المساعد الشخصي الرقمي

مشاهدة النسخة كاملة : طلبات نوتة


الصفحات : 1 2 3 4 5 6 7 8 9 10 11 [12] 13 14 15 16 17 18 19 20 21 22 23 24 25 26 27

نور الصباح
14/10/2010, 19h58
الأخ الحبيب والأســـــــــــتاذ الكبير والصديـــــــــــق الجميل /
عـــــــــــــــــــــــــــــــادل بـــــــــــــاشــــــــا صموئـــــــــيل
سلام الله عليكم ورحمته وبركاته
وبعــــــــــــــــــــــــــــــــــــــد :
أحن قلب فى الدنــــــــيا قلبك إنت يــــــا أمى
مصــــــــــر يا أم الدنــــــيا يــــا حبيبتى يـا بلدى
والله وفكرتنى ب ( ســــــــت الحبايب ) فعلا الأم للشايب ربيع
وأنـا من بعد وفاة الوالدة فعلا حسيت باليتم وحســـيت إنى كبرت
فى السن ( 100) سنة و أكثـر
عموما تسلم إيدك ويســــلم لنـا عمرك
وربــــنا يقويك على المســــــابقة ومن نجاح إلى نجـــــاح
إن شــــــــــاء اللــــــــه
وإلى أن نلتقى بإذن الله
وشكررررررررررررررررررررررررررررررررررررا
أخوكـــــم /نور الصباح

وليد100
14/10/2010, 20h34
السلام عليكم ورحمه الله وبركاته
سلامي لجميع الاخوه والاعضاء في هذا المنتدي المفيد والرائع والعجيب . وبمناسبه عجيب ياريت احد المدونين الافاضل يدونوا هذه الاغنيه لاني اعتقد ان كثيرين من الاعضاء محتاجينها وانا اولهم:).
اعتذر عن غيابي مده طويله ولكن الاساتذه عادل صموئيل ونيقولا وطارق والدكتور وسام اكرم بجد لهم مني كل الاحترام والحب .
اما بقي حبايبي ارمندو والاخ العزيز النشيط عاصم وطبعا اخونا الاستاذ طارق علوي والاساتذه سيلمانا وهيثم وقبل دول كلهم الاساتذه نور الصباح والاخ عزت شحاته وخايف انسي حد يعني بصراحه كل الاعضاء القدامي والجدد لهم مني كل الاحترام الود .

فؤاد العلمي
15/10/2010, 01h47
[QUOTE=فؤاد العلمي;475656]شكراً أستاذي عادل على سرعة إجابتك. فأنا أعزف كل ما أسمعه من أم كلثوم و محمد عبد الوهاب...إلخ
والشيء الوحيد الذي ما زال يحيرني هو حينما أظبط العود أو الكمان على مستوى جوق أم كلثوم و أعزف معه، ألاحظ بعد تحليل دقيق، أن مقطع "يطول بعدك" تغنيه أم كلثوم "صول" وليس "صول زائد ربع تون"
مع احترامها لباقي المقام، فهل هذا الخطأ البسيط تعمده أبي الروحي الموسيقار العملاق رياض السنباطي كي يسهل على أم كلثوم التعامل مع هذا المقام الصعب؟ خصوصاً وأن المقطع الموالي "ينسيني" فهو على "صول". ونحن نعلم أن الفرق بين صول وصول زائد ربع تون فهو ضئيل. فأرجو منك أستاذي ومن العازفين المشاركين في هذا المنتدى أن تبحثوا معي في هذا السؤال الذي يحيرني منذ مدة طويلة.
مع كامل المودة، أنا في انتظار إجابتكم.[/QUO

أخى العزيز
اول شىء واهم شىء لابد ان تكون على علم به ان فرقة ام كلثوم تضبط الآلات طبقة صغيرة
يعنى احنا فى الفرقة الماسية نضبط الكمان على الدوزان العادى يعنى انا اضبط كمانى صول رى صول رى
ونغمة صول هنا اضبطها على نغمة صول من الاكورديون يعنى الديابازيون العالمى الطبيعى
اما مع السيدة ام كلثوم نضبط طبقة صغيرة يعنى ننزل تون يعنى اضبط وتر صول عندى على نغمة فا من الاكورديون
وكبعا كل باقى اوتار الكمان تخفض تون بنفس النسبة
وانت عندما تحب ان تصاحب تسجيل لغناء ام كلثوم على عودك لابد ان تنزل بعودك كله تون كامل ( مثل عود القصبجى ) لو فعلت ذلك ستجد كل المقامات فى مكانها الطبيعى يعنى البياتى سيكون على الرى عدك والراست على الدو وهكذا
ومن هنا سيزول كل خلاف او شك فى اى نغمة وختى لو حصل نقاش على اى نغمة تكون نغمة واحدة كل عشرين اغنية يعنى اعتبرها عبقرية من الملحن , لكن لو ضبطت دوزان عودك طبقة صغيرة ستحل كل الامور
وانا اصدقائى عازفى العود عندهم عودين واحد مضبوط على الدوزان العادى وواحد مضبوط طبقة صغيرة
اتمنى ات تكون رسالتى وصلت ومنتظر رردك مع اطيب تحياتى عادل صموئيل

أخي العزيز عادل كل ما كتبته حضرتك أنا متفق معه وأعرفه جيداً. ولكنك للأسف لم تجب عن سؤالي. وأرجو أن تعذرني على إلحاحي. فإذا أخذت الكمان وظبته على مستوى جوق أم كلثوم فسيصبح ري عند الحفناوي هو ري عند حضرتك وصول عند الحفناوي هو صول عند حضرتك. وفي هذه الحالة من المفروض أن تغني أم كلثوم "يطول بعدك" على صول زائد ربع تون (لأن مقام السيكا المصورة على دو لا يتضمن صول) ومع ذلك فهي تغنيه صول. فهل هذا خطأ متعمد؟ أتمنى وأتمنى أن يكون سؤالي واضحاً وأن أجد الإجابة عند حضرتك.
اخى العزيز
انا مسافر اسكندرية حالا سأعود بعد يومين وان شاء الله حمسك كمانى واراجع الكوبليه ده حرفاً حرفاً واشوف سؤالك بالتحديد واقول لك , اصل المشكلة اننا بنعزف الاغانى دى واحنا مغمضين يعنى الحاجات دى بالنسبة لنا بنعزفها مليون مرة بدون ما نحللها جدا , لكن عشان خاطرك انا حاشوف
مع اطيب تحياتى عادل صموئيل

ابتسام عباس
15/10/2010, 07h57
شكرا يا استاذ عادل على نوته احن قلب غى الدنيا وانا بعزفها واول ما اخلصها هقول لحضرتك

عزت شحاته
15/10/2010, 10h24
اخوتى الاحباء
يسعدنى ان اقدم لكم نوتة
مصر يا ام الدنيا
اهديها للأخت العزيزة جوليانا
واهديها للأخ عزت شحاتة وعلى فكرة النوتة اللى ارفقتها مش مضبوطة خالص وزى انت ما قلت الكوبليه التانى ملخبط خالص يعنى انا طبعا حبيت ( مع انى مشغول 72 ساعة فى اليوم عشان المسابقة ) بس حبيت اكتبها لكم وربنا سهل وكتبتها بسرعة اتمنى ان تستفيدوا بها
على فكرة : انا دونت اغنية احن قلب ف الدنيا قلبك يا امى ونزلتها بس ماحدش الظاهر اخد باله منها هى موجودة فى الصفحات القليلة السابقة
مع اطيب تحياتى
الاستاذ الجميل / عادل صموئيل
الف شكر يا باشا على نوتة (مصر يا ام الدنيا) .. وعندى استفسار هوه مقام الاغنيه مش بياتى (لان تدوين نغمة مى فى الدليل بيمول)..
والمفروض تبقى نصف بيمول ..
وبالمره.. لان اسمك غالى علينا وما نحبش يبقى فيه غلط .. رجاء تعديل كتابته فى نهاية النوته
اخى العزيز
اشكرك انك نبهتنى انا صلحتها وهى موجودة حاليا يعنى غيرت النسخة الموجودة
المشكلة انى مشغول بعمل مسابقة ورازة التربية والتعليم بتاعة السنة دى وان شاء الله حاتوصلكم بعد عشر ايام
وانا سرقت وقت عشان الحق اكتب لكم مصر يا ام الدنيا بس لضيق الوقت ما لحقتش اراجعها كويس
المهم اشكرك تانى وارجو تاخدوا باالكم من الحاجات الصغيرة دى وتنبهونى
مع اطيب تحياتى عادل صموئيل

علي ثلاثة
15/10/2010, 11h18
[QUOTE=علي ثلاثة;475832][/CENTER]


إلى الأخ االكريم (Tarak766) طلب نوتة مع الشكر الجزيل


أجدد شكري على أغنية إن جيت للحق أنا زعلانة
أرجو ألا تنسى طلبي في الذي يخص أوبيريتات فريد الأطرش ولك مجددا احترامي وتقديري

وائل علوي
15/10/2010, 20h43
اخوتى الاحباء
يسعدنى ان اقدم لكم نوتة
مصر يا ام الدنيا
اهديها للأخت العزيزة جوليانا
واهديها للأخ عزت شحاتة وعلى فكرة النوتة اللى ارفقتها مش مضبوطة خالص وزى انت ما قلت الكوبليه التانى ملخبط خالص يعنى انا طبعا حبيت ( مع انى مشغول 72 ساعة فى اليوم عشان المسابقة ) بس حبيت اكتبها لكم وربنا سهل وكتبتها بسرعة اتمنى ان تستفيدوا بها
على فكرة : انا دونت اغنية احن قلب ف الدنيا قلبك يا امى ونزلتها بس ماحدش الظاهر اخد باله منها هى موجودة فى الصفحات القليلة السابقة
مع اطيب تحياتى
الف شكر استاذ عادل
ولي ملحوظة اعتقد انها على مقام البيات وليس الكرد يعني المي نص بيمول
تقبل تحياتي
اخوك وائل
عزيزى وائل هى بياتى انا صلحتها والف شكر عادل صموئيل

meedo-76
15/10/2010, 22h49
:emrose:الـسلام عليكم ...:emrose:

استاذي الفاضل عادل ...

ممكن مـــساعدتك ..

انا عاوز النوته الموسيقيه قـف للخشوع لمحمد فوزي ..



وان كان عند حضرتك اي مقطوعه دينيه جميله ابعثهالي على الخاص ..

بـس يريت تكون شيك اوي وانت ذووقك يـآجميل..

متــشكر :emrose::emrose:

فؤاد العلمي
16/10/2010, 01h02
اخى العزيز
انا مسافر اسكندرية حالا سأعود بعد يومين وان شاء الله حمسك كمانى واراجع الكوبليه ده حرفاً حرفاً واشوف سؤالك بالتحديد واقول لك , اصل المشكلة اننا بنعزف الاغانى دى واحنا مغمضين يعنى الحاجات دى بالنسبة لنا بنعزفها مليون مرة بدون ما نحللها جدا , لكن عشان خاطرك انا حاشوف
مع اطيب تحياتى عادل صموئيل

[/QUOTE]

الله يوديك ويجيبك بالسلامة يا أستاذي العزيز

meedo-76
16/10/2010, 14h17
السلام عليكم و رحمة الله و بركاته
لو سمحت أنا عاوزة نوته أغنية محمد فوزي قف بالخضوع و نادي
وكمان نوت مقطوعات دينية ضروري لو سمحت... وأكون شاكره لحضرتك:confused:

عزت شحاته
16/10/2010, 22h36
استازى الجميل / عادل صموئيل
مساء الفل يا باشا .. الف مليون شكر .. ومعلهش مغلبينك معانا ..وعلى احر من الجمر مستنيين المسابقه .. واكيد طالما سيادتك موجود فهيئة الاشراف عليها هتبقى حاجه حلوه ..
ولى اقتراح للا ستفاده العامه .. ينزل برنامج انكور مع المسابقه زى ماحصل من كام سنه .. وتنزل حضرتك نسخه من الشرح الوافى ليها(نسخه من على المنتدى مثلا ).. ويراعى دقة تسجيل المقطوعات .. لان فى بعض الاحيان بيحدث اختلاف فى بعض الحروف
ومعلهشى ياريت تسجل المقطوعات الخاصه لكل اله بنفس الاله .. بمعنى (مقطوعة الكمان تسجل بالة الكمان وليس بالة الاورج ) وهكذا باقى
المقطوعات ..
اقتراح اخير النشيد يسجل صوتى للمساعده ف النطق والتشكيل الذى لا يتوفر فى الكتابه غالبا ..
واخيرا لماذا لا يتم دورات تدريبيه على مستوى عالى لمدرسين الماده ..
اخى العزيز
من حسن حظك ( وعشان تبتسم لأنك بتعيش فى عصر عادل صموئيل ) انى انا السنة دى مدير المسابقة يعنى انا اللى كتبتها كمبيوتر ومنزل فيها حاجات من عندى طبعا بالإضافة إلى اعكال الاخوة الزملاء وانا اللى عملت الشريط والاناشيد يعنى اتتاقلت على واحد مدرس حبيبى زيك كده ومراته مدرسة موسيقى وسجلنا الاناشيد بالصوت والايقاعات وآخر دلع والاناشيد من تلحين الزميل الاستاذ فتحى شكيب ومن توزيعى وتشوف بقى التوزيع لما يدوا العيش لخبازينة يعنى الذ توزيع واسهل توزيع انا عزفت المستوى الرفيع اعدادى على الكمنجة وكمان كمان ثانوى عشان فيهم شوية شغل لكن اعدادى وابتدائى على البيانو لأنه عملته سهل جدا كمان عملت حاجات مندولين تجنن والاناشيد عملت لكل نشيد الصوتين معا والصوت الأول لوحده والتانى لوحدة , يعنى انت عارف اخوك عادل مش بتفوت عليه الشعرة
اما بالنسبة للدورات التدريبية احنا فى الاجتماع انا عرضت على الدكتورة المستشارة انى نفسى ادى شوية من خبراتى للمدرسين بس المتميزين اوى هى وافقت وحنعرض المشروع على الموجهين العموم بتوع الجمهورية ف يوم الاجتماع اللى حايستلموا فيه المسابقة
هو فيه برنامج بس مش عندى بيحول نوتة الانكور الى الآلة اللى تحبها وكمان ايقاع بس مش عندى
نفسى اجيبه ان شاء الله
مع اطيب تحياتى

عادل صموئيل
17/10/2010, 01h52
الأخ العزيز فؤاد العلمى
اشكرك وانا اول ما رجعت من الاسكندرية جئت ارد عليك ركز معايا
طبعا الدرس للجميع
اغنية اروح لمين مقام راست على الدو
( وكما قلت لك من قبل ام كلثوم تغنيها على الطبقة الصغيرة يعنى انت تسمعه راست على السى بيمول لكن لحسن العزف احنا بننزل الكمان طبقة صغيرة لكن النوتة مكتوبة راست الدو ) طبعا مفهوم ؟؟؟
الممقدمة والمذهب والكوبليه الاول فى راست الدو
نأتى لكوبليه يطول بعدك تلاقيه عمل 4 بيمول سى ومى ولا ورى هنا عمل حجاز كاردورد على الدو
وعند الحركة بتاعة ينسينى وينسانى عمل مى نص بيمول ولا نص بيمول يعنى الصول ناتورال والربع فى ال لا وليس الصول وصلت المعلومة ؟
مع اطيب تحياتى عادل صموئيل

عزت شحاته
17/10/2010, 10h18
الاستاز الاستاز الاستاز /عادل صموئيل
حقيقى انا فعلا محظوظ انى فى عهد (عادل صموئيل)
انا سعيد لانى اللى فكرت فيه واقترحته لقيت حضرتك عملته .. ربنا يخليك يا استازنا ..
حاجه بس صغيره .. لو هاتتنفذ الدوره .. يكون ترشيح
عدد على الاقل خمسه من كل محافظه .. ولا يوجد اثنان من الخمسه من اداره تعليميه واحده .. عارف
حضرتك المحسوبيات .. لان ممكن الموجه العام يستسهل وياخد الخمسه من الاداره التى تقع بها المديريه .. وسلملى على واحد مجتهد ..نفسه ف
حاجه زى كده ومستنيها..
ويعرف بعد ما تكون خلصت .. والناس راحوا وجم
..وتبدأ المبررات ( هوه انت كنت عايز تحضر .. احنا ما كناش نعرف .. دا احنا ما كناش لاقيين حد يطلع .. الموضوع جه بسرعه .. )
سبحان الله ولما يكون فبه شغل ومزنوقيين فيه تبقى اول واحد فاكرينه ..

ابتسام عباس
17/10/2010, 17h42
اقتراح جميل من استاذ عزت لكن يا استاذ عادل ياريت اكتر من خمسه حتى لو عن طريق فيديو كونفرنس بس حضرتك يا استاذ عادل مش اى حد تانى احنا عاوزين نستفيد من خبرتك

عادل صموئيل
17/10/2010, 23h48
اخوتى الاحباء

ردا على كلام اخى العزيز عزت وكل الاخوة
احب احكى لك قصة فاكر فيلم الزوجة الثانية ؟ لما كان العمدة صلاح منصور قاعد بيحلق دقنه بعدين جت اشارة من النقطة ان فيه وباء ملاريا ومطلوب تطعيم اهل البلد وكان رد عم العمدة : انهم يلموا مقاطيع البلد ويبعتوهم المركز عشان يتطعموا واهو يبقوا اسمنا نفذنا الاوامر وخلاص , وكعادة عادل صموئيل ان عده تحليل دقيق لكل كلمة تتقال امامه وتحليلى ان كلمة مقاطيع البلد يعنى الناس اللى بتتسكع فى الشوارع وماعندهاش او مالهاش فى الشغل والتعب , ونظراّ لأنهم فى قرية وحيروحو المركز ان شفت انهم ربطوهم مع بعض واخدوهم مشى للمركز يعنى حتى استخسروا فيهم يركبوا الحلزونة ودى معناها ممكن يروحوا يومين مشى ويناموا فى المكز على الارض فى الشارع كذا يوم لحد ما ييجى دورهم ف التطعيم وكمان يومين مشى رجوع القرية , والسؤال هنا اشمعنا اختار مقاطيع البلد لأنه لو اختار الناس اللى بتشتغل فى الغيطان كان حال البلد وقف , وانا كل ما يطلبونى عشان ادى محاضرات فى تدريب من سنين طويلة كل مرة افتكر جملة صلاح منصور , بروح التدريب الاقى جايبين ما يقرب من 100 مدرس والاحظ ان معظم تحس ان بتوع تدبير مش موسيقى يعنى الموجهين باعتينهم كعدد وخلاص واحيانا بيكون الموجهة عندها مدرسة متغاظة منها وعايزة تكدرها تقوم تبعتها التدريب عشان تضايقها , ولكن فى الغالب ان التدريب لو خلال نص السنة او تلتين السنة الاول بيكون اللى بيجيبوهم التدريب هم المدرسين اللى مش بيشتغلوا فى المسابقات لأنهم مش معقول حا يبعتوا المدرسين اللى بيعملوا المسابقات ويعطلوا المسابقات لأن الموجهين بينى وبينك عندهم المسابقة اهم من التدريب اللى مش حا يعود عليهم بحاجة , وكانت التدريبات كلها ( بإستثناء المحاضرات اللى انا بديها فى الكمبيوتر ) شوية عك واجراءات روتينية
والناس لا بتفهم ولا بتستوعب حاجة .
انا نفسى اعمل مشروع اسمه مشروع عادل صموئيل القومى يعنى فائدة كبيرة جدا احط فيها كل خبراتى وحتى عشان الناس تفتكرنى لما اموت , واهم شىء فى التدريب او التدريبات دى انهم يجبوا المدرسين الشاطرين او اللى عايزين يبقوا شاطرين فعلا , لأن دول اولا الفئة اللى انا احب اتعامل معاها وثانيا انهم حا يتعلموا حاجات كتير , وثالثا لو توافر الشرطين السابقين المدرس حا يبقى متواجد معايا بكل دماغه
بس فيه مشكلة احب اتكلم فيها انا قبل ما اخرج معاش كنت فى التدريب الحكومة بتدينى فلوس يعنى اليوم بكذا ولو فيه سفر اسيوط مثلا بيصرفوا لى بدل سفر وخلافه وبنام فى استراحة الوزارة اللى فى المحافظة , لكن بعد ما خرجت معاش الوزارة الخايبة مش بتصرف مستحقات للى بيحاضروا , لكن انا اعلنها هنا وسأعلنها فى الاجتماع , انا عاد صموئيل عمرى ما اشتغلت عشان الفلوس لأنى لما اموت مش حاخد معايا فلوس لكن محتاج آخد معايا حاجات كتير اكتر من الفلوس اهمها حب الناس وانى اكون افدتهم بعلم يستفيدوا منه
وانا اعلن ان اى محافظة لو عندهم شوية مدرسين شطار او يحبوا يبقوا شطار انا مستعد آجى لحد عندهم يعنى مصاريفى على حسابى القطار والاكل بس هم يدبروا لى النومة يعنى ما احبش حد يعزمنى واقعد معاهم كام يوم اولا انا احسها فسحة بس فسحة مفيدة للناس , ودى مش عزومة مراكبية لأن بجد جدا المادة محتاجة فورا لصف تانى من المدرسين الشطار لتعويض الناس الكبار اللى بيطلعوا معاش والحكومة مش بتعين من اكتر من عشر سنين
مع اطيب تحياتى

فؤاد العلمي
18/10/2010, 00h34
الأخ العزيز فؤاد العلمى
اشكرك وانا اول ما رجعت من الاسكندرية جئت ارد عليك ركز معايا
طبعا الدرس للجميع
اغنية اروح لمين مقام راست على الدو
( وكما قلت لك من قبل ام كلثوم تغنيها على الطبقة الصغيرة يعنى انت تسمعه راست على السى بيمول لكن لحسن العزف احنا بننزل الكمان طبقة صغيرة لكن النوتة مكتوبة راست الدو ) طبعا مفهوم ؟؟؟
الممقدمة والمذهب والكوبليه الاول فى راست الدو
نأتى لكوبليه يطول بعدك تلاقيه عمل 4 بيمول سى ومى ولا ورى هنا عمل حجاز كاردورد على الدو
وعند الحركة بتاعة ينسينى وينسانى عمل مى نص بيمول ولا نص بيمول يعنى الصول ناتورال والربع فى ال لا وليس الصول وصلت المعلومة ؟
مع اطيب تحياتى عادل صموئيل


تحية طيبة أستاذي العزيز عادل
فبعد التدقيق فيما كتبته حضرتك وما قرأته في كتاب نوتات أغاني أم كلثوم، وجدت أن الكتاب فيه خطأ وأن حضرتك فعلاً على صواب. فالمقام يصبح إذاً السيكا المصورة على الدو نصف بيمول أي (الدو نصف بيمول - الري بيمول - المي بيمول - الفا بيمول=المي - الصول - لا بيمول - السي بيمول - الدو نصف بيمول). وهنا نرى مرةً أخرى عبقرية السنباطي الذي اختار هذا المقام الغير المتداول (شخصياً أراه لأول مرة).

فشكراً لك أستاذي عادل على اهتمامك بأسئلتنا، وأشهد أن لك كفاءة عالية جداً. وأتمنى أن ألتقي بك قريباً حتى أتمتع بمجالستك.
مع أطيب تحياتى للجميع.

simo652
18/10/2010, 14h32
السلام عليكم و رحمة الله و بركاته، انا عضو جديد في المنتدى، و اوب ان افتتح مشاركاتي بالمنتدى بطلب إضافة فرع في المنتدى خاص بالتوزيع الموسيقي و تجديد كل ما هو موروث موسيقي بجميع الاقطار. ارجو ان ينال اقتراحي استحسان الجميع و شكراً;)

عاصم المنشاوى
18/10/2010, 17h36
الأصدقاء
فيه خبر حلو ...صديقنا الفنان التونسى الجميل " هيثم صالحى "

تم زفافه أول امس على قمر 14 الأنسة " ريم " وهو د ه سبب غيابه عن المنتدى
نتمنى له التوفيق وحياة سعيدة ملؤها الحب والأغانى السعيدة....ياترى ياأستاذ هيثم غنيت "على عش الحب وطير ياحمام؟؟ ؟؟"لعروستك على العود زى شادية ورشدى أباظة...ع العموم ألف مليون مبروك ...وتقبل التهنئة من كل اصدقائك فى المنتدى.

armendo
18/10/2010, 22h10
اخى وحبيب قلبى هيثم:emrose::emrose::emrose:
الف مليون مبروك بمناسبة زفافك الميمون
وبالرفاء والبنين وحياة مليئة بالسعادة
اخوك..................ارمندو

وانا اضيف اطيب التهانى الى اخى الحبيب هيثم
وكنت اتمنى يقضى شهر العسل عندنا فى القاهرة
مع اطيب تحياتى وعقبال كل اللى لسه ما اتجوزوش
عادل صموئيل

عادل صموئيل
19/10/2010, 03h42
اخوتى الاحباء
اقدم لكم اليوم اغنية وطنية من احلى الاغانى الوطنية الحديثة خلال حرب اكتوبر والتى تشرفت وسعدت بالعزف فيها
تعيشى يا بلدى تعيشى
واشكر الاخ العزيز عاصم المنشاوى لأنه اختارها وفكرنى بيها
واقدمها لمدرسين الموسيقى الالى يحبوا يعملوا عمل متميز جدا
الأغنية بياتى على النواة ( صول ) واكيد مش حا تغلبوا يعنى كلكم عندكم اورج شرقى
هنا الاغنية قد تبدو صعبة شكلا لكن لو ذاكرتها كويس حاتلاقيها سهلة اوى هى المشكلة فيها الاولاود والبنات اللى بيردوا على بعض , ولاحظوا حاجة لطيفة جدا ان فى المذهب اول مرة آنسات بيرد عليهم رجال وتانى مرة بنات اطفال وكانوا لذاذ زى العسل وانا جبت لهم شيكولاتة , يعنى ممكن يبقى جميل لو انت فى مدرسة تجريبية او عندك جميع النوعيانت انك تعمل بنات كبار وبنات صغيرين وانا ارفقت لكم التسجيل مرة تانية لأن الاخ عاصم كان منزل التسجيل flv انا كما تعرفون احب اعمل كل شىء كما ينبغى ممكن حد منكم ما يعرفش يفتح الملف اللى من النوع ده
مع اطيب تحياتى ونسيت اقول كم ان الاغنية دى ممكن تقول عليها مش محلية يعنى ممكن اى مدرس فى اى دولة عربية يعملها فى مدرسته يعنى الكلام يمشى مع اى بلد لأنه مش محدد بأسم مصر

armendo
19/10/2010, 11h09
اخوتى الاحباء
اقدم لكم اليوم اغنية وطنية من احلى الاغانى الوطنية الحديثة خلال حرب اكتوبر والتى تشرفت وسعدت بالعزف فيها
تعيشى يا بلدى تعيشى
واشكر الاخ العزيز عاصم المنشاوى لأنه اختارها وفكرنى بيها
واقدمها لمدرسين الموسيقى الالى يحبوا يعملوا عمل متميز جدا
الأغنية بياتى على النواة ( صول ) واكيد مش حا تغلبوا يعنى كلكم عندكم اورج شرقى
هنا الاغنية قد تبدو صعبة شكلا لكن لو ذاكرتها كويس حاتلاقيها سهلة اوى هى المشكلة فيها الاولاود والبنات اللى بيردوا على بعض , ولاحظوا حاجة لطيفة جدا ان فى المذهب اول مرة آنسات بيرد عليهم رجال وتانى مرة بنات اطفال وكانوا لذاذ زى العسل وانا جبت لهم شيكولاتة , يعنى ممكن يبقى جميل لو انت فى مدرسة تجريبية او عندك جميع النوعيانت انك تعمل بنات كبار وبنات صغيرين وانا ارفقت لكم التسجيل مرة تانية لأن الاخ عاصم كان منزل التسجيل flv انا كما تعرفون احب اعمل كل شىء كما ينبغى ممكن حد منكم ما يعرفش يفتح الملف اللى من النوع ده
مع اطيب تحياتى ونسيت اقول كم ان الاغنية دى ممكن تقول عليها مش محلية يعنى ممكن اى مدرس فى اى دولة عربية يعملها فى مدرسته يعنى الكلام يمشى مع اى بلد لأنه مش محدد بأسم مصر

اخى العزيز جدا عادل ..واللة انا اعتزازى واحترامى لك يزداد يوما بعد يوم ليس فقط لما قدمتة وتقدمة لنا من تدوينات جميلة ورائعة ولكن ايضا لأستعدادك الدائم للخدمة العامة واقتراحك الرائع بانك على استعداد للذهاب الى اى محافظة تود الأستعانة بخبرتك العريضة وعلى نفقتك الخاصة لهو خير دليل على حبك واحترامك الكبير لمهنتك كمدرس للموسيقى اولا وكخبرة نادرة ثانبا..ارجو ان يلاقى اقتراحك بما هو اهل لة من القبول والأحترام ومتعك اللة بالصحة والعافية اخوك.......ارمندو

عزت شحاته
19/10/2010, 12h57
الاخ العزيز / هيثم الصالحى
الف مبروك .. على زفافك .. وربنا يكتبلك السعاده .. وبالرفاء والبنين ..

صديقى المؤرخاوى / عاصم الشناوى
شكرا يا عزيزى .. على تعريفنا بخبر الزفاف .. ( حقيقى دا بيخلينا قريبين
من بعض .. وفعلا اسره واحده )

الاستاذ الجميل / عادل صموئيل
الف شكر يا باشا .. على نوته تعيشى يا بلدى..
ونفسى فى اغنيه طالبها منى الموجه الاول فى اعياد الطفوله ..
وكمان مناسبه قوى للجو العائلى اللى احنا عايشينه فى المنتدى
.. اسم الاغنيه ( فيها ايه ؟)
كلماتها .. فيها ايـــــــــــــــــــــــــــــه ؟
لـــو حسيـنـــا ببعضنا لـــو وافينـا لبعضنا
لـــو نخاف على بعضنا لـــو نسامح بغضنا
لـــو نحب الخيـر لبعض
مستحيل ابدا هنخسر بعضنا
مستحيل ابدا هنجــرح بعضنا
مستحيل ابدا هنكـــره .......

عاصم المنشاوى
19/10/2010, 14h17
الأصدقاء

عمنا وعم الأجيال كلها.....عادل صموئيل
شكرا ياجميل على "تعيشى يابلدى" ,وذكريات حضرتك الجميلة عن الأغنية وانها فعلا أغنية وطنية تنفع لكل مواطن عربى بيحب بلده....الأغنية لمحمد العجمى كلمات ...وتلحين :ابراهيم رجب ...وياريت ياعمنا تكلم لنا الأدارة يعملوا صفحة له...
تحياتى للأساتذة عزت شحاتة واحمد "ارمندو".....

صديقنا الفنان الموهوب السعودى المصرى عمرو القصاب الشهير ب"وائل علوى "
كل سنة وانت طيب ولو انها جاية متأخرة بمناسبة عيد ميلادك ...

armendo
19/10/2010, 15h23
اخى العزيز وائل:emrose:كل عام وانت بالف خير بمناسبة يوم ميلادك:emrose:وعقبال مائة سنة اخوك......ارمندو:emrose::emrose:

وائل علوي
19/10/2010, 15h27
الأصدقاء
فيه خبر حلو ...صديقنا الفنان التونسى الجميل " هيثم صالحى "

تم زفافه أول امس على قمر 14 الأنسة " ريم " وهو د ه سبب غيابه عن المنتدى
نتمنى له التوفيق وحياة سعيدة ملؤها الحب والأغانى السعيدة....ياترى ياأستاذ هيثم غنيت "على عش الحب وطير ياحمام؟؟ ؟؟"لعروستك على العود زى شادية ورشدى أباظة...ع العموم ألف مليون مبروك ...وتقبل التهنئة من كل اصدقائك فى المنتدى.
اخي الحبيب هيثم الصالحي :emrose::emrose:
اهنئك وابارك لك زواجك الميمون واتمنى لك حياة سعيدة يملئها الحب والود والوئام وبالرفاء والبنين
اخوك وائل

armendo
19/10/2010, 15h27
الأصدقاء

عمنا وعم الأجيال كلها.....عادل صموئيل
شكرا ياجميل على "تعيشى يابلدى" ,وذكريات حضرتك الجميلة عن الأغنية وانها فعلا أغنية وطنية تنفع لكل مواطن عربى بيحب بلده....الأغنية لمحمد العجمى كلمات ...وتلحين :ابراهيم رجب ...وياريت ياعمنا تكلم لنا الأدارة يعملوا صفحة له...
تحياتى للأساتذة عزت شحاتة واحمد "ارمندو".....

صديقنا الفنان الموهوب السعودى المصرى عمرو القصاب الشهير ب"وائل علوى "
كل سنة وانت طيب ولو انها جاية متأخرة بمناسبة عيد ميلادك ...


كل التحية لك اخى عاصم على مشاركاتك الجميلة الدافئة وقد اصبحت الرابط الأساسى بين اعضاء المنتدى جزاك اللة كل خيراخوك.......ارمندو:emrose::emrose::emrose:

وائل علوي
19/10/2010, 15h30
الأصدقاء

عمنا وعم الأجيال كلها.....عادل صموئيل
شكرا ياجميل على "تعيشى يابلدى" ,وذكريات حضرتك الجميلة عن الأغنية وانها فعلا أغنية وطنية تنفع لكل مواطن عربى بيحب بلده....الأغنية لمحمد العجمى كلمات ...وتلحين :ابراهيم رجب ...وياريت ياعمنا تكلم لنا الأدارة يعملوا صفحة له...
تحياتى للأساتذة عزت شحاتة واحمد "ارمندو".....

صديقنا الفنان الموهوب السعودى المصرى عمرو القصاب الشهير ب"وائل علوى "
كل سنة وانت طيب ولو انها جاية متأخرة بمناسبة عيد ميلادك ...

الاخ الجميل عاصم المنشاوي :emrose::emrose:الذي لا ينسى اي مناسبة سواء خاصة او عامة
تحية تقدير ومحبة وشكر على تذكرك هذه المناسبة وهذا يدل على رقي ذوقك واخلاقك العالية
اخوك وائل

وائل علوي
19/10/2010, 15h34
كل التحية لك اخى عاصم على مشاركاتك الجميلة الدافئة وقد اصبحت الرابط الأساسى بين اعضاء المنتدى جزاك اللة كل خيراخوك.......ارمندو:emrose::emrose::emrose:
اخي العزيز صاحب القلب الطيب ارمندو..... تحية طيبة
صدقت فيما قلت عن اخونا عاصم فهو حلقة وصل جميلة تربط بين الاعضاء ومداخلاته لها طعم خاص
اشكرك اخي على تهنئتك لي ولك مني كل الود والاحترام واتمنى ان تكون دائما بصحة جيدة وطمننا على صحتك و البسك الله ثوب العافية
اخوك وائل

جوليانا
19/10/2010, 16h12
اخوتى الاحباء
يسعدنى ان اقدم لكم نوتة
مصر يا ام الدنيا
اهديها للأخت العزيزة جوليانا
واهديها للأخ عزت شحاتة وعلى فكرة النوتة اللى ارفقتها مش مضبوطة خالص وزى انت ما قلت الكوبليه التانى ملخبط خالص يعنى انا طبعا حبيت ( مع انى مشغول 72 ساعة فى اليوم عشان المسابقة ) بس حبيت اكتبها لكم وربنا سهل وكتبتها بسرعة اتمنى ان تستفيدوا بها
على فكرة : انا دونت اغنية احن قلب ف الدنيا قلبك يا امى ونزلتها بس ماحدش الظاهر اخد باله منها هى موجودة فى الصفحات القليلة السابقة
مع اطيب تحياتى
استاذى العزيز/عادل
ربنا يخليك لينا وانا بشكر حضرتك على النوته الجميله دى
وبعتذر عن تاخير شكرى لحضرتك عشان كانت بنتى فى المستشفى بسبب انها اخدت برشام السكر بتاع بابا
وبكرر شكرى لحضرتك ولجميع الاخوه الافاضل الاستاذ عزت شحاته والاستاذ الجميل جداااا عاصم المنشاوى ا للى مدى للمنتدى طعم بيت العيله
ان شاء الله ترجع من اسكندريه بالف سلامه

جوليانا
19/10/2010, 16h15
السلام عليكم ورحمه الله وبركاته
الاستاذ هيثم
الف مليون مبروككككككككككك
وان شاء الله تبقى بدايه حياه جديده جميله:emrose::emrose:
الاستاذ وائل
كل سنه وحضرتك طيب:emrose::emrose:

جوليانا
19/10/2010, 16h21
السلام عليكم ورحمه الله وبركاته


الاستاذ عادل
اغنيه احن قلب من اجمل اختيارت حضرتك انا كنت بعملها فى الحفلات بس كنت بحس انها مش مظبوطه اوى
لكن الحمد لله دلوقتى هتتعمل ايه
ممكن اعيد طلباتى القديمه عشان انا خلاص بقيت مجتهده تانى
انا عارفه ان حضرتك مشغول لكن كلنا بنطمع فى حضرتك
اقوى من الزمن لشاديه
ابنى البطل لشريفه فاضل
نشهد لياسيمين الخيام
اللهم اقبل دعايا لشاديه
طبعا هما كتير بس هحتاج دلوقتى اى واحده وطنى منهم اللى هيبقى حضرتك مرتاح ليه
والباقى بعدين بس مش بعدين اوى
وشكرررررررررا لجميع الاعضاء اللى بتشارك بالنوت اللى عندها

الاستاذ عادل حضرتك عامل ايه
انا كنت بشوف ايه اللى حصل فى المنتدى الايام اللى فاتت ولاقيت حضرتك مخدتش بالك من هذه المشاركه
عشان اغنيه احن قلب لانى كنت من معجبينها لكن حضرتك لم تقراها
وكمان بعد ما طلبت او اعدت طلباتى القديمه ننسيت اطلب مصر يا ام الدنيا عشان ك
ده اتكسفت اطلب حاجه تانيه من حضرتك
الأخت العزيزة جوليانا
انا مش ممكن انسى طلباتك هو احنا عندنا كام جوليانا
ممكن تسشاعدينى وتنزلى لى التسجيلات وانا تحت امرك , يعنى حتى لو نزلتى اول واحدة محتاجاها بسرعة عشان تشتغلى فيها قبل ما تجيلكم المسابقة وتشغلكم
مع اطيب تحياتى عادل صموئيل

فؤاد العلمي
20/10/2010, 01h09
الأخ العزيز فؤاد العلمى
اشكرك وانا اول ما رجعت من الاسكندرية جئت ارد عليك ركز معايا
طبعا الدرس للجميع
اغنية اروح لمين مقام راست على الدو
( وكما قلت لك من قبل ام كلثوم تغنيها على الطبقة الصغيرة يعنى انت تسمعه راست على السى بيمول لكن لحسن العزف احنا بننزل الكمان طبقة صغيرة لكن النوتة مكتوبة راست الدو ) طبعا مفهوم ؟؟؟
الممقدمة والمذهب والكوبليه الاول فى راست الدو
نأتى لكوبليه يطول بعدك تلاقيه عمل 4 بيمول سى ومى ولا ورى هنا عمل حجاز كاردورد على الدو
وعند الحركة بتاعة ينسينى وينسانى عمل مى نص بيمول ولا نص بيمول يعنى الصول ناتورال والربع فى ال لا وليس الصول وصلت المعلومة ؟
مع اطيب تحياتى عادل صموئيل

أخي وأستاذي عادل.
أشكرك على إجابتك التي كانت مقنعة، وعلى وقتك الغالي الذي خصصته لسؤالي.
أنا أول مرة في حياتي أرى إستعمال هذا المقام (أي السيكا المصورة على الدو ناقص ربع تون)، وهنا يبرهن السنباطي مرةً أخرى عن عبقريته في تعامله مع هذه المعادلة الصعبة.
أتمنى لك عزيزي عادل كل خير، وآمل أن ألتقي بك حتى أستمتع بمجالستك.

عادل صموئيل
20/10/2010, 02h50
احبائى
اقدم لكم نوتة من العيار التقيل
شعورى ناحيتك
اتمنى تسعدوا بها

slimanaa
20/10/2010, 08h08
احبائى
اقدم لكم نوتة من العيار التقيل
شعورى ناحيتك
اتمنى تسعدوا بها
مشكور كثير استاذ عادل على النوتة الرائعه والتدوين الدقيق والكامل والسهل ونحن بانتظار الجديد من هذه النوتات المميزه...تحياتي تلميذك الاخ سليمان.........:thankyou::thankyou::thankyou:

جوليانا
20/10/2010, 14h25
السلام عليكم ورحمه الله وبركاته
الاستاذ عادل
شكرا كتير
وده تسجيل اغنيه اللهم اقبل دعايا

جوليانا
20/10/2010, 14h31
استاذ عادل للاسف مش عارفه ارفع اى اغنيه
لان المنتدى رفض بسبب انى رفعتهم قبل كده
فا رييت اى اللى مش رفع الاغانى دى يرفع اللهم اقبل دعايا وشكرررررررررررا

الاخت العزيزة جوليانا
اشكرك لتعبك لكن لو ممكن نعرف رقم الصفحة اللى رفعتيهم فيها قبل كده انا عارف انها حتكون نقطة فى بحر
مع اطيب تحياتى عادل صموئيل

salhi_haithem
20/10/2010, 18h14
الأصدقاء
فيه خبر حلو ...صديقنا الفنان التونسى الجميل " هيثم صالحى "

تم زفافه أول امس على قمر 14 الأنسة " ريم " وهو د ه سبب غيابه عن المنتدى
نتمنى له التوفيق وحياة سعيدة ملؤها الحب والأغانى السعيدة....ياترى ياأستاذ هيثم غنيت "على عش الحب وطير ياحمام؟؟ ؟؟"لعروستك على العود زى شادية ورشدى أباظة...ع العموم ألف مليون مبروك ...وتقبل التهنئة من كل اصدقائك فى المنتدى.

السلام عليكم ورحمة الله وبركاته
اخي الحبيب و صديق العزيز الاستاذ عاصم الجميل مشكور على الكلمة الحلوة و انا وريم بنشكرك جدا جدا و احنا كتبنا عقد القران و حفل الزواج انشاء الله في شهر دسمبر و ممكن كثير اني ازوركم في مصر انشاء الله في شهر العسل
مع اطيب تحياتي اخوك هيثم

salhi_haithem
20/10/2010, 18h18
اخى وحبيب قلبى هيثم:emrose::emrose::emrose:
الف مليون مبروك بمناسبة زفافك الميمون
وبالرفاء والبنين وحياة مليئة بالسعادة
اخوك..................ارمندو

وانا اضيف اطيب التهانى الى اخى الحبيب هيثم
وكنت اتمنى يقضى شهر العسل عندنا فى القاهرة
مع اطيب تحياتى وعقبال كل اللى لسه ما اتجوزوش
عادل صموئيل



السلام عليكم ورحمة الله وبركاته
اخي حبيب قلبي الاستاذ ارمندو مشكور على الكلمة الجميلة من انسان ذواق ..
استاذ عادل العزيز انا كتبت عقد القران و انشاء الله حفل الزواج في شهر ديسمبر و ممكن انقضي شهر العسل في مصر
مع اطيب تحياتي اخوك هيثم

salhi_haithem
20/10/2010, 18h22
الاخ العزيز / هيثم الصالحى
الف مبروك .. على زفافك .. وربنا يكتبلك السعاده .. وبالرفاء والبنين ..





السلام عليكم ورحمة الله وبركاته
اخي الحبيب الاستاذ عزت مشكور على المرور و على الكلمة الرقيق .. و كما قال حبيب قلبي السيد مكاوي -- حياك الله يا اخ العرب --
مع اطيب تحياتي اخوك هيثم

salhi_haithem
20/10/2010, 19h25
اخي الحبيب هيثم الصالحي :emrose::emrose:
اهنئك وابارك لك زواجك الميمون واتمنى لك حياة سعيدة يملئها الحب والود والوئام وبالرفاء والبنين
اخوك وائل


السلام عليكم ورحمة الله وبركاته
اخي العزيز الفنان القدير وائل العلوي مشكور على المرور الكلمة الطيبة و جزاك الله كل خير
و كل سنة و انت طيب بمناسبة عيد ميلادك
مع اطيب تحياتي اخوك هيثم

salhi_haithem
20/10/2010, 19h32
السلام عليكم ورحمه الله وبركاته
الاستاذ هيثم
الف مليون مبروككككككككككك
وان شاء الله تبقى بدايه حياه جديده جميله:emrose::emrose:
الاستاذ وائل
كل سنه وحضرتك طيب:emrose::emrose:


السلام عليكم ورحمة الله وبركاته
الاخت العزيزة جوليا مشكورة على المرور و على الكلمة الجميلة والرقيقة وبارك الله فيك و الف سلام لبنتك
مع اطيب تحياتي اخوك هيثم

salhi_haithem
20/10/2010, 20h21
احبائى
اقدم لكم نوتة من العيار التقيل
شعورى ناحيتك
اتمنى تسعدوا بها

السلام عليكم ورحمة الله وبركاته
الاستاذ الحبيب الاستاذ المعطاء, عبقري التدوين و قاهر الصعاب المايسترو و الاستاذ عادل صموئيل
لا أدرى مايجب ان يقال ولاكن انها حقا رائعة من اكثر الاغاني التي احبها و خاصة من الحان السيد مكاوي... و الاستاذ عادل حبيب قلبي بدات نوعا ما احلل و افهم شخصيته هو يرسم لنا على اوتاره (و هي السلم الموسيقي) موج كموج البحر (و هي الدرجات الموسيقية) .. يسحرنا معاه و يأخذنا لاماكن بعيييييييده صنعها بنفسه و لنفسه و اراد منا ان نشاركه فيها .. صورته الدائمة في ذاكرتي هي وراء عبد الحليم ببدلته السوداء مع بقيه اعضاء الفرقه الماسية كأنه نجم وسط ظلام الكون الدامس .... سلمت يا استاذ اناملك التي دونت تلك النغمات العذبه و ربنا يشدك بصحتك و انت من احي و سيحي زمن الفن الجميل الذي بدا يتناثر .. والله ملاقى كلام اقوله على الفنان الرائع استاذنا عادل هقول بس يارب طولنا فى عمره يارب وتدوم على راسنا وشكرا لك على الاغانى الجميلة ديه..
مع اطيب تحياتي اخوك هيثم

ابوكارم
20/10/2010, 21h00
انا بحب الاغانى الدينيه والوطنيه
رابط اللهم اقبل دعايا
شاديه
http://www.sama3y.net/forum/showthread.php?t=181&page=2

عادل صموئيل
20/10/2010, 23h36
اقدم للأخ العزيز عزت شحاتة نوتة
فيها ايه
هى عشان اغنية حديثة ومتوزعة بالطريقة العفاريتى بتاعة الايام دى تعبتنى شوية لأن الاغانى الحديثة مش ينفع اصلا تتكتب يعنى تتسمع بس ( وفى بعض الاحيان يستحسن ما تتسمعش عشان بتجيب شلل )
لكن انا كتبتها يعنى لسه فيه شوية دهن فى العتاقى
مع اطيب تحياتى

وتنفع للمدرسين

نجيب مراد
21/10/2010, 07h18
أستااذنا الكريم / الأستاذ عادل
يا ريت لو تدون لنا ( حب إيه ) عشان فيه أكثر من نوتة ، موجودة في المنتدى، لكن هذه النوتات إما ناقصة أو مش مظبوطة طبعا عشان هي مش من تدوين أستاذنا الكبير عادل
ومعلش بنثقل عليكم
تلميذكم

وائل علوي
21/10/2010, 12h16
السلام عليكم ورحمه الله وبركاته
الاستاذ هيثم
الف مليون مبروككككككككككك
وان شاء الله تبقى بدايه حياه جديده جميله:emrose::emrose:
الاستاذ وائل
كل سنه وحضرتك طيب:emrose::emrose:

الاخت العزيزة جوليانا شكرا على ذوقك واتمنى لكي حياة سعيدة

وليد100
21/10/2010, 20h40
السلام عليكم ورحمه الله وبركاته
مبروك للاستاذ هيثم وربنا يتمم بخير
وسلامي لجميع اعضاء المنتدي .
ملاحظه هامه
لو سمحت ياستاذ عادل صموئيل هل تتفق معي ان عزف النوت البطيئه جدا والسريعه جدا واقصد التي يكون فيها مقدار النوار صغيرا اوكبيرا ا تكون صعبه وتحتاج تدريب كثير وان النوت الموسيقيه التي تكون متوسطه السرعه تكون اسهل في العزف (وذلك في حاله ثبات الاشياء الاخري ). ولو كان الامر كذلك ماهي الصعوبات التي تواجه العازف في هاتان الحالتان وكيف يتغلب عليها حتي يحسن اداء هذه النوت السريعه او البطيئه .
اتمني من جميع الاعضاء ايضا المشاركه بالراي وشكرا جزيلا

أخى العزيز
اساس الموضوع هو اعداد العازف الماهر الجيد الإعداد الصحيح
يعنى يبدأ فى التدريب بنوت سهلة جدا ثم اصعب ثم اصعب وهكذا
وهنا يأتى تمارين اسرع قليلا ثم اسرع جدا وهكذا
والتمرين الحقيقة هو الذى يحتوى على نوت سريعة ونوت بطيئة
يعنى عندما تأتى علامات دوبل كروش ثم تأتى بعدها علامة روند او علامة بلانش هنا الاختبار الحقيقى لقدرة العازف على ظبط الزمن بين العلامات السريعة وبعدها البطيئة كل هذا هو تحضير للعزف الفعلى يعنى انت مش حاتعزف تمارين تكنيكية طول عمرك ولكنها اعداد لعزف الاغانى والمقطوعات الموسيقية وهى تحتوى على جميع مادرسته من قبل فى دراستك لتفاصيل النوتة يعنى النغمات كلها المرفوعة والمخفوضة والنغمات الشرقية والعلامات الايقاعية كلها السريع منها والبطىء وتتباع السريع بعد البطىء او العكس
انا امثلها عندما تقود سيارة فى طريق ناعم مقتوح يعقبه جزء به متطبات غير متوازية يعنى تضطر للإنحراف يمينا ويساراً وهنا تظهر مقدرة السائق , يعنى مثلا انت لو جبت احسن سواق امريكانى مش حايعرف يمشى فى بعض شوارع القاهرة الاعة 2 ظهرا فى ميدان وتوابع العتبة مثلا ً لأنه معتاد على النظام يعنى اشارات وناس بتحترم الاشارات لكن ميدان العتبة تحس انك جوا صباع محشى ما تفرق بين السيارات والمشاه والدراجات والموتوسيكلات , هى اساس العملية التدريب الصحيح
كمان فيه شىء مهم النوت البطيئة جدا بتحتاج قوة اعصاب فى آلة الكمان مثلا ودى بتيجى من حسن بداية التدريب على نغمات طويلة جدا , بس انا افتخر انى انشأت مدرسة فى الكتابة يعنى لو تنظر لمعظم النوت اللى انا بدونها بكتبها بطريقة مبسطة ( واكتشفت انها المضلة حتى عند اكبر المحترفين ) يعنى اولا انك تشوف النوتة شكلها سهل يعنى بتشجع المبتدىء يحاول فيها انا حاليا بدون اغنية حب ايه لأم كلثوم وقبل ما ادونها شفت نوتة قديمة هنا فى المنتدى بالنسبة للمحترفين شكلها صعب وبالنسبة للهواة او المبتدئين شكلها مفزع او مخيف ( طبعا شعورى ده اتى من انى كنت بالليل بعزف مع اعظماء وفى الصبح مدرس موسيقى مع المبتدئين يعنى فاهم دماغ دول ودول )
ولما ابتديت ادونها ان شاء الله حا خلصها على بكره وتشوف الفرق بين التدوينين يعنى النوتة الصعبة المبتدىء بيخاف منها بيحس انه مش حايسلك فيها لكن السهلة المبتدىء اول انطباع بيحس انه حايقدر يمشى فيها
واتت النتائج المبهرة وزملائك هنا فى المنتدى هم اللى بيقولوا يعنى كلهم تقريبا بيردوا عليا ويقولوا انهم عزفوا من تدوينى السهل اغانى كان من المستحيل يعزفوها بالطرق التانية , وطبعا الموضوع مفتوح لكل رأى مع اطيب تحياتى عادل صموئيل

عزت شحاته
21/10/2010, 20h41
اقدم للأخ العزيز عزت شحاتة نوتة
فيها ايه
هى عشان اغنية حديثة ومتوزعة بالطريقة العفاريتى بتاعة الايام دى تعبتنى شوية لأن الاغانى الحديثة مش ينفع اصلا تتكتب يعنى تتسمع بس ( وفى بعض الاحيان يستحسن ما تتسمعش عشان بتجيب شلل )
لكن انا كتبتها يعنى لسه فيه شوية دهن فى العتاقى
مع اطيب تحياتى

وتنفع للمدرسين
الاستاذ الجميل / عادل صموئيل
عمـــــــــــــــــــى وعــــــــــــــــــــــــــــــــم النـــــــــــــاس كلهـــــــــــــا ..
اولا -: اشكرك مـــــن كـل قلبــــــــــــــى .. ثانيا - : اسف لانى تعبتك
ثالثا -: الدهن موجود بس فى العتاقى .. رابعا- : ربنا يخليك لينــــا

****************
اخى العزيز
يسعدنى دائما ان اقدم اى خدمة والخدمة هنا مش لشخصك بس ولكن اقدمها للفن وللإنسانية وللمستقبل , يعنى انا بزود بيها رصيد موجود عند كل من يستفيد من هذا اللحن لأن اى مدرس موسيقى او متعامل مع الموسيقى المفروض يكون عنده رصيد كبير للمستقبل من الاعمال الجيدة لأنك ممكن محتاجها دلوقت لكن ممن تحب تستعملها بعدين فى اى وقت
مع اطيب تحياتى عادل صموئيل

عزت شحاته
21/10/2010, 20h49
الاستاذ / وائل علوى
معلهشى متأخره .. للظروف
كل سنه وانت من حلمك قريب ..
كل سنه وانت من سعدك قريب ..
كل سنه وانت بخير
كل سنه وانت طيب
****************
الاخت / جوليانا
الف تحيه لحضرتك .. والف سلامه للبنوته الغاليه

وليد100
21/10/2010, 20h56
السلام عليكم ورحمه الله وبركاته
الاستاذ وائل علوي كل سنه وانت طيب
الدكتور وسام اكرم غايب ليه بقاله مده ياريت حد يطمنا عليه .

عزت شحاته
21/10/2010, 22h28
الاستاذ العزيز / طارق
الرجاء نوتة اغنية (راح اتوب )للمطربه عايده شاعر
نفسى تلبى لى طلب واحد من كل الطلبات اللى طلبتها ف السابق

عادل صموئيل
22/10/2010, 00h59
احبائى
يسعدنى ان اقدم لكم اغنية من العيار التقيل جدا
من اروع ما لحن بليغ حمدى واحلى ما غنت ام كلثوم
حب ايه
والطريف فى هذه الاغنية انى ما لحقتش اعزفها مع ام كلثوم لأنها قديمة جدا لكن انا عزفتها مع بليغ حمدى فى سهرات خاصة
اليكم النوتة بس الاغنية دى يتهيأ لكم انها سهلة لكن انا لما كتبتها ( مع انى عزفتها اكتر من مليون مرة ) اكتشفت انها صعبة جدا , لكن مفيش مع عادل صموئيل حاجة صعبة يعنى انا كتبتها بشكل اسهل من السهولة بس خدوا بالكم من الخبايا اللى فيها يعنى علامات التحويل اللى مش متوقعة داخل المقامات ( ودى طبعا عبقرية بليغ اللى مش جت من فراغ ) .
انا بصراحة اللى خلانى اكتبها فيه اخ جديد فى المنتدى طلبها مع ان مشاركته لسه ما ظهرتش لكن انا شفتها وحبيت اكتب الاغنية دى لأنى انا كنت عارف ان النوتة بتاعتها موجودة فى المنتدى لكن لما شفتها انا شخصيا اتخضيت
ورحت جبت طاسة الخضة من فوق الدولاب يعنى مكتوبة بطريقة محتاجة واحد محترف جداً وناقصة كتير
المهم انا الاغنية دى بحبها جدا وحبيت اقدمها لكم للذكرى وللتاريخ , لأن اكيد النوتة السهلة حاتخلى كتير جدا يعزفوها
يعنى هى اغنية خالدة سمعاً انا حبيت كمان اخليها خالدة عزفاً , واكتر حاجة عجبتنى وانا براجعها المراجعة الاخيرة
ان ممكن تلميذ فى اعدادى يعزفها , اسيبكم بقى عشان الجمبرى حايبرد
واتمنى ان تسعدوا بهذه النوتة

عود الاندلس
22/10/2010, 07h49
تحية خالصة لأستاذنا الكريم.
شكرا لكم على تدوين حب إيه إنها تحفة خالدة.
الحمد لله, لقد ملئ بفضلكم الآن الفراغ الكبير الذي كانت تعاني منه مكتبة طلبات النوتة الموسيقية بسبب نقص هذه القصيدة الرائعة. هي الوحيدة من العيار الثقيل التي لم تكن موجودة بالمنتدى.
الله يديم عليكم الصحة والعافية ويبارك لكم في عمركم.
أكن لكم الإحترام والتقدير من كل قلبي يا أستاذنا الجليل.

عود الأندلس
الأخ الفاضل مرحبا بك
وانا اكون فى منتهى السعادة ان اعمل شىء يستفيد منه اكبر عدد من الناس واكون فى منتهى منتهى السعادة عندما يعجب عملى انسان من دولة غير مصر , لأننا المصريين لنا لغة للتفاهم الموسيقى نفهم بعض لكن لما انسان عزيز من المغرب يعجبه عملى انا احس انى بقيت عالمى اشكرك الف الف شكر
مع اطيب تحياتى عادل صموئيل

مستمع
22/10/2010, 08h32
انا محتاج نوت موسيقي ناصر 56 ولو امكن بالتوزيع فول سكور
وانا اتعجب لندرة النوتات العربية الحديث الاصلية حتى ولو بالشراء في هي غير موجود ولا ادري لماذا ؟؟؟؟

الأخ الفاضل اولا اهلا بك فى المنتدى
انا لفت نظرى مشاركتك دى , بس الطلب اللى انت طالبه مش موجود لسبب ممكن تسمح لى اشرحه لأنه بيحتاج محاضرة , الفرقة الماسية تكونت سنة 1950 تقريباً وانا عزفت فيها لمدة حوالى عشرين سنة ابتداء من سنة 1970
وكانت طبعاً كل الألحان الموزعة لكل كبار المطربين والملحنين بتتعزف على الفرقة الماسية , ولما نتكلم على الموزعين حا نقول اندريا رايدر , وبيبى المانزا ( ده اللى عامل معظم اغانى فريد الموزعة ومنها لحن الخلود )
مرورا ب على اسماعيل وفؤاد الظاهرى على سبيل الأمثلة لا الحصر , وواضح من كلامك ( مع انى من إسمك ف المنتدى ما اعرفكش شخصياً لكن واضح ان عندك ثقافة موسيقية وعالية لأن كلمة فول سكور مش اى حد يقولها ,
والمهم طبعا ان كل اللى انا اتكلمت عنهم دول كان كل شغلهم نوتة , والمهم انك لو اخدت اى لحن موزع كدارس موسيقى ممكن لما تسمعه 3 مرات تحس الاصوات التانية بتقول ايه بالضبط لأن الالحان والتوزيع على ايامنا كان قليل يعنى فى جمل محدودة وبالذات جمل معمولة مخصوص عشان تتوزع يعنى تلاقى مثلا فيها مساحات فاضية يعنى روندات او بلانشات بحيث يبان تحتها التوزيع اللى كان مش حشو وخلاص ولكن الحان فى منتهى الجمال , والمهم جدا ان كل عشرين لحن تلاقى لحن فيه توزيع لأن زى ماقلت عامة الشعب اللى مش دارسة موسيقى مش حاتفهم يعنى ايه توزيع يعنى حاتسمع دوشة وخلاص ( حايسموها كده لأنها غير مفهومة بالنسبة لهم , ثم حدثت النكبة ومات جميع العمالقة وانتهت الفرقة الماسية وجاءت الايام السوداء فى الموسيقى المصرية , بقى اى واحد ماشى فى الشارع وطلع ف مخه يغنى يروح عامل شريط والكارثة ان عشان الوعى الجمهورى بقى صفر بيشتهروا ويكسبوا ملايين مما يدى كل واحد يقلدهم بدون ادنى موهبة , وكل الاغانى بقت موزعة , هوجة يعنى او سوق خضار , واصبح التوزيع ( بعد الاستغناء عن الاوركسترات والاكتفاء بأورج واحد عازف اورج شاطر اوى وستوديو فيه 24 تراك , يروح مسجل اللحن وعلى كل تراك يحط حاجات وتسمع الشريط شوية زحمة ( انا اللى بيعتبرونى موسيقار كبير يعنى ) مش بفهمها لأنى بحس انى بسمع طبق كشرى ما اقدرش اعد كام رزاية او عدساية فيه ( غير طبعا زمان زى ما قلت كانت التوزيعات محددة ومفهومة ) وحتى اللزم الصغيرة اللى بترد على الغنا بقت حاجات عفاريتى سريعة مش ممكن المستمع العادى حا يفهمها بإختصار طالما بيشتغلوا بدون نوت حتلاقى النوت فين ؟؟؟؟؟
يعنى انا فيه ناس بتطلب منى الحان حديثة بس بكتب اللحن الاصلى فقط لأن التوزيع بتاع دلوقتى من المستحيل يتكتب لنه متداخل بطريقة عاملة زى المكرونة الاسباجيتى او واحدة شعرها منكوش , وكتير مش بعرف اكتب اللاحن الاساسى لأنه الموضة انه بيبقى ملخفن ومش واضح وده طبعا من الفقر الموسيقى يعنى شوف مثلا اغنية حيرت قلبى معاك شوف الجمل حلوة اد ايه وبسيطة ومفهومة من اول مرة
انا آسف للإطالة ومع اطيب تحياتى عادل صموئيل

عادل صموئيل
22/10/2010, 09h31
احبائى
اقدم للأخ عزت شحاته اغنية
راح اتوب
هى لفتت نظرى عشان فيها مزج مش طبيعى بين مقام البياتى على الدوكا والراست على الدوكاه وحبيت اكتبها بطريقة مبسطة عشان ماحدش يتلخبط فى المقمات
مع اطيب تحياتى ومع الاعتذار للأخ العزيز طارق

بس قول لى يا اخ عزت الاغنية دى حاتعملها ف المدرسة ؟ ده يبقى المدارس فى مغاغة عندكم تطورت اوى احنا فى مصر على طول يا وطنى يا دينى
انا كنت فى اسيوط السنة اللى فاتت وانا راجع فى القطار وكنت راكب قطار بيقف على المحافظات بس لكن جه عند مغاغة الظاهر فيه عطل ووقف على محطة مغاغة نصف ساعة وفوجئت بأن المحطة تطورت وبقت فى منتهى الشياكة لنى كنت من زمان ما شفتهاش , اما لو وصل التطور للمدارس يبقى طبعا جميل جدا , اصل وزارة التربية والتعليم انا مش عارف ازاى هم عايزين نبنى مخ التلاميذ واحنا نلغى مخنا , عاملين زى نكتة فى فيلم صعيدى رايح جاى لما قال له القطر لما داس عليه ما موتوش لأنه داس على مخه بس رد عليه وقاله غريبة والمخ ده جاله منين , تلك هى وزارة التربية والتعليم ..... وعجبى

مستمع
22/10/2010, 11h08
لو سمحتم انا احتاج بشدة نوتة ناصر 56 للمبدع ياسر عبد الرحمن بس فول سكور مش ميلودي وعن نفسي بحث عنها ولم اجدها ولا اعرف سبب اختفاء نوت اعمال الملحنين العرب بهذا الشكل الغريب حتى لو بالمقابل المادي لا اجد ما هو منشور
فمن يعرف الاستاذ ياسر يبلغه ذلك او يرسل لى رقم هاتف لاتحدث معه

نجيب مراد
22/10/2010, 11h21
احبائى
يسعدنى ان اقدم لكم اغنية من العيار التقيل جدا
من اروع ما لحن بليغ حمدى واحلى ما غنت ام كلثوم
حب ايه
والطريف فى هذه الاغنية انى ما لحقتش اعزفها مع ام كلثوم لأنها قديمة جدا لكن انا عزفتها مع بليغ حمدى فى سهرات خاصة
اليكم النوتة بس الاغنية دى يتهيأ لكم انها سهلة لكن انا لما كتبتها ( مع انى عزفتها اكتر من مليون مرة ) اكتشفت انها صعبة جدا , لكن مفيش مع عادل صموئيل حاجة صعبة يعنى انا كتبتها بشكل اسهل من السهولة بس خدوا بالكم من الخبايا اللى فيها يعنى علامات التحويل اللى مش متوقعة داخل المقامات ( ودى طبعا عبقرية بليغ اللى مش جت من فراغ ) .
انا بصراحة اللى خلانى اكتبها فيه اخ جديد فى المنتدى طلبها مع ان مشاركته لسه ما ظهرتش لكن انا شفتها وحبيت اكتب الاغنية دى لأنى انا كنت عارف ان النوتة بتاعتها موجودة فى المنتدى لكن لما شفتها انا شخصيا اتخضيت
ورحت جبت طاسة الخضة من فوق الدولاب يعنى مكتوبة بطريقة محتاجة واحد محترف جداً وناقصة كتير
المهم انا الاغنية دى بحبها جدا وحبيت اقدمها لكم للذكرى وللتاريخ , لأن اكيد النوتة السهلة حاتخلى كتير جدا يعزفوها
يعنى هى اغنية خالدة سمعاً انا حبيت كمان اخليها خالدة عزفاً , واكتر حاجة عجبتنى وانا براجعها المراجعة الاخيرة
ان ممكن تلميذ فى اعدادى يعزفها , اسيبكم بقى عشان الجمبرى حايبرد
واتمنى ان تسعدوا بهذه النوتة
أستاذنا العبقري الجميل / الأستاذ عادل
ألف مليون شكر على نوتة ( حب إيه ) أنا بجد مش عارف أشكر حضرتك إزاي بس نوتك هتفضل موجودة يا أستاذ الأساتذة ، أما بخصوص الجمبري فبالهنا والشفا يا أستاذ.

علي ثلاثة
22/10/2010, 11h45
السلام عليكم ورحمة الله


السيد طارق
أرجو ان تتفضل مشكورا بإتحافنا بمدونتي أغنيتي فريد-الحب لحن جميل-و-يا بنت بلدي. ودمت لنا في صحة وعافية وكل الأساتذة الكرام الذين لاننسى فضلهم.

سامى امين
22/10/2010, 12h47
مستر عادل عايز رئيك فى حاجة مهمة سيدنا قالى ان الاغانى بتولد احلام والاحلام بتولد احتلام والاغانى حرام وهى مرتبطة بشكل كبير باماكن الدعارة وقالى انت ها تكسب فلوس لكن ها تخسر ابديتك الصراحة مش عارف

اخى العزيز
الفرق بين الأمم المتحضرة والأمم المتخلفة هو استيعاب وتفهم الأمور التفهم الحقيقى مش ناخد الكلام كله فى قلب بعضه وخلاص
يعنى بالنسبة للمشروبات فيه مثل بيقول : المشروب اللى كثيره مسكر قليله حرام بمعنى البيرة مثلا لو الواحد شرب 3 زجاجات بيرة بيسكر يبقى شفطة البيرة حرام , وفيه نبيذ عليه كحول وده مسكر يبقى حرام لكن فيه نبيذ بدون كحول وده اللى بيتناولوا بيه فى الكنايس وده كثيره مش مسكر يعنى هو عصير عنب يبقى ده شخصيا مش حرام مع انه نبيذ لأن ما فيهوش كحول , وعلى ذلك البيريل مثلا مش حرام مع انه يشبه البيرة ولكنه بدون كحول فهمت الجزء الاول ؟
نيجى للجزء الثانى فيه اغانى فن راقى واغانى اثارة جنسية مش فن يعنى لو قارنت اغنية اهيفاء وهبى او اليسا او بوسى سمير
تلاقى ان ولا واحدة فيهم تعتبر فنانة ولكن كل اللى انت بتشوفه بيعتمد على اعلى درجة تسمح بها الرقابة من التعرى والإغراء والإثارة وبالطبع مش ممكن واحدة منهم تغنى فى الراديو لأن حاتتكشف انها مش فنانة وما لهاش علاقة اصلا بالغناء , وهنا الاغانى دى تعتبر حرام لأنها بتثير الغرائز وما فيهاش الفن اللى بيسمو بالمشاعر , وقارن بين اغنية لفايزة احمد واغنية لهيفاء وهبى حتلاقى فايزة احمد على اعلى درجة من الفن اللى بيسمو بالمشاعر ويرتقى بها بعكس هيفاء وهبى ومن معها , انا عملت المقارنة بين اتنين ستات , لكن تعالى نسمع ام كلثوم وعبد الحليم وعبد الوهاب يعنى الفن اللى على اصله ايه اللى ف اغانى الناس دى بيعمل احلام واحتللام ودعارة الى آخره ؟؟؟؟؟؟؟؟؟
يعنى الفنانين العظام دول هم المدرس الحقيقى للأجيال يعنى زمان كانت الاخلاق احسن كتير والذوق اعلى كتير والثقافة اعلى كتير والسبب الفن الراقى اللى كانوا بيسمعوه لكن اليومين دول كل حاجة فى الحضيض حتى سواقة العربيات فى الشارع بقت همجية عشان الشىء المقزز اللى بيسمعوه وانا مع احترامى الشديد لسيدنا ( اللى هو اصلا فنان وشاعر على درجة عالية يعنى لا يقل عن احمد شوقى بس شعره دينى طبعا ) اختلف معاه فى التعميم ان كل الاغانى حرام وانا ما اعتقدش انه يقصد ام كلثوم وعبد الوهاب واللى زيهم ولكنه يقصد هيفاء واليسا واللى زيهم وانت لو بتحضر اجتماعاته ممكن تقول له الرأى ده عنى وطبعا موضوعك ممكن يرد عليه عدد من الاعضاء على مختلف الطوائف وانا متأكد ان مش حايختلفوا مع رأيى
مع اطيب تحياتى عادل صموئيل

يوسف قاسمي جمال
22/10/2010, 16h13
استاذ عادل ما أخبار عازف الرق الرائع حسن أنور ... الحقيقة قرأت اليوم خبرا يقول "رحم الله حسن انور" ... على أي حال أرجو من سيادتكم أن تبلغنا عن أخباره. و أيا كانت أرجو أن تخصص لنا حديثا طويلا و وافيا عن هذا العملاق , من حكايات و نوادر ... كن كريما ولا تبخل علينا بالتفاصيل ...

عزت شحاته
22/10/2010, 16h39
احبائى
اقدم للأخ عزت شحاته اغنية
راح اتوب
هى لفتت نظرى عشان فيها مزج مش طبيعى بين مقام البياتى على الدوكا والراست على الدوكاه وحبيت اكتبها بطريقة مبسطة عشان ماحدش يتلخبط فى المقمات
مع اطيب تحياتى ومع الاعتذار للأخ العزيز طارق

بس قول لى يا اخ عزت الاغنية دى حاتعملها ف المدرسة ؟ ده يبقى المدارس فى مغاغة عندكم تطورت اوى احنا فى مصر على طول يا وطنى يا دينى
انا كنت فى اسيوط السنة اللى فاتت وانا راجع فى القطار وكنت راكب قطار بيقف على المحافظات بس لكن جه عند مغاغة الظاهر فيه عطل ووقف على محطة مغاغة نصف ساعة وفوجئت بأن المحطة تطورت وبقت فى منتهى الشياكة لنى كنت من زمان ما شفتهاش , اما لو وصل التطور للمدارس يبقى طبعا جميل جدا , اصل وزارة التربية والتعليم انا مش عارف ازاى هم عايزين نبنى مخ التلاميذ واحنا نلغى مخنا , عاملين زى نكتة فى فيلم صعيدى رايح جاى لما قال له القطر لما داس عليه ما موتوش لأنه داس على مخه بس رد عليه وقاله غريبة والمخ ده جاله منين , تلك هى وزارة التربية والتعليم ..... وعجبى
الاستاذ الحميل / عادا صموئيل
يا باشا الكبير كبير .. انا طلبت الاغنيه من الاستاز طارق .. لانى اتكسفت
اتقل عليك لأنك لسه منزلى نوتة (فيها ايه) ..
المزج اللى حضرتك قلت عليه بين الدوكا والراست .. كان نقطة الخلاف بينى وبين العازف الخاص بفريق الكورال .. وكده تمام حل الخلاف
بالنسبه للاغنيه انا هاعملها ف برنامج فريق الاطفال اللى بدربه فى قصر الثقافه .. وعلى فكره مافيش اى موانع بالنسبه لى اقدمها فى اى مناسبه
بمدرستى .. لان القياده التعليميه سواءفى المدرسه او الاداره على وعى ..وتقدير لما اقدمه ..وانا من سنين استطعت انى اضيف نوع من احترام البشر للماده .. وعدم السماح للتقليل من شأنها بأى وضع ..فأنا اول من يحضر قبل التابور .. ولا اترك حصه بسهوله لماده اخرى .. وابذل ما استطيع من تعليم كم من الطالبات للعزف فى المسابقات.. وخاصة تابور الصباح الذى اذا اكتمل الفري الذى يعزف يصل عدده الى 15طالبه فى التابور .. ورفضت
اى مناقشه حول تقليل العدد .. وانا اقوم ايضا بالتغيير فيما يسمع ايضا فى المارش فهل تصدق انى اقدم اعنية سهر الليالى .. كمقطوعه مرحه مبهجه ف الصباح.. ( وجهة نظر )
وبالنسبه لمغاغه كان شرف كبير ان القطر اللى راكبه سعادتك يقف نصف ساعه عليها .. ومن ناحية التطوير اطورت لانها من المراكز المتمدنه
وكنت اتمنى يا باشا انى ابقى موجود على المحطه عشان اسلم عليك
وانول شرف رؤية سعادتك

عاصم المنشاوى
22/10/2010, 16h40
الأستاذ الشلال المتدفق عادل صموئيل

واحدة واحدة علينا يامعلم ...مش قادرين ....نفسنا أتقطع...السماء تمطر نوتا والحانا من السماء....على رأى الغائب الحاضرعم أحمد"نور الصباح"دهب ياقوت مرجان.أحمدك يارب...نوت ...روح مرحة ...اسلوب ساخرفى الكتابة....ربنا يخليك لينا يارب...
طيب كنا عايزين نقول حاجة عن عمنا الشيخ " سيد مكاوى" اللى لحن أكتر من 500 لحن لكل المطربين ماعدا تخيل-عبد الحليم حافظ- توفى الله يرحمه فى 21 ابريل 1997بعد 11 سنة من وفاة صديقه صلاح جاهين....ومايهمنا هنا هو ألحانه ل وردة...اولهما طبعا أغنية ام كلثوم التى لم يمهلها القدر لكى تغنيها .."أوقاتى بتحلو".فغنتها وردة فى عام 1976...ثم "ولو انك ياحبيبى بعيد"1978...ثم "آل ايه بيسألونى"فى 1981 هى بالمناسبة مدونة هنا فى منتدانا...وبعدها الأغنية التى دونها لنا الأستاذ "شعورى ناحيتك " فى سنة 81 ايضا ثم ياماليالى 1982 و"بحبك صدقنى"...ألخ حتى وصل الرقم الى 11 أغنية....يتميز سيد مكاوى عن باقى الملحنين المعاصرين له بأنه كان يجمع بين مدرسة سيد درويش "التعبيرية ...وزكريا أحمد "التطريبية"....الطريف انه أعتمد فى بداياته كمطرب -زى بليغ والموجى-وغنى من ألحان غيره ..وكانت أول اغانيه كمطرب لحن لعبد العظيم عبد الحق والتانية لأحمد صدقى اسمها"تونس الخضراء"....

الأستاذ الدكتور الجراح /وسام أكرم ...حاولت الأتصال به وبعت له ع الفيس بوك وأيضا رسالة خاصة ولا مجيب...يارب تكون بخير...مش عايزين نوت يادكتور ...عايزين بس نطمئن عليك فى العراق الجريح.

عزت شحاته
22/10/2010, 16h59
مستر عادل عايز رئيك فى حاجة مهمة سيدنا قالى ان الاغانى بتولد احلام والاحلام بتولد احتلام والاغانى حرام وهى مرتبطة بشكل كبير باماكن الدعارة وقالى انت ها تكسب فلوس لكن ها تخسر ابديتك الصراحة مش عارف

اخى العزيز
الفرق بين الأمم المتحضرة والأمم المتخلفة هو استيعاب وتفهم الأمور التفهم الحقيقى مش ناخد الكلام كله فى قلب بعضه وخلاص
يعنى بالنسبة للمشروبات فيه مثل بيقول : المشروب اللى كثيره مسكر قليله حرام بمعنى البيرة مثلا لو الواحد شرب 3 زجاجات بيرة بيسكر يبقى شفطة البيرة حرام , وفيه نبيذ عليه كحول وده مسكر يبقى حرام لكن فيه نبيذ بدون كحول وده اللى بيتناولوا بيه فى الكنايس وده كثيره مش مسكر يعنى هو عصير عنب يبقى ده شخصيا مش حرام مع انه نبيذ لأن ما فيهوش كحول , وعلى ذلك البيريل مثلا مش حرام مع انه يشبه البيرة ولكنه بدون كحول فهمت الجزء الاول ؟
نيجى للجزء الثانى فيه اغانى فن راقى واغانى اثارة جنسية مش فن يعنى لو قارنت اغنية اهيفاء وهبى او اليسا او بوسى سمير
تلاقى ان ولا واحدة فيهم تعتبر فنانة ولكن كل اللى انت بتشوفه بيعتمد على اعلى درجة تسمح بها الرقابة من التعرى والإغراء والإثارة وبالطبع مش ممكن واحدة منهم تغنى فى الراديو لأن حاتتكشف انها مش فنانة وما لهاش علاقة اصلا بالغناء , وهنا الاغانى دى تعتبر حرام لأنها بتثير الغرائز وما فيهاش الفن اللى بيسمو بالمشاعر , وقارن بين اغنية لفايزة احمد واغنية لهيفاء وهبى حتلاقى فايزة احمد على اعلى درجة من الفن اللى بيسمو بالمشاعر ويرتقى بها بعكس هيفاء وهبى ومن معها , انا عملت المقارنة بين اتنين ستات , لكن تعالى نسمع ام كلثوم وعبد الحليم وعبد الوهاب يعنى الفن اللى على اصله ايه اللى ف اغانى الناس دى بيعمل احلام واحتللام ودعارة الى آخره ؟؟؟؟؟؟؟؟؟
يعنى الفنانين العظام دول هم المدرس الحقيقى للأجيال يعنى زمان كانت الاخلاق احسن كتير والذوق اعلى كتير والثقافة اعلى كتير والسبب الفن الراقى اللى كانوا بيسمعوه لكن اليومين دول كل حاجة فى الحضيض حتى سواقة العربيات فى الشارع بقت همجية عشان الشىء المقزز اللى بيسمعوه وانا مع احترامى الشديد لسيدنا ( اللى هو اصلا فنان وشاعر على درجة عالية يعنى لا يقل عن احمد شوقى بس شعره دينى طبعا ) اختلف معاه فى التعميم ان كل الاغانى حرام وانا ما اعتقدش انه يقصد ام كلثوم وعبد الوهاب واللى زيهم ولكنه يقصد هيفاء واليسا واللى زيهم وانت لو بتحضر اجتماعاته ممكن تقول له الرأى ده عنى وطبعا موضوعك ممكن يرد عليه عدد من الاعضاء على مختلف الطوائف وانا متأكد ان مش حايختلفوا مع رأيى
مع اطيب تحياتى عادل صموئيل
استاذ سامى/ اسمح لى بالمداخله
الكلام ده لا يمكن يكون لسيدنا البابا .. ممكن يكون سيدنا ده اسقف ايبارشيه من الاساقفه القدام
وعموما اى مهنه فيها اللى بيدوروها بشكل كويس وفيها اللى غير كده .. وفى اجواء فى اى مهنه كويسه وغير .. .. انا مثلا رفضت شغل الفرق فى الافراح .. لان جو الفرق عندنا مش كويس .. وانا مقبلتوش
..لكن فيه اماكن زى المدارس الخاصه وقصور الثقافه والشباب موجوده .. العائد قليل لكن مريح نفسيا ..
.. وربنا ادانا عقل مش لازم نلغيه .. والا لو فكرنا كده كل الاعمال فيها حرام .. فكرك يا اخ سامى هيرجعنا 100سنه وراااااااااااااااااااااااا(اسف)

وائل علوي
22/10/2010, 17h28
الاستاذ / وائل علوى
معلهشى متأخره .. للظروف
كل سنه وانت من حلمك قريب ..
كل سنه وانت من سعدك قريب ..
كل سنه وانت بخير
كل سنه وانت طيب
****************
الاخت / جوليانا
الف تحيه لحضرتك .. والف سلامه للبنوته الغاليه

اخي الفاضل عزت شحاته الف تحية وشكر على ذوقك وكل سنة والجميع بخير و سلام

وائل علوي
22/10/2010, 17h30
السلام عليكم ورحمه الله وبركاته
الاستاذ وائل علوي كل سنه وانت طيب
الدكتور وسام اكرم غايب ليه بقاله مده ياريت حد يطمنا عليه .
وانت طيب اخي وليد كلك ذوق اشكرك

ياسمين الشام
22/10/2010, 17h49
:emrose:مساء الخير للجميع وخصوصا :emrose:


:emrose:لعمدة المنتدى الأستاذ عادل صموئيل:emrose:
شكرا لك أستاذي على نوتة شعوري نا حيتك
وأذا ممكن تدون لنا أغنية وردة حنين من ألحان المبدع بليغ حمدي
وكل الشكرلك ولكل من يساهم في هذا المنتدى الراقي
ياسمين

الاخت العزيزة ياسمين
انت بتقرى افكارى انا الاغنية دى كل ما اسمعها احس بحنين انى اكتبها
ممكن حد يتكرم ويرفع لى تسجيلها ؟
انتى عارفة لو كنتى ارفقتى التسجيل كنت كتبتها فورا
مع اطيب تحياتى عادل صموئيل

فؤاد العلمي
22/10/2010, 18h12
احبائى
يسعدنى ان اقدم لكم اغنية من العيار التقيل جدا
من اروع ما لحن بليغ حمدى واحلى ما غنت ام كلثوم
حب ايه
والطريف فى هذه الاغنية انى ما لحقتش اعزفها مع ام كلثوم لأنها قديمة جدا لكن انا عزفتها مع بليغ حمدى فى سهرات خاصة
اليكم النوتة بس الاغنية دى يتهيأ لكم انها سهلة لكن انا لما كتبتها ( مع انى عزفتها اكتر من مليون مرة ) اكتشفت انها صعبة جدا , لكن مفيش مع عادل صموئيل حاجة صعبة يعنى انا كتبتها بشكل اسهل من السهولة بس خدوا بالكم من الخبايا اللى فيها يعنى علامات التحويل اللى مش متوقعة داخل المقامات ( ودى طبعا عبقرية بليغ اللى مش جت من فراغ ) .
انا بصراحة اللى خلانى اكتبها فيه اخ جديد فى المنتدى طلبها مع ان مشاركته لسه ما ظهرتش لكن انا شفتها وحبيت اكتب الاغنية دى لأنى انا كنت عارف ان النوتة بتاعتها موجودة فى المنتدى لكن لما شفتها انا شخصيا اتخضيت
ورحت جبت طاسة الخضة من فوق الدولاب يعنى مكتوبة بطريقة محتاجة واحد محترف جداً وناقصة كتير
المهم انا الاغنية دى بحبها جدا وحبيت اقدمها لكم للذكرى وللتاريخ , لأن اكيد النوتة السهلة حاتخلى كتير جدا يعزفوها
يعنى هى اغنية خالدة سمعاً انا حبيت كمان اخليها خالدة عزفاً , واكتر حاجة عجبتنى وانا براجعها المراجعة الاخيرة
ان ممكن تلميذ فى اعدادى يعزفها , اسيبكم بقى عشان الجمبرى حايبرد
واتمنى ان تسعدوا بهذه النوتة



شكراً أخي وأستاذي عادل على هذه التحفة الغنائية للموهوب بليغ حمدي.
حضرتك دائماً تتطرق إلى المواضيع بطريقة موضوعية وعلمية، وهذه طبعاً واحدة من مميزاتك العديدة، وأنا اليوم أريد أن أخاطب رأيك الخاص في سؤالٍ ذاتي محض. وأرجو أن تجيبني بصراحتك المعهودة وبدون دبلوماسية. طبعاً كل الملحنين الكبار نحترمهم ونقدرهم، ولكن في رأيك من هو أعظمهم وأقربهم إلى قلبك.
مع أطيب التحيات إليك وإلى جميع المشاركين في المنتدى.

اخى العزيز
اولا بعد ان اشكرك على كلامك الجميل , سؤالك جميل وبدون دبلوماسية انا عزفت مع كل نجومالفن الجميل كل الملحنين وكل المطربين , وكانوا كلهم عباقرة يعنى عباقرة بكل ماتحمله الكلمة من معانى ةاقل دليل عملى على عبقريتهم هو خلودهم يعنى كل واحد منهم يمثل علامة بارزة مثل عجائب الدنيا السبع حتى مرور آلاف السنين على بناءها مازالت هى عجائب الدنيا السبع وخلال الأربعة آلاف سنة الماضية بكل التقدم التكنولوجى والعلمى لم يقدم العالم اعجوبة زيادة لنقول عجائب الدنيا الثمانية , وكان عملى معهم خلال الفرقة الماسية وفرقة ام كلثوم وفرقة الموسيقى العربية , كنت اتعرض كل يوم لعبقرياتهم بمنتهى الدقة المتناهية لذلك انا احبهم كلهم فكل واحد منهم يمثل لونا متميزا مستقلا وذلك سبب لمعانهم فلو كان لأى احد منهم شبيه لتلاشى الشبيه او على اصدق تقدير لضاعت قيمة الشخص وشبيهه لن معنى وجود شبيه انه ممكن يوجد ىخرين يشبهونه وهنا لا يصبح اعجوبة ولكنه يصبح شخص عادى وهناتسقط النجومية , ومن اهم عوامل حبى لهم كلهم هو انك فى تعاملك معى اكتب نوتة لبليغ بمنتهى الإخلاص وهو الإخلاص الذى به لعبد الوهاب او السنباطى , انا مثل حكم الكرة ان لم اكن محايداً مائة فى المائة لن اصلح حكماً على الإطلاق وحيادى هنا هو حبى لهم كلهم , يعنى انا مرة واحد سالنى ما قيمتى بين العمالقة قلت له لو عبد الوهاب مائة درجة انا عشر درجات ولكن قيمتى تأتى من سر سأقوله لكم , عندما تسمع عبد الوهاب تحس ان الحانه لها نكهة محددة متميزة بحيث انك بمجرد ان تسمع لحن تقول انه لحن لعبد الوهاب , ولكى يصبح عبد الوهاب صاحب مدرسة او صاحب نكهة لابد ان يكون منغلقا على عبقريته , يعنى انا التصقت بعبد الوهاب عشرون عاماً كان لا يسمع الحان الآخرين إلا بسرعة يعنى مثلا قبل ان يلحن اغنية ليلة حب لأم كلثوم كان يسمع بسرعة آخر اغنيتين لغيره غنتهما ام كلثوم يعنى ليعرف ما المستوى الذى وصلت اليه ام كلثوم ليعطيها احلى منه , وعملية عدم السمع هذه عملية مهمة جدا جدا , لأن اذن الموسيقار عبارة عن جهاز تسجيل يعنى عبد الوهاب لو فتح الردايو وجلس بجواره اربعة ساعات اكيد حا يسمع مش اقل من عشر أغانى لآخرين وممكن جملة او فكرة او تفعيلة من السنباطى تتسرب الى عقله وهو لايدرى وعندما يلحن تخرج مع لحنه وهنا تصبح مصيبة فنية , لذلك انغلاقه على نفسه كان ليصقل فنه هو ويخترع افكاره هو يعنى كان يستجمع مثلا معلوماته الإيقاعية ويفكر فى ايفاع جديد غير مالوف من قبل ليضعه فى لحن جديد وهكذا , انا كنت اقابلهم كلهم مرة على الاقل كل اسبوع بإستثناء لو بروفات اغنية جديدة كنت اعيش معهم , ما قلت ينطبق على كلهم لا عبد الوهاب وحده فلو قلت انا اعتبر نفسى عشرة % من عبد الوهاب وعشرة % من السنباطى يكون المجموع عشرين فى المائة وهكذا وانا لو انت عشت معى فى بيتى لمدة عام تجدنى مهتم بأغنية واحدة لعبد الوهاب لمدة اسبوع والاسبوع التالى للسنباطى وهكذا
وصلت الرسالة ؟

وائل علوي
22/10/2010, 22h54
احبائى
يسعدنى ان اقدم لكم اغنية من العيار التقيل جدا
من اروع ما لحن بليغ حمدى واحلى ما غنت ام كلثوم
حب ايه
والطريف فى هذه الاغنية انى ما لحقتش اعزفها مع ام كلثوم لأنها قديمة جدا لكن انا عزفتها مع بليغ حمدى فى سهرات خاصة
اليكم النوتة بس الاغنية دى يتهيأ لكم انها سهلة لكن انا لما كتبتها ( مع انى عزفتها اكتر من مليون مرة ) اكتشفت انها صعبة جدا , لكن مفيش مع عادل صموئيل حاجة صعبة يعنى انا كتبتها بشكل اسهل من السهولة بس خدوا بالكم من الخبايا اللى فيها يعنى علامات التحويل اللى مش متوقعة داخل المقامات ( ودى طبعا عبقرية بليغ اللى مش جت من فراغ ) .
انا بصراحة اللى خلانى اكتبها فيه اخ جديد فى المنتدى طلبها مع ان مشاركته لسه ما ظهرتش لكن انا شفتها وحبيت اكتب الاغنية دى لأنى انا كنت عارف ان النوتة بتاعتها موجودة فى المنتدى لكن لما شفتها انا شخصيا اتخضيت
ورحت جبت طاسة الخضة من فوق الدولاب يعنى مكتوبة بطريقة محتاجة واحد محترف جداً وناقصة كتير
المهم انا الاغنية دى بحبها جدا وحبيت اقدمها لكم للذكرى وللتاريخ , لأن اكيد النوتة السهلة حاتخلى كتير جدا يعزفوها
يعنى هى اغنية خالدة سمعاً انا حبيت كمان اخليها خالدة عزفاً , واكتر حاجة عجبتنى وانا براجعها المراجعة الاخيرة
ان ممكن تلميذ فى اعدادى يعزفها , اسيبكم بقى عشان الجمبرى حايبرد
واتمنى ان تسعدوا بهذه النوتة
استاذ عادل شكرا على هذا المجهود وتوجد ملاحظة في صفحة 6 في جملة ناقصة وهي تقول ( بعتني وفاكرني ليه -- اشتاق

لقربك ليه .......اشتاق لقربك ليه ....)

اخى العزيز وائل اشكرك واليك الجزء الناقص من صفحة 6
تحياتي
وائل

وائل علوي
22/10/2010, 23h35
استاذ عادل شكرا على هذا المجهود وتوجد ملاحظة في صفحة 6 في جملة ناقصة وهي تقول ( بعتني وفاكرني ليه -- اشتاق

لقربك ليه .......اشتاق لقربك ليه ....)

اخى العزيز وائل اشكرك واليك الجزء الناقص من صفحة 6
تحياتي
وائل
تسلم حبيب قلبي على مجهودك وهذا دليل اهتمامك بفنك وياريت لما تتوفر الفرصة ان تتفضل علينا وترفعها مع التعديل
اقولك حاجة انا سعيد جدااا جدااااا ان حضرتك بتاخذ بملاحظاتي وتثق بها و عمري ما شوفتك متضايق ابدا منها
بجد يا استاذي انا بتعلم منك حاجات كثيرة مش بس في الفن
ربنا يديك الصحة ويسعدك دنيا واخرة على قد ما بتسعدنا
اخوك وائل
اخى العزيز وائل واخوتى الأحباء
انا سعيد ان كل كلامكم عنى انى فنان ومحترم وكل الكلام الجميل اللى بتقولوه ومن اهم مميزات الشخص اللى بيتحلى بصفات جميلة انه يقول الحق ومايكونش دكتاتور , انت بحسك العالى عزفت الاغنية ولقيت ان فيها جملة ناقصة وفعلا جل من لا يسهو انا كتبت الاغنية من الذاكرة وانتم عارفين الانسان لما بيكون فى البيت ممكن تليفون يرن او جرس الباب او حد يندهنى يعنى التركيز بيهرب ومعنى انى نسيت جملة ما يضايقنيش ابداً اولا لأنى الجملة او ما قريت رسالتك كتبتها فى اقل من 3 دقائق
وثانياً ان ما فيش اخطاء فى التدوين وهذا مايعيبنى لكن الحمد لله التدوين 100% , انت خليتنى افتكر المرحوم محمد عبد الوهاب واحسده كان ساكن فى شقة فى الزمالك تتكون من شقتين واسعين جداً قسم بتعيش فيه العائلة وقسم او جزء هو صومعة عبد الوهاب حجرة نوم وحجرة مكتب وهى صالون ثم حمام خاص وهم واغرب شىء ان فيه قسم ثالث عبارة عن قاعة تليها غرفة وهم خاليتين وبيعتبروا جزء عازل بين القسم اللى بتعيش فيه الاسرة وبين صومعة عبد الوهاب انا كنت بزورة كتير جدا ادون له لو قفلت باب القسم بتاعه تحس انك كانك فى الصحراء الغربية يعنى حتى التليفون كانوا هم بيردوا عليه وما يوصلوش الخط له غير فى ظروف واوقات معينة نفسى انا فى ششوية هدوء من دول ..... يعنى تخيل انا بدون اغنبة فى مقام بياتى وجاى لى صوت من محل فى العمارة اللى جنبنا بيغنى نهاوند قول لى اعمل ايه ؟
المهم انا اشكرك جدا وبدعو اى عضو لو فيه اى ملحوظة او غلطة فى نوتة يقول لى فورا وانا اصلحها وان شاء الاله انا بخلص النوتة حالا عشان تبقى كلها جزء واحد وحانزلها او ما تخلص
مع اطيب تحياتى عادل صموئيل

ياسمين الشام
23/10/2010, 09h03
استاذ سامى/ اسمح لى بالمداخله
الكلام ده لا يمكن يكون لسيدنا البابا .. ممكن يكون سيدنا ده اسقف ايبارشيه من الاساقفه القدام
وعموما اى مهنه فيها اللى بيدوروها بشكل كويس وفيها اللى غير كده .. وفى اجواء فى اى مهنه كويسه وغير .. .. انا مثلا رفضت شغل الفرق فى الافراح .. لان جو الفرق عندنا مش كويس .. وانا مقبلتوش
..لكن فيه اماكن زى المدارس الخاصه وقصور الثقافه والشباب موجوده .. العائد قليل لكن مريح نفسيا ..
.. وربنا ادانا عقل مش لازم نلغيه .. والا لو فكرنا كده كل الاعمال فيها حرام .. فكرك يا اخ سامى هيرجعنا 100سنه وراااااااااااااااااااااااا(اسف)

لا علاقة بين الموسيقى وانتشار الفجور وارتباط الاغاني حاليا بالتعري هو سمة لكل انواع السلع التي بدات تسوق عن هذا الطريق
الموسيقا ترتقي بالروح مثلها مثل الصلاة
لا تستطيع تصور فنان حقيقي في داخله شر كل أناء بما فيه ينضح
يقال أن هتلر كان في بداية حياته رسام لكنه رفض في كلية الفنون
وتحولت الطاقة في داخله إلى شر
واذا حرم المبدع من أبداعه وعن التعبير عن ذاته قد يتحول إلى شيء مدمر كرد فعل
أنا لا أتذكر كلامات أي اغنية مصورة بالطريقة الحديثة
حتى أغاني وردة وميادة بعد أن دخلتا هذه التجربة الأبداع الحقيقي متكامل كلمات ولحن وغناء وزمنه أنقرض أو كاد
ياسمين
اخوتى الأحباء
انا كلامك الجميل بيخلينى اكتر فى كلامى يعنى انا رديت الاول لكن ردودكم بتفتح المجال لأنى ارد اكتر , يعنى انا زمان عاشرت كل نجوم الفن الجميل كانوا فنانين يعنى افن عندهم كان كل شىء واغلى من كل شىء , وام كلثوم يوم ما ماتت كانت ثروتها اقل كتير من اللى بتكسبه اى واحدة من اللى بيتعروا ويغنوا اليوم , وكانت بتصرف على فنها اكتر فلوسها يعنى تدفع لأغلى مؤلف وملحن وعبد الحليم نفس الحكاية , واليوم العملية زى ما قالت الاخت اعزيزة ياسمين هى تجارة لحوم مش فن على الإطلاق , يعنى واحدة زى اليسا او هيفاء لو جاها عريس ثرى عنده عشرة مليار دولار مثلا وطلب منها تتخلى نهائيا عن الفن وتنسى الغناء حاتتخلى فوراً وبالطبع لأن الفلوس عندها اكتر من الفن او بتحترف الفن اصلا مقابل الفلوس , لكن لو فايزة او نجاة الصغيرة او زملائهم وهم شباب جالهم عريس عنده مائة مليار دولا وطلب منها تعزل الفن نهائيا مقابل المال كان عمرها طبعا ما تعتزل وانا بالذات باتكلم لأنى عايشتهم وشفتهم بعينى عشرين سنة وعرفت داخل تفكيرهم ايه وفيه فرق بين الفن والإبتذال هو ان ااااااالعمل الفنى الجيد بيعيش غلى الأبد لكن الاغنية المبتذلة بيبقى لها عمر افتراضى او تاريخ صلاحية بينتهى بمجرد تطلع اغنية مبتذلة بعدها صح ؟
مع اطيب تحياتى وانا سعيد جدا جدا بيكم كلكم لأنى بلاقى ناس من فصيلة محترمة متفهمة تقدر الفن وتقدر العقل
عادل صموئيل

وسام اكرم
23/10/2010, 10h10
الأستاذ الدكتور الجراح /وسام أكرم ...حاولت الأتصال به وبعت له ع الفيس بوك وأيضا رسالة خاصة ولا مجيب...يارب تكون بخير...مش عايزين نوت يادكتور ...عايزين بس نطمئن عليك فى العراق الجريح.[/QUOTE]
------------------------------------------------------------
عزيزي أستاذ عاصم
اشكرك جدا على السؤال و الرسالتين على الموبايل, انا بخير و الحمد لله, و لكن مشاغل الحياة كثيرة جدا اليومين دول, منذ شهر و انا لم ادخل النتدى
الاخ العزيز هيثم
الف مبروك للزواج و أسأل الله عز و حل لك كل خير و الف مبروك انشاء الله
اخوكم المخلص
وسام

armendo
23/10/2010, 10h24
اخى الأستاذ عزت شحاتة ..اختى الأستاذة ياسميين الشام..احترامى لكما ولأرائكما شديد ولا املك الا ان
اقول حسبى اللة ونعم الوكيل لكل من يريد وأد كل شئ
جميل داخل النفس البشرية الذى فطرها اللة على الحب
والجمال وما الموسيقى الا ترجمة جميلة لتلك المشاعر
وتقبلوا منى كل التقدير والأحترام.
اخوكم..............ارمندو

عزت شحاته
23/10/2010, 11h36
اخى الاستاز / ارمندو .. تحياتى القلبيه
تكملة لكلامك المعبر .. تحضرنى مقوله لاحد عباقرة
الموسيقى فى العالم.. يقول
اذا ارتقى الحيـوان ...... صار انسان
اذا ارتقى الانسان ...... صار فنـــان

waleed.d
23/10/2010, 14h26
اخي العزيز عادل،
سلام المحبة والعطاء....
يا ريت تدون لنا نوتة اغنية "سالني الليل" واغنية " يا قلبي يا مجروح" للموسيقار فريد الاطرش
شكرا
وليد

عادل صموئيل
23/10/2010, 21h19
اخى العزيز وائل علوى
اقدم لكم نوتة
حب ايه
بعد التعديل
ارجو ان تحوز رضا الجميع

فؤاد العلمي
23/10/2010, 23h49
شكراً أخي وأستاذي عادل على هذه التحفة الغنائية للموهوب بليغ حمدي.
حضرتك دائماً تتطرق إلى المواضيع بطريقة موضوعية وعلمية، وهذه طبعاً واحدة من مميزاتك العديدة، وأنا اليوم أريد أن أخاطب رأيك الخاص في سؤالٍ ذاتي محض. وأرجو أن تجيبني بصراحتك المعهودة وبدون دبلوماسية. طبعاً كل الملحنين الكبار نحترمهم ونقدرهم، ولكن في رأيك من هو أعظمهم وأقربهم إلى قلبك.
مع أطيب التحيات إليك وإلى جميع المشاركين في المنتدى.

اخى العزيز
اولا بعد ان اشكرك على كلامك الجميل , سؤالك جميل وبدون دبلوماسية انا عزفت مع كل نجومالفن الجميل كل الملحنين وكل المطربين , وكانوا كلهم عباقرة يعنى عباقرة بكل ماتحمله الكلمة من معانى ةاقل دليل عملى على عبقريتهم هو خلودهم يعنى كل واحد منهم يمثل علامة بارزة مثل عجائب الدنيا السبع حتى مرور آلاف السنين على بناءها مازالت هى عجائب الدنيا السبع وخلال الأربعة آلاف سنة الماضية بكل التقدم التكنولوجى والعلمى لم يقدم العالم اعجوبة زيادة لنقول عجائب الدنيا الثمانية , وكان عملى معهم خلال الفرقة الماسية وفرقة ام كلثوم وفرقة الموسيقى العربية , كنت اتعرض كل يوم لعبقرياتهم بمنتهى الدقة المتناهية لذلك انا احبهم كلهم فكل واحد منهم يمثل لونا متميزا مستقلا وذلك سبب لمعانهم فلو كان لأى احد منهم شبيه لتلاشى الشبيه او على اصدق تقدير لضاعت قيمة الشخص وشبيهه لن معنى وجود شبيه انه ممكن يوجد ىخرين يشبهونه وهنا لا يصبح اعجوبة ولكنه يصبح شخص عادى وهناتسقط النجومية , ومن اهم عوامل حبى لهم كلهم هو انك فى تعاملك معى اكتب نوتة لبليغ بمنتهى الإخلاص وهو الإخلاص الذى به لعبد الوهاب او السنباطى , انا مثل حكم الكرة ان لم اكن محايداً مائة فى المائة لن اصلح حكماً على الإطلاق وحيادى هنا هو حبى لهم كلهم , يعنى انا مرة واحد سالنى ما قيمتى بين العمالقة قلت له لو عبد الوهاب مائة درجة انا عشر درجات ولكن قيمتى تأتى من سر سأقوله لكم , عندما تسمع عبد الوهاب تحس ان الحانه لها نكهة محددة متميزة بحيث انك بمجرد ان تسمع لحن تقول انه لحن لعبد الوهاب , ولكى يصبح عبد الوهاب صاحب مدرسة او صاحب نكهة لابد ان يكون منغلقا على عبقريته , يعنى انا التصقت بعبد الوهاب عشرون عاماً كان لا يسمع الحان الآخرين إلا بسرعة يعنى مثلا قبل ان يلحن اغنية ليلة حب لأم كلثوم كان يسمع بسرعة آخر اغنيتين لغيره غنتهما ام كلثوم يعنى ليعرف ما المستوى الذى وصلت اليه ام كلثوم ليعطيها احلى منه , وعملية عدم السمع هذه عملية مهمة جدا جدا , لأن اذن الموسيقار عبارة عن جهاز تسجيل يعنى عبد الوهاب لو فتح الردايو وجلس بجواره اربعة ساعات اكيد حا يسمع مش اقل من عشر أغانى لآخرين وممكن جملة او فكرة او تفعيلة من السنباطى تتسرب الى عقله وهو لايدرى وعندما يلحن تخرج مع لحنه وهنا تصبح مصيبة فنية , لذلك انغلاقه على نفسه كان ليصقل فنه هو ويخترع افكاره هو يعنى كان يستجمع مثلا معلوماته الإيقاعية ويفكر فى ايفاع جديد غير مالوف من قبل ليضعه فى لحن جديد وهكذا , انا كنت اقابلهم كلهم مرة على الاقل كل اسبوع بإستثناء لو بروفات اغنية جديدة كنت اعيش معهم , ما قلت ينطبق على كلهم لا عبد الوهاب وحده فلو قلت انا اعتبر نفسى عشرة % من عبد الوهاب وعشرة % من السنباطى يكون المجموع عشرين فى المائة وهكذا وانا لو انت عشت معى فى بيتى لمدة عام تجدنى مهتم بأغنية واحدة لعبد الوهاب لمدة اسبوع والاسبوع التالى للسنباطى وهكذا
وصلت الرسالة ؟

أخي العزيز عادل
أنا كنت متوقعاً إجابتك الذكية، فحضرتك أردت أن تخفي رأيك و تبقى محايداً حتى لا تقلق عشاق هذا الملحن أو ذاك، ومع ذلك فحضرتك ذكرت في رسالتك 4 مرات إسم السنباطي 10 مرات إسم عبد الوهاب http://www.yamli.com/tiny_mce_3.2.7/plugins/emotions/img/smiley-wink.gif

عود الاندلس
24/10/2010, 06h10
تحية خالصة لأستاذنا الكريم.
شكرا لكم على تدوين حب إيه إنها تحفة خالدة.
الحمد لله, لقد ملئ بفضلكم الآن الفراغ الكبير الذي كانت تعاني منه مكتبة طلبات النوتة الموسيقية بسبب نقص هذه القصيدة الرائعة. هي الوحيدة من العيار الثقيل التي لم تكن موجودة بالمنتدى.
الله يديم عليكم الصحة والعافية ويبارك لكم في عمركم.
أكن لكم الإحترام والتقدير من كل قلبي يا أستاذنا الجليل.

عود الأندلس
الأخ الفاضل مرحبا بك
وانا اكون فى منتهى السعادة ان اعمل شىء يستفيد منه اكبر عدد من الناس واكون فى منتهى منتهى السعادة عندما يعجب عملى انسان من دولة غير مصر , لأننا المصريين لنا لغة للتفاهم الموسيقى نفهم بعض لكن لما انسان عزيز من المغرب يعجبه عملى انا احس انى بقيت عالمى اشكرك الف الف شكر
مع اطيب تحياتى عادل صموئيل


أستاذنا العزيز عادل صموئيل
أسعد الله صباحكم و متمنياتي لكم باليمن والبركة.
شكرا جزيلا أستاذي على كلمتكم الرقيقة في حقي وفي حق المغرب, وأقول لكم بأن المغرب يحب الشعب المصري و يحب مصر أم الدنيا والحضارات. وكل ما يطربنا و يرقى بأنفسنا نحن المغاربة هو الطرب الشرقي المصري العربي الأصيل.
حفظكم الله ويبارك لكم في أعمالكم هاته التي بفضلها تحافظون على الموروث الموسيقي المصري الذي تركه عمالقة الطرب العربي رحمهم الله جميعا.

عود الأندلس

عزت شحاته
24/10/2010, 08h01
استازى الجميل / عادل صموئيل
صباح الفل .. كلام حضرتك شجعنى ..وكنت متردد ..
في نوتة ( تمر حنه ) .. اعتقد الموازير اللى ف بداية الغناء فى النوتة ناقصه ..
برجاء تلقى نظره وتصحح لى اعتقادى

نور الصباح
24/10/2010, 19h07
الأخ العزيـــــــز الغالى والصديـــــــــــــق الجميــــل الأستاذ /
سلام الله عليكم ورحمته وبركاته
وبعــــــــــــــــــــــــــــــــــــد :
بالنســـــــبة للنوتة الموسيقية لأغنية ( تــــمر حـــــــــنة )
أحب أن أعرف جنابكـــم ولا يخفى عليك وعلى الجميع أن
ميزان النوتة مضــــــــبوط جــــــدا جــــــــدا وهو ميـزان ( 4/4 )
ولا مــــــيزان الدهب وإذا كان مش عاجبك ياســــــيدى
اوزن بــــــــــرة وبعدين دا شـــــغل الأســــــــــتاذ الكبـــــــــــــير
( عــــــــــــــــــــــــــــادل بـــــــــــاشـــــــــــــا صموئــــــــــــيل )
وهـذا رجل ميزانـــــه مــــــا يخــــــــــــــرش المــــــــــــــــية
وإنت اتأكـــــــد الأول
وشكررررررررررررررررررررررررررررررررررررررررررررررر ا
أخوكـــــــم / نور الصباح

memahima
24/10/2010, 20h12
انا عاوزه نوته اوبريت امى ثم امى ضرورى عشان حفله المدرسه انا تربيه عملى ومطلوب منى حفله فى عيد الام وانا رفعتها ياريت حد يساعدنى :o
http://www.mediafire.com/?jkjav7k3t4k3e5n (http://www.mediafire.com/?jkjav7k3t4k3e5n)

عزت شحاته
24/10/2010, 20h47
استازى الجميل / عادل صموئيل
صباح الفل .. كلام حضرتك شجعنى ..وكنت متردد ..
في نوتة ( تمر حنه ) .. اعتقد الموازير اللى ف بداية الغناء فى النوتة ناقصه ..
برجاء تلقى نظره وتصحح لى اعتقادى

للتوضيح .. المازورتين التالته والرابعه من بداية الغناء .. حدث بهما خلط ما بينهم وبين المازورتين بنهاية المذهب.. لآن اللحن مختلف
ومساء الورد يا عم نوريا صباح .. واحشنا جدا جدا
ويا عم ما توقعنا فى الغلط .. احنا ما نقدرش
وبعدين نوزن بره ازاى وكله من علامه

اخى العزيز
اشكرك للتوضيح بس انا ممكن اوضح ان فايزة احمد غنتها كذا مرة وكل مرة بأحساس شكل وانا فهمت قصدك لأنى دورت على تسجيل تانى لقيتها بتقولها مختلف سنة عما انا كتبتها وانا كتبت لك الجملة دى وايه رأيك ؟
بس هى ممكن تتقال بالطريقتين يعنى مافيهاش خطأ جذرى هى العملية عُربة مش اكتر
بس اللى انا كتبتها الاول اسهل وانت لو عازف شاطروحبيت تعزفها ممكن تعمل تلوين يعنى تعزفها مرة زر ما كتبتها اول مرة ومرة زى ما كتبتها تانى مرة خصوصا ان المرجع بيتعاد 4 مرات عشان عيله جملتين كلام
اما ياعم نور الصباح صباح الخير بالنسبة للميزان وعشان ما حدش يوزن برة حاعمل لكم بعد كده عبوات مدعمة عبوة نص كيلو وعبوة كيلو وممكن عبوة عائلية عشرة كيلو عليها خمسميت جرام هدية
مع اطيب تحياتى عادل صموئيل

نور الصباح
24/10/2010, 21h58
حبيــــــــــــبى الغالى والأخ العزيــــــــــز الأســـــــــــــــتاذ /
عـــــــــــــــزت شـــــــــــــــــــــــــــــــــــــــــــــــــ ــــــحاتة
سلام الله عليكم ورحمته وبركاته
وبعــــــــــــــــــــــــــــــــــــد :
أنـــــا راجعت النوتـــــــة مــــــازورة مــــــــــــازورة وصدقنى
موزونــــــــــة بميـــــــــزان دقيــــــــــق جـــــدا جـــــــدا ومختوم
من مصلحـــــة الدمغــــــة والموازيــن ( يعـــــنى مـيزان معتــــمد
من الجهات الرسمـــــية وزى ما قلت لك ( اوزن بـــــــــــــــرة )
واوعى تزعــــــــل منى ( القافـــية حكمت ) وأنــــــا تحت النظر
بس كان فيه شويـة مشــكل والحمد للــــه
وشكرررررررررررررررررررررررررررررررررررررررررا
أخوكــــم / نور الصباح

Anitta
25/10/2010, 17h20
ارجو توفر هذة النوت قبل يوم 5/11
وهي نوت
عصفوري النونو
امي ثم امي
وهذه التسجيلات

نور الصباح
25/10/2010, 18h55
حبيبى وعينيه أخى الحبيب الأســــــــــتاذ الفنان وقبلة العلوم والفنون الموسيقية /
عـــــــــــــــــــــــــادل بــــــــــــــــــــاشـــــــــــــــــا صـــــــــــــــــــــــموئيل
سلام الله عليكم ورحمته وبركاته
وبعـــــــــــــــــــــــــــــــــــــد :
يـــــاحبيبى قــــــــــول لى آخرة جرحى إيــــــــــه
قــــــــــــلبى مجروح من زمــان واحترت فـــــــيه
والطبيب شــــافنى بــــــــــكى بدمــوع عينـــــــــه
قــــال لى جـــرحك ده ما نيش قادر علــــــــــــــيه
يـا حبيبى و أعمل إيه *يا حبيبى و أعمـــل إيـــــه
************************
لا تنس النوتات الموسيقية التى طلبتها عشان خاطرى
* زى نور الشمس حبى وتنكره
* يا حبيبى قول لى آخرة جرحى إيه
* آه يا عينى على إللى بيدارى الغرام
* نهاية مسلسل ( أرابيسك )
* وللعــــــــــــلم هذه الطلبات لـــــــها أكثر من ســــــنة وزيـــادة
* ومــــا زال الانتــــــظار مســــــــــــــــتمرا
وشكررررررررررررررررررررررررررررررررررررررررررررررر رررا
نور الصباح


اخى العزيز نور الصباح
انا مش ناسيك بس اغنية آخرة جرجى ايه انت ملاحظ ان الدكتور مش عارف يشخص المرض محتاجين اشعة مقطعية وشوية تحاليل وكل مرة بتكتب بكل الالوان اللى انا بكتب بيها اضطريت اخلى اللون فوشيه
وشكررررررررررررررررررررررررررررررررررررررررررررررر را
مع اطيب تحياتى عادل صموئيل

عادل صموئيل
26/10/2010, 02h01
احبائى
بعد الحاح شديد من عدد من الاحباء
اقدم لكم نوتة
امى ثم أمى
ومع ان الاغنية دى من الاغانى الحديثة من النوع اللى مش بحب اكتبه ولكن احتياج احبائى لها قررت اكتبها
ولولا ان لحنها كل الكوبلليهات زى بعض ما كنتش حاكتبها لأنها تعبتنى جدا عشان افهمها ( وانا مش فاهم انتم بتفهموا الاغنى دى ازاى ) يعنى اول ملحوظة ان طول ما انت بتسمع الوحدة بتتكسر وعادى لأن المطربين بتوع اليومين دول مش بيفرقوا انهم يبقوا برة الوحدة ولا جوة وبيغنى ولا هو هنا
ولى عليها ملاحظات مهمة
اول حاجة فيه بريك عامل زى بلاعة مفتوحة فى وسط الشارع بين المقدمة ( اللى حاولت ابسطها عشان تعرفوا تعزفوها ) وبين غناء اول كوبليه يستحسن انكم تتجاهلوه زى ما انا تجاهلته لأنه بيقلب ويكسر الرتم
تانى حاجة ودى مهمة جدا : حاولوا تتبعوا اللحن الاساسى فى الغناء زى ما انا مبسطه فى الكتابة لأن المطربين فى التسجيل بيتفزلكوا بشكل بيخرجهم برة الوحدة ودى صعبة جدا على التلاميذ اللى حيغنوها يعنى حاولوا تخلوهم يغنوا اللحن الاساسى زى ما انا كاتبه لأن المطرب لو خرج بره وطين الدنيا ممكن يتصرف لكن التلميذ ممكن يلخبط اوى طبعا
مع اطيب تحياتى

انتظروا بكره مفاجئة نوتة من العيار التقيل التقيل جداً

وائل علوي
26/10/2010, 10h38
اخى العزيز وائل علوى
اقدم لكم نوتة
حب ايه
بعد التعديل
ارجو ان تحوز رضا الجميع
الف شكر اخي العزيز عادل على هذا الجهد الرائع وسرعة الاستجابة
تقبل مني افضل تحية وتقدير
اخوك وائل

ياسمين الشام
26/10/2010, 13h47
:emrose:شكرا لك أستاذي على ذوقك الراقي:emrose:

:emrose:وانشاء الله القلوب عند بعضها:emrose:

الأخت العزيزة
الأغنية دى انا عزفت فيها مع وردة فى التسجيل وكانت عشان فيلم يعنى ماغنتهاش تقريبا كتير فى الحفلات مع انها اغنية رائعة وانا بسمعها صدفة فى الراديو او التليفزيون واشكرك انك اخترتيها وفكرتينى ادونها , انا عندى اغنية بدونها خلصت نصفها حاخلصها ان شاء الله وابتدى ادون فى اغنية حنين
والف شكر واهنيكى على ذوقك الرائع فى اختيار الأغانى والقلوب عند بعضها انا لسه اكلت شاورمة شامى من مطعم شامى فى مصر الجديدة اسمه ابو مازن وانا آكل عنده كتير لأنى احب المأكولات الشامية
مع اطيب تحياتى عادل صموئيل

Anitta
26/10/2010, 14h26
اشكرك جدا ياستاذ عادل واسفة على الاغنية انها ازعجت حضرتك هو حضرتك كلامك مظبوط بس الموسيقى بتاعتها كلحن حلوة انا مش مهم عندى الكلام لانى باخد اجزاء بس منها مش كلها وكمان لان كل الاغاني القديمة بتاعت الزمن الجديد انا عملتها قبل كدة فاخترت الاغنية دى لانها مش هيصة زى الاغاني الجديدة واشكر حضرتك على الاستجابة واسفة على تعب حضرتك
عزيزتى انيتا
والى كل من يريد استعمال هذه الاغنية
انا عمرى ما كنت ضد الاغانى الجديدة ومتعصب للقديمة بالعكس انتم عارفين ان الاغانى القديمة دى ايه ؟ حقول لكم اهم درس تسمعوه منى ام كلثوم وعبد الوهاب كانوا تطور للى قبلهم ولو كان فيه متعصبين لكانوا خنقوا ام كلثوم وعبد الوهاب وكان الفن توقف عند سنة 1930 انا مش ضد الجديد ولكن ضد الطريقة يعنى ضد ان اى واحد ماشى ف الشارع نفسه ياكل كشرى طبعا فيه ديمقراطية يعنى يدخل محل الكشرى وياكل زى ما هو عايز لكن ضد ان اى واحد ماشى فى الشارع ويطلع فى مخه يغنى يروح عامل شريط وطالما عمل شريط بيتحسب ( لتخلف بعض المستمعين ) مطرب وبالتالى طالما ان فيه مطربين كد بيطلع الحان مخالفة لكل اللى انا اعرفه فى الموسيقى وهنا اللحن جميل جدا يعنى الملحن موهوب انا طبعا معرفش هو مين لكن التنفيذ مش عاجبنى ان حاولت امسك اللحن واخليه ( عارفة الفراخ المخلية ) طلعت منه اللحن الاصلى اللى دندنه الملحن اول مرة
يعنى حاولوا اللى يغنوه يغنوا الاصلى مش اللى فى الشريط عشان ما يخرجوش برة الإيقاع
مع اطيب تحياتى

memahima
26/10/2010, 17h45
احبائى
بعد الحاح شديد من عدد من الاحباء
اقدم لكم نوتة
امى ثم أمى
ومع ان الاغنية دى من الاغانى الحديثة من النوع اللى مش بحب اكتبه ولكن احتياج احبائى لها قررت اكتبها
ولولا ان لحنها كل الكوبلليهات زى بعض ما كنتش حاكتبها لأنها تعبتنى جدا عشان افهمها ( وانا مش فاهم انتم بتفهموا الاغنى دى ازاى ) يعنى اول ملحوظة ان طول ما انت بتسمع الوحدة بتتكسر وعادى لأن المطربين بتوع اليومين دول مش بيفرقوا انهم يبقوا برة الوحدة ولا جوة وبيغنى ولا هو هنا
ولى عليها ملاحظات مهمة
اول حاجة فيه بريك عامل زى بلاعة مفتوحة فى وسط الشارع بين المقدمة ( اللى حاولت ابسطها عشان تعرفوا تعزفوها ) وبين غناء اول كوبليه يستحسن انكم تتجاهلوه زى ما انا تجاهلته لأنه بيقلب ويكسر الرتم
تانى حاجة ودى مهمة جدا : حاولوا تتبعوا اللحن الاساسى فى الغناء زى ما انا مبسطه فى الكتابة لأن المطربين فى التسجيل بيتفزلكوا بشكل بيخرجهم برة الوحدة ودى صعبة جدا على التلاميذ اللى حيغنوها يعنى حاولوا تخلوهم يغنوا اللحن الاساسى زى ما انا كاتبه لأن المطرب لو خرج بره وطين الدنيا ممكن يتصرف لكن التلميذ ممكن يلخبط اوى طبعا
مع اطيب تحياتى

انتظروا بكره مفاجئة نوتة من العيار التقيل التقيل جداً
انا متشكره اوى يا دكتور عادل بجد وفعلا اغانى زمان احلى كتير بس المشكله انهم 6 فقرات وانا مش عارفه اختار ايه ياريت حضرتك تقولى مواعيدك على الايميل عشان عاوزه اخد رأى حضرتك فى كذا حاجه كده وشكرا على النوته مره تانيه :emrose:

salhi_haithem
26/10/2010, 19h42
احبائى
بعد الحاح شديد من عدد من الاحباء
اقدم لكم نوتة
امى ثم أمى
ومع ان الاغنية دى من الاغانى الحديثة من النوع اللى مش بحب اكتبه ولكن احتياج احبائى لها قررت اكتبها
ولولا ان لحنها كل الكوبلليهات زى بعض ما كنتش حاكتبها لأنها تعبتنى جدا عشان افهمها ( وانا مش فاهم انتم بتفهموا الاغنى دى ازاى ) يعنى اول ملحوظة ان طول ما انت بتسمع الوحدة بتتكسر وعادى لأن المطربين بتوع اليومين دول مش بيفرقوا انهم يبقوا برة الوحدة ولا جوة وبيغنى ولا هو هنا
ولى عليها ملاحظات مهمة
اول حاجة فيه بريك عامل زى بلاعة مفتوحة فى وسط الشارع بين المقدمة ( اللى حاولت ابسطها عشان تعرفوا تعزفوها ) وبين غناء اول كوبليه يستحسن انكم تتجاهلوه زى ما انا تجاهلته لأنه بيقلب ويكسر الرتم
تانى حاجة ودى مهمة جدا : حاولوا تتبعوا اللحن الاساسى فى الغناء زى ما انا مبسطه فى الكتابة لأن المطربين فى التسجيل بيتفزلكوا بشكل بيخرجهم برة الوحدة ودى صعبة جدا على التلاميذ اللى حيغنوها يعنى حاولوا تخلوهم يغنوا اللحن الاساسى زى ما انا كاتبه لأن المطرب لو خرج بره وطين الدنيا ممكن يتصرف لكن التلميذ ممكن يلخبط اوى طبعا
مع اطيب تحياتى

انتظروا بكره مفاجئة نوتة من العيار التقيل التقيل جداً

السلام عليكم ورحمة الله وبركاته
استاذ عادل الجليل استاذ عادل الجميل تحية قلبية و كما قالت السيدة وردة شعوري ناحيتك شعور كبير كبير شعور بمحبتك مليان احاسين كثير... هي تطلع ايه الاغنية المفاجئة و هي من المعيار الثقيل الثقيل جدا, انا اتصورها اما اتكون فكروني لام كلثوم اما قلبي سعيد وردة و اما بودعك وردة, و انا حاسس انو حتكون وحدة من الثلاثة اللي ذكرتهم ويا رب اتكون اللي في بالي.
مع اطيب تحياتي اخوكم هيثم.
عزيزى هيثم
انا قلت العيار الثقيل التقيل جدا ما قلتش من العيار التقيل
عادل صموئيل

عادل صموئيل
26/10/2010, 23h09
احبائى
حان وقت المفاجاة
اقدم لكم اغنية من روائع الروائع ومن الوزن التقيل جدا جدا
النهر الخالد
والأغنية دلا انا بعزفها طول عمرى لكن ما جيت اكتبها اكتشفت انها اصعب اكتر كتير من ما كنت متخيل شكلها مكتوبة واهم مشكلة انى كيف اكتبها مع التبسيط لأن ممكن نفس هذا اللحن شخصيا يكتب بطريقة ما يعرفش يقراها غير المحترفين جدا
وبدات الفكرة برسالة من اخت فاضلة من سوريا الشقيقة اسمها ارجوانة بتقول لى انها بحثت عن نوتة النهر الخالد ما لقتها واذا كان من الممكن ان ادلها على اى نوتة للحن ده يعنى هى ما طلبتش صراحة انى ادونها , لكن اهتممت بالطلب وبسرعة ذهبت الى قسم البحث فى المنتدى لم اجد لهذا اللحن نوتة قديمة من تدوين اى شخص كان , وتعجبت ازاى منتدى سماعى ما يكون فيه نوتة النهر الخالد ومن هنا جاءت البداية ودونت لكم النهر الخالد
اتمنى ان تحوز رضاكم
مع اطيب تحياتى

فؤاد العلمي
27/10/2010, 16h33
احبائى
حان وقت المفاجاة
اقدم لكم اغنية من روائع الروائع ومن الوزن التقيل جدا جدا
النهر الخالد
والأغنية دلا انا بعزفها طول عمرى لكن ما جيت اكتبها اكتشفت انها اصعب اكتر كتير من ما كنت متخيل شكلها مكتوبة واهم مشكلة انى كيف اكتبها مع التبسيط لأن ممكن نفس هذا اللحن شخصيا يكتب بطريقة ما يعرفش يقراها غير المحترفين جدا
وبدات الفكرة برسالة من اخت فاضلة من سوريا الشقيقة اسمها ارجوانة بتقول لى انها بحثت عن نوتة النهر الخالد ما لقتها واذا كان من الممكن ان ادلها على اى نوتة للحن ده يعنى هى ما طلبتش صراحة انى ادونها , لكن اهتممت بالطلب وبسرعة ذهبت الى قسم البحث فى المنتدى لم اجد لهذا اللحن نوتة قديمة من تدوين اى شخص كان , وتعجبت ازاى منتدى سماعى ما يكون فيه نوتة النهر الخالد ومن هنا جاءت البداية ودونت لكم النهر الخالد
اتمنى ان تحوز رضاكم
مع اطيب تحياتى


أخي وعزيزي الأستاذ عادل.
أشكرك على هذا العيار الثقيل جداً، وأقول عقبى للكرنك.
عندي سؤال أريد أن أوجهه لحضرتك، فالنوتات الموسيقية تكتب حسب اللحن الأصلي للملحن، ولكن عند الغناء نصعد أو ننزل مستوى الأغنية. فمثلاً يمكن أن نعزف إسأل روحك على الدو أو على لا، أنت عمري على الصول أو على لا. أو على مستويات أخرى حسب مهارات العازفين وصوت المغني. وأنا أعزف أغنية موعود على لا وكذلك على الصول، فسؤالي كيف كنتم تعزفونها أنتم، الفرقة الماسية، مع عبد الحليم؟
مع تحياتي و احتراماتي.

الأخ العزيز
اهلا بك وبأسئلتك القيمة
اول شىء انت ذكرت كلمة الطبقة التى تريح صوت المطرب وتظهر مهارات العازفين
يعنى اى ملحن لابد ان يختار طبقة مريحة للمطرب ثم طبقة مريحة للكمنجات وبالذات الكمنجات لأنها هى اللحن وهى الفرقة , يعنى لو تحتاج ابداع فى العزف لا تورط الكمنجات فى طبقة تجعلهم بالكاد يعزفون اللحن لكن لايبدعون عندك مثلا مقام البياتى
لو من طبقة الرى مريح جدا للكمان وخذ ما تريدولكن البياتى على ال دو مزعج جدا لأن نغمة الدو نصف دييز ( او الرى نصف بيمول ) غير مريحة على الكمان وهنا ستحصل على عزف فقط لكن لن تحصل على ابداع , ومن اهم الصفات التى يتحلى بها الملحن ايضاً انه لابد ان يتحسس صوت المطرب يعنى مساحته الصوتية التى يبدع فيها يعنى لايخرج باللحن عن تلك المساحة يعنى لو مطرب آخر مساحته مى بيمول فى الجواب لابد عند صياغة اللحن ان الملحن لايجعل جملته الغنائية تتعدى الدو جواب بحيث يكون المطرب مستريحا ويبدع فى غنائه وتلك العملية لابد ان تتوفر قبل اختيار طبقة الغناء النهائية , يعنى احنا فى البروفات كانت بتحصل كتير ان الملحن ممكن يغير جملة لأن المطرب بيتعب فيها .
اما الشىء الاساسى لعازف الكمان فى الفرقة الماسية نضبط الكمان على الطبقة الكبيرة يعنى الصول هى صول الاكورديون اما فى فرقة ام كلثوم نضبط الطبقة الصغيرة وهذا امر مفروغ منه ( يعنى النواة فى الكمان هو فا على الاكورديون ) اما بالنسبة للأغانى التى ذكرتها فى فرقة ام كلثوم نعزف اسألأ روحك حجاز كاكورد على الدو ( انت طبعا تسمعها على ال سى بيمول ( عشان الطبقة صغيرة ) وانت عمرى على لا وايضا انت تسمعها صول عشان الطبقة صغيرة . اما موعود عزفناها من نهاوند الدو
وجدير بالذكر احياناً كنا فى الفرقة الماسية نضبط الكمان طبقة صغيرة مع فريد الاطرش لأنه كان بيستريح فى الطبقة الصغيرة ومرة فى اغنية كلمة عتاب لوردة وآخر مرة فى اغنية قارئة الفنجان لعبد الحليم لإحتواء اللحن على مى بيمول جواب كثيرا ففضل الموجى ان تكون الطبقة صغيرة حتى لا يجهد عبد الحليم ( تذكر كلمة يا ولدى ) يعنى بحيث ان عبد الحليم يأخذ راحته ويطيل ويطرب فيها كما يريد , فيه ملحوظة مهمة جدا انت شخصيا لو عزفت مع مطرب لابد ان تراعى مساحة صوت المطرب ولو عزفت عود مع كمان مثلا لابد ان تختار الطبقة التى تريح عازف الكمان طالما انك مجتهد وتستطيع العزف من عدة طبقات يعنى اقول لك مثال مقام الكرد جميل وسهل جدا على الكمان لكن لما يبقى على دو الرى نصف بيمول مش مريحة مع ان ( انا لاحظت كل عازفى العود هنا فى المنتدى بيحبوه ) يعنى كتير يطلبوا منى اكتب لهم الاغانى حجاز كاركرد الخلاصة لما تعزف مع نفسك اختار الطبقة التى تريدها لكن مع شخص آخر يستحسن ان تكون طبقة مريحة للطرفين
مع اطيب تحياتى عادل صموئيل

وليد100
27/10/2010, 19h42
السلام عليكم ورحمه الله وبركاته
مبروك للاستاذ هيثم وربنا يتمم بخير
وسلامي لجميع اعضاء المنتدي .
ملاحظه هامه
لو سمحت ياستاذ عادل صموئيل هل تتفق معي ان عزف النوت البطيئه جدا والسريعه جدا واقصد التي يكون فيها مقدار النوار صغيرا اوكبيرا ا تكون صعبه وتحتاج تدريب كثير وان النوت الموسيقيه التي تكون متوسطه السرعه تكون اسهل في العزف (وذلك في حاله ثبات الاشياء الاخري ). ولو كان الامر كذلك ماهي الصعوبات التي تواجه العازف في هاتان الحالتان وكيف يتغلب عليها حتي يحسن اداء هذه النوت السريعه او البطيئه .
اتمني من جميع الاعضاء ايضا المشاركه بالراي وشكرا جزيلا

أخى العزيز
اساس الموضوع هو اعداد العازف الماهر الجيد الإعداد الصحيح
يعنى يبدأ فى التدريب بنوت سهلة جدا ثم اصعب ثم اصعب وهكذا
وهنا يأتى تمارين اسرع قليلا ثم اسرع جدا وهكذا
والتمرين الحقيقة هو الذى يحتوى على نوت سريعة ونوت بطيئة
يعنى عندما تأتى علامات دوبل كروش ثم تأتى بعدها علامة روند او علامة بلانش هنا الاختبار الحقيقى لقدرة العازف على ظبط الزمن بين العلامات السريعة وبعدها البطيئة كل هذا هو تحضير للعزف الفعلى يعنى انت مش حاتعزف تمارين تكنيكية طول عمرك ولكنها اعداد لعزف الاغانى والمقطوعات الموسيقية وهى تحتوى على جميع مادرسته من قبل فى دراستك لتفاصيل النوتة يعنى النغمات كلها المرفوعة والمخفوضة والنغمات الشرقية والعلامات الايقاعية كلها السريع منها والبطىء وتتباع السريع بعد البطىء او العكس
انا امثلها عندما تقود سيارة فى طريق ناعم مقتوح يعقبه جزء به متطبات غير متوازية يعنى تضطر للإنحراف يمينا ويساراً وهنا تظهر مقدرة السائق , يعنى مثلا انت لو جبت احسن سواق امريكانى مش حايعرف يمشى فى بعض شوارع القاهرة الاعة 2 ظهرا فى ميدان وتوابع العتبة مثلا ً لأنه معتاد على النظام يعنى اشارات وناس بتحترم الاشارات لكن ميدان العتبة تحس انك جوا صباع محشى ما تفرق بين السيارات والمشاه والدراجات والموتوسيكلات , هى اساس العملية التدريب الصحيح
كمان فيه شىء مهم النوت البطيئة جدا بتحتاج قوة اعصاب فى آلة الكمان مثلا ودى بتيجى من حسن بداية التدريب على نغمات طويلة جدا , بس انا افتخر انى انشأت مدرسة فى الكتابة يعنى لو تنظر لمعظم النوت اللى انا بدونها بكتبها بطريقة مبسطة ( واكتشفت انها المضلة حتى عند اكبر المحترفين ) يعنى اولا انك تشوف النوتة شكلها سهل يعنى بتشجع المبتدىء يحاول فيها انا حاليا بدون اغنية حب ايه لأم كلثوم وقبل ما ادونها شفت نوتة قديمة هنا فى المنتدى بالنسبة للمحترفين شكلها صعب وبالنسبة للهواة او المبتدئين شكلها مفزع او مخيف ( طبعا شعورى ده اتى من انى كنت بالليل بعزف مع اعظماء وفى الصبح مدرس موسيقى مع المبتدئين يعنى فاهم دماغ دول ودول )
ولما ابتديت ادونها ان شاء الله حا خلصها على بكره وتشوف الفرق بين التدوينين يعنى النوتة الصعبة المبتدىء بيخاف منها بيحس انه مش حايسلك فيها لكن السهلة المبتدىء اول انطباع بيحس انه حايقدر يمشى فيها
واتت النتائج المبهرة وزملائك هنا فى المنتدى هم اللى بيقولوا يعنى كلهم تقريبا بيردوا عليا ويقولوا انهم عزفوا من تدوينى السهل اغانى كان من المستحيل يعزفوها بالطرق التانية , وطبعا الموضوع مفتوح لكل رأى مع اطيب تحياتى عادل صموئيل
اشكرك يااستاذ - عادل صموئيل علي هذه المعلومات المفيده جدا وجزاك الله كل خير

عود الاندلس
27/10/2010, 21h50
الأستاذ الكبير عادل صموئيل
لكم مني أطيب التحيات وخالص الشكر بتفضلكم لتدو ينكم المميز لهذه التحفة الفنية الخالدة.
إنكم لخبير كبير في تدوين القصائد ذات العيار الثقيل. وبعبقرية فائقة تبسطون هذه القصائد الصعبة جدا بحيث تكون سهلة العزف على المبتدئين والناشئين من الموسيقيين.

مع كامل الإحترام والتقدير لكم أستاذنا الفاضل.

عود الاندلس

armendo
28/10/2010, 09h13
اصدقائى واعزائى المهتمين باغانى الأطفال اليكم اغنيتين
من كلمات وتلحين الفنان الموهوب نزية محمد
مع تحياتى اخوكم ..........ارمندو

وائل علوي
28/10/2010, 19h01
احبائى
حان وقت المفاجاة
اقدم لكم اغنية من روائع الروائع ومن الوزن التقيل جدا جدا
النهر الخالد
والأغنية دلا انا بعزفها طول عمرى لكن ما جيت اكتبها اكتشفت انها اصعب اكتر كتير من ما كنت متخيل شكلها مكتوبة واهم مشكلة انى كيف اكتبها مع التبسيط لأن ممكن نفس هذا اللحن شخصيا يكتب بطريقة ما يعرفش يقراها غير المحترفين جدا
وبدات الفكرة برسالة من اخت فاضلة من سوريا الشقيقة اسمها ارجوانة بتقول لى انها بحثت عن نوتة النهر الخالد ما لقتها واذا كان من الممكن ان ادلها على اى نوتة للحن ده يعنى هى ما طلبتش صراحة انى ادونها , لكن اهتممت بالطلب وبسرعة ذهبت الى قسم البحث فى المنتدى لم اجد لهذا اللحن نوتة قديمة من تدوين اى شخص كان , وتعجبت ازاى منتدى سماعى ما يكون فيه نوتة النهر الخالد ومن هنا جاءت البداية ودونت لكم النهر الخالد
اتمنى ان تحوز رضاكم
مع اطيب تحياتى
اخي الغالي عادل تحية طيبة والف شكر على هذه النوتة الرائعة
وانا بتمنى تكون فاتحة خير لكي تنفتح شهيتك وتدون لنا التحفتين الكرنك و كيلو بترا علما انني طلبتهما منك منذ اكثر من 7 شهور لكنني عارف ومقدر انهما مرهقان جدا ويحتاجان الى مزاج رايق والطابور عندك طويل جدا لكنني لم ولن افقد الامل في ان تنجزهم لمحبيك وتفاجئنا بهم كما هي المفاجأة اليوم
تقبل مني ارقى تحية وود واحترام
اخوك وائل

عاصم المنشاوى
29/10/2010, 08h48
الأصقاء....صباح الخير عليكم

قصيدة "النهر الخالد"...لحن وغناء الموسيقار /محمد عبد الوهاب...فى عام 1954 جنبا الى جنب قصيدة اخرى وهى "الروابى الخضر"للممثل أحمد خميس...وقصيدة النهر الخالد من تأليف :محمود حسن أسماعيل الذى ولد فى فى بلدة النخيلة بأسيوط ...نفس قرية الخارج عن القانون "عزت حنفى "والتى حول الفنان /أحمد السقا قصته لفيلم تحت اسم "الجزيرة" سبحان الله على مصر !!!!ماذا كانت تنجب زمان ...وماذا تنجب الآن ...المهم ولد الأستاذ الشاعر محمود حسن اسماعيل عام 1910 وتوفى فى 1977 فى الكويت ...وله ابنة هى المذيعة "سلوان محمود"...صاحبة قطرات الندى....وقد غنى له عبد الوهاب قصائد أخرى منها "دعاء الشرق" و"مصر نادتنا فلبينا نداها"...وأم كلثوم"بغداد ياقلعة الأسود" والتى ظلت لفترة النشيد القومى للعراق...من تلحين السنباطى...برضو كان زمان....وغيرها...
-اما النهر او النيل فهو ال "اترو عا" اى البحر الأعظم عند قدماء المصريين ...وهناك فى محافظة الجيزة شارع الكورنيش اسمه حتى الآن "البحر الأعظم" ومع مرور الزمن تحولت "التروعا"الى "الترعة" ولايزال الناس يطلقون على النيل اسم "البحر" نظرا لأتساعه وعرضه....والمتعلمون فقط يطلقون عليه "النيل "وهى كلمة لآتينية"نيلوس"...اما النيل بالنسبة للمصريين القدماء فقد كان شيئا مقدسا ...ولكى تدخل الجنة بعد الممات...لابد ان تحلف امام أوزيريس "انك لم تلوث النهر".....وهو مصدر حياتهم نظرا لأن 95% من مصر صحرا ء لاتعرف المطر....ولذا تجد حب المصريين للنيل يظهر جليا بعد ان استردت مصر عافيتها وشخصيتها بعد الأستقلال سنة 1922 وظهور المد القومى المصرى والأعتزاز بمصر ...ولد جيل عبد الحليم وبليغ والموجى وقنديل والطويل ونجيب محفوظ ونشأ فى هذا الجو أم كلثوم وعبد الوهاب ورامى وشوقى وطه حسين وحافظ ابراهيم ونجيب محفوظ وكل عمالقة ورموز مصر..لذا تجد النيل موجود وبقوة...مثلا " ياتبر سايل بين شطين ياحلو ياأسمر" "انا النيل مقبرة الغزاة" قصيدة النيل""عطشان ياأسمرانى محبة""شمس الأصيل""الصبح بدرى والنيل بيجرى والزرع باسم جميل"
- لكن بعد موت النيل بعد بناء "السد العالى" وهو كارثة بيئية وصحية.على مصر..مخالفة للطبيعة الربانية...نسى المصريون شكل النيل ولم يعودوا يشعرون به ....ولذلك اتحداك لو لقيت أغنية تتحدث عن النيل...بعد سنة 1970
_طيب السؤال دلوقتى ...ايه اللى خللى عمنا /عادل صمويل
ينوتها لنا ...؟؟؟الأجابة بسيطة ...انت ناسى انه احد احفاد المصريين القدماء وعنده حنين وشوق لمصر الجميلة بتاعة زمان ....

علي ثلاثة
29/10/2010, 10h49
الأصقاء....صباح الخير عليكم

قصيدة "النهر الخالد"...لحن وغناء الموسيقار /محمد عبد الوهاب...فى عام 1954 جنبا الى جنب قصيدة اخرى وهى "الروابى الخضر"للممثل أحمد خميس...وقصيدة النهر الخالد من تأليف :محمود حسن أسماعيل الذى ولد فى فى بلدة النخيلة بأسيوط ...نفس قرية الخارج عن القانون "عزت حنفى "والتى حول الفنان /أحمد السقا قصته لفيلم تحت اسم "الجزيرة" سبحان الله على مصر !!!!ماذا كانت تنجب زمان ...وماذا تنجب الآن ...المهم ولد الأستاذ الشاعر محمود حسن اسماعيل عام 1910 وتوفى فى 1977 فى الكويت ...وله ابنة هى المذيعة "سلوان محمود"...صاحبة قطرات الندى....وقد غنى له عبد الوهاب قصائد أخرى منها "دعاء الشرق" و"مصر نادتنا فلبينا نداها"...وأم كلثوم"بغداد ياقلعة الأسود" والتى ظلت لفترة النشيد القومى للعراق...من تلحين السنباطى...برضو كان زمان....وغيرها...
-اما النهر او النيل فهو ال "اترو عا" اى البحر الأعظم عند قدماء المصريين ...وهناك فى محافظة الجيزة شارع الكورنيش اسمه حتى الآن "البحر الأعظم" ومع مرور الزمن تحولت "التروعا"الى "الترعة" ولايزال الناس يطلقون على النيل اسم "البحر" نظرا لأتساعه وعرضه....والمتعلمون فقط يطلقون عليه "النيل "وهى كلمة لآتينية"نيلوس"...اما النيل بالنسبة للمصريين القدماء فقد كان شيئا مقدسا ...ولكى تدخل الجنة بعد الممات...لابد ان تحلف امام أوزيريس "انك لم تلوث النهر".....وهو مصدر حياتهم نظرا لأن 95% من مصر صحرا ء لاتعرف المطر....ولذا تجد حب المصريين للنيل يظهر جليا بعد ان استردت مصر عافيتها وشخصيتها بعد الأستقلال سنة 1922 وظهور المد القومى المصرى والأعتزاز بمصر ...ولد جيل عبد الحليم وبليغ والموجى وقنديل والطويل ونجيب محفوظ ونشأ فى هذا الجو أم كلثوم وعبد الوهاب ورامى وشوقى وطه حسين وحافظ ابراهيم ونجيب محفوظ وكل عمالقة ورموز مصر..لذا تجد النيل موجود وبقوة...مثلا " ياتبر سايل بين شطين ياحلو ياأسمر" "انا النيل مقبرة الغزاة" قصيدة النيل""عطشان ياأسمرانى محبة""شمس الأصيل""الصبح بدرى والنيل بيجرى والزرع باسم جميل"
- لكن بعد موت النيل بعد بناء "السد العالى" وهو كارثة بيئية وصحية.على مصر..مخالفة للطبيعة الربانية...نسى المصريون شكل النيل ولم يعودوا يشعرون به ....ولذلك اتحداك لو لقيت أغنية تتحدث عن النيل...بعد سنة 1970
_طيب السؤال دلوقتى ...ايه اللى خللى عمنا /عادل صمويل
ينوتها لنا ...؟؟؟الأجابة بسيطة ...انت ناسى انه احد احفاد المصريين القدماء وعنده حنين وشوق لمصر الجميلة بتاعة زمان ....


السلام عليكم
شكرا على هذه المعلومات القيمة بقي أن نعرف في اي ديوان وردت هذه القصيدة
اهي في ديوان أين المفر أم في غيره وشكرا.

عادل صموئيل
29/10/2010, 12h38
اخى العزيز عاصم
اشكرك على المحاضرة الجميلة دى واشكرك انك كتبت اسمى المتواضع فى نفس الورقة اللى كتبت فيها اسماء الناس العظام دول كلهم واللى انا بحاول اعمله انى بحاول اخلى المد بتاع الناس العظام دول يبقى ويفضل زى ما هم مش طلعوا من فراغ ولكن هم امتداد لناس عظام قبلهم من 5000 سنة وهم استلموا الميراث بتاع اجدادهم وكبروه ونموه وزودا الثروة وكان من حسن حظهم او من حسن حظ البشرية ان على ايامهم كان فيه تسجيل وتدوين يعنى حفظ كامل للتراث وده مع الاسف ماتوفرش طول القرون الماضية غير فى القرن العشرين , يعن مثلا الموسيقى المصرية كانت ايه من 2000 سنة ماحدش يعرف بالتحديد لأن ماكانش لا فيه لا تسجيل صوتى ولا تدوين , كانت بتتناقل ووتوارث عن طريق الحفظ والتلقين والطريقة دى خطيرة جدا لأن مع التناقل ممكن تنقص حتة او تزيد حتة , ولكن المسيقيين العظام اللى قبل حتى ولادة عبد الوهاب حاولوا يجمعوا كل اللى قدروا عليه وبعدين جه واحد عظيم جدا ( وكان صديقى جدا ) اسمه عبد الحليم نويرة كانت خطة حياته هى محاولة جمع التراث وتقنينه يعنى ضبطه علمياً بدون ان يفسد وكان من فضل ربنا على الفن ان الراجل ده كان واصل يعنى الحكومة ساعدته وانشأ فرقى الموسيقى العربية اللى كان لها افضل الأثر على استمرار اااالقوالب الموسيقية اللى كان ممكن تنقرض واهم شىء عمله الراجل العظيم ده انه قرب القوالب الموسيقية التى من الممكن ان تكون صعبة او غير مستساغة لجيل الخمسينيات والستينيات بعد ما سمعوا عبد الحليم وام كلثوم يعنى بعد ما الموسيقى تطورت شوية وبقت اسرع يعنى الدور كان ايام محمد عثمان فى العشرينيات بيتغنى فى ساعة مع انه بالضبط كان لا يزيد عن خمس ابيات شعر , ووصلت ام كلثوم انها فى الساعة بتغنى قصيدة 30 بيت فيها 500 جملة موسيقية مثلا , هنا جاء العظيم نويرة وضغط الدور فى عشر دقائق مع الإحتفاظ بكل رونقه وجمالة ولكن بطريقة تشبع العصر , وجه عبد الوهاب وطور كل شىء حتى طور غناء ام كلثوم , يعنى سنة 1960 كان جمهور حفلات ام كلثوم كلهم فوق الاربعين يعنى اللى متعودين على قصائد رياض السنباطى
جاء المبدع عبد الوهاب واعطى ام كلثوم دم جديد وشباب جديد , خلى جمهور حفلات ام كلثوم كل الاعمار ولما الشباب اللى متعود يسمع عبد الحليم وشادية حس ان ام كلثوم بقت بتغنى اغانى شبابية واقبلوا عليها ابتدوا كمان يحبوا قصائد رياض السنباطى مرة فى احدى حفلات ام كلثوم كان زميلى واستتاذى فى الكلية الاستاذ محمد نصر الدين وهو رابع كمنجة فى فرقة ام كلثوم شفنا عدد كبير جدا من الآنسات الحلوين قال لى فى ودنى الحاجات الحلوة دى ما شفناهاش فى حقلات ام كلثوم إلا بعد الحان عبد الوهاب قبل كده كان كل الستات عواجيز , النهاردة مع الأسف كل واحد بيبحاول يطور الموسيقى بيفسدها ويخربها اكتر ما هى خربانة وانا حسيت انهم مش عايزين يطوروا لكن لما أفلسوا وما لقوش الحان ابتدوا يخربوا فى التراث , يعنى انا بمجهودى المتواضح بحاول انقذ ما يمكن إنقاذه وهو انى جمعت كل خبراتى والمدارس الكتير اللى اتعلمت منها واخترعت مدرسة جديدة وهى تبسيط النوتة الموسيقية بالذات للهواة والمبتدئين بحيث ان النوتة الصعبة اللى مش ممكن يعزفها غير المحترفين ممكن يعزفها ملايين الهواة واقول لكم على سر الاغانى اللى بكتبها ما تفرقش مع المحترفين لأن كل همهم الفلوس يعنى بيبحثوا عن الشغل فى الاغانى الجديدة لكن المستفيد الاول من النوت بتاعتى الهواة وهم امتداد بقاء زمن الفن الجميل , وعجبنى كلماتك عن النيل يعنى بحكم ان اختى الدكتورة امال صموئيل من كبار علماء الآثار وانا بكتب لها كل شغلها على الكمبيوتر اتعلمت كتير عن الحضارة الفرعونية وكان اهم شىء عند جدودنا القدماء النيل وكان تلويث النيل ده من اكبر الكبار اللى تخلى الواحد يخش النار ومع الأسف النهاردة كل واحد عايز يتخلص من اى حاجة بيرميها فى النيل مرة فى التليفزيون شفت مصنهع بيخلرج مخلفات سامة وعامل ماسورة بتصرف المخلفات فى النيل طول النهار تخيل ماسورة بيتنزل مادة سائلة سامة لونها زى اللبن وبتنزل كل يوم مواد سامة فى النيل يعنى انا بستغرب الناس الملايين اللى بتمر عليهم المياه دى عايشين لسه ازاى لأن الكلور اللى بتحطه شركة المياه لتطهير المياه من بعض الميكروبات البيسطة مش السموم الكتير حتى الكلور لو زاد عن حده بيبقى ضار بالصحة , فيه كمان حاجة انا بحس انها مخجلة بس مضطر اقولها خلال السنوات من 1930 لحد 1980 كان المشاهير اللى بتتكلم عنهم الناس مين ؟
يعنى ناس عظام واوسمة على صفحات التاريخ , النهاردة المشاهير هم الحرامية واصحاب الفضائح يعنى الصور المشرقة اللى زى زويل حاجة نادرة جدا وحتى بتتوه اخباره وسط القصص المقرفة زى واحد ملياردير بعد مايصرف عشرات الملايين على مطربة درجة تالتة بعدين يتهم فى قتلها وتحس ان الجميع عايز يطلعه براءة , او ملياردير عنده مش اقل من خمسين مليار ولسه بيقاتل عشان يمتص قوت الجياع حاجات غريبة وكفاية كده
مع اطيب تحياتى

نور الصباح
29/10/2010, 12h59
الأخ الحبيب والصديـــــــــــــق العزيـــــــــز الأســــــــــــتاذ /
عـــــــــــــــــــــــــــــــــــــــاصم المنشـــــــــــــــــــــــــــــاوى
حكـــــــــــــــــــــــــــــــــــــــــــــوات ى المنتدى ومؤرخـــــــــه
سلام الله عليكم ورحمته وبركاته
وبعـــــــــــــــــــــــــــــــــــد :
مـــا كل هـــــــذه العظمة عـــــلى عظـمة يـــــــــاعمنــــــــا ؟
نهر متدفق من العطاء وشــــــــــلال منهمر من المعلوماتــــــــــــ
وينبوع لا ينضب من تاريخــــــــنا الخالـــــــــــد الذى لا يعرفه
الكثيرون ممن لم يعيشـــــوا تلك الأيام الجميلة
لا فض فــــــــــــــوك لا فض فـــــــــــــوك
وزادك الله سحر الحديث وسلاسة الكلمات ورقة المعانى
وشكررررررررررررررررررررررررررررررررررررررا
أخوكـــــم / نور الصباح

نور الصباح
29/10/2010, 13h06
الأخ الحبيب والصديـــــــــــق الجميــــل الفنان الكبير الأستاذ /
عـــــــــــــــــــــــــــــــــادل بـــــــــاشــــــــــــــــا صموئـــــيل
سلام الله عليكم ورحمته وبركاته
وبعــــــــــــــــــــــــــــــــــــد :
إيــــــــــه العظمة دى - عـــــظمة على عظـــــــــمة عـــــــــلى عــــــظمة
كم كان الجميع يبحث عنها وينتظرها
صراحة كنا فى أشد الشوق إليها
سلمت يداك وسلمت لنا
وزادك الله بسطة فى العلم وزادك الله من العطاء
وشكررررررررررررررررررررررررررررررررررررررررررا
أخوكــــــم / نور الصباح

armendo
29/10/2010, 17h49
الأصقاء....صباح الخير عليكم

قصيدة "النهر الخالد"...لحن وغناء الموسيقار /محمد عبد الوهاب...فى عام 1954 جنبا الى جنب قصيدة اخرى وهى "الروابى الخضر"للممثل أحمد خميس...وقصيدة النهر الخالد من تأليف :محمود حسن أسماعيل الذى ولد فى فى بلدة النخيلة بأسيوط ...نفس قرية الخارج عن القانون "عزت حنفى "والتى حول الفنان /أحمد السقا قصته لفيلم تحت اسم "الجزيرة" سبحان الله على مصر !!!!ماذا كانت تنجب زمان ...وماذا تنجب الآن ...المهم ولد الأستاذ الشاعر محمود حسن اسماعيل عام 1910 وتوفى فى 1977 فى الكويت ...وله ابنة هى المذيعة "سلوان محمود"...صاحبة قطرات الندى....وقد غنى له عبد الوهاب قصائد أخرى منها "دعاء الشرق" و"مصر نادتنا فلبينا نداها"...وأم كلثوم"بغداد ياقلعة الأسود" والتى ظلت لفترة النشيد القومى للعراق...من تلحين السنباطى...برضو كان زمان....وغيرها...
-اما النهر او النيل فهو ال "اترو عا" اى البحر الأعظم عند قدماء المصريين ...وهناك فى محافظة الجيزة شارع الكورنيش اسمه حتى الآن "البحر الأعظم" ومع مرور الزمن تحولت "التروعا"الى "الترعة" ولايزال الناس يطلقون على النيل اسم "البحر" نظرا لأتساعه وعرضه....والمتعلمون فقط يطلقون عليه "النيل "وهى كلمة لآتينية"نيلوس"...اما النيل بالنسبة للمصريين القدماء فقد كان شيئا مقدسا ...ولكى تدخل الجنة بعد الممات...لابد ان تحلف امام أوزيريس "انك لم تلوث النهر".....وهو مصدر حياتهم نظرا لأن 95% من مصر صحرا ء لاتعرف المطر....ولذا تجد حب المصريين للنيل يظهر جليا بعد ان استردت مصر عافيتها وشخصيتها بعد الأستقلال سنة 1922 وظهور المد القومى المصرى والأعتزاز بمصر ...ولد جيل عبد الحليم وبليغ والموجى وقنديل والطويل ونجيب محفوظ ونشأ فى هذا الجو أم كلثوم وعبد الوهاب ورامى وشوقى وطه حسين وحافظ ابراهيم ونجيب محفوظ وكل عمالقة ورموز مصر..لذا تجد النيل موجود وبقوة...مثلا " ياتبر سايل بين شطين ياحلو ياأسمر" "انا النيل مقبرة الغزاة" قصيدة النيل""عطشان ياأسمرانى محبة""شمس الأصيل""الصبح بدرى والنيل بيجرى والزرع باسم جميل"
- لكن بعد موت النيل بعد بناء "السد العالى" وهو كارثة بيئية وصحية.على مصر..مخالفة للطبيعة الربانية...نسى المصريون شكل النيل ولم يعودوا يشعرون به ....ولذلك اتحداك لو لقيت أغنية تتحدث عن النيل...بعد سنة 1970
_طيب السؤال دلوقتى ...ايه اللى خللى عمنا /عادل صمويل
ينوتها لنا ...؟؟؟الأجابة بسيطة ...انت ناسى انه احد احفاد المصريين القدماء وعنده حنين وشوق لمصر الجميلة بتاعة زمان ....

اخى العزيز عاصم..احسنت فقد اعطيتنا نبذة وتعريفا حميلا عن محمود حسن اسماعيل كما اضفت لنا فيما لا نعرفة عن الأصول اللغوية لكلمة النيل استنادا الى معلوماتك وعملك فى مجال السياحة..شكرا لك على هذة المعلومات ولكنى اختلف معك كثيرا وجذريا فيما وصل الية حال النيل فى وقتنا الحاضر..فالسد العالى برئ تماما بل على العكس يا صديقى فاذا النيل قد مات فذلك بايدى ابناؤة فانا وانت نعلم اين تستحم البهائم وايضا نعلم اين تصرف مياة الصرف الصحى وهذا هو السبب الرئيسى لتلك الكوارث الصحية والبيئية التى تتحدث عنها وايضا التعديات التى حدثت على طرح النهر فى غياب تام عن الرقابة..اما السد العالى فهو مشروع القرن العشرين فى مصر وافريقيا وعندما ارادت امريكا ان تعاقب مصر والزعيم عبد الناصر على رفضها شروط امريكا لتمويل السد العالى كان الرد هو سحب التمويل لعلمها ان مثل هذا المشروع هو نقلة نوعية وحضارية كبرى لمصر..انت تعلم ياصديقى اهمية الكهرباء فى حياتنا الآن فبلا مبالغة فالكهرباء هى التى تتحكم فى حياتنا الآن واعتمادنا علية شبة كامل ويرجع الفضل فى المقام الأول الى السد العالى الذى تكفل بنغطية اكثر من خمسة وتسعون بالمائة من مدن وقرى ونجوع مصر بالكهرباء..انا يا صديقى من صعيد مصر واعرف الفرق بين قرى مصر فى سبعينات القرن الماضى وبين ما هى علية الآن ..لقد كانت مصر تفقد سنويا ملايين الأمتار المكعبة من المياة نتيجة الفيضانات ولا اعتقد انك رايت منظر القاهرة والجيزة وما كانت تحدثة بها من فوضى وخسائر مادية اثناء موسم الفيضان فما بالك بما كانت تحدثة بالقرى والمدن التى كانت تمر عليها من اسوان وحتى مدن المصب ..عفوا للأطالة فالموضوع مهم وتقبل منى التحية على مشاركتك الجميلة اخوك........احمد(ارمندو)

عادل صموئيل
29/10/2010, 23h58
اقدم لأخى العزيز نور الصباح نوتة
زى نور الشمس
مع اطيب تحياتى

نور الصباح
30/10/2010, 06h38
أخى العزيــــــــــــــــز وحبيــــــــبى الغالى النجــــــم الماسى /
عـــــــــــــــــــــــادل بـــــــاشـــــــــــــــا صموئــــــــــــــــيل
سلام الله عليكم ورحمته وبركاته
وبعــــــــــــــــــــــــــــــــــــد :
أنــــــــا مش عارف أشكرك إزاى بصراحة ؟
ومهما أقول مش ممكــــــــن أوفيك حــــقك
صحيح الكبير كبير
وبعدين عاوزين نرتب لقاء مع الأخوة ( عاصم المنشاوى والأخ أرماندو
وجميع الإخوة الزملاء ونقضى سهرة جميلة زى ليلة عيد ميلادك )
وعقبال باقى النوتات
وشكررررررررررررررررررررررررررررررررررررررررررررا
أخوكــــم ( نور الصباح )

عاصم المنشاوى
30/10/2010, 16h34
الأصدقاء/
شكرا لتعليقاتكم الجميلة
شكرا لعمنا الأستاذ /عادل صمويل ...والأستاذ/ أحمد "نور الصباح"...والأستاذ/ أحمد "أرمندو"....وحينما نلتقى انشاءالله ح نتكلم فى موضوع السد العالى ...

عزت شحاته
30/10/2010, 21h55
استازى الجميل / عادل صموئيل
مساء الفل يا باشا .. تسلم على النوت الجامده .. عيار تقيـــل ...تقيـــل
واسمحلى اطلب طلب من نفس النوع .. مزنوق فيه قوى ..
اول مره ينزلولنا مسابقة ..لفرق كورال الاطفال فى قصور الثقافه
وبيفتروا علينا وعايزين يعجزونا .. ..
وطالبين فى الاجبارى اغنية ( مصر التى فى خاطرى )
لكن على مين واحنا معانا (البيك بوص ) عادل صموئيل ...
رجاءالنوتة .. ونصايحك الغاليه لانهم طالبينها اداء جماعى

ياسر محمد طه
30/10/2010, 23h53
استاذنا العظيم استاذ عادل شرف كبير ان اتعرف بسيادتكم ولي طلب وهو نوتة اغنية محمد فوزي طمني بتوزيعاتها ارجو انلا اكون بثقل عليكولك جزيل الشكر والاحترام

الشرقاوي3
31/10/2010, 05h05
استاذي الغالي استاذ عادل صموئيل السلام عليكم ورحمة الله وبعد:
استاذ عادل اولا انا احب اشكرك جدا على المجهودات الرائعة التي تقدمها والتي لم يبادر اي مايسترو سابق بها ، والتي من شأنها ان تحل عقد كثيرة لنا كمبتدئين وفعلا انت استاذ عادل اعطيتنا الوقود الي خلانا نشتغل ونبدأ ونتطور تدريجيا ، بالاخص مثلنا نحن الذين نعتبر مبتدئين في قراءة النوتة الموسيقية .
سؤالي استاذي وارجو انك تجيبني بالتفصيل كعادتك . حبذا لو كانت بالخطوات. سؤالي هو ازي ممكن نتدرب حتى نعزف الاغاني او المقطوعات الموسيقية سماعيا مع العلم بأني اقرأ النوتة ولكن ليس محترفا بمعنى اني لازم اسمع المقطوعة وبعد كده اقرأ النوتة واعزفها . انا اريد ان تعطيني بعد اذنك طبعا الخطوات الي ممكن تساعدني مع الوقت ان اتمكن من العزف سماعيا. وانا على فكرة طالب يسمع الكلام يعني لو قلت لي الخطوات سوف اتبعها بحذافيرها.
طبعا انابشكرك استاذي ومتأكد وكلي ثقة بحضرتك ان تعطيني الادوات الازمة الي تمكني انشاءالله بتطبيقها والتقدم ولك مني كل الشكر وبارك الله فيك . ماعاليش انا طولت عليك شوية بس انا عارف ان قلبك كبير وصبور جدا ربنا يسعدك ويديك زي ماتدي الناس بالمجان .
تلميذك الشرقاوي

الأخ العزيز
اشكرك على كلماتك الجميلة , ولكن العزف السماعى لا يدرس ولكنه بالفطرة , او فى فطرة الإنسان , والموضوع هنا اكتشاف هل انت تستطيع العزف السماعى ام لا , اول شىء لابد من وجود الأذن الموسيقية الحساسة التى تتبع خطوات اللحن حرف حرف
يعنى اختار اغنية بسيطة تكون حافظها جيداً جدا , واسمع منها جملة وكررها , نشوف اول حرف ايه وتانى حرف صعد ام هبط , يعنى مثلا لو اول حرف دو لازم تحس الحرف الثانى اتجه ناحية الرى والمى والفا يعنى صعد ام اتجه ناحية السى وال لا يعنى هبط , الخطوى الثانية النغمة اللى صعدت هل صعدت خطوة ام قفزة يعنى احنا كنا فى دو هل صعدت خطوة يعنى النغمة الثانية اصبحت رى ولا قفزة يعنى فا او صول مثلا
يعنى راحت لنغمة قريبة او بعيدة , ده اول درس حاول جرب ولكن فى اغنية تكون حافظها جيدا , بلغنى عملت ايه وانا متابع معاك
طبعا الدرس ده للجميع
مع اطيب تحياتى عادل صموئيل

ابتسام عباس
31/10/2010, 05h57
مطلوب منى انى اعمل موسيقى كخلفيه للاذاعه المدرسيه لو حد ممكن يساعدنى بنوته او بكره اكون شاكره ليه جدااا

الأخت العزيزة
فيه فرق بين انك تعزفى نشيد فى طابور الصباح ( يعنى محتاجة نوتة نشيد وده موجود هنا كتير جدا )وفى النشيد انتى ما بتعمليش اباع من عندك لأنك بتنفذى النوتة الموجودة , وفيه فرق لما تحتاجى موسيقى تصويرية او خلفية هنا بتحتاج ابداع او تنسيق منك , والموسيقى التصويرية بيكون انك تختارى خمس جمل موسيقية مثلا وتلعبى بيهم يعنى تعزفى واحدة بعدين التانية بعدين ممكن تعزفى الثالثة واكيد فيه فترات سكوت يعنى الجمل هنا انا عامل مليون جملة ممكن تستغليهم , والعملية تنسيق منك انتى , يعنى انا لو طلبوا منى نفس الطلب بشوف الموقف ايه او الموضوع اصلا ايه وبرتجل او اؤلف موسيقى فورية , لكن مش الكل بيقدر يعمل كده , انتى ممكن تعملى زى ماقلت وابتدى دلوقتى اختارى الخمس جمل وشوفى فى كل جزء من الموضوع
الرئيسى ( اللى بيتكلموا فيه بتوع الإذاعة ) ايه احلى جملة تركب على ذوقك ومرة فى مرة لو انتى عايزة تبقى مبدعة حاتبقى مبدعة
وعلى ذكر كلمة مبدع انا ما اقدرش اجى عندك واخليكى تبقى مبدعة لكن الإبداع انك تحاولى تستعملى ارشاداتى الأولية وتفكرى وتو صلى لنتيجة حلوة بعدها انا ممكن ارشدك فى الخطوات الأعلى
فيه حاجة تانية مهمة انك تحاولى تبتكرى لحن بسيط يعنى واحد بيتكلم تمسكى دو صويلة بعدها نغمة تانية طويلة وهكذا يعنى جربى مع نفسك ( طبعا بالإضافة للى قلته الأول )
اتمنى تكون رسالتى وصلت وطبعا الكلام ده للجميع
مع اطيب تحياتى عادل صموئيل

عادل صموئيل
31/10/2010, 14h14
احبائى
اقدم لكن اليوم نوتة لحن من احلى الاغانى العاطفية واكثرها مشاعراً
اغنية
حنين
لوردة , هذا اللحن مع انه مظلوم لأنه كان فى احد الافلام والاذاعة لاتذيعه كثيراً , ولكنه لحن يوقظ المشاعر , انا عزفته مع وردة فى التسجيل من حرارة اللحن كانت تغنى وهى تبكى , وهنا احب اذكر ان كل مطرب له عصر ذهبى , وكان العصر الذهبى لوردة ايام كانت متزوجة بليغ حمدى , يعنى كان يلحن لها لحنا رائعاً كل اسبوعين , يعنى كان فيه دويتات رائعة فى الفن الجميل زى شادية ومنير مراد وليلى مراد واحمد صدقى مثلاً , وكلمة دويتو يعنى ملحن يعمل لحن ومطربة ثم تتكرر التجربة بعد ذلك عشرات المرات وجمال الالحان يزداد , ( لأن كتير ايضا حصل ان ملحن ومطرب يستمرا معا ولكن الالحان الاخيرة اقل من الاولى ) , وانا كعادى او اساس خبراتى النظرة الشمولية يعنى انظر الى الصورة من كل الزوايا واحيانا افكر فى الخلفية التى قد لا تبدو واضحة او لا تسلط عليها الأضواء
انا اشكر الأخت العزيزة ياسمين الشام لأنها طلبت هذه الأغنية ونزلت التسجيل لأنى كنت اتمنى ان ادون هذا اللحن الجميل , واتمنى ان تسمعوا هذا التسحيل غير غناء وردة ركزوا جيدا على الكورس او الكورال , تجدوا درجة عالية جدا من السلطنة غيير مسبوقة من قبل , يعنوا تحسوا فى ادائهم بفرديات مطربين كبار مش مرددين وراء مطرب , واذكر من هؤلاء السيدات اسماء : بوسى وكيتى وانشراح على سبيل المثال , ولما اتكلم عن بوسى اسمها الاصلى بثينة عبد الغنى السيد ( وطبعا مفيش اتنين عبد الغنى السيد ) , وكيتى دى كانت من مجموعة كبيرة من الأجانب فى مصر كانت تعيش بكثافة وتداخلت مع المصريين حتى اصبحوا مصريين وكانوا خبيط من الجنسيت يعنى يونانيين وايطاليين وارمن وروس ابيض وعدد كبير من اهل الشام , وكان الكثير منهم بيعملوا فى مجال الفن ومن اشهرهم الراقصة كيتى وكاميليا , ومن اشهرهم ايضا الكومبارس والراقصات فى افلام ليلة مراد , يعنى لما تشوف الافلام القديمة كان الراقصات نوعين , يعنى تشوف امامك خمسين راقصة لو بيرقصوا شرقى بيبقوا عوالم لكن اللى بيعملوا او بيشتركوا فى الاستعراضات تلاحظ ان معظمهم اجانب يعنى البياض والعيون الخضراء , وبوسى وكيتى وانشراح دول اشتركوا فى معظم الاغانى يعنى من ضمنها عاشق الروح وطوف وشوف وشوف بقى , اقول ايضاً على سر نميس كان الكورال بيحبوا بليغ حمدى لنه كان اكتر واحد بيشغلهم يعنى من النادر ان تخلوا اغنية لبليغ بدون كورال بعكس الآخرين
المهم اتمنى ان تسعدوا بالأغنيية واكرر شكرى للأخت العزيزة ياسمين الشام لأنها اختارت لى ولكم هذا اللحن الرائع
مع اطيب تحياتى

الشرقاوي3
31/10/2010, 16h49
استاذي الغالي استاذ عادل صموئيل السلام عليكم ورحمة الله وبعد:


استاذ عادل اولا انا احب اشكرك جدا على المجهودات الرائعة التي تقدمها والتي لم يبادر اي مايسترو سابق بها ، والتي من شأنها ان تحل عقد كثيرة لنا كمبتدئين وفعلا انت استاذ عادل اعطيتنا الوقود الي خلانا نشتغل ونبدأ ونتطور تدريجيا ، بالاخص مثلنا نحن الذين نعتبر مبتدئين في قراءة النوتة الموسيقية .
سؤالي استاذي وارجو انك تجيبني بالتفصيل كعادتك . حبذا لو كانت بالخطوات. سؤالي هو ازي ممكن نتدرب حتى نعزف الاغاني او المقطوعات الموسيقية سماعيا مع العلم بأني اقرأ النوتة ولكن ليس محترفا بمعنى اني لازم اسمع المقطوعة وبعد كده اقرأ النوتة واعزفها . انا اريد ان تعطيني بعد اذنك طبعا الخطوات الي ممكن تساعدني مع الوقت ان اتمكن من العزف سماعيا. وانا على فكرة طالب يسمع الكلام يعني لو قلت لي الخطوات سوف اتبعها بحذافيرها.
طبعا انابشكرك استاذي ومتأكد وكلي ثقة بحضرتك ان تعطيني الادوات الازمة الي تمكني انشاءالله بتطبيقها والتقدم ولك مني كل الشكر وبارك الله فيك . ماعاليش انا طولت عليك شوية بس انا عارف ان قلبك كبير وصبور جدا ربنا يسعدك ويديك زي ماتدي الناس بالمجان .
تلميذك الشرقاوي

الأخ العزيز
اشكرك على كلماتك الجميلة , ولكن العزف السماعى لا يدرس ولكنه بالفطرة , او فى فطرة الإنسان , والموضوع هنا اكتشاف هل انت تستطيع العزف السماعى ام لا , اول شىء لابد من وجود الأذن الموسيقية الحساسة التى تتبع خطوات اللحن حرف حرف
يعنى اختار اغنية بسيطة تكون حافظها جيداً جدا , واسمع منها جملة وكررها , نشوف اول حرف ايه وتانى حرف صعد ام هبط , يعنى مثلا لو اول حرف دو لازم تحس الحرف الثانى اتجه ناحية الرى والمى والفا يعنى صعد ام اتجه ناحية السى وال لا يعنى هبط , الخطوى الثانية النغمة اللى صعدت هل صعدت خطوة ام قفزة يعنى احنا كنا فى دو هل صعدت خطوة يعنى النغمة الثانية اصبحت رى ولا قفزة يعنى فا او صول مثلا
يعنى راحت لنغمة قريبة او بعيدة , ده اول درس حاول جرب ولكن فى اغنية تكون حافظها جيدا , بلغنى عملت ايه وانا متابع معاك
طبعا الدرس ده للجميع

مع اطيب تحياتى عادل صموئيل

استاذي الفاضل الاستاذ عادل صموئيل مساء الخير وبشكرك جدا جدا على اعطائي الدرس الاول وهو اكتشاف ان كان انا عندي الاذن الحساسة دي ام لا؟ وطبعا انشاءالله سوف اتبع الخطوات الي حضرتك شرحتها مشكورا ، ولكن بعد اذنك سؤال صغير قبل ان اباشر في اختبار نفسي ان صح التعبير وهو هل هناك مانع بالاستعانة بألة العود مثلا ام فقط بسماعي للجملة وتحديد نغمتها بدون استعانة بالالة الموسيقية . عشان انا عاوز اتحقق من الموضوع واكون دقيق في اكتشاف هذا ولك جزيل الشكر استاذي وربنا يسعدك ويخليك لنا ذخرا يارب.
تلميذك الشرقاوي
اخى العزيز
طبعا لابد ان تستعين بأى آلة موسيقية لأن خاصية تتبع النغمات او معرفة اسماء النغمات فى الحملة التى تسمعها من خصائص الخبراء فقط , لكن المبتدئين لابد ان يكون معهم ما يرشدهم
مع اطيب تحياتى وانا متابع معاك ومع كل من يحب ان يعمل اللى عايز تعمله
عادل صموئيل

جوليانا
01/11/2010, 18h26
السلام عليكم ورحمه الله وبركاته
حقيقى استاذى العزيز حضرتك اسعدتنا جدااا بحنين
انا بس عايزه اتاكد انها وطنيه يعنى بتتكلم عن مصر وحنينها اليها صح على اساس الفيلم واللى حصل فيها
يعنى هى عندها حنين للوطن
لانها من احلى الاغانى اللى بتمس المشاعر
اصل انا نفسى اعملها بس العقد المدرسيه فعشان كده عايزه اتاكد
وشكرا
اولا اشكر الاخت العزيزة جوليانا اللى بتطل علينا كل اسبوع زى الشمس لما تطلع فى لندن مرة فى الاسبوع وطول الاسبوع اما ظلام او شبورة
انتى سمعتى التسجيل ؟ هو فوق شوية مشاركة للأخت ياسمين الشام اسمعيه الاول انتى وشوفى يمشى وطنى ولا .....
وخبر يهم كل المدرسين فى جمهورية مصر العربية
النهارده الاتنين واحد نوفمبر كان عندنا اجتماع فى الوزارة مع كل موجهين موم الموسيقى فى الجمهورية واستلموا مننا كتتتاب وشريط وسى دى للمسابقة حاتوصلك وهم اتبسطوا جدا من الشغل اللى انا عامله واتمنى يعجبكم , وانا كنت سعيد لأن اول مرة يمر الاجتماع من غير خناقات كانوا بيعملوها على مسابقات سابقة كان فيها حاجات صعبة عليهم او ممكن تعمل لهم مشاكل فى الشغل
لكن الحمد لله اول مرة يخرجوا مبسوطين وتصفيق بعد ما يسمعوا كل مقطوعة , وانا بعتبر ده وسام على صدرى والفضل على فكرة يرجع ليكم كلكم هنا فى المنتدى لأن زى ما كررت كتير قبل كده انتم بتفتحوا نفسى اقدم احلى ماعندى عشان انتم ناس ممتازين ومش خسارة اديكم كل ما عندى
الأخ العزيز عزت شحاتة طلب منى اغنية وطنية لكن من العيار التقيل التقيل جدا وانا كتبتها الحمد لله فى ليلة الإجتماع لأن ما جانيش نوم طول الليل يعنى قلقان لأنى عامل شغل جديد وشكل جديد فى كل حاجة فى المسابقة وبخاف يكون فيه ناس روتيين ما يعجبهمش الشغل وجه من حظ الأخ عزت وحظكم كلكم انى كتبت ككم الأغنية الصعبة جدا دى لكن طبعا قمت بتبسيطها عشانكم كلكم ( حزروا فزروا تبقى ايه واللى حايعرفها له جايزة نص كيلو جمبرى من المحل اللى جنب بيتنا مع السلاطات طبعا عشان بيعمل طحينة تجنن )
مع اطيب تحياتى
الأخت العزيزة جوليانا : انتم عارفين الفنانين طبعا عندهم شعرة ساعة تروح وساعة تيجى وللعلم دى مش جنان ( مش جنان اوى يعنى ) لكن لا خلاف على انها سبسب الإبداع
ممكن عشان ( الروتينيين المتخلفين اللى انا مش بحبهم )
اعملى الاغنية
حنين حنين حنين , يا وطنى لك حنين وحاولى حطى كلمة مصر او وطنى فى اى مكان وسط الاغنية عشان ماحدش من المتخلفين يشك ف انها اغنية عاطفية ايه رأيك عبقرى انا صح ؟
الفكرة اللى باللون الأحمر دى جت لى بعد ما قفلت وخرجت
مع اطيب تحياتى عادل صموئيل
معلش الأفكار مش بتخلص
يا سلام لو تخلى آخر جملة اللى بتقفل بيها الكوبليه يا وطنى لك حنين عشان اللى يسمعوها يقطعوا شعرهم ( وما تخافيش يعنى ممكن نديهم عنوان توكيل بتاع الباروكات )

عزت شحاته
03/11/2010, 09h25
استاذى الحميل / عادل صموئيل
بعد صباح الخير والفل والتمر حنه
لو كانت الاغنية الوطنيه اللى فى بالى .. انا مستعد
اقف على باب المحل .. وادفع الحساب لكل اللى عرف الاغنيه .. دا بعد اذنك طبعا
اخى العزيز
الاغنية حانزلها حالاً فى مشاركة الجديدة وهى اللى ف بالك اكيد بس طالما عايز تدفع الحساب المفروض ناكل جمبرى صعيدى يعنى حاجة بحرية صعيدى ملوحة يعنى
مع اطيب تحياتى عادل صموئيل

جوليانا
03/11/2010, 11h42
السلام عليكم ورحمه الله وبركاته
استاذى عادل
انا بشكرحضرتك على ردك وابتكار حضرتك فى الاغنيه
هى فعلا فكره هايله عشان العقد المدرسيه
ومع ذلك انا نفسى اعمل فقره غنائيه فى المدرسه عندى اسمها الزمن الجميل وااقدم اى اغنيه مهما كانت بتقول
لان الكلام عن الحب فيها كان غير دلوقتى وطبعا مفيش مقارنه انا مش عارفه اقول بس كان هادف وحلو اوى
وخصوصا بعد ماحضرتك وفرت لينا كل اللى عايزنه من النوت واحنا هنستى اللى جاى وكمان الجمبرى
وشكرااااا على الشمس وكده يعنى
عزيزتى جوليانا
اقول لك على سر
اقتصار الاغانى فى المدرسة على النوعية دى من زمان هى خيابة , يعنى لو توافر حد شاطر بيعرف يعزف كل اللى يحبه بيفرض عليهم يسمعوا اللى حايقوله , يعنى حتى لو شفتى المسابقة
يعنى حاتلاقى فيها اغانى عاطفية ما حدش بيعترض , وفكرتك جميلة جدا
وانا طبعا اتمنى اساعدك
مع اطيب تحياتى ومحتاجين للشمس عشان الشتا دخل
عادل صموئيل

ابتسام عباس
03/11/2010, 14h18
بعد التحيه والسلام
استاذى الغالى :
شكرا ليك على ارشاداتك الدائمه وانا هحاول اعمل لحن من ابتكارى ولو قدرت اكتبه على الجهاز هبعته لحضرتك عشان تقولى رأيك
وجميله جدا الفكره بتاعه اغنيه حنيين جميله جدا
الأخت العزيزة ابتسام
فيه مثل انجليزى قديم بيقول شى جميل اديكى رغيف عيش عيش لكن افضل 1000 مرة انى اعلمك ازاى تخبزيه , يعنى حتى انتى لو معايا فى الادارة بتاعتى وبشوفك كل يوم احب اديكى كل الطرق للإعتماد على نفسك وابتكارك انتى لأنى مش حفضل معاكى طول العمر , واهم حاجة فى مدرس الموسيقى ان يكون عنده الإستعداد الإبتكارى وانه يقتحم ومش يخاف , يعنى انا تحت امركم كلكم فى اى حاجة لكن احب انكم تستفادوا منى اكتر لما انتم تحاولو تستثمروا حاجة تتعلموها منى وتطلعوا منها عشر حاجة فاهمة ؟ مع اطيب تحياتى عادل صموئيل

Anitta
03/11/2010, 15h49
احب تقديم نوتة حلوة يا بلدى لمن يحتاجها لانها حلوة وارجو مراجعتها

غادة عبد الرحيم
03/11/2010, 19h10
استاذنا الغالى المايسترو الكبير/ عادل صموئيل
تعجز كلمات الشكر كلها امام فيض علمك الغزير و اهتمام حضرتك فى تعليم تلامذتك فى زمن نادرا ما نجد من يمد لنا يد المساعدة باخلاص و حب مثل حضرتك. و انا ارجو من حضرتك اغنية ( حى على الفلاح) لموسيقار الاجيال محمد عبد الوهاب لانى مدرسة موسيقى فى مدرسة بنين و اتمنى ان اعملها كورال . و بارك الله لنا فيك يا استاذنا و متعك بالصحة و العافية و زادك علما و لك منا كل التقدير و الاحترام .
الأخت الفاضلة
اشكرك على كلماتك الجميلة , الإخلاص والحب اللى بتقولى عليه انا اتعلمته مع الموسيقى من الناس اللى علمونى , يعنى زمان مكانش فيه دروس خصوصية زى دلوقتى كانت الدروس ببلاش وكان المدرس مش بس بيدى الدرس ولكنه كان بيغدى تلميذه عنده زى ابنه يعنى بعد الدرس لازم يغديه او يعشيه وده يدل على انه بيعطى كل اللى عنده بدون مقابل , يعنى الدرس الخصوصى اليوم عملية تجارية يعنى المدرس ممكن يعطى المنهج فى 6 حصص لكنهنفسه يخليه 330 حصة عشان البنديرة , وفى المدرسة كان مدرس المويسقى لما بيلاقى تلميذ موهوب بيديه جزء كبير من وقته بلامقابل , النهاردة عشرات الموهوبين بتضيع مواهبهم عشان المدرس مش فاضى له او قرفان مش طايق يكلمه ,
طبعاً انا ( لوقريتى كلماتى السابقات ) انا بشجع المدرسين جدا وبالذات النوع اللى عايز يبقى احسن ويرفع مستواه , يعنى بحس ان ربنا ادانى علم وهو تبسيط النوتة بحيث تبقى شكلها يديكى انطباع ان سهل جدا تطلعيها بعكس ناس تانية كانوا بيكتبوا النوتة للمحترفين بحيث الهواة والمدرسين والمبتدئين بيحسوا من اول نظرة انهم مش ممكن يقدروا يشتغلوا فيها , معش طولت فى الكلام , انا شفت فى منتدى آخر ( ما انا لازم اشوف الدنيا بيحصل فيها ايه ) نوتة لأغنية صافينى مرة حد كاتبها بطريقة خضتنى انا , يعنى انا قلت مليون مرة انا عزفت فى الفرقة الماسية عشرين سنة وكنت المختص بقسم النوت الموسيقية فى الفرقة وعندى دولاب فيه كل النوت بتاعة العشرين سنة اللى قبلى عمرى ما شفت نوتة معقربة كده يعنى اهم شىء الحليات دى العازف القدير بيعملها بإحساسه والمدون الفاهم بيكتب اللحن صح جدا بس سادة عشان يبقى شكل النوتة اسهل والحليات دى بتيجى فى العزف , لكن لو اتكتبت ( والخطورة الخطيرة جدا جدا جدا فى الحليات لو انا عادل صموئيل ومعايا خمس مدونين غيرى سمعنا الحلية كل واحد بيفهمها بوجهة نظره يعنى الحلية مفهومها مش واحد عند الكل يعنى ممكن رى مى فا واحد مفهومه الحلية على الرى وواحد مغهومه الحلية على ال مى
والخطورة هنا ان واحد ممكن مفهومه متطرف شوية او شاطر اكتر من الازم ومش فاهم ان الناس مش شاطرين زية يعما فى اللحن شوية حليات تخلى الورقة ما تتقراش ابداً ) ده للتوضيح
لما نتكلم على اختيارك للحن عبد الوهاب حى على الفلاح طبعا الإختيار ده ( انا كموجه اول موسيقى فى التربية والتعليم بس على المعاش من شهرين ) احييكى جدا لأنك عايزة تعملى عمل ماحدش عمله قبل كده ف مدرسة واكيد حا يبيقى عمل مهم جداً , لأن معظم المدرسين ( غير احبائى هنا ) بيكسلوا ويعملوا اغانى اتعملت مليلون مرة قبل كده
وانا ان شاء الله حابدأ الكتابة فيه فوراً مع اطيب تحياتى عادل صموئيل

عادل صموئيل
04/11/2010, 00h29
احبائى
اقدم لكم بناء على طلب الاخ العزيز عزت شحاته اغنية وطنية من العيار التقيل جداً جدا
مصر التى فى خاطرى
طبعا انا اللحن ده عزفته مليون مرة بس لما كتبته لقيته اصعب من ما كنت متخيل , ممكن عشان انا شاطر شوية فى العزف بيطلع من غير ما افكر لكن فى التدوين لابد ان ادقق اوى واكتشفت حاجات كتير فيه
فيه ملحوظات مهمة جدا لأنى كنت فى حفلات كتير تبع وزارة التربية والتعليم بس شفت مشاكل كتير واخطاء خطيرة احيانا اتمنى ( اولاد عادل صموئيل ) ما يعملوهاش
اول شىء عند بداية الغناء ( مصر التى فى خاطرى ) كانت من التلامذة بتطلع مايعة لأن لو ايقاعها تافى تافى يعنى كروش منقوط ودوبل كروش , عايزكم تدققوا فى تفاعيل ام كلثوم تلاقها مش بتقول التافى محددة يعنى مرة كده ومرة كروش وسكتة دوبل كروش ودوبل كروش , يعنى انا كتبت كده بس ما حبيتش اتفزلك عشان تبقى سهلة عليكم قى التنفيذ
يعنى انت اولا احفظ النغمات كويس واحفظ التقطيع بتاع ام كلثوم يعنى مصر التى فى خاطرى مش غنائية مدلعة عاطفية ولكن عسكرية شوية . واخطر واسوأ عيب بيحصل البريكات اللى فى الكوبليهات لما بيقف الإيقاع يعنى المدرس بيبقى مش فاهم البريك اد ايه والتلميذ مش فاهم حاجة طبعا والبريك بيطول والتلميذ عمره ما بيركب صح على الإيقاع لما يدخل تانى وبتحصل لخبطة واطباق بتتكسر وحاجات كده , فى الاماكن اللى فيها البريك انا كاتبها على الرتم مش عامل بريك لأنها مضبوطة يعنى ما تعملش بريك اابدأ اللحن ماشى زى الفل , وبعدين البريك اللى عملته ام كلثوم لما دخلت على الرتم هى نفسها دخلت دخلة انا ماعجبتنيش يعنى زى ما تركب القطار بعد ما يكون سرعته زادت ومالهاش داعى طبعاً , مع اطيب تحياتى واتمنى تكون رسالتى وصلت عادل صموئيل

hegazy
04/11/2010, 02h53
ياسلام على القمة فى خيار الاغانى العظيمة فالعظمة لا تاتى الا من العظماء فكيف لو كانت من الاستاز عادل
وانا اطمع فى ان يذيدنا من هذا المستوى العالى والنوعيه العظيمة بالكثير .....
وعليه..ازكره بالقمم من هذه النوعية من الاغانى الوطنية التى هى اسطورة فى تراثنا الموسيقى فمثلا
مصر تتحدث عن نفسها
طوف وشوف
انا النيل
على باب مصر
فيا ليت لو كان ممكنا ان تدون النوت الموسيقية لهذه القمم وذلك لكى يعاد عزفها من جديد لتدخل أذان قد ضاقت مما يسمع اليوم وتعرف الجيل الجديد ما كان من مجد فى عصور سبقت عل وعسى يحيوا مجدا جديدا
سارفق الاغانى تلك مع ردى هذا
الأخ العزيز حجازى
اهلا بك معنا فى المنتدى وفى صفحتنا العزيزة
انا اللى اشكرك لنك فكرتنى ادون هذه الاناشيد والأغانى الوطنية الرائعة واللى بتمثل كذا شىء اولها بتفكرنا بمرحلة مصيرية من تاريخ مصر العزيزة , يعنى التحرير من النجليز ثم مراحل الحروب من 1956 وحتى 1973 , والاناشيد دى كانت اما حماسية كانت لما الجنود بيسمهوها فى العركة بتديهم طاقة وحرارة واقدام وتخليهم يقتحموا مواقع العدو مش بسلاحهم فقط ولكن بصدورهم , يعنى فيه اناشيد منها تحس بصوت المدافع وتشم رائحة دخان المعركة , والشىء الجميل اللى كانت الناس بتحسه ان الملحنين العظام وصلوا بالانشيد والاغنية الدينية لدرجة من الجمال والكمال انك تحب تسمعه كذا مرة فى اليوم يعنى بقوة وجمال الاغنية العاطفية يعنى انت لو شفت حفلات ام كلثوم ايامها كان الجمهور بيستقبل النشيد والاغنية الدينية زى ما بيستقبل اغانيها العاطفية يعنى التصفيق ويطلبوا تعيد المقطع اكتر من مرتين ودى قمة من الإبداع ان يكون الاغنية الدينية مش انها كلام دينى تبقى يعنى بركة واى لحن والسلام ولو قارنت اللحن بأى لحن عاطفى العاطفى يكون احى كتير لأنه شىء تجارى يعنى ولكن العبقرية انهم عملوا الاغانى الدينية مثل وبقوة وروعة الاغانى العاطفية ولما تسمع الاغنية الدينية كتير تتفهم الوعظ الذى بداخلها والاغانى تصل الى الوجدان اكتر من الوعظ العادى , والاغانى والاناشيد الوطنيى تكرار سمعها بيعمل عند الانسان روح وطنية يعنى مش بس ايام احرب ولكن الهم ايام السلم , يعنى الروح الوطنية دى ما تخليش تجار جشعين يستغلوا الازمات او يسرقوا مال الشعب او النصابين على مختلف انواعهم والعمارات الجديدة اللى بتقع وبيع اى حاجة بملاليم وانت مش عارف مين بيشتريها , لكن كل الفضايح دى كان من النادر تسمعها زمان ايام كان اناس بتسمع الاغانى الوطنية والأناشيد الوطنية ولو تلاحظ خلال الفترة من بعد 1990 مافيش حد بيعمل اناشيد على مستوى زمان ولا اغانى دينية لها قيمة ادبية وفنية يعنى تعيش مئات السنين زى زمان , واقل كلمة اقولها عن فن زمان واحد زى سيد درويش لما احتاجوا يعملوا سلام وطنى جديد اخدوا احد الحانه وطبعا عندنا 100 لحن ينفع نشيد وطنى لو احتجنا فى المستقبل .
انا ان شاء الله سأبدأ فى التدوين فوراً , وسلم لى على ايطاليا وقول لها وحشتينى يا ايطاليا , ومن سخرية القدر تخيل حضرتك ان مصر من أهم من يتعملون السيارات الإيطالية الرائعة , يعنى انا عندى فيات 128 موديل 1982 وما افرطش فيها ابداً والمأساة تخيل حضرتك وايطالليا لسه موجودة ومنورة الدنيا والتجار الجشعين بدل ما يجيبوا قطع غيار السيارات الأصلية الرائعة والللى بتعيش مش اقل من 8 سنين , ما تلاقيش فى مصر غير قطع الغيار المقلدة والتالفة من الصين وبيستوردوها عشان ثمن القطعة فى الصين اتنين جنيه وبيبعها لنا بخمسين جنيه , يعنى لو استوردها من ايطاليا حتكون ب 30 جنيه ويبيبعها بخمسين جنيه لكن هو عايز يكسب 48 جنيه فى القطعة مش عشرين جنيه , وده ايضاً من انحسار الروح الوطنية وشكراً على ارفاق التسجيلات يعنى انا حافظهم لكن عشان الاخوة الأحباء يسمعوا التسجيل مع النوتة
مع اطيب تحياتى وانتظر النوت تباعاً قريباً عادل صموئيل

ياسمين الشام
04/11/2010, 12h36
:emrose:شكرا لك أستاذنا الكبير:emrose:

على هذه النوتة الجميلة حنين التي طالما

أحببتها وانا سعيد ة جدا

:emrose: ومقدرة جهودك الرائعة:emrose:

عزت شحاته
04/11/2010, 14h07
استازى الجميل / عادل صموئيل
الف شكرررررررررررررررررررررررررررررررررررررررررررررررر رررر
على تعبــــــك .. . على فنـــك
. . .على رقتـك
على اخلاصـك .. . على ابداعك
. . .على حنيتك
اللـــه يزيـــدك .. . اللــه يديـــك
اللــــه يبارك. . .خطــوتـــــك

نور الصباح
04/11/2010, 17h04
اللـــــــه يفــــــــــتح علــــــيك يـــــــــا عـــــم عـــــــــــــــــادل
فـــعلا ( مصـــــــر التى فى خاطرى وفى فــــــــــــــــــــــــــمى
أحبـــها من كـــــــل روحــــــــــــــــــــــو ودمى
يـاليت كل مؤمـــن بحــــــبها يحبــــــها مثــــــلى أنـــــــــــــــــا
نحـــــــبها من روحـــــــــــــــنا ونفتديــــــــــه بالعزيز الأكـــــرمى
******************************
شكرا جزيــــــــلا يــا أســـــــــــتاذانا الفاضل
وعقبال البــــــــــاقى
وما يحرمناش منك ولا من هدايــــــــــاك القيمة
وشكررررررررررررررررررررررررررررررررررررررررا
أخوكــــــــم ( نور الصباح )

ابوكارم
04/11/2010, 20h02
[QUOTE=hegazy;480425]ياسلام على القمة فى خيار الاغانى العظيمة فالعظمة لا تاتى الا من العظماء فكيف لو كانت من الاستاز عادل
وانا اطمع فى ان يذيدنا من هذا المستوى العالى والنوعيه العظيمة بالكثير .....
وعليه..ازكره بالقمم من هذه النوعية من الاغانى الوطنية التى هى اسطورة فى تراثنا الموسيقى فمثلا
مصر تتحدث عن نفسها
طوف وشوف
انا النيل
على باب مصر
فيا ليت لو كان ممكنا ان تدون النوت الموسيقية لهذه القمم وذلك لكى يعاد عزفها من جديد لتدخل أذان قد ضاقت مما يسمع اليوم وتعرف الجيل الجديد ما كان من مجد فى عصور سبقت عل وعسى يحيوا مجدا جديدا
سارفق الاغانى تلك مع ردى هذا
الأخ العزيز حجازى
اهلا بك معنا فى المنتدى وفى صفحتنا العزيزة
انا اللى اشكرك لنك فكرتنى ادون هذه الاناشيد والأغانى الوطنية الرائعة واللى بتمثل كذا شىء اولها بتفكرنا بمرحلة مصيرية من تاريخ مصر العزيزة , يعنى التحرير من النجليز ثم مراحل الحروب من 1956 وحتى 1973 , والاناشيد دى كانت اما حماسية كانت لما الجنود بيسمهوها فى العركة بتديهم طاقة وحرارة واقدام وتخليهم يقتحموا مواقع العدو مش بسلاحهم فقط ولكن بصدورهم , يعنى فيه اناشيد منها تحس بصوت المدافع وتشم رائحة دخان المعركة , والشىء الجميل اللى كانت الناس بتحسه ان الملحنين العظام وصلوا بالانشيد والاغنية الدينية لدرجة من الجمال والكمال انك تحب تسمعه كذا مرة فى اليوم يعنى بقوة وجمال الاغنية العاطفية يعنى انت لو شفت حفلات ام كلثوم ايامها كان الجمهور بيستقبل النشيد والاغنية الدينية زى ما بيستقبل اغانيها العاطفية يعنى التصفيق ويطلبوا تعيد المقطع اكتر من مرتين ودى قمة من الإبداع ان يكون الاغنية الدينية مش انها كلام دينى تبقى يعنى بركة واى لحن والسلام ولو قارنت اللحن بأى لحن عاطفى العاطفى يكون احى كتير لأنه شىء تجارى يعنى ولكن العبقرية انهم عملوا الاغانى الدينية مثل وبقوة وروعة الاغانى العاطفية ولما تسمع الاغنية الدينية كتير تتفهم الوعظ الذى بداخلها والاغانى تصل الى الوجدان اكتر من الوعظ العادى , والاغانى والاناشيد الوطنيى تكرار سمعها بيعمل عند الانسان روح وطنية يعنى مش بس ايام احرب ولكن الهم ايام السلم , يعنى الروح الوطنية دى ما تخليش تجار جشعين يستغلوا الازمات او يسرقوا مال الشعب او النصابين على مختلف انواعهم والعمارات الجديدة اللى بتقع وبيع اى حاجة بملاليم وانت مش عارف مين بيشتريها , لكن كل الفضايح دى كان من النادر تسمعها زمان ايام كان اناس بتسمع الاغانى الوطنية والأناشيد الوطنية ولو تلاحظ خلال الفترة من بعد 1990 مافيش حد بيعمل اناشيد على مستوى زمان ولا اغانى دينية لها قيمة ادبية وفنية يعنى تعيش مئات السنين زى زمان , واقل كلمة اقولها عن فن زمان واحد زى سيد درويش لما احتاجوا يعملوا سلام وطنى جديد اخدوا احد الحانه وطبعا عندنا 100 لحن ينفع نشيد وطنى لو احتجنا فى المستقبل .
انا ان شاء الله سأبدأ فى التدوين فوراً , وسلم لى على ايطاليا وقول لها وحشتينى يا ايطاليا , ومن سخرية القدر تخيل حضرتك ان مصر من أهم من يتعملون السيارات الإيطالية الرائعة , يعنى انا عندى فيات 128 موديل 1982 وما افرطش فيها ابداً والمأساة تخيل حضرتك وايطالليا لسه موجودة ومنورة الدنيا والتجار الجشعين بدل ما يجيبوا قطع غيار السيارات الأصلية الرائعة والللى بتعيش مش اقل من 8 سنين , ما تلاقيش فى مصر غير قطع الغيار المقلدة والتالفة من الصين وبيستوردوها عشان ثمن القطعة فى الصين اتنين جنيه وبيبعها لنا بخمسين جنيه , يعنى لو استوردها من ايطاليا حتكون ب 30 جنيه ويبيبعها بخمسين جنيه لكن هو عايز يكسب 48 جنيه فى القطعة مش عشرين جنيه , وده ايضاً من انحسار الروح الوطنية وشكراً على ارفاق التسجيلات يعنى انا حافظهم لكن عشان الاخوة الأحباء يسمعوا التسجيل مع النوتة
مع اطيب تحياتى وانتظر النوت تباعاً قريباً عادل صموئيل[
استاذنا الفاضل...منذ فتره طلبت واقترحت نوت الاغانى والاناشيد الوطنيه والدينيه وخصوصا عبد الحليم حافظ
فى الاغانى الوطنيه التى تلهب حماسنا وتزيد شجوننا ومصريتنا وعروبتنا وحبنا للوطن والدفاع عنه وترفع روح الوفاء والانتماء للوطن الذى افتقدناه حاليا نتيجه الغزو الخارجى وحب الثروات والمال مما نتج عنه جيل بدون ضمير ولاحب لبلاده العربيه والوطنيه ولكم جزيل الشكرhttp:////www.sama3y.net/forum/showthread.php?t=85130 (http://www.sama3y.net/forum/showthread.php?t=85130)

الأخ العزيز ابو كارم
ان شاء الله بس اخلص دول الاول وانت بتطلب اغانى انا بحبها جدا جدا وبعزفها مع نفسى دايما
مع اطيب تحياتى

hegazy
05/11/2010, 04h19
اخى واستازى الغالى انا افهم كل تك الظروف التى تكلمت عنها واعلم جيدا ما يحدث فى مصر من سلب ونهب وتمزق القيم والاخلاق....
لكن الست معى ان قلت ان شعب مصر قد تهاون امام كل ما يدبره له اعداء من الخارج و اعداء من الداخل انا على علم بالاراضى التى تباع والتى بيعت فى سيناء التى من اجلها اجهزنا على الصعاب والتى من اجلها استشهد اخ لى ولك....!!!؟؟؟
والله لا يصلح ما بقوم حتى يصلحوا ما بأنفسهم
ولذا اطلب منك وانت من اواخر جييل الرجال ان تحمل على اعتائق رسالة احياء الضمير فى مصر بتلك الاناشيد الوطنية والدينية (مسحية,واسلامية) يا ابن العم
فعلى الفن والادب ان يكونوا اداه لاحياء الضمير الوطنى وتزكير الشعب بواجبه فى حماية الوطن من اعدائه
لا مجرد اداه للتضضليل وكسر المبادئ والقيم كما هو واضح اليوم من سفاهات تقدم كل يوم على شاشات التلفزة لكل العالم من النافذة الوحيدة التى تربطنا بامنا مصر
كنت زمان اود لو ان العالم يفهم لغتنا حتى يستوعب فننا و ثقافتنا واليوم احمد الله انهم لا يفهموننا حتى لا يدركوا كم وقع الفن والادب الى هذا الحد من الحضيض
اما عن هذه الاناشيد التى طلبتها منك فعند سماعى لها لم تتصور الشعور الذى يتملكنى وانا فى الغربة فيسبح فكرى الى ايام العزة والكرامة الى عصر وقعت فيه انتصارات واحلام تحققت وهزيمة واحدة خرج يومها الشعب كله يرفض الاستسلام لها ويؤيد زعيمه للمضى الى الامام رافع الرأس
وازكر من ضمن الاعمال الموسيقية التى قامت بها الازاعة لتأيد الزعيم كان نشيد لام كلثوم بعنوان قم واسمعها
هذا النشيد الذى هذ كيان الشعب العربى كله ونزل يطالب الزعيم للمضي الى الامام
يا الاهى!!! انظر كم وكيف كان الفن مؤثر فى تلك الحقبة
فارجوك وانت لك فى هذا الوسط كلمة مسموعة ان تسعى لاعادة الفن الى الطريق الصحيح
وشكرا
اخى العزيز
انا انتهيت من اغنية واعمل فى الثانية يعنى طلبك منفذ من قبل ما تقول لأن دى رغبتى الشديدة مع اطيب تحياتى عادل صموئيل

hegazy
05/11/2010, 04h52
اما بالنسبة للسيارة 128 فلا يوجد مصنع هنا لانتاج قطع الغيار وذلك لان هذه السيارة قد تم منع صناعتها منذ 15 سنة بموجب قانون اوروبى يمنع صناعة السيارات التى تعمل بالوقود (بنزين) الذى يحتوى على نسبة عالية من الرصاص او صناعة قطع غيار لها.....ولذافهم يشتروها من الصين لان الصين بالطبع اشترت تلك المصانع لانتاجها هناك حيث انه لا يوجد هذا القانون للاسف
كما فى صناعات اخرى والتى حذت فيها الصين نفس السياسة فهى تصنع كل شيئ محظور صناعته فى دول اخرى وذلك بأستخدام مواد اولية تكاد تكون محظورة عالميا وضارة لمن يستعملها فاحظروا منها ولا تروجوها فى بلادنا يا خوانى فهى خطر عليكم وعلى اولادكم
ليس من الصواب شراء ما هو رخيص ولكن من الصواب شراء ما ينفع ولا يضر......
اخى العزيز
هل تعلم ان السيارة 128 مازالت تنتج حتى اليوم فى مصر وموديل 2010 ؟ وللعلم هى احسن سيارة عاشت فى تاريخ مصر يعنى من سنة 70 مازال سيارات تعمل بكفاءة 100% حسب صيانة صاحبها لها ولا يفرط فيها بعشر اضعاف ثمنها اقل شى لأن العمال فهموا كل مسمار فيها بعكس عدد كبير من السيارات ممكن اميكانيكى يتلفها لك لعدم معرفته خباياها اما الصينى فالصين تنتج 3 درجات من الجودة الاولى تملأ امريكا وهى بكفاءة كل الدول الأولى فى الصناعة والدرجة التانية متوسطة الجودة اما الدرجة الثالثة فهى قمامة والمستوردون عندنا يختارون القمامة ليبلونا بها , وكمان دخل فى لموضوع قطع غيار من تركيا وهى ايضاً قمامة مذا نفعل ؟ انعود الى ركوب الحمير ؟ والسيارات الحديثة عبرة عن ورق او كرتون وقطع غيارها غالية جدا ولازم تذهب بها الى التوكيل والتوكيل عبارة عن عصابة تمص دماء العميل بطرق مخزية , والسيارة فى حد ذاتها لو اشتريتها بماءة الف جنيه وخرجت بها من المعرض تهبط قيمتها الى النصف
مع اطيب تحياتى عادل صموئيل

Anitta
05/11/2010, 07h52
ارجو توفر نوت لعمر خيرت

احمد سنايم
05/11/2010, 22h44
:emrose:استاذى الفنان الكبير مايسترو عادل صموائيل لو فى مصر مليون عادل صموائيل ولم يبخلو على الناس بما وهبهم الله سبحانة وتعالى من علم واعطوا مثل ما تعطى فى كافة المجالات طبعا اعتقد ان السبعين مليون الاخرين مش هايحتاجو لا معونة امريكية ولا لحمة اثيوبية ولافوانيس ومصليات وعربيات صينية :emrose:ان اتفقت او اختلفت معايا فذلك لا يفسد للود قضية:emrose:
اخى العزيز
اشكرك على كلماتك الجميلة , يعنى انا من اهم الاشياء اللى اتعلمتها من عمالقة الزمن الجميل كلمتين الذكرى والتاريخ , يعنى كلو احد منهم كان بيعمل للمستقبل البعيد والبعيد جداً , يعنى كل لحن كان بيعمل حسابه ان الناس حاتحب اللحن ده 500 سنة قدام ولذلك هم نجحوا بدليل ان الحانهم مازالت باقية والالحان اللى بتتعمل دلوقتى عمر اللحن اسبوع لحد ما يطلع لحن هابط تانى يمسحه , يعنى اليوم انت لو شاهدت اى فيلم مصرى انتاج سنة 1940 مثلاًً , اى اغنية حاتسمعها فيه اقل شىء حاتقول يايلام الناس دول كانوا عباقرة , بكن لو شفت انتاج من شهرين اى اغنية فيه حاتحس انها معموملة عشان واحدة ترقص عليها او الناس تصفق بهبل طول الاغنية وهم بيصقفوا مش لشبب لكن لإن اللى جنبهم بيصقفوا او ان الاغنية ما ينفعش تتسمع من غير لما تصقف معايا وطبعا وانت بتصقف مش حاتسمع حاجة , انا مشكلتى انى دايما بفكر خمسين سنة على الأقل لقدام انا بحكمتى حاسس حاجة , يكونش المسؤلين دول مكشوف عنهم الحجاب يعنى عارفين مثلاً ان يوم القيامة بعد عشر سنين ومش بيقولوا , لأن اللى عمال يخرب كل حاجة ف كل حاجة ده مش حاسس ان اى بلد بالتدريج بعد عشر سنين حاتبقى خرابة لاتصلح للحياة , فهل هم عارفين ان بعد عشر سنين مش حاتبقى فيه حياة اصلاً عشان كده بيعملوا ويسرقوا كل اللى يقدروا عليه ؟؟؟ وعجبى عادل صموئيل

hegazy
06/11/2010, 03h31
من الغريب يا استازنا الكبير ان الهزيمه فى 67 جعلت الشعب متماسك وكانت حافز لازدهار الابداع الفنى والادبى كما كانت ايضا خدعة 48
لكن الاغرب هو نصر اكتوبر الذى ادى الى تفكك المجتمع وتسلل اعدائه فيه وانحضار كل شيئ من علم وفن وادب وعادات وتقاليد ثم الاغرب من ذلك انحضار الجنيه المصرى بطريقة لا يوجد لها مثيل فى دولة منتصرة
ازكر انه فى عام 67 كانت القنال مغلقة والبترول غيرمتوفر ولكن الجنيه المصرى كانت قيمته اعلى من الدولار ولم نرى اى تغيير فى الاسعار
فكنت اتسائل هل انتصرنا فعلا فى حرب 73
وهل كان النصر مفيد لبلدنا
ام كانت مؤمرة من اعداء مصر .......!!!!!!!!؟؟؟؟؟؟؟؟؟؟
اخى العزيز
انتصار اكتوبر كان من اعظم انجازات المصريين , لدرجة انا شاهدت بعينى فى اكاديميات عسكريات اوروبية ان عملية 6 اكتوبر اصبحت تدرس فى اكاديميات عسكرية فى دول كثيرة متقدمة عنا جدا يعنى التكتيك والخطة ثم اقتحام خط بارلييف اعظم مانع مائى فى العالم وللعلم كان اليهود ملغمين القناة كلها يعنى فى اى لحظة كان ممكن تبقى كلها نار ولاتسمح بأى عبور يعنى كيف عطلنا الالغام دى معجزة ثم كيف دمرنا الخط وكيف فتحنا ثغرات بإختراع طلمبات مصرية خاصة صممت لهذا الغرض والعربات الى كانت تنزل منها قطع تتوصل ببعضها وتصبح كبارى ثقيلة جدا تتحملل دبابات الميدان الثقيلة جدا وكيف وكيف ,,,,, انها معجزات يعنى لم يسبق مثلها فى التاريخ وبهرت الالم , والخيبة بدأت بعد النصر بفترة يعنى حصل عندنا انفتاح اقتصادى بس كان عامل زى ما تفتح هاويس نهر بدون ان تراعى حجم الماء الذى سيتدفق , يعنى عملوا بورسعيد مدينة حرة تصلها البضائع من كل مكان وفيه خللخطير حصل خلق مجموعة من المليونيرات والملديرات فى هذا المكان وكان اصلهم شيالين فى الميناء وحاجات زى كده , ومعظمهم كان مش متعلم عشان يعرف الصح من الغلط واخطر شىء انسان جاهل او فاسد لما يكون معاه فلوس اكتر من الازم , وبداوا مش مكفيهم اللى كسبوه ولكن عايزن اضعافه عن طريق استراد الفاسد من الخارج ويقدمون الرشاوى للجهات الرقابية
ولما تنتشر الرشاوى فى مكان تنتشر فى امكنة اكثر يعنى سمعت عن ناس بتدخل مجلس اشعب من اجل الحصانة شان يعملوا اللى نفسهم فيه ومنهم من اخذ قروض بالمليارات من البنوك بالرشاوى وبدون ضمانات وهربوا بها للخارج وخلاص على كده آل إيه ما فيش اتفاقيات تسليم هاربين , ووسط المعمعة دى ظهر التطرف والإرهاب لن ماحدش واخد بالة عندما تظهر اى بؤرة ماحدش فاضى يتطهرها بسرعة ولكن نتباكى لما تستفحل
ومنها مايخصنا اصبحت القوة الشرائية لشرائط الكاسيت مع ناس جهلاء معاهم فلوس كتير يعنى المثقفين بيشتروا شرائط محدودة عشان دخلهم قليل لكن الأغنياء الذين بيشتروا كل الشرائط ثفافتهم صفر وبيحبوا اكتر الأغانى الهابطة والمنحطة يعنى واحد مغنى للحمار باع مليون شريط لأن اللى اشتروهم كان اصلهم عربجية والدم يحن وهكذا , والله يا اخى انا شفت حاجة تبكى مرة رأيت شرائط منحطة وسألأت صديقى مدير شركة صوت القاهرة وهى صاحبة الحق فى طبع شرائط اغانى السيدة ام كلثوم قلت له انا بدور على اغنيتين لأم كلثوم مش لاقيهم فى السوق فى مصر وشراطها انقرضت والسوق مليان اغانى هابطة المفروض انك تنزلوا دفعات من ام كلثوم عشان تعمل شوية تعادل يعنى على الأقل السوق يبقى فيه وفيه عارف قال لى ايه ؟ ما نقدرش لأن انا عشان اقرر انزل نسخة جديدة من شريط انت عمرى مثلا الماكينات عندنا مصممة انها تعمل خمسين ألف نسخة على الأقل ولو عملناهم ما حدش حايشتريهم لأن الناس اللى بتشترى دلوقتى بيختاروا الأغانى الهابطة ومش بيشتروا ام كلثوم وعبد الوهاب يعنى لو نزلنا خمسين الف نسخة وما اتباعوش الشركة تتخرب , تصور حضرتك وحضراتكم مدى المارة التى حسيت بيها , لكن عزائى ان الأغانى ابتدت تنتشر على النت وفى كذا موقع وحتى كلامنا مع بعض وطلبات النوت بتخلينى احس ان مازال فيه امل لإنقاذ ما يمكن انقاذه بعد طوفان الأغانى الهابطة اللى مالية الدنيا
تحياتى عادل صموئيل

armendo
06/11/2010, 08h03
من الغريب يا استازنا الكبير ان الهزيمه فى 67 جعلت الشعب متماسك وكانت حافز لازدهار الابداع الفنى والادبى كما كانت ايضا خدعة 48
لكن الاغرب هو نصر اكتوبر الذى ادى الى تفكك المجتمع وتسلل اعدائه فيه وانحضار كل شيئ من علم وفن وادب وعادات وتقاليد ثم الاغرب من ذلك انحضار الجنيه المصرى بطريقة لا يوجد لها مثيل فى دولة منتصرة
ازكر انه فى عام 67 كانت القنال مغلقة والبترول غيرمتوفر ولكن الجنيه المصرى كانت قيمته اعلى من الدولار ولم نرى اى تغيير فى الاسعار
فكنت اتسائل هل انتصرنا فعلا فى حرب 73
وهل كان النصر مفيد لبلدنا
ام كانت مؤمرة من اعداء مصر .......!!!!!!!!؟؟؟؟؟؟؟؟؟؟

الأخ حجازى صباح الخير..بالرغم من ان صفحة طلبات نوتة ليست منوطة بتحليل ما يحدث فى مصر من متغيرات واحداث وانعكاساتها على كل مناحى الحياة الا اننى سأعقب ولمرة واحدة فقط..وسابدأ تعقيبى من نهاية مشاركتك بالتساؤل المر الغريب الذى يصدر من مصرى هل كان نصر اكتوبر العظيم هو مؤامرة من الأعداء؟ وهذا يا اخى ليس لة الا ثفسير واحد وواحد فقط وهو ان هذا النصر العظيم والرائع لم يتم بعقول مصرية وهذا محض افتراء ..اخى حجازى ساتجاوز هذا التساؤل وسافترض حسن النية الا اننى يجب ان اوضح ان نصر اكتوبر العظيم كان جرس انذار شديد اللهجة للغرب وما يمكن ان تكون علية مصر وبالتالى الأمة العربية اذا ما تم استثمار هذا النصر المبين على الوجة الأمثل واستشعروا الخطر مبكرا وبدءوا التخطيط لضرب مصر من الداخل والخارج ولكن ليس عسكريا هذة المرة ولكن بكل الوسائل منها الأقتصادية على سبيل المثال وكلنا يعلم ان الأقتصاد هو السند الأكبر للسياسة والدولة التى بها اقتصاد قوى ثستطيع ان تملى ما تريد ..عزيزى نتيجة الظروف الأقتصادية التى كانت تمر بها مصر والتى اقل ما توصف بها انها كانت صعبة جدا فكانت الهجرة التى لم يسبق لها مثيل الى دول الخليج على وجة الخصوص جريا وراء لقمة العيش والحياة الكريمة وحدث ما حدث من فراغ قى السوق المصرية وانحسار الأنتاج الزراعى بصورة رهيبة نتيجة لهجرة المزارعون الى الخارج وما حدث فى الزراعة حدث مثلة فى التعليم والطب والهندسة والخدمات ولك ان تتخيل مصر فى تلك الفترة التى اعقبت حرب اكتوبر وقد هجرها خيرة ابنائها وهو ما اثر كثيرا وانعكس بالسلب على كل مناحى الحياة وخاصة الأجتماعية والثقافية..لقد اسرع الغرب فى استثمار هذة الظروف الصعبة التى تمر بها مصر بالأشتراك مع اعوانها داخل وخارج مصر فى محاولة تحجيم وتصغير دور مصر ولو مرحليا فمصر قد تمرض ولكنها لا ولن تموت وحقا لقد صدقت المقولة اللهم احمنى من اصدقائى اما اعدائى فانا كفيل بهم وتقبل منى تحياتى وتمنياتى لك بالنجاح والتوفيق فيق فى بلاد الغربة اخوك........ارمندو

نور الصباح
06/11/2010, 08h45
الأخـــــــــوة الأحــــــباء والأصدقــــــــــاء الأعــــــــزاء
الأخ الحبيب والصديـــــق الكريــــــم الأســـــــــــتاذ /
عـــــــــــــــــــــــــادل بــاشـــا صموئـــــــــــــــــــــيل
أعضــــــــــــــــــاء ومشـــرفى المنتدى الأجـــــــــــــــــــــلاء
سلام الله عليكم ورحمته وبركاته
وبعـــــــــــــــــــــــــــــــــــــــد :
بصراحــــــة الأســـــــــــتاذ
نيقــــــــــــــــــــــــــــــــــــــــــولا مرجـــــــــــــــــــــــــــــــــــيه
زعلان وواخد عـــــلى خــــاطره منذ فتــــــرة كبيـــــرة لســـبب خطأ
أخطأه أحــــد الأعضـاء ( دون قصـد منه ) فقـد أســـــاء التعبير مما
أغضب الأســــتاذ وقد حاولت الإعتـذار نيابــة عن الأخت الفاضــــلة
( ريماس الألمــــاس ) وقامت الأخت الفاضــــلة بالإعــــــتذار أيضا
كما حاولت مداعبــــته ولكنــــه تجاهل مداعبــتى له مرارا
واعتذرت له من عـلى هـــــــــذا المنبر الفنى وكذلك اعتــــذرت له
فى عقر داره ( منتــــــدى زريـــــــــاب ) وللأسف الشديد لم يتقبل
العــــــذر والاعــــــتذار علما بأن الرسول الكريم ســــــــــــــيدنا
( محمد - صلى الله عليه وسلم ) أمرنـــــــا أن نلتمس لإخوانـــــنا
العذر - وإن لم يكن له عذر -
والآن يقـوم هـو بدخــول المنتدى مدة ويعاود الخروج دون مشــــــــاركة
ولا أعـلم مـا ذا أفعـــــل لمرضـــــاته
وعلى رأى المثــــل ( غلب حمـــــــارى ) وعلى رأى الســـــت
( أم كلثــــــوم ) غلبت أصـــــــالح فى روحــــــــى
علما بأنـــه يرد على مشــــــاركاتى فى ( زريــــــــاب )
وشكرررررررررررررررررررررررررررررررررررررررررررا
أخوكــــم ( نور الصباح )

Anitta
06/11/2010, 14h39
ارجوا ايجاد نوت قضية عم احمد لعمر خيرت بس تكون مبسطة وبدون مصاحبة انا عندي الاصلية بس محتاجة اعرف المبسطة الاول وشكرا
الأخت العزيزة انيتا
ممكن تاخدى من النوتة اللى عندك اللحن الاساسى وتسيبى الباقى
عادل صموئيل لأن من الصعب تدوين نوتة موزعة

samy130
06/11/2010, 23h03
السلام عليكم

أنا اريد هذه الاغنيات من الاستاذ عادل

أقبل الليل , لا يا حبيبى , حديث الروح وهى من الحان السنباطى لام كلثوم

ايضا اغنية على قد ما حبينا ,غناها على الحجار وهى من الحان الاستاذ بليغ حمدى

وأغنية عود ,لأحمد الحجار

واغنية آه لو قابلتك من زمان ,لوردة وألحان بليغ

ايضا ياريت يا أستاذ عادل ان تكمل اغنية اسال روحك ,لانها غير كاملة

samy130
06/11/2010, 23h30
وأيضا اغنية مداح القمر لعبد الحليم وبليغ

عاصم المنشاوى
07/11/2010, 10h06
الأصدقاء
اغنية "مصر التى فى خاطرى"....أو (صوت الوطن)كلمات /احمد رامى...وألحان/رياض السنباطى...
من اروع الأغانى الوطنية...وكان نفسى حد يدونها ...وهاهو استاذنا يدونها لنا....وهى ليها قصة ان لما قامت (الثورة -الأنقلاب العسكرى-الحركة المباركة_حركة الضباط فى 23 يوليو)واختار ياصديقى أى مسمى يعجبك...كان فيه وضع جديد.... الوضع بيقول ان فيه ناس جديدة فى الحكم ,وفيه ملك اصبح فى خبر كان ...بس ممكن يرجع تانى ...وهنا ياعينى على الفنانين...كان الله فى عونهم ...كل واحد لازم يحدد موقفه -ملك ....ولا كتابة-...معانا ولا علينا؟؟؟؟...والكل يعلم مدى حب الناس للفنانين ...وكيف انه على كل حاكم ان يستفيد من شعبيتهم لتأييد حكمه...وهنا أهمية ذكاء الفنان...ف الفنان مش موهبة ودراسة وبس...ولكن لكى بستمر ....هنا الشرط المهم هو الذكاء وأستشراف الأمور...اتجهت الأنظار الى أكثرهم ذكاء وأشطرهم (عبد الوهاب وأم كلثوم) .عشان باقى الفنانين يقلدوهم ويمشوا وراهم..والأتنين لديهم مشكلة كبيرة مع (العهد البائد- النظام السابق-الملك فاروق-ايام الملكية والليبرالية) وبرضو اختار ياصديقى المسمى اللى يعجبك...فصاحبنا محمد عبد الوهاب هو مطرب الملوك والأمراء...والست أم كلثوم حاصلة على نيشان الكمال وهى صاحبة لقب "صاحبة العصمة"...الأول غنى للفاروق فى أغنية "الفن " مين رعاه غير الفاروق مولاه...والست غنت له حبيبى يسعد أوقاته .....وغيرها .وهنا يأتى ذكاء الفنان الذى استشرف وقرأ المستقبل وايقن انه لا عودة للملك ...وأن الجيش جاء للحكم ليبقى ولن يعود لثكناته العسكرية...وهكذا ولدت اغنية "مصر التى " فى عام 1952 بعد منع أغانى أم كلثوم من الأذاعة المصرية .لأنها تبع الملك..كعربون محبة او بداية عهد جديد واسمع لكلماتها "أحبها للموقف الجليل لشعبها وجيشها النبيل"...الى أن تدخل جمال عبد الناصر وأمر بأذاعة أغانيها ...لأنه من الحماقة ان تخسر شعبية أم كلثوم...ولماذا لايتم الأستفادة منها فى دعم شعبيته ....وقد كان....كان الله فى عون الفنان....لو مش ذكى...

كل الشكر لأستاذنا / عادل صمويل الذى أجتذب بفضل موهبته وطولة باله وكرمه ...أجتذب لنا فراشات جميلة اضفت على صفحة "طلبات نوت" جوا من الرقة والنعومة..اقصد العضوات من الجنس اللطيف...جوليانا...انيتا...ابتسام عباس...غادة عبد الرحيم...وياسمين الشام ...وعبير الروح...فأهلا بكن وبكل نون النسوة
الأخ العزيز عاصم
اشكرك على التأريخ الجميل وكلامتك الجميلة
المعروف ان الفنان الل بيحب بلده لازم يعمل كل مافى جهده انه يحافظ على امن الوطن وسلامته واحتياج الوطن لإيه بالتحديد فى اى وقت , يعنى انت مثلا لو ايام الملك فاروق بتلاقى كل وسائل الإعلام ساعتها بتمدح فى الملك ومدح ايه يعنى اقصى ما يخطر على بالك من المدح وده شىء طبيعى لأن لو حد قال غير كده حاتتقطم رقبته , بعدين جه عهد عبد الناصر كانت السياسة العامة سب الملك ووصفه بالطاغية ومدح الثورة , وهنا طالما الثورة قامت ونظام الحكم اتغير المفروض اننا نحافظ على امن الوطن بإننا نبقى مع الحاكم الجديد ونؤيده عشان نسيبه يصلح الأشياء اللى بيقول عليها لو وقفنا ضده حانخلق له مشاكل داخلية حايبقى قدام مصيبتين اولهما خطة اصلاح ما افسده من قبله والمشاكل الداخلية اللى حانعملها له والإتنين مع بعض ممكن يخربوا الوطن والحاكم مش حايقدر يعمل اى حاجة او يحل اى مشكلة والنتيجة المشاكل حاتزيد اكتر , وانت ذكرت اااالحركة المتخلفة اللى عملها احد ضباط قيادة الثورة لما عينوه رقيب على الإذاعة واول شىء من حقده على الملك انه اوقف اذاعة اغانى ام كلثوم , ودى جريمة فى حق تاريخ مصر كلها ككل , لأن ام كلثوم هى مصر وكبر المصيبة فى حاجة تانية انبهكم لها ان سنة 1952 ما كانش جهاز التسجيل المنزلى ( الى مالى كل بيت اليوم ) ظهر يعنى كان الناس بتسمع ام كلثوم من خلال محطتتين اذاعة فقط هنا البرنامج العام وصوت العرب ومعنى انك تمنع اذاعة اغانى ام كلثوم من الإذاعة انك دفنت ام كلثوم وطبعا لما تكون ام كلثوم مغضوب عليها من الحكومة مش حاتقدر تغنى فى حفلات ولا تكمل مشوارها الفنى , والمهم ان ربنا خلى عبد الناصر يكتشف الموضوع بسرعة وجاب الظابط المتخلف ده وهزأه قال له عايزك تاخد كتيبة كبيرة وتروح تهد هرم خوفو الظابط انصعق وقال له ليه ياريس عبد الناصر قال عشان خوفو كان ابن كلب وطاغية وبنى الهرم بالسخرة , فالظابط قال له الهرم ده ملك مصر ياريس وخوفو مات من زمان لكن الهرم بكل عظمته فضل , عبد الناصر قال له وام كلثوم هى هرم مصر المعاصر , والنهاردة شوف انجازات ام كلثوم من 1952 لحد ماتوفاها الله كام نشيد اعجازى وكان اغنية دينية غير طبعا اغانيها العاطفية , وفيه حاجة المتخلفين مش بيفكروا فيها , يعنى عشان مااطولش عليكم وارجع لأيام المقوقس وقراقوش اقول من ايام محمد على اول ما محمد على حكم ومصر وثبت على عرش مصر ( كلمة ثبت يعنى ايامها كان ممكن واحد يقعد على عرش مصر وييجى واد اقوى منه يرنه علقة ويشيله ويقعد مطرحه ) فاول ما محمد على اترستق على عرش مصر كان كل المغنيين والمطربين لازم يغنوا له بالذوق او بالعافية وحتى خطباء المساجد لازم يدعوا له علناً فى الصلاه , ولو خطيب المسجد بتاع الدقى ولا الزمالك مثلا طنش ( بمزاجه او كان قاصد ) انه يدعى للباب العالى المعظم افندينا كان تانى يوم يتنقل من الزمالك اللى هى حتة الجاتوه بتاعة القاهرة لزاوية فى اصغر قرية فى دشنا عشان يربوه وبعده الخديوى اسماعيل وسعيد الخ ....
وانا طبعا اعتز جداً بكل اعضاء المنتدى وبالذات اعضاء هذه الصفحة والأخوات العزيزات ...جوليانا...انيتا...ابتسام عباس...غادة عبد الرحيم...وياسمين الشام ...وعبير الروح وكتير غيرهم مع الأسف مش بيدخلوا من مده انهم مش اسماء ولكن لهم قيمة كبيرة جدا يعنى هم مدرسات موسيقى مجتهدين وكل واحدة منهم ممكن تطلع جيل جميل يحب الموسيقى لما يشوف مدرسته شاطرة ويحب يبقى زيها وثانيا لأنهم من النوع اللى بيخليلنى اعطى كل ما املك موسيقاً لأنى بلاقى حد بيستجيب , يعنى انا كانت مشكلتى فى الخدمة ان معظم المدرسات اللى بتعامل معاهم موظفين يعنى مش عايزين يشتغلوا او حتى لو عملوا حفلة بالإكراه بتطلع زى النيلة لأن هم حافظين ااربع اغانى او اناشيد تافهة وبيعملوهم خمستاشر تسعتاشر مرة فى السنة , والأخوات العزيزات مش كلهممدرسات موسيقى فيه منهم هواة , والهاوى ده اغلى كمان لأنها ممكن تنشى جيل من اولادها بيحب الفن الجميل يعنى المهم استمرار زمن الفن الجميل يعنى تخيل حضرتك لما مدرسة تطلب منى ذهب الليل ومدرسة تانية تطلب مصر التى فى خاطرى طبعا بحس ان التانية عايزة تتعب وتعمل شغل مستواه عالى ,
مع اطيب تحياتى

عادل صموئيل
07/11/2010, 13h45
احبائى
اقدم لتلميذتى المجتهدة انيتا
الجمل الموسيقية الثلاثة الأساسية من موسيقى قضية عم احمد لعمر خيرت
يعنى انا مش بحب اكتب النوع الحديث من الموسيقى لأنى بحس انها تتسمع بس لأن التوزيع بيغطى على اللحن الأساسى اولا وثانياً انك انت بتبقى سامع عشر اصوات وانت بتعزف آلة واحدة فى نفس الوقت يعنى بتعزف صوت واحد منهم واللى بيسمع بيحس اللحن فاضى من غير الزحمة اللى فيه بعكس مثلا لما تعزف اغنية من بتوع زمان ممكن بآلة واحدة تعزف اللحن كله وبتكون مشبع للسامع
وفيه مشكلة خطيرة فى الموسيقى والاغانى الحديثة , فى الأغانى بتاعة الزمن الجميل انا كمدون موسيقى محترف المفروض لما بسمع اللحن اهم شىء اللحن يكون صريح يعنى ايه صريح : يعنى من اول جملة انا لازم احس ان الللحن بياتى او نهاوند مثلا وبسرعة انا لازم احس ان الميزان 4/4 مثلا لأن اول شىء انا بكتب الاميزان والدليل
بعدين الصراحة فى اللحن ان طول ما انا بسمع ابقى سامع ان النغمة دى مى بيمول او سى ناتورال بما لايدع مجال للشك عشان اكتب وانا مستريح , لن الراحة هنا معناها انى اقعد نص ساعة اكتب كوبليه او مثلا صفحة ونص , اما الموسيقى الحديثة والاغانى الحديثة بيبقى اللحن مش صريح يعنى بيراوغ , هنا فى السطر الثالث الجملة بتاعة القانون
هى المفروض انها جملة سهلة جدا جدا لكن هو مشخلعها الشغلعة اللى فيها دى طلعت روحى بس لازم اكتبها لن اللحن كده يعنى ماينفعش اكتبها سادة من غير الشخلعة لأن الناس سمعوها كده , المشكلة اى سامع سى بيمول مثلا اكتبها انتم عارفين ان الكمبيوتر ممن بعد ما اكتب كل مازورة بضغط على المسطرة اسمع المازورة , طبعا بيساعدنى كتير جدا جدا فى الألحان الغربية ( او اللى مافيهاش نغمات شرقية لأن الكمبيوتر مش بيغنى النغمة الشرقية وبعتمد على عينى اكتر انى اراجع النوتة ) المهم ان الكمبيوتر بيغنى اللى انا كتبته اسمع الاقى حاجة تانى ارجع للتسجيل الاقيها سى بيمول ارجع للى كتبته الاقى مش مظبوط , طبعا مفيش عفريت ولا حد عامل لى عمل ومخبيه فى صباع رجل نملة , ولكن عدم الصراحة فى التوزيع الحديث يعنى النغمة الأصلية سى بيمول بجد بيحط تحتها كذا نغمة بتخلى النغمة مش صريحة زى مثلاً فى الألوان فيه لون احمر لو جه عليه ابيض بيبقى بمبى , او ازرق على اصفر يبقى اخضر , المشكلة لو اللون التانى يبقى مش كفاية بيطلع الوان غريبة مالهاش اسم يعنى بتسمع مثلا فستقى او فحلقى او تركواز او شانجاه
دى ممكن تبقى حلوة لما تشترى بلوزة صوف مستورد شيك يعنى ممكن تبقى اناقة , لكن فى الموسيقى انك تشك النغمة دى ايه دى مصيبة يعنى بتطلع جيل اذنه الموسيقية تالفة , يعنى انا شخصيا زمان من 35 سنة سنة كان بيجى لى طالب يقول انا بغنى يا استاذ ممكن تسمعنى الاقيه حلو وفيه كتير حلوين يعنى بيغنى لى حتة عبد الوهاب حتة عبدالحليم وكده ,
طبعا لما بيسمع عبدالوهاب بتبقى النغمات صرريحة يعنى ال سى سى والمى بيمول مى بيمول وبتتربى اذن المستمع على النغمات الصحية , النهاردة لو جه واحد يقول لى نفس الكلام عارفين طبعا حا يغنى لى ايه حاجة لتامر دياب او عمروحسنى ( الأسامى مش تفرق لأن كلهم زى بعض بيتساووا فى الخيابة وماحدش منهم عمل حاجة بقرش يفتكروه بيها بعد ما يموت زى اقل مطرب زمان ) طبعا اللى بيغنى اغنية لتامر طبعا تامر دى بيقول اصلا ال لا بيمول خاسسة يعنى نغماته اصلا مش مضبوطة طبعا اللى حايقلده حا تنقص كمان يعنى بيعلموا الشباب الخيابة بعكس العمالقة كانوا بيعلموا الناس فن , كفاية عليكم كده فاصل ونعود
مع اطيب تحياتى

وائل علوي
07/11/2010, 13h56
استاذ عادل بعد التحية
اخبارك ايه؟
واخبار فكروني معاك ايه؟؟؟؟؟
اخر مرة قلت انك حطيتها على سطح المكتب عشان تكملها
اتمنى متنسهاش لان مثل هذه الاغاني الخالدة في رايي المتواضع اهم واجدر بان توثق
مع اخلص وارق تحياتي

samy130
07/11/2010, 14h24
السلام عليكم

أنا اريد هذه الاغنيات من الاستاذ عادل

أقبل الليل , لا يا حبيبى , حديث الروح وهى من الحان السنباطى لام كلثوم

و أغدا القاك ,لعبد الوهاب

ايضا اغنية على قد ما حبينا ,غناها على الحجار وهى من الحان الاستاذ بليغ حمدى

وأغنية عود ,لأحمد الحجار

واغنية آه لو قابلتك من زمان ,لوردة وألحان بليغ

اغنية مداح القمر لعبد الحليم ,واغنية جبار ولا يهمنى توزيعات هذه الغنية لانى أعزف عوود لذلك يكفينى غناء الكوبليهات دون الفواصل الموسيقية .


ايضا ياريت يا أستاذ عادل ان تكمل اغنية اسال روحك ,لانها غير كاملة

samy130
07/11/2010, 14h30
السلام عليكم

أنا اريد هذه الاغنيات من الاستاذ عادل

أقبل الليل , لا يا حبيبى , حديث الروح وهى من الحان السنباطى لام كلثوم

و أغدا القاك ,لعبد الوهاب

ايضا اغنية على قد ما حبينا ,غناها على الحجار وهى من الحان الاستاذ بليغ حمدى

وأغنية عود ,لأحمد الحجار

واغنية آه لو قابلتك من زمان ,لوردة وألحان بليغ

اغنية مداح القمر لعبد الحليم ,واغنية جبار ولا يهمنى توزيعات هذه الغنية لانى أعزف عوود لذلك يكفينى غناء الكوبليهات دون الفواصل الموسيقية .


ايضا ياريت يا أستاذ عادل ان تكمل اغنية اسال روحك ,لانها غير كاملة

عزت شحاته
07/11/2010, 17h13
استازى الجميل/ عادل صموئيل
اعمل ايه كل ما الاقى حاجه حلوه تنفع شغل ..(وتنفع زمايلنا المدرسين المجتهدين ) .. اتجنن واتهبل واقعد اتخيل .. -.. لما تكون فقره حلوه فى حفله .. شكلها يبقى ازاى ؟ .. وممكن اضيف ايه اكسسوار .. وممكن فى الخلفيه على شاشة العرض اعرض ايه ؟ .. وممكن افتكس دخله ايقاع جديده غير متوقعه ..
او اى بصمه خاصه باحساس خاص ..
من الحاجات الحلوه اغنية ( حلاوة شمسنا ) للثلاثى المرح .. رحاء النوته

armendo
07/11/2010, 18h12
استازى الجميل/ عادل صموئيل
اعمل ايه كل ما الاقى حاجه حلوه تنفع شغل ..(وتنفع زمايلنا المدرسين المجتهدين ) .. اتجنن واتهبل واقعد اتخيل .. -.. لما تكون فقره حلوه فى حفله .. شكلها يبقى ازاى ؟ .. وممكن اضيف ايه اكسسوار .. وممكن فى الخلفيه على شاشة العرض اعرض ايه ؟ .. وممكن افتكس دخله ايقاع جديده غير متوقعه ..
او اى بصمه خاصه باحساس خاص ..
من الحاجات الحلوه اغنية ( حلاوة شمسنا ) للثلاثى المرح .. رحاء النوته

اللة عليك يا عم عزت وعلى ذوقك ومزاجك اختياراتك دايما فى الجون اخوك.......ارمندو

slimanaa
07/11/2010, 18h49
استاذ عادل بعد التحية
اخبارك ايه؟
واخبار فكروني معاك ايه؟؟؟؟؟
اخر مرة قلت انك حطيتها على سطح المكتب عشان تكملها
اتمنى متنسهاش لان مثل هذه الاغاني الخالدة في رايي المتواضع اهم واجدر بان توثق
مع اخلص وارق تحياتي

وانا كمان بظم صوتي لصوت اخي وائل ويا ريت بقى يا استاذ عادل تكملها تدوين لانها ظروريه ومهمه ...
مع اطيب التحيات اخوكم سليمان...:hi:

اخوتى الأحباء
ما تخافوش فكرونى فى الخطة الحالية بس المشكلة انى محتاج وفت فراغ شوية مش لكتابة النوتة ولكن للتخطيط والهندسة فى كتابة النوتة , يعنى فكرونى فى الجزء المتبقى فيها ادليب كتير جدا , والأدليب بيحتاج منى انى افكر فيه ازاى اكتبه هل على ميزان ولا فالت طبعا كل ده عشانكم انها تبقى سهلة , يعنى ممكن اكتبها اليوم تطلع صعبة وممكن افكر فيها كتير الاقى فكرة تخليها سهلة دى بس المشكلة , لن الأدليب كما قلت من قبل بيبقى استرشادى يعنى لازم انت تكون حافظ الأغنية جدا وانا بديك مفاتيح الجمل الموسيقية , لأنك سهل تعزف جملة على ميزان عمرك ما سمعتها , لكن صعب تعزف ادليب انت مش حافظه اصلا , يعنى انا لو كتبت ادليب واديته لأحسن عازف بس يكون ما سمعوش من قبل حايعزفه مش مضبوط , ليه ؟ لأن الجملة الموزونة بتبقى متحددة حسابيا بمعنى انك لو شفت نوار بتبقى محددة نوار ولو نوار منقوط او بوانتيه بيبقى محدد بزمن واحد ونصف يعنى الجملة الموزونة انت بتقراها حسابيا وهى كده مظبوطة , لكن خطورة الأدليب ان النوار ممكن تكون اطول او اقصر او فيه سكتات او وفواصل بين الكلمات يعنى مفيش مدون فى العالم يقدر يكتب الأدليب كما بتسمعه وحتى لو كتبه ماحدش حايعرف يقراه , حتى انت لو جبت عشر مدونين ودونوا جملة ادليب واحدة حتلاقى كل واحد مدون التفعيلات بشكل كما هو حاسسها بس انا عندى ميزة مهمة يعنى انى حافظ الاغانى دى صم من اول ماطلعت وعزفتها مئات المرات يعنى الجملة اللى حاكتبها بغنيها مع نفسى كذا مرة عشان اكتب لكم اقصى ما يمكن انها توصل لكم
مع اطيب تحياتى عادل صموئيل

الشرقاوي3
07/11/2010, 19h18
استاذي الفاضل الاستاذ عادل صموئيل مساء الخير وبشكرك جدا جدا على اعطائي الدرس الاول وهو اكتشاف ان كان انا عندي الاذن الحساسة دي ام لا؟ وطبعا انشاءالله سوف اتبع الخطوات الي حضرتك شرحتها مشكورا ، ولكن بعد اذنك سؤال صغير قبل ان اباشر في اختبار نفسي ان صح التعبير وهو هل هناك مانع بالاستعانة بألة العود مثلا ام فقط بسماعي للجملة وتحديد نغمتها بدون استعانة بالالة الموسيقية . عشان انا عاوز اتحقق من الموضوع واكون دقيق في اكتشاف هذا ولك جزيل الشكر استاذي وربنا يسعدك ويخليك لنا ذخرا يارب.
تلميذك الشرقاوي
اخى العزيز
طبعا لابد ان تستعين بأى آلة موسيقية لأن خاصية تتبع النغمات او معرفة اسماء النغمات فى الحملة التى تسمعها من خصائص الخبراء فقط , لكن المبتدئين لابد ان يكون معهم ما يرشدهم
مع اطيب تحياتى وانا متابع معاك ومع كل من يحب ان يعمل اللى عايز تعمله
عادل صموئيل
الاستاذ الفاضل عادل صموئيل المحترم تحية طيبة ومساء الخير استاذي وبعد:
انا اود الاول اقول لحضرتك الدرس الكبير في معناه والقصير في كلماته الدرس ده خلاني اسمع بطريقة مختلفة خالص عن الاول وبدأت اركز على النغم اكثر وبطريقة مختلفة عن الاول وانا اتقدم لك بجزيل الشكر وايضا انا بعتذر على التأخير لان لما قلت لي اختار جملة اكون حافظها من اغنية بسيطة احترت وهو ده الي اخرني وايضا انا بسأل عادل صموئيل مش اي حد تاني ، ولكن انا حاولت في اغنية يمكن تكون صعبة علي كمبتدىء ولكن انشاءالله اكون بدأت بداية جيده وطبعا الحكم لاستاذنا الفاضل .
انا حاولت في الجملة الاولى من مقدمة الاغنية بعد الايقاع . وسوف احاول رفع الاغنية واذا لم استطع رفعها الان، غدا انشاءالله يكون النت افضل وارفعها سيدي. والحروف للجملة هذه انا سمعتها هكذا: دودو فا فافا فامي فا مي ري فا مي ري مي فا صول فا مي فا ري . والمي هي نصف بيمول

وانشاءالله اكون وفقت وانا متأكد من خبرة حضرتك بحيث تفهم كل كلمة قلتها وانا معرفتش اعبر عنها كويس بس انت بخبرتك اكيد تدرك ماذا اقصد وشكرا لك استاذي المايسترو الكبير الجميل جدا جدا.
تلميذك الشرقاوي

ملاحظة: انا استاذي اول محاولة لي من هذا النوع على الاطلاق.

اخى العزيز
انا انصحك ابتدى باغنية مصرية اولا ( مش عنصرية منى ) ولكن الموسيقى الخليجية صعبة فى الايقاعات وفى التركيبة اللحنية للجملة الموسيقية نفسها لكن المصرى القديم بتكون الجملة اسهل بعدها اشتغل على االاغانى الخليجية حتكون حتى خبرتك صارت اكثر
مع اطيب تحياتى عادل صموئيل
استاذ عادل اشكرك على الاستجابة السريعة جدا جدا ، وهو كذلك وانا اصلا بحب الموسيقى المصرية جدا وحبذا لو ترشح لي اغنية معينة وحكون شاكر جدا استاذي الغالي ولك مني كل التحية. (انت اخر واحد ممكن يكون عنصري).
تلميذك الشرقاوي.

عادل صموئيل
08/11/2010, 07h03
اخوتى الأحباء
بناء على طلب الأخت الفاضلة غادة عبد الرحيم اقدم لكم نوتة من اروع اناشيد محمد عبد الوهاب الوطنية
طول ما املى معايا او ( حى على الفلاح )
وانا اكرر تقديرى للمدرسين اللى بيطلبوا الحاجات الجميلة والصعبة دى عشان ينفذوها فى مدارسهم لأنها اولا احياء لأغانى الزمن الجميل التى لن تعوض وثانياً عشان الطلبة ( اللى حايغنوا او يعزفوا او حتى اللى حايسمعوا ) يحسوا ان فيه كنوز عندنا المفروض يسمعوها ويحسوا بيها وان مش الدنيا كلها هى الأغانى اللى بتتعمل دلوقتى
ولما نتكلم عن النشيد ده نلاحظ ان كل عمل عظيم مكن نتكلم عنه كتير او ممكن يكون له قصة , يعنى العمل ده مش لحن طلع وخلاص يعنى الحان دلوقتى واحد كتب كلمات اى حاجة وواحد لحنها اى حاجة واتسجلت وخلصت , انا شخصيا حضرت كل الاعمال العظيمة اللى اتعملت من اول سنة 1970 , لكن زملائى فى الفرقة المسية واللى كانوا اكبر منى بتلاتين سنة حضروا كل الاعمال اللى قبل كده وكنت بقعد معاهم اخليهم يسترجعوا الذكريات ويحكوا لى القصص الغريبة اللى مرت عليهم , وكمان تعاملى المباشر مع كل الملحنين العمالقة خلانى ممكن استكشف قصة لحن او الشىء الغريب اللى فيه بمجرد ما اسمعه , واللحن ده انا من السمع بس اكتشفت الإعجاز اللى فيه , يعنى عبد الوهاب كان مش بيلحن وخلاص ولكن لازم يبتكر فكرة غريبة وجديدة ويحطها فى كل لحن , والفكرة الغريبة هنا او الصاعقة انه فكر يختار مقام الصبا ويحطه فى نشيد وطنى وايه كمان نشيد حماسى , يعنى حاجة فوق التخيل لسبب ان مقام الصبا مقام اكتر مقام حزين فى الموسيقى العربية , بمعنى لو عايز المستمع يبكى قسم له شوية صبا , وتانى فكرة عبقرية فكر فيها انه ما استعملش المقام فى مكانه الطبيعى على الدوكاه لأنه هنا حايكون حزين اوى بطبيعته , وضع مقام الصبا على النواة عشان يبقى حارق , يعنى الشىء الحزين حط عليه شوية شطة عشان ما يفقدش الطابع بتاع النشيد انه حماسى ,
ولما تسمع اللحن انا اكتشفت حاجة الكورال نكهتهم مش نكهة كورالنا فى مصر ( واللى كنت بشوفهم واسمعهم كل يوم وحافظهم وحافظ صوتهم واحد واحد , لما تسمع الكورال افتكرت اغنية فيروز وصوت الرجال وهو بيردوا عليها فى اغنية راجعين ياهوا , وقلت آه هم دول بتوع فيروز , واكتشفت مع نفسى ان الاغنية دى متسجلة فى لبنان على فرقة فيروز وبالطبع التوزيع للأخوين رحبانى من حاجات خفيفة او لمسات فى وسط اللحن ما حدش بيعملها غير الأخوين رحبانى كان اكتشفت وسط اللحن كام دوم وكام تك ودول ما حدش بيعملهم غير حسن انور فقط , اكتشفت انه ممكن يكون استدعى حسن انور لبنان عشان يسجل معاه اللحن , يعنى مش كولمبس بس اللى بيكتشف , ولما الكورال بيعيد جملته فيه آهات ودى نكهة لبنانية خالص تحس الجزء ده من الحنجرة الصوتية مش بنستعمله ف مصر تحس فيه نكهة اشجار الأرز ورائحة حقول التفاح بتاعة لبنان
اهمشىء لما نيجى للنوتة اول سطر ده اللحن الأساسى وتانى سطر ده التوزيع اللى عليه , يعنى انت لما تنفذ اللحن ممكن تعزف اول سطر وتحط معاه التوزيع لو توافر لك آلات مع بعض ولكن لو على آلة واحدة انت ممكن تعزف السطرين ورابعض لأن التوزيع جملة جميلة جدا انا بحب اعزفها لوحدها , وده درس خطير خطير للى بيعكوا اليومين دول ويقولوا توزيع وهو بيلطسوا الألحان , يعنى التوزيع لازم يكون جملة لحنية جميلة مش نغمات ورا بعض لا لحن او شكل لها , وكمان شوف التوزيع اد ايه يعنى فى جزء صغير من اللحن مش ما اول اللاحن لآخره لنك حاتشتت المستمع عن الجمل الأصلية الجميلة جدا لو حدها من غير اى شىء معاها و يوجد فى رابع سطر تالت مازورة جملة صغيرة ديول العلامات من تحت , ده توزيع على غناء الكورال , انت مش ملزم تعزفه إلا لو عندك كورال شاطر ما يتلخبطش لما يسمع حاجة غريبة وهو بيغنى , وعموما انا ما احبش اقفل على المواضيع , يعنى بعد ما كورالك يحفظ اوى جرب تعزف الجملة دى لو ما اتلخبطوش اعمل اللى تشوفه ,
طبعا انا آسف للإطالة يعنى انا مش قلت تنويه عن اللحن ولكن قلت محاضرة لكن بجد اللحن الواحد بيحتاج الواحد يكتب عنه كتاب مش كده ولا ايه ؟
مع اطيب تحياتى وورونى شطارتكم عشان افرح بيكم

غادة عبد الرحيم
08/11/2010, 11h27
اخوتى الأحباء
بناء على طلب الأخت الفاضلة غادة عبد الرحيم اقدم لكم نوتة من اروع اناشيد محمد عبد الوهاب الوطنية
طول ما املى معايا او ( حى على الفلاح )
وانا اكرر تقديرى للمدرسين اللى بيطلبوا الحاجات الجميلة والصعبة دى عشان ينفذوها فى مدارسهم لأنها اولا احياء لأغانى الزمن الجميل التى لن تعوض وثانياً عشان الطلبة ( اللى حايغنوا او يعزفوا او حتى اللى حايسمعوا ) يحسوا ان فيه كنوز عندنا المفروض يسمعوها ويحسوا بيها وان مش الدنيا كلها هى الأغانى اللى بتتعمل دلوقتى
ولما نتكلم عن النشيد ده نلاحظ ان كل عمل عظيم مكن نتكلم عنه كتير او ممكن يكون له قصة , يعنى العمل ده مش لحن طلع وخلاص يعنى الحان دلوقتى واحد كتب كلمات اى حاجة وواحد لحنها اى حاجة واتسجلت وخلصت , انا شخصيا حضرت كل الاعمال العظيمة اللى اتعملت من اول سنة 1970 , لكن زملائى فى الفرقة المسية واللى كانوا اكبر منى بتلاتين سنة حضروا كل الاعمال اللى قبل كده وكنت بقعد معاهم اخليهم يسترجعوا الذكريات ويحكوا لى القصص الغريبة اللى مرت عليهم , وكمان تعاملى المباشر مع كل الملحنين العمالقة خلانى ممكن استكشف قصة لحن او الشىء الغريب اللى فيه بمجرد ما اسمعه , واللحن ده انا من السمع بس اكتشفت الإعجاز اللى فيه , يعنى عبد الوهاب كان مش بيلحن وخلاص ولكن لازم يبتكر فكرة غريبة وجديدة ويحطها فى كل لحن , والفكرة الغريبة هنا او الصاعقة انه فكر يختار مقام الصبا ويحطه فى نشيد وطنى وايه كمان نشيد حماسى , يعنى حاجة فوق التخيل لسبب ان مقام الصبا مقام اكتر مقام حزين فى الموسيقى العربية , بمعنى لو عايز المستمع يبكى قسم له شوية صبا , وتانى فكرة عبقرية فكر فيها انه ما استعملش المقام فى مكانه الطبيعى على الدوكاه لأنه هنا حايكون حزين اوى بطبيعته , وضع مقام الصبا على النواة عشان يبقى حارق , يعنى الشىء الحزين حط عليه شوية شطة عشان ما يفقدش الطابع بتاع النشيد انه حماسى ,
ولما تسمع اللحن انا اكتشفت حاجة الكورال نكهتهم مش نكهة كورالنا فى مصر ( واللى كنت بشوفهم واسمعهم كل يوم وحافظهم وحافظ صوتهم واحد واحد , لما تسمع الكورال افتكرت اغنية فيروز وصوت الرجال وهو بيردوا عليها فى اغنية راجعين ياهوا , وقلت آه هم دول بتوع فيروز , واكتشفت مع نفسى ان الاغنية دى متسجلة فى لبنان على فرقة فيروز وبالطبع التوزيع للأخوين رحبانى من حاجات خفيفة او لمسات فى وسط اللحن ما حدش بيعملها غير الأخوين رحبانى كان اكتشفت وسط اللحن كام دوم وكام تك ودول ما حدش بيعملهم غير حسن انور فقط , اكتشفت انه ممكن يكون استدعى حسن انور لبنان عشان يسجل معاه اللحن , يعنى مش كولمبس بس اللى بيكتشف , ولما الكورال بيعيد جملته فيه آهات ودى نكهة لبنانية خالص تحس الجزء ده من الحنجرة الصوتية مش بنستعمله ف مصر تحس فيه نكهة اشجار الأرز ورائحة حقول التفاح بتاعة لبنان
اهمشىء لما نيجى للنوتة اول سطر ده اللحن الأساسى وتانى سطر ده التوزيع اللى عليه , يعنى انت لما تنفذ اللحن ممكن تعزف اول سطر وتحط معاه التوزيع لو توافر لك آلات مع بعض ولكن لو على آلة واحدة انت ممكن تعزف السطرين ورابعض لأن التوزيع جملة جميلة جدا انا بحب اعزفها لوحدها , وده درس خطير خطير للى بيعكوا اليومين دول ويقولوا توزيع وهو بيلطسوا الألحان , يعنى التوزيع لازم يكون جملة لحنية جميلة مش نغمات ورا بعض لا لحن او شكل لها , وكمان شوف التوزيع اد ايه يعنى فى جزء صغير من اللحن مش ما اول اللاحن لآخره لنك حاتشتت المستمع عن الجمل الأصلية الجميلة جدا لو حدها من غير اى شىء معاها و يوجد فى رابع سطر تالت مازورة جملة صغيرة ديول العلامات من تحت , ده توزيع على غناء الكورال , انت مش ملزم تعزفه إلا لو عندك كورال شاطر ما يتلخبطش لما يسمع حاجة غريبة وهو بيغنى , وعموما انا ما احبش اقفل على المواضيع , يعنى بعد ما كورالك يحفظ اوى جرب تعزف الجملة دى لو ما اتلخبطوش اعمل اللى تشوفه ,
طبعا انا آسف للإطالة يعنى انا مش قلت تنويه عن اللحن ولكن قلت محاضرة لكن بجد اللحن الواحد بيحتاج الواحد يكتب عنه كتاب مش كده ولا ايه ؟
مع اطيب تحياتى وورونى شطارتكم عشان افرح بيكم


استاذى الفاضل و المايسترو الكبير / عادل صموئيل
لك منى اطيب التحيات و خالص الشكر لتفضلك بتلبيى طلبى و ان شاء الله أنفذها بشكل يرضى حضرتك و خصوصا بعد هذه المحاضرة المفيدة لى و لكل المدرسين و ياريت حضرتك دايما تمتعنا بمثل هذه المحاضرات حتى نصبح تلامذة المايسترو عادل صموئيل المتميزين عن جد .و أخيرا شكرا يا استاذنا و دمت لنا بخير .
الأخت الفاضلة
اولا الفضل والشكر يرجع ليكى , لأن انا طبعا اى طلب لأغنية من الروائع بيخلينى احس ان اللى طالها انسان متمز وغير عادى واحا انى اقدم لكه كل خبرتى طالما انه حايستثمرها ويزودها , لن اللى انا فيه دلوقتى من خبرة جه من المثابرة والكفاح , يعنى اكيد انا اتولدت صفر فى الخبرة لكن رينا سبحانه وتعالى ادانى شوية موهبة وانا استثمرتها وزودتها , وعندما يصل الفن الراقى الى اعلى مرحلة من الرقى بيبقى من انتاج اللى ققبلى واللى قبلى وبعدين انا واللى بعدى واللى بعد اللى بعدى يعنى سلسلة مستمرة لاتتوقف , اما بخصوص المحاضرة برضه لوا ان اللى بيسمعوا ناس بتفهم جدا ما يبقاش للمحاضرة قيمة واكون بتكلم على الفاضى , وما تنسيش ان لولا ان الموضوع اصلا عظيم ما كانش المحاضرة يبقى لها قيمة , يعنى انتى لو قلت لك اتكلمى عن الهرم مثلا ممكن تتكلمى سنة وما تخلصيِش الموضوع لأنه شىء عظيم واعجازى وممكن تتناوليه من خمسين زاوية , ولو قلت لك اتكلمى مثلا عن خيارة او بطاطساية يكفيها جملة لأن مفيش خيارة متميزة لأنك ممكن تنزلى السوق فى اى لحظة وتشترى عشرين طن خيار , والمقارنة هنا اغانى زمان كل اغنية زى الهرم , لكن اغانى دلوقتى كل اغنية زى الخيار , مثلا انتى لما طلبتى اغنية طول ما املى معايا , كنتى بتطلبى حاجة متميزة زى ماتقولى ميدان التحرير او برج القاهرة , مفيش غير ميدان تحرير واحد وبرج القاهرة واحد , ودى العظمة بتاعة العمالقة ان كل عمل فنى بيعملوه كان له القيمة دى , يعنى ممكن نقول مسميات زى مترو الانفاق والشمس وانت عمرى وامل حياتى ما حدش حايسأل فى الأسماء دى لكن اغانى دلوقتى ممكن اى اغنية توصل للمستوى ده من التفرد ؟
مع اطيب تحياتى

samy130
08/11/2010, 19h56
انا عندى نوتة فكرونى كاملة ان شاء الله . حد عاوزها ؟ بدل ما الاستاذ عادل يكتبها من اول وجديد ؟
الأخ العزيز
ممكن تنزل النوتة دى بأقصى سرعة عشان نشوفها , لو تعجب الأخوة الأعضاء
مع اطيب تحياتى عادل صموئيل

وليد100
08/11/2010, 21h36
السلام عليكم ورحمه الله وبركاته
ممكن تدوين اغنيه ياتري يانسمه للاستاذ محمد عبد الوهاب
وشكرا

sami_eleshmawi
09/11/2010, 09h34
تزداد قيمه الانسان بمدى اهتمامه بالاخرين
لذا اتقدم باحترامى وتقديرى لكل المشاركين بالمنتدى خاصه الاستاذ عادل
واتشرف بتقديم مشاركه متواضعه من تدوينى اتمنى ان تنال الاعجاب مع حبى واحترامى
سامى

sami_eleshmawi
09/11/2010, 09h35
[تزداد قيمه الانسانبمدى اهتمامه بالاخرين
لذا اتقدم باحترامى وتقديرى لكل المشاركين بالمنتدى خاصه الاستاذ عادل
واتشرف بتقديم مشاركه متواضعه من تدوينى اتمنى ان تنال الاعجاب مع حبى واحترامى
سامى

sami_eleshmawi
09/11/2010, 09h36
تزداد قيمه الانسانبمدى اهتمامه بالاخرين
لذا اتقدم باحترامى وتقديرى لكل المشاركين بالمنتدى خاصه الاستاذ عادل
واتشرف بتقديم مشاركه متواضعه من تدوينى اتمنى ان تنال الاعجاب مع حبى واحترامى
سامى

armendo
09/11/2010, 17h26
الصديق العزيز سامى العشماوى..لقد وعدتنى منذ فترةة ليست بالقصيرة ان تدون بعض الأغانى ولكنك لم تفعل لعل المانع خير ان شاء اللة اخوك......ارمندو

sami_eleshmawi
09/11/2010, 18h21
مع مرور الوقت يزداد حبى وتقديرى للاستاذ عادل وذلك لحبه الشديد لمساعده الاخرين وذلك يدل على معدنه النفيس
ويشرفنى المشاركه المتواضعه علها تنال اعجاب الجميع وايفاءا لوعدنا جاه الاساذ ارمندو
اقدم بعض الاهداءات له
مع حبى وتقديرى
سامى العشماوى

sami_eleshmawi
09/11/2010, 18h28
مع مرور الوقت يزداد حبى وتقديرى للاستاذ عادل وذلك لحبه الشديد لمساعده الاخرين وذلك يدل على معدنه النفيس
ويشرفنى المشاركه المتواضعه علها تنال اعجاب الجميع وايفاءا لوعدنا جاه الاساذ ارمندو
اقدم بعض الاهداءات له
مع حبى وتقديرى
سامى العشماوى

sami_eleshmawi
09/11/2010, 18h34
[مع مرور الوقت يزداد حبى وتقديرى للاستاذ عادل وذلك لحبه الشديد لمساعده الاخرين وذلك يدل على معدنه النفيس
ويشرفنى المشاركه المتواضعه علها تنال اعجاب الجميع وايفاءا لوعدنا جاه الاساذ ارمندو
اقدم بعض الاهداءات له
مع حبى وتقديرى
سامى العشماوى

sami_eleshmawi
09/11/2010, 18h37
مع مرور الوقت يزداد حبى وتقديرى للاستاذ عادل وذلك لحبه الشديد لمساعده الاخرين وذلك يدل على معدنه النفيس
ويشرفنى المشاركه المتواضعه علها تنال اعجاب الجميع وايفاءا لوعدنا تجاه الاستاذ ارمندو
اقدم بعض الاهداءات له
مع حبى وتقديرى
سامى العشماوى

sami_eleshmawi
09/11/2010, 18h40
مع مرور الوقت يزداد حبى وتقديرى للاستاذ عادل وذلك لحبه الشديد لمساعده الاخرين وذلك يدل على معدنه النفيس
ويشرفنى المشاركه المتواضعه علها تنال اعجاب الجميع وايفاءا لوعدنا تجاه الاستاذ ارمندو
اقدم بعض الاهداءات له
مع حبى وتقديرى
سامى العشماوى

sami_eleshmawi
09/11/2010, 18h45
مع مرور الوقت يزداد حبى وتقديرى للاستاذ عادل وذلك لحبه الشديد لمساعده الاخرين وذلك يدل على معدنه النفيس
ويشرفنى المشاركه المتواضعه علها تنال اعجاب الجميع وايفاءا لوعدنا جاه الاساذ ارمندو
اقدم بعض الاهداءات له
مع حبى وتقديرى
سامى العشماوى

sami_eleshmawi
09/11/2010, 18h47
مع مرور الوقت يزداد حبى وتقديرى للاستاذ عادل وذلك لحبه الشديد لمساعده الاخرين وذلك يدل على معدنه النفيس
ويشرفنى المشاركه المتواضعه علها تنال اعجاب الجميع وايفاءا لوعدنا تجاه الاستاذ ارمندو
اقدم بعض الاهداءات له
مع حبى وتقديرى
سامى العشماوى

الشرقاوي3
09/11/2010, 19h32
السلام عليكم استاذي عادل صموئيل تحية من الاعماق استاذي واسمح لي بعد اذنك توجهني ، انا حاولت في اغنية الفنانة الراحلة فايزه رحمها الله في اغنية " يامه الامر ع الباب" واتمنى اكون وفقت وطبعا انت استاذي لك الكلمة الاولى والاخيرة واتمنى اكون ماشي صح ، طبعا انا حاولت بالمقدمة وهي جملة صغيرة وانتظر تتفضل برايك وشرحك الذي يتميز بالسهل الممتنع الجميل . وانا حقيقة بحسد تلاميذك عشان انت الي بدرسهم ،
انا سمعتها هكذا استاذي: سي سي سي دو دو دو ري ري ري مي مي مي دو دو سي سي سي دو ري ري ري مي.
طبعا استاذي سي و مي نصف بيمول - و ري مي الاخيرة من الجواب.
انا طبعا استاذي انتظر رايك بعد اذنك واتسائل هل هذا كل ماتحتاجه مؤقتا واقصد بذلك هل الجملة كافية ام تريد اكثر من ذلك. ولك مني فائق الاخترام والتقدير وربنا يسعدك زي ماانت بتسعدنا دائما.
تلميذك الشرقاوي3

اخى العزيز
مع انى مش بحب انوتة بالحروف العربية بس فيه عندك غلط
هى سى سى س دودو دو س سى سى صول وهكذا
يعنى العملية ان شاء الله حاتيجى مش مهم الوقت
مع اطيب تحياتى

وائل علوي
09/11/2010, 22h21
انا عندى نوتة فكرونى كاملة ان شاء الله . حد عاوزها ؟ بدل ما الاستاذ عادل يكتبها من اول وجديد ؟
الأخ العزيز
ممكن تنزل النوتة دى بأقصى سرعة عشان نشوفها , لو تعجب الأخوة الأعضاء
مع اطيب تحياتى عادل صموئيل
احتمال تكون النوتة التي يقصدها الاخ سامي هي هذه
لكنها ليست كاملة يبقى بها اجزاء ناقصة
اخوتى الأحباء
انا بحب آخد بكلام اخى العزيز وائل لسبب مهم انه اولا بيقرأ نوتة كويس وثانيا انه بعزف سماعى يعنى كتير بكون ناسى جملة وهو بيفكرنى بيها وانا اضيفها
يعنى الأخ وائل لو قال ان النوتة دى تكفى خلاص ولكن لو قال انى لازم اكتبها للمصلحة العامة حاكتبها
بس انا شفت اول 3 اسطر حسيت ان الجزء اللى انا كتبته احسن كتير يعنى انا كتبت صولو القانون وهو مش تقاسيم ده صولو ولازم للأمانة التاريخية يتكتب , بمعنى كلمة تقاسبم يعنى انت ممكن تعزف حاجة تانية من عندك لكن صولو يبقى لازم تلتزم انك تقوله زى ما قاله محمد عبده صالح حرفيا وإلا ضاعت قيمة الأغنية كمان ام كلثوم كل الأدليب كان متلحن كده يعنى مش موال ولازم يتكتب
مع اطيب تحياتى عادل صموئيل

samy130
09/11/2010, 23h03
احتمال تكون النوتة التي يقصدها الاخ سامي هي هذه
لكنها ليست كاملة يبقى بها اجزاء ناقصة


نعم هذه هى النوتة التى عندى ,وانا صورتها بالكاميرا وكنت سأرفعها باذن الله لكن انت سبقتنى
والنوتة كاملة ,لكن بعض الجمل القليلة التى تغنيها ام كلثوم ارتجالا غير مدونة ,واعتقد يسهل عزفها لو انت حافظ الاغنية .
الأخ العزيز
ام كلثوم لم تغنى كلمة واحدة ارتجالا فى هذه الأغنية وعبد الوهاب كان لن يسمح لها بالإرتجال ولكن هى بتغنى اللحن اللى عامله عبد الوهاب والمسموح لها انها تجود فيه فقط يعنى لو سمعت نفي اللاحن فى عشر حفلات مختلفة حتلاقى المقاطع اللى انتى تخيلتها ارتجال بتقولها كده حرفيا فى كل حفلة , لكن الإرتجال شىء مختلف يعنى شىء يطلع فورى اثناء الحفلة ولو غنت نفس الارتجال ده فى حفلة تانية حايطلع حاجة تانى ومن مقامات تانية , وكام قلت غير مسموح فى الحان العمالقة بالكلام ده لأن ام كلثوم لو ارتجلت فى جزء ممكن واحد يغنيه بعدها ويرتجل فى جزئين وواحد ثالث يرتجل فى ثلاث اجزاء وبعد عشرين سنة تلاقى اللحن بقى حاجة غير اللى الملحن الأصلى عملها وطبعاالإرتجال عمره ما حايوصل لفكر عبد الوهاب وحايقلل من قيمة عبد الوهاب الفنية
مع اطيب تحياتى عادل صموئيل

الشرقاوي3
10/11/2010, 04h44
السلام عليكم استاذي عادل صموئيل تحية من الاعماق استاذي واسمح لي بعد اذنك توجهني ، انا حاولت في اغنية الفنانة الراحلة فايزه رحمها الله في اغنية " يامه الامر ع الباب" واتمنى اكون وفقت وطبعا انت استاذي لك الكلمة الاولى والاخيرة واتمنى اكون ماشي صح ، طبعا انا حاولت بالمقدمة وهي جملة صغيرة وانتظر تتفضل برايك وشرحك الذي يتميز بالسهل الممتنع الجميل . وانا حقيقة بحسد تلاميذك عشان انت الي بدرسهم ،
انا سمعتها هكذا استاذي: سي سي سي دو دو دو ري ري ري مي مي مي دو دو سي سي سي دو ري ري ري مي.
طبعا استاذي سي و مي نصف بيمول - و ري مي الاخيرة من الجواب.
انا طبعا استاذي انتظر رايك بعد اذنك واتسائل هل هذا كل ماتحتاجه مؤقتا واقصد بذلك هل الجملة كافية ام تريد اكثر من ذلك. ولك مني فائق الاخترام والتقدير وربنا يسعدك زي ماانت بتسعدنا دائما.
تلميذك الشرقاوي3

اخى العزيز
مع انى مش بحب انوتة بالحروف العربية بس فيه عندك غلط
هى سى سى س دودو دو س سى سى صول وهكذا
يعنى العملية ان شاء الله حاتيجى مش مهم الوقت
مع اطيب تحياتى

استاذ عادل مشكور جدا جدا على الاستجابة السريعة كعادتك وربنا يزيدك نشاط اكثر واكثر.
استاذي الغالي : اولا انا زيك مش بحب النوتة الحروف بس اعمل ايه انا لسة ماتعلمت اي البرامج الي تنوت وقلت دي مرحلة ثانية انشاءالله وانا عارف ان عندك موضوع يتناول برنامج انكور ، بس انا عاوز احمل لك الملف الصوتي الي انا جربت منه الجملة او الحروف الي كتبتها وهي الجملة الاولى خالص قبل الغناء بس على الله يتحمل عشان انا من مبارح بحاول احملة مش عايز معرفشي ليه ، ومنتظر منك بعد اذنك تلقي نظرة ثانية عليها وتقولي اكمل او لا وياريت استاذ عادل ماتبخلشي عليه بشرحك وتتكلم اكثر عشان انت عارف الي بتقولو انت بيكون موجود لاي حد عايز يستفيد منه في المستقبل ايضا وانا بشكرك مرة اخرى على صبرك ومتابعتك لكل الاعضاء وربنا يحفظك يارب.
تلميذك الشرقاوي
اخى العزيز
انا دونت لك اول جملة من اللحن وانت كملها
لكن التسجيل المرفق تلقص جزء من الاغنية من البداية مع اطيب تحياتى
عادل صموئيل

وائل علوي
10/11/2010, 10h37
احتمال تكون النوتة التي يقصدها الاخ سامي هي هذه
لكنها ليست كاملة يبقى بها اجزاء ناقصة
اخوتى الأحباء
انا بحب آخد بكلام اخى العزيز وائل لسبب مهم انه اولا بيقرأ نوتة كويس وثانيا انه بعزف سماعى يعنى كتير بكون ناسى جملة وهو بيفكرنى بيها وانا اضيفها
يعنى الأخ وائل لو قال ان النوتة دى تكفى خلاص ولكن لو قال انى لازم اكتبها للمصلحة العامة حاكتبها
بس انا شفت اول 3 اسطر حسيت ان الجزء اللى انا كتبته احسن كتير يعنى انا كتبت صولو القانون وهو مش تقاسيم ده صولو ولازم للأمانة التاريخية يتكتب , بمعنى كلمة تقاسبم يعنى انت ممكن تعزف حاجة تانية من عندك لكن صولو يبقى لازم تلتزم انك تقوله زى ما قاله محمد عبده صالح حرفيا وإلا ضاعت قيمة الأغنية كمان ام كلثوم كل الأدليب كان متلحن كده يعنى مش موال ولازم يتكتب
مع اطيب تحياتى عادل صموئيل

اخي الحبيب واستاذي الغالي عادل اشكرك كل الشكر على هذه الثقة التي تضعها في شخصي المتواضع واعلم يا عزيزي ان كل ما املك من خبرة في النوتة والموسيقى بشكل عام هو ليس الا قطرة في بحر مقارنة بخبرتك الواسعة والشاملة وانا اظل اتعلم منك كل يوم مع كل نوتة جديدة تقدمها لنا
بالنسبة للنوتة في رايي البسيط انها تحتاج الى كتابة اولا بسبب ما تفضلت به انها ناقصة وصولو القانون غير موجود اصلا ويوجد بها مقاطع غنائية ناقصة كثير وثانيا هي بالفعل نوتة تستحق ان تدون للتاريخ وهذه النوتة لا تليق بهذه التحفة يعني انا بتمنى ان تتكرم وتكتبها كاملة باسلوبك السهل الممتنع وصدقني سوف تخلد كما خلدت باقي اعمالك العظيمة السابقة وسيذكر التاريخ طويلا ان انسان جميل اسمه عادل صموئيل اثرى مكتبة الموسيقى الشرقية بهذا الكم الهائل من الاعمال الرائعة
خذ وقتك يا عزيزي وراجعها على اقل من مهلك المهم ان تخرجها لنا في احلى ثوب
وتقبل مني احلى وارق التحيات
اخوك وائل

عاصم المنشاوى
10/11/2010, 15h23
الأصدقاء

بالنسنةلأغنية"طول ما أملى معايا"وهى من ألحان الموسيقار محمد عبد الوهاب....هى بالفعل كما ذكر أستاذنا/عادل ...ان لا الكورال ولا التوزيع مصرى...لأن اللى حصل ان عبد الوهاب كان متعود دايما يصيف فى لبنان او فى مصيف بلودان بسوريا...وحينما قامت نكسة 1967 كان هو ساعتها فى لبنان ...ولأنه يسافر دايما بالبواخر ويخاف الطائرات .....وكان الخط الملاحى قد توقف اثر العدوان الأسرائيلى مما اضطره للمكوث فى لبنان والتفاعل مع الحدث ...فكانت كلمات الأغنية ان فيها أمل وسلاح وانه دينيا حى على الفلاح...وهى الكلمات التى املاها له "حسين السيد" تليفونيا ...وقامت الرحبانية بتوزيعه...وهى ليست المرة الأولى أو الأخيرة ...توزيع الرحبانية لأغانى عبد الوهاب ...
منها مثلا "ضى القناديل" لعبد الحليم و"سكن الليل"و"مر بى"وجارة الوادى"لفيروز وأغنية نجاة من الحانهم وتوزيعهم"دوارين فى الشوارع" ثم بعد ذلك مع هانى شاكر فى مسرحية اداها بلبنان .....
الأستاذ الدكتور الصيدلى /نقولا رفيق...شفتك منور المنتدى ...ارجوك نحن فى انتظارك.....ارجع الينا الينا..
كان نفسى أطلب اغنية "حلاوة شمسنا "للثلاثى المرح...وتلحين على اسماعيل ...من فيلم "غرام فى الكرنك" انتاج 1967 برضو بس قبل النكسة,بس لاحظت ان الجرعة كده كتير ....احنا خدنا كتير من وقت الأستاذ ...يلبى بقى سيادته طلبات الأخوة العرب...لأن المنتدى للجميع.

عزت شحاته
10/11/2010, 16h53
صديقى المؤرخاوى / عاصم المشناوى
كلام كبير وجامد .. وبقى اساسى مع كل حاجه حلوه بتنزل ..
ارجوك ما تحرمناش .. وربنا ما يحرمنا منك

عاصم المنشاوى
10/11/2010, 18h27
صديقى/عزت شحاتة
عندك غلطة مطبعية يافنان...انا عاصم المنشاوى...مش مشناوى...مش ناوى على ايه بالظبط؟؟؟؟ههاهاههاها

عادل صموئيل
10/11/2010, 18h29
احبائى
اقدم لكم نوتة
حلاوة شمسنا
انا اللحن ده فيه عندى تحفظ عليه يعنى انا بحس ان على اسماعيل ألف االلحن فى سنة وفى سنة تانية عمل المقدمة , يعنى كل ما اسمعه احس ان البنات اللى بيقولوا حلاوة شمسنا بيدخلوا من سكة بعيدة جدا عن السلطنة والتحضير اللى بتعمله المقدمة الموسيقية بعدين قبل الغنا بمازورتين عمل تحويلة غريبة استغرقت منى وقت عشان انا افهمها واكتبها
ومن الملحوظات فى هذا اللحن انك بتسمع المطرب الأساى فيه 3 بنات بيرد عليهم الكورال , وال 3 بنات دول كان اسمهم الثلاثى المرح , كان 3 آنسات بيغنوا فقرة لوحدهم فى كل حفلات اضواء المدينة فى وقت كانت اضواء المدينة الحفلة بتضم جميع النجوم يعنى تلاقى فقرة لوردة وفقرة لفايزة وفقرة لنجاة وفقرة لبد الحليم وفقرة ل لبلبة كمنولوجست وفقرة للثلاثى المرح هذا , وهى ظاهرة لم تتكرر انك تلاقى 3 بنات مع بعض صوتهم منسجم ومتوافق للدرجة المذهلة دى وبيعطوك انطباعين عكس بعض , يعنى دائما لما 3 يغنوا مع بعض تلاقى المسموع صوت واحد لكن ال 3 بنات دول كان كل واحدة فيهم لها نكهة او نبرة فى صوتها مختلفة عن التانية وسبحان اللاه تسمع بينهم هارمونى او تجانس غريب , وتحسه هنا فى الاغنية دى الفرق بينهم وبين صوت الكورال اللى بيرد عليهم , ووجودهم وانتشارهم الكبير فى ايام الزمن الجميل خلق نوع جديد من الغناء غير المطرب الفردى والدويتو , نوع ثلاثى , جعل المؤلفين يستغلوهم ويعملوا لهم اغانى مخصوص الموضوع انه بتغنيه 3 بنات منها مثلا اغنية ل 3 بنات عايزين مواصفات فى العرسان وغيره , وكان اسمهم صفاء وسناء وسهام , والجدير بالذكر ان حمد فؤاد حسن تزوج نجوى فؤاد لمدة قصيرة بعدين اتطلقوا وهو تزوج سهام دى وعاشت معاه طول عمره وانجب منها اولاده خالد وعبير , واحمد فؤاد حسن له مقطوعة موسيقية اسمها عبير كان عملها هدية لعبير بنته , واعتقد انه سمى ابنه خالد إما تبركا بعدب الناصر الذى كان يسمى ابو خالد , او عشان يبقى الأسم خالد احمد فؤاد حسن ( يعنى ان احمد فؤاد حسن خالد للأبد ) مش عارف
مع اطيب تحياتى

hegazy
10/11/2010, 18h34
اخى العزيز واستازنا الكبير انا اعلم مدى انشغالك فى طلبات الاخوة الطامعين مثلى بالتشبع بعلمك الواسع فى الفن
وكنت اريد ان اسألك اذا كنت مشغول هذه الايام فى مهرجان الموسيقى العربيه .....:p
وانا منتظر الاغانى التى وعدتنى بها .... اود لو اقول لك على اقل من مهلك فاكون منافق ....ولكن لهفتى سببها شوقى فى التمرين الموسيقى من خلال نوتة او عدة نوتات بقلم احد العظماء فى الموسيقى مثلك انت فلا تحرمنى من هذا الشرف فانت والموقع النافذة التى ننفذ منها على مصر الغالية والتى تشعرنا كمن لم يرحل قط
اعلم انك لن ولم تبخل ابدا علينا ..... ولكن دعنى اقولها لا تبخل لا تبخل فعطاء العلم ذكاة وحسنات لا تنتهى
والله اعلم
وشكرا اخى الكريم
اخى العزيز
الأغانى اللى انت طلبتها من نوعية من الاغانى اللى انا بحبها جدا جدا يعنى لازم اسسمعه على الأقل مرتين فى الأسبوع مع نفسى واعزفهم كمان , وانا بقدر جدا اللى بيطلب هذه النوعية من الأغانى العظيمة , انت طلبت 4 اغانى نا انتهيت من تدوين 2 منهم ولكن فاضل مرحلة التشطيب النهائى والمراجعة , بس انا لسه منزل اغنيتين مطاوبين من قبل , وبخاف انزل كذا اغنية ورابعض لأن فيه اعضاء بيدخلوا ويشوفوا ىخر صفحة مع ان المهم جدا فى رواد هذا القسم انك لما تدخل تراجع كل الصفحات اللى حدثت اثناء غيابك , ولذلك ممكن النوت تضيع وسط الردود , يعنى ممكن انزل نوتة اليوم واعضاء كتير يردوا انت تدخل بعد 3 ايام تكون النوتة دى حدث اربع صفحات بعدها وممكن ما يشوفوهاش وبعدين يطلبوها تانى مع انها موجودة وحصلت كتير , ان شاء الله بعد يومين حانزل منهم واحدة والتانية بعدها بيومين كمان , وانا طبعا بعمل فى الباقين فى نفس الوقت يعنى ماتقلقش
مع اطيب تحياتى عادل صموئيل

عاصم المنشاوى
11/11/2010, 10h28
الأستاذ/عادل صموئيل
شايف ياعمنا الورد اللى عمال يفتح فى جناين منتدى"سماعى"
بعد د.وسام ...ود.نقولا رفيق...والأستاذ/طارق التونسى...واخيرا الفنان /سامى العشماوى...اللى ماعرفش كان مختفى فين.؟؟لأن رقم عضوية حضرته 2636 يعنى من الرعيل الأول ...والفضل يرجع لحبيبنا الغالى الأستاذ /احمد"أرمندو"اللى شجع الفنان/ سامى على التنويت....شكرا للجميع
شكرا ياجميل على تنويت "حلاوة شمسنا"...تسلم ايدك
اخى العزيز
انا اتمنى يكون فى المنتدى عشرين ةاحد يدون نوت لأن انا اهم اهدافى المصلحة العامة للجميع , وكل ما يكتر عدد المدونين كل ما الطلبات كلها تتكتب , وطبعا لأن فيه ناس مش مصريين يعنى بيبقى من بلاد تانية لها فنها الجميل وانا مش بكون عارف الأغانى دى , يعنى بيقدموا خدمة كبيرة للمنتدى
مع اطيب تحياتى

وسام اكرم
11/11/2010, 11h36
الأستاذ/عادل صموئيل
شايف ياعمنا الورد اللى عمال يفتح فى جناين منتدى"سماعى"
بعد د.وسام ...ود.نقولا رفيق...والأستاذ/طارق التونسى...واخيرا الفنان /سامى العشماوى...اللى ماعرفش كان مختفى فين.؟؟لأن رقم عضوية حضرته 2636 يعنى من الرعيل الأول ...والفضل يرجع لحبيبنا الغالى الأستاذ /احمد"أرمندو"اللى شجع الفنان/ سامى على التنويت....شكرا للجميع
شكرا ياجميل على تنويت "حلاوة شمسنا"...تسلم ايدك
-------------------------------------------------------
عزيزي أستاذ عاصم
تحية طيبة و لك و لكل الاحبة مع اطيب الامنيات. كلمة حق لا بد منها و بدون ذرة مجاملة؛ لولا نوتات الاستاذ الغالي و العزيز و الحبيب عادل صموئيل ,, لما أستطعت تدوين او قراءة مازورة و احدة و بدون ادنى مجاملة. الحقيقة ان مافعلة الاستاذ الغالي من مجهود استثنائي و غير مسبوق من روح العطاء بدون مقابل و نكران الذات خدمة للغير لهوا درس جديد تعلمته من الفرقة الماسية و لا تستطيع اي كلمة ان تعبر عن مدى سعادتي و امتناني لأستاذي الكبير عادل صموئيل, أسال الله تعالى عز و جل له كل خير انشاء الله مع اطيب امنياتي....
اخوكم المخلص الى الابد
وسام
اخى العزيز د . وسام
اشكرك طبعا على كلاماتك الجميلة
ولكن كل الكلام اللى انت قلته يعنى فنى وعطائى من غير ناس تقدر الفن ده وتستفيد منه ما يبقاش له قيمة , يعنى تخيل انك معك كمية مبيرة من بذور النبات لابد ان تجد الأرض الصالحة للزراعة وبدون تجوبكم معى واحساسى انى افيدكم كل عملى لايصبح له قيمة , وانا اشكر اللاه انى قدرت اقدم اى شىء ولو بسيط لمحبى الفن الراقى الذى اتمنى ان لا يندثر مع وجود طوفان الفن الهابط , وانا سامضى كما مضى من قبلى واتمنى ان يخلفنى جيل يستثمر ما قدمت ويقدمه لجيل بعده وهكذا تدور العجلة
مع اطيب تحياتى عادل صموئيل

عزت شحاته
11/11/2010, 12h04
استازى الجميل / عادل صموئيل
الف الف مليون شكر على نوتة ( حلاوة شمسنا ) ومعلوماتك الفنيه الغزيره
واجاباتك عن الاسئله اللى حيرتنا من غير ما نسألك .. لأن بأمانه فيه نوت كتيره طلبتها وكانت فيها علامات استفهام ..ولمبات طافيه مضلمه .. وحضرتك بكل معلمه نورتها .. ..... ربنا يزيدك علم وفن وافق وخيال وجمال
مرفق اغنية ( ولا بنخاف ) وهيه حديثه لكن صغنننه ومش هتاخد وقت ..وتنفع تلامذتك المدرسين .. وتغير شويه من القوالب اللى خلاص تعبنا منها وتعبت مننا
***********************************************
صديقى المورخاوى / عاصم المنشاوى
اسف يا مان على الغلطه المطبعيه .. لانى عارف انك ناوى ونص كمان

عزت شحاته
11/11/2010, 12h30
الاستاز / سامى العشماوى
اهلا بيك وعود حميد .. ونوت جميله .. وفى انتظار المزيد
----------------------------------------------------------------

الدكتور / وسام
من ردك واسلوبك وادبك ..
اسمح لى اقولك بالبلدى .. انت ابن ناس

وليد100
11/11/2010, 15h30
السلام عليكم ورحمه الله وبركاته
ياجماعه الاستاذ / عادل صموئيل مفجر قنبله اسمها الجندول في صفحه تصبيقات عمليه من قراءه النوته . انا حذرت كل واحد ياخد احتياطاته وهو رايح هناك وضوء القنبله مبهر يعني لازم نظاره سوده او غمض عينيك و لو مافيش فلوس تشتري النظاره السوداء هيكون احسن .
ملحوظه / الاعزاء ارمندوا ود وسام اكرم والاخ عاصم المنشاوي والاستاذ وائل علوي واحمد سنايم والاستاذ طارق التونسي وجميع الاعضاء
كل عام وانتم بخير بمناسبه قرب حلول العيد

armendo
11/11/2010, 16h40
مع مرور الوقت يزداد حبى وتقديرى للاستاذ عادل وذلك لحبه الشديد لمساعده الاخرين وذلك يدل على معدنه النفيس
ويشرفنى المشاركه المتواضعه علها تنال اعجاب الجميع وايفاءا لوعدنا تجاه الاستاذ ارمندو
اقدم بعض الاهداءات له
مع حبى وتقديرى
سامى العشماوى

صديقى العزيز سامى ..مرحبا بك مرة اخرى فى جنة سماعى حيث متذوقى الفن الحقيقيون والذين يقدرون كل من يبذل جهدا ويملك موهبة ..وانا سعيد بتفاعل اصدقائى الأعزاء معك واشكرك على اهداءك الرقيق..بالمناسية اين نوتة الهى يحرسك من العين يبدو انك نسيت ان ترفقها مع المشاركة وتقبل منى كل الشكر والأحترام اخوك........ارمندو

وائل علوي
11/11/2010, 17h06
السلام عليكم ورحمه الله وبركاته
ياجماعه الاستاذ / عادل صموئيل مفجر قنبله اسمها الجندول في صفحه تصبيقات عمليه من قراءه النوته . انا حذرت كل واحد ياخد احتياطاته وهو رايح هناك وضوء القنبله مبهر يعني لازم نظاره سوده او غمض عينيك و لو مافيش فلوس تشتري النظاره السوداء هيكون احسن .
ملحوظه / الاعزاء ارمندوا ود وسام اكرم والاخ عاصم المنشاوي والاستاذ وائل علوي واحمد سنايم والاستاذ طارق التونسي وجميع الاعضاء
كل عام وانتم بخير بمناسبه قرب حلول العيد
كل عام وانت بالف خير اخي العزيز وليد
والاخوة كلهم بخير وصحة وسلام
اخوكم وائل

hegazy
11/11/2010, 17h28
اخى العزيز واستازى القدير
انا ممن يفحصون كل صفحات القسم حتى اننى حفظت كل النوت التى كتبتها انت فى هذا القسم واود طبعا بعد اذنك ان اضعها حسب الترتيب الابجدى هنا بمجموعات من 10 نوت فى كل رد حتى يراها الجميع ولا يتكرر الطلب على واحدة منهم ولتوفير الوقت للبحث
فاذا وافقت ....سانفذ على التو....
اخى العزيز شكرا طبعا
لكن المنتدى لن يقبل ملف بنفس الإسم مرتين
لكن انت ممكن تعمل عمل حلو يعنى تكتب اسم النوتة ورقم الصفحة بحيث ان اى عضو يشوف كل الموجود ويختار النوت اللى هو عايزها
مع اطيب تحياتى عادل صموئيل

sami_eleshmawi
11/11/2010, 17h44
اشكرك على تقديرك الغالى استاذ احمد واهديها لك بكل حب وتقديرى لك وللمنتدى ولاستاذنا الفضيل الاستاذ عادل صمويل

armendo
11/11/2010, 21h10
السلام عليكم ورحمه الله وبركاته
ياجماعه الاستاذ / عادل صموئيل مفجر قنبله اسمها الجندول في صفحه تصبيقات عمليه من قراءه النوته . انا حذرت كل واحد ياخد احتياطاته وهو رايح هناك وضوء القنبله مبهر يعني لازم نظاره سوده او غمض عينيك و لو مافيش فلوس تشتري النظاره السوداء هيكون احسن .
ملحوظه / الاعزاء ارمندوا ود وسام اكرم والاخ عاصم المنشاوي والاستاذ وائل علوي واحمد سنايم والاستاذ طارق التونسي وجميع الاعضاء
كل عام وانتم بخير بمناسبه قرب حلول العيد

الصديق العزيز وليد..حمدا للة على السلامة وكل عام وانت بالف خير وعيد سعيد عليك وعلى الأسرة الكريمة مع تحياتى واحترامى اخوك.......ارمندو

فؤاد العلمي
12/11/2010, 02h32
أخي وأستاذي عادل
عندي سؤال لحضرتك. إذا كنت قد قابلت في مشوارك الفني العملاق رياض السنباطي، فأرجو أن تحكي لنا شيئاً عنه. وسبب طلبي هو كون إعجابي بهذا العبقري يفوق كل تصور.
إليك تحياتي واحترامي.
الأخ الفاضل
انا بالطبع كانت لى علاقة وطيدة بالعملاق رياض لاسنباطى لمدة اكثر من 20 سنة , ممكن ترجع لمقالاتى عن الفرقة الماسية وهى موجودة هنا فى المنتدى , بعدين ارجع اسألنى عن كل ماتريد ان تعرفه
مع اطيب تحياتى عادل صموئيل

عبد الله المؤمن
12/11/2010, 15h19
الأخ عبد الله المؤمن
اولا مرحبا بك فى المنتدى
اقدم لك نوتة قطورة انا دونتها خصيصاً لك ولكل من ممكن ان يستفيد منها من الاخوة الاحباء اعضاء المنتدى
مع اطيب تحياتى لك ولكل شعب العراق الأحباء
ملحوظة : انا دونت النوتة من الطبقة التى سمعتها فى الشريط وهى نهاوند من لا واعتقد انها طبقة متاحة للجميع
ونفسى اعرف البنت الصولو اللى غنتها اسمها ايه وهل هى عراقية ؟




أستاذي ومعلمي الفاضل عادل
تحياتي

شكري وتقديري لجهودك الخيرة لتلبية كل ما نحتاجه من نوت موسيقية .
والبنت التي سألت عنها في الانشودة هي لبنانية حسب علمي والله اعلم .

تقبل خالص حبي وتقديري

عبد الله المؤمن

عاصم المنشاوى
12/11/2010, 18h28
أستاذنا/عادل بك صموئيل
ممكن بعد اذن حضرتك موسيقى "دندش"ل بليغ حمدى...عاجبنى فيها الحوار بين الجيتار والكمنجة,,,بعدين بأحس ان الساكسفون قام داخل فى الحوار بينهم ويقول حاجة صبا...مع الأورج الكهربائى .....كأنهم بشرقاعدين يدردشواو بيتكلموا عن "دندش"...مقطوعة موسيقية وخفيفة قوى ...على مهلك يافنان

hegazy
12/11/2010, 22h31
بسم الله الرحمن الرحيم
هذه اول مجموعة من عشرة صفحات الاولى فى هذا القسم والتى تحوى النوت المدونة من استازنا الكبير عادل وذلك لتسهيل عملية البحث لاخونا الاعضاء الكرام عسى تكون مفيدة للجميع

الصفحة الاولى
والنبى يا جميل
غريب الدار

ص 2
رمضان جانا
قطورة
الحب جميل
لعبة الايام

ص3
بوابة الحلوانى
يا مسافر وحدك
ياحببتى يا مصر

ص5
شكل تانى حبك انت

ص6
بلغوه
ياللى جمالك عجب

ص7
نوتة لونجا(رياض السنباطى)
لونجا نهاوند

ص8
لجل النبى
ابو سمرة السكرة
بلدى احببتك يا بلدى
قلبى دليلى
سحب رمشه
رمش عينه اللى جرحنى

ص9
احلفلك ماتصدقش
خليها على الله
بطلوا ده واسمعوده
توته
مايكونش دا اللى اسمه الهوى

ص10
امى
يافايتنى فى حيرة مشغول البال

ص11
غدارين
يامحمد
كم ناشدالمختار ربه
اشكرك اخى العزيز على هذا المجهود وهذه المحبة
وبجد انت بتتعب كده عشان تخلى الناس تستريح
يعنى انا شخصيا ساعات بحب اشوف حال الدنيا فى الصفحات بتوه فى الزحمة
مع اطيب تحياتى عادل صموئيل

hegazy
12/11/2010, 22h35
ارجوا من السادة الكرام ان يفيدونى ان كان هذا ممكن ان يساعد فى تسهيل امر البحث
حتى اتفهم اذا كان على بالاستمرار ام لا

armendo
12/11/2010, 23h04
ارجوا من السادة الكرام ان يفيدونى ان كان هذا ممكن ان يساعد فى تسهيل امر البحث
حتى اتفهم اذا كان على بالاستمرار ام لا

الأخ العزيز حجازى..فكرة رائعة ومجهود ممتازوهى بالطبع تسهل عملية البحث خاصة للأعضاء الجدد ..اشكرك على هذا المجهود مع تحياتى.........ارمندو

عادل صموئيل
12/11/2010, 23h57
احبائى
اقدم لكم اول نشيد من المجموعة الجميلة التى اختارها الأخ العزيز حجازى
انا النيل مقبرة للغزاة
والنشيد ده اتعمل فى مرحلة الحروب فى مصر يعنى تقريباً فترة العدوان الثلاثى , والغناء للوطن ينقسم الى عدة مصنفات , ( طبعا دلوقتى ماحدش بيعرف الكلام ده ) اول حاجة الأناشيد الحماسية ودى كانت لإشعال الروح الوطنية ساعة الحروب , وساعة الحروب بيبقى البلد فيها جيشين الجيش الأول اللى على الجبهة والجيش الثانى الشعب فى الداخل اللى بيؤازر الجيش ويدفعه للنصر , كانت الأناشيد الحماسية دى زى النار اللى بتشعل الحماس يعنى كانت بتتذاع للجنود تلاقى العسكرى لو قدامه طابور دبابات , المعروف من خبرتى العسكرية عايز تعطل طابور دبابات عطل اول واحدة , لأن باقى الدبابات عشان تعمل طابور تانى وتستأنف السير حاتاخد وقت , كان العسكرى المصرى اول ما يسمع الأناشيد دى كان بيلغم نفسه ويرمى نفسه على اول دبابة يفجرها باللى فيها بعدين على ما باقى الدبابات تفوق من الهرج والمرج وتستأنف تكوين طابور جديد يكون زملاء العسكرى الشهيدده وضبوهم يعنى عملوا فيهم اكبر خسائر ممكنة , النشيد ده بيفكرنى بأيام انا عشتها بنفسى ( ما شافوهاش الشباب بتاع الأيام دى بتاع تمورة , اللى بياكلوا حلاوة ياكلوا جاتوه ياكلوا كل اللى يحبوه ونسيوا حاجات كتير اهمها حب الوطن , يمكن هم مظلومين عشان مفيش مطرب محترم بيفكرهم بحب الوطن ) , انا كنت ساكن فى عين شمس كان عندى 6 سنوات ايام العدوان الثلاثى فجأة تسمع صفارات الإنذار وكله يطى النور .... وتبتدى الضلمة ... بعدين تسمع اصوات المدافع واصوات الطائرات تعدى قريب منك واحيانا فوق راسك وانت مش عارف الطيارات دى معادية ولا بتاعتنا , لأن الحرب زمان كانت بدائية مكانش فيه زى دلوقتى قواعد صواريخ وخطوط دفاعات جوية متعددة وانذار مبكر يعنى الطيارة المعدية اول ما تطلع من حظيرتها بتكون مرصودة وفيه صاروخ اسمه سام 6 ( ربنا يبارك فيه وفى اولاده اللى بعده ) ده بيطلع يجيب الطيارة من ديلها يعنى اى طيارة معادية نضربها ولما تقع نفرمها ونعملها خواتم ( بجد ) كان زمان فيه ييجى 700 مدفع بدائى اول ما الطيارة تيجى المدافع كلها تبتدى تضرب عليها وطبعا احتمال انها ممكن تعدى اكتر من 90 % لأن الضرب كان على فوق يعنى مش مركز على حاجة محددة بإختصار نحاول نخوفها ويا صابت يا خابت , وتدخل الطيارات المعادية فوق القاهرة والمدن كلها ممكن يضرب يكسر الدنيا وممكن عايز يهزر بسلامته او يخوفنا بس يعنى يقعد رايح جاى بصوت مفزع او يخترق حاجز الصوت , وانوع الثانى من الأناشيد الوطنية الأناشيد اللى تتغنى فى المدارس فى وقت السلم والنوع الثالث الأغانى الوطنية زى مثلا طوف وشوف , والمؤلم والمؤسف ان من اكتر من 20 سنة ما سمعتش نشيد جديد من هذه الانواع , يعنى حتى لو مش حانحارب تانى المطلوب اغانى وطنية ذات قيمة تحسس الشباب يعنى ايه وطن
مع اطيب تحياتى

altaifi
13/11/2010, 00h42
ارجوا من السادة الكرام ان يفيدونى ان كان هذا ممكن ان يساعد فى تسهيل امر البحث
حتى اتفهم اذا كان على بالاستمرار ام لا

عزيزي حجازي

ألف شكر لك على الفكرة الجميلة ، أكيد يساعد ويساعد ويساعد مية مرة .. استمر وشاكرين لمجهودك .. والشكر الجزيل موصول لصاحب الموضوع استاذنا عادل ..
مع تحياتي ..

hegazy
13/11/2010, 07h51
شكرا لا مجهود ولا حاجة مقابل المجهود الكبير لاستازنا الكبير عادل ....ولا ايه
دا اقل واجب للازستاز عادل والاخوة الاعضاء
والان ابداء باول 100 صفحة فى القسم
ص12
بحلم بيك
لقاء الاحبة
ياحلو نادينى
ريداك
رمضان جانا

ص13
حلوين من يومنا والله
تمر حنة
على شط بحر الهوى
حبيبة امها
جميل واسمر
اصحابى وصحباتى
انا عندى بغبغان
ضحك ولعب وجد وحب
مصر هى امى

ص14
الحلو ابو شامة
الحلو داير شباكها
الحلو شاغل بالى
قلبى سألته عليك قال ايوة

ص16
حبيب العمر

ص17
حكاية العمر كله
نمازج حليات
جبار

ص21
هل هلال العيد
موعود

ص23
صوت بلادى
مصر اليوم فى عيد

ص24
احب اسمك

ص26
ياما قلبى قال لا
عينى بترف

ص28
يا حببتى يامصر

ص29
ودارت الايام
سبحان الواحد الاحد

ص30
زرع الشراقى
قولوا لعين الشمس


ص33
عاشق الروح

ص34
طب وانا مالى
ودارت الايام

ص36
ابجد هوز

ص37
اخد حبيبىي يانا ياما
اروح لمين (كوبله 2)

ص41
غزالى

ص44
ترنيمة

ص45
تك تك يام سليمان
يا ست يا ختيارة

ص47
حلوين من يومنا والله
على شط بحر الهوى

ص48
يانا يانا (صباح)
العوازل ياما قالوا

ص50
اتعودت عليك

ص52
شط اسكندرية

ص53
يا بادع الورد

ص55
يا ابو زعيزع

ص56
مصراليوم فى عيد

ص57
يا حبيبى تعالى

ص59
طير بينا يا قلبى
امانه عليك

ص61
مابيسألش عليا ابدا
جددت حبك
يا اغلى اسم فى الوجود
راييحين فى ادنا سلاح

ص62
ان كنت ناسى

ص64
عشقت روحك

ص65
وحشتنى
عيون القلب

ص66
بيع قلبك

ص67
داب قلبى
حبيب حياتنا كلنا
الغاوى ينقط
اخد حبيبى
شكل تانى حبك انت
مضناك جفاه مرقده

ص68
منديل الحلو
البيض الامارة
حكاية غرامى

ص69
مقدمة الف ليلة
احلى همسة

ص70
خطوة حبيبى
لسة فاكر

ص74
ياعشاق النبى

ص76
الف ليلة

ص77
يا حبيبى عودلى تانى

ص78
ترنيمة
عيون القلب
مذهب انت عمرى
يا مريم البكر

ص80
حبيبى سهرنى ايام وليالى
ياظريف الطول

ص81
يا مارق على الطواحين

ص82
على بابى واقف قمرين

ص85
القلب يعشق كل جميل

ص86
انا بعشق البحر

ص88
وانت عنى بعيد

ص90
موسيقى عبير
ساكن فى حى السيدة

ص91
اسأل روحك (مقدمة)

ص92
اروح لمين

ص93
هذه ليلتى

ص94
عدى النهار

ص95
ليالى العمر معدودة

ص97
سيرة الحب

ص98
النيل نجاشى

ص100
حبيبتى من تكون
الحمد لله تمت اول مائة صفحة

hegazy
13/11/2010, 08h08
لكن ارجو من كل باحث ان يقف وقفة عند كل تعليق و شرح من الاستاز عادل والذى يوفى كل لحن حقه من التحليل الموسيقى وعن تاريخ اللحن
فهو حقا مفيد جدا وفى نظرى اساسى للفهم الكامل للحن

ملحن مصري
13/11/2010, 23h45
كل عام وكل الساده المشرفين الأفاضل وإخواني وأخواتي الأعضاء بخير
وأعتذر لعدم تواجدي بشكل مستمر بسبب ظروف عملي
:emrose:عيد سعيد للجميع:emrose:

تامر عامر
ملحن مصري

عادل صموئيل
14/11/2010, 10h11
احبائى
اقدم لكم اولا اطيب التهانى بمناسبة عيد الأضحى المبارك اعاده اللاه على الجميع باليمن والبركات
اقدم لكم نوتة اغنية
ولا بنخاف
بناء على طلب الأخ العزيز عزت شحاته
يمكن النوعية دى من الأغانى مش بسمعها اصلا وبالطبع مش بكتبها و وهى بتخرج عن سياسة المنتدى وممكن يرفدونى بعدين حعمل عرية سندويتشات كبدة بس تيجوا برضه لأن اكيد الكبدة اللى حاعملها حتكون حلوة زى النوت بتاعتى
انا اللى خلانى اكتبها حاجتين
الحاجة الأولى ان من اكتر من اسبوعين كل ما انزل اشارع حوالين بيتنا الاقى خرفان , طوفان من الخرفان او ماسورة خرفان ضربت ف الشارع ومش بسمع غير مامأة لدرجة انى خفت على اللغة العربية لا تتنسى بعد العيد , بس لاحظت شجاعة الخرفان يعنى مش خايفين من الجزار وانا اقدم هذه الاغنية ولا بنخاف تحية للخرفان الشجعان الصناديد الأشاوس
والسبب التانى هو انى عايز اتكلم عن الغناء الحديث , يعنى اهم شىء فى الغناء انك بتحتاج تسمع حروف موسيقية سليمة والكلام ده للجميع يعنى خبراء الموسيقى وللمستمعين العاديين والشىء ده بقى مش موجود حديثاً , يعنى انا اول ما المطرب الفقيد ده ابتدى يغنى قال ولا بنحاف اول حرفين دول مش موجودين فى الحروف الموسيقية يعنى مش عارف جابهم منين يعنى ممكن يكون اشتراهم مستعملين من سوق الخميس او لقاهم قى صفيحة قمامة , اضطريت انتظر لحد ما الكورال ردد كلامه وعرفت ان الحرفين دول دو و رى , طبعا كارثة بكل المقاييس يعنى المطرب عشان يبقى مطرب لازم يكون اولا عنده مساحة صوتية من نغمة كذا لنغمة كذا ولازم تكون اكتر من اوكتاف و3 نغمات على الأقل
ولازم تكون النغمات داخل نطاق هذه المساحة الصوتية تكون سليمة 150 % النغمات العادية والبيمول والدييز والأرباع الشرقية بتاعتهم , وهذا شرط محظور التنازل عنه للمطرب اولاً زى ماقلت الموسيقى الخبير لما بيسمع بيحس هنا انه بيغنى نغمات كذا وكذا صراحة , وثانيا للمستمع العادى النغمات الصحيحة بتعمل عنده طرب , والأهم والأخطر ان المطرب الناس بتقلده , والمطرب الفقيد ايضاً الناس بتقلده , لكن المطرب المحترم بيتسبب فى تربية اذن موسيقية عند الناس وبالذات الأطفال , والمطرب الفقيد بيتسبب فى تربية اذن لا تفقه شىء فى الموسيقى او اتلاف آذان كان ممكن تبقى آذان موسيقية , انا لو ليا حكم على البلد دى اعمل قسم جديد فى الشرطة زى ما فيه شرطة كهربا وشرطة آداب اعمل شرطة وجدان وتقبض على كل اللى مش مطرب وبيتطفل على الغناء وياخدوا 45 يوم استمرار اعدام , حاتقول لى الاغنية من فيلم ومعلش عيل وغلط وتعدى وخلاص حقول لك كان زمان فى زمن الفن الجميل حاجة خطيرة اسمها الفرق بين المخرج وبين بتاع البطاطا , يعنى المخرج ده حتى لو درس إخراج فى امريكا لازم يكون متودك فى كل الأعمال المتصلة بالفيلم السينمائى من أدناها الى اقصاها واشتغل فيها بإيده من اول نوع الكاميرا وانواع العدسات اللى بتتغير عليها والحوامل المختلفة اللى بتتحط عليها الكاميرا يعنى فيه قضيب زى قضيب القطار بيتعمل على الأرض وحامل مخصوص ببتتحط عليه الكاميرا عشان تتحرج بإنسياب حركة افقية فى حدود عشر امتار من اليمين الى اليسار , لازم المخرج ده قبل ما يقول آكشن واستوب يكون بيعرب بإيده يركب القضيب ده ازاى , والتسجيل للصوت لازم يكون بيعرف كل حاجة عنه , بإختصار انت لما تشوف اى فيلم وتقرأ التتر كل الوظائف اللى عليه لازم المخرج يكون بيعرفها وبيعملها بنفسه يعنى الطبع والتحميض والمونتاج كل الكلام الكتير اللى بقوله ده الفرق بين المخرج وبين بتاع البطاطا ونأتى لوظيفة خطيرة لازم المخرج ده يكون بيفهم جدا فى الموسيقى والغناء يعنى مش شرط بيعزف ولكن يكون سميع جامد جدا عشان يفرق بين واحد بيغنى وواحد فقيد يعنى , يعنى مثلا اسماعيل ياسين مطرب ومطرب جداً لكن شكله مش عاطفى يعنى ما يقنعكش لما يغنى اسيرالحبايب ياقلبى ياديب , كانوا بيستغلوه ازاى اما فى منولوج او كلام يضحك او كلام يضحك وآخره لست ادرى , او يبتدى ب جئت لا اعلم من اين وبعدين يقول كلام يضحك وعبد الوهاب كان بيحبه وبيموت فيه لأنه بيقدم الاغنية بشكل جميل ومش بيأثر على احترام الأغنية الأصلية , ( بعكس العار اللى بيعملوه فى الاغانى المحترمة دلوقتى ) كمان فيه شىء خطير يعنى واحدة مثلاً زى الفنانة القديرة جدا فاتن حمامة هى فى التمثيل محتاج كتب عشان اوصفها لكن فى الغناء محدودة يعنى مثلا زى اغنية آلو آلو احنا هنا اجادت جدا لأنها فى حدود امكانياتها ولاحظوا هنا شىء خطير جداً اكيد المخرج طلب من الملحن انه يعمل اجزاء شادية بسيطة تبقى زى اجزاء فاتن حمامة بحيث ان المطربة القديرة شادية ما تفتريشعلى فاتن حمامة فى الغنا وتطلع جنبها نملة وده يقلل من فاتن فى الأغنية يعنى تلاحظ العبقرية ان الملحن عمل لهم اللحن متساويين فى القوة , لكن لو فيه فيلم عايزين فى الدور اغنية صعبة لفاتن حمامة ( وى فيلم انا بنت ناس لحسن الإمام ) الحل الصحيح كانوا بيجيبوا مطربة مغمورة وقديرة وتسجل اللحن وفاتن تحرك شفايفها عليه ( تعمل بلاى باك يعنى ) وده شى عادى ومتفق عليه عالمياً لعدم إهانة الفن
مش كده ولا ايه ؟

salhi_haithem
14/11/2010, 10h55
السلام عليكم ورحمة الله وبركاته
تحية طيبة استاذ عادل مشكور على المجهود الجبار
المهم احترم ذوق اخي عزت شحاته لكن الاغاني ديه مش هي الي بتعلمنا
استاذ عادل لي طلب ان ماتراش مانع و هو اغنية اغدا القاك ان امكن ذلك و شكرا مسبقا وكل عام و انت و الاخوان و الاخوات واعضاء منتدى سماعي بالف خير بمناسبة عيد الاضحى
مع ارق و اطيب تحياتي اخوكم هيثم الصالحي

اشكرك وللعلم كنت حقولها يعنى انت قربتها من تركيزى عشان ادونها
مع اطيب تحياتى عادل صموئيل

عزت شحاته
14/11/2010, 17h01
استازى الجميل / عادل صموئيل
الف الف مليووووووووووووووووووووووووووووووون شكر

نور الصباح
14/11/2010, 18h27
حبيبى وعينيه أخى الحبيب الأســــــــــتاذ الفنان وقبلة العلوم والفنون الموسيقية /
عـــــــــــــــــــــــــادل بــــــــــــــــــــاشـــــــــــــــــا صـــــــــــــــــــــــموئيل
سلام الله عليكم ورحمته وبركاته
وبعـــــــــــــــــــــــــــــــــــــد :
يـــــاحبيبى قــــــــــول لى آخرة جرحى إيــــــــــه
قــــــــــــلبى مجروح من زمــان واحترت فـــــــيه
والطبيب شــــافنى بــــــــــكى بدمــوع عينـــــــــه
قــــال لى جـــرحك ده ما نيش قادر علــــــــــــــيه
يـا حبيبى و أعمل إيه *يا حبيبى و أعمـــل إيـــــه
************************
لا تنس النوتات الموسيقية التى طلبتها عشان خاطرى

* يا حبيبى قول لى آخرة جرحى إيه
* آه يا عينى على إللى بيدارى الغرام
* نهاية مسلسل ( أرابيسك )
* وللعــــــــــــلم هذه الطلبات لـــــــها أكثر من ســــــنة وزيـــادة
* ومــــا زال الانتــــــظار مســــــــــــــــتمرا
وعلى رأى السيدة ( كوكب الشرق أم كلثوم ) لما قالت
مـــــا تطنشنيش دا حرام ** أنـــا فاض بيــا ومليت
حدد لى إنت الميعاد وأنـــا ها أصبــــــــر مهما قاسيت
وشكررررررررررررررررررررررررررررررررررررررررررررررر رررا
نور الصباح

وائل علوي
14/11/2010, 19h06
الاخوةالاعضاء
:emrose:كل عام وانتم بخير جميعا بمناسبة عيد الاضحى المبارك واعاده الله علينا جميعا بالخير واليمن والبركات:emrose:
استاذي الغالي عادل صموئيل :emrose:ازاي حضرتك؟ يا رب تكون بصحة جيدة
ايه رايك في اغنية افرح يا قلبي للعملاق السنباطي
اعتقد انها جديرة بالتنويت واضافة جميلة لمكتبتنا الرائعة
مع خالص تحياتي:emrose:
اخوك وائل

hegazy
14/11/2010, 19h17
اخى واستازى الكبير .. كل عام والاخوة الاعضاء بخير
ساطلب منك تخليد هذه الاغنية الوطنية والتى يحتاج ان يسمعها كل من يحلم بنسيم الحرية فى هذه الايام الضنك
التى يمر بها العالم العربى وبالاخص الام (مصر)
الغنية هى
يا نسيم الحرية ...لمحمد عبد الوهاب
سأرفقها حتى يسمعها من لم يسمعها من قبل
و رجاء منك ان تنوتها لنا
وشكرا

نور الصباح
14/11/2010, 20h50
الأخـــــــــــوة الأعزاء والأصدقـــــــــــاء الأحــــــــباء
مشــــــرفى وأعضــــاء وعضــــــــوات منتدانـــــــــــا الجمــــــيل
سلام الله عليكم جميعا
( مسلمين ومسيحيين ومن كل ملة ودين )
غدا إن شـــــــــــاء الله يقف الحجيج على جبل عرفات ( شعث غبر من كل فج عميق )
ملبين مكبرين مهللين يدعون الله – عز وجل – يؤدون المناسك فى خشوع وابتهال
إنهم ضيوف الرحمن ( وعلى المضيف أن يكرم ضيوفه إن شاء الله ) ويردهم سالمين
غانمين مجبورين الخاطر – فهنيئا لهم – اللهم اجعل حجهم مبرورا وذنبهم مغفورا
آمــــــــــــــين آمـــــــين إنك قريب سميع مجيب الداعين
وبعد غد – إن شـــــــاء الله – الثلاثاء – عيد الأضحى المبارك – أعــــــــاده الله على
الأمة العربية جمعاء بالخير واليمن والبركات وجعلكم الله من عواده وادعوا الله لنا أن
يجعلنا من حجاج بيته ومن ضيوف الرحمن فى العام القادم إن شاء الله آمـــــــــــــــين
فكل عام وأنتم بخــــــــير وصحـــــــــــــة وسعـــــــــــاة وراحـــة بال
وشكررررررررررررررررررررررررررررررررررررررررررررررر رررا
أخوكــــــم ( نور الصـــــباح )

وليد100
15/11/2010, 04h18
السلام عليكم ورحمه الله وبركاته
الاخوه الاعضاء هديه العيد ماينفعش تكون اغنيه لاي ملحن لازم تكون لعبقري الموسيقي العربيه وشيخ الملحنين ومؤسس النغم الاصيل والباقي مابقي الزمن
هيه فزوره؟ طبعا كلكم عرفتوه طبعا .
هو اللي حير قلبي معاه ماهو اصل الحب كده ومين مايعرفش اللي يشجينا انينه مع انه دايما سهران لوحده عشان يخرج لينا القلب يعشق كل جميل والموسيقي والفن بالنسبه له مش اطلال ولو عايش وسطنا دلوقتي هيقول للفن بتاع اليومين دول ياظالمني واروح لمين بس هنرد عليه ونقول افرح ياقلبي عشان وحشتنا وشوفناك مانت عودت عينا علي رؤياك . :emrose:
اتمني للجميع عزف بديع وسعيد

armendo
15/11/2010, 09h17
اخوتى واصدقائى الأعزاء..كل عام وانتم جميعا بخير
بمناسبة حلول عيد الأضحى المجيد اعادة اللة عليكم وعلينا بالخير واليمن والبركات..مع تمنياتى لكم بقضاء عيد سعيد تملأة البهجة والسعادة والتفاؤل اخوكم..........ارمندو

عزت شحاته
15/11/2010, 10h38
غمض عينيك و امشى بخفـة و دلع

الدنيا هي الشابة و انت الــــــجدع

تشوف رشاقة خطوتك تعبــــــــدك

لكن انت لو بصيت لرجليك ....تـقع
------------------------------------
الى :ناس ما شفتهمش .. وبمقاييس المعرفه .. معرفهمش ..
ولكن اصبحوا مهمين جدا فى ..حياتى
الى : اعضــــــــــــاء منتـدانـــــــــــــا
كــــل عــــام وانتـــــم بخيـــــر

وسام اكرم
15/11/2010, 16h33
الاحبة و الاصدقاء جميعا
كل عام و انتم بألف خيرانشاء الله. أسأل الله عزو جل ان يعيده عليكم بالتوفيق و النجاح دوما مع خالص تحياتي
المخلص
وسام

adib aburuman
15/11/2010, 18h56
أحبائي وأصدقائي جميع أعضاء واداره منتدى سماعي المحترمين

كل عام والجميع بألف خير وعافيه بمناسبه
عيد الأضحى المجيد المبارك:emrose::emrose::emrose:

وانشألله كل أيامنا تكون أعياد وأفراح
بعيده عن الأحزان والمتاعب يا رب

متمنيا لكم اجازه سعيده وممتعه مع الأصدقاء والأحباب

أخوكم
اديب:emrose:

hegazy
15/11/2010, 19h17
والان فهرس الصفحات من 101 الى202

ص105
بنادى عليك

ص107
زكريات

ص109
آل ايه بيسألونى

ص110
لجل النبى

ص111
الجندول

ص113
ست الحبايب

ص119
ماما يا حلوة
كفاية يا عين
لما بدا يتثنى

ص120
دبلة الخطوبة
الف ليلة (مقدمة ومذهب)

ص121
المسيح
حبيتك وبحبك وهاحبك على طول

ص124
فيفا اسبانيا

ص125
قلبى يا عصفور

ص127
حبيب القلب من جوه

ص130
جميل جمال

ص132
ودع هواك

ص133
هان الود

ص134
مقدمة مسلسل ارابيسك

ص135
قالت لى بكرة

ص136
يامسافر وناسى هواك
كل ليلة وكل يوم

ص138
انا بعشقك (141)

ص140
حبيبتى من ضفايرها

ص142
رق الحبيب

ص143
زهرة المدائن

ص144
صبح يا جميل

ص146
حنا السكران
حيرت قلبى

ص150
شروق

ص151
ياواد ياتقيل

ص153
اغنية من فيلم سانجام
الدنيا ربيع

ص155
رق الحبيب كاملة

ص156
ياعينى عالصبر

ص159
اغار من قلبى

ص160
يامصر كنت فى غربة
جزء من اسأل روحك

ص161
نوتة لمارسيل خليفة

ص165
سبحان الواحد الاحد

ص166
محمد نبينا

ص168
لونجا رياض السنباطى

ص170
دولا مين
حبيبى وعنية

ص171
يامارق على الطواحين

ص173
البنت الشلبية

ص174
يانا يانا

ص175
الجوز الخيل والعربية

ص177
سألونى الناس

ص180
لو سألتك انت مصرى

ص182
وحياة عينيك

ص184
زقزق العصفور

ص186
ياحمام البر

ص191
ماعندكش فكرة

ص192
واشرحلها فهد بلان

ص195
أ.ب.ت

ص197
مبروك
بيت العز

ص198
اندلوسية
فلاح كان فايت
وحياتك يا شيخ مسعود

ص199
المارد العربى

ص201
افرش منديلك

ص202
انت عمرى كاملة

salhi_haithem
15/11/2010, 19h23
السلام عليكم ورحمة الله وبركاته
تحية طيبة استاذ عادل مشكور على المجهود الجبار
المهم احترم ذوق اخي عزت شحاته لكن الاغاني ديه مش هي الي بتعلمنا
استاذ عادل لي طلب ان ماتراش مانع و هو اغنية اغدا القاك ان امكن ذلك و شكرا مسبقا وكل عام و انت و الاخوان و الاخوات واعضاء منتدى سماعي بالف خير بمناسبة عيد الاضحى
مع ارق و اطيب تحياتي اخوكم هيثم الصالحي

اشكرك وللعلم كنت حقولها يعنى انت قربتها من تركيزى عشان ادونها
مع اطيب تحياتى عادل صموئيل

السلام عليكم ورحمة الله و بركاته
و انا في الانتظار استاذ عادل ومشكور مسبقا
مع ارق تحياتي اخوك هيثم الصالحي

salhi_haithem
15/11/2010, 19h58
بمناسبة حلول عيد الأضحى المبارك يطيب لي أن أتقدم إليكم بأحر التهاني راجيا من الله أن يجعله مناسبة خير وبركة ورحمة وثواب لكم وكل عام وأنتم ب1000 خير ... وينعاد علينا وعليكوا بالصحه والعافيه

وائل علوي
15/11/2010, 23h36
الاخوةالاعضاء
:emrose:كل عام وانتم بخير جميعا بمناسبة عيد الاضحى المبارك واعاده الله علينا جميعا بالخير واليمن والبركات:emrose:
استاذي الغالي عادل صموئيل :emrose:ازاي حضرتك؟ يا رب تكون بصحة جيدة
ايه رايك في اغنية افرح يا قلبي للعملاق السنباطي
اعتقد انها جديرة بالتنويت واضافة جميلة لمكتبتنا الرائعة
مع خالص تحياتي:emrose:
اخوك وائل

استاذ عادل هل هذه الاغنية لا تعجبك؟
ايه يا وائل ازاى ما تعجبنيش ؟؟؟؟
ان شاء الله كل شىء ممكن
واطيب التهانى بالعيد عادل صموئيل

علي ثلاثة
16/11/2010, 12h09
كل عام وانتم بخير اتمنى للجميع أسعد الأيام وأحلى الأوقات
لو تكرم أحدكم مشكورا بنوتة مسلسل-المال والبنون مع الشكر الجزيل وأجدد متمنيات لكم جميعا بالصحة الجيدة والسعادة المأمولة

وائل علوي
16/11/2010, 12h37
استاذ عادل هل هذه الاغنية لا تعجبك؟
ايه يا وائل ازاى ما تعجبنيش ؟؟؟؟
ان شاء الله كل شىء ممكن
واطيب التهانى بالعيد عادل صموئيل

شكرا اخي الغالي عادل على ردك
وبتمنى منك تدوينها في اقرب فرصة وياريت تكون في هذه اليومين اللي كلها فرح وانا شخصيا بحبها جدا وطربان عليها هذه اليومين وهي ليست صعبة للغاية تعتبر من الاغاني الخفيفة المتوسطة الفرحية فعلا اغنية جميلة جداااااا
وهي على مقام النهاوند المعروف بالفرح والبهجة
مع خالص تحياتي وكل عام وانت بالف خير
اخوك وائل

وليد100
16/11/2010, 12h44
السلام عليكم ورحمه الله وبركاته
الساده مشرفين واعضاء منتدي سماعي الجميل كل عام وانتم بخير
استاذنا عادل بيه صموئيل اتمني ان تكون في اتم صحه واحسن حال
عذرا استاذي لقد طلبت اغاني ياتري يانسمه للموسيقار محمد عبد الوهاب وايضا الدوامه للفنانه صباح وتلحين عمنا محمد الموجي ولكن لم تلفت الي طلباتي ربما مشغولياتك او ماشابه ولكن اتمني من حضرتك ان تدرج هذه الطلبات في خطتك( بس ياريت ماتكنش زي الخطه الخمسيه بتاعه حكومتنا ) وخصوصا اعتقد انها من الاعمال الرصينه والخالده والتي تتمشي مع ذوقك يااستاذ
ولك مني وافر الشكر وكل الاحترام
اخى العزيز
ممكن تنزل لى تسجيل الدوامة لكن انتظر شوية على ياترى يانسمة لأنها محتاجة وقت طويل انا اسمعها كتير
مع اطيب تحياتى عادل صموئيل

عاصم المنشاوى
16/11/2010, 19h02
الأصدقاء
ايه ده ؟؟؟؟؟؟انا باأكتب باللون الأسود.ليه؟؟؟..لا لا لازم اغيره...الى اللون البمبى
مش لاقى الا اللون ده ...مش لاقى بمبى ...بس ده اللون المفضل للأستاذ /عمرو "وائل علوى"...يبقى اللون جميل طبعا...والمناسبة تحية حب وتقديرللأستاذ/عادل صمويل ...والأستاذ/ عزت شحاته ...وتهانيهم الجميلة بالعيد...وهكذا الحب والصداقة ورسالة الفن ...وفضل منتدى "سماعى " مفيش حاجة اسمها مسلم ومسيحى ...فى حاجة اسمها حب وصداقة وأخوة وفن جميل....ونعم الوحدة الوطنية رغم انف الحاقدين على استقرار مصر والعراق الجريح....
شكرا لصديقى الفنان /هيثم الصالحى على اتصاله من تونس ...والأستاذ/احمد "ارمندو "وكل من اتصل حتى لاأنسى أحدا...كل سنة وانتم بحب وسعادة يارب.
اخى العزيز عاصم
ممكن اضيف كلمة
انا رحت جميع دول العالم تقريبا ( يعنى الدول اللى فيها مميزات مش ع الخريطة وخلاص ولك ان تتخيل كم عدد الديانات التى قابلتها وكم عدد الديانات التى سمعت عنها ؟ آلاف وكل ديانة من دول بتكون عقيدة يعنى مش انتماء لفصيلة وخلاص عقيدة يعنى بيتولد يلاقى اهله كده ولها كتب وطقوس ومعايد وترانيم وصلوات وكل ديانة من دول الشخص بيحس نحوها بالشعور الذى انا احسه تجاه المسيحية وانت تجاه الإسلام , ولو تشوف الدول المتقدمة متقدمة ليه ؟ لأنها مش بتبص للكلام ده كل واحد دينه مع نفسه , يعنى انا مصرى 24 ساعة لكن امتى ببقى مسيحى لما بختلى بنفسى واصلى , يعنى الدين ده شىء خاص جدا بينى وبين ربنا , لكن التعامل بين البشر هو الميزة اللى بتعلمها من الأديان , يعنى انا شفت اكتر ناس مؤدبين ومنتجين ومخترعين فى الكرة الأرضية هم اليابانيين برغم انهم بيعبدوا الشمس وليعبدوا ماشاءوا بينهم وبين خالقهم لكن انا ليا دعوا تعاملهم مع الناس ازاى , وأخطر سوسة ممكن حد يزرعها لتفتيت اوصال الوطن هى المحاولات الخائبة التى يزرعها البعض للضرب على العلاقة الوثيقة بين المسلمين والمسيحيين , فكلنا مصريين , وكلنا عرب , وكلنا سكان الكرة الأرضية وكلنا اولاد آدم وأى اذى سيعدود علنا كلنا بالخراب مش على طائفة واحدة
مع اطيب تحياتى عادل صموئيل

وائل علوي
16/11/2010, 21h38
الأصدقاء
ايه ده ؟؟؟؟؟؟انا باأكتب باللون الأسود.ليه؟؟؟..لا لا لازم اغيره...الى اللون البمبى
مش لاقى الا اللون ده ...مش لاقى بمبى ...بس ده اللون المفضل للأستاذ /عمرو "وائل علوى"...يبقى اللون جميل طبعا...والمناسبة تحية حب وتقديرللأستاذ/عادل صمويل ...والأستاذ/ عزت شحاته ...وتهانيهم الجميلة بالعيد...وهكذا الحب والصداقة ورسالة الفن ...وفضل منتدى "سماعى " مفيش حاجة اسمها مسلم ومسيحى ...فى حاجة اسمها حب وصداقة وأخوة وفن جميل....ونعم الوحدة الوطنية رغم انف الحاقدين على استقرار مصر والعراق الجريح....
شكرا لصديقى الفنان /هيثم الصالحى على اتصاله من تونس ...والأستاذ/احمد "ارمندو "وكل من اتصل حتى لاأنسى أحدا...كل سنة وانتم بحب وسعادة يارب.
شكرا اخي العزيز :emrose:عاصم:emrose: على هذه المداعبة الرقيقة وكل عام وانت بالف خير
انا بالفعل لوني المفضل في الدرجة الاولى هو الاحمر بحبه من صغري لاني اهلاوي صميييييييييييييييييييييم واللون الثاني هو الوردي (بمبي ) بالمصري الذي استخدمه في الكتابة حتى ان لون اللابتوب بتاعي وردي وانا لا اؤمن بالكلام اللي يقول ان اللون ده بناتي وده صبياني والكلام الفارغ ده لان الله سبحانه وتعالى خلق الالوان كلها للجميع وكل واحد يختار منها ما يحب وفي النهاية تبقى مسالة اذواق

اخوك وائل

ganna12
16/11/2010, 23h39
السلام عليكم
كل سنة وكل اصدقاء المنتدى بخير وعيد سعيد على الجميع
ممكن اطلب نوتة اغنية كلمني طمني لمحمد فوزي

لأخت الفاضلة
اولا اهلا بكى فى المنتدى
ونحن نرحب بكل الاعضاء الجدد وترحيب خاص بمدرسى الموسيقى
واهم سر احب تعرفيه ان اى طلب نوتة المفروض يكون معاه مرفق تسجيل للأغنية يعنى ده بيقربها بالنسبة للى حايدونها لأن انا ماعنديش نوت جاهزة لكن بدونها حسب طلباتكم , ولما يكون التسجيل موجود ممكن ربنا بيكرمنا بسرعة
لو عندك التسجيل ارجو تنزليه فى المرفقات وانا تحت امرك
مع اطيب تحبتاى وكل عام وانتم كلكم بخير
عادل صموئيل

عاصم المنشاوى
17/11/2010, 16h44
الأصدقاء
حد عنده نوتة "ليه ياقلبى ليه...بتحلفنى ليه"...للموجى وفايزة احمد...وله الأجر والثواب على الله...قول انشاءالله؟؟؟؟؟؟؟

أو "بستانى يابستانى ...يامنوربخللانى"..ل صباح؟؟؟؟
عزيزى الأخ عاصم
ممكن تنزل التسجيلات وربنا يفرجها
مع اطيب تحياتى

عاشق الطرب2
17/11/2010, 20h35
كل سنة وحضرتك طيب ياأستاذ عادل
وجميع إخوتى الكرام بألف خير ،عيد سعيدٌ علينا جميعا..
كنتَ قد وعدتنى يوما ياأستاذ عادل بتدوين نوتة أغنية بودعك للعبقرى بليغ حمدى وغناء وردة ،وقد رفعتها إليك كى كما طلبتها وحتى تتفضل علينا بتدوينها ،وأنا فى الحقيقة متشوق جدا لهذى الأغنية خاصة وإلى الآن لم تدونها،وفات أكثر من ثلاثة أشهر على وعدكَ لى ..
أتمنى أن تدونها لى وهذا طلبٌ وحيدٌ كنتُ قد طلبته من حضرتك،وأنا بالطبع مقدرٌ لمجهودكم الرائع فى تلبية جميع طلبات الإخوة الأعضاء،أعانكَ الله ويارب تسعفنى بها قريبا..
وكل عام وأنتم بخير...

نور الصباح
17/11/2010, 20h41
الأصدقاء
حد عنده نوتة "ليه ياقلبى ليه...بتحلفنى ليه"...للموجى وفايزة احمد...وله الأجر والثواب على الله...قول انشاءالله؟؟؟؟؟؟؟

أو "بستانى يابستانى ...يامنوربخللانى"..ل صباح؟؟؟؟
عزيزى الأخ عاصم
ممكن تنزل التسجيلات وربنا يفرجها
مع اطيب تحياتى
***********************************************
علشان عيونك
يــــــــا أسـتاذ عاصـــــــــــــــــــــم المنشـــــــــــــــــاوى
وخلى بالك إمبارح اتصلت عليك علشان أقول لك :
كل عام وأنتم بخير - فلم أجدك بالمنزل ومش عارف إن كانوا بلغوك أو لأ
إليك النوتة الموسيقية لرائعة بليغ حمدى و فايزة أحمد
( ليه يا قلبى ليه )
وبلغ سلامى للأســــــــــــــــــــتاذ الكبير قوى
عـــــــــــــــــــــــــادل بـــــــــــاشـــــــــــــــــــا صموئـــــــــــــيل
وقول له ( ما تطنشبيش دا حرام أنـــا فاض بيا ومليت )
وشكررررررررررررررررررررررررررررررررررررررررررررررا
أخوكــــــم / نور الصباح )

نور الصباح
17/11/2010, 21h02
حبيبى وعينيه أخى الحبيب الأســــــــــتاذ الفنان وقبلة العلوم والفنون الموسيقية /
عـــــــــــــــــــــــــادل بــــــــــــــــــــاشـــــــــــــــــا صـــــــــــــــــــــــموئيل
سلام الله عليكم ورحمته وبركاته
وبعـــــــــــــــــــــــــــــــــــــد :
يـــــاحبيبى قــــــــــول لى آخرة جرحى إيــــــــــه
قــــــــــــلبى مجروح من زمــان واحترت فـــــــيه
والطبيب شــــافنى بــــــــــكى بدمــوع عينـــــــــه
قــــال لى جـــرحك ده ما نيش قادر علــــــــــــــيه
يـا حبيبى و أعمل إيه *يا حبيبى و أعمـــل إيـــــه
************************
لا تنس النوتات الموسيقية التى طلبتها عشان خاطرى

* يا حبيبى قول لى آخرة جرحى إيه
* آه يا عينى على إللى بيدارى الغرام
* نهاية مسلسل ( أرابيسك )
* وللعــــــــــــلم هذه الطلبات لـــــــها أكثر من ســــــنة وزيـــادة
* ومــــا زال الانتــــــظار مســــــــــــــــتمرا
وعلى رأى السيدة ( كوكب الشرق أم كلثوم ) لما قالت
مـــــا تطنشنيش دا حرام ** أنـــا فاض بيــا ومليت
حدد لى إنت الميعاد وأنـــا ها أصبــــــــر مهما قاسيت
وشكررررررررررررررررررررررررررررررررررررررررررررررر رررا
نور الصباح

اخى العزيز كل عام وانت بخير
ممكن تقول لى اه يا عينى ع اللى بيدارى الغرام واربيسك انت منزل التسجيل فى الصفحات رقم كام لأنك اخر مرة قلت صفحات طلعت غلط لأن ساعات ادارة المنتدى بتحذف مشاركات ودى بتلخبط الصفحات معلش اتعب تانى
مع اطيب تحياتى عادل صموئيل




http://www.sama3y.net/forum/sama3y2/buttons/multiquote_off.gif (http://www.sama3y.net/forum/newreply.php?do=newreply&p=483305)http://www.sama3y.net/forum/sama3y2/buttons/quote.gif (http://www.sama3y.net/forum/newreply.php?do=newreply&p=483305)

وليد100
17/11/2010, 21h27
السلام عليكم ورحمه الله وبركاته
الساده مشرفين واعضاء منتدي سماعي الجميل كل عام وانتم بخير
استاذنا عادل بيه صموئيل اتمني ان تكون في اتم صحه واحسن حال
عذرا استاذي لقد طلبت اغاني ياتري يانسمه للموسيقار محمد عبد الوهاب وايضا الدوامه للفنانه صباح وتلحين عمنا محمد الموجي ولكن لم تلفت الي طلباتي ربما مشغولياتك او ماشابه ولكن اتمني من حضرتك ان تدرج هذه الطلبات في خطتك( بس ياريت ماتكنش زي الخطه الخمسيه بتاعه حكومتنا ) وخصوصا اعتقد انها من الاعمال الرصينه والخالده والتي تتمشي مع ذوقك يااستاذ
ولك مني وافر الشكر وكل الاحترام
اخى العزيز
ممكن تنزل لى تسجيل الدوامة لكن انتظر شوية على ياترى يانسمة لأنها محتاجة وقت طويل انا اسمعها كتير
مع اطيب تحياتى عادل صموئيل
عذرا استاذنا كل مااحاول انزل الملف الصوتي لاغنيه الدوامه تعطيني اداره المرفقات خطأ وتقول لقد ارسلت هذا الملف من قبل
لذلك ارجو من احد الاعضاء الافاضل ان يرفع هذه الاغنيه (الدوامه غناء صباح ) ليدونها لنا الاستاذ عادل صموئيل
ولكم جميعا جزيل الشكر

عزت شحاته
17/11/2010, 21h39
صديقى العزيز / عاصم المنشاوى
كل سنه وانت طيب
معلهش اخرت انى اعيد عليك
مرفق كلمات (ليه يا قلبى ليه)

samy130
18/11/2010, 04h25
وأنا ايضا ارجو من الاستاذ عادل ان لا ينسى طلباتى وعلى وجه الخصوص هذه النوت

أقبل الليل , حديث الروح , لا يا حبيبى , هجرتك , وكلها من الحان السنباطى .

يا ريت يا استاذ عادل تضع فى بالك هذه النوت وتقوم بتدوينها بجمال وبساطة تدوينك لنوتة ذكريات للسنباطى

hegazy
18/11/2010, 06h39
اخى اواستازى الكبير عادل
انا متفق معك فى كل ما زكرته عن العلاقة بين الفرد والمجتمع الذى نشأ فيه ومدى التأثير العقائدى فيه
واضيف ان منذ نشأتى فى المجتمع الذى ضمنى وضمك عقيدة اللا مسلم واللامسيحى بمعنى انه كان ليس هناك فرق وكان الناس جميعا مصريين فقط واعتقد انك تزكر ذلك فالجار والصديق لم يسأل عن هويته الدينية بل عن اخلاقيه فقط
حتى جاء اكبر موسوس فى البلد والذى استغل الجماعات الاسلامية للقضاء على الشيوعية فكانت هى التى اول ما قضت قضت عليه وكان صداها الفتنة بين المصريين وكان ما كان.......
وصدق من قال
ان كنت تخاف على دينك .... فخاف عليه من نفسك اولا

عاصم المنشاوى
18/11/2010, 12h50
الأستاذ الكبير /عادل صموئيل
شكرا ياكبير على الدروس المستفادة....الأستاذ هيثم الصالحى اتصل بحضرتك ولم يوفقه الحظ ان يسمع صوتك...أنشاءالله المرة الجاية.
الأستاذ الجميل المعلم الفاضل/أحمد بك نور الصباح
شكرا ياجميل على معايدتك ...والحقيقة انا حاليا فى أحضان المعابد الفرعونية فى الأقصر ...بادندن بأغنية "حلاوة شمسنا" ...والأغنية دى تحس بيها هناك بالفعل ...مش فى القاهرة....اسمع كده:"الوادى كله شجر ونخيل ...ونسيم بيهمس بينهم همس....بيشربوا شهد من النيل وبيستحموا بنور الشمس" لأ لأ مش نور الصباح
شكرا لصديقى / عزت بك شحاته على الكلمات ...فاضل النوتة ...لما انزل الأسبوع الجاى ...متحاول تنزل الملف الصوتى ل"بستانى يابستانى"ل صباح لعمنا عشان ينوتها لنا.

عزت شحاته
18/11/2010, 23h07
صديقى / عاصم الشناوى
احلى تحيه عايمه طايره رايحه لك الاقصر .. وهنيالك بالجو اللى انت فيه
الملف الصوتى لاغنية ( بستانى )

وليد100
19/11/2010, 01h35
السلام عليكم ورحمه الله وبركاته
الاساتذه الافاضل أ / احمد (ارمندو) او أ / وائل
هاتعبكوا معايا شويه ياريت اي واحد منكم يتكرم وينزل الملف الصوتي لاغنيه صباح الدوامه تلحين الموسيقار الاصيل محمد الموجي لان الاستاذ عادل بيه صموئيل تفضل مشكوراوابدي استعداده لتدوينها ولكن طلب ملفها الصوتي وانا كل مااحاول انزلها ادره المرفقات تتهمني قائله انك رفعتها من قبل مع اني برئ من هذه التهمه براءه الذئب من دم يوسف بن يعقوب وشكرا جزيلا لحضراتكم

وائل علوي
19/11/2010, 09h07
السلام عليكم ورحمه الله وبركاته
الاساتذه الافاضل أ / احمد (ارمندو) او أ / وائل
هاتعبكوا معايا شويه ياريت اي واحد منكم يتكرم وينزل الملف الصوتي لاغنيه صباح الدوامه تلحين الموسيقار الاصيل محمد الموجي لان الاستاذ عادل بيه صموئيل تفضل مشكوراوابدي استعداده لتدوينها ولكن طلب ملفها الصوتي وانا كل مااحاول انزلها ادره المرفقات تتهمني قائله انك رفعتها من قبل مع اني برئ من هذه التهمه براءه الذئب من دم يوسف بن يعقوب وشكرا جزيلا لحضراتكم
للاسف اخي وليد لم اجد هذه الاغنية على النت
اذا عندك الرابط الموجودة عليه ارفعه وساعمل على تنزيلها ثم رفعها
تحياتي
وائل

ياسمين الشام
19/11/2010, 09h32
:emrose:كل عام وأنت بالف خيرأستاذ عادل:emrose:

:emrose:كل عام وأنتم بألف خير أعضاء المنتدى الغالين:emrose:

أعاده الله علينا جميعا بالصحة والعافية

ممكن لو في حد عندو نوت عراقية لسعدون أو ياس أو غيرهم أو

نوت خليجية


يضعها في المنتدى وشكرا جزيلا لكم

عزت شحاته
19/11/2010, 09h36
الاستاذ / وليد
كل سنه وانت طيب
الملف الصوتى لاغنية ( الدوامه )

salhi_haithem
19/11/2010, 12h33
كل سنة وحضرتك طيب ياأستاذ عادل
وجميع إخوتى الكرام بألف خير ،عيد سعيدٌ علينا جميعا..
كنتَ قد وعدتنى يوما ياأستاذ عادل بتدوين نوتة أغنية بودعك للعبقرى بليغ حمدى وغناء وردة ،وقد رفعتها إليك كى كما طلبتها وحتى تتفضل علينا بتدوينها ،وأنا فى الحقيقة متشوق جدا لهذى الأغنية خاصة وإلى الآن لم تدونها،وفات أكثر من ثلاثة أشهر على وعدكَ لى ..
أتمنى أن تدونها لى وهذا طلبٌ وحيدٌ كنتُ قد طلبته من حضرتك،وأنا بالطبع مقدرٌ لمجهودكم الرائع فى تلبية جميع طلبات الإخوة الأعضاء،أعانكَ الله ويارب تسعفنى بها قريبا..
وكل عام وأنتم بخير...


السلام عليكم ورحمة الله وبركاته
مشكور اخي عاشق الطرب على هذا الطلب الجميل و هو من الوزن الثقيل و هو من اختصاص الاستاذ عادل زي ماانت عارف فلذلك انا اظم صوتي الى صوتك لكي يتحفنا الاستاذ عادل بهذه الاغنية العظيمة
مع ارق تحياتي اخوك هيثم

نور الصباح
19/11/2010, 14h16
الأخ العزيــــــز والصديـــــــــق الجميل الفنان الأستاذ /
عــــــــــــــــــــــــــادل بــــــــاشــــــــــا صموئــــــــــــــــــــــــيل
حفظه الله ورعاه وسدد بالنجاح خطاك
سلام الله عليكم ورحمته وبركاته
وبعـــــــــــــــــــــــــــــــــــــد :
كل عـــــــــــــــــــام وأنـــــــــــــتم بخــــــــــــــــير وصحـــــــة وسعادة
فبعـــد أيــــام قليلة يبدأ ( صــوم الميـــــلاد المجــيد ) أعاده الله عليكم بالصحة
والسعادة وطول العمر
لقد بذلت مجهودا مضنيا للبحث عن الصفحات المطلوبة وبعد عناء كبير توصلت
إليها - والحمد لله - فأرجو من جنابكم التكرم بتدوينهم حتى لا أبحث عنهم كل يوم
وبيانها كالآتى : -
* * * يــــاحبيبى قول لى أخرة جرحى إيـــه صفحة ( 59 ) بتاريخ
29 /10 / 2009 ( فات عليها أكثر من ســـــــنة )
*** يـــارايحين للنبى الغالى لليلى مراد صفحة ( 108 ) بتاريخ
25 /2 / 2010
*** نهاية مسلسل أرابيسك صفحة ( 131 ) بتاريخ 21 / 3 / 2010
آه ياعينى ع إللى بيدارى الغرام صفحة ( 193 ) بتاريخ 4 / 5 / 2010
*** ( وطنى وصبايا وأيامى ) - ومرفق معها الملف الصوتى
وشكررررررررررررررررررررررررررررررررررررررررررررررا
أخوكـــــــــم ( نور الصباح )

Mananez
19/11/2010, 17h32
ezayeko ya shabab ma3lesh ana 7ases eny met2a5ar shwaya fel kalam ely ha2olo dah bas ana ha2olo we 5alas :D
el a5 elly kan taleb Viva Spania law hwa hayl3abha 3ala huitar aw piano or even el keyboard yb2a lazem uel3abha chords ( we da tab3an may2allesh men el maghod beta3 el ostaz 3adel ) bas 3ashan aba ba play guitar fa ba2ol 3ala ad ma3refty mesh aktar enaha lazem tetla3eb chords wel music de esmaha Espana Cane momken yela2y el tabe beta3etha fe ay site tabs la2enaha famous awe
ana ba2ol keda now 3ashan 7aseet begad en mafesh 7ad hena byb5al 3ala ay 7ad be ay ma3loma we ra'3m eny hawey we lesa bade2 fel music men sana we aked kol elly a3rafo maygesh no2ta fe ba7r ma3llomatkom bas ana 7abet a share ma3ako wat i know :D thnx all

وليد100
19/11/2010, 18h12
[QUOTE=وائل علوي;484455]للاسف اخي وليد لم اجد هذه الاغنية على النت
اذا عندك الرابط الموجودة عليه ارفعه وساعمل على تنزيلها ثم رفعها
تحياتي
وائل
اخي العزيزوائل كل سنه وانت طيب انت وكل اللي عندك
اولا :حاول تحمل كتاب التاريخ الموسيقي لرياض السنباطي وهو موجود في منتدي زرياب في قسم كتب موسيقيه فسو تجد فيه بغيتك انشاء الله
ثانيا :اذا اردت تحميل اي اغنيه لمطرب او مطربه اكتب في محرك البحث اعلاه والمكتوب فيه بحث متخصص هذه الكلمات فهرس اغاني وتسمي اسم المطرب او المطربه فمثلا لو عايز كل اغاني صباح تكتب في محرك البحث هذا فهرس اغاني صباح وبعتذر للاطاله وتمنياتي لك بالنجاح والتوفيق
happy new year Mr wael:mdr:

وليد100
19/11/2010, 18h17
[QUOTE=عزت شحاته;484460]الاستاذ / وليد
كل سنه وانت طيب
الملف الصوتى لاغنية ( الدوامه )
الاستاذ / عزت
كل سنه وانت طيب وجزاك الله كل خير
تمنياتي لك بالنجاح والتوفيق

وائل علوي
19/11/2010, 19h59
[QUOTE=وائل علوي;484455]للاسف اخي وليد لم اجد هذه الاغنية على النت
اذا عندك الرابط الموجودة عليه ارفعه وساعمل على تنزيلها ثم رفعها
تحياتي
وائل
اخي العزيزوائل كل سنه وانت طيب انت وكل اللي عندك
اولا :حاول تحمل كتاب التاريخ الموسيقي لرياض السنباطي وهو موجود في منتدي زرياب في قسم كتب موسيقيه فسو تجد فيه بغيتك انشاء الله
ثانيا :اذا اردت تحميل اي اغنيه لمطرب او مطربه اكتب في محرك البحث اعلاه والمكتوب فيه بحث متخصص هذه الكلمات فهرس اغاني وتسمي اسم المطرب او المطربه فمثلا لو عايز كل اغاني صباح تكتب في محرك البحث هذا فهرس اغاني صباح وبعتذر للاطاله وتمنياتي لك بالنجاح والتوفيق
happy new year Mr wael:mdr:


اخي العزيز وليد بعد التحية وكل عام وانت بخير
بالنسبة للكتاب احب اقولك انني املكه منذ فترة طويلة وتوجد به نوتات كثيرة لرياض وتحليلات لاعماله لكن للاسف الطباعة سيئة جداااا نظرا لقدمه طبعا الكتاب قيم جدااااا وغني عن التعريف لانه يحتوي تراث السنباطي
مع خالص تحياتي
وائل

CarameLLa
19/11/2010, 23h48
الله الله الله

الموضوع دا للتاريخ

http://www.sama3y.net/forum/images/icons/icon14.gif

عاصم المنشاوى
20/11/2010, 08h40
الأصدقاء
صباح الخير عليكم جميعا

هذه تحية حب وعرفان بالجميل ...للفنان الجميل Tarak766طارق
الذى يتحفنا دائما بروائع النوت الموسيقية والتى نطلبها منه ....بلا كلل او ملل...برغم دراسته للطب ...ونحن نعلم كم هى صعبة دراسة الطب...وهو الآن فى السنة الرابعة...وهو لمن لايعرف ...لايزال شابا جميلا لم يتجاوز الثالثة والعشرين من عمره...حيث انه من مواليد العاصمة تونس فى حى "النصر"فى 28 أكتوبر 1988...تخيلوا !!!!!...ويتحفنا بروائع يدونها لنا قبل مولده بعشرات السنين...وهو شاب وفى يذكر دائما أستاذه بالفضل والجميل ...حيث انه تعلم عزف الكمان على يد استاذه "الحبيب التركى" وهو من حبب اليه تدوين الأغانى...ورغم انه تعلم ودرس الموسيقى منذ سن العاشرة الا انه اتم هذا بحصوله على ديبلوم الموسيقى فى سنة 2004....

أخى طارق.....لأنه لايحب لقب أستاذ....أخى الموهوب الدكتور الفنان ...طارق
شكرا لك ...ووجودك معنا فى منتدى سماعى بين أخوتك وأصدقائك محبى الفن والموسيقى .

علي ثلاثة
21/11/2010, 08h48
السلام عليكم
بعد اطلاعي على بطاقة تعريف السيد طارق أو طراق أكبرته وقدرته وتمنيت له كل النجاح في دراسته للطب ولا أنسى أنه قدم ما يشكر عليه في هذا المنتدى.ويسرني لو أنه دون لنا أغنية--أنا عارف إني ماهونشي عليك --للأستاذ فريد الأطرش -رحمه الله- ودام لنا السيد طراق يتحفنا وهو في صحة وعافية

عادل صموئيل
22/11/2010, 14h12
احبائى
اقدم لكم اغنية
آه ياعينى ع اللى بيدارى الغرام
اهديها لأخى العزيز نور الصباح
واصبر على باقى الطلبات يعنى باالكتير 7 سنين مش اكتر
وهنا اتكلم عن المطرب ماهر العطار , يعنى هو طلع فى عز زمن الفن الجميل كانت ساعتها المطربين درجات يعنى الدرجة الاولى كانت ام كلثوم وعبد الوهاب ولو حسبتها تلاقى ماهر العطار يأتى فى الدرجة السادسة او السابعة بعدهم ( لأن المقارنة زمنها كانت بتبتدى من عندهم دايما لأنهم كانوا موجودين ) وانا لما بسمع الكائنات اللى عاملين نجوم دلوقتى والله ما فيهم واحد ييجى واحد من 100 فى ماهر العطار هذا

انتظروا غدا مفاجأة من العيار التقيل التقيل جدا 14 صفحة كاملة من الفن

وائل علوي
22/11/2010, 14h25
احبائى
اقدم لكم اغنية
آه ياعينى ع اللى بيدارى الغرام
اهديها لأخى العزيز نور الصباح
واصبر على باقى الطلبات يعنى باالكتير 7 سنين مش اكتر
وهنا اتكلم عن المطرب ماهر العطار , يعنى هو طلع فى عز زمن الفن الجميل كانت ساعتها المطربين درجات يعنى الدرجة الاولى كانت ام كلثوم وعبد الوهاب ولو حسبتها تلاقى ماهر العطار يأتى فى الدرجة السادسة او السابعة بعدهم ( لأن المقارنة زمنها كانت بتبتدى من عندهم دايما لأنهم كانوا موجودين ) وانا لما بسمع الكائنات اللى عاملين نجوم دلوقتى والله ما فيهم واحد ييجى واحد من 100 فى ماهر العطار هذا

انتظروا غدا مفاجأة من العيار التقيل التقيل جدا 14 صفحة كاملة من الفن
تسلم اخي العزيز عادل
اكيد المفاجأة هي فكروني اكيد صح؟؟؟؟

salhi_haithem
22/11/2010, 17h32
احبائى
اقدم لكم اغنية
آه ياعينى ع اللى بيدارى الغرام
اهديها لأخى العزيز نور الصباح
واصبر على باقى الطلبات يعنى باالكتير 7 سنين مش اكتر
وهنا اتكلم عن المطرب ماهر العطار , يعنى هو طلع فى عز زمن الفن الجميل كانت ساعتها المطربين درجات يعنى الدرجة الاولى كانت ام كلثوم وعبد الوهاب ولو حسبتها تلاقى ماهر العطار يأتى فى الدرجة السادسة او السابعة بعدهم ( لأن المقارنة زمنها كانت بتبتدى من عندهم دايما لأنهم كانوا موجودين ) وانا لما بسمع الكائنات اللى عاملين نجوم دلوقتى والله ما فيهم واحد ييجى واحد من 100 فى ماهر العطار هذا

انتظروا غدا مفاجأة من العيار التقيل التقيل جدا 14 صفحة كاملة من الفن


السلام عليكم ورحمة و بركاته
تحية طيبة و مشكور استاذ عادل على الابداع و التالق و انا اتصور انو المفاجأة اما اتكون اغدا القاك اما بودعك او انو اتكون فكروني و استبعد قلبي سعيد لانها مش طويلة جدا فهي تقريبا في طول شعوري ناحيتك
المهم اللي يجي مبروك و الشى الاهم انو من الوزن الثقيل بمعني اننا حنكون فرحنين
مع ارق تحياتي اخوكم هيثم الصالحي

نور الصباح
22/11/2010, 17h58
الأخ الحبيب والصديـــــــــق العزيـــــز الغالى الفنان الجميل الأستاذ /
عـــــــــــــــــــــــــــــادل بــــــــــــــــــــاشــــــــــــــــــــا صموئـــــــــــــــيل
حفظه الله ورعاه ووفقه إلى ما يحبه ويرضاه
سلام الله عليكم ورحمته وبركاته
وبعـــــــــــــــــــــــــــــد :
مش عارف أقولك إيـــه - آه لو أطولك راح أبوسك فى الخـد الأيمن 100 بوسة
وفى الخــــد الشـمال 100 بوســـــــــــــة وأصرخ وأقول ( على خده يانــــــاس ( 100)
وردة - واقفين حراس بمناهــــدة ومنــــين ينباس - يـا أخى ده ده )
عموما تسلم إيديك وعنيك وعقبال النوتات المتبقية قبل ما تتغير الصفحات
وتتغير أرقامها
وشكررررررررررررررررررررررررررررررررررررررررررررررر را
أخوكــــــــم نور الصباح

نجيب مراد
23/11/2010, 15h16
الأستاذ الموسيقار الكبير / عادل صمويل
( تصدق ولا أحلفلك ) أغنية جامدة جدا للفنان طلال مداح وقد غناها من بعده عدد من المطربين
يا ريت يا باشا تتعطف علينا وتنوتهالنا، ولو حضرتك محتاج التسجيل بتاعها فهو عندي بصوت طلال وإيمان البحر وغيرهم
ولك مني كل الشكر
تلميذكم
ماشى بس نزل لى مرة بصوت طلال ومرة بصوت ايمان عشان الإيقاعات الخليجية بتبقى صعبة اوى
مع اطيب تحياتى عادل صموئيل

عادل صموئيل
23/11/2010, 16h37
أحبائى
والآن مع اللقاء المنتظر
فكرونى
كاملة فى 14 صفحة راعيت فيها كل حرف قالته ام كلثوم

والاغنية دى كانت بعد ماعبد الوهاب اقتحم صرح ام كلثوم عدة مرات ولازم يقدم كل مرة شىء جديد عشان مايبقاش متكرر , من اهم الاشياء صولو الطبلة اللى فى وسط موسيقى الكوبيليه الثانى , والغريب انه عمل صولة طبلة مع ان الطبيعى يعمل 4 موازير ايقاع فى اول الموسيقى , والصولو غريب يعنى تحس فى اوله انه بيحضر لشىء يعنى يديل الاحساس بالترقب بعدين يديك واحدة ونص يعنى لون غريب جدا على ام كلثوم الناس قالت ساعتها ده رقصها , وكانت ام كلثوم محتاجة ده عشان تبقى متجددة , وعشان جذب الشباب اللى كان بيسمع عبد الحليم وشادية
فى الكوبليه الثانى عمل جزء كبير جدا ادليب وهنا اكرر انه ادليب مش ارتجال كما قال احد الاخوة الأعضاء , لأنك لو سمعت عشر حفلات تلاقى الادليب هو هو بالحرف , ونأتى للقفلة خرج عن المعتاد وهو ان تقفل بالمذهب لكن قفل الاغنية بقفلة مسرحية خاصة ولم يغفل طريقته العبقرية بأنه فى اى مقام من المقامات الغربية ان يضع نغمة شرقية قبل القفلة وده شىء بيخلة القفلة تبقى مذهلة
اتمنى ان تسعدوا بها مع اطيب تحياتى

salhi_haithem
23/11/2010, 18h08
أحبائى
والآن مع اللقاء المنتظر
فكرونى
كاملة فى 14 صفحة راعيت فيها كل حرف قالته ام كلثوم

والاغنية دى كانت بعد ماعبد الوهاب اقتحم صرح ام كلثوم عدة مرات ولازم يقدم كل مرة شىء جديد عشان مايبقاش متكرر , من اهم الاشياء صولو الطبلة اللى فى وسط موسيقى الكوبيليه الثانى , والغريب انه عمل صولة طبلة مع ان الطبيعى يعمل 4 موازير ايقاع فى اول الموسيقى , والصولو غريب يعنى تحس فى اوله انه بيحضر لشىء يعنى يديل الاحساس بالترقب بعدين يديك واحدة ونص يعنى لون غريب جدا على ام كلثوم الناس قالت ساعتها ده رقصها , وكانت ام كلثوم محتاجة ده عشان تبقى متجددة , وعشان جذب الشباب اللى كان بيسمع عبد الحليم وشادية
فى الكوبليه الثانى عمل جزء كبير جدا ادليب وهنا اكرر انه ادليب مش ارتجال كما قال احد الاخوة الأعضاء , لأنك لو سمعت عشر حفلات تلاقى الادليب هو هو بالحرف , ونأتى للقفلة خرج عن المعتاد وهو ان تقفل بالمذهب لكن قفل الاغنية بقفلة مسرحية خاصة ولم يغفل طريقته العبقرية بأنه فى اى مقام من المقامات الغربية ان يضع نغمة شرقية قبل القفلة وده شىء بيخلة القفلة تبقى مذهلة
اتمنى ان تسعدوا بها مع اطيب تحياتى


السلام عليكم ورحمة الله و بركاته
يا سلام ياسلام مفيش كلام يوصف استاذنا الفنان ما شاء الله عليك يا استاذنا بصراحه انا مش عارفه اقول ايه ده استاذنا البروفيسور عادل اصلو اسطوره و من راي الشخصي اعظم من الاهرمات بل اغلى هرم رابع بعد الاهرامات الثالثة كم انت امير يا سيد الجمال يا ولد النيل يا ساحر المشرق والمغرب يا امير في سماء الامراء.. المهم روعـــــــــــــــــــــــــــــــــــــــــــــــ ــــــــــــــه و هذه الاغنيه من كلمات عبد الوهاب محمد تجمع ذكريات الحب والحزن و الماضي والحاضر و الوفاء والخيانه و تعبر عن مشوار العمر الحلو والمر.
هذه من زمن الفن العظيم اللي مش ممكن يتعوض وهيفضل اثره موجود لاجيال (الله علي الزمن الجميل) و في انتضار الاغاني من نفس الوزن اي اغاني من الصنف الثقيل
مع اطيب تحياتي اخوكم هيثم

بشير عياد
23/11/2010, 18h12
أحبائى
والآن مع اللقاء المنتظر
فكرونى
كاملة فى 14 صفحة راعيت فيها كل حرف قالته ام كلثوم

والاغنية دى كانت بعد ماعبد الوهاب اقتحم صرح ام كلثوم عدة مرات ولازم يقدم كل مرة شىء جديد عشان مايبقاش متكرر , من اهم الاشياء صولو الطبلة اللى فى وسط موسيقى الكوبيليه الثانى , والغريب انه عمل صولة طبلة مع ان الطبيعى يعمل 4 موازير ايقاع فى اول الموسيقى , والصولو غريب يعنى تحس فى اوله انه بيحضر لشىء يعنى يديل الاحساس بالترقب بعدين يديك واحدة ونص يعنى لون غريب جدا على ام كلثوم الناس قالت ساعتها ده رقصها , وكانت ام كلثوم محتاجة ده عشان تبقى متجددة , وعشان جذب الشباب اللى كان بيسمع عبد الحليم وشادية
فى الكوبليه الثانى عمل جزء كبير جدا ادليب وهنا اكرر انه ادليب مش ارتجال كما قال احد الاخوة الأعضاء , لأنك لو سمعت عشر حفلات تلاقى الادليب هو هو بالحرف , ونأتى للقفلة خرج عن المعتاد وهو ان تقفل بالمذهب لكن قفل الاغنية بقفلة مسرحية خاصة ولم يغفل طريقته العبقرية بأنه فى اى مقام من المقامات الغربية ان يضع نغمة شرقية قبل القفلة وده شىء بيخلة القفلة تبقى مذهلة
اتمنى ان تسعدوا بها مع اطيب تحياتى

الأعمال العظيمة لا يقومُ بها إلا العظماء
دمتَ إنسانًا وفيّا ، وفنّانا عظيمًا ، ونهرًا من الحبِّ والإبداعِ والعطاء .
طبعا مجرد دخول الشاعر الكبير الأستاذ بشير عياد إلى هذه الصفحة وسام على صدرى
اشكرك من كل قلبى مع وعد بتقديم كل الأعمال العظيمة الباقية التى لم اقدمها بعد
مع اطيب تحياتى عادل صموئيل

salhi_haithem
24/11/2010, 11h52
السلام عليكم ورحمة الله وبركاته
تحية طيبة استاذ عادل ينقص كوبيله في فكروني وهو مقطع بعد ما اتعودت بعدك
مع ارق تحياتي القلبية اخوكم هيثم

ياسمين الشام
24/11/2010, 12h49
:emrose:شكرا لك معلمنا الغالي على فكروني:emrose:
كنا ننتظرها بفارغ الصبر

وأعتقد بعد فكروني راح يجي دور أنساك

أنشاء الله تدونها

وشكرا لك

وائل علوي
24/11/2010, 13h37
السلام عليكم ورحمة الله وبركاته
تحية طيبة استاذ عادل ينقص كوبيله في فكروني وهو مقطع بعد ما اتعودت بعدك
مع ارق تحياتي القلبية اخوكم هيثم

اخي الجميل عادل شكرا والف شكر على مجهودك
بالنسبة الى الاغنية انا الى الان لم اراجعها كلها لانني كنت مسافر امس البحرين ورجعت متاخر واليوم القيت عليها نظرة على العود ولم انتهى منها بعد
لكن ياريت استاذي الغالي تلقي عليها نظرة اكيد حتكون انت اسرع مني بما انك انت الي كاتبها هتعرف لو كانت ناقصة ام لا
ربما يكون الاخ هيثم محق
تقبل خالص تحياتي
اخوك وائل

وائل علوي
24/11/2010, 14h30
بالفعل استاذ عادل راجعتها وهي ناقصة ياريت تكملها
انا عارف ان ده هيكون شي متعب لك ان تدمج الجزء الناقص مع المكتوب مسبقا وهيلخبطلك الدنيا بس مينفعش الاعمال الرائعة دي تكون ناقصة وياريت متكنش في جزء منفصل لوحده يعني ياريت تكون مع النوتة كجزء واحد
تقبل اخلص تحياتي
وائل
اخوتى الاحباء
انا اعتذر
مع الاسف انا كنت فاكر ان الجزء الاول كان المقدمة والمذهب والكوبليه الاول لكن طلع المقدمة والمذهب فقط
انا حاليا بدون الكوبليه الأول ان شاء الله حاخلصه النهاردة
لكن حايكون جزء منفصل لأن دمجه داخل المكتوبة استحالة لأن فيها ادليب يعنى كل الادليب حا يتلخبط
وانا لو حبيت ادمجها داخلها يعنى لازم تتكتب كلها تانى وحتاخد وقت طويل إيه رأيكم ؟مع اطيب تحياتى عادل صموئيل

وائل علوي
25/11/2010, 00h34
بالفعل استاذ عادل راجعتها وهي ناقصة ياريت تكملها
انا عارف ان ده هيكون شي متعب لك ان تدمج الجزء الناقص مع المكتوب مسبقا وهيلخبطلك الدنيا بس مينفعش الاعمال الرائعة دي تكون ناقصة وياريت متكنش في جزء منفصل لوحده يعني ياريت تكون مع النوتة كجزء واحد
تقبل اخلص تحياتي
وائل
اخوتى الاحباء
انا اعتذر
مع الاسف انا كنت فاكر ان الجزء الاول كان المقدمة والمذهب والكوبليه الاول لكن طلع المقدمة والمذهب فقط
انا حاليا بدون الكوبليه الأول ان شاء الله حاخلصه النهاردة
لكن حايكون جزء منفصل لأن دمجه داخل المكتوبة استحالة لأن فيها ادليب يعنى كل الادليب حا يتلخبط
وانا لو حبيت ادمجها داخلها يعنى لازم تتكتب كلها تانى وحتاخد وقت طويل إيه رأيكم ؟مع اطيب تحياتى عادل صموئيل
اخي العزيز عادل كل الشكر والتقدير على ماتبذله من جهد ووقت بصراحة الواحد مكسوف منك ومش عارف يقولك ايه
طبعا الكل يتمنى ان تكون النوتة كاملة وجزء واحد لسهولة العزف والتنسيق لكن من الظلم والانانية ان نحملك فوق طاقتك ونطلب منك ان تعمل كده وانا قلت لك في مشاركتي السابقة ان دمج اي جزء ناقص سيكون عملية متعبة بس انا توقعت تكون في طريقة بحيث انك تضيف المقطع الناقص بدون اي مشاكل بس مدام حضرتك قلت ان ده هيخليك تعيد كتابة النوتة بالكامل من جديد وستاخذ منك وقت وجهد فانا شخصيا لا يرضيني ان احرجك واطلب منك هذا الشي واقول لك يا اخي العزيز اعمل اريح واسهل طريقة لا تتعبك وربنا يعطيك الصحة والعافية وطولة العمر
مع خالص احترامي وتقديري لشخصكم الكريم
اخوك وائل

عادل صموئيل
25/11/2010, 11h44
http://forum.toleen.com/uploaded1/124846_11211557554.gif (http://forum.toleen.com/)

احبائى
اقدم لكم الكوبليه الاول من فكرونى
وزى ماقلت انا دونتها من فترة بعدين كنت فاكر انى كتبت ااالكوبليه الاول وكملتها
وانا اعتذر عن تقديم الكوبليه منفرد بسما يجراش حاجة يعنى انتم ممكن ترتبوا الصفحات بطريقة تريحكم
المشكلة انى ما اقدرش ادمجها وسط الاغنية لن فيها ادليب كتير جدا والمفروض انى ادمجها فى صفحة رقم خمسة وفيه بعديها عشر صفحات كل الادليب اللى فيهم حايتلخبط بطريقة صعب تصليحه وعلاجها انى امسح كل الصفحات واعيد كتابتها تانى ودول عشر صفحات يعنى حياخدوا وقت كبير جدا اكون دونت فيه كذا حاجة
واساس المشكلة ان البرامج الموسيقية غربية اصلا يعنى فى الغربى ممكن تزود اى عدد من الموازير او الصفحات فى اى مكان لكن لما بنعمل ادليب هنا انا تحايلت على طبيعة البرنامج واى تعديل ممكن يحصل بعد الادليب لكن قبل الادليب انتم عارفين ان اى إضافة فى اى برنامج كمبيوتر زى الوورد اوفيس مثلا الإضافة بتعمل إزاحة , يعنى بتحرك اللى مكتوب بعدها لكن طالما المكتوب بعدها ده من طبيعة الرنامج اعمل تعديل زى ما انت عايز , لكن لو انت عامل حاجة مخالفة لطبيعة البرنامج , البرنامج مش حايستوعبها وحاتحصل لخبطة
وانا آسف مرة تانية , بس بينى وبينكم انا مش متضايق لن الأخطاء كلها مش موسيقية يعنى لو خطأ فى التدوين او كده انا اعنزل احسن
مع اطيب تحياتى

http://www.b66q.net/FF/3.gif (http://www.brrq.net/)

saidfawzy
25/11/2010, 13h53
أستاذ عادل
أنا بادور على نوتة
إستهلال راست لنصير شمة
ممكن الاقيها عند حضرتك

شكرا جزيلا على مجهوداتك الرائعة

نجيب مراد
25/11/2010, 14h01
وقيل في المدح
تراه إذا ما جئته متهللا كأنك معطيه الذي أنت سائله
يعني حضرتك يا أستاذ عادل اللي بتقول لنا متأسف عشان النوتة مش كاملة وبتكاملها، وتعتذر لنا عشان مش هتقدر تدخلها في النوتة الأصلية، المفروض إن إحنا اللي نعتذر لحضرتك على هذا المجهود الضخم والعطاء الذي لا يحد ، بصراحة أنت إنسان رائع ورائع قليل جدا عليك

بس معلش إحنا عايزين النوتة كاملة !!!!!!
اخى العزيز
النوتة كده كاملة يعنى 19 صفحة مش ناقصة حرف يعنى انت لو نزلتها وطبعتها بس محتاجة ترتيب الصفحات انا الاول كتبت المقدمة والمذهب وتركتها فترة طويلة ومن كبر حجم المقدمة والمذهب انا افتكرت انى كمان كتبت معهم الكوبليه الاول ثم كتبت الكوبليه الثانى والثالث والأخير , وطلعوا 14 صفحة وعشان اغانى ام كلثوم كانت مش بتتكتب انا حسيت انها كاملة كده يعنى اغانى عبد الحليم ووردة الطويلة ابام كنت فى الفرقة الماسية كانت 13 صفحة فقط مع اطيب تحياتى عادل صموئيل

عاصم المنشاوى
25/11/2010, 18h13
الأصدقاء

عجبنى جدا تعليق الشاعر /بشير عياد.....على تنويت الأستاذ/عادل ل "فكرونى"
وعايز أكتبه تانى:
الأعمال العظيمة لايقوم بها الا العظماء.....دمت انسانا وفيا....وفنانا عظيما...ونهرا من الحب والأبداع والعطاء.....ياأستاذ عادل

تحية حب للأطباء والدكاترة :د.وسام أكرم الدكتور الشاب طارق 766 الدكتور الصيدلى :نقولا مرجيه ....ولا ننسى الصديق الفنان المحاسب"سامى العشماوى"