المساعد الشخصي الرقمي

مشاهدة النسخة كاملة : مهارات متقدمة فى برنامج انكور للتدوين الموسيقى


عادل صموئيل
06/02/2009, 19h39
الى كل احبائى
اشكركم على حفاوتكم بموضوعى برنامج انكور
واقدم لكم مشروعى الثانى مهارات متقدمة فى برنامج انكور من إعدادى
راعيت فيه التبسيط فى الشرح , والمهارات مفيدة لكل الفئات , المحترفين والمدرسين والهواء
واقول لكم ياشباب حظكم حلو بالبرامج دى ياخسارة ماكانتش على ايامنا
واقول لكم مرة كنت فى الفرقة الماسية فى بروفة للفنانة وردة وقالت على النوتة : بالحرف الواحد : ياترى مفيش ماكينة تكتب النوتة دى ؟ وضحكنا كلنا لأنها ايامها كانت تتكلم فى خيال علمى
وانا كل مرة افتح برنامج انكور لأكتب نوتة اتذكر الفناة العزيزة وردة وابتسم وادعى لها باصحة والعافية وطول العمر
فهى الباقية من رائحة الحبايب .
وطبعا احنا متفقين انا تحت امركم فى أى استشارات او اسئلة وهناك مهارات اخرى فى الطريق

احمد سنايم
07/02/2009, 21h09
على راى اغنية نبيل شعيل ما اروعك يا استاذ عادل بمناسبة الحكاية اللطيفة بتاعت الفنانة وردة هل احمد فؤاد حسن كان بيزعل لما عبد الحليم يقود الماسية فى وجودة السؤال الثانى فى انكور ممكن انكور يحول ملفات الميدى الى نوتة ولو يقدر يا ريت تشرح الطريقة وشكرا الف الف شكر:emrose:

عادل صموئيل
08/02/2009, 14h25
على راى اغنية نبيل شعيل ما اروعك يا استاذ عادل بمناسبة الحكاية اللطيفة بتاعت الفنانة وردة هل احمد فؤاد حسن كان بيزعل لما عبد الحليم يقود الماسية فى وجودة السؤال الثانى فى انكور ممكن انكور يحول ملفات الميدى الى نوتة ولو يقدر يا ريت تشرح الطريقة وشكرا الف الف شكر:emrose:
اولا اشكرك يا اخ احمد
ثانيا عمر ماكان احمد فؤاد حسن بيزعل لأن كلنا كنا بنحب عبد الحليم جد ثانيا والمهم عبد الحليم لما كان بيشاور ما كانش مايسترو يعنى المايسترو بيشاور دائما اشارات الميزان لكن عبد الحليم كان بيترجم الجملة بأيده وبالذات الجمل فى الأدلييب يعنى لو تاخد بالك تلاقيه بيحرك ايده على حروف الجملة مش زى اى مايسترو بيشاورها على الميزان
بالذات سؤالك عن الميدى انا ماعنديش فكرة لسبب انا بكتب النوتة من دماغى مش بحب استعمل البرامج اللى تكتب لى
لسبب ان البرامج دى مش بتساعد على الكتابة ولكن بتفسد الكتابة , ويوجدبرامج منها كتير على المنتدى الاخوة الاعضاء منزلينها لكن انا مش بحب استعملها بحس انها عقيمة لأن حتى لو كتبت بتكتب نوتة صعبة جدا ماحدش يعرف يقراها .

فريد كمال
03/08/2009, 04h36
شكرا استاذنا العزيز على محبتك واهتمامك وربنا يبارك حياتك وتسعد بما تزرعه من محبة وعطاء
شكرا لك وللجميع تحياتى وتقديرى
فريد كمال

احمد سنايم
09/08/2009, 17h15
:emrose:استاذى الجميل الاكثر من رائع مايسترو عادل صموائيل يا ريت حضرتك تشرح طريقة كتابة الادليب على انكور لآنى بطبق النوت على انكور وصادفتنى نوتة رق الحبيب وفيها ادليب مش فى بداية الموسيقى بعد حوالى تسع موازير حضرتك علمنى اذاى اكتب الادليب فى البداية خالص واذاى اكتبة اذا كان فى نصف المقطوعة وعلى فكرة يا مايسترو انا بلاقى نوت كثير جدا على النت لاغانى مشهورة ولما اكتبها على انكور اكتشف ان فيها اخطاء كثيرة جدا انما النوت اللى حضرتك بتكتبها بطبقها على انكور بتكون صحيحة جدا وخلال ثلاث ساعات اكون حفظتها وعزفتها 100%ربنا يبارك لنا فيك ويخليك لنا ويفرحك بكل حبايبك وشكرا الف الف شكر:emrose:

عادل صموئيل
10/08/2009, 21h05
عزيزى احمد
طبعا انا بحب الناس اللى بتحاول تكون شاطرة
اول شىء كتابة الأدليب دى عمل تخليقى انا بعمله مش فى البرنامج اصلا وللعلم لو اللى عملوا البرنامج شافوا اللى انا بعمله ده حايتجننوا بس دى طبيعة المخ المصرى ما يقفش قدامه حاجة
اول حاجة فى الجزء التانى من شرح الأنكور فيع علامة قلت تحطها فى التوول بار فيها سهمين عكس بعض ووردة دى بتلغى عدادا الموازير اول حاجة اتأكد انك شفتها بعدين اضغط عليها افتحها واقفلها مرتين يعنى لازم تكون مش متظللة
دى وظيفتها بتخلى المازورة تلغى العداد وتاخد اى عدد من العلامات ممكن لو 100 علامة
تانى حاجة من القائمة score اختار الخيار قبل الأخير measure per system وده معناه عدد الموازير فى المدرج او السطر انت تظلل السطر بعدين تدوس الخيار ده حتلاقى مكتوب رقم 4 اذا كنت عامل اربع موازير خلى الرقم 1 عشان السطر يبقى مازورة واحدة بعدين اكتب اول نغمة وامسكها من راسها وهاتها فى اول السطر وابتدى اكتب الأدليب بس لاحظ المسافات بين الحروف لأن انت اللى حاتتحكم فيها جرب وقولى

احمد سنايم
11/08/2009, 20h29
:emrose:استاذى الجميل مايسترو عادل صموائيل ما شفتش الوردة لكن بديت من الخطوات اللى بعد كدة وكتبت الادليب لكن الحروف بتجرى منى واجرى المها ثانى وبعدين تجرى وهكذا ساحاول مرارا وتكرارا بشكرك جدا جدا جدا ولك منى الف والف تحية :emrose::emrose:
عزيزى احمد
راجع صفحة 7 فى الشرح فى اعداد التول بار
من قسم كيفية عمل الحلية حتلاقى العلامة اللى قلت عليها فيها نوارين عكس بعض ووردة جنب علامة الحفظ

فريد كمال
16/08/2009, 10h26
استاذنا العزيز
تحياتنا وتقديرنا لمحبتك ومدى عطاءك السخى....
لقد استفدت الكثير جدا من البرنامج والشرح الذاخر الذى قدمته سيادتكم ولكن هناك بعض المشاكل الهامة تعترض طريقى وهى طريقة الرجوع من سانيو الى سانيو...وطريقة الرجوع
فى السماعيات من الخانات الى التسليمه....وطريقة تحديد الأعادة فى الدواليب بين الخانة 1.....والخانة 2 ....
رجاء ان أمكن شرح هذه الأشياء الهامة التى تعترض سبيلى فى التدوين
ولك وافر بالتحية والاحترام

سامى امين
27/02/2010, 23h35
شكرا يا مستر عادل

سامى امين
28/02/2010, 21h08
هو البرنامج دا مبيشغلش ملفات الميدى

سامى امين
02/03/2010, 02h00
يا مستر عادل البرنامج حلو بس لية مش بيشغل موسيقى الميدى

كمال حسن
22/06/2010, 14h36
اسمح لي استاذ عادل ان اجيب الاخ سامي امين .
اخي العزيز البرنامج يحفظ الملفات بصيغة MIDI . ولكونه كذلك فأكيد انه يشغل هذه الصيغة .
مع تحياتي للاستاذ الفاضل عادل ولك اخي العزيز

كمال حسن

ابتسام عباس
11/10/2010, 19h39
وصلت للشرح يا استاذ عادل بس البرنامج نفسه لسه بدور عليه

حسام الدين 1978
26/12/2010, 14h25
استاذ عادل حياك الله شرحك جميل جدا حقيقي وجذاب بجد انا اشتركت في المنتدي عشان اكتب لك شكري لان موضعاتك جميلة انا مدرس مهارات موسيقية عندي سؤال مهم هل ممكن اكتب تمرين ايقاعي من برنامج انكور وكيف اصل لصفحة خاصة لكتابة الايقاع فقط هذا ما ينقصني في هذا البرنامج أرجوا منك الأفادة وشكراً جزيلاً :emrose:
:emrose: حسام أبو جنا:emrose:

عادل صموئيل
26/12/2010, 20h29
اخوتى الأحباء
ردا على الأخ حسام الدين
انا رديت عليه على الخاص بس حسيت ان من واجبى ان الجميع اقول لهم المعلومة دى لأن فيه اعضاء كتير ممكن يحتاجوا الميزة
أنا عملت موضوع كامل نزلته هنا فى موضوع الدروس ارجو الرجوع اليه لمن يهمهم الأمر
على هذا الرابط

http://www.sama3y.net/forum/showthread.php?t=87929

مع اطيب تحياتى

سامى امين
29/12/2010, 05h54
مستر عادل انا حولت نوتة لميدى وحاولت مع انكور يكتب الهارمونى بتاعها بس مش عارف انا اللى ماعرفتش ولا هو ماعرفش قولى اعمل الحكاية دى اذاى
عزيزى سامى
انا اللى مافهمتش من كلامك حاجة
يعنى ممكن تشرح لى انت عملت ايه بالظبط وواحدة واحدة
يعنى النوتة الاول كانت مكتوبة على ايه ؟ وحولتها ميدى ازاى بعدين عملت ايه
مع اطيب تحياتى عادل صموئيل

حسام الدين 1978
24/01/2011, 09h16
:emrose::emrose:شكراً جدا استاذي الكريم علي هذه المعلومات فعلاً هذا البرنامج انكور من اسهل البرامج في كتابة النوتة الموسيقية وسهل التعامل معه رائع جداً جداً ارجو لك التوفيق والتميز والجود والعطاء دائماً:emrose::emrose:

taher700
05/02/2011, 18h47
مشكورين يا استاذنا
انا مصري وأعمل مشرف مهارات موسيقية بسلطنة عمان وكنت أود ان اتعرف بشخصكم الكريم وانا بمصر لكن لم يمهلني القدر تلك الأمنية ولكن بحكم أمور الحياة والعمل لكني في منتهي السعادة حيث انني شرفت بالوصول الي المنتدي واكتملت سعادتي حين رأيت اسمكم الكريم
واحب ان اسأل سعادتكم سؤالا
كان هناك في النوت الخاصة بالمسابقات علي مستوي الجمهورية بعض الاخطاء والتي كنت اري بشخصي الضعيف انها اخطاء ولو حتي بالموتيفة وكنت اري من وجهه نظري البسيطة ان معظم سرعات المقطوعات لا تتناسب مع العمر السني للطلبة واحيانا كانت الاخطاء بالنوت لا يرد عليها احد ولا يجيب
وكنت عندما اري اسمكم الكريم كنت اتفاءلخيرا
والآن عندما رأيت هذا البرنامج اردت ان اقتنية مع انني اعرفة وقد كتبت علية قبلا
ولكنني لم اكن بالبراعة المطلوبة لانني كنت اكتب فقط والان بعد ان اطلعت علية وجدت انني اصبحت اكثر براعة في كتابة النوت
فشكرا لك علي المجهود المبذول بالمسابقات وتدوين النوت
والاشتراك بالمنتدي
طاهر حسن

الأخ العزيز
اهلا بك وانا على اتم استعداد ان اقابلك عندما تحضر بالسلامة الى مصر لكن اخبرنى قبلها لتنسيق المواعيد
انا هنا قدمت عدة شروحات لبرنامج انكور وهو افضل البرامج لكتابة النوتة على الإطلاق وحيث انا استخدمه لتدوين كل اعمالى , اولا لكى تكسب الوقت ارجو منك ان تراجع كل الشروحات التى انا كتبتها بدقة ولو وجدت عندك اى اسئلة انا تحت امرك , لأن البرنامج فيه مميزات كل ما تشتغل عليه اكتر ممكن تكتشف مميزات اكثر
اما بالنسبة لمشاكل النوت الموسيقية ف المسابقات كان هناك بعض الزملاء السابقين فى وزارة التربية والتعليم يضعون بعض المقطوعات كأنك تراها للكونسيرفاتوار لا لمبتدئين من الصفر , وانا انصحك حتى نتقابل ان لو عندك نوت من تلك المقطوعات استخدم خبرتك انت وقم بتعديل ماتراه حيث ان انا احسست من كلامك ان عندك خبرة , وانا احب من عنده خبرة ان يتكلم ويناقش من اجل ان يزود خبرته اكثر واكثر
مع اطيب تحياتى عادل صموئيل وآسف لتأخرى فى الرد عليك بسبب ما يحدث فى مصر الآن وان شاء اللاه يتم على خير

سعيد التازي
15/02/2011, 09h55
السلام عليكم استاذي عادل المحترم
لكم الشكر علدروس
اني مبتدي بالعود ؛ لقد استفدت من دروسكم ؛ الشكر ؛ الشكر ؛ الشكر :emrose::emrose::emrose:
كيف يمكنني ان اكتب مع البرنامج نصبيمول و ربع بيمول ؟ الخ
مع بالغ تحياتي للشعب المصري
سعيد

zakariya20
05/11/2011, 01h51
السلام عليكم جميعا و اخص بالشكر استاذنا الرائع عادل
لدي سؤال :كيف اجعل المسافات بين الاسطر اكبر لانني اجد صعوبة في وضع العلامة الموسيقية كما انني لم اجد بعض العلامات مثل FIN ؟ مع شكري الجزيل

إيمان.
11/04/2012, 19h39
الاستاذ عادل شكرا والف شكر لك على شرحك البسيط والواضح جدا للبرنامج بس انا عندي سؤال :
لو عندي علامه موسيقيه اتت في نهاية المدرج وعلامه اخرى اتت في بداية المدرج الذي يليه, كيف اربطهكم برباط زمني او لحني مع العلم لما بظلل اول علامه ثم اظلل العلامه التانيه تكون تظليل الاولى راح وبهذا لااستطيع ان اربطهم ...لك مني افضل تحيه والسلام .

salhi_haithem
11/04/2012, 21h55
الاستاذ عادل شكرا والف شكر لك على شرحك البسيط والواضح جدا للبرنامج بس انا عندي سؤال :
لو عندي علامه موسيقيه اتت في نهاية المدرج وعلامه اخرى اتت في بداية المدرج الذي يليه, كيف اربطهكم برباط زمني او لحني مع العلم لما بظلل اول علامه ثم اظلل العلامه التانيه تكون تظليل الاولى راح وبهذا لااستطيع ان اربطهم ...لك مني افضل تحيه والسلام .

السلام عليكم ورحمة الله وبركاته
الاخت ايمان بعد اذن الاستاذ عادل بطبيعة الحال يرجع كل الفظل له في تعلمين برنامج انكور
المسألة بسيطة تظغط على view ثم linear view فتلاحظ انه النوتة كلها اصبحت في سطر واحد
تذهب الى المازورة التي تريدين و تظلل الدرجتين ثم تظغط على الربط اللحني
ثم تعيد view ثم linear view كي ترجع النوته كما كانت
مع اطيب تحياتي هيثم

إيمان.
11/04/2012, 22h41
شكرا لك اخي هيثم وبارك اله بك ..
وعندي استفسار آخر ..اذا كان لدي ببداية الميزورة سكتة وتوجد علامة موسيقية تحت السكتة كيف استطيع كتابتها ..
لقد حاولت ان اكتبها بدون فائدة ....لكم تحياتي وشكري العميق ..

عادل صموئيل
12/04/2012, 10h22
اولا ردا على سؤال الاخت العزيزة ايمان
طبعا اشكر اخى العزيز هيثم ولكن عندى طريقة اسهل
من اهم مميزات برنامج انكور انك ممكن تحرك اى شىء انت شايفو فى الصفحة فى جميع الاتجاهات
يعنى انت مثلا عامل فى اعداد صفحتك عدد الموازير فى المدرج 4 مثلا ممكن لو وقفتى بالماوس وضغطى على اى مازورة من هاتى ال 4 موازير لو ضغطى على علامة كنترول زاد ( دال ) علامة اكبر بيسحب مازورة ما المدرج التالى يعنى يبقى عدد الموزاير عندك خمسة وبالتالى بيبقوا العلامات المراد ربطهم جنب بعض وتظلليهم وتربطيهم
والعكس لو ضغتى على علاة اصغر ( كنترول زائد جيم ) بيطرد مازورة من السطر اللى انتى فيه الى السطر التالى .. من الحركتين دول ممكن تتحكمى فى مكان الرباط انك تخلى المازورتين المفل يبقوا جنب بعض بدل ما يبقى نصف الرباط فوق ونصفو تحت .. ولو ايزة تخليه كده ( يعنى نصفو فوق ونصفو تحت ) ممكن تسجبة المازورة من تحت زى ماقلت واعملى الرباط بعدين اطردى المازورة تانى .. حتلاقى آخر مازورة مربوط مع اول المازورة
وفيه ميزة كمان ان احيانا بيبقى مازورة مزدحمة ومازورة فاضية يعنى فيها نغمات قليلة ممكن تمسكى البار بتعا بين المازورتين من اوله من اعلى وتحركيه يمين او يسار تضيقى وتوسعى الموازير زى ما انتى تريدى
طبعا جربى الكلام ده فى صفحة جديدة بحيث انك تتتعودى على المهارة دى عشان فى وسط الكتابة تعمليها وتبقى سهلة لأن الحاجت دى بتحصل كتير واجنا بنكتب
فيه كمان ميزة مهمة جدا ... احيانا بتبقى المدازورة مزدحمة ويحصل جزء مزحوم اوى زى مثلا 4 دوبل كروش وفى وسطهم علامة تحويل هنا ممكن النغمات بتتداخل او تختفى حاجة انتى ممكن توسعى العلامة نفسها
يعنى تمسكى رأس العلامة وتضغطى بالماوس وتحركيها شعرة يمين او يسار زى ماتحبى
طبعا كل الكلام ده مع التعود حتلاقيه سهل جدا جدا
اما عن سؤال الاخ العزيز زكريا 20 وهو برضو فى سياق الموضوع
هو بيشكو من ان ساعات علامات من المدرج الاعلى تتداخل مع علامات من المدرج الاسفل ودى بتحصل لما يكون فى المدرج الاعلى علامات منخفضة اوى زى صول تحت المدرج مثلا ويتصادف ان فى المدرج الاسفل علامة عالية زى رى او دو فوق المدرج هنا ممكن يتداخلوا وعشان نوسع المسافة بين المدرجين فيه طريقتين سهلين اوى بس حسب طبيعة اللحن .....
الحالة الاولى لو لحن والموضوع ده بيتكرر كتير هنا انا عادة بعمل الصفحة 11 مدرج انت خليهم عشر مدرجات والمسافة حاتبقى اوسع وتكتب براجتك
الحالة الاولى وهى اكثر شيوعا ان التداخل ده بيحصل مرة او مرتين فى الصفحة
ان ممكن تمسك المدرج الأسفل من طرفه العلوى اليمين بالماوس فى الزاوية وتضغط وتسحبه شعرة او شعرتين الى اسفل هنا انت بتوسع المسافة وطبعا لازم تجربها فى صفحة فاضية عشان برضو بتحصل كتير واثناء الكتابة ما تسببش مشكلة
اما عن كتابة كلمة f in دى لو توجد جاهزة ولكن بنكتبها بالتكست الكلمة وتكتب بجوارها نقط من علامة نقط ( على حرف ز )
وانا انصح دائما انك تراجع الشرحين اللى انا عاملهم لأنك كل مرة حاتستفيد شىء جديد
مع اطيب تحياتى

إيمان.
13/04/2012, 19h17
شكرا لك استاذ عادل ..
جزاك الله كل خير وسعادة..
بارك الله بك..

زينة الغريبي
30/07/2012, 19h15
سؤال استاذ عادل بعد اذن حضرتك

زينة الغريبي
30/07/2012, 19h17
سؤال استاذ عادل بعد اذن حضرتك
هل تكتب الجملة الاولى من الاغنية بهذه الطريقة
و شكرا

عزيزتى زينة
هو ممكن بس حاتبقى صعبة اوى يعنى حتى اللى بيكتب ممكن عينو تتعب من النظر الى العزف
وبعدين المشكلة فى الموسيقى الشرقية اننا بنكتب اللحن الاساسى اما المصاحبات دى العازف هو بيعملها حسب شطارته فى البيانو
وممكن عشر عازفين بيعزفوها يعملوا اللحن المصاحب مختلف
واسألأك هو اللى فى الصورة ده ايه برنامج ولا واحد مبرمجها ؟

زينة الغريبي
30/07/2012, 19h58
[QUOTE=زينة الغريبي;599150]
سؤال استاذ عادل بعد اذن حضرتك
هل تكتب الجملة الاولى من الاغنية بهذه الطريقة
و شكرا

عزيزتى زينة
هو ممكن بس حاتبقى صعبة اوى يعنى حتى اللى بيكتب ممكن عينو تتعب من النظر الى العزف
وبعدين المشكلة فى الموسيقى الشرقية اننا بنكتب اللحن الاساسى اما المصاحبات دى العازف هو بيعملها حسب شطارته فى البيانو
وممكن عشر عازفين بيعزفوها يعملوا اللحن المصاحب مختلف
واسألأك هو اللى فى الصورة ده ايه برنامج ولا واحد مبرمجها ؟
‫26- ظƒظٹظپ طھط¹ط²ظپ ط§ط؛ظ†ظٹط© ط¯ط§ظ„ظٹط¯ط§: ط*ظ„ظˆظ‡ ظٹط§ ط¨ظ„ط¯ظٹ‬‎ - YouTube (http://www.youtube.com/watch?v=4Zx7yYEudnc&list=FLwLT6uXIsO2FCQH5qBua4ew&index=1&feature=plpp_video)

زينة الغريبي
30/07/2012, 19h59
[QUOTE=زينة الغريبي;599150]
سؤال استاذ عادل بعد اذن حضرتك
هل تكتب الجملة الاولى من الاغنية بهذه الطريقة
و شكرا

[U]عزيزتى زينة
هو ممكن بس حاتبقى صعبة اوى يعنى حتى اللى بيكتب ممكن عينو تتعب من النظر الى العزف
وبعدين المشكلة فى الموسيقى الشرقية اننا بنكتب اللحن الاساسى اما المصاحبات دى العازف هو بيعملها حسب شطارته فى البيانو
وممكن عشر عازفين بيعزفوها يعملوا اللحن المصاحب مختلف
واسألأك هو اللى فى الصورة ده ايه برنامج ولا واحد مبرمجها ؟


شكرا استاذ عادل على جوابك السريع
اما بالنسبة اللي في الصورة هو غالب ظني انه برنامج يقرأ ملف ميدي و يحوله الى عزف على البيانو ثم يتم تسجيل العزف بالفيديو
و هذا مثال اخر على برنامج اخر

Pirates of the Caribbean - "He's a Pirate" Piano - YouTube (http://www.youtube.com/watch?v=LKcE565O7_k&feature=related)

عزت شحاته
29/01/2013, 16h06
استاذى الجميل / عادل صموئيل
مساء النور والهنا
امنياتى بدوام الصحه والعافية
-------
سؤالى الاول يا باشا
متعلق بكيفية عمل نوتة ايقاع كمدرج ثانى مع مدرج اللحن الاصلى للحن - مرفق مثال لاغنية ميدى داخل ملف ونرار فتحته عن طريق برنامج الانكور
-------
سؤالى الثانى
عند فتح البرنامج تظهر صفحه صغيرة تحمل عنوان font replacmentتجعل الصفحه مدرجات خاليه ليس به اى شئ مما دونته بها من قبل - ارجوا الافادة

khalil mourad
21/05/2013, 19h28
أستاذنا الجليل عادل
أولا لك مني أزكى التحية و السلام ومتمنياتي بدوام الصحة و العافية، و ثانيا تشكراتي على الشرح الوافي و الذي استفدت ،أنا ،منه الكثير، وقد كانت مشكلتي معه مضاعفة : مشكلة التعامل و مشكلة اللغة ، لكن بفضلكم تمكنت من تجاوزكل العقبات.
لدى سؤالا واحدا هو كيف أرسم هذا الخط كما في المثال

khalil mourad
23/05/2013, 18h42
الأستاذ الكريم عادل صمويل
أرجو ألا تعير أي اهتمام لسؤالي، فبعد مجموعة من التجارب ، وجدت الحل
تحياتي

اخى العزيز
فى استمعال البرامج مثل انكور او فوتو شوب مثلا البرامج دى بتحتاج مهارة عالية وتدريب كتير وتسخير كل امكانيات البرنامج للطلب الذى تحتاجه وانا مع الاسف لم اشاهد سؤالك الاول الا اليوم بعد ان وصلت انت للحل
وميزة التجارب انك ممن توصل لكتر من اجابة لأكتر من سؤال
ممكن تشرح لنا عملت ايه ؟ ليستفيد من تجربتك الاخوة الاعضاء
هو فى القائمة GRAphic بيوجد مربع فيه سطر افقى ويوجد فى اسفل القائمة درجات من كثافة الخط يعنى تعلم بالماوس على الخط ثم تعلم على سمك الخط المطلوب ثم تعمل الخط بالطول الذى تريده لكن فيه حاجة ناقصة وهى الزوايا التى على الأطراف عملتها ازاى ؟
وفيه شىء مهم جدا ارجع اقرأ الشرح مرات ومرات ايضا ستجد اضافات لم تكتشفها اول قراءة انا بعمل كده
وبعدين نتكلم مع اطيب تحياتى عادل صموئيل

عادل صموئيل
27/05/2013, 15h52
استاذى الجميل / عادل صموئيل
مساء النور والهنا
امنياتى بدوام الصحه والعافية
-------
سؤالى الاول يا باشا
متعلق بكيفية عمل نوتة ايقاع كمدرج ثانى مع مدرج اللحن الاصلى للحن - مرفق مثال لاغنية ميدى داخل ملف ونرار فتحته عن طريق برنامج الانكور
-------
سؤالى الثانى
عند فتح البرنامج تظهر صفحه صغيرة تحمل عنوان font replacmentتجعل الصفحه مدرجات خاليه ليس به اى شئ مما دونته بها من قبل - ارجوا الافادة



اخى العزيز
اولا انا آسف لأنى لم ارى مشاركتك الا اليوم
الاجابة عن السؤال الاول
دى بتيجى على طريقتين
الطريقة الاولى لو لسه حاتفتح ملف جديد تكتب فيه اللحن
فى اعداد الصفحة بتلاقى نافذة فيها عدد السطور فى الصفحة وعدد الموازير فى المدرج وفوقهم عدد السطور المندمجة يعنى هو معمول اصلا 2 عشان تكتب لو للبيانو واحنا بنخليهم رقم واحد عشان تكتب مدرج واحد زى ما انا بكتب عادة شغلى
لكن لو عايز تعمل مدرج مصاحب خى رقم 2 زى ماهو
ولو نوتة مكتوبة من قبل على انكور افتح الملف واقف بالماوس على اول مازورة فى اللحن وافتح القائمة score
واضغط على add staff حايديك مدرج جديد تحت كل مدرج عندك تعمل فيه اللى انت عايزه
ولو حاتعمل مثلا ايقاع فى مازورة ويتكرر طول اللحن
ظلل الايقاع وانسخه والصقه فى المازورة اللى بعديها وخليك دايس تلاقى الايقاع نزل على كل الموازير لحد آخر اللحن
اما مشكلة font replacment دى مشكلة فى منتهى الخطورة وبتنتح من ان اللحن مكتوب قبل كده فيه حاجة منو من فونت اما تالف او مش موجود على جهازك
يعنى مثلا لو انت اخدت ملف مكتوب على انكور من واحد صاحبك وكان كاتب حتى ولو حرف على فونت ( قول كوفى مثلا او اى حاجة ) لو الفونت ده مش متسطب على جهازك حايعمل المشكلة دى مالهاش حل غير انك تعمل اوكى وامرك لله
مع اطيب تحياتى

khalil mourad
28/05/2013, 16h10
أستاذنا الجليل عادل
كما تفضلتكم بالإشارة إلى ذلك مرارا فبرنامج أنكور "طيع" إلى درجة لا تصدق.
لسرم الشكل :
من قائمة Graphic اختر الخط الأفقي (يمكن اختيار أي شكل حتى المربع و الدائرة) و بالضبط في أسفل القائمة أي الخطوط العمودية (كثافة الخط) أنقر على أي خط تريد سيعطيك علامت + ضعها في أي مكان و انقر بالأيسر و دون أن ترفع أصبعك عن الماوس خذ أي اتجاه تريد، و إذا ما أردت رسم زاوية ما عليك إلا أن ترفع أصبعك عن الماوس لتثبيت الخط ثم انقر ثانية و تابع الرسم في اتجاه الزاوية القائمة.
أزكى التحيات
و الشكر الجزيل لكم

عزت شحاته
23/06/2013, 14h36
استاذى الجميل / عادل صموئيل
معلهشى كنت اقصد سؤالى ف المشاركة العاليه
هل الانكور يستطيع اخراج ملف ميدى صوتى ( خط لحنى + خط ايقاع )
زى المثال اللى انا نزلتة ف البمشاركة السابقة
ولم اقصد كيفية كتابة السطر الثانى
----------
سؤال اخر
هل يمكن اخراج الميدى الصوتى من الانكور
بصوت اخر غير الة البيانو
-----------
والف شكر على تعبك ومجهودك وعطائك

عادل صموئيل
05/07/2013, 20h03
الاخ العزيز عزت شحاته
انت سألت اسئلة كتير
اقدم لك هذا الشرح فى ملف وورد اوفيس اقرأه بعناية وياؤيت لو طبعته عشان تذاكره كويس
اما كيف تعمل ملف صوتى ميدى من انكور

افتح ملف الانكور الذى تريد تحويله الى ميدى
ثم افتح من file واعمل save as يفتح لك نافذة الحفظ
اسفل حتلاقى نافذين السفلى فيها خيارات اختتار منها ميدى الخيار الاول
ثم اعمل اوكى

مع اطيب تحياتى

مهدي01
21/08/2013, 10h33
استاذ عادل لك مني الف تحية و شكر على المجهود الراقي الذي تقوم به من اجل السمو و رقي الموسيقى
وبرنامج انكور مذهل فعلا و لكن اود ان تشرح كيفية نقل الكتابو من برنامج انكور الى ملف الوورد اي الى صفحة الوورد
قعند كتابة النوتة او المقام او الايقاع غلى البرنامج كيف احوله الر صفحة الوورد من اجل تحضير مذكرة درس موسيقي
ارجو ان تتطيب و ان تتقاعل مع هذا السؤال لاني بحاجة الى هذا العمل في دروسي مع التلاميذ
تقبل تحياتي

عادل صموئيل
21/08/2013, 20h49
اخى العزيز
انا آسف جدا جدا عن التأخير فى الرد انا كنت غايب عن المنتدى نظرا لظروف الارهاب الرهيب الذى تتعرض له مصر

انا فهمت من رسالتك الاخيرة المضوع اكتر
هو فيه برنامج بيجول الانكور الى pdf وانا منزله هنا فى المنتدى لكن لحد دلوقتى مفيش برنامج بيحول الانكور الى وورد اوفيس
انا كنت كموجه اول فى وازرة التربية والتعليم بحتاج الخاصية دى يععنى كنت اضع امتحانات واشترك فى وضع كتب تحتوى على سطور موسيقية وسط الكتابة فى اللورد طنت اتحايل طبعا على الظروف الموجودة حقول لك الطريقة وكانت ناحجة جدا جدا وهى بتعتمد على طريقة وضع صورة عن طريق مربع نص فى الوورد اوفيس
يعنى اول طريقة انك تتعلم وضع مربع نص فى صفحة الوورد وتحركه فى المكان الذى تريده وعن طريق المقابض الموجودة فى المربع انك توسع المربع من اليمين او اليسار واسفل واعلى حتى يتناسب مع الصورة المطلوب وضعها فيه ثم تحرك المربع فى المكان الذى تريده وتكتب تحت المربع الكلام الذى تريده
والآن كيف نجعل من الانكور صورة
اولا جهز برنامج انكور واكتب على المدرجات ماتريد من الموسيقى تخيل مثلا انك كتبت مدرجين
ثانيا قم بحذف باقى المدرجات الخالية والطريقة مكتوبة فى شروحى لبرنامج انكور
ثالثا قم بتصوير الصفحة ( يعنى تصوير ما على الشاشة ) عن طريق مفتاح print scrn وهو موجود على الكى بورد بجوار مفتاح F 12
يوجد عندك من ملحقات الويندوز برنامج اسمو paint ايقونته على شكل كوب به فرشات الوان
ممكن تأتى به لو ماتعرفوش عن طريق start ثم programs ثم من القائمة accesories حتلاقى البرنامج اسحب الايقونة الى الدسك توب عشان تلاقها كل مرة بسهولة
ماتقفلش الانكور فى هذه اللحظة ولكن اقفله عن طريق الشرطة
وافتح برنامج البينت واعمل لصق او paist حتلاقى صورة انكور نزلت على البرنامج واعمل لها حفظ حاتنزل فى الصور
هنا ملف انكور بقا صورة
هنا بنحتاج اى برنامج لعب فى الصور تفتح فيه الصورة وتقص الزيادة الموجودة ف الصورة بمعنى ماتخليش غير المدرجات المطلوبة فقط
ونرجع للأوفيس اكتب اللى حاتكتبه ولما تحتاج السطر الموسيقى اعمل مربع النص ودخل فيه الصورة
اقرأ كلامى كذا مرة العملية طويلة شوية لكن لو جربتها كذا مرة حاتتقنها بسرعة
يعنى انا بالتكرار مش بتاخد منى اكتر من دقيقة وتبقى سهلة جدا
جرب ومع اطيب تحياتى

مهدي01
22/08/2013, 12h05
استاذي الغالي عادل لا تتاسف وانما نحن اللي نتاسف على كثرة الطلبات عليك والله الشرح كان وافي لكن بعض الامورو لم افهمها مثل مربع النص والبداية نتاعو اما الباينت فهو معروف ياخبذا لو يكون الشرح بالصور ان امكن اما اذا اخذا منك مجهود فلا داعي
وفي الاخير بارك الله فيك على الشرح المميز ساحاول معه وان وجدت صعوبة ساستشيرك
جعل الله عملك مثقالا في ميزان حسناتك
اخى العزيز
انا اشكرك لتفهمك
الموضوع بينقسم الى 3 اقسام القسم الاول فى الوورد اوفيس انا بستعمل 2003 ممكن اشرح لك عليه انا عندى النسخة العربية
مع اطيب تحياتى عادل صموئيل

عادل صموئيل
23/08/2013, 21h43
شرح مربع النص ى ملف وورد مرفق

مهدي01
28/08/2013, 13h10
اااااااااااااااه الف الف الف الف ومليون شكر على العمل اللي انجزت استاذنا عادل
شكرا على الرد السريع و الله رانا متاسفين على كثرة الاستفسارات و الطلبات اعذرنا
دعواتنا لك بالخير و السلامة و الحفظ و السون من المولى عزوجل لك و لاولادك ولكل الساهرين على الموقع
ساقوم بتجريب العمل على اوفيس 2007 وان منفعش ساذهب للاوفيس 2003

اخى العزيز
انا مش بزهق من كتر الاستفسارات
والاول اهم شىء تكون فهمت موضوع مربع النص وموضوع ادراج صورة داخل مربع النص
وهو بالطبع موجود فى كل نسخ الوورد اوفيس
مربع النص ده لو ميزات كتير جدا جدا جدا يعنى انصحك انك تشترى كتاب او اسطوانة تعليم على الوورد اوفيس وتكون لى النسخة اللى عندك وانا للعلم افضل 2003 لأنها تكفى بالغرض لأن 2007 فيها حاجات كتير زيادة زحمة يعنى وعمرك ما حاتستعمل الامكانيات دى كلها
من اهم مميزات مربع النص ايضا
انت لما تكتب على صفحة الوورد بتكون متقيد بنظام البرنامج نفسو
يعنى متقيد بهوامش من اعلى واسفل ويمين ويسار الصفحة ابرنامج مش بيكتب فيه
طيب انت لو مثلا عايز تعمل عنوان لمكتب محامى مثلا فى ملف قضية او اى عنوان لمكتب او شركة ما
بتكون محتاج تعمل اسم المحامى ووظيفته وعنوانه مثلا فى اعلى يسار الصفحة
الجزء ده الوورد اوفيس مش بيكتب فيه لأنو متقيد بالهوامش هنا ييجى دور مربع المص انك بتعمل مربع نص فى المكان ده وتكتب فيه اللى انت عايزه وبعدين بتنسق الخطوط يعنى كلمة محامى تحتها اسم المحامى بخط اكبر
تحتها محامى بالاستئناف العالى ومججلس الدولة بخط اصغر وتعمل توسيط للخطوط
من مميزات مربع النص انك كمان ممكن تحركه فى المكان الحدد اللى انت تختاره
اما عن الاستفسارات انا اى شىء اتعلمته فى حياتى عن طريق الاستفسارات الكتير
مع اطيب تحياتى عادل صموئيل

salhi_haithem
19/10/2014, 13h17
محاولة بسيط في التدوين على برنامج انكور

شيراز احمد
21/12/2014, 21h26
مجهود رائع جدا وبالتوفيق لكل الأساتذة الكرام :emrose:
ولكن لم يذكر طريقة كتابة الأنا كروز فى برنامج الإنكور :(
فأتمنى من سيادتكم توضيح كيف تدون الأنا كروز فى هذا البرنامج لكى يستفيد الجميع :)
ولكل جزيل الشكر والتقدير :emrose:

مهدي01
28/03/2015, 09h29
استاذ عادل كيف استخدم اشارات التحويل الشرقية نصف البيمول و نصف الدياز من البرنامج من فضلك
شرح بسيط من حضرتك فقط

سامى امين
29/03/2015, 21h55
مستر عادل عاوز اكتب ادليب حاولت مع البرنامج بس معرفتش :emrose::emrose:

saadmohmed
23/09/2016, 16h35
بارك الله قيط تعلمت الطثير منكم