــــــــــــــــــــــــــــــيل
سلام الله عليكم ورحمته وبركاته
وبعــــــــــــــــــــــــــــــــــــد :
أولا : لا شـــــــــــــكر على واجب
ثانيا : إحنــــــا اللى لازم نشــــــكركم على هدايــــــــكم الثمينة والغالية
ثالثا : ياريت يـــــــا ( أســـــــــتاذنا الجمــــــيل ) تدمن لنـــــا النوتة اللى طلبهـــا
أخونـــــــا الجميل الأسـتاذ عاصم المنشاوى ( مسير الشمس من تانى ............
تنور فوق سنين عمرى ) للسيدة نجاة الصغيرة
وشكرا لكم وشكرا للأستاذ عاصم على ذوقه الجميل الذى لا يختلف عليه اثنان
وشكررررررررررررررررررررررررا
أخوكم
نــــــــــــــــور الصــــــــــــباح

elarabi
19/01/2012, 17h59
استادنا الفاضل عادل صامويل عيد سعيد والله يوفق لك ما تتمناه.
لقد استمعت لحديثك عبر برنامج اونلاين ....واكتشفت الكثير والكثير....وكانك شاب في الثلاثينات.... كلك حيوية وعندما تسكت ....تترك الكمان يتكلم بنفس الحيوية و الاحساس.... وكان التك الكمان متساوية مع روحك الجميلة.... الحقيقة حديث عذب ذو شجون و كله حنين لزمن الفن الجميل....و ما احوجنا لدلك الفن الراقي.
شكرا اوى اوى اوى.

عيسى سعيد
19/01/2012, 18h18
استادنا الفاضل عادل صامويل عيد سعيد والله يوفق لك ما تتمناه.
لقد استمعت لحديثك عبر برنامج اونلاين ....واكتشفت الكثير والكثير....وكانك شاب في الثلاثينات.... كلك حيوية وعندما تسكت ....تترك الكمان يتكلم بنفس الحيوية و الاحساس.... وكان التك الكمان متساوية مع روحك الجميلة.... الحقيقة حديث عذب ذو شجون و كله حنين لزمن الفن الجميل....و ما احوجنا لدلك الفن الراقي.
شكرا اوى اوى اوى.اخي ممكن الرابط او الملف لو تتكرم شوقتنا لسمااعه

ابوكارم
19/01/2012, 19h33
الاستاذ/ عادل
عيد سعيد
على الجميع
بالنسبه لشاديه فيه اغنيه
يام الصابرين

swaifi73
19/01/2012, 19h49
والدي الفاضل استاذ عادل
لقد دونت نوتة ليالي لبنان لمحمد عبد الوهاب وأجهدتني جدا فتقريبا جلست يمكن يوم ونصف أدون فيها هذا مع أني دارسها وعازفها من قبل
استاذي أنا مبسط زمنها على نفس طريقة استاذ عادل صموئيل الذي نتعلم منه كلنا
في مازورة 29 المرجع الثالث عندما اسمعها أشعر إنها نوار وليس بلانش ويدخل على الجملة اللحنية الجديدة ولكن إذا دونتها نوار هتكون المازروة ناقصة في البداية كنت مدونها 4 من 4 ولكن وجدت الجملة الموجود الأن في مازورة 30 هيصعب ترجيعها بمرجع لأنها سوف تاتي نصف المازورة ولذالك جعلت اللحن 2 من 4
سؤالي استاذ هل مازوة 29 صحيحة بلانش وإذا كانت نوار هل يمكنني أدونها نوار واحد في المازروة ومن ثم أكمل اللحن في المازورة الأخيرة بسكته أو بما يتناسب مع اللحن
السؤال الثاني
هل صحيح ما فعلته بعد الميزان الثلاثي قلبت 2 من 4 حتى أقفل اللحن أم اقفل عادي 3من 4 وأكمل المازورة بسكته أتمنى يكون الرد على الخاص لأني لم اعرض النوتة في المنتدى
اخى العزيز ( وللجميع طبعا )
انت قبل ما تدون االجملة لازم تسمعها وتمسك إشارة الميزان
لو انت متخيلها 4/4 مثلا وعند الإعادة تلاقى الجملة بتبتدى مش من نفس المكان يبقى الميزان 2/3 مش 4/4 وصلت ؟
اشرحها لك : لو جملة بتبتدى على الدوم يعنى من اول المازورة ومشيت مشيت معاها لحد ماتتعاد لو لقيت انها بتبتدى من نفس المكان على الضلع الاول يبقى انت ماشى صح لو لقيتها حاتبتدى من الضلع التالت يبقى عندك 2 نوار زيادة او ناقص تبقى الجملة 2/4 حاتطلع مضبوطة وده لازم تعمله قبل ماتدون عشام ماتكتبش وترجع تصلح تانى
اما هنا فيه غلطة خطيرة فى المازورة رقم 117 انت عامل بلانش بعدين اتهيأ لك ان اللى بعدكده 3/4 مع انك لوسمعت كويس حتلاقى اٌيقاع ما اتغيرش تقريبا البلانش اللى انت عاملها دى لو حسيتها بإشارات الميزان حتلاقى الحرف اللى بعدها اللى هو لا نص بيمول مش على الدوم زى ما انت كاتب ولكن فى آخر المازورة اللى فيها البلانش يعنى هى نوار بوانتيه صول ومعاها كروش لانص بيمول حتلاقى اللى بعدها اتعدل فى نفس الميزان وتيجى فى الآخر وتكتب....... rall ودى معناها تبطىء من اول هنا والنقط بتحدد لحد فين .. ومن حسن حظك انك سألأتنى السؤال ده .. يعنى ماتكتبش اى جملة من غير ماتحسها بإشارات الميزان .. انا عادل صموئيل شخصيا بكتب كده عشان اتاكد انى كاتب مازورة مضبوطة وللعلم ساعات الفزلة بتاعة بتوع الإيقاع بتديك ايحاء بكعبلة تخليك تسرح فى ميزان تانى بس ويمكرون ولكن الله يمكر بهم .. يعنى اشارات الميزان معاك بتديك الاحساس الصح ... صلحها وتحت امرك وانا سعيد جدا انك بتسألنى انت مش كاتبها ع الانكور ليه ؟ عشان الانكور بيديك امكانيات كتير مش موجودة فى سبيليوس
اما بالنسبة للمازورة 29 مافيهاش حاجة بس عملية 1 و2 و3 مش متداولة فى الموسيقى الشرقية يعنى بالكتير 1 و 2 وانت تتصرف تكتب الجملة تانى زى ما انا بعمل
بمعنى تكتبها مرة ومرجع 1 و 2 يعدين تكتب الجملة تانى وتمشى على طول .. وصلت ؟
مع اطيب تحياتى عادل صموئيل

مجتهد مجتهد
19/01/2012, 21h12
السلام عليكم فرداً فرداً مع إحترامي لكم جميعاً
لقد سألت سؤآل بخصوص مقام الصبا وسمعت أن هنا صبا حسيني فاريد من حضرتكم سلم مقام صبا حسيني وأريد أدليب على هذا المقام مع أغنية سهلة ونوتة النهر الخالد بالنوتة المبسطة ولكم جزيل جزيل الشكر والامتنان :crazy:
http://www.samysoft.net/fmm/fimnew/meelad/1/65756.gif:crazy:
الاخ العزيز
عايز تتعلم صح ؟
كاتنظرش لمقام الصبا على انه من درجة رى ولكن من درجة الحسينى بيبقى شىء تانى هو هو بمعنى هات مرقة موسيقى واكتب مقام الصبا اولا من رى الى رى وبعدين ضع عليه علامات التحويل واضبطه
بعدين تحته اكتب من لا لا وضع عليهمعلامات التحويل لكى تصبح ابعاد القام كما فى اللى فوق
وتحته اكتب من صول الى صول وضع عليهم علامات التحويل بحيث تجعل الابعاد مثل اللى فى الاول يبقى عندك صبا دوكاه وصبا حسينى وصبا النواة وهى اشهر التعاملات مع مقام الصبا ... يعنى مثلا لو شخص تعرفه اسمه محمد مثلا
مرة لابس بدلة وكرافتة ومرة لابس تى شيرت ومرة لابس جلابية .. هل محمد بيتغير ؟ ولا بيفضل محمد ولكن بشكل تانى ؟
اما عن نوتة النهار الخالد موجودة اكيد فى المنتدى
مع اطيب تحياتى عادل صموئيل

elarabi
19/01/2012, 21h23
اخي ممكن الرابط او الملف لو تتكرم شوقتنا لسمااعه

http://www.sama3y.net/forum/sama3y2/buttons/quote.gif (http://www.sama3y.net/forum/newreply.php?do=newreply&p=569169) \\\\\\\\\\\\\\\\\\\\\\\\\\\\\\\\\\

اخي سعيد الرابط موجود في الصفحة ما قبل هده اي صفحة 541 في مداخلة غواص النغم.

salhi_haithem
20/01/2012, 04h50
الاستاذ/ عادل
عيد سعيد
على الجميع
بالنسبه لشاديه فيه اغنيه
يام الصابرين

السلام عليكم
اخي ابو كارم
الاستاذ عادل دون اغنية يام الصابرين (مرفق) و معها آه ياسمرانى اللون لو اردت سارفعها لك
اخوك هيثم

salhi_haithem
20/01/2012, 04h54
السلام عليكم فرداً فرداً مع إحترامي لكم جميعاً
لقد سألت سؤآل بخصوص مقام الصبا وسمعت أن هنا صبا حسيني فاريد من حضرتكم سلم مقام صبا حسيني وأريد أدليب على هذا المقام مع أغنية سهلة ونوتة النهر الخالد بالنوتة المبسطة ولكم جزيل جزيل الشكر والامتنان :crazy:
http://www.samysoft.net/fmm/fimnew/meelad/1/65756.gif:crazy:
الاخ العزيز
عايز تتعلم صح ؟
كاتنظرش لمقام الصبا على انه من درجة رى ولكن من درجة الحسينى بيبقى شىء تانى هو هو بمعنى هات مرقة موسيقى واكتب مقام الصبا اولا من رى الى رى وبعدين ضع عليه علامات التحويل واضبطه
بعدين تحته اكتب من لا لا وضع عليهمعلامات التحويل لكى تصبح ابعاد القام كما فى اللى فوق
وتحته اكتب من صول الى صول وضع عليهم علامات التحويل بحيث تجعل الابعاد مثل اللى فى الاول يبقى عندك صبا دوكاه وصبا حسينى وصبا النواة وهى اشهر التعاملات مع مقام الصبا ... يعنى مثلا لو شخص تعرفه اسمه محمد مثلا
مرة لابس بدلة وكرافتة ومرة لابس تى شيرت ومرة لابس جلابية .. هل محمد بيتغير ؟ ولا بيفضل محمد ولكن بشكل تانى ؟
اما عن نوتة النهار الخالد موجودة اكيد فى المنتدى
مع اطيب تحياتى عادل صموئيل


السلام عليكم ورحمة الله وبركاته
اخي الكريم هنا مرفق اغنية خلاص مسافر صبا حسينى شادية تدوين الاستاذ عادل
و معها اغنية النهر الخالد تدوين الاستاذ عادل
مع الشكر اخوك هيثم

علي ثلاثة
20/01/2012, 07h41
أستاذ عادل
تحية وسلام

لاشك في أنك ذخيرة موسيقية
ولطول ما عاشرت كبار الموسيقيين
أصبحت تمتلك ما يفتقر إليه من لم تتح له
الظروف أن يزامن أحداثا موسيقية لها وزنها
في تاريخ موسيقانا

بعدهذه التوطئة
اسمح لي أن أسألك-وهذا إذا كان
في الإمكان طبعا-
عن أغنية في الليل لما خلي
فقد قرأت قديما عنها أنها تشكل خصوصية
ومنعطفا في موسيقانا
فكيف ذلك
ولك مني جزيل الشكر

swaifi73
20/01/2012, 08h52
أستاذ عادل أشكرك شكرا جزيلا على هذا الشرح الوافي
أولا أحب أعرفك أن هذا التدوين على إنكور ولا أعرف أدون على برنامج غيره لو تفتكر من فترة بسيطة كانت أول خطواتي في التدوين وبفضل الله وشرحكم وتوجهتكم الكريمه عرفت وما زلت أتعلم في هذا البرنامج
استاذي أنا قرأت أجابتك أكثر من مرة
وما سافعله
*- سالغي المرجع الثالث بما إنه غير معتاد كثيرا بس أنا وجدته بيعيد الجمله ثلاث مرات مع نهاية مختلفة للجملة ووجدت في إنكور مرجع ثالث فأستخدمته ولكن بما إنه غير معتاد في الموسيقى الشرقية سوف ثالث مره
وبلنسبة لبداية تدوني ب 2من 4 مش لأني وجدت نوتات زياده لأ لأنه بيعيد اللحن مرتين من مازورة 30
لذالك خليته 2من 4
سؤالي هل أخليه زي ما هو 2من 4 ؟
بما إن اللحن ماشي طبيعي ومازورة 29 سليمة

وبلنسبة لمازورة 117 هو بيعملها مرجع مرتين
وبحثت في النت وجدت نوتة أتوقع بخط اليد أو تدوين قديم بس هو عاملها 3 من 8 في الجزء الذي عملته أنا 3من 4 سوف ارفقها لك
فما رأيك هل أغير ميزان 2من 4
اخى العزيز
اولا بص للنوتة اللى انت كاتبها ( بالزمن والسرعة اللى انت بتقول اتعلمتها منى وانا فخور بذلك) وبص ع النوتة القديمة اول حاجة حتلاقى شكلها يخض يعنى لو واحد مبتدىء شافها اكيد حايتسرع كان طلع له عفريت ومش حا يحاول يقرب منها ..لكن تدوينك اكيد اى حد ممكن يحاول يشتغل فيها وحاينجح
اما عن 3/8 اللى مدون النوتة القديمة عشان عامل سرعة عالية اتزنق ومالقاش غير كده ... انت اعمل زى ما وريتك بعدين اسمعها على الأنكور ( بغض النظر عن النغمات الشرقية وزى ما قلت لك حطها من الخارج مش دوبل بيمول عشان تتغنى اقرب الى الصحيح حتلاقيها ماشية زى الفل ومفيش داعى للفزلكة بتاعتهم صح ؟ ) يعنى انا شخصيا بحاول جاهداً انى ابسط النوتة من غير طبعا ماتفقد شىء لن اهم حاجة عندى ان اى واحد فى اى مكان يشوف النوتة يلاقيها شكلها يفتح النفس وبعدين اهم حاجة انك طول الوقت تشغل مخك لسبب انا النهاردة موجود بكرة مين عارف .. يعنى انا حاولت استفيد زمان من اللى كانوا موجودين والنهارده الحمد لله لوحى بحل اى مشكلة واقدر اصرف اى عفريت مهما كان .. والعفاريت بتطلع بالذات فى اغانى عبد اولهاب القديمة اوى وام كلثوم القديمة لأنهم كانوا بيشتغلوا سماعى من غير نوتة وبالطبع كانوا بيعملوا براحتهم لن التدوين لازم اللحن يكون منضبط اصلا او احنا بنضطر ولازم نضبطه طالما اننا دخلنا نفسنا فى اننا نكتبه يعنى اقول ك على سر فيه ناس هنا طالبين قصيدة نجوى لعبد الوهاب سمعتها لقيتها ع العود ومالهاش تسجيلات على فرقة ... كلها خروج على الزمن وبلاوى لأن عبد الوهاب ع العود بيغنى براحته اقصد مش بيغنيها وعامل حساب حد يكتبها , وللعلم بخبرتى الطويلة بعبد الوهاب لو استدعانى وقصد اكتبها له كانت حاتتظبط بطريقة تانية ,, يعنى وهو بيملينى لازم يخصع للموازير والموازين والذى منه
واحيان واحد بيعمل حركة 3/8 بيقكون اتزنق ومش عارف يخلص منها يعنى بيزنق على نفسه لحد مايطلع من الترعة لنه لما بيكتب بخط اليد يقول لسه حامسح ده وانلوتة حاتتشلفط طبعا ولازم يكتبها تانى لكن مع الكمبيوتر انا ساعات بحس انى ماشى غلط بسمع اللحن تانى من المكان اللى انا شاكك فيه وبمسح واصلح الكمبيوترطبعا انظف واسهل التعديل

مع اطيب تحياتى عادل صموئيل

مجتهد مجتهد
20/01/2012, 09h11
أستاذ عادل المحترم شكراً جزيلاً على التشريح الرائع ولقد وصلت الفكرة بخصوص مقام الصبا بارك الله فيكمhttp://www.samysoft.net/fmm/fimnew/worood/1/big/90973970.gif
اخى العزيز ( وكلكم ) اهم شىء فى الدنيا انك تجد شخص يفهمك الموضوع بطريقة مبسطة .. يعنى ممكن تلاقى عالم زى اينشتاين بس بيكون مستواه فى الشرح عالى جدا جدا بيبقى مش مفهوم للجميع واحيانا تجد واحد غلبان زى حالاتى بس بيقدر يوصل المعلومة
مع اطيب تحياتى عادل صموئيل

عادل صموئيل
20/01/2012, 09h40
اخى العزيز عزت شحاته
اقدم لك

قولوا لعين الشمس كاملة

المشكلة ساعات الملفات اللى بتنزلوها بتكون مش بادية من الاول

فيه ملحوظة النوتة اللى انت منزلها كانتمن بياتى الدوكاه بس انا شايف الملف الصوتى بياتى من الحسينى

وممكن يكون من ادلوكاه عالى اوى على الناس عندك وحرصاً على ( ما يسمى خدمة ما بعد البيع )
انا عملت لك نسختين واحدة بياتى ع الدوكاه وواحدة بياتى حسينى وانت اختار اللى تريحك

sayed_lv
20/01/2012, 10h00
عيد سعيد على كل الاخوة المسيحين
******************
و كل عام و شعب مصر و الوطن العربى كله
فى الف صحه وسلامه
:emrose::emrose::emrose::emrose:

armendo
20/01/2012, 10h27
السلام عليكم
اخي ابو كارم
الاستاذ عادل دون اغنية يام الصابرين (مرفق) و معها آه ياسمرانى اللون لو اردت سارفعها لك
اخوك هيثم


اخى العزيز هيثم
لم اكن اعلم ان الأستاذ عادل قد دون اغنية اه يا اسمرانى اللون ارجوك ارفعها.
مع ارق تحياتى
ارمندو

عيسى سعيد
20/01/2012, 11h01
الف شكر استااذ عادل ياقلب المنتدى:emrose::emrose::emrose:

salhi_haithem
20/01/2012, 11h22
اخى العزيز هيثم
لم اكن اعلم ان الأستاذ عادل قد دون اغنية اه يا اسمرانى اللون ارجوك ارفعها.
مع ارق تحياتى
ارمندو


السلام عليكم ورحمة الله وبركاته
اخي ارمندو الاستاذ عادل دونها في تاريخ 9/11/2011 و قد طلبها اخي عمرو الهنداوي
تفضل نوتة آه ياسمرانى اللون شادية (مرفق) تدوين الاستاذ عادل ملك ملوك التدوين
اخوك هيثم

salhi_haithem
20/01/2012, 11h35
اخى العزيز عزت شحاته
اقدم لك

قولوا لعين الشمس كاملة

المشكلة ساعات الملفات اللى بتنزلوها بتكون مش بادية من الاول

فيه ملحوظة النوتة اللى انت منزلها كانتمن بياتى الدوكاه بس انا شايف الملف الصوتى بياتى من الحسينى

وممكن يكون من ادلوكاه عالى اوى على الناس عندك وحرصاً على ( ما يسمى خدمة ما بعد البيع )
انا عملت لك نسختين واحدة بياتى ع الدوكاه وواحدة بياتى حسينى وانت اختار اللى تريحك



السلام عليكم ورحمة الله وبركاته
يا عيني عليك يا استاذ عادل قمة في الابداع و الجمال نسختين مرعاة لكل الاذواق و كل الطبقات و اللهي الشكر وحده لا يكفيك حقك.. و انا اقترح على الحكومة القادمة في مصر تكريم الاستاذ عادل وذلك بانجاز تمثال الإنسان المثالي لنزاهته و طيبته و اخلاصه في الحفاظ على التراث و الحفاظ على الموسيقى العربية وذلك منذ سنوات من العمل بكل طاقة و نشاط وجدية و اخلاص..
اشكر بروفيسور عادل لما قدمته و لما تقدمه و لما ستقدمه
اخوك هيثم

salhi_haithem
20/01/2012, 11h41
استادنا الفاضل عادل صامويل عيد سعيد والله يوفق لك ما تتمناه.
لقد استمعت لحديثك عبر برنامج اونلاين ....واكتشفت الكثير والكثير....وكانك شاب في الثلاثينات.... كلك حيوية وعندما تسكت ....تترك الكمان يتكلم بنفس الحيوية و الاحساس.... وكان التك الكمان متساوية مع روحك الجميلة.... الحقيقة حديث عذب ذو شجون و كله حنين لزمن الفن الجميل....و ما احوجنا لدلك الفن الراقي.
شكرا اوى اوى اوى.

السلام عليكم ورحمة الله وبركاته
اخي العزيز رجاء خاص جدا جدا جدا ان ترفع الرابط و الا التسجيل و مشكور و انا في الانتظار
اه فاتني نصف عمري لم اتفطن و اللهي
متى و كيف لم اتفطن
اخوك هيثم

ابوكارم
20/01/2012, 12h12
اخى الفاضل هيثم الصالحى
لك منى كل الشكر والاحترام
وانت متابع جيد الحقيقه
لانتاج الاستاذ الفاضل عادل صموئيل شكرا مرة اخرى

armendo
20/01/2012, 12h19
السلام عليكم ورحمة الله وبركاته
اخي العزيز رجاء خاص جدا جدا جدا ان ترفع الرابط و الا التسجيل و مشكور و انا في الانتظار
اه فاتني نصف عمري لم اتفطن و اللهي
متى و كيف لم اتفطن
اخوك هيثم

اخى العزيز هيثم
اشكرك على نوتة اه يا اسمرانى اللون واليك التسجيل الكامل مع الأستاذ عادل فى حلقة ضيف اون لاين.
مع ارق تحياتى
ارمندو

piano_piano_d
20/01/2012, 12h29
أستاذي المحُترم أ/ عادل صموئيل
مليون شكر أستاذي على العمل الرائع الجميل " قولوا لعين الشمس متحماشي "
و يا سلام لو تنوت لنا أغنية ليالي العمر معدودة ، هي صحيح أغنية حزينة قوي بس بصراحة لحنها رائع وأداء شادية يجذب من يستمع إليها ....
مع خالص شكري وتقديري

salhi_haithem
20/01/2012, 12h35
اخى العزيز هيثم
اشكرك على نوتة اه يا اسمرانى اللون واليك التسجيل الكامل مع الأستاذ عادل فى حلقة ضيف اون لاين.
مع ارق تحياتى
ارمندو


السلام عليكم ورحمة الله وبركاته
شكرا يا اخي بحثت على الموضوع ووجدته و حملته و انا الان قاعد استمع و اتمتع و اذهلني عزف الاستاذ عادل لاغنية ليلي و نهاري مقطع (بالحب وحده انت غالي علي بالحب وحده انت ضئ عيني) ادهشني و الله و الكمان يتكلم حرف حرف بشدة الوضوح و ارجوا من الاستاذ ان يدونها لانها جميلة و انا اعزف منها لكن عندي مشكلة في القفلة و عندي مشكلة في جملة (قالولك الحيرة تزود حبي) مع اني ثقلت عليه جدا و انا عارف اني اجهدته..
المهم شكرا لك يا اخي ارمندو و كالعادة سباق في الخير
اخوك هيثم

salhi_haithem
20/01/2012, 12h38
أستاذي المحُترم أ/ عادل صموئيل
مليون شكر أستاذي على العمل الرائع الجميل " قولوا لعين الشمس متحماشي "
و يا سلام لو تنوت لنا أغنية ليالي العمر معدودة ، هي صحيح أغنية حزينة قوي بس بصراحة لحنها رائع وأداء شادية يجذب من يستمع إليها ....
مع خالص شكري وتقديري


السلام عليكم ورحمة الله وبركاته
تفضل اختي العزيزة نوتة ليالي العمر معدودة لشادية من تدوين الاستاذ البروفيسور عادل صموئيل
اخوك هيثم

armendo
20/01/2012, 12h40
أستاذي المحُترم أ/ عادل صموئيل
مليون شكر أستاذي على العمل الرائع الجميل " قولوا لعين الشمس متحماشي "
و يا سلام لو تنوت لنا أغنية ليالي العمر معدودة ، هي صحيح أغنية حزينة قوي بس بصراحة لحنها رائع وأداء شادية يجذب من يستمع إليها ....
مع خالص شكري وتقديري


الأخت العزيزة بيانو بيانو
اليك نوتة ليالى العمر معدودة للرائعة السيده شادية ارجو ان تسعدى بها.
مع ارق تحياتى
ارمندو

salhi_haithem
20/01/2012, 12h41
اخى الفاضل هيثم الصالحى
لك منى كل الشكر والاحترام
وانت متابع جيد الحقيقه
لانتاج الاستاذ الفاضل عادل صموئيل شكرا مرة اخرى

السلام عليكم ورحمة الله وبركاته
اخي ابوكارم لا شكر على واجب وانا تحت امرك
اخوك هيثم

ahmad_alahlawy
20/01/2012, 12h49
الأستاذ عادل:
مرفق تسجيل الأستوديو لأغنية قولوا لعين الشمس...وهو أوضح من كل تسجيلات الحفلات
صراحة بعد الاستماع عدة مرات للأغنية أعتقد أنها بياتى دوكاه ولكن من الطبقة الصغيرة...ولكن غير متأكد
يرجى الافادة

غواص النغم
20/01/2012, 13h03
:emrose::emrose:

أستاذ عادل
اشكرك على الرد على اسئلتي واستمتعت بكل ما كتبته

واريد ان استفسر منك على لحن قصيدة أسألك الرحيلا لنجاة
هل تعرف اي شي عن موضوع ماحصل بين نجاة و الموجي و عبدالوهاب ؟
لان القصيدة اعطتها نجاة الي الموجي وعندما اكمل تلحينها وجد ان عبدالوهاب ايضا يلحن في القصيدة
وحدثت مشكلة بين نجاة و الموجي الذي كان يطالبها بتكملة الاجر وتعويضه
وكيف حل عبدالوهاب الخلاف؟
وهل هذه قد تكون ضجة صحافية فقط ؟ خاصة ان بعض الصحف اثارتها وقتها
وهل سمعت لحن الموجي لقصيدة اسالك الرحيلا؟
ورايك هل تحدث مثل هذه المشكلات حول اعطاء الكلمات لاثنين من الملحنين
وهل من حق المطرب لو ماعجبوش اللحن ان يسحب الكلمات ويعطيها لملحن اخر؟ وهل في هذه الحالة يدفع اللحن للاتنين او يعطي عربون فقط في الاول ؟
ومن كان اغلى ملحن وارخص ملحن؟ وهل توجد تسعيرة للاغنية الطويلة والاغنية القصيرة ؟
:emrose:تحيتي:emrose:
اخى العزيز
نجاة الصغيرة كانت متقلبة جدا فى تصرفاتها بدرجة مزعجة جدا احيانا . وكانت بتتخانق مع الفرقة الماسية كتير وتتركها وتروح فرق تانية .يعنى كانت منقطعة عن الفرقة الماسية عدة سنوات ولكن عندما لحن لها كمال الطويل اغنية عيش معايا هو اصر انها ترجع للفرقة الماسية ورحنا مع بعض تونس بعدها ,, اما موضوع اسألك الرحيلا وموضوع الموجى كان ممكن يحصل فى الظروف الآتية : انها تدكون اعطتها للموجى قبل عبد الوهاب بفترة طويلة جدا ولما تواليله يعنى الاغنية اتركنت بعدين اعطتها لعبد الوهاب .. او ممكن تكون سمعت المطلع من الموجى ما دخلش مزاجها .. بس دى مشكلة خطيرة لو حصلت مرة بتبقى نهاية التعامل بين هذا الملحن وتلك المطربة .. بمعنىان لو حد عملها الملحن مش حايتعامل معاه تانى .. وانا امس ذكرت سيرة الموضوع وقلت الشرط ان المطرب لازم يشترى الكلمات من الملحن مش يستلفها او ياخدها كده جدعنة عشان ماحدش تانى ياخد الكلام وبتحصل قضايا فى المواضيع دى . والمطرب بيكل بيها المحلن المفروض تبقى خلاص خلصت كده بعدين بيتسجل الكلمات واللحن نسخة من اتسجيل فى جمعية المؤلفين والملحنين بحيث ان اى من الكلام او اللحن لو اتسرقوا يبقى صاحب الحق موجود وعنده مستند قانونى .. وفيه حاجة مهمة جدا ان جمعية المؤلفين والملحنين دى حاجة عالمية ,, او على الاصح فيه فى كل دولة جمعية مماثلة وكلهم بيتعاونا مع بعض .. يعنى لو حد من اى دولة سرق اى لحن بالذات من ملحن من دولة تانية والحكاية اتكشفت صاحب الحق الاصلى واللى بيبقى سجلها فى الجمعية اولا بيرفع قضية وبياخد حقه ثالث ومتلت
وحصلت مع الموجى فى اغنية رسالة من تحت الماء واحد من اليونان سرق الجملة الموسيقية اللى فى المقدمة والموجى اخد منه اد اللى قبضه من عبد الحليم 100 مرة .. ولو حصلت كما قلت ان اااللحن ماعجبش المطرب بيترك العربون طبعا على الاقل لأن الملحن تعب فيه شوية .. بس فيه حاجة برضه من وجهة نظرى .. المطرب الكبير اوى زى نجاة مثلا لما بيختفى فترة طويلة ويوعد اكيد لازم يعود بقنبلة او بحاجة ملفتة للنظر واسم عبد الوهاب بالطبع بيعمل القنبلة دى , وبالذات لمايكون املطرب تخطى مرحلة عمرية وطلع غيره كتير فى الساحة بيحب يرجع كبير بقدر المكان .. وحكايى اغلى ملحن وارخص ملحن دى نسبية مش تسعيرة .. يعنى مع ام كلثوم آخر اجر تقاضاه السنباطى من اول الاطلال لحد الآخر كان 2000 جنيه مصرى فى اللحن .. مع ان عبد الوهاب كان بياخد منها 1500 جنيه فقط .. ولاجر ده كان بيعتبر طبعا كبير جدا وقتها .. وبالطبع اللحن الطويل اغلى من القصير .. بس مفيش تسعيرة محددة يعنى حسب المطرب ما بيحب يدفع للملحن بس بتفرق فى حاجات .. يعنى الملحن لوقابض اجر مش مكفيه .. كان بيعمل لحن جاهز مش محتاج بروفات كتير يعنى النوتة مكتوبة وبتتنفذ فى بروفتين ويتسجل .. لكن لما يكون الملحن قابض كويس ممكن يعمل لحن فيه شغل ويتعمل بروفات كتير واللحن يتم التعديل والتحسين فيه وبيطلع احلى بالطبع .. وسنة 1980 كان اجر سيدمكاوى بيترواح بين 300 ألأى 500 جنيه مصرى .. اصل كان بيحصل كتير انه بيستدعينى ادون له وكان بيتكلم عن الاجر قدامى .. بسفيه ظاهرة زمان مهمة جدا جدا وجديرة بالذكر .. زمان المطرب لما كان بيوصل لمكانة معينة وبيكون ( عمل قرشين كويسين ) فى اواخر حياته كان بيصرف على شغله ممكن اكتر مما بيقبض يعنى عبد الحليم كان بيجيب على الماسية عازفين وكورال اكتر .. طبعا الاذاعة وشركة صوت الفن مش ملزومة بزيادة المصاريف دى كان عبد الحليم بيدفع الفرق من جيبه الخاص وهو كان صاحبى يعنى عارف كل كل اللى حايقبضه كام وانا كنت فى اارة الفرقة الماسية يعنى كنت بالطبع عارف اعطى الفرقة كام عشان تحاسب الموسيقيين بتوعها والموسيقيين الزيادة والكورال والكورال الزيادة ولو حسبتها تلاقيه دافع من جيبه ممكن ثلاث اضعاف اللى قبضه ودى حاجة بقولها للذكرى والتاريخ عشان تعلافوا اد ايه الناس دى كانت محترمة .. يعنى النهارده اللى بيعمل نفسه فنان اهم شىء عنده حايهبش كام فلوس بغض النظر عن اى شىء
يعنى مرة صديقة عزيزة من 4 سنوات بتشتغل فى مجال دور رعاية الايتام حبت تعمل حفلة خيرية فى الاوبرا وعايزة اسم مطرب مشهور عشان تبيع على حسه التذاكر عشان الحفلة تجيب ايراد حلو للأيتام .. وكلمنا سوا مطرب ( م . م. ) وهذا المطرب انا صوته بيجيب لى شلل اطفال يعنى كلخمس نغمات بيغنى منهم 4 نشاز وقلت لها حانتفق معاه بس اعذرينى ما تعزمونيش فى الحفلة لأنى مش حاطيق اسمعه اصلا .. تخيلوا هذا المطرب الفاشل طلب كام من حفلة الأيتام ؟؟ طلب نصف مليون جنيه مصرى .. ينى ام كلثوم طول عمرهاماقبضتش فى مصر نص مليون جنيه
اما زمان كان كل مطرب لازم يحى حفلة خيرية على الاقل كل سنة مجانا وكان بيدفع اجر الفرقة من جيبه الخاص
وماحدش ينسى انمن سنة 1967 ام كلثوم تنازلت عن كل اجرها فى مصر والخارج لصالح المجهود الحربى .. ومن كل حبايبها واصحابها فى مصر والعالم كانت بتجمع تبرعات وصلت لطن ذهب للمجهود الحربى ولإزالة آثار عدوان 1967
ده الفرق
مع اطيب تحياتى عادل صموئيل

swaifi73
20/01/2012, 13h36
أشكر استاذي ومعلمي عادل على النصائح الدائمة
ربنا يعطيك الصحة وطول العمر
أستئذن أستاذ عادل أن أنزلها في طلبات النوت لأني لا أعرف غير هذه الصفحات ولا أدخل المنتدى إلا فيها هي وحتى تنال متابعة استاذي عادل لأنه أول من علمني أخط وأدون نوت وحتى يرها باقي الأستاذة وأستفاد من نصائحهم وملاحظاتهم
أقدم لزملائي في المنتدى نوتة ليالي لبنان لمحمد عبد الوهاب
أتمنى أن تكون قد المستوى
وأي ملاحظات من الزملاء والأساتذة الذين نتعلم منهم أنا مستعد لأي تعديل أو تغيير

عمرو الهنداوي
20/01/2012, 14h24
اخى ارمندو اشكرك على تسجيل الحلقة
بتاعت استاذ عادل وهى حلقة سجلت معه منذه اكتر من 3 سنوات
وماشاء الله وهى جميلة جدا وانا اسمعت لها اكتر من 10 مرات على مدى هذة
الفترة وشافوا ماشاء الله الصوت شبابى ازى وشافوا العزف مختلف عن
عزفه فى صفحة معزفاته علشان جودة التسجيل هنا احسن شوية
:crazy:

وكان طلب ناس كتير بالمزيد من الحلقات لكن ماتمت
وانا معاكم فى تنويت ليلى ونهارى فى اقرب وقت وهو نفسه بيحبها
ودى من النوتات اللى بتقوله تعالى اكتبنى
:crazy:

انا عندى اقتراح وعايز اعرف رايكم فيه؟؟
ايه رايكم استاذ عادل يستغل فكرة التسجلات الصوتية للرد على الاسئلة
والكلام عن زكرياته وانا شايف دة حل افضل لعدة اسباب

1- اولا حيبقى عندنا تسجلات بصوته نادرة نسمعها فى اى وقت

2- هو فى التسجلات يقدر يحكى زى ماهو عايز وغير ملزم بالكتابة
الكثيرة وموضوع الاطالة ومش الاطالة

3- حيكون سهل عليه يتكلم ويعزف ويشرح لنا بامثلة على الكمان بدل
من الشرح الكتابى يعنى مثلاا لما استاذ عاصم ساله عن حلية مستمرة فى
اغنية شادية والله يازمن فى الشرح الكتابى استاذ عادل شرح لكن بقى فى الشرح
الصوتى حنسمع شرحه ونسمع عزفه للشرح كمان

4- طبعا مفيش مشكلة فى برامج التسجلات والكلام دة هو بس يامر
وانا تحت امره:crazy:

يعنى دى فكرة مبدائية وممكن طبعا تتطور بالشكل اللى يرضاه ويرضتنا
بدل موضوع الرد علينا بالكتابة المجهدة بالنسبة له والطويلة وبتاخذ وقت
طويل منه فى الكتابة والتصحيح الاخطاء وكدة

انتم ايه رايكم ولو عجابكم الفكرة نقولها للاستاذ ونشوف
الموضوع يمشى ازى؟؟
وانتم كمان قولوا اقتراحتكم احنا فى عصر الحرية
كل التحية:)

عزت شحاته
20/01/2012, 16h05
[QUOTE=عادل صموئيل;569261]اخى العزيز عزت شحاته
اقدم لك

قولوا لعين الشمس كاملة

المشكلة ساعات الملفات اللى بتنزلوها بتكون مش بادية من الاول

فيه ملحوظة النوتة اللى انت منزلها كانتمن بياتى الدوكاه بس انا شايف الملف الصوتى بياتى من الحسينى

وممكن يكون من ادلوكاه عالى اوى على الناس عندك وحرصاً على ( ما يسمى خدمة ما بعد البيع )
======================
استاذى الجميل / عادل صموئيل
الف شكر ياباشا . كتير عليه .
فعلا من الدوكاه عاليه جدا وكنت بنزل تون الاورج
فى التدريب درجتين ونص عشان اوصل لتون الاغنيه
ما اريد فهمه مقولتك ( خدمة ما بعد البيع )
وايضا البراعه فى اختلاف مقام المقدمه وبداية الغنا
( حجاز وتنويعه على ما اذكر صبا زمزمه ) عن المقام الاساسى ( بياتى )
وهل ده يندرج تحت الابداع الامنطقى اى البعيد عن القواعد المتعارف عليها

اخى العزيز عزت
طبعا يسعدنى ان شغلى عجبك
وكلمة خدمة ما بعد البيع دى اتعلمناها فى مصر زمان قبل ثورة يوليو 1952 كان فى مصر عدد كبير جدا من مختلف الجنسيات .. كانوا بيتميزوا بالذمة العالية جدا جدا يعنى مفيش حاجة اسمها غش تجارى زى دلوقتى او ناس بتستورد زبالة الصين وتركيا وبيبحثوا عن زبالة العالم ويبيعوهالنا بسعر الاصلية كمان . ساعتها كان لما ييجى بياع يونانى او ايطالى يبيع لك ساعة بيبقى جايب احسن ساعة او ( ثلاجة او اى حاجة ) بيبقى متأكد من انها 100% وعمرها ماتتعطل ولا بعد 30 سنة فكان بيديك معاها ضمان مش اقل من عشر سنين وهو متاكد انها مش حاتعطل او بمجرد انك اشترين منه السلعة بيبقى فيه اتصال بينك وبينه يعنى مثلا الثلاجة فصلت فورا يبعت لك فنى خبير يشوف فصلت ليه ودى اسمها خدمة ما بعد البيع مش زى دلوقتى تشترى الحاجة ولو خربت عشان هى اصلا فاسدة لازم يقنعك انك انت اللى بوظتها يعنى اناواحد صاحبى اشترى عربية 4×4 ب 300 الف جنيه وبعد ما اشتراها طلع فيه عيب تصنيع خطير يعنى ممكن تاكل فردة الكاوتش اليمين كل اسبوع .. والعيب مش فى العفشة يعنى يتصلح ومهما يكلف ويخلص ولكن العيب فى الشاسيه والمفروض الممصنع يديه واحدة تانة فورا عذبوه وقالوا له انت اللى كسرتها لدرجة الراجل قعد يصرخ فى القنوات الفضائية ماحدش سأل فيه
نرجع لعمنا العزيز بلليغ
بالطبع لو بتقرا كل اللى بكتبه كررت ان كل ملحن لازم فى كللحنيعملحاجة ما اتعملتش قبل كده هنا بليغ عمل حاجتين الاولى ان بدأ بمقام بعدين تتفاجأ ان الاغنية كلها من مقام تانى وده بداع وعكس القاعدة اللى بيعملوها كل الناس بمعنى ان المفروض انه بيبتدى بياتى الاول بعدين يعمل اللى فى نفسه بعدين بيرجع للبيباتى . كان عبد الوهاب اول من كسر القواعد دى لنها فى الثلاثينات لما احد لك اسطمبة لازم تمشى عليها بعد عشر سنين حتلاقى الالحان بقت متشابهة ,, لكن لما عبد الوهاب اخترق القواعد شوف انت بقا حصل ايه .. والحاجة الغريبة التانية واللى مش مسبوقة انه خلا الكورال يعمل حاجة زى الموال ودى شغلة المطرب مش الكورال
والجديدر بالذكر ان لحن قولوا لعين الشمس زى ما انتم عارفين لحن شعبى قديم وكان معمول عشان سعد زغلول يومما اتنفى فى مصر قبل ما يسافر بيوم يعنى الناس حافظاه كلهم من قبل وهنا لما تتناوله اما ان تكون ناجح جدا وتعمل حاجة حلوة تستاهل او ان الناس تحس انك فاشل وجاى تاكل عيش على حساب الملحن القديم بتاع زمان
اما موضوع الطبقة انا كتبتها اول مرة للعزف .. لكن انت لما قلت حاتحفظها لناس حاتغنيها هنا لازم انا اعمل حساب الطبقات البشرية .. ودى برضه حاجة مهمة جدا لازم نتعلمها يعنى انا لو عايز اعزف ممكن من اى طبقة تريحنى فى العزف لكن لما حد يغنى معايا لازم اعمل حسابه
مع اطيب تحياتى عادل صموئيل

armendo
20/01/2012, 16h17
مساء الخير والسعادة لكل الأعضاء..
وشكر متواصل مع التقدير والعرفان للاستاذ عادل صموئيل ..
لو سمحتم انا ابحث عن نوتة (كل ده كان ليه) وبدون نتيجه ترجى ..ارجومنكم من لديه النوته ان ينزلها للمنتدى ..واكيد متل هايي الاغنيه بكون الاستاذ عادل مدونها ..ولكم مني اجمل تحية ..والسلام عليكم

الأخت العزيزة ايمان
اليك نوتة كل ده كان ليه ارجو ان تستمتعى بها وهى من تدوين الأستاذ طارق.
مع ارق تحياتى
ارمندو

salhi_haithem
20/01/2012, 16h31
الأخت العزيزة ايمان
اليك نوتة كل ده كان ليه ارجو ان تستمتعى بها وهى من تدوين الأستاذ طارق.
مع ارق تحياتى
ارمندو


السلام عليكم ورحمة الله وبركاته
اخي العزيز ارمندو فيه نوتة كل ده كان ليه من تدوين الاستاذ عادل لو اردت ان ارفعها
بالطبع الشكر موصول الى الاستاذ طارق لما قدمه لاثراء المنتدى
اخوك هيثم

salhi_haithem
20/01/2012, 16h38
:crazy:

وكان طلب ناس كتير بالمزيد من الحلقات لكن ماتمت
وانا معاكم فى تنويت ليلى ونهارى فى اقرب وقت وهو نفسه بيحبها
ودى من النوتات اللى بتقوله تعالى اكتبنى
:crazy:

انتم ايه رايكم ولو عجابكم الفكرة نقولها للاستاذ ونشوف
الموضوع يمشى ازى؟؟
وانتم كمان قولوا اقتراحتكم احنا فى عصر الحرية
كل التحية:)



السلام عليكم ورحمة الله وبركاته
اخي العزيز عمرو الهندواى شكرا لضم صوتك الى صوتي و ياريت الاخوة يدعمونا لكي يدونها الاستاذ عادل
و شكرا يا استاذ عادل على نوتة شفت حبيبي فهي عظيمة مثل شخصك
و شكرا هيثم

armendo
20/01/2012, 16h53
السلام عليكم ورحمة الله وبركاته
اخي العزيز ارمندو فيه نوتة كل ده كان ليه من تدوين الاستاذ عادل لو اردت ان ارفعها
بالطبع الشكر موصول الى الاستاذ طارق لما قدمه لاثراء المنتدى
اخوك هيثم

اخى العزيز هيثم
اشكرك يا صديقى وارجوك ان ترفعها مع شكرى العميق .
اخوك ارمندو

إيمان.
20/01/2012, 16h53
الله عليك ياأستاذ أحمد بعد ان طلبت الاغنية وجدتها عندي في المكتبه وهي من تدوين الاستاذ عادل ..اشكرك جزيل الشكر وجزاك الله كل خير ..

armendo
20/01/2012, 16h56
[QUOTE=salhi_haithem;569352][B]السلام عليكم ورحمة الله وبركاته
اخي العزيز عمرو الهندواى شكرا لضم صوتك الى صوتي و ياريت الاخوة يدعمونا لكي يدونها الاستاذ عادل
و شكرا يا استاذ عادل على نوتة شفت حبيبي فهي عظيمة مثل شخصك
و شكرا هيثم[/B

[SIZE="5"][COLOR="Purple"]اخواى عمرو وهيثم
وانا ايضا انضم اليكم فى طلب تدوين هذة التحفة الغنائية.
ارمندو

إيمان.
20/01/2012, 16h59
كل ده كان ليه من تدوين الاستاذ عادل

armendo
20/01/2012, 17h18
كل ده كان ليه من تدوين الاستاذ عادل

الأخت العزيزه ايمان
اشكرك على النوتة وانا ايضا وجدتها مع تحياتى.
ارمندو

عاصم المنشاوى
20/01/2012, 17h46
الأستاذ /عادل
طلبت مننا الفنانة شادية "قولوا لعين الشمس ماتحماشى"...لا والنبى خليها تحمى فى البرد الساقع ده....ووعدتنا نجاة بأن..."مسير الشمس من تانى تنورفوق سنين عمرى"...ولانملك الا ان نقول ...أمين....

طيب بما اننا لازلنا مع شادية....فيه اغنية كتبها "عبد الوهاب محمد"...ولحنها "محمد الموجى"...وهى (بوست القمر)...وفى قول آخر "شفت القمر"...وهى ايضا من الأغانى التى كانت ثذاع منقوصة بعد ان طالها مقص الرقابة فى الكوبليه الأخير...وفكرتها سبقت زمانها ...فلو احنا دلوقتى بنتصل ببعض عن طريق التليفون الموبايل المحمول الجوال البورتابل الخليوى...عن طريق القمر الصناعى ...ف عبد الوهاب محمد على لسان شادية تقول:على طلعتك شفت القمر احساسي قال

ان انت اجمل م القمرومن الجمال

وهواك وعدني اسهر هناعلشان ربطنا ببعضنا

في جو يقرب لنا بعد البلاد

انا قلبي طار م الشوق اليك راح للنجوم يسأل عليك

بعت بوستي للقمر يمكن يكون

سهران وشارد في السهر صاحي العيون

وبتهدي بوستك للقمر وانا باهدي بوستي للقمر

يتقابلوا الاتنين في السهرمن غير ميعاد

انا قلبي طار من الشوق اليك
أذن ...الحل ان تبعت شادية تحيتها للقمر ثم يقوم القمر الطبيعى-مش الصناعى- بدوره بأرسالها الى حبيبها ,,...والله فكرة أرخص
الحمد لله الأغنية بسيطة كوبليه ومذهب مكرر...ارجو ان تنال عطفكم...خاصة لعازقى الأورج ...تعتبر تمرين كويس للتنقل بين الأكورديون والساكسفون والجيتار...على ايقاع ثابت متكرر على البونجز

swaifi73
20/01/2012, 17h58
أشكر استاذي ومعلمي عادل على النصائح الدائمة
ربنا يعطيك الصحة وطول العمر
أستئذن أستاذ عادل أن أنزلها في طلبات النوت لأني لا أعرف غير هذه الصفحات ولا أدخل المنتدى إلا فيها هي وحتى تنال متابعة استاذي عادل لأنه أول من علمني أخط وأدون نوت وحتى يرها باقي الأستاذة وأستفاد من نصائحهم وملاحظاتهم
أقدم لزملائي في المنتدى نوتة ليالي لبنان لمحمد عبد الوهاب
أتمنى أن تكون قد المستوى
وأي ملاحظات من الزملاء والأساتذة الذين نتعلم منهم أنا مستعد لأي تعديل أو تغيير


عفوا أعزائي كتبت المي في مازورة 136 نصف بيمول بلخطا وهي بيمول وليس نصف بيمول وهذه هي النوتة بعد التعديل

ابوكارم
20/01/2012, 18h04
الاستاذ الكبير/ عادل صموئيل
لقد وجدت اغنيه (سمراء يا حلم الطفوله)
كلمات الاميرعبدالله الفيصل والالحان للموسيقار حسين جنيد
وكلنا نعلم ان عبد الحليم حافظ غناها ايضا بالحان الموسيقار كمال الطويل
فايهما الاسبق
ولكن الحان الطويل اجمل
هل غناها كارم قبل عبدالحليم لاننا لم نجد مثل هذا التشابه
اقصد ان يغنى مطرب اغنيه ثم يغنيها مطرب اخر بالحان اخرى
ولكم الشكر
اخى العزيز
بالتاكيد لحن حسين جنيد اسبق ولكن كما قلت لحن كمال الطويل احلى
وموضوع ان مطرب بيغنى اغنية اتغنت من قبل تقريبا حصلت بس بيكون بلحن مختلف
لكن بيبقى المطرب الكبير هو الاسبق بالطبع
مع اطيب تحياتى عادل صموئيل

عادل صموئيل
20/01/2012, 22h37
احبائى
اقدم لكم من روائع شادية

شفت القمر

مع اطيب تحياتى

http://www.iraqup.com/up/20100501/Ou7Lj-4V2u_117234929.gif

علي ثلاثة
21/01/2012, 07h26
سيد عادل


سلام وتحية



لي بعض التساؤلات حول أعضاء الفرقة


فهل جميعهم يبدؤون العزف في وقت واحد أم هل


يبدأ ظابط الإيقاع أولا – وإذا تأخر ظابط الإيقاع فمن يحدد


زمن المعزوفة



وأيضا إلى من ينظر العازف أ إلى القائد أم المطرب أم ينظر في مدونته


وهل للمطرب إشارات يرسلها إلى أعضاء الفرقة وما هي



وكيف يتواصل أعضاء الفرقة فيما بينهم


وما معنى السلطنة أهي البراعة أم هي اندماج المغني في القطعة



وأخيرا كيف يتصرف أعضاء الفرقة أثناء ارتجال المغني


بمعنى هل يردونه بعزفه أم هل يتابعونه


مع تفاوت في قدرة المطربين على الارتجال


ومعذرة عن الإطالة



مع شكري
الأخ العزيز
تتميز الفرقة الماسية بأعلى درجة من الانضباط الأدائى يعنى لو لحن اتسجل فى حفلة على الفرقة الماسية واعي\ تسجيله فى حفلة اخرى على فرقة تانية تجد ان تسجيل الفرقة الماسية كما هو مكتوب فى الكتاب كما بيقولوا يعنى مش ممكن تاخد عليهم غلطة وده العادى بتاعهم
اما عن من يبدلأ اولا عازف الإيقاع ام الفرقة بيكون حسب اللحن يعنى فيه لحن اوله فرقة بدون ايقاع اولحن اوله 4 موازير ايقاع
يعنى اسمع عشر اغانى وشوف البدايات
واهم شىء قائد الفرقى الاستاذ احمد فؤاد حسن فى لاول بيدى مازورة فاضية يعنى بتحدد السرعة وندخل حسب اللحن
وضابط الإيقاع مفيش امامه نوت وهنا لازم ياخد السرعة من قائد الفرقة . اثناء العزف وفى الفرقة الماسية بالذات لازم العازف بيقسم حواسه كلها إلى 3 اقسام ثلث مع القائد وثلث مع النوتة وثلث مع المطرب .. والتعامل مع امطرب الكبير غير المطرب الصغير .. يعنى مثلا مطرب زى ماهر العطار لازم يلتزم بالنوتة وبالإعادات اللى فيها ولكن المطرب الكبير بيغنى براحته يعنى المرجع مرتين ممكن يعيده 4 مرات , هنا لازم تكون عينك على يده بيعمل إشارة بيده من وراءظهره اننا نعيد او نمشى على طول
لأن الخطورة هنا فى مرجع بيتعاد كما هو ومرجع فى آخره مازورة تختلف فى النهاية ثانى مرة , ( البريما فولتا رقم 1 والسكوندا فولتا رقم 2 . وهنا مع المطرب الكبير لازم تكون عينك على يده لأنه لو عمل إشارة إعادة والفرقة كلها ما التفتتش ممكن بعض يعزف المازورة رقم 1 والبعض يعزف المازورة رقم 2 وتهصل لخبطة ولو حصلت لازم يتعاد الكوبلليه كله مرة ثانية عشان فى المونتاج يحذفوا الاخطاء ويكون فيه نقلة سليمة
وعند الانتقال من جملة إلى الجملة التالية هنا لازم قائد الفرقة ينبه عازف الإيقاع لو الإيقاع اختلف من ملفوف الى مقسوم مثلا
والتواصل مش بيحصل بين اعضاء الفرقة ولكن بناخد كل حاجة من قائد الفرقة يعنى هو اللى بيحدد كل اللى بيحصل على المسرح
والسلطنة هى التركيز الشديد او الاندماج الشديد مع المقام .. يعنى انت لما تسمع وخلاص ممكن تبقى مش مركز مع المطرب 100% يعنى ممكن تفكيرك يسرح فى شىء تانى لكن لما توصل لدرجة السلطنة بتحلق فى الفضاء والمطرب والمقام بيستحوذوا على المستمع ما يحسش بشىء تانى غيرهم .. يعنى ايه فائدة المقدمة الموسيقية الطويلة ؟ انها بتجعل المطرب يتسلطن او يركز فى المقام احسن مما يدخل على طول ..
اما عن الارتجال .. الارتجال ده موهبة خاصة جدا .. مش عند اى مطرب ومش شرط يكون كبير يعنى عبد الحليم مثلا شوف كان اد ايه لكن لم تكن عنده مهارة الارتجال ولكن فريد ممكن كان يرتجل 3 ساعات ومايخلص .. وهنا طالما المطرب قدير لازم انت كعازف تتابعه يعنى بمصطلح السوق نترجم ,, يعنى هو بيقول جملة او حركة انا بتابعها معاه بعزفى ... ومع المطرب الكبير من اشد المحظورات انك انت تحاول .. تحجيمه لأنك حاتلخبطه يعنى هو مثلا فى البياتى .. ممكن بيدخل فى صبا او كورد اوحجاز او عشرات المقامات ولما تتابه هو بينطلق وبالذات فريد وعبد الوهاب كان بيمسك العود وهو بيغنى لأن العود بيفتح له سكك كتير .. بعكس ام كلثوم كانت لما ترتجل لازم محمد عبده صالح ( وهو فقط ) بيعطيها سكك يعنى هى بتقول فى البياتى هو يعطيها مقمات اخرى والفرقة بتتابع معاهم بس لازم يكون زعيم للعملية ما يبقاش فيه كذا مقام فى نفس الوقت المطرب يتلخبط
لكن اهم شىء ان المطرب بيبقى قدير جدا والعازف بيبقى قدير جدا لأن لو واحد فيهم مش بمستوى الآخر تحصل لخبطة وممكن فوضى احيانا .. والتجويد ممكن يحصل فى حاجات يعنى مثلا كلمة يا حبيبى فى اللحن يا بتاخد مازورة 4/4 وحبيبى بتدخل فى المازورة التالية .. المطرب القدير ممكن لما يتسلطن عايز يطول كلمة يا .. اهم شىء بيبقى هو عارف انها مازورة 4/4 ولما يطول فيها مش يطول وخلاص , يعنى لما يطول لازم يطول مازورة كاملى او مازورتين كاملتين او اى عدد هو عايز بس المهم انها تكون اربعات بحيث لما ييجى يدخل فى كلمة حبيبى تبقى فى مكانها الصحيح فى اول المازورة لكن المطرب الفاشل ممكن يطول 3 او 3 ونصف مثلا حايدخل غلط ويقع فى الإيقاع
فيه كمان حاجة اسمها التصدير ..ومعناه ان مطرب قدير جدا جدا زى عبد المطلب مش بيلتزم بالعلامات الإيقاعية التى فى النوتة
بمعنى مثلا مازورة 4/4 والجملة تبدأ من اول المازورة .. ممكن لما يتسلطن يبدأ الغناء قبل اول المازورة بكروش او يترك سكتة كروش ويغنى وبيعمل ترحيل للنوارات .. هنا العازف لازم يبقى بيشغل اذنه بيتابع مع المطرب بس بياخد باله من مكان اللزمات الموسيقية الصغيرة عشان يعزفها فى مكانها .. العملية يتهيألك انها صعبة جدا ومعقدة لكنها معنا كانت سهلة جداً .. لأنك بتكون فاهم شغلك صح ... وكان المفضل دائما ان المطرب بيشتغل على فرقة محددة بتكون حافظة طريقته فى اى لحظة ممكن يعمل ايه . يعنى انا من غير ما انظر ليد ام كلثوم بحس من صوتها انها حاتعيد تانى .. او ساعات بيبقى نفسها تسكت وتسمع باقى الجملة موسيقا بتسلطنها اتكر .. واحيانا كان عازف الايقاع القدير لما يتسلطن بيعمل روائع طبعا مع الاسف عصر رائع انتهى النهارده عصر الميكنة
مع اطيب تحياتى

مجتهد مجتهد
21/01/2012, 08h24
أستاذ عادل المحترم شكراً جزيلاً على التشريح الرائع ولقد وصلت الفكرة بخصوص مقام الصبا بارك الله فيكمhttp://www.samysoft.net/fmm/fimnew/worood/1/big/90973970.gif
اخى العزيز ( وكلكم ) اهم شىء فى الدنيا انك تجد شخص يفهمك الموضوع بطريقة مبسطة .. يعنى ممكن تلاقى عالم زى اينشتاين بس بيكون مستواه فى الشرح عالى جدا جدا بيبقى مش مفهوم للجميع واحيانا تجد واحد غلبان زى حالاتى بس بيقدر يوصل المعلومة
مع اطيب تحياتى عادل صموئيل
استاذنا الفاضل المحترم عادل صموئيل أشكرك جزيل الشكر على تجاوبكم معي ولكنني صدقاً فهمت شرحك ولايهمني إنشتاين ولا غيره ويكفي من شرح لي هو عامود الفقري للموسيقى العربية (( المحترم عادل صموئيل )) وهذا يكفي بارك الله فيك أمدك بعمر مديك

مجتهد مجتهد
21/01/2012, 08h50
إلى الاخوة والاحبة جميعاً السلام عليكم فرداً فرداً

لقد بحثت في المنتدى عن أغنية لميادة الحناوي وهي أنا بعشقك أنا ولن أحصل عليها ويمكن هي موجودة ولكنني لم أحصل عليها فمن كانت لدية نوتة هذه الاغنية فجزاه الله كل الخير والأفضل إن كانت من تدوين الاستاذ الفاضل عادل صموئيل المحترم لانها تكون بالنسبة لي أبسط وشكرأ لكم جميعاًhttp://www.samysoft.net/fmm/fimnew/worood/1/78896867.gif أول بأول
الاخ العزيز
هى موجودة فى صفحة 123 .. ولو شفت الموضوع من اول صفحة رقم واحد حاتلاقى حاجات كتير جدا تعجبك
مع اطيب تحياتى عادل صموئيل

salhi_haithem
21/01/2012, 09h52
إلى الاخوة والاحبة جميعاً السلام عليكم فرداً فرداً

لقد بحثت في المنتدى عن أغنية لميادة الحناوي وهي أنا بعشقك أنا ولن أحصل عليها ويمكن هي موجودة ولكنني لم أحصل عليها فمن كانت لدية نوتة هذه الاغنية فجزاه الله كل الخير والأفضل إن كانت من تدوين الاستاذ الفاضل عادل صموئيل المحترم لانها تكون بالنسبة لي أبسط وشكرأ لكم جميعاًhttp://www.samysoft.net/fmm/fimnew/worood/1/78896867.gif أول بأول

السلام عليكم
نوتة أنا بعشقك كاملة تدوين الاستاذ عادل صموئيل

مجتهد مجتهد
21/01/2012, 10h41
إلى الاخوة والاحبة جميعاً السلام عليكم فرداً فرداً

لقد بحثت في المنتدى عن أغنية لميادة الحناوي وهي أنا بعشقك أنا ولن أحصل عليها ويمكن هي موجودة ولكنني لم أحصل عليها فمن كانت لدية نوتة هذه الاغنية فجزاه الله كل الخير والأفضل إن كانت من تدوين الاستاذ الفاضل عادل صموئيل المحترم لانها تكون بالنسبة لي أبسط وشكرأ لكم جميعاًhttp://www.samysoft.net/fmm/fimnew/worood/1/78896867.gif أول بأول
الاخ العزيز
هى موجودة فى صفحة 123 .. ولو شفت الموضوع من اول صفحة رقم واحد حاتلاقى حاجات كتير جدا تعجبك
مع اطيب تحياتى عادل صموئيل

ألف شكر لك إستاذ عادل على هذا اhttp://www.samysoft.net/fmm/fimnew/worood/3/yuyuiyu.gifلمرور الرائع بارك الله فيك

علي ثلاثة
21/01/2012, 16h34
سيد عادل
ألف شكر وشكر
على الشرح الوافي
وأحسن ما أعجبني في جوابك هذه الجملة

يعنى انا من غير ما انظر ليد ام كلثوم بحس من صوتها انها حاتعيد تانى

فهذه أمور قد أوضحتها لنا وأبانت
كيف كنتم تشتغلون وكيف تميزتم بهذه المهارات

والشكر مجددا

عادل صموئيل
21/01/2012, 18h51
احبائى
اقدم لكم اغنية من العيار التقيل جدا

رائعة ام كلثوم والسنباطى

ليلى ونهارى

كاملة فى 7 صفحات

انا دونتها فى يوم واحد ( يعنى مش طول النهار طبعا يعنى على 4 جلسات كل جلسة نصف ساعة وهى ماتعبتنيش لأنى حافظها من 45 سنة وعزفتها بالطبع مليون مرة وموجودة بعزفى المتواضع فى قسم المبدعون ) هى صعوبتها فى الادليب فى كل كوبليه بس لو تحفظه جيدا من ام كلثوم حايبقى سهل جداً
الجمل الموسيقية فى اللحن ده رائعة اروع من الروعة يعنى ممكن اللى مايعزفش الاغنية كلها ممكن يعزف الجمل الموسيقية بس خلوا بالكم من علامات التحويل
اترككم مع النوتة مع اطيب تحياتى

http://www.hanaenet.com/vb/imgcache/2409.imgcache

ahmad_alahlawy
21/01/2012, 21h00
الأستاذ عادل:
بالطبع جزيل الشكر و الامتنان على تدوينك كل ما سبق وان قمت بتدوينه من الأغانى
ولكن أستاذى ملاحظة عابرة
ارى ان الغالبية العظمى مما يدون ومن طلبات الاخوة ينحصر فى الفترة من منتصف الخمسينات وحتى منتصف الثمانينات...وبالطبع جميعها اغانى جميلة نحبها و نطرب لسماعها
ولكن الا تستحق اغانى الفترات السابقة لها نظرة...بمعنى فى رأيى المتواضع ان فترتى العشرينات و الثلاثينات بها من الروائع ما هو مدفون ولا يقوم احد باى محاولات لاستخراج تلك الكنوز الدفينة
اقترح ان كان يجوز الاقتراح...بتدوين اغنية فى الاسبوع مثلا من تلك الفترات...ان لم يكن فى هذا متعبا اكثر من المعتاد
ان كانت الفكرة جيدة فارشح اغانى مثل انظرى و يا فايتنى وانا روحى معاك ويا كروان و النبى غنى وجميعها لام كلثوم كبداية
وان لاقت الفكرة القبول فسيسعدنى ان اقوم برفع الاغانى التى تطلبها...واغلبها بالطبع موجود بمنتدانا الحبيب

ابوكارم
21/01/2012, 21h21
الا ستاذ/ عادل
شكرا جزيلا على سرعه الرد والاهتمام
وكل الشكر والتقدير على ليلى ونهارى

samy130
22/01/2012, 02h32
احبائى
اقدم لكم اغنية من العيار التقيل جدا

رائعة ام كلثوم والسنباطى

ليلى ونهارى

كاملة فى 7 صفحات

انا دونتها فى يوم واحد ( يعنى مش طول النهار طبعا يعنى على 4 جلسات كل جلسة نصف ساعة وهى ماتعبتنيش لأنى حافظها من 45 سنة وعزفتها بالطبع مليون مرة وموجودة بعزفى المتواضع فى قسم المبدعون ) هى صعوبتها فى الادليب فى كل كوبليه بس لو تحفظه جيدا من ام كلثوم حايبقى سهل جداً
الجمل الموسيقية فى اللحن ده رائعة اروع من الروعة يعنى ممكن اللى مايعزفش الاغنية كلها ممكن يعزف الجمل الموسيقية بس خلوا بالكم من علامات التحويل
اترككم مع النوتة مع اطيب تحياتى

http://www.hanaenet.com/vb/imgcache/2409.imgcache




روووووعةةةةةةةة

عيسى سعيد
22/01/2012, 04h45
ياسلام عليك استاذ عادل على هذه التحفه مليون شكر:emrose::emrose::emrose::emrose:

armendo
22/01/2012, 06h10
احبائى
اقدم لكم اغنية من العيار التقيل جدا

رائعة ام كلثوم والسنباطى

ليلى ونهارى

كاملة فى 7 صفحات

انا دونتها فى يوم واحد ( يعنى مش طول النهار طبعا يعنى على 4 جلسات كل جلسة نصف ساعة وهى ماتعبتنيش لأنى حافظها من 45 سنة وعزفتها بالطبع مليون مرة وموجودة بعزفى المتواضع فى قسم المبدعون ) هى صعوبتها فى الادليب فى كل كوبليه بس لو تحفظه جيدا من ام كلثوم حايبقى سهل جداً
الجمل الموسيقية فى اللحن ده رائعة اروع من الروعة يعنى ممكن اللى مايعزفش الاغنية كلها ممكن يعزف الجمل الموسيقية بس خلوا بالكم من علامات التحويل
اترككم مع النوتة مع اطيب تحياتى

http://www.hanaenet.com/vb/imgcache/2409.imgcache




تسلم الأيادى يا استاذ
ارمندو
اخى العزيز
اشكرك وردا على سؤالك بخصوص المقامات
انا ما ينفعش احب مقام معين او افضل مقام معين لأنى بدون .. لأنى لازم احب كل المقامات ولو بحب مقام معين مش حادون غير فيه .. اما اللى احبه هو الجملة نفسها يعنى لما تكون الجملة حلوة اوى والملحن بيجيد استخدام المقام ده بيعتبر قمة العبقرية
مع اطيب تحياتى عادل صموئيل

عادل صموئيل
22/01/2012, 09h05
احبائى
اقدم لكم من لاوائع عبد الحليم حافظ

الحــلوة

اتمنى ان تحوزرضاكم مع اطيب تحياتى


http://i218.photobucket.com/albums/cc162/mohamedabdulla/flowers_spread_rose.gif

منذر عبود
22/01/2012, 09h26
احبائى



اقدم لكم من روائع عبد الحليم حافظ

الحــلوة

اتمنى ان تحوزرضاكم مع اطيب تحياتى


http://i218.photobucket.com/albums/cc162/mohamedabdulla/flowers_spread_rose.gif

ماشاء الله أستاذ عادل
الطوربيد البشري لتدوين الموسيقى
سرعة أداء
ودقة عمل

salhi_haithem
22/01/2012, 09h37
احبائى
اقدم لكم اغنية من العيار التقيل جدا

رائعة ام كلثوم والسنباطى

ليلى ونهارى





السلام عليكم ورحمة الله وبركاته
أنتَ الذي تعمل في صمتِ ......في الخفاااء.....رسمتَ لي و لغيري من أحباب الزمن الجميل..ما تتلذذ له الأعين...و تسر له الأنفس...نوتات فنية بل هي لوحات فنيّة رائعة رسمتْها ريشتكَ الأصيلة ....فعبّرتْ بل أجادتْ في التعبير عمّا نتمنّى أن نعزفه... فنراك تلبي طلباتنا و تُجسد أفكارنا...
في الحقيقة تسعدنا كثيرا بل تطير بنا تلك النوتات الجميلة التي تهديها لنا...نوتات تنطق بالجمال ...فبالرغم من كثرت طلباتنا و تنوعها وصعبها ءالا ّ أنّ هذا لم يحبط من عزيمتك في اسعاد غيرك ...ولو على حساب نفسك...
فما أروعها من نوتة فنية بل لوحة فنيّة جميلة تدبّ ُ فيها الروح... تعزف لحنا هو من أجمل الألحان ...و تُنشد أنشودة من أجمل ما يكون ...أستمتع بعزفها ...تحملني الى عالم روحاني ...أتمنّاه للجميع ..
جميلة طريقتك و لمساتك الفنيّة التي أعرفها منذ عرفتُك...والتي تشهد لها بصماتك كلّما أردتَ أن تُقدّم عملا تُسعد به غيرك...وتُسعد به نفسك حين تُـتقنه..
هي نوتات لا أخفي عليك وجدتْ موقعا لها في نفسي لتتقاسم معها كلّ الفرحة التي أحس بها و أنا أفتح تلك الاعمال و تلك النوتات فتزداد حسنا و جمالا
هي كلمة شكر بسيطة .... لا تُعطيكَ حقّك أمام المجهود العظيم الذي تبذله في سبيل أن تهدينا نوتات بل تهدينا بسمةَ على الشفاه....حين نستقبل نوتاتك و هداياك من تصاميمكَ الخاصة...شرف لنا أن نحفظها لديْنا.....فبارك الله فيك
اخوك هيثم

عيسى سعيد
22/01/2012, 11h05
لا تعليق على هذه التحف ليس عندي ماقوله ويعجز السان بما يوصفك استاذ عادل:emrose::emrose:

swaifi73
22/01/2012, 11h37
الله يعطيك الصحة أستاذ عادل على هذا المجهود
ما نلحقش نستمتع بأكله حلوة إلا لما تجيبلنا وجبه أحلى منها
وحلينا بأغنية الحلوة تسلم أيديك

ابوكارم
22/01/2012, 13h58
[QUOTE=عادل صموئيل;569628][CENTER]احبائى
اقدم لكم من لاوائع عبد الحليم حافظ

[SIZE=5][COLOR=Red]الحــلوة

اتمنى ان تحوزرضاكم مع اطيب تحياتى


شكرا جزيلا استاذ عادل للاغنيه الحلوة الحلوة
احيانا ادندن اغنيه لمطرب ما اجد نفسى اتذوق نفس الطعم لاغنيه اخرى لمطرب اخر
هذا معناه انه نفس السكه نفس المقام وحدثت معى كثيرا ايضا فى كوبليهات لاغانى مختلفه للعبقرى عبد الوهاب
ابوكارم

ابوكارم
22/01/2012, 14h01
الاستاذ/ عادل
عبدالحليم له اغانى هاديه منها:بعد ايه
يوم من عمرى

نور الصباح
22/01/2012, 14h24
الأخ العزيـــــــــــــز الفنان الكبـــــــير والمايســـــترو العظــــــيم الأســـــتاذ
عـــــــــــــــــــــــــــــــــادل بــــــــــــــاشـــــــــــــا صموئــــــــــــــــــــــــــــــيل
سلام الله عليكم ورحمته وبركاته
وبعــــــــــــــــــــــــــــــــــــد :
ثانيا : نتقدم إليكم بأسمى آيـــات الشكر والتقديرعلى هدايــــــــكم الثمينة والغالية وأغنيات ( الحلوة - لعبد الحليم حافظ - , وليلى ونهارى لأم كلثوم )
ثانيا : ياريت يـــــــا ( أســـــــــتاذنا الجمــــــيل ) تدمن لنـــــا النوتة اللى طلبهـــا
أخونـــــــا الجميل الأسـتاذ عاصم المنشاوى ( مسير الشمس من تانى ............
تنور فوق سنين عمرى ) للسيدة نجاة الصغيرة
وكمان نوتة أغنية الفنانة نجاة الصغيرة
=( وحا تسافر وحا تسـيبنى هنـا للشـوق يدوبــــنى هنا للشوق
وأعد الثانية قبل اليوم وأحلم بيك وأنا صاحى وأحلم بيك فى عز النوم وحا تسـافر )=
وهما من ألحان المبدع ( بــــليغ حمدى )
وشكرا لكم وشكرا للأستاذ عاصم على ذوقه الجميل الذى لا يختلف عليه اثنان
وشكررررررررررررررررررررررررا
أخوكم
نــــــــــــــــور الصــــــــــــباح

عاصم المنشاوى
22/01/2012, 17h01
ياريت يا أحمد بك ....
والله انا نفسى يدون لنا الأغنيات دى ....فيها رومانسية وهدوء روحانى ....ودى الفترة اللى اشتغل فيها بليغ كتير مع نجاة وعمل فيها كمية اغانى حلوة ....وهم تلات اغانى متقاربة وبحب اسمعهم مع بعض وورا بعض ..."وحتسافر"..."و"مسير الشمس "...والتالتة "قبل هواك مايعدى عليا ويصحى الأشواق فى عينيا"....يضاف لهم ومن شغل بليغ..".مش هاين اودعك.".."ألا بغير ايوة بغير"..."صحيح صعبان عليك حالى؟.".."مش هاين أودعك"......و"فكر ياحبيبى"و....كانت "كل شئ راح وانقضى".اكثرهم نجاحا وغيظا لبليغ ...لأن كل الناس كانت متخيلة ان ملحنها هو عبد الوهاب.....ومش مصدقين انها لبليغ....ع العموم ادينا مستنيين مرحلة نجاة لما (الأستاذ) يبدأ فيها......داناكان نفسى اطلب منه "يامازقزق القمرى على ورق الليمون"...لماهر العطار وسيدحجاب وابراهيم رجب....لكن انت عارف ...الفنان اهم حاجة راحته النفسية والمزاج...ولأن مفيش حاجة مع اى فنان تيجى غصب عنه ابدا ...وألا مايبقاش فن ...ولا ابداع...