المساعد الشخصي الرقمي

مشاهدة النسخة كاملة : اغنية أنت مسافر فايزه أحمد


فؤاد
24/02/2008, 20h43
زمان يعني ممكن بالتحديد عام 1980 سمعت أغنية فايزه احمد انت مسافروهي من تلحين الدكتور نبيل ياسين
انت مسافر ولأول مره تغيب عني
انت مسافر ولاول مره تروح مني
ولاول مره الضحك في عيوني بكي
ولاول مره بشوف خيالي في البكا
الدموع دي عندي غاليه عايزه اشوفها ببتسامه عايزه اشوفها مره تانيه وانت راجع بالسلامه والفين سلامه
والمقطع الثاني زمان اول مسمعتو مقدرتش اعرف فايزه بتقول ايه ممكن اللحن غريب شويه او فايزه متسرعه او مش عارف ممكن عم الالاتي هو اللي بفسرها
انت بتقول ايه ياأملي منشغلش أزاي عليك ده انت صوتك مالي قلبي كل يوم هيخدني اليك والكلام اللي انت عارفه فوق شفايفي هينديك والحنان اللي انت شايله جوه قلبي بينديك
معذره انا مش حافظ الاغنيه كويس
وبعدين المقطع الاخير
اكتبلي اكتبلي دايماً اول بأول ان شاله كلمه وانا هكمل ........
كانت ذكريات
ذكريات لحن جديد علي فايزه وعلي أذن المستمعين وعلي أذن فؤاد

غازي الضبع
24/02/2008, 20h51
تحياتي لك يا أستاذ فؤاد
الله ينور عليك
هل ممكن ترفع لنا رابط هذه الأغنية
على فكرة انا من عشاق فايزة أحمد
لكن تصدق ما سمعتش الأغنية دي
أو ربما سمعتها ومش واخد بالي
هيا يا صديقي سمّعها لنا
وخلينا نحبها زيك
فهذا هو أحد أهداف دعوة موسيقية على أغنية

تحياتي

safylife
24/02/2008, 21h04
الاغنية موجودة فى صفحة فايزة احمد على سماعى
و الاغنية شجية و معبرة و يمكن فايزة ابدعت فى التعبير بصوتها لدرجة تخلى اللى يستمع للاغنية يحس فعلا ان فايزة بتصرخ الما و احتجاجا على سفر حبيبها
اختيار موفق للسمع

فؤاد
24/02/2008, 21h13
http://www.sama3y.net/forum/showthread.php?t=376&page=5

علي هذا الرابط من اغاني فايزه صفحه 5 اغنية انت مسافر
شكراً لك أخي العزيز

فؤاد
24/02/2008, 21h15
الاغنية موجودة فى صفحة فايزة احمد على سماعى
و الاغنية شجية و معبرة و يمكن فايزة ابدعت فى التعبير بصوتها لدرجة تخلى اللى يستمع للاغنية يحس فعلا ان فايزة بتصرخ الما و احتجاجا على سفر حبيبها
اختيار موفق للسمع

برافو عليك نفس أحساسي الله ماأجمل صوت فايزه أحمد
كأنها تبكي وهي فعلاً تبكي في هذه الأغنيه
زمن الحب والطرب الجميل

فؤاد
25/02/2008, 09h26
وعلي فكره الأغنيه هادي منزلتش حفله
بس انا سمعت بعدما رحلت فايزه انها غنتها في حفله خاصه ولم يعثروا علي هذه الحفله الي الأن ؟؟؟؟؟

الاسداوى
02/03/2008, 15h59
اجمل ما فى تسجيل الاغنية ويهيىء لى انه التسجيل الوحيد لها
هو الاداء الحوارى لكلمات الاغنية بين فايزة وكاتب الكلمات على ما اعتقد حسين السيد

الألآتى
05/03/2008, 00h51
بسم الله نبدأ فى تحليل أغنية ( إنت مسافر )

الكلمات : حسين السيد

الألحان : د . نبيل ياسين

الغناء : فايزة أحمد

البداية مع مقام الراست .. المقام الشرقى الأصيل .

لازمة موسيقية طويلة تقرب من الأربع دقائق .. المقدمة من الراست يتخللها مقام الصبا والعودة مرة أخرى للراست لبداية الغناء ..

نستمع لصولاهات ( عزف فردى ) من ألات الكمان والأورج .. وتغنى فايزة ..

تغنى فايزة ( إنت مسافر ولأول مرة تغيب عنى ) من الراست .. حتى تصل إلى ( لأول مرة تروح منى ) .. فنسمع جملة موجعة من السلامية ( من عائلة الناى ) .. هذه الجملة الموجعة .. هى مقام الصبا .. وبالتحديد .. الدرجة الثانية من الراست ..

لماذا إختار الملحن هذه الدرجة ليبدأ منها الصبا ؟ بالرغم من غرابتها ومخالفتها لقوانين التحويل ..

لأنه ببساطة شديدة .. يريد أن تظل فايزة فى نفس الطبقة الصوتية المنخفضة .. لا يريد أن يصعد بها وبنا إلى طبقة أعلى .. لم يأتى وقت إرتفاع الطبقة بعد ..

ثم يأتى وقت الصعود بالطبقة .. عند ( الدموع دى عندى غالية ) فنعود للراست مرة أخرى لننهى المذهب ..

لازمة موسيقية من نفس المقام ( الراست ) مع إيقاع الرومبا .. ثم صولو من الأورج مع تغيير الإيقاع إلى المقسوم ..

تغنى فايزة ( كلمتين خليك فاكرهم ) من الراست .. ثم تحويلة لمقام البياتى وتغنى ( كل سكة مشينا فيها ) ..

ثم ( والليالى الحلوة جنبى ) من الحجاز .. تمهيداً للعودة للراست عند ( والدموع دى عندى غالية ) حتى نهاية الكوبليه ..

لازمة موسيقية من مقام البياتى .. مع إيقاع السلو رومبا ثم المقسوم ..

وتغنى فايزة ( إنت بتقول إيه ياأملى ) من الدرجة الثالثة لمقام البياتى لزوم الغناء العالى ( الجواب ) ..

ثم يعود بنا الناى إلى البياتى من درجته الأصلية .. وتغنى فايزة ( والكلام إللى إنت عارفه ) ..

إلى نهاية الكوبليه بنفس الترتيب المقامى الذى حدث فى الكوبليه الأول ..

( والجمال إللى إنت راسمه ) من الحجاز .. والعودة للراست ( والدموع دى عندى غالية ) ..

هنا يحدث دخول لمقام النهاوند لأول مرة .. وحوار بين ألات النبر ( الجيتار والكونترباص ) وبين الوتريات ..

ثم تغنى فايزة ( إكتبلى دايماً أول بأول ) من نفس المقام ( النهاوند ) .. مع تغيير الإيقاع إلى ( الكراتشى ) أو الجراتشة .. لا فرق .. وهو إيقاع رباعى الميزان .. تبدأ فيه ( التك ) بدلاً من ( الدُم ) عكس معظم الإيقاعات على نفس الميزان ..

ثم عودة للبياتى عن طريق كوبرى ( راست النوا ) .. ( كل سكة مشينا فيها ) .. وهكذا حتى نهاية الكوبليه ..

وتنتهى الأغنية .. ولا ينتهى الحديث عن فايزة .. فهى مطربة قديرة تستطيع أداء أى لون .. تشعر فى صوتها حنية وإحساس متدفق .. تجعل الملحن مستريح وهو يلحن لها ..

أرجو أن تستمعوا وتستمتعوا ..

غازي الضبع
05/03/2008, 12h05
الفنان الجميل الأستاذ / محمد الالاتي
حقيقي إنت أستاذ كبير جدا
الله ينور عليك
كل مرة باعجب بإسلوبك أكتر وأكتر
دلوقتي أنا بقيت مشتاق أسمع الأغنية دي بفارغ الصبر
تحياتي ومحبتي

فؤاد
05/03/2008, 12h13
بسم الله نبدأ فى تحليل أغنية ( إنت مسافر )


الكلمات : حسين السيد

الألحان : د . نبيل ياسين

الغناء : فايزة أحمد

البداية مع مقام الراست .. المقام الشرقى الأصيل .

لازمة موسيقية طويلة تقرب من الأربع دقائق .. المقدمة من الراست يتخللها مقام الصبا والعودة مرة أخرى للراست لبداية الغناء ..

نستمع لصولاهات ( عزف فردى ) من ألات الكمان والأورج .. وتغنى فايزة ..

تغنى فايزة ( إنت مسافر ولأول مرة تغيب عنى ) من الراست .. حتى تصل إلى ( لأول مرة تروح منى ) .. فنسمع جملة موجعة من السلامية ( من عائلة الناى ) .. هذه الجملة الموجعة .. هى مقام الصبا .. وبالتحديد .. الدرجة الثانية من الراست ..

لماذا إختار الملحن هذه الدرجة ليبدأ منها الصبا ؟ بالرغم من غرابتها ومخالفتها لقوانين التحويل ..

لأنه ببساطة شديدة .. يريد أن تظل فايزة فى نفس الطبقة الصوتية المنخفضة .. لا يريد أن يصعد بها وبنا إلى طبقة أعلى .. لم يأتى وقت إرتفاع الطبقة بعد ..

ثم يأتى وقت الصعود بالطبقة .. عند ( الدموع دى عندى غالية ) فنعود للراست مرة أخرى لننهى المذهب ..

لازمة موسيقية من نفس المقام ( الراست ) مع إيقاع الرومبا .. ثم صولو من الأورج مع تغيير الإيقاع إلى المقسوم ..

تغنى فايزة ( كلمتين خليك فاكرهم ) من الراست .. ثم تحويلة لمقام البياتى وتغنى ( كل سكة مشينا فيها ) ..

ثم ( والليالى الحلوة جنبى ) من الحجاز .. تمهيداً للعودة للراست عند ( والدموع دى عندى غالية ) حتى نهاية الكوبليه ..

لازمة موسيقية من مقام البياتى .. مع إيقاع السلو رومبا ثم المقسوم ..

وتغنى فايزة ( إنت بتقول إيه ياأملى ) من الدرجة الثالثة لمقام البياتى لزوم الغناء العالى ( الجواب ) ..

ثم يعود بنا الناى إلى البياتى من درجته الأصلية .. وتغنى فايزة ( والكلام إللى إنت عارفه ) ..

إلى نهاية الكوبليه بنفس الترتيب المقامى الذى حدث فى الكوبليه الأول ..

( والجمال إللى إنت راسمه ) من الحجاز .. والعودة للراست ( والدموع دى عندى غالية ) ..

هنا يحدث دخول لمقام النهاوند لأول مرة .. وحوار بين ألات النبر ( الجيتار والكونترباص ) وبين الوتريات ..

ثم تغنى فايزة ( إكتبلى دايماً أول بأول ) من نفس المقام ( النهاوند ) .. مع تغيير الإيقاع إلى ( الكراتشى ) أو الجراتشة .. لا فرق .. وهو إيقاع رباعى الميزان .. تبدأ فيه ( التك ) بدلاً من ( الدُم ) عكس معظم الإيقاعات على نفس الميزان ..

ثم عودة للبياتى عن طريق كوبرى ( راست النوا ) .. ( كل سكة مشينا فيها ) .. وهكذا حتى نهاية الكوبليه ..

وتنتهى الأغنية .. ولا ينتهى الحديث عن فايزة .. فهى مطربة قديرة تستطيع أداء أى لون .. تشعر فى صوتها حنية وإحساس متدفق .. تجعل الملحن مستريح وهو يلحن لها ..

أرجو أن تستمعوا وتستمتعوا ..


جميل ياأستاذ انت استاذ فعلاً
بس الطبقه اللي بتغني في فايزه في المقطع الثالث ( انت بتقول ايه ياأملي منشغلش أزاي عليك )
مش أي مطربه ممكن تؤديها بالطريقه الصحيحه
صح؟

الألآتى
05/03/2008, 16h01
جميل ياأستاذ انت استاذ فعلاً
بس الطبقه اللي بتغني في فايزه في المقطع الثالث ( انت بتقول ايه ياأملي منشغلش أزاي عليك )
مش أي مطربه ممكن تؤديها بالطريقه الصحيحه
صح؟

فى الحقيقة ياأستاذ فؤاد .. إن هذا المقطع بالذات من أخطر مقاطع الأغنية .. لأن هذه الطبقة عالية أكثر من اللازم حتى على فايزة .. ولا يستطيع التصدى لها إلا مطرب .. والحمد لله إن فايزة عدت منها على خير .. والمشكلة أن المطرب الغير متمكن لا يستطيع التلوين من هذه الطبقة .. فهو قد يصل إليها ولكنه لا يستطيع التلاعب بصوته داخل الجملة اللحنية .. وهذا ماحدث مع فايزة .

ولو عايز رأيى .. أعتقد أن هذا المقطع أضعف جزء فى اللحن .. لأن الملحن وضع المطربة فى مشكلة جواب الجواب .. كما أنه لم يمهد بالموسيقى للوصول للطبقة .. فالموسيقى سلمت على درجة ركوز المقام .. وفايزة غنت من الدرجة الثالثة لسلم المقام .. لذا نشعر أنه حدثت قفزة غير متوقعة ..

فؤاد
05/03/2008, 17h34
فى الحقيقة ياأستاذ فؤاد .. إن هذا المقطع بالذات من أخطر مقاطع الأغنية .. لأن هذه الطبقة عالية أكثر من اللازم حتى على فايزة .. ولا يستطيع التصدى لها إلا مطرب .. والحمد لله إن فايزة عدت منها على خير .. والمشكلة أن المطرب الغير متمكن لا يستطيع التلوين من هذه الطبقة .. فهو قد يصل إليها ولكنه لا يستطيع التلاعب بصوته داخل الجملة اللحنية .. وهذا ماحدث مع فايزة .


ولو عايز رأيى .. أعتقد أن هذا المقطع أضعف جزء فى اللحن .. لأن الملحن وضع المطربة فى مشكلة جواب الجواب .. كما أنه لم يمهد بالموسيقى للوصول للطبقة .. فالموسيقى سلمت على درجة ركوز المقام .. وفايزة غنت من الدرجة الثالثة لسلم المقام .. لذا نشعر أنه حدثت قفزة غير متوقعة ..

شكراً استاذي العزيز لأهتمامك بالموضوع
حبيبي من هنا ورايح الأستاذ محمد الألاتي :emrose::emrose::emrose:

عاطف
24/03/2008, 21h58
طبعا أغنية أنت مسافر من روائع فايزة أحمد

شكرا أستاذ فؤاد لتذكيرنا بكلمات الأغنية

لك خالص تحياتي

محمد عصر
02/07/2008, 07h25
من اجمل الاغانى للمطربه فايزه احمد

كل سكه مشينا فيها همشى و تغرب عليها
كل بسمه شفها قلبى معاك هفكر روحى بيها
احلى كلام و اعذب الالحان:emrose::mdr:

Egy_LoveR
04/07/2008, 15h28
الله الله ايه الكلام ده...ايه الكلمات دي :) وايه الصوت ده

الاستاذ ابو حسام بجد والله تسلم ايديك على التحليل ده...وفعلا اللحن جميل جدا... وفعلا فايزة احمد ابدعت فيها
لم الحظ الورطة التي وقعت فيها الست فايزة (انت بتقول ايه)، لكن طبعا لا تخطئها اذن محترف كابو حسام.... اظن ان فايزة احمد استطاعت الخروج سالمة من هذا الزنقة اللحنية دون نشاز

NAHID 76
07/07/2008, 01h35
بسم الله الرحمن الرحيم
استاذ عبد الحميد
على لسان فايزة احمد
الدمع دى عندى غالية عيز اشفها ببتسامة عيز اشفها مرة تانية وانت راجع بالسلامة والف سلامة سلامة الف سلامة
يا سلام انا كنت فاهمة انى لوحدى الى عرفة الاغنية دى ولعلمك لا تفارق كاست العربية وانا مسافرة اى مكان
انت بتقول اية يا املى منشغلش ازاى عليك
اكتبلى اكتبلى اكتبلى
اكتبلى ديما اول باول ان شالله كلمة ونا حكمل احسن انا عرفة حتقولى اية

كل سكة مشينا فيها حمشى وتغرب عليها
جميلة وانا هنا بشكرك عليها
تحياتى

mohamedsub0
24/01/2010, 19h32
نشكر لكم وممتنون لقد كنا وما زلنا تواقين لسماع هذه الأغنية أبقاكم الله لنا وللفن الأصيل

عفاف سليمان
28/01/2010, 14h55
اخى فؤاد
منذ كام يوم شاهدت هذه الاغنيه
ورغم انها من فتره انت قمت بهذه المشاركه
بسهره على هذه الاغنيهhttp://pictures.brooonzyah.net/rdod/57.gif
الا اننى لم احاول ان ادخلها
لانها تؤثر فى وجدانى
http://pictures.brooonzyah.net/wrod/10.gif
وبصراحه حاولت اهرب منها
رغم انى لم يكن لى احد مسافر
كما فى قصة الاغنيه
http://pictures.brooonzyah.net/wrod/14.gif
الا انها تحفر فى قلبى المشاعر الجميله
وتحسسنى انى انتظر من سافر عن قلبى
وتركه وحيدا
لا استطيع ان اصف لك شعورى عند سماعها
وحاولت مرارا الا ادخلها
لكن غصبن عنى دخلتها لانى لا استطيع
ان ارى شىء لكروانتنا فايزه احمد
ومكتبس ولاا اتكلمش
اخى فؤاد
سلمت اخيتاراتك لهذه الاغنيات الجميله
لكروانة الشرق
فايزه احمد
http://pictures.brooonzyah.net/fwasel/3.gif
تحياتى لك وللجميع باسعد ووارق واطيب الاوقات
اختكم عفاف

فؤاد
03/02/2010, 11h27
اخى فؤاد


منذ كام يوم شاهدت هذه الاغنيه
ورغم انها من فتره انت قمت بهذه المشاركه
بسهره على هذه الاغنيه
الا اننى لم احاول ان ادخلها
لانها تؤثر فى وجدانى
http://pictures.brooonzyah.net/wrod/10.gif
وبصراحه حاولت اهرب منها
رغم انى لم يكن لى احد مسافر
كما فى قصة الاغنيه
http://pictures.brooonzyah.net/wrod/14.gif
الا انها تحفر فى قلبى المشاعر الجميله
وتحسسنى انى انتظر من سافر عن قلبى
وتركه وحيدا
لا استطيع ان اصف لك شعورى عند سماعها
وحاولت مرارا الا ادخلها
لكن غصبن عنى دخلتها لانى لا استطيع
ان ارى شىء لكروانتنا فايزه احمد
ومكتبس ولاا اتكلمش
اخى فؤاد
سلمت اخيتاراتك لهذه الاغنيات الجميله
لكروانة الشرق
فايزه احمد
http://pictures.brooonzyah.net/fwasel/3.gif
تحياتى لك وللجميع باسعد ووارق واطيب الاوقات

اختكم عفاف


أنت بتؤول أيه ....... يا أملي منشغلش أزاي عليك

أنتِ http://10planet.net/vb/images/smilies/new/omar22.gif أختي عفاف