كلمات أغاني دحمان الحراشي [الأرشيف] - منتدى سماعي للطرب العربي الأصيل

مشاهدة النسخة كاملة : كلمات أغاني دحمان الحراشي

ridha26

29/04/2007, 19h28

يا الحجلة

يا الحجلة جاك الصياد من بعيد (يحذر الحجلة من أن الصياد قد أتاها ليصيدها)
مع نسيم الصبحة والشمس طالعة (في وقت مبكر من النهار)
يا العلجة بهاك محاينو تزيد (العلجة أي الجميلة: يا حجلة يا جميلة جمالك يزيد يوما عن يوما)
مخبية في زينك وانتي شايعة (يظهر سر جمالك المكنون في طلعتك البهية وانت تحلقين عاليا)

يا الحجلة عينيك ملاح مذبلين (يمدح عينيها بالجمال والملاحة، مذبلين دلالة على أنوثتها )
عليك ديك النظرة بالسر ظاهرة (يمدح نظرتها التي تحمل سر الجمال)
فيك الرهبة ورجليك ديما محنيين (رغم هذا فهي تتملك ناظرها رهبة منها وأرجلها بالحناء)
يا من درى يجي يجيبك الوعد زايرة (يا هل ترى تزورينا يوما)
آش عندك قلبك حجرة ولا حديد (لا تكون قاسية كالحجر وزورينا)
ما ظهر خيالك واش بيك حايرة (ما ظهر خيالك أي لم نرك منذ مدة)

اللي يشوفك يفرح ويقول يوم عيد (واضحة)
خاطروا يتهنى والقلب يا درى (أي يرتاح بالو)
وهكدا يتمنى في حالتوا يغيد (يتمنى أن يبقى في هذه الحالة على طول)
من غرامك رجع مريض ما برى (لأن في غرامه بك المرض الذي لا يريد أن يبرء منه)
وجا يصيد ما قرا ما راح للمسيد (اأتى لكي يصطادك ما ذهب لكي يدرس في المدرسة أي المسيد)
الله يحسن عونو ما باع ما شرى (ربنا يكون في عونو من غرامك ولا حتى اشتغل)

ويا الحجلة ريشك أرطب من الحرير (يمدح ريشها الأن بأنه أرطب من الحرير)
شحال تواتيك ديك المشية مربعة (أي كم تليق عليك مشيتك المدللة المغنجة وانت على الأرض)
عليك يفنى اللي يحبك هكدا يغير (أي يموت في غرامك ويغير عليك من يريدك)
شاعلة في ذاتو نيران طالعة (لهبت نيران الحب في قلبه)
آش طامع داك الصياد الجديد (بدأت غيرته عندما رأى صياد آخر يتجه نحوها)
راه صابر يستنى فيك راجعة (يتمنى أن تعود إليه ولا ترضي بالصائد الجديد)

---------------------------------------------------
يا عندليب ما تخافش من غنوتك
قول شكوتك واحكي على بلوتك
الغنوة مش حتموتك، إنما...
كتم الغنا هو اللي حيموتك
عجبي
صلاح جاهين

ridha26

29/04/2007, 19h30

يا الرايح

يا الرايح وين مسافر تروح تعيا وتولي
شحال ندموا العباد الغافلين قبلك وقبلي
شحال شفت البلدان العامرين والبر الخالي
شحال ضيعت وقات وشحال تصيد مازال تخلي
يا الغايب في بلاد الناس شحال تعيا ما تجري
بيك وعد القدرة ولا الزمان وانت ما تدري
علاش قلبك حزين وعلاش هكدا كي الزاوالي
ما تدوم الشدة وإيلا بقيت عالم واكتبلي
ما يدوموا لايام ولا يدوم صغرك وصغري
يا حليلو مسكين اللي خاب سعدو كي زهري
يا مسافر نعطيك وصايتي اديها عالبكري
شوف ما يصلح بيك قبل ما تبيع وما تشري
يا النايم جاني خبرك كيما صرالك صرالي
هكدا راد وقدر في الجبين سبحانو العالي

--------------------------------------
يا عندليب ما تخافش من غنوتك
قول شكوتك واحكي على بلوتك
الغنوة مش حتموتك، إنما...
كتم الغنا هو اللي حيموتك
عجبي
صلاح جاهين

issam alaoui

22/08/2007, 13h19

ridha26

22/08/2007, 16h05

سلام اخي الكريم اشكرك مسبقا على مجهودك الجيد ولدلك دي طلب ادا امكنك تلبيته لي

اود منك رفع كلمات الاغاني التالية .
زوج الحمام
خليوني
اللي يدي حق الناس
اللي يزرع الريح
وين هما
الحق عليه النور
اللي فات مات

وشكرا لك اخي الكريم:rolleyes:

أخي العزيز،
سيأخذ ذلك مني وقت، وأنا لدي أشياء أخرى أظنها أهم أقوم بترتيبها لرفعها هذه الأيام. لذا عند الإنتهاء منها سوف أحاول رفع الكلمات، أو ربما تطوع أحد الأعضاء النشطين وقام بذلك نيابة عني.
تحياتي

harrachi

17/07/2009, 00h47

من روائع الحراشي (بالمهل تزيان الرحبة)
بيت
بالمهل تزيان الرحبة والا بغيت دير الصحبة
كل واحد عندو لعبة غير ميز و شوف قبالك
بلاك تامن قوم النصبة غير اللي يحكيلك خطبة
توليلك لحدورة عقبة دير عقلك هو ميزانك
طالع
تبت عقلك من هاد القوم بلاك تنعس بلاك تنوم
لازم تعرف كيفاش تعوم ورد بالك قوم النصبة
تبت عقلك في كل يوم كونك فاهم كونك مخدوم
بلاك تحسب الصغر يدوم ما تسلك غير الهربة
غير اللي يقولك واش تكون باش يصيبلك كاشي سبة
طالع
تبت عقلك يا سي فلان رد بالك هدا الزمان
رد بالك كاين عديان يقابرو في باب الدخلة
تبت عقلك ميز وشوف رد بالك تدخل الكنوف
شحال فاتو قبلك ألوف شحال جازو قبلك طلبة
شاور قلبك يعطيك خبار خود رايي غير أتخبى
طالع
تبت عقلك يا المجرب بلاك تسافر و تغرب
ترجع في حالك معدب يعود خيالك فيه الرهبة
تبت عقلك كون مأدب ما تتقلق ولا تزرب
مايجيك صدع ما تشوف عجب ما تتكسر بيك الشطبة
اطلب ربي الحي القيوم وقول بركاني من الغربة
طالع
قرا كتابك وافهم الحروف تبت عقلك بلاك تحوف
ياك الناقص فعلو مكشوف هداك عمرو ما يتربى
تبت عقلك قيس و خمم واين ماشي واين تزدم
بلاك خير تولي مندم وما تفيدك حتى دربة
شاور عقلك يعطيك خبار وبلاك تقول هدي كدبة
بيت
بالمهل تزيان الرحبة و الا بغيت دير الصحبة
كل واحد عندو لعبة غير ميز وشوف قبالك
بالاك تامن قوم النصبة غير لي حكيلك خطبة
توليلك الحدورة عقبة دير عقلك هو ميزانك

بلخياطي

01/05/2010, 09h56

من روائع دحمان الحراشي "والله ما دريت"

والله ما دريت بالغدرة في مضرب لامان

وأنــا صـــافي بنيتي ما عنـــدي نقـــصـــان

والله ما دريت بحبابي يرجعولي عديان

وعلاش علاش هكذا خلاوك حيران

***

لو كنت عارف هكذا يصرالي يا ناس

نقرا حذري نعود هاني نرجع لاباس

لو كنت عارف هكذا كنت نقطع لياس

ما نخالطهم ما ندير في فكري وسواس

لاكن أنا بنيتي ما شفوشي لحالتي

ما ننساهمش طولي دنيتي علاش ما هم احنان؟

****

لو كنت عارف ما نخالطهمشي بزاف

هوما هوما سباب ضري ارماوني في الكاف

كي نتفكر ما جرالي نرجع نخاف

ولي صرالو كيف حالي عندو ما شاف

آسباب وليعتي معاهم ما صبت راحتي

منهم ما برات كيتي كواوني بالنيران

****

لو كنت عارف هكذا يسقوني بمرار

ما نعاندهم ونقول الله يستر يا ستار

وعلاش علاش هكذا سبقوني بالعار

ما ننساهم في حياتي عديان كبار

هذي هي قصيتي يقراوها في بريتي

ونهار نخلف دالتي يظهر البرهان

رابط الأغنية للتحميل:
http://www.sama3y.net/forum/showpost.php?p=71175&postcount=45 (http://www.sama3y.net/forum/showpost.php?p=71175&postcount=45)

ابو صفوان محمد

29/05/2010, 23h13

نرجو التوضيح هل الرحوم دحمان الحراشي يكتبكلمات اغانيه بنفسه يلحن لشعراء اخرين؟

tahtaoui

24/09/2010, 20h45

السلام عليكم
اخواني الاعزاء هل من الممكن تزويدنا بنوتات لدحمان الحراش و خاصة خليوني و يالمنفي ارجو من الاخوة و خاصة الجزائريين المساعدة
و جزاكم الله عنا كل خير

fahimsalama

12/11/2010, 10h24

السلام عليكم

ارجو من الاخوة الجزائريين اضافه كلمات اغنيه كيفاش ننسى بلاد الخير

zaki bounaghma

10/02/2011, 11h08

كلمات اغنية كيفاش ننسى بلاد الخير

كيفاش ننسى بلاد الخير كيفاش يصبر قلبي تهنى كيفاش صغري جايز فقير ووطني غاني مايفنى
نبدا بقصدي نشكر تحير الجزاير باب الجنة ,هادي خيرات الله كتير على البلدان زادت بنة,يا غضن الياس قدرك كبير يا بهجة زينك ساعدنا
مساميها الحراش عشير في متيجة خضرة سهرنا,فالبليدة سيدي احمد لكبير الفل والورد تم نتمنى,نوصل لمليانة ونسير لغيليزان تم نستنى

مستغانم زينت البهى المنير واللي قاصد ليها سالنا ,حياة الغرب فيه التفسير ووهران عالية تقابلنا,سيدي الهواري يا شعير قصدنا ليك تعاهدنا
في تلمسان ماتفخم الغير هادي مدينة تستغنى,قماش على للوان حريرالمسافر فيها غنى ,بلاد الفن يا لون الطير والاصل باهي عاجبنا

في ارض الصحرا بكر كبير لي عايش فيها عرضنا,دهب مالرملة بان يسيرالنخلة بالتمرة عسلنا,سيدي زرزور والي عشير بين الويدان وسلمنا
في عنابة بشارة وبشير شبان صغار تخاطبنا,الامة بينتلك تحرير القدرة جات تعاشرنا,لونك باهي غصن المنير وفراق صعيب مفكرنا

قسنطينة يا وردة في سرير فيك الاصل والديانة ,تواريخ فيك تبات كتير يا حجلة.. باب الحنة,سيدي راشد عساس دكير يجلب لي جايز ما ادنى
سطيف العالي بابو قصير القمح والشعير فيك حصدنا,سيدي الخير والي سخير والبرج قبالو واجبنا,في بني منصور غاب التدبير لطريق بجاية هاجرنا

ياما قوراية ساس البير اللي زارك مايتهنى,فيك السجاعة سيف وزير اتكل عالله زيد ادنى ,اوصل بعد الهجر العصير للعاصمة تما رسمنا
مالرباط لتونس اش ادير دين الاسلام باهي جمعنا,يامتاجر زيد فالتيسير اعلم ماكان وخبرنا,الله على كلش قدير والبراكة بيها زرنا

يا بهجة مثلك عيد صغير رمضان وعاشورا سنة, في مولود النبي البشير الاخوة جات تغافرنا,الصلاة على الهادي الندير يوم الاخرة يشفعنا

fahimsalama

30/03/2011, 15h42

الى الاخ العزيزbounaghma
شكرا جزيلا على كلمات اغنيه بلاد الخير جزاك الله خيرا فما اطيبها من كلمات جميله لمدح بلدات الجزائر الحبيب
ارجو ان تمن علينا اخى بكلمات الاغانى التاليه فهى جميله جدا
اللى مابغا يبغينى ننساه
سيدى ربى واش ال الغنى مولايا
العبد المغيار
الناس بالفعايل

reemyahia

22/02/2015, 22h46

ما شاء الله اخي الكريم
لماذا اوقفت هذا المجهود الرائع